Mimkut thla Ni 27, 2014, Issue No. 39

PAGE - 1

TUALCHHUNG :

Damlo : Pi Nunsiami W/o Zokhuma, Saichhuma Sec. a mi chu a pum lam \hat lohna avangin In lamah enkawl mek a ni.

@@    Pu Lalchantluanga leh Pi Lalruatfeli te fapa, Kapdaia Sec a mi chu Pneumonia natna avangin Sept. ni 22, 2014 khan Alpha Hospital, Kulikawn ah Admit a ni a, he thu buatsaih lai thleng hian Hospital lamah hian enkawl mek a ni.
@@    Pi Lalsawmi W/o Pu K.Pakunga, Vawmphunga Sec. a mi chu a mît a lungte awm Durtlang Hospital-ah zai a ni a, tunah In lamah a inenkawl mek a ni.
@@    Tv. Biakthanmawia S/o R.Hming-thansiama, Saichhuma Sec. a mi chu Sept. ni 25, 2014 khan a kala lungte awm chu Aizawl Hospital-ah zaichhuah a ni. He thu buatsaih lai thleng hian Hospital lamah enkawl mek a ni.
@@    Malsawmtluanga S/o Zosangzuala, Saichhuma Sec.chu rîl TB natna avanga hun engemaw chen Referal Hospital, Falkawn-ah enkawl a nih hnuin Civil Hospital-ah dah phei leh niin enkawl mek a ni.

Accident : Pi Lalzarlawmi W/o Zosangzuala, Saichhuma Sec. a mi chu  Sept. ni 22, 2014 (Thawh\anni) a Referal Hospital a afapa damlo awmpui a lo haw chho lam chu Hualngohmun khaw hnuaiah bike in an chesual a, a lu a sawh nat deuh avangin Civil Hospital ah Admit a ni a, Sept. ni 24, 2014 (Nilaini) khan in lama enkawl chhunzawm turin a lochhuak leh ta niin thu kan dawng.

Nau nei thar : Pu Zothanzama te nupa, Damvea Sec. a mite chuan an fa pahnih na atan naute hmeichhia duhawm tak an nei thar.
    Tin, Pu Laldinpuia te nupa, Damvea Sec. a mite pawhin an fa pahnihna atan naute hmeichhia duhawm tak an nei thar  bawk.

J.E. thar : PHE Chhimphei Section chuan hun engemawchen J.E an neih loh hnuin Pu Vanlalauva, Maubawk veng chu rawn dah thar niin thu kan dawng.

FRONT :

I KHAWMPUI VE DAWN EM ?

    YMA Gen. Conference Vawi 69-na Sept. ni 30 - Oct. ni 2, 2014 chhunga PUMA ZAI RUN (pandal), Ratu Branch a neih tur chu a hnai ta hle. Sept. ni 30 - Oct. ni 2, 2014 ah chuan Zoram dung leh vanga \halai rualte chu lungrual tak leh hlim takin an fuankhawm leh mup mup mai dawn a ni. He hun hman dan tur programme pawh duanfel tawh niin Programme tlangpui pawh hetiang hi a ni :-
    Sept. ni 30, 2014 (Thawhlehni) dar 7:00 to 9:30 Pm : Hemi zan hi palai lawm zan niin vantlang inkhawm a ni anga, dar 6 leh dar 7 inkar hi mipui zaihona a hun hman tur a ni ang. hemi zan hian YMA Group, Branch zaipawl leh malzai (solo), fiamkthu, hnam lam entir leh ngaihthlak tur a awm dawn a ni.
    Oct. ni 1, 2014 (Nilaini) chawhma dar 11:00 a\anga tlai dar 4:00 inkarah rorel inkhawm neih a ni anga, rorel palaite hi mizo zia pholang thei ang bera inchei nise tih a ni a, member boralte sunna hun neih a ni bawk ang. Branch leh Sub-Headquarter a\angte in malzai ngaihthlak a ni bawk anga. Tin hemi ni zing dar 10:30 hian YMA Exhibition Pu R.Lalngheta CEC in a hawng bawk ang. Rorel inkhawm chhung hian Community Hall-ah variety Programme hman a ni anga, hetah hian Group leh Branch hrang nhrang a\angin item hrang hrang thlir a ngaihthlak a ni ang.
    Oct. ni 1, 2014 (Nilaini) zan hian Puma Zai Run ah vantlang inkhawm neih leh a ni ang a, hemi zan hian hnam lam, zaipawl, malzai leh special show en tur leh ngaihthlak tur a awm dawn a, hemi zan hian Hlimen Branch a\angin Nl. Lalruatdiki chuan Conference palaite zaiin min awi dawn a ni.
    Oct. ni 2, 2014 (Ningani) Dar 11:00 Am to dar 3:00 Pm ah vantlang inkhawm Puma Zai Runah a awm leh anga, malzai, special item,  leh thusawi \ha tak tak ngaihthlak tur lrh hmuh tur a awm bawk ang.  Zan lamah vantlang inkhawm leh palai thlahna neih a ni ang. Zaipawl, malzai, lemchan, mizo fashion show,  bakah thusawi \ha tak tak ngaihthlak tur a awm dawn a, a bik takin huntawp zan hian hmangaihtu leh hmangaihte inhmukhawm nih vang em ni ang; a nuamin a hlimawm a, palai ten an khamlo thei hle \hin. Kumin ah pawh hian zoram a \halai rual lungrual insuihkhawm kan ni leh dawn a, a hlimthlak leh hle dawn a ni.
    Awle, Programme kimchang tar sen a ni lo, a kimchang hre turin Ratu lamah kal ve la, i inchhir lovang. A nawm dan tur leh hlimawm dan tur hi mihring \awngin a sawichhuak phak lo. He hun hmang tur hian..... I KHAWMPUI VE DAWN EM?
     

