Nikir Thla Ni 28, 2014, Issue No. 26

PAGE - 1

TUALCHHUNG :

Damlo: Nl. Zorinkimi D/o Zohmangaiha, Saichhuma Sec. a mi chu (Typhoid) natna avanga Alpha Hospital a enkawl a nih hnuin June ni 25, 2014 khan In lama enkawl chhunzawm turin rawn hawtir leh a ni.

@@    Pu Lalmuanawma H/o Zomuanpuii, Lalsavunga Sec. a mi pawh Typhoid natna avangin In lamah a inenkawl mek bawk.

Tuak thar: Bradly Lalchhanchhuaha S/o Chhawrthanga, Damvea Sec. a mi leh Lalnunsangi C/o R.Lalhmingliana, Buala Sec. a mite chuan dam chhunga nupa ni turin June ni 26, 2014 (Ningani) khan ‘tiam tlat e’ an ti.

@@    Johny Lalremsiama S/o H.Lalrinmawia, Kapdaia Sec. a mi leh H.Lalhmangaihi, Samlukhai khua a mite chuan UPC Kohhran Biak In Hlimen ah damchhunga nupa ni turin ‘tiam tlat e’ an ti.

JAC chetna: JAC chuan report a dawnte bawhzuiin  June ni 25, 2014 (Nilaini) khan Serlui hnar a zu sakna hmunte an check a, zu sakna hmanrua Belpui set khat a neitu hriat loh an man a ni.
    Tin, June ni 26, 2014 (Ningani) zan khan mi huan thlai ruk chung changah naupang 3 te chu koh an niin zilhhau a hawtir leh an ni bawk.
    Khawtlang a thianghlim nan leh a nawm zel nan khawtlang tana hnawksak thil tihching kan hriat te chu JAC ah report zel turin mitinte kan inchah nawn leh a ni.

Leimin vangin êng nei lo: June ni 26, 2014 (Ningani) tlai dar 2:00 - dar 3:00 khan mauhakkawn hnai kawng laih thar a Electric ban chu kawng chung a\anga leiminin a hnawl thla a, Electric Line te a tichhia a khua ten a zir loh avangin siam\hat kim hman a ni lo a. In 10 laiin Power Supply an neih loh phah a ni. A tuk June ni 27, 2014 (Zirtawpni) khan Duty te \hahnem ngaihna avangin siam en sak vek an ni leh ta.

Women Scientist-ah: Dr. C.Malsawm-tluangi W/o Lalmuanawma, Saichhuma Section a mi chu Pachhunga University College ah Women Scientist a thawk tura appoint a ni. He a hna thar tur hi a zawm thuai dawn niin hriat a ni.
    Hlimkhawpui Editorial Board ten kan lawmpui takzet e.

FRONT :

CHHIATNI KAIHHRUAINA

Mitthi In lam singsak : (a) Mipui punkhawmna atan kan In leh lo singsak a ngai \hin a. Hetiangah hian \henrual \hate’n tlawmngaih chhuah zel ila. Amaherawhchu, hmanhmawh lutuka tih loh nise a tha a, siam\hat leh har tur phei chuan tihdanglam loh ni thei se.
(b) In chhunga thil tar, mipui hmuh atana ngaihmawh chi a awm a nih chuan dah bo mai ila.
(c) Mitthi an awma, thingpui lum hi In lam singsak felah \an nise. Thingpui bawlhlo hi mitthi chhungte leh Branch hruaitute inberawn emaw a a fel thei ang bera lak thin nise.
(d) Chhiatni a bungrua kan lak \hin hi sulhnu chhui a fel zawk theih nan uluk taka chhinchhiah thin nise.
(e) Mitthi chanchin ziahna tur board neih theuh nise.
Ruang tlaivarpui : (a) Ruang tlaivarpui hi \halaite mawhphurhna a ni a, hetiang huna lan loh hi thil zahthlak tak a ni.
(b) Ruang tlaivarpuinaa inchhunga thutna a awl reng laia pawna awm hi a mawi lova, nula tan phei chuan a mawi lo lehzual.
(c) Khawvar veleh haw mai tur a ni lova. Nu leh pa hmel a lan tam hma chuan haw loh a tha ber a, tlaivar thlaktu nu leh pa pawhin tlaivarte hmakhawngai taka kal hma pawh a tha khawp mai. Nu leh pa hian nula leh tlangval tlaivar thlak hi kan mawhphurhna a ni a, kan taima tawk lo hle, \an la ila.
(d) Ruang tlaivarpuina a thingpui leh \ul dang awm theite Branch tinin \ha an tih angin mahni Branch theuhvah kalpui nise.
(e) Hmun hrana thi, ruang thleng mai lo tur tih hriatsa chu khawtlangin tlaivara nghah loh nise.
Thlanlaih : (a) Thlanlaih laia kan inchhawk rang lutuk thin hi tlawmngaihna thil mah nise, hna a tisawt lo thin a, chuvangin val upate’n hna sawt dan tur ngaihtuaha remruat thin a tha hle ang.
(b) Thlan laihnaa thingpui/tui sem chungchang chu mahni Branch in tha a tih anga kalpui nise.
(c) Thlan laihnaa kal si,vawikhat mah lut lova a bul vela lo mutte leh bial hran lo siamte hi chin loh tawp tur a ni.
(d) Tleirawl zakzum zawk lut mai ngam si lote tih tlangnel dan hi rual u zawkte’n thiam ila a tha.
(e) Thlan laihnaah phawk chhuaha intihberh vak hi chin loh nise.
(f) Thlanmual hi mawi taka rem a tha a, remchang apianga inphum mai lova, tlar nalh taka siam a tha a, thlan hung leh thlan siam pawh a intlar dik taka tihtir \hin nise. Thlan hung dan tur chu Branch-in \ha a tih anga siam ni sela, inzawn vel a tihbuai theih avangin thlan hung lohte pawh a tha hlei hlei.
(g) Thlan hi renchem taka laih nise.
Inphum thu : (a) Zing dar 10.00 hmalama thi chu a ni la laa inphum nise, \ulna bik awmah chuan YMA hruaitute leh Mitthi chhungte inbiakremna angin kal ila.
(b) Mitthi reng reng hlamzuih pawh thlanmualah inphum tur a ni a, hlamzuih phumna tur bik pawh Branch-in siam a tha.
( Phek li-naah chhunzawm a ni.)
 

PAGE - 2

EDITORIAL :

Chhiartu ten an zawng chhang , la chhiar lo ten chhiar an chak
    Hlimkhawpui Weekly News chuan kum 2014 kum chanve June thla chu chuangkaiin kan lo hmangral leh dawn ta reng mai. Kan hriat angin he chanchinbu hi YMA buatsaih a nih angin a chhungthu pawhin a YMA thei ang ber a buatsaih a ni in Hlimen khawtlang mipui tan a \angkai thei ang ber nia hriat a kalpui a ni.
    He chanchinbu ah hian fak leh chawimawi phu te chawimawi nan leh fuih ngai te in fuih nan te hman a ni \hin a. Tin, Hlimen hi veng kar te a zau tham ve tawh a; chhungkhat laina te pawh chanchin in hriat pawh mai te a har \hin avangin damlo te, innei thar te hriat ang ang tarlan \hin a ni bawk a, hei hi  mi tam tak tan chanchin in hriat tawnna a ni in, a chhawr awm em em \hin a. Chuvangin, chhiartu ten an zawng chhang a, chhiar lo ten chhiar an chak phah em em bawk \hin.
    Tun aia he chanchinbu hi khawtlang mipui tana a lo hlut theih zel nan leh khawltang in pumkhatna atana a \angkai zel theih nan khawtlanga thil thleng thar te kan hriat ang ang Editorial Board te hrilh hriat \hin ni sela, chu chuan he chanchinbu hlutna hi a tizual ngei ang.
    He chanchinbu a\ang hian mi tamtak ten chhungte chanchin leh khawtlanga mi hlawhtling te leh \anpui ngai te an hriat phah a, tualchhung chanchinbu te a awm neuh neuh a, a tam zawk erawh hi chu kohhran mal chanchinbu te a nih avangin khawtlang a huap zo lova, Hlimkhawpui weekly news erawh hi chu khawtlang huap chanchinbu awmchhun a nih avangin mi tamtak ten a chhuah hun hi an nghakhlel \hin a. Chhiartu ten an zawng chhang a, la chhiar lo ten chhiar an chak a ni.

ZIAKTUTE HUANG :

KUM SANGBI THAR
                - Andrew Khawlhring
   
    Hmanni chu Facebook; mizo vin ‘hmaibu’ an tih hi ka keuva, mi pakhat hian ‘kum sangbi thar’ tih hla lar laia piang te pawh kum an lo tling ve tawh tih hi ka chhiar a, ka chhiarna a rei deuh tawh a, ka sawi dik lo deuh mai thei. A hla han hriat hian lungte pawh a tileng  lawm le. Khang hun laia hla lar dangte pawh rilru-ah a lang a. Hrisel lo tak chunga riangvai fate tih hla ka ngaithlak te kha rilru ah a rawn lang zawk a, lung  aleng duh khawp mai.
    |anrual hi chakna a ni tih chu kan hre vek awm e, mahse, kan \anrual thiam loh chuan a pawi hle ang. MZP an reform leh tih te ka lo hria a, a lawmawm ka ti hle. Pawl/NGO leh khawtlang kaihhruaina kawng hrang hrangah duhkhawp lohna sawi tur kan nei vek awm e, khang kan ngaimawh te kha han sawichhuak ila hma kan sawnpui ngeiin ka ring.
    Kum sangbi thar \antir lai ang mai mai a nun hi a hun tawh lo a ni. Hmasawnna. rual elna leh finna etc. heng zawng zawng hlawhtlin theih nan hian nang leh kei kan pawimawh ber a. Chutihrualin, mahni chauha hmalak a harsat avangin pawl leh kohhran te pawh kan pawimawh em em a. YMA, MHIP leh MUP te paw’n tih tur tam tak kan neiin Zirlai pawlte pawhin hmalak tur kan ngah hlein ka hria. Chutih rual chuan engkimah Pathian rawn ila, kohhran bel tlat ila, kum sangbi thar kan kai tirh a kan nun ang khan nung tawh lovin mi hnuai a kuthnathawk ringawt a chhungkaw chawm tum lovin hna dang \ha zawk thawh emaw kamding nih ka tum ang tih rilru puin lehkha zir ila. Ram leh hnam, khawtlang leh chhungkaw tana inhmang siin; hla siamtu in ‘kum sangbi tharah Krista tan’ a tih ang khan Lal Isua hrereng chungin kan veng ka tihmasawn ang tih rilru i pu ang u.

#########################################################################

    Hlimkhawpui Budget (Jan- June) pe \ha ber Saichhuma Sec. hnenah Editor-in lawmman a hlan lai

PAGE - 3

HRIATTIRNA :

Tui connection tih leh theih ta
    PHE Deptt. ah Tui Connection hun engemaw chen an khar hnuin a tih leh theih ta. Aizawl Water Distribution South Division ah buaipui leh tur a ni. Connection thehlut tawh la pending sakte pawhin a bawhzui leh theih ta e. Thil chu a hunlai a bawhzui \hat hi a fel hmana a ni.
 

