Vâu Thla Ni 29, 2014... Issue No. 13

PAGE - 1

TUALCHHUNG :

Lo chhuak: Pu Lalthantluanga Branch YMA Fin. Secy chu Aizawl Hospital a a mit a lungte awm an zai hnuin March ni 24, 2014 (thawh\anni) khan dam takin a lochhuak leh ta a. Khawtlang tana ke chak taka a pen leh thuai theih nan dusakna kan hlan e.

Nau nei: Pu Lalrinmawia leh Pi Zaithanmawii te nupa Damvea Sec. a mi te chuan March ni 20, 2014(Ningani) khan Durtlang Hospital-ah an fa pahnihna atan naute mipa an nei thar.
@@    Pu Lal\anpuia leh melody Lalsiamkimi te nupa, Lalsavunga Sec. a mite chuan Referral Hospital Falkawn-ah an fa pakhatna atan naute mipa duhawm tak an nei thar.
@@    Pu Malsawmtluanga leh Pi Vanlalluri te nupa Lalsavunga Sec. a mite chuan Referral Hospital Falkawn-ah an fa pakhatna atan naute mipa duhawm tak an nei thar.

@@    Pu Vanlalzawma leh Pi Lalparmawii te nupa Lalsavunga Sec. a mite chuan naute mipa duhawm tak an nei thar bawk.

Pem lut: Pu Lalthanmawia te chhungkua, Phuldungsei Vengthar a awm \hin chu Hlimen ah an rawn pem a, tunah hian Pu K. Lalropara, Vawmphunga Section te in an luah a ni.

Camping nei: The Salvation Army, Hlimen Corps-ah Ephata For Christ ten March 27-29, 2014 chhung khan naupang camp an buatsaih.

Biakin hawng dawn: April ni 5, 2014 (inrinni) chhun dar 12 khian Hlimen Presby. Kohhran Biakin chu Rev. K. Lalhmuchhuaka, Moderator, Mizoram Synod in a hawng ang.

Khiangawi: Lalhriatpuii D/o Robuanga, Buala Section chuan March ni 27, 2014(Ningani) khan Henry Zomuansanga Rulchawm khua  a mi tawnah khiang min awisan ta.
    Tin, R.Lalnunpuii D/o Lalthiang-hlima, Buala Section a mi pawhin March ni 28, 2014 (Zirtawpni) khan Tualbung khua a mi tawnah khiang min awisan ta bawk.
     

FRONT :

HLIMEN BRANCH Y.M.A
COMMITTEE THUCHHUAK

    March ni 25, 2014 (Thawhlehni) zan khan Hlimen Branch YMA Committee vawi 3-na YMA Hall -ah neih a ni a. Hemi huna thurel mipuite hriat atana pawimawh zualte chu hengte hi a ni e :-

1.  CYMA Sports chung chang : Central YMA buatsaih Inter Branch YMA Sports  Joint YMA Field Vaivakawn a April ni 10-17, 2014 a\anga neih turah Item hrang hrang hengah te hian tel ve nise tih a ni.
    1) Volleyball (Mipa leh Hmeichhia) : Volleyball ah hian FIVB rules 2013-2016 hman a ni ang a, Member ten Ration Card a an chhuanna veng / Branch ah chauh an khel thei ang. Team khatah Player 12 an ni tur a ni. Ball ah hian Cosco (Super Volley) hman ni ang. Tournament hi Best Of Five Set (knock Out System) a khelh a in ang. VolleyBall Tournament hi April ni 10-17, 2014 chhunga neih tur a ni.
Incharge :     Pu Lalhmuchhuaka, Pu Lalrinmawia, Tv. R.Lalawmpuia
   
    2) Tug of War (Mipa leh Hmeichhia) :Team khatah Player 8 an ni anga, Substitute 1 a awm thei ang. Mipa Team member 8 te hi rihzawng belhkhawm hi 600kgs (MiddleWeight)  aia rit an ni tur a ni lo. Hmeichhe team Member 8 te rih zawng hi 480kg (Ultra Feather Weight) aia rih an ni tur a ni lo. Substitution a awm dawn chuana thlak tu kha a thlak tak aiin a rit tur a ni lo. Best Of Three a ni ang. Tug of War hi April ni 11, 2014-ah neih a ni ang
Incharge :      Pu R.Lal\anpuia, Pu R.Lalbiakmawia, Pu Lalchhankima, Pu Lalvulliana, Pu Lalhmunsiama
   
    3) Insuknawr (Mipa) : Team khatah Member 3 awmin, Suk (innawrna) 15 Ft a seia in nawr tur a ni. (Mimal a innawr tur ani lovang.)
Incharge : Pu Zoramhmangaiha, Pu Lalchhankima, Pu Lalremthanga
   
    4) Inkepir (Mipa) : Team inelna a ni anga, Team khatah member 5 an ni tur a ni.
Incharge : Pu Vanlaltluanga, Tv.Samson Lalrinfela, Pu Vanlalliana
   
    5) Kawi inkahsiak (Hmeichhia) : Branch khar a\angin member 2 zel tel theih a ni ang. (Ral sai anga kawi chhawn inkah fuh siak tur a ni ang.)
Incharge :  Pu Lalrinmawia, Tv. Lalthlengliana
    Tin, Mizo infiamna bik (insuknawr, inkepir,kawi inkahsiak etc. te hi April ni 11, 2014 -ah neih tur a ni.

2.  Pem lehkha : Pu Lalthanmawia te chhungkua, Phuldungsei Vengthar a miten Hlimen a pem an rawn dilna lehkha chu an dil ang hian pawmsak an ni.

3.  Godown plaster chung chang : Thlanmual-I a Godown chu a bang leh a chhuat rawng hnawih thar nise tih a ni.
     

 PAGE - 2

EDITORIAL :

Hlimen mi nih a va nuam em!!!
    Khawpui chhung leh veng dang dang a\angte in chhiatni \hatni ah te Hlimen ah hian an lokal \hin a. Chung mi tam takte chuan Hlimen khawtlang chhiatni \hatni a kan in\awiawm dante an hmuhin an fak ve fo \hin. Hlimen khawtlang mi leh sa nih pawh a tinuam hle. Keini chhungkua pawh hian chhiatni leh \hatni te kan lo tawng ve nual tawh a. Chhiattawkin nu leh pate pawh kan lo sun ve tawh a, chunga khawtlang nula tlangval leh mipuite \hat zia leh min thlamuan hneh ziate kha aw!!!
    Vawiin ni ang hian tualchhung chanchinbu a lawmthu han sawi a rem ve ngang si lova, ka lawmzia entir nan leh mite \hatna ka hmuh leh hriat zawng zawngahte ka lawm tak zet a ni tih an lo hriat nan tiin - ka rul seng dawn chuang lo tih hre reng mah ila, ka dama ka hman phawt chuan chhiatni \hatni ah te theih ang tawk chhuah zel hi ka lo tum ve \hin. March ni 27, 2014 a ka fanu in Rulchawm a pasal a neih chung changa Bus khat tlat maia zan riak meuha min han \awiawm maite kha Hlimen nih tinuamtu chu a va ni tehlul em!!!!
    Chumai a nilo, kan \halaite pawh an che mawiin City Area nge nge tih pawh kan hlawh phah nghe nghe, chungte pawh chu lawmthu sawi aiin Hlimen an chawimawi tlat a, Hlimen mi nih hi a va nuam em tiin lawmthu sawi thiamlo pawh ni ila kan lawmna hi chetzia a lantir hi ching ila, Hlimen nih hi a nuam zel dawn a ni.
HLIMEN MI NIH A VA NUAM EM!!!!

ZIAKTUTE HUANG :

TANRUAL A TUL ZAWK.
– Damveng tlangval
    Hlimen hi a tirah tak chuan in za nufa pawh an nih mang a rinawm lem love. Chumite thlah kal zel chu tunah hian In engzat tak awm ang maw? Hlimen khua, Sailo lal Lalsavunga’n chhak a nawrpui tak lai khan Hlimen khua hi khaw rauhsan anga sawinate pawh a awm. Chumi hnuah chuan din thar leh-in khaw hran hran a\angin an lut ta ruih ruih pawh a ni mahna. ‘PEM’ khawm ho chuan tuna Hlimen khua hi khaw tihthamin an lo siam ta te pawh a ni ta ve ang.
    A enga pawh chu ni se ‘PEM’ tih \awngkam hi \awngkam mawilo tak a ni a. Mizo rilru-ah phei chuan inhmuhsitna \awngkam lar tak pawh a ni, hman uar loh chi leh Ziaka thu dah dawn phei chuan hman duh tur chi loh khawp a ni ngei ang.
    Aizawl khawpui te han tehkhin ta ila, a tirah chuan Mission veng deuh chauh hi veng awmchhun, Sap Missionary te pawhin a an thuthmun a ni a, (Hriat sual loh chuan) tichuan pem khawmin veng lian leh Mizoram khawlian takah siamin, Veng heti zat hi a lo awm phah ta a, tichuan Aizawl hi khaw ropui leh Mizoram pumpui awmdan relna hmun pawimawh leh Khawpui (Capital) hial a lo ni ta.
    Pianna atanga punna ringawt hi chu a chak loh avangin khawlian leh ropui ni tur chuan pem lut neih tam hi a ngai a, chung mite hmuhsit chu mahni hmasawnna tur hmusit te pawh an chantir theih ang chu.
    Khawvel pum huapin thlirna i han nei chhin teh ang. A tirah chuan America (Tuna Khawvela ram ropui ber  leh hausa ber) khu Christopher Columbus-a’n a hmuhchhuah tirh chuan Hnam mawl, hnam khat chiah (Red-Indian) tlem te chauhvin an luah. Tichuan Europe te, Asia leh khawmualpui hrang hrang atangin an pem lut chur chur a, A pem lut hmasate leh roreltuten Administration \ha taka an enkawl avangin leh Pathian an hriat tlat avangin tun dinhmunah hian an inhlangkai thei ti ila kan tisual lo ang chu. Chutiang bawkin Australia leh New Zealand te pawh khu PEM awmkhawmna a ni.
    Vawiin ni-a PEM nia kan hriatte hi Kohhran-ah leh khawtlangah a hruaitu pawimawh leh vawiin ni-a kan veng HLIMEN tichangkang tura tha thawh hlawk hlawk an ni. Zep thu a cheng lo. Chuvangin tawngkama PEM tih thu hi sawi fo lova, kan khawtlang-in tun aia hma a sawn theih nana kan \anrual zawk hi a pawimawh ber zawk a ni. Hetiang \awngkam, mite thin tina thei leh tha tina thei kan hman fo hian kan veng  \hang mek hi a ti\huanthu thei a, mite \hahnem ngaihna pawh a tidal thei ngei ang. Chuvangin, PEM Pem inti lovin, mi vengte angin a pem hmasa leh hnuhnung kan awm a ni mai a, Rilru inpawh taka kan \anho hi kan tihtur zawk a ni.
    Tera, Abrahama pa hun ata tawh mihringte hi pem pem mai kan lo ni a, Mizote ngei pawh thlang kan tlak avanga tuna, kan ram MIZORAM hi luah kan ni. Chuvangin tumah hian kei hi ka hmasa  tih theih a ni bik lovang.
    Kan khua, kan veng, Hlimen khaw mihlun leh a khaw neitu diktak chu, Hlimen khaw hmangaihtu, kan veng hmasawnna tur ngaihtuaha rilru senga tha thawhtute hi an ni ringawt mai a ni.
    Hetiang hian i ngaihtuah zawk teh ang u. Pem pem intih hi zawng a khaw hawi zau loh thlak. Vawiinah hian Hlimen tana \hahnem ka ngaih dan hi a timualpho duh zawnga hma latu (Ruihhlo leh thil thalo danga Hlimen chiahpiahtirtu) ka nih chuan mikhual leh pem mai ka ni tih inhria ila. Nimin chauhva mi inluaha lut pawh ni ila, Hlimen hmasawnna leh lan mawi nana hna thawktu ka nih chuan a khaw mihlun in ti te aia hlun zawkah inchhal ngam bawk ang u. Hlimen hi tu ta bik mah a ni lo. Kan zavaia ta a ni. Tun aia hma sawn zel tur leh mi veng awt bik lo turin pem pem inti lovin i \angrual tlang zawk ang u.