PAGE - 2

EDITORIAL :

ZIRNA I UAR ANG U
    Zirna uar chung chang hian sawi a hlawhin ram leh hnam, khawtlang leh chhungkua; mimal nun thlengin a pawimawh hle a. Mizoram pawl lian ber mai leh thianghlim bera kan neih YMA pawhin tunhma lamte pawhin kumpuan atan a lo hmang reng tawh a ni. Chung hunlai a\ang vawiin thlenga zirna tia kan sawi ber \hin chu  A,AW,B & A,B,C lehkha zirna hi a ni.
    Tun \uma zirna i uar ang u tia ka sawi tum chu lehkha zirna lam ni lovin; mihringte khawvel a kan lo pianchhuah phat a\anga kan thihni thlenga inzir ngai kan neih thu leh zirtur kan neih reng thu hi a ni. Khawvelah hian zirtur awm zawng zawng zirzo a thi ta hi tumah an la awm ka hre lo.  Kan piantir; nausen kan nih chuan nuih, bawkkhup, \hut leh din, kal kan zir thiam a, \awng kan zirthiam leh a, tlem a kan lo len deuh kum 4/5 vel kan nihin A,Aw,B & A,B,C kan zir chho leh a. Tunhma lehzual chuan A,Aw,B & A,B,C pawh zirna hmun neilo leh zir phalo in kan pi leh pute chu an lo awm \hin. Mahse, A,Aw,B & A,B,C  zir lemlo pawhin khawtlang nun fel takin an hruai a, ram leh hnam humhalhin; mizo hnam leh nun chu kan pi leh pute avangin vawiin thlengin a la kal a. Pi leh pu a\anga kan chhawm hnam rohlu tia kan sawi tlawmngaihna, hawihhawmna etc.. chu pangpar angin a vul chho zel zawng a nih hi.
    Mahse, \hangthar lo fing chho leh hmasawn zelna karah Zonunmawi, hnam rohlu rinawmna, hmangaihna leh hawihhawmna te chu; changkan leh hmasawn kan tumluat vang em ni; a bo tual tual a, khawtlang, chhungkua leh ramin a tuar a. Mahni hmasialna leh duhamna in min bual chhe mek zawng a nih hi. Kan ram, kan khawtlang, kan chhungkua leh keimahni mimal nun a him a a lo nawmna turin Mizo hnam rohlu - hmangaihna, tlawmngaihna, rinawmna leh hawihhawmna te tundin a nih zel theih nan ZIRNA I UAR ANG U.

ZIAKTUTE HUANG :

HLAWHCHHAMNA HLAWHTLING
- Prince Paris Khawlhring

Mi hlawhtlingte hlawhtlinna phena hlawhchham-na hi i ngaihtuah ngai em? Hlawhtlinna lamtlunga khawkrawk leh bumboh hi zawh i zuam chiah em le.?
    Hmuchhuaktu ropui Thomas Alva Edison khan hlawhtling taka Bulb a siam chhuah dawn khan vawi engzat fakau nge a tihsual ang le? Beidawngin tawpsan tase sathau khawnvar hnuaiah kan la in rim mai lo maw? Evander Holyfield an Tysona a hneh hma khan vawi engzat nge chak lo dinhmunah a din tih i ngaihtuah ngai em? Film khawvela ropui leh fakawm ber pawl Avatar hlawhtlin puitu James Cameron khan he film siam tur hian kum engzat teh meuh nge a inbuatsaih kha.?
    I kal theih hma khan kal i tuma vawi tam i tlu a, vawiinah chuan i tlan theih tak hi! Hlawhtlinna phenah hian hlawhchhamna a awm a, chu hlawhchhamna a tawpsan lote chu mi hlawhtlingte an ni.
    Chakna hi chakna a ni lova, chak lohna pawh hi chak lohna a ni hek lo. Mi chakin a chakna chhuangin a chhiatpui fova, a chakna chu chak lohna a hruailuttu ani thei asin! Chak lohna hi chakna tura bul \an that leh theihna hun remchang a ni tih pawm thiam tan chuan amah ti chaktu a ni thung!
    Hlawhtlinna tak tak duh mi chuan \han zel chakna a nei a, \han zelna chu danglamna a ni tih a hria. Danglamna chuan thil hriatsa a\anga hriat ngai loh thlenga engpawh huama tlan luh a phut nghal bawk. Eng thil pawh, i duh zawng tak a nih tak meuhva, theihtawp chhuaha i thawh ngat chuan, hlawhtlinna thutiam an keng veka, pianpui finna leh thiltihtheihnain bul \an mah se a thawk zotu chu thawhrimna a ni tho tho.

Advertisement........