Cement Mistiri traning duh tan
    YMA kumpuan ram leh hnam humhalh bawhzuina kawng khat atan Central YMA leh Labour & Employment & IT Deptt. \angkawpin Cement Mistiri Training Batch 9 na an \an leh dawn a. Training duh chuan Branch YMA Secretary hnenah in report tur a ni e. Training hi July ni 8, 2014, (Thawhlehni) Dar 11:00 ah Central YMA Hall, Tuikhuahtlangah \an tur a ni ang.
    Training turte chuan Votter ID, Ration Card, Age Proff Certificate (Xerox) leh Passportsize 2 copies ken \heuh tur a ni. Hrechiang duh chuan Central YMA Office Phone Number 3089-2322869 emaw Ph. No. 9436152161/9862368015 ah zawhfiah theih a ni e.

    Sd/- Secretary.
    Hlimen Branch YMA

Hlimkhawpui World Cup
Football Prediction
    Issue hmasa lama tarlan tawh ang khan World Cup Round of 16 lutte a\angin Champion tur inrindik siak buatsaih a, lawmman siam a ni bawk dawn a. Hming leh awmna Section bakah Phone number ziakin Hlimkhawpui Letter Box ah a thehluh theih reng a ni. Tin, Editorial Board te Phone number ah pawh Massage a thawn theih a ni bawk e. Champion ring dik pakhat aia tam an awm chuan \hum vawr a ni anga, lawmman ` 200/- hlan an ni ang.

ADVERTISEMENT .....

National Institute of Open Schooling
Khatla Primary School-I, YMA Hall bul
    Class X leh XII Admission a tih theih reng e, Exam Centre leh A1 - 300009 neitu kan ni e.
(1-1)    Contact :- 9862580546

UI THÂU sa duh tan
    Uisa thianghlim tak englai pawhin lei tur kan nei reng e. KG 1 ` 300/- chauh a ni. A duh tam tur tan chuan a hma lama Order nise a \ha ang.

Phone No.    In \hian,
9612144235    Lalzuithangi
9862576609    Hlimen Thlanmual Veng

LAWRKHAWM :

lawmthu sawina
    Kan pa Lalrinawma Siakeng in vanduaina a tawh chung changah lawmthu sawi ve kan duh a. Hlimkhawpui kaltlang a kan lawmthu sawina hi khawngaih taka min lo pawmsak turin kan ngen a che u.
    keini nufa berh tak, mi kam\huah rual pawha kam \huah ve thei lo. Vaihlenhlo nena in\henawm reng mai, khatia mangang thlabar leh hlauhlawp; mittui nena kan \hut lai a min thlamuan tur leh kan pa dam leh theih nana min \awng\aipuitu zawng zawngte, thisen Unit 40 chuang lai mai min petute, chhun zan zawma a thim a var pawh thlu lova min buaipuitute kan thla in timuangin kan va lawm em!! Kan lawm zia hi thuin an sawi seng lo, in mi \anpuina leh \awng\aipuina zarah tunah dam takin Lalpa’n damdawi In a\angin min hruaichhuak ta. Lawmthu kan sawi rualin min lo \awng\aipui zel turin kan ngen bawk che u a ni.
    Lalpa’n a let tam takin rul che u rawh se.
    In khawngaihna dawngtu,
    Lalrindiki te nufa
    High Sikul Veng

Lawmthu sawina
    April ni 15, 2014 tlai lam dar 4:00 ve khan tawhsual ka tawk palh hlauh mai a, ka nakruh pahnih a tliak a, ka lu ah hmun ruk a \hui ngaiin a hliam bawk a. Ka tawhsual tawh chung changah hian \awng\aipuitu tam tak ka nei a. Tin, Damdawi In a ka awm lai leh ka lo chhuah hnu pawhin kantu ka ngah em em a, min kantute lah kutruak maia lo kallovin sum leh pai leh eitur nen in lo kal hlawm a. In mi \anpuina zozaite hi kei chuan ka rul seng dawn lo che u a, Lalpa’n malsawmna tam takin vur zel che u rawh se. Khawtlang mipui leh kohhran min \awng\aisakna avangin ka lo dam ve zel a, Pathian hnenah leh khawtlang mipui chungah lawmthu ka sawi tak meuh a ni e.
    In khawngaihna dawngtu,
    Pi Biakdangi
    Hlimen, Venglai

Day hmang dawn
    MHIP Hlimen Branch te chuan an Day July ni  7, 2014 (Thawh\anni) hian ruai nen ropui taka lawm an tum a. Thawhlawm khawntu ten a rang lama khawn zo turin hruaitu ten an ngen a, tin hemi ni a tel tumte pawhin thawhlawm an khawn lo pe thei turin lo inrinlawk nise an ti bawk a ni. Hemi senso phuhruk nan hian Lucky Ticket an siam a, pakhat ` 5 man chauh a siam a ni. Chhungtin ten lo dawr \heuh turin hruaitu ten an ngen.
    Hemi ni chawhma lamah infiamna hrang hrang hmangin hun an hmang dawn a. Chawhnu lamah YMA Hall -ah Programme hlimawm tak an buatsaih dawn bawk a ni.

Joint Meeting nei
    June ni 24, 2014 (Thawhlehni) zan khan YMA Hall-ah Local Council kaihhruaina in MHIP, MUP leh YMA Office Bearer te chuan Joint meeting an nei a. Hlimen zophei a Synod in ram min pek let lehah thingphun nise a ti a. Thing phun tur hi sairang a mi June ni 27, 2014 ah lak nise, June ni 28, 2014 (Inrinni) ah thingphunna tur hmun samfai leh phun hnatlang neih te an rel a ni.

PAGE - 4

KEIMAHNI :
Hlimkhawpui Budget
    Hlimkhawpui  2014 May  thla Budget  pe tla tawh te:
1.    Saichhuma Sec.    2.  Damvea Sec.
3.    Lalsavunga Sec.    4. Kapdaia Sec.
5.     Buala Sec
    Damvea Sec. leh Lalsavunga Sec. ten July thla thleng an pe tla tawh a

Lawmthu sawi
    YMA Hall a TV chu a chhia a, en theih lova hun engemaw chen a awm hnuin Pu Lal\hazuala, Buala Sec. a mi chuan thlak ngaite thlakin a thlawn liau liau in min siam\hatsak, a chungah Branch hruaitute an lawm hle.

Hlimkhawpui lawmman hlan a ni
    June ni 27, 2014 (zirtawpni) zan khan Hlimkhawpui Office ah Kum 2014 chhunga kum chanve  Hlimkhawpui Budget (Jan- June) pe \ha ber Saichhuma Section te hnenah Bright Bucket lian hlan a ni. He lawmman hlanna hun reilo te ah hian Saichhuma Section OB pathum bakah Hlimkhawpui Editorial Board te an kim a ; tin, lawmman hi Editor in a hlan a ni. Thlalak ho na te neiin hun hlimawm tak hman a ni bawk.
    Kum chanve dang (July - Dec) lawmman pawh pek leh theih ngei tum a ni a. Section tinte lo in buatsaih leh chur chur teh u. 

(Phek khatna chhunzawmna.........)
Khawhar lenpui :
    Khawhar lenpui hi thil hlu leh thil mawi tak, Mizo nunphung a ni a, khawhar chhungkua thlamuan tur kan nih avangin an mahni chhawk zangkhai zawnga kan awm a pawimawh hle.
    (a) Khawhar kan inlenpui hian Mizo chu khawhar hla sain kan zai ho thin a, khawhar hla thiam lo nula emaw, tlangval emaw nih hi thil zahthlak tak a ni.
    (b) Khawhar lenpuina boruak tichhe khawpa thusawi \hin hi chin loh a tha.
    (c) Khawhar ina zai chungchangah Biak In hnaih deuh, thawm hriat phak chinah chuan Kohhran ngaihdan ngaihchan thiam nise.
    (d) Khawhar lenpui chungchangah khawtlanga thawhhona a that zawk nan leh chawpchilha hetiang thu rel fo a ngaih loh nan, veng chhunga Kohhran hrang hrang hruaitute nen inrawn tlangin hruaitu chan chan thuah kalphung tur siam fel a tha hle.
 

CHHIARTUTE NGAIHDAN :

@@    Hlimkhawpuiah hian tualchung thil pawimawh leh \angkai tak tak chhuah \hin a nih avangin nge ni Hlimkhawpui chhiar ngailo te hian tualchhung thil an hre lo in an mawl huih in ka hre \hin. A chhungthu chhiar chhuah hian mi pangai ah min chhuah in ka hria.

- Hlimkhawpui ngaina em em tu. Hriat belh châk-a

@@    Quarry kha kum 1992 khan a chim vak mai a, a pawi hle. Chumi hnu chuan vantlang mipui tan lung a lak theih a, kan la chur chur mai a nih kha. Vengchhungah pawisa leng vak a tam phah em em bawk. A engemaw nawm phian. Mahse, ti teh ang, lung lak runpui a nih a\ang khan kan veng hi zirna kawngah kan hniam ta riau in ka hre tlat mai a. hei tunah lung lak tur mumal a awm ta lo va. Kumin ah pawh HSLC leh HSSLC result chhuak ah passed an \hahnem ta hle. Ngaihtuah peih te tan.....

-Thlirtu

Lawrkhawm chhunzawmna...

Sairang lamah thingphun tur la
    June ni 27, 2014(Zirtawpni)  khan Zophei a Lalsavunga Park a thingphun tur chu Local Council te leh YMA aiawha kal mi 5 ten Sairanga Forest Deptt. Nursery a\angin an la a, kung 400 bawr vel an zuk la a ni.
    Tin, June ni 28, 2014 (inrinni) khan Local Council te leh M.U.P te, Y.M.A leh M.H.I.P ten Joint Committee neih a, an lo rel tawh angin Zophei-ah hian thingphun leh a hmun samfai a, vantlang hnatlang neih a ni a, he chanchinbu buatsaih lai hian thu kimchang hriat hman a ni lo.
 

World Cup Football Round of 16
Order of Match
    Khawvela ennawm ropui ber tia an lo sawi \hin World Cup Football 2014 chu Round of 16 (Pre-Quarter Final) chu khelh \an a ni ta. Hlimkhawpui chuan Order of Match kan han siam chhin a, tihdik loh palh a awm chuan thupha kan han chawi lawk a ni e.

 

Nikir Thla Ni 22, 2014, Issue No. 25

PAGE - 1

TUALCHHUNG :

Thlan laihpui: June ni 18, 2014 khan veng \henawm Melthum chuan mitthi pahnih n neih avangin Hlimen Branch YMA chuan thlan an laihpui a, thlan laihna-ah hian Member 42 zet an thawkchhuak.

Thing zarin vua: Central Workshop hungna zira Electric LT Line chu June ni 19, 2014 (Ningani) kha lamkhuang zar tliakin a vawchat a. hemi tlai vek hian siam\hat leh nghal a ni. Kapdaia Sec. ten Duty an lo puih avangin Duty ten lawmthu an sawi.

Parking hmun enfiah: June ni 20,2014(zirtawpni) chhun dar 11 vel bawr khan AMC lam aiawh leh Traffic lam hotu \henkhat te lokalin Hlimen a Motor parking na hmun tur te bakah Sanitation Point, Gasdistribution point te enfiah in a hmun tur te pawh tih fel a ni.  Hlimen Parking Committee te leh Local Council te nen an thlir ho a ni.

Seminar nei: June ni 17, 2014 (thawhlehni) khan Synod Conference hall, Sikulpuikawnah Mobile Tower & Radiation chungchangah Seminar neih a ni a, Hlimen a\angin Local Council aiawh leh kan venga Tower phunna hmun neitu te an kal.Tun dinhmuna zirchhianna neih mek ah chuan Mobile Tower hian Cancer natna bik chu a thlen theih thu hriat a la ni lo niin mithiam ten an sawi.