(He Article hi Nikir thla, Ni 9,, 2007  Issue No. 23 a mi lakchhuah a niin Hlimen mipuite tan a pawimawh em a kan hriat avangin kan han tarlang leh a ni e)

PAGE - 3

HRIATTIRNA :

Local Council hriattirna
    |helretkawn (thlanmual I ) a kawng zauhna a kawn chei chu zawh thawkhat a ni ta a, rawng hnawih thar a niin cement work pawh la thar lam tak a nih avanginhe lai hmun a chetla \hin ten he hmun hi dimdawi hram hram turin kan in ngen a, khawtlang ta a nih tih hre reng in mahni ta anga en turin kan in ngen a ni.
    Tin, Hlimen ramchhunga in leh lo din thar (sa thar) emaw in sak sa extend/ repair tur nei reng reng te chu Local Council hriattir hmasa zel turin kan in hriattir nawn leh e.

    Sd/- Lalhmingliana
    Chairman Local Council.

Cook dil theih
    Hlimen Primary School I, II & III leh Middle School I & II ah Cook lak belh a ni dawn a, Dilna lehkha Paper a ziakin Pu Duhthusama, Secretary VEC hnenah April ni 2, 2014 ralhmain thehluh theih a ni.
    Tin, Cook hna thawhduhna school hming ziah tel tur a ni anga, diltu hming leh Adress chiang takin ziah lan bawk tur a ni.

    Sd/- Secretary
    VillageEducation Committee
    Hlimen : Aizawl

Faina Sub Committee
    Kan veng pawhin Faina kawngah hma kan sawn ve zel a, a lawmawm. Chutih rualin khua a \halin vaivut khu leh hnah tla a tam thei hle a, mitin ten mahni inbul \heuh te vawn fai kawngah \an ila deuh deuh ang u.
    Tin, nu leh pa ten faina kawngah kan fate zirtirna pek hi kan tihtur tih hre thar leh ila, nu leh pa te pawh entawn tlakin kan chetzia i fimkhur tlang ang u.

                Sd/- Chairman,
 Faina Sub- Committee.

Advertisement....

Hindi Teacher dil theih
    Candid English Medium Shool, Saikhamakawn a thawk turin Hindi Teacher a rang lama mamawh a ni a, dil duh tan a hnuai a phone No. ah hian zawhfiah theih a ni e. Hlawh chu ` 4000 a\anga \an tur a ni ang.

    Principal
    Candid English Medium School
    Saikhamakawn
(1-1)    Ph : 8731066925

LAWRKHAWM :

Motor lian park na tur en
    March ni 25, 2014 (thawhlehni) zingkar khan Hlimen Motor Parking Committee ten Motor lian engemaw zat tana   Park theih na tur; veng laili a\anga hmun lai li zawk tur si hmun dapin an fehchhuak a, Quarry hmun awl remchang lai tur nia hriat te an en ho a, Member thawkchhuak an \hahnem hle.       
    Tin, kan vengchhung leh kan veng \henawm te nen a kan in kar kawng te a zim avanga vengchhung mipui te him zawk nan leh hmun chep lutuk tur atan tun a\anga lo in ven lawk a pawimawh hle a. Lirthei (2wheeler a\anga Motor lian thlengin)neitu te pawh kan khawtlang hmasawnna tur a ni tih hria a inpekna nen a \ul dan ang zel a in huam turin Parking Committee chuan a duh em em a ni. Tin, mumal leh rualkhai zawk a motor Park a nih theih nan Parking Committee chuan hmalak zel a tum a ni.

Tleirawlte ni hmang dawn
    March ni 31, 2014 (thawh\anni) khian Hlimen Middle School-II ah Kiswari Diwas (Tleirawlte Ni) hman a ni dawn a,  Hlimen chhunga hmeichhe tleirawl te (Kum 11-18 inkar) te chu kal vek tur a ni. Programme hlimawm tak neih a ni dawn niin thu kan dawng.

fimkhur a |ul
    School naupang chawlh lai a ni a, kawngpui dungah pawh Bi-Cycle khalh te, infiam leh tual chai an \hahnem thei hle. Kum lama la naupang tak leh thaza rual an niin chetsualna kawngah fimkhurna na an la tlachham hle. Nu leh pa ten mawhphurhna nasa tak kan nei.    Tin, lirthei khalhtu te tan pawh fimkhur a \ul hle. A bikin Bi-Cycle khalhtu naupang te hi mahni side lam pawh hrethiam lo an ni tlangpui hlawm a, kawngkual lai ah phei chuan fimkhur zual a \ha awm e.

I fimkhur ang u
    1. HEATER:- Heater i hman zawhin off theihnghilh suh. Heater i hman laklawh laia current a tawp thut khan off zui nghal mai la,Current awm ve leh on leh zawk ang che, Heater off theihnghilh avanga kangmei tuar an tam tawh tih hria ang che.
    2. MOMBATI:- Mombati i chhitna tur ah khan fimkhur hle a ngai tih hria ang che. A bul hnaiah kang mai thei engmah dah suh. Mombati chhit fimkhur loh vanga thosi len kangkai ta mai te, a bul hnai thil kang thei dah avangtein midangten kangmei an tuar phah fo ani.
    3.MEITHUK / TAP MEI : Tunlaiin Gas harsatna vanga MEIHAWL thuk leh mei chhem lo thei lo kan tam hle.  I choka meichhemna te, i meihawl thuk hmanna bul hnaihah a kan kai theih tur turin engmah dah suh. Mitin ten kangmei laka kan him theih nan I FIMKHUR ANG U.
    4. Fimkhur tawk lohna : In lamah a ni emaw ram lamah a ni emaw kan meizial zuk bung paih hian kang mei a tichhuak thei tih hre nawn ila, tihhlum chianglo chuan paih mai mai lo ang u.
jac chetna
    March 22, 2014 zan khan Nl. Lalthangpuii dawr ,Kapdaia sec a mi chu rawk a ni a, hemi zan vek dar 12 vel khan a rawktu Zorinsanga S/o Biakthansanga, Damvea Sec. leh Zodinpuia S/o Daniela te chu JAC ten an man lehnghal  a, a tuk ah Police hnenah hlan nghal an ni.
    Tin, Tv. Ramfangzauva pawh a hma a alo intiam tawh angin Chawnpui Bethel Camping Centre-ah JAC ten an dah lut bawk. 

PAGE - 4

KEIMAHNI :
Hlimkhawpui Budget
    Hlimkhawpui  2014 March  thla Budget  pe tla tawh te:
1.    Saichhuma Sec.    2. Kapdaia Sec.
3.    Buala Sec.    4. Damvea Sec.
    Saichhuma Sec. te hian June thla thleng Budget an tlak tawh bawk.

Thlan laihpui
    Melthum ah mitthi 2 March ni 22, 2014 lama tlaivarpui an neih avangin Hlimen Branch YMA hruaitu te chuan thlanlaihpui ngaiin an hria a, mi 50 chuang zetin vawiin Pathianni chawhma lam khan thlan an va laihpui ta a ni. Tlawngaia thawkchhuakte an fakawm tak zet zet a, Branch hruaitute an lawm hle.

Buala Section
    March ni 29, 2014(inrinni) a Darlungkai a Blanket suk hnatlang neih tum chu khaw awmdan- in a zir loh em avangin(tui a bawlhhlawh ni a thu dawn a ni) \hulh a ni a, Blanket min suktir tum zawng zawng te hriathiamna kan dil a, remchhang hmasa berah blanket suk hnatlang hi neih leh tho tum a ni a, tlawmngai a min suk tir turin section mipui ten kan in ngen nawn leh e.

Sd/- Secretary

Saichhuma Section
    March ni 22, 2014(inrinni) khan Lucky Ticket vawr a ni a, heng mite hian an man :
    1st Prize    -    Pu Lalrindika     (SCS)
    2nd Prize    -    Pu Lalhmachhuana    (SCS)
    3rd Prize    -    Pi Zoramthari    (VPS)
    Lucky Ticket tlawmngaia min leisak tu zawng zawng te chungah Saichhuma Section YMA chuan lawmthu kan sawi tak meuh meuh a ni.
    Tin, March ni 29, 2014 khan Kawrpui ah Rora chhut hnatlang neih a ni a, hnatlanga thawkchhuak zawng zawng chungah hruaitu ten lawmthu kan sawi a, Tin, April ni 1, 2014(Thawhlehni) khian rora chhut hnatlang neih leh tur a ni a, member a tam thei ang ber thawkchhuak leh turin kan in ngen nghal bawk e.
    Hnatlanga thawkchhuak tur ten rawra chhutna hmanrua tuboh ken tel \heuh tur a ni.
   
Sd/- Secretary

Chhiatni Fund
    Chhiatni Fund  2014 chhung atan Branch YMA in chhungtin te hnena tuk chu tunlaiin khawn mek a ni a, chhungtin te lo in ringlawk turin kan in ngen a,  April ni 15, 2014 ralhmain a khawntu te hnena pe vek tur in kan in hriattir bawk.
    Tin, Section tin ten kan Section huamchhunga chiatni Fund kan khawn te chu Pu Robuanga, Fin. Secy. Chhiatni Fund Committee-ah thehluh zel tur a ni.
   
CHHIARTUTE NGAIHDAN :

@@    Hlawhfa Rate : Thil man a lo sang chho zel a, sa man pawh kan hlawh phak lova. Chuvangin hlawhfa rate hi tisan ve nise kan ti a. Hlothlo-in ` 250, bazar chaw lakin ` 300 nise, mipain ` 300 nise. Tunthla ni 31 a\ang hian hman \an nise ka ti.
- Inhlawhfa \hin ho, Hlimen
    (He thu hi Inhlawhfa Association din an awm hriat a nih loh avangin Hriattirna huanga chhuah lovin chhiartute ngaihdanah kan tarlang ta mai a ni e. - Editor)
@@    I hriselna kha a chhiat hmain veng uluk ang che. Thufing chuan tihdam aiin inven a awl zawk. Chhungkua khawtlangin hriselna a tlakchham chuan chhungkua a buai a, khawtlangin a tuar a, a retheih phahin rilru leh taksa tan hrehawmna nasa tak a thlen tir \hin. Chu chuan hlimna a um bo \hin. Kan hrisel lohna tam ber hi keimahni siam chawp a ni. Kan hnawmhnawk pai fimkhur lo luat avangte, kan tuichhe paih fimkhur loh avangte in tho a lo pung a, tho chuan kan eitur tamtak a bawm a, natna hrik thovin a hnutchhiahte chu ei telin hriselna a lo tichhe \hin. Chuvangin, kan damtlan nan leh khawtlang alo hrisel zawk nan faina kawngah hian nasa taka \anlak ava \ul ta em.
- RBZETHUP.COM

ADVERTISEMENT..