COMPUTER A FREE A ZIR DUH TAN
    Kumin atan last batch turin Admission kan hawng leh mek a, seat a tam loh avangin akal hmasa apiangduhsak an ni ang. Zirlai, sawrkar hnathawkleh hnazawng mek tan ngaihven ran chi a ni e. Govt. Aprroved kan ni a, chhun lama zir hmanlotan zing leh zanah a zir theih e.
Contact : CITY COMPUTER CENTRE
MISSION VENG bazar
near thakthing taxi stand
ph : 2314788, 9089527410
 Timming : 7am- 8pm
 

 E.B. thunawi.................
@@        Tun \um Issue kan buatsaihna a kan ei tur Arsa tuihnai tak mai chu Branch Asst. Secretary in min rawn tumsak a, kan va lawmin kan va tlái tehlul em.
@@        Tin, hming thup hnen a\angin EB te thingpui inna tur tiin ` 100 kan dawng nawlh bawk, kan va lawm tehlul em!!!

PAGE - 3

HRIATTIRNA :

Faina hapta chungchang
    Oct. ni 2, 2014(ningani) 10Am hian Venglai kawnah Faina hapta hawnna neiha, nilenga vantlang hnatlang koh nghal a nia, he mi ni hian chhungtin a\angin mi 1 aia tlemlo thawkchhuak vek turin kan in hriattir a. Tin, hnatlang tur a thawkchhuak ten tual phiahna bakah chem, bawngtuthlawh, suahdur leh buara te thawhchhuahpui tur a ni. Tin, hemi ni hian Lirthei (Public Carrier) neitu te chu tlawmngaia mahni motor thawhchhuah pui turin kan in ngen nghal bawk.
    Hnatlanga thawkchhuak te tan sawhchiar tuihnai tak siam a ni bawk ang. Tin, Media-te sawm an ni bawk dawn a ni.

    Sd/- Lalhmingliana,    Sd/- Lalrinmawia,
    Chairman, LC.    Chairman, Faina Sub- Comtt.

M.U.P. hriattirna
    October ni 1, 2014 (Nilaini) hi UPA TE NI a ni a,  MUP Hlimen chuan hman a tuma, Upa pawl member te kim taka kal \heuh tur a ni e. Mahni remchan ang pawisa thawhkhawm tur a ni e.
    A hmun    :    YMA Hall
    A hun    :    1st Oct. 2014, 12:00 Noon
    Chairman    :    Rev. Vanlalvena Pre. MUP
    Hunserh    :    Upa Vungdailova

    Sd/- Secretary
    MUP Unit Hlimen

Local Council hriattirna
    Mizoram Rural Bank(MRB), Kulikawn Branch ten kan venga  Account  hawn runpui kal zelah MRB lam ten Pass Book/ Account book chu sem chhuah theih an peih fel \ep tawh a, thawktu lam leh Local Council ten ruahmanna siamin tun a\anga rei lo teah sem theih a ni ang.Tin, kan venga Bank hawn a nih theih nan kan Account a sum kan dah luh emaw account tihchet kual tam a pawimawh avangin account hawngtu ten MRB-ah hian sum dah luh (Deposite) lamah \an i la ang u.

    Sd/- Lalhmingliana
    Chairman, Local Council

T.B. chung chang
    TB ni a in ringhlel te tan Sub-Centre hawn hunchhungin KHAK Exam na tur bur a lak theih a, hriat tur \ul dang chu Sub-Centre ah zawhfiah theih reng a ni e.

Bawlhhlawh bawm dah thar
    Local Council hmalakna in Venglai kawnah bawlhhlawh bawm hunthar leh a ni a. Heng bawlhhlawh bawmah te hian meizial bung a nung chunga paih lo turin kan inngen a, khawtlang ta a nih angin i dimdawi ang u.

LAWRKHAWM :

PPP Mode
    Sept. ni 10, 2014 kan veng bawlhlawh phur accident-a boral ta, Tv. Zodingliana S/o Sangzuala Kapdaia Sec. a mi chu Sept. ni 27, 2014(inrinni) 3pm hian PPP Mode Committee, Hlimen te ralna hun an hmang a, hemi rual hian a motor neitu Pu Zothansiama, Kapdaia Section a mi pawh PPP Mode Committee te hian an tlawh pah bawk.
    Tin, PPP Mode Committee  chuan  Sept. ni 25, 2014 khan Pu Lalhmingliana Motor (407) chu kan veng bawlhhlawh khawn turin an ruat nghet ta bawk.

ADFA U-14 khel
    ADFA Coco cola Inter Village U-14 Football Tournament-ah Hlimen Local Council U-14 team te chuan Sept. ni 25, 2014 khan Tuikual ‘S’ team te chu 3-0 in an hneh a, an chakna goal hiVanlalhriata S/o Ramdinngheta (2 Goals) leh Zosangzuala S/o Lal\anpuia (1 Goal) te thun a  ni.  Sept. ni 27, 2014 (inrinni) hian Kanan an tum leh ang.
    He tournament hi AIFF in 2017 a FIFA World Cup U-17 a thlenna tura player selection a neihna tura state tinte siam tur a tih a ni.