Thingphun tum: Zophei ram, Synod-in vantlang ram atan an pek let chu a hmun sam fai leh thing tam tak phun thar  tum a ni niin thu dawn a ni a, a hun tur tak erawh tun dinhmunah hriat mai a la ni lo.

Fimkhur ila: Furlai a niin Current kan hmang nasa hle a, fur khaw hnawngin a tibuai thei avangin kan wiring te check nung a pawimawh hle. Tin, Plug Off theihnghil hin pawi nasa tak a khawih theih avangin fimkhur a \ha bawk.
    Zanah Thosilen zar \hin ang che. 

FRONT :

YMA IN NAUPANG KO KHAWM
   
    Tunlai ram leh hnam, khawtlang ten hma a sawn a; changkanna lam panin chak takin ke a pen mup mup reng a. Chutih lai chuan changkanna te leh hmasawnna te chuan a rawn kentel ni awm takin sualna chi hrang hrang pawh a lo pung ve zel a. Kan ram leh hnam, khawtlang te chu zû/Drugs leh mipat hmeichhiatna hmansualna te chuan min eichhe mek a. Kan \halai tam tak ten nunna an chanin nunkawng \ha lo an zawh mup mup ta mai a.
    Hetiang renga a kal chuan ram, hnam, khawtlang a chhe zo dawn a hriat a nih avangin ram leh hnam; khawtlang nun chhanchhuah nan ruihhlo in a la tihbuai loh leh mipat hmeichhiatna in a la tihbuai loh naupang kum 10 - 15 inkarte chu YMA Hall-ah kokhawmin nunkawng dik an zawh theih nan zirtirna pek \hain Branch YMA chuan a hria a. June ni 20, 2014 (Zirtawpni) zan khan Section tin a\angin naupang (kum 10 - 15) kohkhawm an niin hetiang hian Programme hman a ni.
    Chairman    :    Pu Vanlaltluanga, Pre. YMA
    Hunserh    :    Nl. Lallawmkimi, Comt. Member
    Thusawi    :    1) Upa H.Ngurthansanga, Mission Veng.
            2) Pu R.Lalngheta, Ex. Officio YMA
    Solo    :    1) Nl. Lalruatdiki, Buala Sec.
            2) Nl. Gospel Lalruatengi, Buala Sec.
    Vote of Thanks    :    Pu Lalhmuchhuaka, Tre. YMA

    Hetiang hi Section hrang hrang a\anga naupang kaldan a ni :-
1. Buala Sec.    -    56    2. Damvea Sec.    -    39
3. Kapdaia Sec.    -    15    4. Lalsavunga Sec.    -    10
5. Saichhuma Sec.    -    48    6. Vawmphunga Sec.    -    14

    He huna thusawitu te hian an sawi \ha in an sawi thiam hle a, naupang lamte pawhin an ngaithla \ha hle. Thusawi karlakah hian Nl. Lalruatdiki leh Nl. Gospel Lalruatengi ten thiam takin kalkhawmte hi an awi reng bawk a ni.
    Hemi zana thusawitute hian \hahnem an ngaiin an sawi \ha hle a, an thusawi hi a kimchangin kan tarlang hman lo. An thusawi ah Drugs/zu leh ruihhlo in min tih chhiat dante, nunna chan phah an tam dante thiam taka sawiin heng laka kan fihlim theih dan ber chu ‘tihchhin loh’ hi a ni a. Vawi khat tihin a dang a hring zel \hin a, a tawpah chhiatna/thihna min thlen \hin. Tin, mipat hmeichhiatna te nupa nih hma a hman a pawi dante thiam takin kalkhawmte chu an hrilha, khamlo takin zan dar 9:00 velah hun tihtawp a ni ta a ni.
     

 PAGE - 2

EDITORIAL :

HMASAWNNA DALTU I NI EM?
    Hlimen hi a senior dan leh a kum thu ngaihtuah chuan kawng tinreng a hmasawn tura zirtirtu ni tawh awm tak kan ni. Tute fiamthu emaw ang deuhin vawk vulh chu a tê nanga a upa tawh a nia a ti e an tih ang maiin veng senior leh upa kum 200 tling meuh lawm ngam tawh kan ni.
    Hlimen hi kan tu leh fate \hanlen nan leh awmhlenna tlak a nih theih nan khawtlang boruak muanawm, vantlang nun hlimna leh hriselna ngaihthah tur a nilo. Khua leh tui ten theihtawp a hna an thawh a, zirlai ten \hahnem ngai tawka an zira, thlamuang em ema Pathian an biak theihna khawtlang nih hi a hlu a, chu chu vantlang nun zahawmna a ni a, ram leh hnam dinchhuahna tur atan pawh a kila lung pawimawh tak a tling pha a ni.
    Kan khawtlang nun a mawinate, a muanawmna leh hriselna te, a zahawmna te hi a chhiat loh nan mitin ten mahni hmazawn \heuhah mawh kan phur a ni tih hriat a hun hle. Mahni mawhphurhna haider ching kan tam ta lutuk hi chu a pawi teh zawng a nih hi. Kan khawtlang hmasawnna turin hruaitu ten tih tur lrh tihloh tur; vantlang mawhphurhna chinte an siam a, chungte chu zawm ila, khawtlang nuam leh hmasawn, changkang tak kan ni tawh mai tur hi a ni a.
    Mahse, sakhawmi zingah YMA tihawm tawka ngai tlatte, tin, YMA zingah pawh JAC tih awm tawk a ngai tlat te, thil ngaimawhawm pawh haider lui tlat a hawisan \hin kan tam avangin khawtlang in a tuar a, hma a sawn thei lova. Mi thil tih sawisel thiam a, sawisel peih em em, mahse thil \ha entawntlak a tih tum chuang si lo engemaw zat sawi tur an awm. Chung hote chu khawtlang hmasawna daltu an ni ber mai. Chhiartu duhtak, hmasawnna daltu i ni em le?

ZIAKTUTE HUANG :

BAWLHHLAWH CHUNG CHANG
    - Secretary
    PPP Mode, Hlimen
   
    Kan bawlhhlawh paih chung changah LPK (407) hian min zo tawh lo hle mai a, heti chung hian mipui lamin 20% tum tura tuk kan ni a. He kan harsatna hi AMC ah thlenin Pick Up Tuirial Dumping Ground thlenga bawlhhlawh paih tur dil a ni a. AMC lam hian min lo hrethiamin Pick Up chu min pe ta a, June ni 11, 2014 (Nilaini) a\ang khan tlantir a ni a, kar hmasa khan vawi hnih June ni 11 & 14, 2014 (Nilaini & Inrinni) ah an lo tlan palh hlauh mai a. Sr. Sanitation Office hriattir nghal vat an ni a, an ni lam hian vawi khat tlan awl mai turin min rawn avangin tunkarah Pick up tlantir a ni lova, Pick Up in bawlhhlawh a khawn lamte hriatthiamna kan ngen a, karleh a\ang chuan dik takin Nilaini apiangin kan khawn/tlan tawh turah ngai ila a \ha ang e.
    May & June 2014 User charge lakkhawm a lo hun leh ta a, tunkar chhoah khawn leh tum a ni a, chhungtin te lo inring leh turin kan inhriattirin kan inngen leh e.
    Ahnuai a mi ang hi March & April 2014 User charge hmuh leh hmandan a ni e :-
1. Hmuh zawng zawng    = 17,550
2. Hmanral dan :
    (1) LPK (407) tlanzat vawi 18 X 200 =    3600
    (2) Pick Up tlan zat    vawi   9 X 600 =    5400
    (3) 1 Labour                vawi 18 X 250 =    4500
    (4) 2 Labour                vawi   9 X 150 =    1350
    (5) Collector hlawh                             =    2000
    (6) Receipt,Xerox, Glove etc..             =    1000
                                                              Total  =    17,850

3. Balanced  17550 - 17850 =  -300/-

    User Chage lakkhawm hian min daih hram zel a, March & April 2014 ah phei chuan `  300/- in min daih lo a ni. (Hei hi a hma lama sum balanced tlem kan neih a\anga pekchhuah a ni)
    Hetiang hi kan dinhmun a nih \hin avangin chhungtinte User Charge pe \heuh turin kan inngen nawn leh tak meuh meuh a ni.

@@@@@@@@@@@@@@@@@@@@@@@@@@@@@@@@@@@@@@@@@@@@

Branch YMA in naupang a kohkhawm te

PAGE - 3

HRIATTIRNA :

Blawhhlawh a bawmah
    Indoor bula lamkhuang rah lo a ei \hin \henkhat ten in eina kawr leh a mute kawng laiah paih ching in awm a, kawng a ti\awpin a hnawk a, tunhnu chuan bawlhhlawh bawmah paih ziah tura ngen leh hriattir in ni e.

M.U.P. hriattirna
    June ni 22, 2014 (Pathianni) chawhnu inkhawm banah Pu Dengliana MUP Member ten ral tur a ni a. Member te kim taka kal \heuh i tum ang u. Dar 3:00 Pm ah \an tur a ni ang.
Sd/- Secretary
MUP Hlimen Unit.

Chhiah pek chungchang
    Land  Revenue & Settlemnet, Aizawl District Directorate Building (Top Floor) Khatla ah Lei man a la pek thei a ni tih kan thu dawnna chuan a sawi a, leiman chhiah la pe lo ten ngaihven a \ha awm e. Pek tlai chuan Late fee chawi a ngai zel dawn niin kan thu dawnna chuan a sawi bawk.

2014 Fifa World Cup prediction
    Kum 2014 FIFA World Cup, Brazil  a khelh mek chu a vanglai a thleng chho \an ta zel a. Hlimkhawpui Editorial Board te chuan World Cup pual hian in rindik siak buatsaih ve ila kan ti a, Round Of 16 result a\angin Champion tur ni a rin  inrindik siak siam a ni dawn a, lawmman \ha ve tawk tak siam a ni bawk ang. Tun a\anga lo ring duh kan awm a nih chuan Hlimkhawpui Editorial Board te Phone No. ah SMS in Team rin  leh a thawntu hming leh Adress chiang tak a ziakin a thawh theih a. Tin, Hlimkhawpui Letter box ah Champion tur a rin, thawntu hming leh Adress chiang taka ziakin a thlak theih bawk a ni. Mi pakhatin vawikhat aia tam rin awih a ni lovang. Han ring chur chur teh u.

Hlimkhawpui man pe |ha lawmman
    Kum 2014  January - June chhunga Hlimkhawpui chanchinbu man pe \ha ber Section chu Saichhuma Section niin kar leh zirtawpni zan ah Hlimkhawpui Office ah lawmman hi hlan an ni ang.
    Hlimkhawpui pe \ha lawmman hi kum chanve atan zel siam a ni a, July - December lawmman pawh siam a ni ang.