Âr chaw & vawkchaw
    Âr chaw (Broiler) a lian leh a tê leh vawkchaw lei tur englai paw’n kan kawl e. Min rawn dawr ve teh.
    In thian.
    Chhankima

Chawhmeh tuihnai
    Tualchhung Vawksa leh Bawngsa irno rep bakah a kambawl tuihnai tak englai pawhin lei tur kan nei reng e. Min rawn pan ve teh.
    In \hian,
    Dingpuii
(2-2)    Ph. 9436361642 / 9862089152

Shillong bawng sa rep
    Shillong bawngsa diktak, a rep tuihnai tak  Pi Lalsiamliani dawr venglaiah engtik lai pawhin lei tur a awm e. Khai 1 ` 250 man chauh a ni e. Min han dawr ve teh.

(2-2)                Ph : 9862476356 & 8974132805

Admission Open for the session (2014-2015)
    Solomon’s High School Upper khatla, Aizawl a awm \hin chu remchan zawkan avangin Pu Ranga Building Kulikawn ah kan insawn a, Session thar (2014-2015) atan Cl-VII to Cl- X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian I fate rawn dah ve rawh le, Mathematics leh science subject a harsatna neite leh sports a tui te duhsak bik an ni ang. Hostel a awm nghal bawk e.
    Contact :     1. 9774630781  
        2. 8014442431
        3. 8014389494  
                     HC. THAWNGA
    (7-7)                  Top Ten Math Tutor

Vâu Thla Ni 22, 2014.. Issue No. 12

PAGE - 1

TUALCHHUNG :

Damlo: Tv. Lalrinhlua S/o Lalzika, Buala Sec. a mi chu March ni 18, 2014 ( thawhlehni) khan Pi Darrovi in ah hna thawkin a chhun chawlh laiin a hnathawhna \henawm a tuipipe a siamsak chu a tla palh a, Hospital lam panpui nghal a ni a, a ke ruh a lo khi a, a \ul ang te buaipui a nih hnuin In lama enkawl chhunzawm turin hawtir leh a ni.

@@    Pu Lalthantluanga, Branch YMA Fin.Secretary chu March ni 21, 2014 (Zirtawpni) tlai lam khan Aizawl Hospital-ah a mit a lungte awm zai a ni a. Hospital ah hian enkawl chhunzawm mek a ni.

Nâu nei thar: Pu Zosanglura leh Pi Zonunmawii te nupa, Vawmphunga Sec. a mite chuan an fa pathumna atan March ni 21, 2014 (Zirtawpni) khan B.N.Hospital Kulikawnah fanu duhawm tak an nei thar.

@@    Pu P.C.Lalnuntluanga te nupa, Damvea Sec. amite chuan an fa pathumna atan fapa duhawm tak an nei thar bawk.

India aiawhin khel dawn: Vannunmawia S/o Sangzarliana Kapdaia Sec. a mi chu Shilong Club \ha Wahindoh Football Academy ah awmin U-14 Tournament South Africa a khelh turah thlan a ni a, USA, England leh S.Africa te nen Pool khatah an awm ho a ni. Kum liamta khan Saint Anthony School tan khelin Shilong ah an Champion a, an Player rinrawl ber a ni.
    Ram aiawh a khel thei infiammi chhuanawm kan khawtlangin kan nei hi a lawmawmin kan chhuang tak meuh meuh a ni.

Awareness nei: March ni 18, 2014 khan Hlimen ah AIDS leh T.B chungchangah Link Workers leh World vision \angkawp hmalak na in   Nl. Lalroliani te inah Awareness neih a ni a, vengchhunga nu \henkhat leh MHIP leh Local Council aiawh ten he hun hi an hmanga, hlawkthlak an ti hle.  

FRONT :

Free Dental Clinic neih a ni
J. Vanlalbiakdika. Secy. Local Council

    March ni 20, 2014(Ningani) khan World Oral Health Day pualin Indian Dental Association(IDA), Mizoram State Branch ten Hlimen YMA Hall-ah Free Health Clinic an rawn nei a ni a, Ha leh ka chhunglam Doctor mi 40 lai an lokal a ni.
    IDA, Mizoram State Branch te hian kumtinin World Oral Health Day hi Free Clinic neihna hun atan \angkai takin an hmang \hin a, a hma chuan World Oral Health Day hi  September ni 12 ah neih a ni \hin. Kumin a\angin March 20 ah hman \hin a ni tawh dawn niin an sawi. Kumin hian kan veng duhsakin Local Council te rawn bia in kan vengah Free Clinic neih an tum thu leh hmun hma tur kan neih \hat leh \hat lo te an rawn zawtfiah hmasa a,  Local Council ten harsatna tur engmah a awm loh thu lo hrilhin Free Clinic chu neih tura ruahman a ni ta a ni.
    He Free Clinic hi mumal zawk a neih a nih theih nan  March ni 14, 2014 (Zirtawpni) zing dar 7 khan Local Council te leh Hlimen Branch YMA OB te chuan Local Council Office-ah Joint Meeting an lo nei tawh a. Tin, IDA, Mizoram State Branch te hian a hmun hma leh \ul dangte zirchhiang a enfiah in  March ni16, 2014 (Pathianni) khan Hlimen ah Advance Team lo tir in YMA OB ten an lo dawngsawng a ni.
    March ni 20, 2014 a Inentirna hun \an hma hian hawnna programme tawi hman a ni a, he hun hi IDA, Mizoram State Branch President  Dr. Zothantluangi’n a kaihruai a, Report leh in hmelhriattirna chu Dr. C. Zirsangliana, Secretary in a nei bawk. Dr. Zothantluangi hian ha leh ka chhung enkawl pawimawh zia leh an pawl hmalak dan te a sawi a ni;tin, Local Council aiawh in Tv. Lalhmingthanga Member in Free Clinic rawn neitu te chungah te, Recieption hna thawktu MHIP leh Branch YMA ten a \ul dan ang zel a engkim an hmantir avangte a lawmthu sawiin inentir  chu chhun dar 12:00 ah \an a ni ta a ni. Sawi tawh angin he Free Clinic a Receiption/Registration lo buaipui hna hi MHIP, Hlimen Branch chuan tlin takin an thawk a, Registration a lan dan chuan mi 180 in hming an ziak a, hetih rual hian hming ziak lo, inentir engemaw zat an awm thu MHIP te hian an sawi bawk. Tin, veng dang - Melthum leh Thakthing a\anga inentir tura lokal an awm bawk. Ha hnawhtir mi 56 an awm a(Ha 100 hnawh a ni), a bak zawng te hi ha phawi leh Check-Up dang te an ni. Hriat theih chin a inentir upa ber chu Pi Dailovi (74) a ni. Tin, Damdawi a thawnin engemaw zat an sem a, in entirna hmun hi hmun 7-ah siam niin  Chawhnu dar 2 ah inentir chu zawh a ni ta a , Free Clinic buaipuitute puala ar sawhchiar tuihnai tak siam chu Local Council Office ah thingpui nen ei in tlai dar 3 pelh hretah Doctor rual te hian min \insan ta a ni.
    Lawmthu:  Kumin a IDA, Mizoram State Branch Committee in kan veng duhsak a, Free Clinic min rawn neih sak avang te, MHIP ten tlawmngaih chhuah tak meuh meuh a Registration hna leh a \ul dang engkim mai an thawh avang te; tin, Hlimen Branch YMA in a thlengtu chanchanga YMA Hall mai bakah Free Clinic buaipuitu te ei leh in tur siamna hmanrua engkim min hman tir avang te, Buala Section YMA in thingpui lumna hmanrua phal taka min hmantir avang te leh tlawmngaia ei leh in siama an hun chep tak kara an hun hlu tak seng tute chungah Local Council, Hlimen chuan lawmthu kan sawi tak meuh meuh a ni.

PAGE - 2

EDITORIAL :

Retheih hi ava retheih thlak em VERSION 2
    Issue hmasa khan he thupui hmang hian retheih hreawm zia tlem tarlan a ni tawh a, a lo chhiar chuan in lo hre tawh awm e. Awle, rethei han tih ngawt chuan retheih dan hrang hrang a awm thei ang. Hriselna \hatloh vang te, kan fate awm \hat duhloh vang te; tin, chhungkaw boruakin a zir loh vang te leh chhan dang eng eng emaw vang te in rilru taksa rethei tak in a awm theih bawk.
    Tuna ka rawn sawi tum leh duh tak  chu sum leh pai (pawisa )lama retheih hrehawm zia leh zahthlak zia hi a ni. Kan vengpa pakhat chuan Pathian tih lohah chuan sum leh pai (pawisa) in thil a ti thei ber a ti a, miin sum (Pawisa) a ngah chuan tuman â an ti ngai lo. Chumai nilovin fing leh bengvar nih an hlawh nge nge \hin.
    Khawtlangah leh pawl ah te, kohhran ah te, sum leh pai ( Pawisa) tello chuan nun ho leh thiltih a harsa fo \hin. Chutiang hun a sum leh pai (pawisa) theh chhuak tur nei a phal taka pe \hin tu chuan fing leh bengvar nih an hlawh a, fak leh chawimawi an hlawh nge nge. Natna  leh thildang avanga \anpui ngai an awm a piang a sum leh pai (pawisa)  a \anpui peih tak mi phei chu mifing, bengvar tiin chawimawi an hlawh \hin.
    Miin khawtlangah leh pawlah te, kohhran ah te sum leh pai (pawisa) thawh a \ulna leh a pawimawh zia hre tawk hle mah se, thawh tur sum (Pawisa) a neih si loh chuan a ngaihna a awm lo hrim hrim. Tin, natna avang te leh vanduaina dang avanga mi harsa (rethei) \anpui ngai te chu hmuin sum leh pai (pawisa) a \anpui nachang hre hle mahse pek tur a neih siloh chuan mi bengvar lo, nachang hre lo  nih a hlawh hrim hrim. |anpui ngai te leh tih tur \ha tamtak hretu pawh nise a rilru leh hriatna te pawh fingin thil\ha tih chakin, \anpui ngai te puih chakin a rilru zawng zawng sengin fing tak pawh nise thilpek tur a neih loh avangin bengvarlo nih a hlawh tho tho.. Retheih chu a retheih thlak a ni.
Retheih hi ava retheihthlak em   

ZIAKTUTE HUANG :

MIKHUAL / VENGCHHUNG MI
   
    -Andrew Khawlhring
    Mihring kan nih chhung hian Pathianin inthlahpung a khawvel luahkhat turin min ti a. Chhungkua chu anmahni chauha an awm chuan nuam an ti lo \hin. Chuvang chuan \henawm khawveng kan neih a ngai.
    Mihringte hian eizawnna avangte leh chhan hrang hrang avangte hian kan awmna hmun kan sawn a, kan pem a, mi veng/khua ah kan awm \hin. Pêm lehkha kan neih tawh chuan a veng/khua mi kan ni tih sawi ngai lovin a chiang hle awm e.
    Kan veng hi han thlir ve ta ila,  ‘mikhual te te’ tih \awngkam kan hre leh fo \hin a. Hei hi a zialo ka ti hle. Mikhual tih hi a awmzia nia ka hriat chu - hun reilote chhung atana mi veng/khua a va kal/zin hi niin ka hria. Entirnan inneih, thihna, khawmpui leh a dangte.
    A nih leh keini hian a tu hi nge vengmi a kan pawm dawn a, a tu hi nge mikhual anga kan ngaih dawn le. Pian leh mur nana lo hmangte leh pi leh pû te a\anga lo cheng tawhte chauh hi em ni vengmi ah kan pawm dawn? Hmun dang a\anga rawn pem, reilote awm leh kum tam tak awm tawhte hi mikual angin kan ngai zel dawn em le!! hei hi chu a chapo thlak ve det a ni. Tunlai \awngkam takin Hahai!! \hing tawp. Hei hi ngaihtuah ta ila, Mizoramah hian khua leh veng kan tih hi zakaw (900) chuang a awm a, chu khua/vengah chuan khua leh tuiliak, tettê a\anga awm, pem sawn miah lo khua/veng an awm angem le! A nih chuan mikhual an tam awm!!
    A tawp bera ka’n sawi duh chu \awngkam feikibar hi chhakchhuak tawh lo ila, veng hmangaihna leh \awngkam Jelleby chhak chhuak ila, mikhual leh vengmi thliar hrang thiam ila a duhawm ngawt ang. |awngkam hnih khatin mi a titlangnel a, \awngkam hnih khatin mi a tiinthlahrung a, mi a titlangnel lo. Mikhual / pemthar nge veng mi?