Pêm thar
    Pi Lalmalsawmi te chungkua, Tuikual a mite chu Hlimen ah rawn pem lutin, Pu Lalhmingthanga te inhnuai Buala Sec. ah an awm.
    Pu Lalmuansanga te chhungkua chu Tlabung Zodin a\angin  Hlimen ah rawn pem lutin, Pu Lalhmingthanga te inhnuai Buala Sec. ah an awm.
    Pu H. Lalramliana te chhungkua, Khatla a mite chu Hlimen ah rawn pem lutin Vawmphunga Sec. ah an awm.         Heng pemthar te hi Hlimen khua leh tui \ha tak an nih theihna turin duhsakna kan hlan e.

Vanduai a chunga lawmthu sawina
    Kan fapa Vanlalfela Tuirial kawnga vanduaina (Accident) avanga a boral chungchangah YMA leh khawtlang ten mipui min hmangaihzia hi sawi lo thei kan ni lo. Vanduaina tawhnaah YMA, khawtlang nu leh pa leh \halai ten in theihna zawng zawng leh sum leh pai tamtak in sen bakah aruang phurh nan kal lam leh hawn nana lirthei thawhtu te chungah lawmthu kan sawi a.
    Tin, a ruang postmortem ngai a nih avanga Civil Hospital lama min buaipuina te leh ama awmna (hnathawhna) a Pû Zothana in a thlahna huna lainat taka puan in pek te leh   a thlahna hun a bialtu Upa N. Zokunga’n \awng\aina a hman hnu a YMA hruaituin amah in ui thu leh min tuarpui thu in sawi te kha kan lawm takzet a ni. Chumai nilovin, a ruang ; a nu leh pa awmna Kei\uma hawpui a nih a, YMA hruaitu te leh \halai engemawzatin a ruang in rawn zui te leh amah lainattu leh chhungkua min hmangaihtu te in hming kan lam seng lo; kan hmuh a kan hriatin Hlimen YMA leh khawtlang \hatna hi Kei\um khawtlang leh kan chhungkua chuan engtikah mah kan theihnghilh dawn lo. Kan chunga in \hatna zawng zawng avangin lawmthu kan sawi tak zet zet a, mimal tin hnenah kan sawi seng lo, he chanchinbu hmanga kan lawmthu sawi hi inhnena sawiah min lo pawmsak mai turin kan ngen che u a ni.

    In khawngaihna dawng tu,
    Fela nu leh pa,
    Laldaihchhuaka leh Vanlalngheti
    Kei\um.

PAGE - 4

KEIMAHNI :
Hlimkhawpui Budget
    Hlimkhawpui  2014 Aug.  thla Budget  pe tla tawh te:
1.    Lalsavunga Sec.    2.  Saichhuma Sec.
3.    Kapdaia Sec.    4. Damvea Sec.
5.    Buala Sec.

    Saichhuma Sec., Lalsavunga Sec., Kapdaia Sec., leh Damvea Sec. ten September thla thleng an tlak a, Lalsavunga Sec. ten December thla  thleng an tlak ta bawk.

Branch Committee thuchhuak
    Sept. ni 23, 2014 khan Branch YMA Executive Committee neih a ni a, thurel tlangpui te :
1. Gen. Confe. chungchang :  YMA Gen. Confe. Sept. ni 30-Oct. ni 2, 2014 chhunga Ratu khua a neih turah kal dan tur leh \ul dang awm chu OB te kutah dah a ni.
2. Lehkha hmuh : Saichhuma Sec. a\anga lehkha hmuh, Section intuaithar nana Daifim Picnic Spot a hun hman an dil chu remtih sak an ni.
3. Pem lehkha : Veng pawn lam a\anga rawn   awm thar chungkaw pali(4) hnen a\angin pem lehkha dawn a ni a, chhungkaw 3 te lehkha chu pawmsak niin chungkaw pakhat  lehkha erawh chu zirchian phawt  nise tiin Committee chuan a rel a ni.
4.  Faina Hapta chungchang : Oct. ni 2, 2014 a\anga hman \an tur AMC Area a faina Hapta hman turah Faina Sub- Committee ten a \ul angin Local Council te lo thawhpui se tih a ni.

Buala Section
    Sept. ni 30, 2014(thawhlehni) leh Oct. ni 2, 2014 (ningani) zan hian Lucky Ticket zawrh hnatlang neih leh tur ani a, heng ni te hian YMA Hall hnuai a\anga 7Pm a chhuak thei turin member te inbuatsaih leh ila a \ha ang e. Kan Lucky ticket zawrh tawhna ah luh thlawnna nei lova min leisak avangin min leisak tu zawng zawng te chungah lawmthu kan sawi  mawlh mawlh a ni. Tin, Section dangah kan rawn zuar chhuak leh dawn a tlawmngai a min lo lei sak vek turin mitin te kan in ngen leh a ni.
     1st- Gas Stove (3 burnner), 2nd prize - Rice Cooker (Divya), 3rd Prize - Electric Kettle a ni ang. Ticket man hi ` 10/- chauh a ni e.

Hriatrengna thilpek hlan
    Pi Lalsanglura te chhungkua Damvea Sec. a mite chuan an unaupa Lalnunmawia (L) hriatreng nan Branch YMA-ah Ketli \ha tak an rawn pe a. Tin, Pi Sangzuali te chhungkua Lalsavunga Sec. a mite pawhin an pa, Pu J. Pazawna (L) hriatreng nan Branch YMA ah Dekchi an lo pe tawh bawk a ni.
    An chungah Branch YMA chuan lawmthu a sawi tak meuh meuh a ni.
 