LAWRKHAWM :

Kan va lawm em
    Kan pa Dengliana’n min boralsan chung changah leh a damloh laia khawtlang mipui leh kohhran ho ten min hmangaihzia leh min lainat ziate kan hmuh a kan hriatin lawmthu sawi lo thei niin kan inhre lo a. Kan pa damloh lai leh a boral hnu thlenga min lainat zia; tha leh zung mai pawh ni lo sum leh pai in sen nasat zia kan hria. Kei nin kan rul seng dawn lo che u a, Pathian in a let tam takin a rul leh ngei ang che u tih hi in tan kan \awng\aina a ni. Mimal tin hnenah lawmthu kan hrilh vek seng lo a, he chanchinbu a kan sawi hi mitinin min lo pawmsak mai teh u.
In khawngaihna dawngtu,
Lalrinchhana te chhungkua
Hlimen

Medal hawn
    17th Mizoram Official Teakwondo Championship June ni 17 - 20, 2014 chhunga Chawnpui Sports Centre a khelh zawh takah Chalkunga Memorial Taekwondo Club Hlimen te chuan Medal 14 lain Best Decipline Trophy an rawn hawn a. He Championship ah hian Club 22 an tel a ni.
    Medal latute :-
1. Naom Lalbiakpuii D/o Lalramsanga    Gold 2
2. Lianthangpuii D/o Lalhmangaiha    Gold 2
3. Lalliankimi D/o Vanlalliana    Gold 2
4. Zoramsanga S/o Zoramhmangaiha    Silver 1
5. Zonunsangi D/o Lalhmingmawia    Silver 1 & Bronze 1
6. Lalruatfela S/o Lalthantluanga    Silver 1 & Bronze 1
7. Christina V.L.Chhandami    Bronze 1
      D/o Lalramchhana
8. Lalramdinthari D/o Lalthanpuia    Bronze 2

Day pualin lucky ticket
    MHIP Hlimen Branch te chuan an Day July ni 7, 2014 (Thawh\anni) hian ropui taka lawm an tum a. Hemi senso phuhruk nan hian Lucky Ticket an siam a, pakhat ` 5 man chauh a siam a ni. Chhungtin ten lo dawr \heuh turin hruaitu ten an ngen.

Parking Committee hmalakna
    Hlimen Motor Parking Committee te chuan June ni 23, 2014 (Thawh\anni) zan dar 7:00 hian YMA Hall-ah Parking Committee mai bakah Kulikawn to Hlimen Taxi khaltute nen  parking chung chang leh thil \ul dang an sawi ho dawn a. Kulikawn to Hlimen Taxi Welfare Member zawng zawngte kim taka tel vek turin parking Committee chuan an ngen.
    Tin, AMC leh Traffic lam te chuan kan vengchhunga motor parkna hmun, dropping zone leh parking area an siamfel ta a. Local Council leh Parking Committe ten mipui an la rawn hriattir dawn a ni.

YMA Propery chung chang
    Fur lai a ni a, chhiatni \hatni a YMA bungrua kan lakchhuak te ruahsur do tir lo hram ila. Tin, a hawhtu ten felfai takin a dah hun takah dah kir leh zel \hin ila a lawmawm  hle ang. Tin, dah hmaih a awm leh awm loh pawh enfiah \hin ni bawk se. Chhiatni a bungrua kan hman te hi ni 3 aral hnu chuan la hman mamawh bak chu dak kir zel tur a beisei kan ni bawk.  

PAGE - 4

KEIMAHNI :
Hlimkhawpui Budget
    Hlimkhawpui  2014 May  thla Budget  pe tla tawh te:
1.    Saichhuma Sec.    2.  Damvea Sec.
3.    Lalsavunga Sec.    4. Kapdaia Sec.
5.     Buala Sec
    Damvea Sec. leh Lalsavunga Sec. ten July thla thleng an pe tla tawh a

YMA in ral
    Pu Lalrinchhana Commtt. member chu a pa Pu Dengliana’n a boralsan avangin ralna hun June ni 17, 2014 (Thawhlehni) zan khan Branch YMA chuan a hmang a ` 5,600 ralna hlan a ni.
    Tin, Pu Dengliana tuamna puan 2 chu a\ul anga hman atan a chhung ten YMA ah an hlan bawk. Hetiang a ruang tuamna puan YMA a hlan a ni \hin hi a lawmawm hle a, \angkai taka hmanchhuah leh \hin a ni.

Branch Committee ten râl
    June ni 18, 2014 (Ninaini) zan khan Branch Committee Member Pu Lalrinchhana chu ralna hun hman a ni a, ralna tlingkhawm ` 1750 hlan a ni.

Saichhuma Section
    Saichhuma Section chuan an Section huamchungah Census an nei mek a, hemi pah hian House Number enfel nghal a ni a. house number felfai lo, in ang leh la neilo te chuan a rang lamin hruaitute hnenah inhriattir tur a ni e.

YMA Day hman dan
    Kumin YMA Day chu June ni 15 chu Pathianni a nih avangin a tuk June ni 16, 2014 (Thawh\anni) khan Day hi hman a ni a. Branch Committee in a lo rel tawh angin Section tin ten faina lam kawnga mahni remchan dan anga hnatlang a hun hman a ni. Section hrang hrangte hun hmandan hetiang hi a ni :-
    Buala Section te chuan zingkarah Section huamchhung kawngpui dung tifaiin an hnatlang a, Member 50 chuang zet an thawkchhuak a ni.
    Kapdaia Section te pawhin zingkarah kawngpui dung tifaiin an hnatlang a, member thawkchhuak an \hahnem hle.
    Lalsavunga Section te chuan Section Godown chei\ha leh bungrua te chei\ha in chhun lam hnatlang an nei bawk.
    Tin, Damvea Sec, Vawmphunga Sec. leh Saichhuma Sec. te chuan nileng hnatlang an kova, amaherawhchu khuain a bumro tak avangin hnatlang hi an \hulh ta a ni.
    Section hrang hranga hnatlanga thawkchhuakte chungah Section hruaitu ten lawmthu an sawi tak zet zet a ni.

CHHIARTUTE NGAIHDAN :

@@    Tunlai chu JAC hmalakna a zarah thil bo, zurui leh standing tih hrang hrang thawm a dai sawt hle in ka lo hre ve a, a lawmawm ka ti. In \hahnemngaihna a zarah veng chhung boruak pawh a muanawm hle. |an han la sauh sauh teh u.
-JAC chhuang em em tu
@@    Fur lai a ni a, kan bawlhhlawh paih tuihawkin mualpho taka tuallai a min lehchhuah sak loh nan fimkhur tlan a va hun tehlul em......
- Thianhlim duh a

@@    YMA ten naupang kum 10-15 inkar nun kawng dik kawhhmuh nan zirtirna hun an siam kha a va lawmawm em. Mahse, tuna kum 10-15 mai ni lo, 13-18 inkar te hi kohkhawm a zirtir leh nise khawtlang tan pawh a hlawkthlak hle in a rinawm.

- Khawtlang siam\hat duh a

Lawrkhawm chhunzawmna....

Lawmthu sawina
    Hlimen Education Committee te chuan kum 2014 a HSLC leh HSSLC passed tharte lawmpuina hun chu June ni 13, 2014 (Zirtawpni) zan khan YMA Hall-ah kan hmang a. Hetah hian HSLC passed thar mi 24 leh HSSLC passed thar mi 29 te hnenah lawmpuina thuziak leh Dictionary \ha tak pek an ni. Hemi hmun atan a Hall leh Sound \ha tak man tlawm te a min hawhtirtu Branch YMA te, he programme video a min cover saktu CC Vision Pu John Zolianthanga te, tihtur \ul ang ang min buaipuitu PEMS Staff leh naupangte leh zai leh thusawi tura kan sawm zawng zawngte, khawtlang nu leh pa zirna ngaisangtu; Local Council leh NGO a\anga lokalte, zirlai naupang leh nu leh pa leh heng a hnuaia kan tarlan khawtlang hmasawnna tura zirna a pawimawh zia hria a ui hauh lova sum thawhtu zawng zawng te chungah Hlimen Education Committee chuan lawmthu a sawi tak meuh meuh e.
    Zirlai passed thar lawmpui nana sum thawhtute :-
1. Pu J.Zothanpuia    ` 500    

2. Pu Zokunga    ` 500
3. Pu Pakunga    ` 500    

4. Pu J.Lalhlimpuia    ` 500
5. Pu Rinngaia    ` 500    

6. Pu C.Lalengzauva    ` 500
7. Pu C.Lalhmingliana    ` 500    

8. Pu C.Zothanliana    ` 500
9. Pu Duhthusama    ` 500    

10. Pu Lalkunga    ` 500
11.Pi Malsawmltuangi    ` 500    

12. Pu J.Chalthanga     ` 500
13. Pu Lalthlamuana    ` 300    

14. Pu N.Siamliana    ` 300
15. Pu R.Lalhmingliana    ` 200    

16. Pu Lal\hakima    ` 200
17. Pu Vanlaluapa    ` 200    

18. Pu N.Lalremmawia    ` 200
19. Pu Thansanga    ` 100    

20. Pu V.Thanchhinga    ` 100
21. Pu R.Lal\anpuia    ` 100    

22. Pu Lalramngaihzuala    ` 100
23. Pu Zoramthanga    ` 100    

24. Pu R.Lallianfala    ` 500
25. Pu Chalhnuna    ` 500    

26. Pu C.Zoramsiama    ` 200
27. Lalthanpuii    ` 500    

28. Pu R.Lalngheta    ` 200
29. Pu H.Vanlaltlana    ` 300    

30. Pu J.Zothansanga    ` 200
31. Pi Lalthannguri    ` 500   

 32. Pu Vanlalzawna    ` 500
33. Pu C.Lalramchuana    ` 200    

34. Pu Lalawmpuia    ` 100
35. Pu Ramsanga    ` 100    

36. Pu Zaikunga    ` 100
37. Tv. Lalsanga    ` 500    

38. Pu Zonuntluanga    ` 500
39. Pu J.Vanlalhruaia    ` 500    

40. Pu Lalrenrela    ` 500
41. Pu R.Dingliana    ` 200    

42. Pu Lalthantluanga    ` 500
43. Pu Vanlaltluanga    ` 200    

44. Pu F.Zosangzuala    ` 500
45. Pu Zosiama    ` 200    

46. Pu Lalhmuchhuaka    ` 200
47. Pu Lalparmawia    ` 1000
Sd/- Chairman
Hlimen Education Committee
    

Nikir Thla ni 14, 2014, Issue No. 24

PAGE - 1

TUALCHHUNG :

Boral : Pu Dengliana F/o Pu Lalrinchhana Kapdaia Sec. a mi chu June ni 13, 2014(Zirtawpni) zan dar 8 khan chuap Cancer avangin a boral. 

Naute nei: Pu J. Vanlalbiakdika leh Pi Lalhunmawii te nupa Buala Sec. a mi te chuan June ni 11, 2014 (nilaini) khan Civil Hospital ah fanu duhawm tak 4.250 kg a rit an nei thar.

Trainning nei: June ni 3, 2014(thawhlehni) khan YMA Hall ah vawk leh ar vulh a eizawng tur te tan Trainning neih a ni.

Medal hawn: National Sub-Junior Kadeth Teakwondo Championship, Haryana a neih zawh takah Chalkunga Memorial Teakwondo Club a\angin Lalfakzuala S/o Lalhmingmawia chuan Pumse intihsiakna ah Silver Medal a la a ni. Tin, Hlimen a\anga SAI hminga chhuak Lianthangpuii D/o Lalhmangaiha(SCS) chuan Gold medal a la a, Lalliankimi D/o Vanlaliana (SCS) a mi pawh SAI hminga khelin  Bronze Medal a la bawk a ni.
    An hlawhtlinna Hlimkhawpui Editorial Board chuan kan lawmpui tak zet zet a, veng a tihming\ha takzet bawk a ni.