Advertisement....

Admission Open
    Calvin Higher Secondary School Kulikawn, Upa Dr. Rothangliana Building (Opposite Presbyterian Church) chuan kum 2014 - 2015 Session atan Cl. IX - XII Arts Hostel & Day Scholar Admission hawn mek a ni.
    Zirtirtu Experience nei \ha leh taima tak takte enkawlna a ni. Admission Form School Hour chhungin lakchhuah theih a ni. Unau lut tan Admission Concession pek a ni ang. Class X leh XII bik tan spot interview neih a ni ang. Higher Section ah Study Field Trip neih a ni ang.
Subject Offer : 1) Education, 2) Socialogy, 3) Geography
        4) Pol.Sceince, 5) P.A. 6) History

(3-2)              Contact No. : 9862742946 & 9612325840

PAGE - 3

HRIATTIRNA :

Govt. Hlimen P/S - I a lut tawhlo tura ngenna
    Hlimen Primary School-I ah hian hun engemaw chen a\ang khan School hungchhungah leh School chhungah lut \hin kan awm a. Hei bakah hian School chung-ah te lawnin, a chung Rangva te thlak ngai hial a rahchhiat a ni a, Hei bakah tuizem kalhna tala vawi tamtakchhut chhiat a ni tawh bawk.
    Hetiang a kan vengchhung a sawrkar thil tihchhiat leh tihnawmnah reng mai hi a zahthlak hle mai a, Hotu lian lamah thlen zel a nih tawh dawn avangin khawngaih taka School hungchhunga lut tawh lo tur in kan inhriattir a ni.

    Sd/- C.Zothanliana,
    Headmaster,
    Govt. Primary School
    Hlimen, Aizawl

Hlimen Parking Committee din
    Hlimen Parking Committee din a ni a, Hruaitu te chu:
    Chairman    :    Pu Lalhmingliana Chairman L.C
    V. Chairman    :     Pu Ro\huama
    Secretary    :    Pu J.Vanlalbiakdika Secy. LC
    Treasurer    :    Pu R. Lal\anpuia
    Fin. Secy    :    Pu Hrangchhuana
    Tin, Committee Memberah hian Local Council member dangte bakah mi 9 an awm bawk. March ni 20, 2014 zan khan committee neiin tuna Hlimen Taxi stand hi tihdanglam a ni, hetiangin- Hlimen Presby. kohhran biakin chhimlam ep a\anga lut thla in, biakin Biakin hmarlam ep ah herchhuak lehin Pi Lalsiamliani kawtah chhuak in, a ding hmasa 3 te chu Biakin Main gate thlangah a in dawtin din tawh tur a ni.
    Tin, venglai kawn kawng chhak lamah eng motor pawh (2 wheeler tiamin) dah loh tur(No parking zone)a ni. 2wheeler tan bik YMA Hall hnuai hi Parkin zone a ni ang. Droping zone atan Pi Lallianmawiin Building, venglai kawn a ni bawk ang. Hei hi tunthla chhung a\anga hman nghal tur a ni. 

Advertisement...

Computer Repair
    Computer Repair ngai (Hardware & Software) nei chuan engtik lai pawhin pan leh koh theih reng ka ni e. Tlawm takin ka lo siam ang che u.
    In \hian,
    Lalramsanga, Vengchhak
(1-1)    Ph. 9774267259

Chawhmeh tuihnai
    Tualchhung Vawksa leh Bawngsa irno rep tuihnai tak englai pawhin lei tur kan nei reng e. Min rawn pan ve teh.
    In \hian,
    Dingpuii
(1-1)    Ph. 9436361642 / 9862089152

Shillong bawng sa rep
    Shillong bawngsa diktak, a rep tuihnai tak lei tur Pi Lalsiamliani dawr venglaiah engtik lai pawhin lei tur a awm e. Min han dawr ve teh.

Ph : 9862476356 & 8974132805
 

LAWRKHAWM :

Chhiattawh a chunga lawmthu
    Kan nau Albert Laldintluanga (thla 4) S/o Zairemmawia |awizo a mite March ni 9, 2014 (Pathianni) zana Civil Hospital a aboral hnu a, a ruang kan In a chawlhpui a niha kan hrehawm leh lungngaih hlaua min thlamuan tura \henawm leh a hre pha zawng zawngte; mzan khawvawt hnuaia lo kalkhawm zawng zawng te chungah leh a kuang mawi tak leh \ha taka min siamsak a, puana a ruang min tuamsaktu Hlimen Branch YMA te chungah lawmthu kan sawi a. In \hatna te keinin kan rul seng dawn lo, Pathian in a let tam takin a rul leh ang che u tih hi kan duhsakna che u a ni e.
    In khawngaihna dawngtu,
    Lalrindika te chhung
    Saichhuma Section

Kan va lawm em
    March ni 18, 2014 (Thawhlehni) khan Venglai leh Thlanmual inkarah ` 2,000 ka ti bo palh a, mangang taka ka awm laiin Pu R.Zoliana, Saichhuma Sec. a mi chuan lo chharin min pe leh a, kan lawm takzet a ni. Hetiang a mifel leh rinawm Hlimen khawtlangin kan nei hi chhuanawm kan tiin entawntlak kan ti a. Kan lawm tak zet zet a ni tih hi mipui hriatah kan sawi duh a ni.
   
    Lalthankima(Kimtea) leh Denghlunchhungi te nupa
            Vawmphunga Section

Hruaitu thlang
    Mizoram Pradesh Youth Congress Committee, Hlimen Unit 2014 - 2015 hruaitute :
    President    :    F.Laltlanmawia (Vt)
    Vice President    :    K.Lalremruata (Qr)
    Secretary    :    Lalawmpuia (Dv)
    Treasurer    :    R.Lalchhandama (Dv)
    Fin.Secretary    :    R.Lalrindika (Vt)
    Joint Secretaries    :    Biaknghinglova (Qr)  i/c Finance
            Lawmtluanga (Dv)
            Andy Zosangliana (Vt)

Block hruaitu thlang
    March ni 18, 2014 (Thawhlehni) khan Muallungthu ah Aizawl South-III MNF North Block hruaitu thlanna neih a ni. Hruaitu atana thlanchhuahte :-
    President    :    Lalngaihawma, Ex.VCM Hlimen
    Vice President    :    Vanlalfinga, Ex.VCP, Phulpui
    Treasurer    :    Lalnghina, Ex.VCP, Sateek
    NCM    :    Lalrohlua, VCM, Tachhip
    Secretary    :    F.Lalchhanchhuaha, Ex.VCP, Falkawn
    Kan veng a\anga hetiang chanvo pawimawh changpha kan nei hi Editorial Board ten kan lawmpui hle.

PAGE - 4

KEIMAHNI :
Hlimkhawpui Budget
    Hlimkhawpui  2014 March  thla Budget  pe tla tawh te:
1.    Saichhuma Sec.    2. Kapdaia Sec.
3.    Buala Sec.    4. Damvea Sec.
    Saichhuma Sec. te hian June thla thleng Budget an tlak tawh bawk.

Buala Section
    March ni 29, 2014 (inrinni) khian Darlungkai-ah Blanket su a sumtuak hnatlang neih a ni dawn a, member a tam thei ang ber thawkchhuak turin kan in ngen a,  tin, section huamchhunga chhungtin te pawh Blanket suk tur kan neih ang ang te min suktir turin kan ngen bawk e.
    Hnatlang a thawkchhuak tur te chu Mualzawl a\angin zing dar 8:30 a chhuak thei tur a in peih vek tur a ni. Tin, hnatlang thawhchhuak tur ten Bucket  leh Brush ken tur a ni a. Chaw lian tawk taka fun tur a ni a, a hmeh tur tuihnai tak erawh Section in a tum ang.
    Tin, March ni 15, 2014 (inrinni) zingkar khan section chhung phiah fai hnatlang neih a ni a, member thawkchhuak zawng zawng te chungah lawmthu kan sawi a, veng chhungtihfai hnatlang hi a rokhawlhna dang a awm a nih loh chuan inrinni tin neih \hin tum a ni. Naupang zawk te pawh tir chhuak \hin turin nu leh pa te kan ngen nghal bawk. Tin, section chhunga mitin ten mahni in bul hnai tifai zual deuh deuh turin kan in ngen nghal bawk e.
Sd/- Secretary

Saichhuma Section
    March ni 14, 2014 (Ningani) zan khan lungnawi lain hnatlang neih a ni a, member 18 lai kan thawkchhuak a. Hemi zana ei leh in min tumsaktu Pu Lalrindika Saichhuma Sec. a mi leh inhlawhna min siamsaktu Pi Zothanpari (Ma-i) te chhungkaw chungah Saichhuma Sec. hruaitute chuan lawmthu kan sawi a ni.
    Sd/- Secretary
    Saichhuma Sec. YMA

Damvea Section
    Damvea Sec. YMA te chuan March ni 20 leh 21, 2014 zan khan Pi Nuzawni te leivung paihin sumtuak hnatlang an nei a. Member thawkchhuak zawng zawng chungah leh inhlawhna siamsaktu Pi Nuzawni te chhungkaw chungah Section YMA ten lawmthu an sawi a ni.

Branch Committee
    March ni 25, 2014 (thawhlehni) zan dar 7 khian YMA Hall-ah Branch Executive Committee koh a ni a, committee member te kal vek turin kan in hriattir e.

    Sd/- Secretary

CYMA thuchhuak
    Tripura Transit Camp a tuikuk awm te an awmna hmuna vote thlak tir an nih duhlohna kawngzawh March ni 24, 2014 (thawh\anni) dar 11:00am hian Millenium Centre a\anga neih tur a ni a, YMA member a tam thei ang ber chu he kawngzawhna hian tel turin CYMA chuan Branch tinte a ngen a ni.
    Hlimen Branch a\ang pawhin a tam thei ang ber kal tum ila a \ha ang. 

CHHIARTUTE NGAIHDAN :

@@    Local Council tena sum leh tha tam tak senga; harsa chung chunga kan hnathawh lo tichhe duh tawk lo awmte hi a mawl thlak hlein ka hria. Hengte hi khawtlang timawitu pakhat a ni a, tunhnu ah chuan lo tichhe zui tawh lo se ka va duh em. A mimawl hna em mai.
-Pachhunga,  L.C. Member@@    Tunlai hian Damveng kawnhpui dungah naupang, tleirawl ve tawh thlengin infiam an tam thei hle a, kawngpui dung hi infiamna tur a nih loh mai bakah motor tlan velte a tamin an chak thei fua fua hle a, a bik takin Twowheeler ho phei chu an hmanhmawh theiin an chak thei hle a, accident tawh a hlauhawm hle. Nu leh pa ten kawngpui dunga kan naute infiam \hin hi khap ila, lirthei neite pawhin thil pawi a thlen hmain fimkhur ila a va duhawm em.
- Accident hlau em emtu

@@    Motor dahna (Garage) nei si lova zan rei tak thlenga tirum vak vak \hinte leh chak tak taka khawchhunga tlan \hinte hi, damlo, tarchaklo tan phurrit an tlinga, hriselna atan pawh a \halo thei a ni tih hriain fimkhur nachang hre ve mawlh se ka va ti em.
-Boruak \ha duh-a

Advertisement......