CHHIARTUTE NGAIHDAN :

@@    Pu Lalremsanga (Marema), Damvea Sec. a mite In bula in satu te sawn vantlang kawng zahna nei lovin In sakna hmanrua kawngpuiah; motor a kalte leh mihring kawnga kalte tana chep leh hlauhawmin a dah reng mai a. Kal paha hrilh tute thu an awih bawk si lo a, intihpalh vanduaina tawk an awm hma ngei a insenghawi turin thuneitu ten hma lo la mawlh teh u, a hlauhawmin a hnawk em mai.
Vanduaina tawh hlau em emtu,
Mesa Pa, Driver
Hlimen

Lawrkhawm chhunzawmna...... 
Faina hapta
    Sept. ni 25, 2014 khan Local Council  leh Branch YMA \ang kawp chuan kumin a Faina Hapta Oct. 2-9, 2014 chhunga hman tur chungchang sawiin Meeting an nei a, He Meetingah hian Branch YMA aiawhin Faina Sub Committee te an tel a ni. Meeting thuchhuak tlangpui te:-
1. Oct. ni 2, 2014(ningani) chawhma dar 10 ah Venglai kawnah Faina hapta hawnna hun tawi hman a ni anga. Pu Lalrinmawia BYMA Asst. Secy, Faina Sub Comtt. Chairman ni bawkin a kaihruai anga, Pu Lalhmingliana, Chairman LC in hawnna a nei ang.
2. Rankhuahkhirh chungchangah chak zawk a hmalak a ni ang. Dan bawhchhia te chu an chungah dan dinglai anga  action lak a ni ang.
3. Vengchhunga dawr nei zawng zawng ten dawr bulah bawlhlawh bawm lian tawk tak dah vek tur a ni.
4. Section YMA te faina kawngah inelna siam a ni anga, Section fai ber te lawmman siam a ni ang.
5. Chhungtin ten mahni in bul leh avel fai taka avawn \heuh tur a ni a, Hlimen vawng fai ang u.
6. Oct. ni 7, 2014 hian naupang pual hnatlang koh a ni ang.
7. Sawrkar Office hrang hrang ten mahni Office mai bakah a area te vawn fai vek nise.
    Heng zinga  ruahmanna \hehkhat te hi Faina hapta chhung mai niloin kalpui zel tur a ni.
    AMC chuan  Faina Hapta pual hian a Area chunga veng fai lawmman a siam a, 1st - ` 30000, 2nd - ` 20000 leh 3rd- `10000 a ni ang. Lawmman hi kan vengin a lak  chuan faina kawnga hma kan sawn zel theih nan \angkai taka hman a ni ang.
 

Advertisement......

Grace Academy  hawn thar a ni dawn ta....
    Zirtirna \ha tak hnuai a i fate lehkha i zirtir duh chuan Zirtirtu Experience nei \ha tak tak ten Grace Academy 2015 Session a\angin Pu Vanlalthawma (L) In (Near B.N.Hospital) Kulikawn-ah an hawngthar dawn ta, rawn ngaiven rawh le. KG-I - Class IV thleng chiah hawn a ni rih dawn avangin Seat a tam lova, i tlai palh hlauh ang e.
Admission form hi 29th Sept. 2014 a\angin pek chhuah
a ni ang.
Admission Fee + April Fee = ` 1,400/- only
Hrechiang duh tan ahnuaia Phone No. ah te hian
biak theih a ni.
Contact No. 8729919081 / 8575269186

Mimkut Thla ni 20, 2014, Issue No. 38

PAGE - 1

TUALCHHUNG :

Damlo : Tv. C. Lalhmingthanga, Member LC chu Sept. ni 19, 2014(zirtawpni) khan a beng chhung zai turin Civil Hospitalah Admit a ni a, Sept. ni  20, 2014(inrinni) hian zai theih beisei a ni.

@@    Pu Lalthlengliana H/o Kapthangpuii Kapdaia Sec. chu khawsik avangin Alpha Hospitalah enkawl mek a ni.

@@    Lalhriatrenga S/o Lalramvula Kapdaia Sec. a mi chu Pneumonia avangin  Alpha Hospital enkawl mek a ni.

@@    Pu Vanlalenpuia H/o Rosy Lalmuanawmi Kapdaia Sec. a mi chu Sciatica zai avangin Civil hospitalah enkawl mek a ni. 

@@    Pricilla Lalnunfeli D/o Lalchhanfela Kapdaia Sec. chu Pneumonia leh Septicemia avangin Alpha Hospitalah enkawl mek a ni.

Chesual : Pu Lalbela Damvea Sec. a mi chu sept. ni 19, 2014 thimhlim khan a tlusual palh a, Civil Hospital panpui nghal niin X-Ray tih nghal a ni a, a khelruh a khi tih hmuhchhuah a ni a, admit nghal a ni.

Kaisang : Pu Laltluanga, Vawmphunga Sec. a mi chu a hnathawhna Forest Deptt. ah Forest Guard a\angin Forester ah a kai sang niin thu kan dawng. Editorial Board ten kan lawmpui tak zet zet e.