Lawmpuina hun hmang: June ni 13, 2014(zirtawpni) zan dar 7 khan Hlimen Education Committee huaihawtin kumin a Pawl -X leh Pawl 12 pass te lawmpuina YMA Hall-ah hman a ni. He inkhawm hi Pu J. Zothanpuian kaihruaiin Pu C. Lalengzauvan hunserh a hmangaPu Pakunga’n report tawi a pe a. Thusawina hun Pu N. Zokunga leh Pu Rinngaia ten an nei bawk. Tin, Lalthansangi leh Nl. Zomuamkimi ten kalkhawm te an awi bawk a ni. Kum in ah HSLC pass 24 awmin, mi 29 ten HSSLC an pass bawk. hengpass thar te hi lawmpuina thilpek hlan an ni a, First Division a pass te chu Illustrated Student Dictionary pek an ni a. Tin, 2nd leh 3rd a pass te chu English -Lushai dictionary pek vek an ni bawk.
    Hemi zan hian  pawl ruk zirlai a chin chunglam leh nu leh pa \hahnem tak an kalkhawm a ni.

Sound Box pe: Pu Lalrinmawia Branch YMA Asst,. Secy chuan chhiatni a mitthi in a hman atan Sound Box \hatak YMA ah a pe a, Mi inphal te an fakawm tak zet zet a ni.

FRONT :

2014 YMA DAY
   
    Kumin 2014 YMA Day chu Pathianni a nih avangin Programme siam dan pawh Branch Committee chuan harsa a ti a. YMA lo pianchhuah dan leh a nihphungte, ram leh hnam tana a hlutna leh pawimawh zia te hriain ropui tak leh \angkai thei ang bera he Day hi Branch Committee chuan hman ngei \ha a ti a ni.
    YMA chu \anpui ngaite \anpuitu leh mite tana malsawmna thlentu nih hi a chaw tui ber a nih avangin kumin YMA Day denchhen hian Bethel Camping Centre, Chawnpui \anpui nan Buhfai bag 2 leh Dal bag 1 (` 5,000 hu) hlan a ni.
    Kum 2014 YMA Day lo thleng hian kan khawtlangah rah duhawm tak a chhuah theih nan Day Denchhen hian June ni 20, 2014 (Zirtawpni) zan dar 7:30 hian YMA Hall-ah naupang kum 10 - 15 inkar kohkhawm a; nunphung dik (kawng dik) naupang ten an zawh chhoh theih nan khawtlangin hun lokal zel tura a hlutna an chhawr theih nan zirtirna leh fuihna thu sawi turin thusawi tu tur \ha tak tak sawm an niin Hlimen nula zaithiam tak takte pawh sawm an ni. Heta tel tur hian nu leh pa ten kan fate tirh vek nise. Tin, naupang hote a tam thei ang ber an tel theih nan Section tin ten mahni Section \heuhah mawh lo phur turin ngen an ni.
    Hei mai hi a la ni lo cheu, June ni 6, 2014 (Thawh\anni) hian Section hrang hrangte mahni Area \heuhah faina chung changah leh a \ul anga nileng a hnatlanga thawk \heuh tura beisei leh ngen an ni. Tin, hemi ni hian hnatlanga thawk turin insiamrem a ni bawk a. Section tin a O.B. te an kal dan tur chu hetiang a ni ang.
Buala Sec.     -    Vanlaltluanga Pre.
Damvea Sec.     -    Lalthantluanga Fin. Secy
Lalsavunga Sec.    -    Robuanga V. Pre
Kapdaia Sec.     -    Lalrinmawia Asst. Secy
Saichhuma Sec.    -    Lalhmuchhuaka Trea.
Vawmphunga Sec.    -    R. Lalawmpuia Secy.
     Mite tana malsawmna thlentu YMA pangpar angin vul zel rawh se.

PAGE - 2

EDITORIAL :

ZIRLAI VEK KAN NI
    Mihringte hi kan lo pianchhuah a\anga kan thih ni thleng hian zirlai mek leh zir hmabak nei kan ni vek a ni. He khawvel an kan \hen tak (thi tawh) zawng zawngte pawh kha zirlai nei, zir zel tur; hmabak nei \heuh chunga kal ta te an ni hlawm. Kan zirlai leh hmabak erawh a inang vek thei lo mai a ni.
    Kan pi leh pute a\anga Mizo in kan zir uar em em vawiin a hnam nun/hnam rohlu - tlawmngaihna, rinawmna, hmangaihna, \anpui ngaite puih etc.. chu a bo mai loh nan YMA chuan a humhalhna hna a thawk mek a. Heng zinga tun \uma han thlanchhuah atana kan tih chu TLAWMNGAIHNA hi a ni a. hemi chungchangah hian zir tur leh hmabak tlem azawng han tarchhuah ka duh ve deuh a. Chungte chu hengte hi a ni :-
1. CHHIATNI : Hlimen ah hian YMA Member 1600 chuang kan awm a, chhiat tawh/thihna khawtlanga a lo thlen hian lumen/tlaivapui ngai, thlanlaih, buhfai leh pawisa khawnsak \hin a niin a \ul ang anga puih \hin an ni. heng huna kan chet  dan leh chechhuak \hinte han thlir hian tlawmngai hote avangin khawtlang chu a mawiin, lusun chhungte tan a thlamuanawm hle \hin. Mahse, tlaivarna hmun a lang ve ngai reng reng lo, thlan laih nachang hre lo \halai buhfai leh pawisa khawnsak nachang hre lo nula, harsatna bik leh hrisel lohna nei ni bawk si lo Section tinah hian engzat tak la awm ang imaw!!! Zirtir ngai kan la ngai hle.
2. DAMLO KAN/EN CHUNG CHANG : Hei pawh hi zirtur a awm tho mai. Tlawmngaih leh bengvar chhuahin kan in kan/en \hin a, thil lawmawm leh hlu tak a ni. Mahse, hei erawh hi chu zir kan la ngai, kan dam lo tlawhte dinhmun hriat phawt a, a awm dan zir a ngai tlang hle. Thawm neih chiamte, damlo hmel hmuh tum a an mahni biak kher tum tlat te hi tlawmngai a bengvar chhuah a damlo tlawh kan intih lai hian damlo leh chhungkaw tan phurrit a tling thei a ni tih hi i zir chhuak teh ang u.

ZIAKTUTE HUANG :

KHAWTLANG INAWP DAN HI
                    - Tk. P.C.Zahlira
    Kan pi leh pute hun lai a\angin khawtlang hian inawpkhawm dan mumal tak an lo nei a, lal lal lai a\ang khan mitin maiin an lalte kha an zah a, an thu leh hla an ngaichang a, an lalte kha an sual deuh leh an khua kha an vanduai a ni mai a, a lehpek beisei tur a awm ngai lo. Lal rorel thiam nei khua chu an vannei a ni leh mai.
    Tunlai ah chuan hmanlai anga mimal lal kan nei ta lova, a lo fuh daih zawk nghe nghe a ni. Lal thu kha khaw mipui ten a kawi a ngilin an lo zawm mai \hin a, mi luhlul fal leh sual falte pawh kha zawlbuk a tlangval ho valupa ten an kaihhruai ho khan an lo chil nek mai \hin a, an lo sim \hin a ni. Tumah lal laka hel ngam leh suahsual thawh ngam pawh an awm mang mang lo kha a ni a, tunlai ai hian mi an mawl zawk daih a, an rethei zawk bawk a, mahse lal thu pawisa thiam chuan lal lawm a hlawh \hin. Lal a lawmna nih chu a nuam ngawt ang ka ti \hin.
    Mahse, tunah chuan kan intifing a, \hang lo thar ten nu leh pa bum an ching a, sual ru reng si; sual lo anga lan an tum a, an nu leh pate neiin a lo daih sen mang loh chin emaw nu leh pa tana zozai lo lutuk chin a lo awm a, mi thil rukah ah te an tlak phah ta ni te pawhin a lang. Chuvangin, tunlai a \hangthar fing zawk leh lehkha thiam zawkte hian kan khawtlang min awptute hi pawisa thiam ila, kan khawtlang hruaitute hian khaw hmingchhia leh bawrhbang kan neih bikloh nan ruahmanna mumal tak an siam a, chu chu khawtlang mipui te hian zawmin pawisa thiam ila ka va duh tak em!!
    Hmanlai a lal awpna hnuai a valupate leh tlangval rual zawlbuk a an duty \hin ang khan tunah pawh L/C te awpna hnuaiah YMA te, JAC te mipui kan lo zalen a kan hlimtlan theih nan an la duty ta zel a. Mahse, YMA leh JAC te pawh pawisa duh chuang miah lo YMA Member ni ve tlat si te hian roreltute rilru leh ruahmanna \ha tak takte hi a tibuai zo \hin. Kan L/C te, YMA te, MUP te, MHIP te leh JAC ten vision thui tak neiin khawtlang inawpna \ha an han duang \hin a, inti tunlai leh inti lehkhathiam, inti changkang, inti fingte hi a dodal duhtu, roreltu hrang hrangte hmuhsitna rilru nena luhlul lo thawh lui tlat duhtu hi awm lo ila, kan roreltute hian kan chhungkua hi min duhsakin min hmangaih tih hi hre duh ila, hmanlai ai khan kan \ha zawk fe thei a nia. Engpawhnise, inpawisak tawnna hi kan khua hian kan mamawh hlein ka hria. Kan rilruin khawtlang roreltute chan ka han inchantir chhin \hin a, khua an hmangaih si a, an rilru a hah \hin awm hlein ka lo hre ve \hin.
    Kohhran hrang hrang leh political party hrang hrangte, Association hrang hrangte min awpkhawmtu te thukhawchang hi ngaichang thiamin pawisa ta ila Zoram Kanan chu Hlimen, kan khua ah ngei hian kan din thei reng mai. Hawh teh u, i \ang tlang ang khai, thinlung thar nei ila, hmanlai nun mawlmang kha a awm tawh lo bawk a YMA thar, L/C thar, Hlimen thar i siam ang u. Kan khawtlang inawp khawmna dan hi kan khaw \henawmte entawntlak khawthar siamturin i inbuatsaih ang u.

PAGE - 3

HRIATTIRNA :

Malaria check theih reng
    Ruah tui tla a tam in, thosi pawh a tam chho ta hle. Malaria natna in lar hun a lo ni leh ta a. Hmun dang pan buai ngai lovin Pi Zirthangsangi ASHA hnenah engtik  lai pawhin Malaria kan vei leh vei loh a check theih reng a. Tin, damdawi pawh a awm nghal bawk a ni tih kan in hriattir e.

Vawk hri lakah fimkhur rawh
    Vawk pul hri hlauhawm tak lak a kan lo him theih zawk nan sawrkar chuan thu chhuah siam in kumin March  thla a\anga thlaruk chhung  ramdang(Foreign) a\anga vawk lakluh a khap a, hei hi kan ran vulhte himna a ni tih hria a, zawm vek turin mipui kan in hriattir nawn leh e.

    Sd/- Lalhmingliana
    Chairman Local Council

Hlimen Football club
    G &SA hnuaiah Hlimen Football Club din thar a ni a, kum 2014 hruaitu atan a hnuai a mite hi ruat an ni:
    President    :    Pu Lalchhankima
    V. President    :    Pu Zorammawia
    Secretary    :    Tv. Andy Zosangliana
    Asst. Secy    :    Pu Lalruatdika
    Treasurer    :    Pu Lalbiaknunga
    Fin. Secy.    :    Tv. Lalmuanawma
    Tin, July ni 15 khian Football League siam tum a i a. Player te lo in buatsaih tur a hriattir kan ni e.