Zirtirtu hna ruak
    Presbyterian English School Hlimen-ah zirtirtu Pakhat (1) mamawh a ni a, a hnuaia hming ziak hnenah hian Dt. 28th. March 2014 ral hmain mahni awmna kohhran lehkha thil telin dilna theh luh tur a ni e.
    1.    Qualification    : HSSLC & Above
    2.    Written Test    : Dt. 29th Mar. 10:00 am (sat)
    3.    Interview    : Dt. 29th Mar 1:00 pm (Sat)
   
                                    Sd/- J. Lalhlimpuia
                Principal
              Presbyterian English School
                  Hlimen. Ph 9862376309

Admission open for the session (2014-2015)
    Solomon’s High School Upper khatla, Aizawl a awm \hin chu remchan zawkan avangin Pu Ranga Building Kulikawn ah kan insawn a, Session thar (2014-2015) atan Cl-VII to Cl- X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian I fate rawn dah ve rawh le, Mathematics leh science subject a harsatna neite leh sports a tui te duhsak bik an ni ang. Hostel a awm nghal bawk e.
    Contact :     1. 9774630781  
        2. 8014442431
        3. 8014389494  
                     HC. THAWNGA
    (7-6)                  Top Ten Math Tutor

Vâu Thla Ni 15, 2014... Issue No. 11

PAGE - 1

TUALCHHUNG :

Damlo: Rothangpuia S/o Vanlaltluanga, Vawmphunga Sec. a mi chu a kaih thut avangin March ni 12, 2014 khan Civil Hospital ah dahluh niin a tuk March ni 13, 2014 khan a lo chhuak leh ta.
@@    Pu Sikula, Lalsavunga Sec. a mi chu pum lam \ha lo avangin March ni 14, 2014 (Zirtawpni) khan Civil Hospital ah dahluh a ni.
@@    Lalawmpuia(kum 1 leh thla 4) S/o Lalbiaknunga, Saichhuma Sec. chu kaw\halo leh luak avangin March ni 12, 2014 (Nilaini) khan Alpha Hospital, Kulikawn ah Admit a ni.

@@    Lalmalsawmi(kum 1 leh thla 4) D/o Lalthankima, Vawmphunga Sec. a mi chu Septicemia avangin March ni 13, 2014 (Ningani) khan Alpha Hospital Kulikawn ah Admit a ni bawk.
    Damlo ten dam leh hrisel taka hringnun an hman chhoh leh theih nan duhsakna kan hlan e.

Khiangawi: Lalmuanpuii C/o Nikhuma, Damvea Sec. a mi chuan Lalengmawia, Tuivamit a mi tawnah March ni 11, 2014 (Thawhlehni) khan khiangawiin a liam ta.

Home Crusade: March ni 11, 2014 (Thawhlehni) zan a\ang khan Pu Lalengliana Buala Sec. a mite Inah Pu Lalhmangaiha Speaker a hmangin Pathian thu tak hmanga Crusade neih a ni a. He thutak rawngbawlna hian March ni 16, 2014 (Pathianni) thleng a awh dawn niin thu dawn a ni. A duh apiang Pathian thutak ngaithla turin an sawm a ni. Kan thu dawn danin Pu Lalhmangaiha hi tunhma zaithiam Group MALTA a an zaitupa ber (Vocalist) kha a ni.

Kawng siam zo: Hlimen Venglai a\anga vengchhak Tanky lian panna kawng Cement Congcrete (RCC) SIPMIU sum a\anga siam chu thawh zawh fel a ni ta.Vengchhung inkalpawhna kawng \ha neih hi hmasawnna ropui tak a tling a, a lawmawm hle a ni.

FRONT :

TRAINING NEI
-Robuanga. Vice. President Br. YMA
    Central YMA buatsaih na in March ni 11, 2014khan CYMA Hall, TuikhuahtlangahChhiatna (Disaster) hrang hrang- lirnghing (Earthquake), thlipui (Cyclone), kangmei (Fire), leimin (Landslide) leh a dangte chiatrupna lo thleng thei laka mipui kan him zawk theih nan leh vanduaina tawk hiam tuar leh chhanchhuah ngai te enkawl a chhanchhuah dan tur zirin  Trainning na neih a ni a, chawhma lam hian thusawi (Zirtirna) hrang hrang leh \ha tak tak ngaihthlak a ni.
    Chawhnu lamah chuan Practical a entirna chi hrang hrang nen a trainning neih a ni leh a, mit leh beng atlaiin  a hlawkthlak takzet a, he trainning-ah hian CYMA in City Branch te aiawh a trainning turin mi 3 zel beisei a nih angin hlimen Branch a\ang pawhin heng mite hian trainning an nei:- 1. Pu Lalrinmawia Asst Secy. 2. Pu R. Zoliana Branch Exe. Comtt.  3. Pu Lalhmunsiama Branch Exe. Comtt(A ni hi CYMA ah Disaster Sub. Committee ah member ni lai a ni). 4. Pu Robuanga Vice Pre. te an ni.
    Chhiatrupna leh manganna thleng \hin laka kan lo inralrin (inven) lawkna tur atana kan tihtur leh tihloh tur hetiang hian kawng hrang hrangin ngaihthlak a ni a, a pawimawh zual kan hman ve nghal theih tur tlem han tarlang ila :
    1.  Lirnghingah - 1) Kan him theih nan Cement a insa tur ten mithiam rawn hmasak phawt a pawimawh. 2) Lirnghing laiin Electric Off vat tur. 3) Hmun him lam rang thei ang ber a pan tur.
    2.  Thlipuiah -  Thlipui lo tleh laiin |ek a lo tel ve fo avangin Mobile phone, TV, Radio etc. Electronic hmang On loh tur
    3.  Kangmei (Fire) - 1) In kan chhuahsan dawnin Istiri, heater,leh Room Heater te; tin, thuk mei a thi fel em tih te enfiahin Off theih nghilh loh hram hram tur. 2) Gas i hman loh laiin Cylinder Regulator-ah Off theihnghilh loh tur.3)  Gas Cylinder Leak reng reng loh tur.
    4. Leimin - 1) Insakna hmun turah tui put leh leiminna hnuhma a awm em enfiah hmasa ang che.2) I kawmchhak te, kawmthlang te tuichhe paih leh chet velna avangin i himlo thei. |henawm te chevel thlithlai ngun hi himna kawng khat a ni.
    A dang pawh mipui hriat atana \ha leh \ul pawimawh a tam lutuk a, kan sawi seng lo. A \ul dan a zirin rawn tarlan leh pawh in ring ila. Fimkhurna hian man anei lova; mahse, fimkhurna  chuan kan nunna hlu tak leh kan ro \ha pui pui te leh kan sum te himna erawh a thlen thei thung tih hi vawng \heuh ila.
    Kan dinhmun hi hrechign ila, kan tihtur leh kan tihloh tur te hrai ila, keimahni leh kan chhungte tan himna thlentu kan lo ni dawn a ni. kan chenna in leh a hmun te hi fimkhur loh avangin chhiatrupna a thleng thei a.
    Tin, kan heater leh Electric Wiring \halo avang te Off chungchanga haihawt avang te leh chet fimkhur loh vangin mahni leh chhungtechhiatna minute 2/1 chhung lekin a thleng thei asin. Kangmei/leimin, thlipui etc. avanga chhiat tawk an awmin mipui lam ten akn hriatreng tur pawimawh chu hei hi a ni.
    1. Hnathawk tutechetvelna dal thei a chimbuai loh tur.
    2. Hliam tuar te chhanchhuah nana an mamawh a rang thei ang ber a lo ngaihven sak tun hram.
    Kang mei chhuakah te, leimin leh thildang avanga Accident tawk an awmin mipuiin chim buai vak hi akn ching \hin. Chu chuan tuartute  phurrit a siam a, chhanchhuahna hnathawktute kan dipdalin harsatna kan siam \hin a ni tih i hre reng ang u. 

PAGE - 2

 EDITORIAL :

RETHEIH HI A VA RETHEIHTHLAK EM!!
    Mitin mai hian mahni tawkah vanglai (|hatlai/chaklai) hunte kan nei \heuhva, tuna naupang te te ho pawh hian chu hun chu an la tawng ve ngei ang le. Mahse, chung hun chu reiloteah a liam leh a, kan vanglaia rethei leh chaklo zawk \hin ten an vanglai an rawn chen ve leh mai dawn. Upa in mihring nun leh khawsak dan chu patla(Bukthleng) ang chauhvin kan in san chhawk mai mai a ni an tih chu a dikna kan la hmu \heuh dawn niin a lang. Mahni tawka vanglai chuan tumah hi awh bik leh tlukloh bik nei pawhin kan in hre lova, kan nun hi a zangkhai a , a hlim thei em em hlawm \hin a nih kha.
    Chung hun ten mual min liamsan meuh chuan dinhmun sang a kan awm lai a, kan \hatlai leh chaklaia min bel \hin tu te kawng hrang hrang a kan \anpui ngai zawk \hin te chuan rethei zawk leh chaklo zawk kan nih tawh avangin min hlat tual tual a, an tan chuan \ihkhai ang mai kan lo ni \hin. Chutihlai tluka retheih hi a retheihthlak zia leh hrehawm zia chu tuna \halai te pawh hi hunin a la hrilhfiah ve ngei che in ka ring. Chutih hunah chuan sawi aiin i fiah ve zawk ngei ang.
    Retheih hi a va retheihthlak em ka tihna chhan ber mai chu laina chhungkhat  tan pawh hlauhawm kan tling a, \hian\ha \hin te tan pawh mihnawksak mai kan ni thei bawk a, chu chang a la ni lo, mi â nih leh bengvarlo nih a awl em em bawk. rethei nih chuan fing nih pawh a har bik. Kan rilru ngaituahna ten thil\ha leh tihtur te hre tam hle mah se retheihna avangin tihtheih a tlem a, hriatna leh ngaihtuah (finna) a hman theih \hin loh avangin mi â  nih te, bengvarlo nih te chu a chan tawk a lo ni \hin. Chuvangin, vanglai \hat lai hun a rethei te ngaihsak ching ila, kan retheih hunah ngaihsak kan hlawh ve theih nan. Rethei bawk, at hlawh bawk chu retheihthlak tak a ni.
retheih hi ava retheihthlak em.  