Nâu neithar : Laltleipuia te nupa, Buala Sec. a mite chuan an fa pakhatna atan Sept. ni 9, 2014 khan Civil Hospital-ah fapa duhawm tak an nei thar.

Khiangawi : Ramsiammawii D/o Ramliana Buala Sec. a mi chuan Sept. ni 17, 2014 khan Ramthanmawia, Zuangtui a mi tawnah khiang a awi ta.

Bill Counter : YMA Hall hnuaia Electric Bill Counter hman tur chu Computer Line (Cable) leh Computer Test thlengin zawhfel a ni ta. Thla thar October a\ang chuan Electric Bill pawh tualchhungah samkhai taka pek theih a ni tawh ngeiin a rinawm.

Headmaster nei ta : Hlimen P/S II Headmaster atan Sept. thla tir a\ang khan Pu Lalbiakthanga, Tlangnuam a mi chu a rawn thawk \an niin thu kan dawng.

FRONT :

I.T. Awareness Campaign on

Cyber Security & Social Security

Chhunzawmna......
Social Media Security : Social Media a thu post leh Comment dawn reng rengin “Ka tana \halo thei a ni em? Dan bawhchhiatna a ni em?” tiin inzawt \hin ang che.

    Phalna nei lova mi Computer khawih : A hremnain a huam theih, IT Act Section 43 a ziakte chu hengte hi a ni :-
(a) A neitu phalna lova computer khawih. (b) A neitu phalna tel lova data lak leh dahluh. (c) Virus leh computer tichhe thei thehdarh leh pekchhawn. (d) Computer leh a chhunga data tihchhiat leh tihchingpen. (e) Database, network leh system lo khawihdanglam. (f) Phalna nei computer hmang tur lo dan/hmantir lo phal loh. (g)Midang hminga computer leh a kaihhnawih dik lo taka hmansual. (h)Computer a thil pawimawh ruk chhuah, tihchhiat, thuhruk leh chutiang atana midang ruai a tih.
    Hremna dan : IT Act Section 66
    Hremna : (a) Kum 3 thleng lung-in tan. (b) Rs Nuai 3 thleng chawi. (c) A & B hmanga hrem kawp.

    Fake Account : Mi \henkhat chuan kan mi ngaihsan zawngte emaw huat zawngte emaw midang thlalak leh information awmsa hmangin Facebook etc.. ah ‘Fake Account’ an lo siam ve mai \hin a. Hei hi thil \halo tak niin danin a phal loh a ni. Dan kalh a nih dan kawng tam tak a awm a, a hremna dan pawh tam tak a awm bawk a ni.

    Computer hmanga mi bum : Mi tupawh computer leh electronic kaihhnawih hmanrua hmanga mi bumtu chu  IT Act Section 66 ‘A’ hmangin kum 3 lungin tantir emaw pawisa chawitira emaw a pahnih hmanga hrem theih a ni.

    Thui, thlalak leh video bawlhhlawh leh zahmawh rawngkai : Harsatna thlen theitu emaw, zahmawh rawngkai thlalak emaw, thlalak hmuh nuamlo ang chi post a nih a, mi dang tana en nuam lo leh mi tihrehawm thei pholan hi IT Act Section 66 ‘A’ 67 & 67 ‘A’ hmangin kum 3 thleng lungin tan emaw Rs Nuai 5 thleng chawi emaw a pahnih hmanga  hrem theih a ni.
    Finfiah loh hmanga intihhmingchhiat : Court of Law (dan rorelna) in Politician emaw, sorkar hnathawk emaw a eiru ngei a ni tih a finfiah loh chuan facebook leh Electronic Media hmanga “hepa hi a corrupt chiang lutuk” lo tih hi dan kalh a ni. A tuartuin a khinlet chuan dan anga hrem theih a ni. Social Media a hetiang hmanga mi rilru tihel thei zawng leh kaihruai sual thei zawng thu post emaw thawn emaw, nun tinuam lo thei zawnga thu thawn a nihin dan kalh a ni.
    |awngkam mawi lo : Social Media hmanga mi tute emaw hnena \awngkam mawilo hman leh midangte an phaklohna ang chi leh deusawhna thu inthawn emaw hi dan bawhchhiatna a ni. Hei hian intihhmingchhiatna lam hawi a kawk thei a, chu chu defamation anga kalpui a nih chuan dan rorelna hmangin hrem theih a ni.

PAGE - 2

EDITORIAL :