Ko khawm dawn
    June ni 20, 2014 (Zirtawpni) zan dar 7:30 khian YMA chuan YMA Hall-ah naupang kum 10 - 15 te kohkhawm ruihhlo leh Sex hmansualna te etc.. laka an him theih nan zirtirna leh fuihna hun hman a rel a. He hun a naupang a tam thei ang ber an kal theih nan nu leh pate mai bakah Section tina hruaitu ten mahni Section ah \heuh mawh lo phur tura ngen leh hriattir kan ni. He tiang hi hun hman dan tur tlangpui a ni ang :-
    A hmun    :    YMA Hall
    Chairman    :    Pu Vanlaltluanga, Pre. YMA
    Hunserh    :    Nl. Lallawmkimi, Com. Member
    Thusawi    :    1) Upa H.Ngurthansanga (Mission                 Veng)
            2) Pu R.Lalngheta
    Solo    :    1) Nl. Lalruatdiki, Buala Sec.
            2) Nl. Gospel Lalruatengi,                         Saichhuma Sec.
 

LAWRKHAWM :

Chhiat tawh a chunga lawmthu
    Kan fapa Zonuntluanga (Tetea) damloh leh a thih thu-ah lawmthu sawi kan ba nasa em em a. Damdawi In kan luh a\angin beisei loh leh rinphak bakin \henrual \ha leh chhungkhat laina ten hun leh sum leh pai sengin, zankhaw tlaivarin min buaipui a, kan va lawm tehlul em. Chumai ni lovin In lamah YMA nula leh tlangval, nu leh pa leh khawtlang mipui zawng zawngin min tuarpui a min sunpui hi a makin a ropui kan ti a, kan va han lawmin kan va han phulo tehlul em. Thei ila In tinah lawmthu han sawi a \ha mang e, mahse, kan thei si lo. In \hatna leh in mi tuarpuina hi a let tam takin Lalpa’n malsawm che u rawh se tih hi kan duhthusam a ni.
    Chumai pawh ni lovin khual khua a\anga min tuarpuitu lokal zawng zawngte chungah pawh kan lawm takzet zet a ni. Kan hriat loh laia a kuang khuhna puan min lo leisaktute leh mawi tak maia min lo \huisak tute chungah pawh lawmthu kan sawi mawlh mawlh a ni.
    Sawi tur a tama, sawi sen pawh a ni lova, mimal tin ten in hnena lawmthu sawina ah min lo pawmsak mai teh u. Pathian leh nangmahni zarah thlamuang tak leh hlim takin kan awm tih min lo hriatsak ula, in chungah kan lawm tak zet zet a ni.
In \anpuina leh duhsakna dawngtu,
Lalchhantluanga te nupa

Thawhpui atan sawm
    Hlimen JAC te chuan khawtlang tana an thawhna kawngah khawtlang mipuite thawhhopui ah an sawm a. JAC Member te hi mi fing leh mi \ha ber nerte an ni bik lova, khawtlang tana ke an penna kawngah mipui mit tlun lohna tam tak an nei ang tih hriain sawisel mai lova thurawn \hate pe \hin tur leh an tha tihchak nan theihtawp chhuahpui turin khawtlang mipui te an sawm. Tin, JAC a thu thlen tur leh zawhfiah turnei chuan Phone No. 9862468080 leh 9862221774 ah biakpawh theih reng a ni.

MZP hruaitu te
    Mizo Zirlai Pawl, Hlimen Branch 2014 hruaitute chu heng mite hi an ni :
    President    :    Tv. Malsawmzuala (DV)
    Vice President    :    Tv. VL Rorelfela (LSV)
    Secretary    :    Tv. Lalmuanawma (DV)
    Asst. Secy    :    Tv. Vanlalnghaka (BS)
    Treasurer    :    Nl PC. Lallawmzuali (DV)
    Fin. Secy    :    Nl C. Lalhriatpuii (SCS)
    Ex- Officio    :    Tv. GK Manga (SCS)
        :    Secy. i/c Publicity MZP GHQ
    Advisers    :    Pu J. Zothanpuia(SCS)
        :    Pu Lal\hakima(LSV)
        :    Pu J. Lalhlimpuia(BS)
    MZP Membership Fee hi zirlai te ah khawn a ni dawn a, zirlai te lo inring lawk turin kan in hriattir nghal e.
    Hlimen Branch MZP te hian Hlimen a zirlai te hmakhua atan chak tak a hmalak chho zel an tum a ni.

Bungraw lei
    Chhiatni Fund Sub- Committe te chuan Chhiat tawh nikhua  atana hmanrua pawimawh heng : Ara, Electric Randa, Stapler Gun, Plier, Linning puan , tuboh, Inverter Battery etc. te chu lei thar.

PAGE - 4

KEIMAHNI :
Hlimkhawpui Budget
    Hlimkhawpui  2014 May  thla Budget  pe tla tawh te:
1.    Saichhuma Sec.    2.  Damvea Sec.
3.    Lalsavunga Sec.
    Damvea Sec. leh Lalsavunga Sec. ten July thla thleng an pe tla tawh a

YMA in ral
    June ni 7, 2014(Inrinni) zan khan Tv. Zonuntluanga S/o Lalchhantluanga Saichhuma Section a mi ralna hun YMA in hman a ni a. Ralna ` 4650/- chu a chhungte hnenah hlan a ni.
    Tin, YMA in a ral zan hian a tuamna puan Pathum chu YMA ten a \ulna hmuna an hman atan a chhungten YMA ah an hlan.

YMA hlan
    June ni 11, 2014 (nilaini) khan Hlimen Branch YMA chuan Bethel Camping Centre Home (Chawnpui) a mi te chu YMA Day denchhen in \anpuina ` 5000 hu buhfai leh dal an pe a. Tin, Gwahati Mizo Welfare te hnenah ` 5000 an pe bawk.

Saichhuma Section
    June ni 16, 2014 (thawh\anni) chaw eikham hian YMA Day puala nilenga  section chhung tihfai hnatlang neih tur a ni a, member atam thei ang ber thawkchhuak turin hruaitu ten an ngen a ni.

Buala Section
    Kum 2014 YMA Day pual a hnatlang chu June ni 16, 2014(thawh\anni) zingkarah neih tur a ni a, vengtthlang panna kawng a Pu Lal\huama te kawmthlang leitla tihfai leh section chhung hmundang phiah fai hnatlang neih tur a ni a, chhungtin a\anga mi pakhat tal thawkchhuak tur a ngen kan ni.
    Tin, Section Property House sakna turah Exe. Comtt. member te chu insakna hmanrua mahni remchang ang ang(thingzai 4 fts chin) thawh tur a beisei kan ni a, a thawh ten Tv. R.Lalrindika Asst Leader leh Tv. Zonunsanga Secy. te hriattir zel tur a ni.
 

Damvea Section
    YMA Day june ni 15 chu Pathianni a nih avangin June ni 16, 2014 (thawh\anni) hian YMA Day pual hian Branch chuan Section tin te faina lam kawngah hnatlang neih ni se a ti a, keini section pawh Side Drain hnawmhnawkin a hnawh lai thianfai leh kawngba hnim hlo tur kapin hnatlang neih tur a ni a. Member atam thei ang ber hnatlang turin kan in sawm e. eitur tuihnai tak siam a ni ang.
Sd/- Secretary

CHHIARTUTE NGAIHDAN :

@@    Pu Editor, hei tunlai hian a bikin Hlimen Damveng ah zan mut reh tawh ah mi thawmhnaw zar ruk ching an awm a, hnathawh thawmhnaw pawh an ru hreh miah lo. Chuvangin, chhungtinte fimkhur \heuh turin ka han chah duh che u a ni. Pu Editor, June ni 11, 2014 zan khan kan silhfen te min ruksak a, kan mangang hle mai. Pu Editor, khawngaih takin tun\um Issue ah min chhuah sak ve ta che.
- Rukru hua -a
@@    Kan khawtlang a lo hrisel leh a lo thianghlim zawkna turin bawlhhlawh phur motor kan nei tawh a. Mahse, Pu Editor, Damvengah chuan bawlhhlawh a rawn full loadd mai tawh \hin si a. Tin, an hmanhmawh mah mah lehnghal a. Pawisa (Fee) kan pe zat zat tho si a, hetiang chuan a remchamchang apianga paih ve mai a chak awm rum rum mai alawm. Pu Editor, Point hnaih ve lo te tan kan paih ve hman \hin lo a, tuikhur hnar kawr ruam ah te kan chhun zel mai loh chuan an hmanhmawh si a, kan paih hman \hin lo a, tunge kawl reng duh bik ang?

- Damveng Paho

@@    Kan Local Council te hian Mualzawl Motor lian dah an khap kha hlih a ni tawh nge? Tunlai hian zan lam a dah an va tam leh tawh ve..
- Vengthlang pa

KAN THEN TAK

 
Pu Dengliana (Kum 87) :    Pu Dengliana hi V.Ch.Saichhunga ‘L’ leh Lalkhawmi ‘L’ te in karah, ni 14, November, 1927 khan N.Lungleng-ah a lo piang a . An unau hi mipa 3 leh hmeichhia 6 an ni a, Kum 1956 khan Lianchhungi ‘L’ (N.Lungleng)nen innei in, fa mipa 4 leh hmeichhia 4 an nei a, tu 22 leh tu-chhuan 21a nei bawk a ni.  An nu Pi Lianchhungi hian nikum 2013, February ni 12 khan a lo boral san tawh a ni.
      Amah hi N.Lungleng a piang leh seilian a ni a, a hun tam zawk  pawh N.Lungleng ah hian a hmang a. K.|.P kum 1955 May ni 15 ah an din ve a, chuta Leader hmasa ber chu a ni. Kum1947 Oct.ni 3 khan Br. Y.M.A dintu te zingah tel ve leh in Treasurer hmasa ber a ni. Kum 1982 khan Hlimen ah ram leiin an pem chho ta a ni. Hlimen ah chuan Dawr an kai bakah huanlo ram te an nei a, kum 1992 Quary chim khan an in chu a hnawl chhe vek a. A fapa Valpuia (Thangriliana) te nupa chu fa pawh nei hmanlovin he vanduaina ah hian an boral ta a. A mah hi nung dam in lungkara an lakchhuah a ni a, Quary chim a dam khawchhuak zingah pawh upa ber pawh a ni. Mi dang te chu Lungleng an zinlai a ni. A dam phawt chuan hnathawka chhuak \hin, pa taima em em mai a ni, an nu boral hma kum te pawh in a la ramchhuak hram hram a.  Kum 80 hnu lam ah pawh la ramchhuak peihin a awm a ni.
    An nu boral hnu a\ang khan ram pawh a chhuak peih ta zen zen lova. Kum upa lam a lo ni tawh bawk nen, a nun khua  a har bawk nen, a taksa pawhin a tlakchhiat phahin, a chaklo zual a. Kumin (2014) March thla a\ang khan taksa nawm loh rukna a nei \an a. Khum beta mutpui em chu a ni lova, March ni 31, 2014 khan  entir a ni a, a zun leh thisen te exam in, a chuap an X-Ray bawk a. “A chuap leh lam” fel chiahlo deuhvin an sawi a. Damdawi te chawh in  an hawtir leh mai a, April ni 10, 2014 khan Damdawi in panpui leh a ni a. Damdawi te lo thlakin an chhuah leh a. Chuta \ang chuan hmalam pan aiin hniam lam a pan deuh ta zel a ni. Ei leh in pawh thlah in, khum bet in a awmzui chu a ni mai a. Tichuan, hniam lam pan zelin June ni 13, 2014 (Zirtawpni) zan dar 8:00 khan a chatuan ram min pansan ta a ni.