LOCAL COUNCIL THUCHHUAK
    Kum 1985 vela kan khawtlang hruaitu ten Presbyterian kohhran in rawngbawl nana tangkai taka Rescue home atana an hman tura Zophei, Thingtuai hmun ram an lo pek tawh chu kohhran lamin an cheibawl vak tawh loh  avang inthlahrung tak leh  zawldawh taka Local Council ten \um hnih 26th March 2012 leh 29th April 2013 a kan dilna te chu tih hlawhtling tlakah min ngaihsak a, Committee engemaw zat a pal tlang hnuah March ni 10, 2014 (thawh\anni) khan Mizoram Presbyterian Church Synod chuan K|P ram atana tih chin chu lehkha No. M/S PRO-I (A)/2014/19 of 10.3.2014 hmangin min pe let leh ta tih khawtlang mipui te kan in hriattir a, hei hi thil chhinchiah tlak leh lawmawm tak niin kan hria a, Mizoram Presbyterian Church Synod chungah Local Council chuan lawmthu kan sawi tak meuh meuh a ni. Tunah hian helai hmun hi ram leh khawtlang tana \angkai taka hman turin ruahmanna siam mek a ni.
    2012-2013 a Mizoram Health Department hnuaia Health Clinic sak \hat dilna leh National Urban Health Mission hnuaia Urban Primary Health Centre (UPHC) atana tuna kan damdawi In neih duh chu sa tur leh a hmun sak sak tura kan dilna pawh tihhlawhtlin a ni dawn ta a, tun a\anga reilote ah hian sak tur a ruahman a nih dawn tak avangin Local Council chuan sawrkar (Health Department) chungah lawmthu a sawi mawlh mawlh a ni.
    Local Council ten kan ngenna angin kar leh mai hian kan kawngpui pawh Melthum a\angin chei a ni dawn ta bawk a, hnathawk te tibuailo tur leh kawng hnawk a bungrua tumahin dahlo turin kan in hriattir nghal bawk.
    Kum 2009 a\anga 132KVA line Project lokal pui tawh leh Survey lo neih tawh angin kan veng chhung hmun tam takah ban (Tower) phun a ni a, hemi zinga Mauhakkawn (|helretkawn kawn lam) Pu Lalliansanga leh Pu F. Lalrawna te huan inkar a ban (Tower)  leh hrui kal tur chu mipui tana hlauhawm tur khawp a a hniam dawn ni a hriat avanfin Local Council ten EE Generation Division,, P&E Deptt. ah complain thehluh a ni a, hei hi D.C leh CEO AMC te pawh hriattir nghal an ni bawk. 

Advertisement...

SPOKEN ENGLISH
come Learn & talk
Contact : 9089527410
City Spoken English
Missionveng Bazar
Timing 7 - 8 Am

Admission Open
    Calvin Higher Secondary School Kulikawn, Upa Dr. Rothangliana Building (Opposite Presbyterian Church) chuan kum 2014 - 2015 Session atan Cl. IX - XII Arts Hostel & Day Scholar Admission hawn mek a ni.
    Zirtirtu Experience nei \ha leh taima tak takte enkawlna a ni. Admission Form School Hour chhungin lakchhuah theih a ni. Unau lut tan Admission Concession pek a ni ang. Class X leh XII bik tan spot interview neih a ni ang. Higher Section ah Study Field Trip neih a ni ang.
Subject Offer : 1) Education, 2) Socialogy, 3) Geography
        4) Pol.Sceince, 5) P.A. 6) History

(3-1)              Contact No. : 9862742946 & 9612325840

PAGE - 3

HRIATTIRNA :

Govt. Hlimen p/s - I a lut tawhlo tura ngenna
    Hlimen Primary School-I ah hian hun engemaw chen a\ang khan School hungchhungah leh School chhungah lut \hin kan awm a. Hei bakah hian School chung-ah te lawnin, a chung Rangva te thlak ngai hial a rahchhiat a ni a, Hei bakah tuizem kalhna tala vawi tamtakchhut chhiat a ni tawh bawk.
    Hetiang a kan vengchhung a sawrkar thil tihchhiat leh tihnawmnah reng mai hi a zahthlak hle mai a, Hotu lian lamah thlen zel a nih tawh dawn avangin khawngaih taka School hungchhunga lut tawh lo tur in kan inhriattir a ni.

    Sd/- C.Zothanliana,
    Headmaster,
    Govt. Primary School
    Hlimen, Aizawl

BPL hriattirna
    BPL Family te tan a hnuai a Trade hrang hrang te hi April ni 1, 2014 a\anga \an turin a training theih dawn a, training duhte chuan  March ni 16, 2014 ralhmain Hlimen BPL hruaitu te hnenah in report tur a ni e.
    (1) Tailoring (men & women) -6 Months (2) Handloom -6 Months (3) Computer (HSLC Passed chin)- 6 months (4) Computer Hardware (Computer 6 months tal training tawh nise)- 3 months (5) Catering & Food Processing-6 months (6) Female Attendant ( Class VIII Passed chin) - 6 months(7) Electronic- 6 months (8) Beauty Culture - 6 months (9) Carpentry  - 6 months (10) 2-wheeler repairing  - 6 months(11) Knitting  - 6 months (12) Broom making (13) Security Guard( Class VIII Passed chin)  - 3 months (14) Mobile handset repairing  - 3 months (15) Hair cutting(Mipa lumeh)  - 3 months (16) Dry flower making  - 3 months
    Sd/- Secretary
    BPL Pawl, Hlimen

HRIATTIRNA
    Kar hmasa lam khan he chanchinbu zahawm takah hian chhuah a ni tawh a, i chhiar ngai lo pawh a ni thei a, chuvangin ka han hriattir leh a che. Fû, Tomato etc. te chu la rawh, ei rawh. Mahse tihchhiat kher erawhchu inhmuhsitna liantakah ka ngai, sum leh pai senga kan tih leh kan innghahna a ni tih ka hrilh nawn leh duh che a ni. La in chan chhuah ni chu a la awm ka ring.
- BKA 

LAWRKHAWM :

Ruang thlah liam
    March ni 10, 2014(Thaw\anni) zan dar 12 khan Pu Zairemmawia leh Pi Lalhriattiri |awizo khua a mite fapa Albert Lallawmzuala (4Months) mi chu lungna avangin Aizawl hospitalah a boral a, a ruang hi Pu Lalrindika Saichhuma Sec. a mite inah an rawn chawlhpui a, YMA chuan kuang mawi taka siamsak in a ruang hi puanin an tuam a, a tuk March ni 11, 2014 (thawhlehni) zing dar 6 vel khan |awizo lam pan tur chu an thlahliam a ni. Lungngai te hnemtu tur YMA kan nei hi ava hlu em.

Khawmpui hmang mek
    Isua Krista Kohhran hmeichhia te chuan March ni 14 - 16, 2014 chhung hian Fârkawn Isua Krista Kohhran ah kohhran hmeichhia rampum khawmpui an hmang a. Isua Krista Kohhran, Hlimen a\ang pawhin member engemaw zat an kal.

Zo fel |ep
    Thlanmual-I |helretkawn ti a kan hriat lar em em; kawng zauh leh thlan hmun kiantu chhungte mitthi hming tarna tur a tih pawh tunah hian peihfel \ep a ni ta. hei hi an peihfel chuan khawtlang pawhin a mawi phah hle dawnin a lang. Mahni insengso a khawtlang tana inhmangral ngam Local Council khawtlang hruaitu kan nei hi a va lawmawm em.

Zawhfel khat a ni ta
    Thlanmual-I a\anga Mauhakkawn inkar kawng zauh hnathawh pawh tunah chuan Mauhakkawn thleng a tlang ta ruah mai le. he hna hi thawh a nih theihna tura Contruct hna petu leh Contract a thawktute, tin, he kawngin harsatna a thlen theih In leh lo, huan ram neitute inpekna leh hnathawktu zawng zawngte thawhrimna zarah Hlimen khawtlang chuan hma a sawn zel a. Hlimen nih hi a nuam zel e.

Free Clinic nei dawn
    March ni 20, 2014 (Ningani) khian ha lam Doctor ten Dental Clinic YMA Hall-ah an rawn nei dawn a, ha lam pang sawiselna nei chuan inentir theih a ni ang.

Hnatlang
    March ni 15, 2014 (Inrinni) khan YMA Hall hnuai thianfai/singsa felin Branch O.B. te chuan hnatlang an nei. Tin, hemi vek zingkar hian Branch YMA Faina Sub-Committee te chuan Dental Clinic neihna hmun tur YMA Hall tifaiin an hnatlang bawk.

Advertisement....

Sintex...Sintex
    Polyrock (Sintex) duh tan englai pawhin Order theih a ni ta e. Installment pawhin kan pe thei bawk. Litre khat ` 5.50 hisap niin hengte hi a order theih :-
1. Litre 3,000    -    `    16,500    2. Litre 2,000    -    `    11,000
3. Litre 1,500    -    `    8,250    4. Litre 1,000    -    `    5,500
5. Litre 500    -    `    2,750
    In \hian,
    Zohmangaiha & Laltlanthangi
(1-1)    Contact : 9862765624

Âr chaw & vawkchaw
    Âr chaw (Broiler) a lian leh a tê leh vawkchaw lei tur englai paw’n kan kawl e. Min rawn dawr ve teh.
    In thian.
    Chhankima

PAGE - 4

KEIMAHNI :
Hlimkhawpui Budget
    Hlimkhawpui  2014 March  thla Budget  pe tla tawh te:
1.    Saichhuma Sec.    2. Kapdaia Sec.
3.    Buala Sec.    4. Damvea Sec.
    Saichhuma Sec. te hian June thla thleng Budget an tlak tawh bawk.

Y.M.A dawr luah chung chang
    YMAHall hnuai dawr luah hunchhung hi kumkhat Term zel a nih avangin tuna luah tute pawh hi an term a tawp tawh a. Kumthar a luah duhte tan dilna hun March ni 29, 2014 thleng hawn a ni e. President/Secretary hnenah dilna hi thehluh tur a ni e.
    Sd/- Secretary
    Hlimen Branch YMA

Kum puan hawng
    March ni 13, 2014 (Ningani) zan khan Pu R.Lalngheta CEC chuan W.Lungdar YMA Branch ah YMA kumpuan ‘Ram leh hnam humhalh’ tih chu a hawng a. Pu Ngheta hi Hlimen Branch a\angin Pu Vanlaltluanga, Pre, Pu lalhmuchhuaka Trea., Pu Lalrinchhana, Comtt. ten an \awiawm a, an ni ho kalna tur hian Pu Lalrinmawia, Asst. Secretary in a motor a thawh bawk a ni. Tin, Pu Ngheta hi Branch dang atangin leh CEC Member bakah Zaithiam Nl. Lalfakkimi ten an \awiawm bawk a ni.

Branch Day
    March ni 23, 2014 hi Hlimen Branch YMA dincham vawi 68-na a ni a, hemi ni hi Pathianni a nih avangin March ni 22, 2014 (Inrinni) zingkar hian Section hrang hrangte mahni Section ah \heuh naupangte nen khawlai dung tifaia hnatlang neih tur a ni ang. O.B. te hetiang hian an kalna tur ruahman a ni :-
    Pu Vanlaltluanga, Pre.    -Vawmphunga Sec.
    Pu Robuanga, V.President    -    Buala Sec. ah
    Tv. R.Lalawmpuia, Secy.    -    Lalsavunga Sec.
    Pu Lalrinmawia, A.Secy.    -Saichhuma Sec.
    Pu Lalhmuchhuaka, Trea.    -    Damvea Sec. ah
    Pu Lalthantluanga, Fin.Secy.    -Kapdaia Sec.-ah

CHHIARTUTE NGAIHDAN :

@@    Quarry veng te, dam veng leh vengthlang, vengchhak te, venglai  High School veng thlengin Hlimen vek kan ni a, inpumkhat zual deuh deuh ava pawimawh em... Hlimen hi zaikhata kan luang dial dial loh chuan kan \hang mawh viau ang.
- Nemilh 

@@    Kan bawlhhlawhte khawilai mi kawmkar a paih mai mai lo hian Bawlhhlawh phur motor kar tina vawi 2 rawn kal ziahah hian i paih \heuh teh ang u. Bawlhhlawh hian tho a titam a, tho hi natna hrik pu darhtu an ni tih hriain kan bawlhhlawh paih danah i fimkur ang u. KAN BAWLHHLAWH PAIH DANAH KAN MIZIA A LANG.
-Bartowski

Lawrkhawm chhunzawmna...