KAN VA LAWM THIN EM
    Hlimkhawpui Weekly News kum 2014 chuan khaihlak nei hauh lovin kumin kum chanve chu kan lo pel leh ta duai mai. Tluang taka he chanchinbu a kal theih nachhan ber chu Pathian malsawmna a ni kan ti lo thei lo, a pahnihna ah chuan Editorial Board te leh mi\hahnem ngaite vang a ni.
    He chanchinbu a lo phuisui a, khawtlang mipui tana thu \ha tak tak leh bengvarthlak tak takte rawn thawh \hinte avangin he chanchinbu hian nasa takin mipui ngaihsak a hlawh phah \hin a. |hahnem ngaitute chungah kan va lawm \hin em, rawn \ang sauh sauh teh u.
    Tin, he chanchinbu hi mipui tena kan chhawr tlan theih tur ang ber nia hriain Editorial Board te chuan theihtawp in kalpui a ni a. Fak ngaite, chawimawi phute leh infuih ngai ang chite tarchhuakin; bengtivartu atan tualchhung damlo, innei leh thil dang a chhia a \ha thlengthar hriat ang angte pawh tarlan \hin a ni.
    He chanchinbu a chhuah tur hian tumah thlei bik leh duhsak bik a awm lova, lai (neutral) thei ang ber a chhuah ni a Editorial Board ten kan inhriat mek laiin \henkhat tan chuan sawisel bo chu a ni lo mai thei a, chungte pawh chu insawisel mai lova thurawn \hate min pek zel \hin avangin kan va lawm \hin em!! Tun aia he chanchinbu hi khawtlang mipui tana a \angkai zel theih nan leh khawtlang inpumkhatna \hazawk a thlen theih nan; a hma aia nasa zawka tualchhung thil thlengthar leh thurawn \hate rawn thawh zel turin khawtlang mipuite kan ngen che  u a ni. Chanchinbu lo chhiar a, min hlutpuitu zawng zawngte avangin KAN VA LAWM |HIN EM!!!

ZIAKTUTE HUANG :

RUIHHLO DO TIHARSA TUTE
- R. Lalngheta
Chhunzawmna.......

 
    3. Kristianna suak :- Kan Kristianna suak lutuk hi ruihhlo do tiharsatu zingah a tel nameuh mai. Kohhran tih tur pawimawh ber ni awma lang chu chanchin\ha puandarh leh sual do a nih hmel a. Chanchin\ha puandarh lamah hi chuan kan thawk \ha hle in a lang a. A puangdarh tute a tak taka kan thawh rawn em avanga kan thawh rah a lang chak lo a nih chuan thudang nise. Sual do kawngah hi chuan kan chauva, kan chau ngawih ngawih a, ke kan pen thei lova, kan pen peih lova, kan pen ngam lo bawk niin a lang. Ruihhlo bawiha tang mek zingah hian tunge kohhran mi\angkai tak, chhungkua a \angkai leh khawtlang tihming\ha awm ngai le? Chutiang a ni chung chuan kohhran in emaw, mimala kan Kristian na vang emaw hian ruihhlo do kawngah hian ke kan pen lo hle. Veng tam takah phei chuan kohhran a inhmangte hian an tih tur a ni ve lo emaw an ti hial zawk niin a lang. Bible in sum ngainat hi  sual tinreng bul a ni a ti lawm lawm chungin Zu hi sual tinreng bul a ni tiin kan hre lar zawk hial a, Bible sawi emaw kan la ti nual bawk. Chuti khawpa hre lar si chuan a dona kawngah ke kan pen \ha duh lo hle. Veng leh khaw tina ruihhlo do taima hi kohhran hnarkaitu emaw kohhran \halai active tak an vang khawp mai. Biak In leh a chheh vela hlabu leh Bible zakzeh chunga tei tei ringawt hian ruihhlo a rem thei lova, rem thei chu nise tlaivar a check a, hah taka misual changa um ai chuan inchei chunga tih theih a ni a, kan peih zawk vek ang chu. Ruihhlo hi sual a ni a, Pathian min biaktir theilotu, chhungkaw tibuaitu, khawtlang tihrehawmtu, sual zawng zawng hnar ni mai a hretu Mizo Kristian te hian Kristiante mawhphurhna leh tih tur chu sual do a ni tih hre bawk siin kan penchhuak lawi si lo a ni ber mai.
    4. Dan kengkawhtute :- Ruihhlo do kawnga kan harsatna lian pakhat chu Sorkar kutke Police leh Excise Deptt. mi leh sate hi an ni tlat. Mi nawlpui rilru a langsar tak chu Police leh Exciese zingah zu in mi leh drugs ti \hin an awm thu hi a ni. A do tur berin a duh ve tlat tawh chuan tihngaihna a awm tawh lo a ni. Excise leh Police zingah zu leh ruihhlo do kawnga theihtawp chhuah mi tam tak an awm, duh ve reng awm tlatte hian an hmel a tibal a, an hnathawh a tichaklo a ni. Ruihhlo zuarte pawhin Police leh Excise ai chuan hlawh nei hauh lova thawk YMA Duty an hlau zawk a, tu letter head mahin a paltlang ve thei lova, phone lawk ve chi a ni bawk lo. Tun dinhmunah chuan Sorkar kutke berte hi an insilfai deuh a ngai a ni.
    5. Dan hremi :- Aizawl veng hrang hranga legal awareness campaign kan neih hian dan hretu ten khawtlang a ruihhlo dotute an hrilh tam ber chu “in lo check thiang lo, in chawitir thiang lo” tih lam hlir a ni a, khawtlang a mi \hahnem ngai ten dan an lo bawhchhiat lam hlir an rawn sawi a, dan lovin an zuar ve tho a ni tih hi a ri tlem hle \hin. Mitlawmngai ten harsa taka an man sa Court lamah a ho thei ang bera lo chhuah tum Ukil tam tak an phu suau suau mai bawk si. “Vawiin chu No. 4 dik tak mai Maida-ah kan chhuah thei a nia, a ropui ngei mai” tia nupui fanau chawm kan ngah bawk si a, a buaithlak a ni. Ram leh hnam hmangaihna rilru nen kan eizawnna pawh nise, hlawk lo deuh mah ila, kan halai te hrai hlum a, piansualna thlentirtu ruihhlo zuarte hi kan chhan lo ngam a ni tiha rilru siam loh chuan kan ruihhlo do hi a tiharsa a ni.
- Phek 4 na-ah chhunzawm a ni.