Nikîr Thla Ni 7, 2014, Issue No. 23

PAGE - 1

TUALCHHUNG :

Boral: Zonuntluanga(K-16)  S/o Lalchhantluanga Saichhuma Sec. a mi chu Malaria PF vangin June ni 5, 2014(Ningani) zing lam dar 1:30 khan Greenwood Hospitalah a boral.

Damlo: Pu Laldengliana F/o Pu Lalrinchhana Kapdaia Sec. a mi chu June ni 1, 2014(Pathianni) khan Durtlang Hospitalah Admit niin a chuap a tui tling siak chhuah a ni a. June ni 4, 2014 (Nilaini) khan inlama in enkawl chhunzawm turin a lo chhuak leh ta. @@    F. Lalbiakkimi D/o F.Lalrawna Damvea Sec. a mi chu June ni 6, 2014 (Zirtawpni) zan khan a pum na avangin Aizawl Hospital panpui a niin zai nghal a ni a, a rilphir paih a ni. He thu buatsaih lai thleng hian Damdawi inah enkawl zui mek a ni.

Nau nei thar: Lalchhanchhuahi D/o Pu V. Thanchhinga Saichhuma Sec. a mi chuan June ni 1, 2014 (Pathianni) khan Civil Hospitalah fapa duhawm tak a nei thar.

@@    Pu Jimmy Zorintluanga leh Pi Tania Lalrinawmi te nupa Kapdaia Sec. a mi te chuan an fa pahnihna atan fanu duhawm tak May ni 28, 2014 khan Urdan Health Centre ah an nei thar bawk.

FRONT :

RAMRI AH PUNGKHAWM
    June ni 2, 2014(thawh\anni) khan Hlimen leh Melthum in rinna hmunah vengchhung mipui \hahnem tak punkhawm a ni.
    Hetiang a vantlang mipui punkhawm a nih chhan hi AMC in helai hmun a ramri chhinchhiahna (Signboard- Welcome to Hlimen) khawtlang hruaitu ten an kum 2012 a an lo phun tawh chu chhan leh vang mumal pawh awm lova lak thlak an tum vang a ni a. Hemi ni chawhma dar 12:00 rik hma hret khan AMC a thawktu -Superintendent leh thawk tu dang mi 4 te lo kal a. Signboard tarna hmunah khawtlang hruaitu ten an lo chhawn a, AMC aiawh a lo kal te hian Signboard tar la thla tur a lo kal an nih thu sawiin khawtlang hruaitu ten lakthlak an remtih loh thu leh Document felfai tak leh helai ramri siam tu Pu Chalngaiha pawh a awm thu te hrilhin, Sawrkar Gazzette in a chhuah LAD notification 1987 leh chu Notification chu AMC in a adopt na  copy pawh an lo pe nghal a ni. Eng dan bawhchhia leh engvang chiah a he lai a Signboard hi AMC in hnawk a tih em em tih te, engvang chiah a la thlak tum nge an nih tih te chu khawtlang hruaitu te zawhna a ni nghal a. AMC lam aiawh a lo kal te hian thupek zawm mai an nih thu leh thilthui tak sawi tur an neih loh thu an sawi a. Tin, khawtlang hruaitu te hian ramri chhinchhiahna signboard tar hi lathla tur leh lakthlak chungchanga thupek (Order) dawn leh ngawt mai \hin an duh loh thu tihtak zet in AMC aiawh a lokal te hi an hrilh bawk a ni. Hemi hnu hian AMC a\anga lo kal te chuan Signboard chu  Hlimen khawtlangin lak thlak a rem ti lo tak zet tih an hmuh in boruak ralmuang tak hnuaiah an kirsan leh ta a ni.
    Kalkhawm te \in darh hmain Pu Lalhmuchhuak a, Treasurer Branch YMA in thu tawi sawina hun nei in, thil awmzia te a sawi fiah hnuin kalkhawm te a \in ta a ni.
    He hunah hian Local Council te mai bakah  MUP te ,YMA hruaitute, MHIP hruaitu te an kal\ha hle a. Tin, kum lama upa tawh tak tak engemawzat hmuh tur an awm bawk. Tin, \halai rual kum 15 chin chunglam a hmei a pa in mi 200 chuang zet kalkhawm a ni a. Khawtlang hruaitute chuan hetiang a mahni ram chin humhalh nachang hria- nu leh pa, \halai, kum lam a upa zawk te thleng a Hlimen in a nei hi a lawmawmin a thlamuanthlak an ti hle a. Chutihrualin, hetiang khawtlang Issue lian takah pawh rokhawlhna dang neih vang ni chuang si lova,  ngaih pawimawh nachang hre lo, Hlimen khua leh tui ni si, engemawzat la awm erawh chu pawi an tiin ngaituahna a tithui hle a ni an ti bawk. Hun lo la kal lehzel turah erawh chuan lungrualna \ha zawk nen; \angrual a kan khawtlang hi hmalam pan pui turin khawtlang hruaitu ten mitinte min sawm a ni.  

PAGE - 2

EDITORIAL :

HLIMNA KAWNG THA
    Duhamna khawvelah kan lo piang a, duh tawk leh chin tawk nei lovin nun hahchawlhna leh hlimna a nih beiseiin hring nun hi a phi ruai ruai \hin. Hlimna te, chawlhna te lawmna te chu nei thei dawn a in hriain hmalam pannin beiseina chuan min hnuk ruak ruak a. Mahse, van hnuai ah hian hahchawlhna, hlimna leh lawmna tluantling reng a awm si lo. Tin, hmalam beiseina duhamna chu thlan khur thlengin kan um zui zel mai dawn a lo ni.  Nun hahchawlhna leh hlimna, thlamuanna leh lawmna neih duhin mahni theihna zawn \heuh ah theihtawpchhuah in kan tlan suau suau mai chu a ni si a.
    Miin sum a khawl chhan te, in leh lo \ha a din chhan te leh hna thawh a thil eng pawh(i ti mai ang) a tih chhan chu kan sawi sawi tak nun hlimna, lawmna leh hahchawlhna beisei vang a ti a ni.Mahse, chu chu a zawng nasa leh a bei nasa a piang an beidawnna a nasa emaw tih mai tur a ni si. Sum leh pai duh ang ang a hman tur nei; mahse, duhamna avang a nun hlim thei lo, lungawi lo te, in leh lo changchang  \ha pui pui nei si a duhamna avang nun hahchawl chuang si lo hi kan ram hian engzat tak awm ang i maw?
    Sum leh pai ngah te, in leh lo ropui leh \ha neih te hi a hlu em em a, an awhawm em em bawk. Mahse, heng mite hi nun hlim leh nun hahchawl an ni vek lo. Sum ngah mah se rethei si; in leh lo, rohlu tak tak nei, nun hlim thei chuan si lo; nun hah chawl reng reng lo, mi rethei sawi tur kan ram ah hian an va tam em. Hlimna kawng \ha hriat i duh chuan \anpui ngai te puih nan i hun leh i nun a tam thei ang ber pe la, mi lawmna i siam tam leh i lawmna a sang anga, midang tana malsawmna thleng tam a piang te hian mi lawm an hlawh tam a. Chu chuan an nunah hlim leh lawmna, lungawina a thlen let \hin a lo ni.      

ZIAKTUTE HUANG :

KA SAWM A CHE U
                    - N.Zonunmawia
    Thu ziakmi ka nih pawh ka inhre hran lova, ziak hmasak tur leh hmasa lo tur pawh thliar thiam mang lo ka ni nachungin ka huang lo ka dai ve te pawh a ngai ta a ni.
    Hlimkhawpui a thu leh hla lama \hahnem ngai tak takte in \hahnem ngaihna chuan min tiharh tlat! Ka ngaihtuah phak loh min ngaihtuahtir a, ka tih ve tur pawha ka ngaih reng reng loh ‘Ziaktute Huang’ a telh tur thu ziak ve ngei turin phurna min va siamsak nasa tehreng em. Tu’n nge hlawkpui ve ang le, ka hre bik lo. Kei chuan ka hlawkpui avangin ka thu ziak vawi khatna chu ‘Ka sawm a che u’ tih thupui hmangin bul ka \an ve ta a nih hi.
    Hlimkhawpui a\ang hian ram tan pawha mi chhuanawm tak tak an lochhuak tawh \hin a, chu’ng mite chuan veng an chawimawi a, mahse mual an liam zo a ni titih tawh si a, dinthar kan ngai a ni.
    Miveng ten hma an sawn zia kan sawi \hin a, chutihrualin, ‘keini veng ve zawng a ngaihna a awm lo’ tih \awngkam hian min zui nghal zat a. A chhan chu DAN LEH HRAI ngaipawimawh tak khua kan ni lo a tin ni. Dan leh dun mumal taka kalpuina hmunah lo chuan hmasawnna sawi tlak a awm thei lo.
    Kan khawtlang a kan nu leh pa; tawn hriat ngah tawhte thu kan bengkhawn a \ul a ni. An thurawn \ha tak tak kan lo benpersak fo \hin avangin min ngawihbosan ta mai zawk em ni? Bible chuan “Mi â chu zilh duhsuh, an haw dah ang che, mifing silh la, a lo fing lehzual dawn nia” a ti. Veng hmasawn/\hang ti a mite min sawi tura awm ve kan duh a nih si chuan zilhna/fuihna/thurawn dawngsawng tura kan inbuatsaih a ngai a ni.
    Mithiam kan neihte pawh han \ang deuh teh u. In tawnhriat tam tak in tu in faten kan mamawhna a san em hi. Zirlaite han fuih ula, harsatna kara hlawhtlinna in chan chhuah dan ngaihnawm tak “Hlimkhawpui’ kaltlang hian han hrilh hre teh u. An sawtpui ka va ring em. Tin, a zirlai mek pawhin naupang zawkte fuihna thute pawh han ziak teh u. Thu leh hla lama in hmasawn phahna tur a ni ve zel bawk ang.
    Games & Sports, Politician, YMA, MHIP, MUP, Kohhran etc. pawh kan kal dan ti ti a ral mai lovin, fuihna leh thurawn pek a \ul hun a awm fo \hin a, chutiang hun atan chuan kan tualchhung chanchinbu ‘Hlimkhawpui’ hi i hmang \angkai ang u tiin ka sawm a che u.

PAGE - 3

HRIATTIRNA :

JAC in a sawmin a ngen a che
    Hun rei tak a\ang tawh khan Hlimen ah hian VDP, JAC a lo ding tawh a. Ruihhlo leh ruk ruk, sualna chi hrang hrang lakah Hlimen khawtlang a him theih nan hmalak a ni \hin a, engemaw chen chu zia pawh a ziaawm khawp mai. Hemi kawnga hmalatu (JAC) ten hmangaih leh duhsak taka Action an lak \hin avangin huat zui pawh an hlawhlo reng a ni. Sawrkar leh khawtlang duh loh, dan kalh a tilui tlat \hin te hi mi hnawksak an ni a, mimal tin ten dodal hi kan tihtur a ni dawn lawm ni? Tunhma a Hlimen hmingthanna - thlarau miten pûr chawk nan ber a an hman \hin kha, tun dinhmun ah chuan ruihhlo ti \hin ten duh hun hun a an duh ang ang an hmu thei/tithei reng mai hi enge a chhan ni ta ang le?
    I inchhung, i bungrua leh i huan thlai ten la tuar lo mah se englai pawh a tuar thei reng i ni tih hria a, a bul ber ruihhlo laka kan khawtlang  a lo fihlim theih nan i pen chhuak thei lo a nih paw’n i awmhmun a\ang tal paw’n lo \ang ve turin kan ngen che a ni.
    Kohhran leh pawl hrang hrang leh mimal tlawmngai ten JAC te hmalak nana sum leh pai  a min puihna ah kan lawm takzet a; hei chauh hi tawk lo se, ruihhlo zuartu leh kawlte kan hriat apiang JAC hruaitute hnena thlen \hin turin kan in sawm in kan in ngen a ni e.