Vawk lakluh khap
    DC thuneihna Section 144. Cr. P.C 1973 (Act II of 1974) angin tunlai a vawk natna hri (PRRS) laka kan him tlan theih nan ramdang a bikin Myanmar a\anga vawk lak luh khap tlat a ni a, hei hian March thla a\anga thla 6 dang chunga a huam ang. Thupek zawm lo chu 188 IPC hmanga hrem an ni ang. 

Advertisement...

FREE...FRE...FREE..
    Computer a Free a zir duh tan Seat tlem a la awm e. Govt. Recognised kan ni e.
    Admission Fee    :    Free
    Monthly Fee    :    Free
    Exam fee    :    ` 1,000

Contact    :    0389-2314788, 9089527410
CITY COMPUTER CENTRE
MISSION VENG BAZAR

School Admission
    F.Thangmawia Memorial School ( A unit of Home Mission School) Melthum ah 2014 - 2015 session atan KG-I to class VI thleng admission hawn mek a ni. I faten English, Maths, Hindi leh Subject dangah hmasawnna an neih theih nan Experienced Teacher ten an enkawl turin rawn dah ve rawh le.
            Admission    Monthly
            fee    fee
    KG-I & KG-II    -    ` 1500     `  500
    Cl- I to Cl.-VI    -        ` 1800(New)  
             ` 1500(Old)
   
(2-2)    Contact :- 9862711998, 9862224699

Admission Open for the session (2014-2015)
    Solomon’s High School Upper khatla, Aizawl a awm \hin chu remchan zawkan avangin Pu Ranga Building Kulikawn ah kan insawn a, Session thar (2014-2015) atan Cl-VII to Cl- X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian I fate rawn dah ve rawh le, Mathematics leh science subject a harsatna neite leh sports a tui te duhsak bik an ni ang. Hostel a awm nghal bawk e.
    Contact :     1. 9774630781  
        2. 8014442431
        3. 8014389494  
                     HC. THAWNGA
    (7-5)                  Top Ten Math Tutor

Zirtirtu hna ruak
    Presbyterian English School Hlimen-ah zirtirtu Pakhat (1) mamawh a ni a, a hnuaia hming ziak hnenah hian Dt. 28th. March 2014 ral hmain mahni awmna kohhran lehkha thil telin dilna theh luh tur a ni e.
    1.    Qualification    : HSSLC & Above
    2.    Written Test    : Dt. 29th Mar. 10:00 am (sat)
    3.    Interview    : Dt. 29th Mar 1:00 pm (Sat)
   
                                    Sd/- J. Lalhlimpuia
                Principal
              Presbyterian English School
                  Hlimen. Ph 9862376309

Vâu Thla Ni 8, 2014... Issue No. 10

PAGE - 1

TUALCHHUNG :

Damlo: Pu Vanlalsiama, Damvea Sec. a mi chu Zemabawk Hospital-ah zankhat enkawl a nih hnuin March ni 7, 2014 (Zirtawpni) khan a lochhuak leh.

Tuak thar: Lalpekthanga S/o R.Dingliana, Kapdaia Sec. a mi leh Zohmangaihzuali D/o Rokimi Rokhum, Damveng  amite chuan March ni 5, 2014 (Ningani) khan Hlimen Presby. Kohhran Biak Inah damchhunga nupa ni turin ‘tiam tlat e’ an ti ta.

Tanky panna kawng : Tanky panna kawng siam mek chu Tanky lam a\angin RCC in an rawn siam thla a,tunah hian hna hi an zo \ep tawh niin thu kan dawng.

Local Council hnatlang : March ni 7, 2014 (zirtawpni) khan Local Council te chu |helretkawn kawng zauh tawh chu chei \hat ngai lai te chei \ha in hnatlang an nei. |helretkawn hi tunhma ngaihtuah chuan a zauvin a nuam tawh hle. Naupang tualchai te pawhin nuam an ti hle a ni.

Tihdikna : Issue hmasa a Village NLUP Committee din chungchanga Secretary Pu Lalneihthanga tih kha Pu Lalneihtluanga tih zawk tur a ni a, kan tihdiklohah chhiartu ten ngaihdamna kan dil e.

Thlan zawn hnatlang nei : March ni 1, 2014(Inrinni) zingkar khan R & T Family te ngenna angin Pu Zosangliana leh Laltlanthanga thlanlung chu an nu leh pa thlan hmunah Local Council, Branch YMA Exe. Committee Member leh Section OB ten zawn sawn hnatlang an nei.

HRINGNUN :
Sual leh hmui hmul hi thil in-ang chiah an ni. Hmui hmul pawh hi nitina meh fai ziah loh chuan a lo chawr leh nghal zel a, mihring hmai tidanglam vek khawpin a langsar \hin. Sual pawh hi nitina then fai a nih zel loh chuan mihring nun mawi leh \ha zawng zawng hliah khawpin a langsar vat zel \hin a ni.
            -Martin Luther

FRONT :

CHAPCHAR KUT 2014 ROPUI TAKA HMAN A NI
   
    March ni 7, 2014 (Zirtawpni) chawhma dar 11:00 khan A.R. Ground-ah Chapchar Kut 2014 chu hman \an a ni. Chapchar Kut thlengtu hi Pi P.C.Zothankhumi, Secretary Art & Culture Deptt. niin kut pa chu Pu Thanseia, Secretary INTAC Mizoram Chapter a ni. He Programme ah hian Mizo hranghlui zaithiam tak tak te leh \hangthar zaithiam tak takte zai ngaihthlak tur a awm reng a, beng a tlai hle. Tin, Central YMA bul tuma City Area chhunga Branch hrang hrangte Cheraw kan, solakia leh chai te a hmuhnawmin mit a tlai hle bawk a. Tunhma pi pute nundan chihrang hrangte entir a ni bawk a, a hlawkthlakin mit a tlai hle bawk a ni. Kumin chapchar kut hi kum dang zawng aiin mipui pungkhawm an niin a hriat.
    Kan Branch a\ang pawhin Central YMA in min beisei angin Cheraw, Solakia leh chai-ah te kan tel thei a. Branch aiawh a tel zawng zawng chungah Branch YMA chuan lawmthu a sawi tak zet zet a ni.
    Tin, Chapchar Kut lo chhuah dan hi hetiang hian an sawi - Kan pi pute hunlaiin pasal\ha ramchhuakte chu kutbengin an lo haw a,  rilru beidawng taka an awm lai chuan an Lal in a bu bel phawrh chhuakin a psaltha te chu a hnem a, zu in pah chuan an zai a, Lal In mai duh tawk lovin mualah inkaichhuakin an tui tlang ta hle mai a, midangin an rawn zawm zel bawk a, an hlim tlang hle mai a, Lalber chuan hetiang hun hi kumtin lovah zawh awllen laiin hman \hin turin a puang ta hial a ni, chuta \ang chuan Chapchar Kut hi a lo piang ta a ni.

 Chapchar Kut a kan Branch aiawha Cheraw kan te

PAGE - 2

EDITORIAL :

HMELTHA KA TIH ZAWNG
    Tupawh mai hian hmel\ha hi chu lawm lo awm hian ka hre lo. Hmel\ha chu an hmuh a nuam a, an kianga awm a nuam thei hle \hin.  Kan rilru leh mit a inang lo ang bawkin hmel\ha tih zawng pawh a inanglo fur mai zawng a nih hi. Vun rawng ngo leh hangah ringawt hian hmel\hat leh \hat loh hi a innghat ber lo. Vun  hang lutukte chu \henkhat tan chuan hmel\ha tia han fakna tur awm hriat a har em em laiin \henkhat tan chuan khawvela an duh ber leh damchhung atan tia an duh bawntop a ni tlat si. Chutiang bawkin vun ngo  pawh hi \henkhat tan chuan ngeiawm a tling ve thei tho. Chuvangin kawhvelah hian hmelchhia an awm lo, a entu leh endan a zirin mi hi an hmelchhiain an \ha mai ni berin a lang.
    Keiin hmel\ha ka tih zawng chu heng mite hi zu ni tlat a. Mi nunhlim, hlim hmel pu reng mai theite hi hmel\ha ka tih zawng te chu an ni. Hlim hmel pu reng thei tur chuan mi rilru \ha leh mi inngaitlawm mi nih a ngai. Tin, mite tlinlohna leh chetsualna lai sawi aia an chet\hatna leh tlinna lamte sawi uar peih mi, mite chawimawi leh fak peih mi nih a ngai.
    Mite \hatna leh chawimawi an phuna laite, tin, malsawmna an dawnte, hlawhtlinna an neih lawmpui thiam mi a pawimawh hle. Chutiang mite chuan mi fak an hlawh a, chu fakna chuan an hmel a tihlim a, mi nunhlim, hmuhnuam an ni \hin. Chungmite chu a ni hmel\ha ka tih zawng chu.

ZIAKTUTE HUANG :

  KUM PUAN LEH Y.M.A.
–Hruaitluanga Pa
     Mizo hnam nih tinuamtu hnamdangte pawhin an lo awh ve ngawih ngawih chu YMA kan neih hi a ni. Missionary te hrin a niin ziak leh chhiar thiam hma a Zawlbuk aiawhtu a ni. Zawlbuk chu zirna in a niin valupa ten nunho dan turte hnam inkaihhruai dan turte an zirtirna hmun a ni \hin.  Zawkbuk a\ang chuan tlawmngaihna, rinawmna, hawihhawmna, aia upa zahna te val upa in an zirtir \hin. Thleibik nei lova lungrual taka hnam anga zofate nun hona, inzirtir chhuahna hmun a nih avangin zirna In hlawhtling tak a ni.
    Missionary ten 1935 June ni 15 a YMA min dinsak a\angin Zawlbuk rorelna chu zawi zawiin a lo reh tial tial a, changkanna leh hmasawnna in zofate chu min tuamin chak takin min kalpui ta muah muah mai a. Kan hmasawnna leh changkanna te chuan hnam nun zemawi leh hlute chu dawidim angin a eichhe hret hret ta mai si. Changkan leh hmasawnna kan duh luattukna lamah tlawmngaihna/hawihhawmna, rinawmna te chu vawnhim harsa kan lo tiin a bo zo mai angtih hlauvin zonunmawi leh rohlu humhim nan YMA chuan kuampuan te neiin thupui hrang hrang 8 hetiang hian a lo buatsaih tawh a. Chungte chu :
1) Faina kum (Year of Sanitation 83 leh 91)
2) Sorkar leh vantlang thil humhalh 1984
3) Kut hnathawh uar kum
4) Nungcha humhalh 92 & 93
5) Khawtlang nun siam\hat 94&95
6) Zirna uar kum 96&97
7) Ram leh hnam humhalh
8) Ruihhlo do tihte hi a ni
    Heng thupui hrang hrang hmang hian YMA chuan Rampum ah hma lain \an an la \hin a. Chu chuan hnam anga inpumkhatna nasa takin a thlentir a. Chumai ni lovin \halai nun leh ram leh hnam, chhungkua leh mimal nun thlengin a siam \ha a ni. Vawiin a kan ram zimte, a mi chengte pawh beitham tak nisi khawvel ram hrang hrang hriat a lo hlawh chhan pawh hi YMA leh kumpuan hrang hranga hmalakna a hnam anga kan inpumkhat na hi niin a lang.
Kumpuan leh YMA hi vul zel rawh se

Advertisement :

Admission Open
    Calvin Higher Secondary School Kulikawn, Upa Dr. Rothangliana Building (Opposite Presbyterian Church) chuan kum 2014 - 2015 Session atan Cl. IX - XII Arts Hostel & Day Scholar Admission hawn mek a ni.
    Zirtirtu Experience nei \ha leh taima tak takte enkawlna a ni. Admission Form School Hour chhungin lakchhuah theih a ni. Unau lut tan Admission Concession pek a ni ang. Class X leh XII bik tan spot interview neih a ni ang. Higher Section ah Study Field Trip neih a ni ang.
Subject Offer : 1) Education, 2) Socialogy, 3) Geography
        4) Pol.Sceince, 5) P.A. 6) History

(3-1)              Contact No. : 9862742946 & 9612325840

PAGE - 3

HRIATTIRNA :

Y.M.A dawr luahchung chang
    YMAHall hnuai dawr luah hunchhung hi kumkhat Term zel a nih avangin tuna luah tute pawh hi an term a tawp tawh a. Kumthar a luah duhte tan dilna hun March ni 29, 2014 thleng hawn a ni e. President/Secretary hnenah dilna hi thehluh tur a ni e.
    Sd/- Secretary
    Hlimen Branch YMA

Local Council hriattirna
    Tunlaiin Ui mai bakah Ar chhuah ching kan tam leh ta hle mai. Dan dinglai angin ui chhuah mai bakah ar pawh hi chhuah khap tlat a niin action lak thei a ni tih mipui te kan in hriattir nawn leh a ni.
    Tin, khua a lo \hal chho leh ta a, kang mei a chhuak awlsam hle. Kan fimkhur loh avanga ram ti kangtu te chu dan dinglai angin nataka hrem theih kan ni a, mitin te in lamah leh ram lamah kangmei chhuak thei lakah fimkhur turin kan in ngen e.