    Sd/- Chairman
    JAC, Hlimen

Malaria check theih reng
    Ruah tui tla a tam in, thosi pawh a tam chho ta hle. Malaria natna in lar hun a lo ni leh ta a. Hmun dang pan buai ngai lovin Pi Zirthangsangi ASHA hnenah engtik  lai pawhin Malaria kan vei leh vei loh a check theih reng a. Tin, damdawi pawh a awm nghal bawk a ni tih kan in hriattir e.

Vawk hri lakah fimkhur rawh
    Vawk pul hri hlauhawm tak lak a kan lo him theih zawk nan sawrkar chuan thu chhuah siam in kumin March  thla a\anga thlaruk chhung  ramdang(Foreign) a\anga vawk lakluh a khap a, hei hi kan ran vulhte himna a ni tih hria a, zawm vek turin mipui kan in hriattir nawn leh e.

    Sd/- Lalhmingliana
    Chairman Local Council

JAC hriattirna
    Khawtlang then thianghlimna kawngah JAC Hlimen chuan nasa leh zual a hmalak a tum a, he mi kawngah hi khawtlang thianghlimna leh mipui te him zawk nan JAC duty te hi finchhuah a, a \ul anga thawhpui turin mitin te a ngen in a hriattir a ni.

LAWRKHAWM :

JAC meeting nei
    June ni 5, 2014 (ningani) tlai dar 3 khan YMA Hall-ah Meeting neih a ni a, Hlimen khawtlangin kawng hrang hrang a hma a sawn theihna tur leh a thianghlim theihna turin chak taka hmalak nise; tin, Hlimen hi Dry Area ah puan ve theih ngei Meeting chuan a tum a, heng a hnuai a mite hi Meeting thurel vantlang mipui te hriat atana pawimawh zual deuh deuh te an ni:
1. Ruihhlo chungchang : Ruihhlo zu/drugs etc. zuartute man an nih chuan Exices kutah hlan nghal zel a ni ang. Zu/ Drugs man sak te hi a tlem leh tam in kawngro a su lovang. Tin, tantir an nih pawh la sim duh lo te chu an sim hma loh chu Hlimen khawtlangah awmtir loh an ni ang.
2.  Rukru man chungchang : An thil sual tih ruk (Ruk ruk) in a zir ang zel in an chungah Action lak nghal zel a ni ang.
3. Hnamdang sumdawng chungchang : An thil zawrh leh an chetdan khawtlang tan thil \halo a awm chuan a \ul anga rang taka hmalak a ni ang.
4. Pawn lam a\anga ruihhlo Hlimen a rawn zuar tute chungchang: Pawn lam a\anga ruihhlo rawn zuar te man an nih chuan dimdawina tel lova nataka action lak a ni ang.
5. Ruihhlo rui chunga khawlai a bengchheng leh vah vel chungchang : Khawlai a rui chunga vak vel te leh bengchheng siam \hin tu te hi khawtlang hmel tibaltu leh nun ti ral\i a, tar chak lo leh damlo tan a phurrit thlenfo tu an ni a, zu/drugs emaw rui \hing lutuk ho te hian khawlai a an ruih fo loh nan theih an tawk a hmalak a ni ang.
    Tin, Meeting ah hian dan leh hrai chungchanga trainning nei ten report an pe a. Tin, Local Council te thuneihna pek chin a san zia te sawi chhuah bawk niin JAC Member te a ti phur zual hle a ni.

Tih dikna
     Kar hmasa Issue-a HSSLC Result chhuak a tarlan Malsawmdawngliana S/o R. Lalhmachhuana Vawmphunga Sec. II Div a Arts tih kha Science tih zawk tur a ni a. Tin, English Subject-ah Letter a hmu nghe nghe. kan tihdikloh ah Hlimkhawpui E.B ten in mi hriathiamna kan dil e.

June ni 2, 2014 (Thawh\anni) khan AMC a thawktute chu Melthum nen a kan inrina lai chhinchhiahna Signboard chu lakthlak tum in an lo kal, veng mipui pungkhawm in lo dangin kan khawtlang hruaitu ten lakthlak kan phal loh zia leh lakthlak mai phal loh chhan te chiang takin an lo hrilh a ni. (Khawtlang hruaitu te nen an in be lai. Pic. by Parina)

PAGE - 4

KEIMAHNI :
Hlimkhawpui Budget
    Hlimkhawpui  2014 May  thla Budget  pe tla tawh te:
1.    Saichhuma Sec.    2.  Damvea Sec.
3.    Lalsavunga Sec.
    Damvea Sec. leh Lalsavunga Sec. ten July thla thleng an pe tla tawh a

Hlimkhawpui lak dan
    Tun dinhmun a Section tinin Hlimkhawpui Weekly News Letter kan lak dan chu hetiang hi a ni:
    Buala Sec.    -    125     Copies
    Damvea Sec.    -    127     Copies
    Kapdaia Sec.    -    125     Copies
    Lalsavunga Sec.    -    40     Copies
    Saichhuma Sec.    -    110     Copies
    Vawmphunga Sec.    -    62     Copies

Buala section
    Pu Lalrinmawia Asst. Secretary Branch YMA chuan kan Section Property House sakna atan ` 200/- min hlan a, a chungah kan lawm tak zet a ni. Tin, Name Plate/ House No. man kawn mek zel a ni a, tlawmngaia lo pe zel turin Section chhunga chhungkua te kan in ngen nawn leh e.

Sd/- Secretary

YMA Day hnatlang
    Kum in YMA Day chu Pathianni a nih avangin a tuk June ni 16 (Thaw\anni), 2014 ah sawn a ni a, Hlimen Branch YMA pawhin YMA Day hi Section tin ten mahni section chhung \heuh ah \ul ang a hnatlang neih nan hman ni se tiin a lo rel tawh angin Section tin ten nileng hnatlang neiin Day hi hman a ni ang a. Branch OB te chu Section tinah in sem darhin, Section tin a an kal dan tur chu hetiang a ni ang.
Buala Sec.     -    Vanlaltluanga Pre.
Damvea Sec.     -    Lalthantluanga Fin. Secy
Lalsavunga Sec.    -    Robuanga V. Pre
Kapdaia Sec.     -    Lalrinmawia Asst. Secy
Saichhuma Sec.    -    Lalhmuchhuaka Trea.
Vawmphunga Sec.    -    R. Lalawmpuia Secy.

Kapdaia Section
    Kapdaia Section ten kumin a branch budget ` 3000/- chu tlakin, ` 100 in an khum a ni. Tin, YMA Day pual hnatlangah nileng hnatlang neih tur a in a, member tam thei ang ber thawkchhuak turin hruaitu ten an ngen a ni.

CHHIARTUTE NGAIHDAN :

@@    June ni 2, 2014(thawh\anni) khan kan ramri chhinchhiahna Signboard tar chu AMC lam ten la thla tur a rawn kal an tum avangin kan khawtlang hruaitute - Local Council leh NGO hrang hrang te chuan kan phal lo a ni tih hriattirin, lo dang turin mipui min ko khawm a, mipui khati zat veng hmangaihtu kan kalkhawm kha a lawmawm hle in ka hria. Chutihrualin, kan veng len dan ngaihtuah chuan kan la tlem hle in ka hria. Kan la buai dawn chauh niin a lang a, in kohkhawm a awm leh a nih chuan hei aia tam kal tum tawh ila, a lawmawm hle ang. Khawtlang mipui kan \anrual zia kan lo lantirna pakhat a ni tih kan hriat a \ha awm e. Tin, kan ramri chungchangah hian a tawp thlen law law \hain ka hria a, kan veng lama an chenna in awm si; veng \henawm a bet ho pawh hi thu tawp siam pui \ha in ka hria. Kohhran ah chuan thu dang ni se, khawtlang inrelbawlna ah chuan kan veng Area a awm an nih chuan engkimah kan veng a bet turin ti ila, an duh lo a nih chuan an chenna in chhuahsan turin ti ila, chu ta an la duh lo a nih chuan khawtlang ang pawhin an chenna in \hiahsak mai sela, \ha ka ti. Enge in ngaihdan?
- RD Ralte 
KAN THEN TAK

Zonuntluanga (1998-2014)

    Zonuntluanga (Te-te-a) hi kum 1998 October ni 8 khan Lalchhantluanga leh Zodingpuii-te inkarah a lo piang a. Amah hi mi zakzum leh \awng tam lo tak a niin inchhungah erawh hi chuan a tawng duh ve hle. |hian a ngainain, rual kawm pawh ama tawkah a thiam ve hle a. |awng tam lo hle-e ti lo chuan a \hiante zingah pawh fiamthu hi thawhin, an nuihpui ve nasa hle thin. Nu leh pa thuawi thei tak mi a niin rawlthar a lo nih hnu hian ngaihdan hrang han nei ve \hin mah se, nu leh pate thu a hnial ngai lo thung.Zirna lamahh chuan Pawl IX (9) thleng a zir a ni.
    Hlimen Isua Krista Kohhran-ah a tet laia lawiin Intermediate Department thleng kalin kai kim lawmman hi a la kim vek a ni! Sacrament Department hi Hlimen Presbyterian Kohhran-ah kalin Kohhran Dan zawhkim niin dan chhungah pawh lawmluh a ni. A thihni thlengin Hlimen Presbyterian Senior Department zirlai a ni.
     May ni 29, 2014 (Ningani) vel atang khan a insawisel \an a. June ni 1, 2014 (Pathianni) zan khan Isua Krista Kohhran Camping Follow Up Programme han chhim ve-in a inkhawm a. Hlim takin a haw nghe nghe. Hemi zan hian a khua pawh a sik miah lo!
    June ni 4, 2014 (Nilaini) khan Hlimen Urban Health Centre-ah kalpui a niin a thisen pawh laktir nghal a ni a. Chutah chuan Malaria PF hmuin, damdawi lei mai tur a awm rih loh avangin in lamah hawtir leh rih a ni a. In a an haw hi a chau tawh hle mai a, mumal a neih meuh loh avangin damdawi lian zawk panpui a ni a.
    Greenwood Hospital-ah admit nghal a ni a. Hetah hian a natna hrang hrang – Rannung seh, Malaria PF, Pumpui Ulcer, Mitliam, Typhoid-te hmuin Rannung sehna hian a chuap leh a thluakte khawihin a kawchhung pawh a lo khawih chhe nual tawh a. Casualty-ah dahin hemi hnu rei loteah ICU-ah dah luh a ni a. Theih tawpin Doctor leh Nurse te’n an buaipui hnu pawhin hma a sawn thei lo hle mai a. June ni 5, 2014 (Ningani) zing dar 1:30 khan chatuan ram min lo pansan ta a ni.