    Sd/- Lalhmingliana
    Chairman Local Council

Chhiah pek chungchang
     2013-2014 atana leiman, zoramchhiah Building tax pek a lo hun leh ta a, AMC Office |huampui , CH. Chhunga Bus Terminal-ah AMC huamchhunga in hmun, huan lo ram nei ten zoram chhiah Building tax chu pek tur a ni a,   Tin, in leh lo, huan, lo ram nei lo mi inluah leh Quarter a cheng te pawhin Zoram chhiah ` 30/- pek vek bawk tur a ni.
    Kan veng tan bik March ni 10, 2014 (Thawh\anni)  10:00am -3:00Pm inkar ah pek theih a ni. Chhiah pe tur ten kum hmasa lama chhiah pekna Reciept ken tur a n a, hun tiamchhunga pe lo te chuan late fee chawi zel a ngai dawn a ni.

Hlimkhawpui lak dan
    Kum 2014 a  Section tin te Hlimkhawpui lak dan chu hetiang hi a ni.
              Buala    :    125                 

          Damvea    :    127
         Kapdaia    :    125              

     Lalsavunga    :    40
     Saichhuma    :    109    

 Vawmphunga    :    58  
                Total    :    584
        Hlimkhawpui la thar duh ten mahni awm na section a Hlimkhawpui Agent te hnenah in report mai tur a ni.            

Advertisement....

Bawnghnute rate thar
    Tunlaiin thil man te a san chhoh zel avangin Bawnghnute man pawh Litre ah ` 50 a ni tawh dawn a, mipui te kan inhriattir a ni e.

In \hian,
Lalremliana
Hlimen Vengthlang

LAWRKHAWM :

J.A.C. chetna
    March ni 2, 2014 (Pathianni) khan JAC te chuan khawtlang ti\awptu ruihhlo te dapin zing dar 6:30 a\ang khan an fehchhuak a, Pu Chhawn\huama leh Pi Rokhumi, Kapdaia Sec. ami te zû litre 10 vel leh bilh lai thlawr tur \in 5 vel an manchhuak a. Action te lak nghal a niin zu neitu Pu Chhawn\huama hi Exise kutah pek nghal a ni. Hemi ni vek hian thu zawhfiah ngai leh zilhhau ngai mi 4 koh an ni bawk a, zilhna pek an nih hnuin hawtir leh an ni.
    Heng khawtlang tana theihtawp chhuahtute hi an tha kan tihchak lehzual a pawimawh a. An ei leh in tur leina atana tlawmngaia sum leh pai pe thei kan awm chuan lawm takin an dawng reng thei a ni.

Lawmthu sawina
    Feb. ni 19, 2014 (Nilaini) a kan fapa Jacob Lalruatfela (1½ Month) damlohna leh thihna chung changah tlawmngai a min buaipuitute chungah leh min sunpui a min tuarpuitute zawng zawng chungah lawmthu kan sawi e. Kan rul seng dawn lo che u a, Pathianin malsawmna tam takin vur \heuh che u rawh se. Tin, YMA Branch Hlimen leh kohhran ten min buaipuina ah lawmthu kan sawi tak meuh meuh bawk e.

    In khawngaihna dawngtu,
    H.Zomuanpuia te nupa
    Hlimen Vengthlang

Quarry kawng en
    March ni 3, 2014(Thawh\anni) khan Local Council te leh Kapdaia Section YMA hruaitu ten Quarry kawng thlanga lungpui, kawngpui do tu lak a nih leh nih lo en in an thawkchhuak a, fur pui a lo thlen leh a, Quarry kawng in a tawrh mai loh nan kawngthlang lama lung lak phal loh chin  rin a chhinchhiah te chu la lo turin lung la te an hriattir a. Tin,  hemi hnu hian Pu Lalhmingliana Chairman Local Council te lungherna khawl in (Quarter-ah) lungher khawl neitu te ko khawmin khawl neitu te nen inkawmhona \ha tak an nei a, khawl neitute hnenah hian an khawl zawn \heuh fai zawk a enkawl tur leh mipui in khawl zawn an paltlang lai a, fimkhur zawk a balu/ rawra load turin an ngen a. Tin, FK Stone Work pan chhohna kawng kual laiah Motor trunning tawh lo nise an ti bawk. 

 Chapchar Kut a kan Branch aiawha Cheraw & Solakia lam entir te.

PAGE - 4

KEIMAHNI
Hlimkhawpui Budget
    Hlimkhawpui  2014 Febuary  thla Budget  pe tla tawh te:
1.    Damvea Sec.    2. Saichhuma Sec.
3.    Lalsavunga Sec.    4. Kapdaia Sec.
5.    Buala Sec.
    Saichhuma Sec. te hian June thla thleng Budget an tlak tawh bawk.

Kapdaia Section
    Section huam chhunga House Number la neilo ten March thla ral hmain Tv. Lalthlengliana Asst. Leader hnenah in report tur a ni e.
    Kan Section Committee member Tv. Lalpekthanga S/o R.Dingliana leh Zohmangaihzuali, Damveng te inneih lawmpui nan Citation mawihnai tak hlan a ni.
    Section ten Appron kan zawrh chhuah min leisaktute hnenah lawmthu kan sawi a. Tin, a man hi a rang lama khawn tum a ni a. Tlawmngaia min laksak tute kan inhriattir e.
   
    Sd/- Secretary
    Kapdaia Section

Branch Day chungchang
    March ni 23, 2014 hi Hlimen Branch YMA dincham vawi 68-na a ni a, hemi ni hi Pathiani a nih avangin March ni 22, 2014 (Inrinni) zingkar hian Section hrang hrangte mahni Section ah \heuh naupangte nen khawlai dung tifaia hnatlang neih tur a ni ang. O.B. te hetiang hian an kalna tur ruahman a ni :-
    Vawmphunga Sec.    -    Pu Vanlaltluanga, Pre Sec.
    Buala Sec.    -    Pu Robuanga, V.Pre
    Lalsavunga Sec.    -    Tv. R.Lalawmpuia, Secy.
    Saichhuma Sec.    -    Pu Lalrinmawia, Asst.Secy.
    Damvea Sec.    -    Pu Lalhmuchhuaka, Trea.
    Kapdaia Sec.    -    Pu Lalthantluanga, Fin.Secy

Buala Section
    Section huamchhungah House No. ennawn/ siamfel paha Name Plate siam tum a ni a, hemi chungchanga hriatfiah duh nei chuan March ni 15, 2014 ral hmain Tv. R. Lalrindika Asst. Leader, Tv. Zonunsanga Secy. leh Tv. Zonunkima Asst. Secy te hnenah zawhfiah tur a ni. 

Keimahni chhunzawmna.........
Chhiatni Fund chungchang
    Issue hmasa lama tarlan tawh angin kum 2014  atan  a chhiatni fund chu khawn tura ruahman mek a niin  chhungtinte hnenah ngenna pawh pek chhuah mek zel a ni a, a khawn tur ten an rawn khawn huna lo pe thei turin chhungtin te lo in ring lawk \heuh ila a \ha awm e.
    Tin, sawi tawh angin chhiatni fund hi kum tina khawn tawh tura ruahman a ni a, chhiatni fund pe lo te chuan chhiat kan tawhin chhiatni fund khawn khawm a\anga \anpui lam chi reng reng hmuh a ni dawn lo a ni.
    Tin, chhiatni fund khawntu ten Reciept kan kawlin a daih lo a nih chu Pu Robuanga hnenah lam mai tur a ni e.

Disaster Sub- Committee din a ni
    CYMA Gen. Secy. Pu Vanlalruata hnen a\anga lehkha hmuh angin chhiatrupna thil a lo thlen a mipui pungkhawm lo kaihruai a, ruahmanna fel tak lo siam thei turin Sub-Committee din tur a tih kan ni a, hetiang hian Sub-committee din a ni:
    Chairman    :     Pu Lalrinmawia
    Vice Chairman    :    Lalhmunsiama
    Secretary    :    Lal\anzuala
    Asst Secy.    :    R. Zoliana
Tin, Member te chu Pute (1) Vanlaltluanga (2) Pu Robuanga (3) Lalthantluanga (4) Lalhmuchhuaka (5) R. Lalngheta (6) Lalhmingliana Chairman LC (7) R. Lalbiakmawia (8) Zolianchhunga (9) Zoramhmangaiha (10) Lalchhankima (11) Tv. R. Lalawmpui a leh (12) Tv. R. Lalrindika te an ni.
 

Advertisement...

Vawkpa chi thlah tir man
    Vawk note \ha neih i duh chuan vawkpa chi thlah tu tur \ha tak ka nei e. Vawkte man to chho zel leh vengdangah te pawh an tih tawh angin thlahtir man hi March ni 10, 2014 (Thawh\anni) a\angin ` 2,000 a ni tawh dawn a ni.
   
    In \hian,
    Pachhunga (Patea)
(1-1)    Hlimen, Vengthlang

School Admission
    F.Thangmawia Memorial School ( A unit of Home Mission School) Melthum ah 2014 - 2015 session atan KG-I to class VI thleng admission hawn mek a ni. I faten English, Maths, Hindi leh Subject dangah hmasawnna an neih theih nan Experienced Teacher ten an enkawl turin rawn dah ve rawh le.
            Admission    Monthly
            fee    fee
    KG-I & KG-II    -    ` 1500    `  500
    Cl- I to Cl.-VI    -    ` 1800(New)  
            ` 1500(Old)
   
(2-1)    Contact :- 9862711998, 9862224699

Admission Open for the session (2014-2015)
    Solomon’s High School Upper khatla, Aizawl a awm \hin chu remchan zawkan avangin Pu Ranga Building Kulikawn ah kan insawn a, Session thar (2014-2015) atan Cl-VII to Cl- X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian I fate rawn dah ve rawh le, Mathematics leh science subject a harsatna neite leh sports a tui te duhsak bik an ni ang. Hostel a awm nghal bawk e.

    Contact :     1. 9774630781  
        2. 8014442431
        3. 8014389494  
                     HC. THAWNGA
    (7-4)                  Top Ten Math Tutor