PAGE - 3

HRIATTIRNA :

RSBY chung chang
    Sept. ni 22-23 2014 chhung hian RSBY Health Care List a la awm ve lo, mi harsa tan in thun belhna hun hawn a ni a, tel duh kan awm a nih chuan ni tiam chhungah Office hun chhungin chhungkaw aiawh kal a in ziah lut tur a ni ang.
Hriattur pawimawh
1. Chhungkaw aiawh a kal chu puitling ni thei se.
2. Chhungkaw member pianni/ kum/ thla hriat tur.
3. Health Care thlalak huna thla la ve duh lo tur tan inziah luh buai loh nise.
4. List a thunna hun chauh a la nih avangin pawisa a ngai rih lo.
5. Sorkar hnathawk pawh nise MR Bill thei lo, khawsak harsa tan tih theih a ni. Sawrkar hnathawk lo, khawsa thei deuh chuan tih loh nise. Health Care pangngai an tih theih tho avangin.

Health Clinic, Hlimen : Aizawl

Volleyball Jersey
    Branch YMA VolleyBall Jersey Mipa leh hmeichhia te la theh lut lo zawng zawng ten a rang lama Branch Secretary hnenah theh lut vek tur a hriattir kan ni.

Bo chhar
    Pi Sangzuali dawr, venglaiah mipa naupang tarmit (Power awm) theihnghilh in awm a, a tibo chuan a rang lama ngaih ven tur a ni.
   

MUP Committee kohna
    Sept. ni 22, 2014(thawh\anni) zan dar 7-ah MUP Exe. Committee Pu Lalsanga te inah neih tur a ni a, Committee member te kal \heuh i tum ang u.
Agenda : Upa te Ni hman chungchang Etc.
Sd/- C. Lalhmingliana
Asst. Secretary

Lo chhar kan awm em
    Sept. ni 10, 2014 a Hlimen bawlhhlawh Tuirial a paih tur a kal motor Accident tawk, Driver Vanlalfela License & Document lo chhar leh hmu kan awm chuan Pu Lalrinmawia Asst. Secy, BYMA hnenah pe tura ngen kan ni. ( Hei hi engemaw thil Claim na atan a pawimawh avangin Fela chhungte, Kei\um a mi ten an mamawh a ni.)
   
Local Council hriattirna
    Local Council Gas Card la khul lo kan la awm nual a, a rang lama Office hunchhunga khul vek turin kan in hriattir a,  Local Council Card tello chuan Gas a lak theih lovang tih kan in hriatttir nawn leh e.
    Tin, Sept. ni 19, 2014(Ningani) a MRB Account hawnna a fatu tura kan sawm fatu te, thawktu te puibawm tur kan sawm te, tin, Branch YMA in a theihna zawna min puihna ah te lawmthu kan sawi takzet bawk a ni.
Sd/- Lalhmingliana
Chairman, Local Council.

LAWRKHAWM :

Mission ‘ Sampoorn vi - aiyea samaveshan’
    Sept. ni 19, 2014 (zirtawpni) khan kan vengah Mizoram Rural Bank, Kulikawn Branch ten Account hawn runpui chu YMA Hall-ah an rawn nei leh a, He Scheme ‘ Pradhan Mantri Jan-Dhan Yojana’ hi nakum Jan. ni 29 thleng kalpui tur a ni.
    He ni  a lokal te hi Branch Manager Pi Malsawmkimi  leh Office Assistant Pu H. Lal\anpuia te an ni a, Local Council ten lo dawng sawngin Dar 10am khan hawnna hun tawi neih a ni a, hriat theih chinah mi 112 in account hi an hawng a ni.
    MRB a account hawng te tana hma\hatna langsar zual te : 1) MRB a Account nei tan Chhiatna (thihna) thilah+ ` 1,00,000 thleng lukhawng a awm. 2. Thlaruk chhung \hataka  Account khawih chet chuan pawisa puk tir theih dan tur ruahman sak theih a ni.  3. ATM Card a chhawm nghal. 4. Mamawh changin neih bak lak theih a ni.etc.
    Hemi ni a lokal te hi Local Council te nen inbia in Account Book leh \ul dang te chu Local Council kaltlanga hmalak leh tur a ruahman a ni a; tin, kan vengah karkhata eng ni emaw ber zelah MRB a thawk tute hi kan venga lo kal a, MRB a sum dah luh duh/ lakchhuah duh tana hun siam an in peih reng thu dawn a ni a, hei pawh hi Local Council te nen sawi chian leh tur a dah a ni. Local Council chuan hemi ni a phungbawm tura asawm, fatu leh thawk tu te pui tur a sawm te chungah lawmthu a sawi takzet bawk a ni.

Lawmthu sawina
    Kolasib Badminton Open  Sept. ni 20, 2014 a khelh zawk takah Hlimen khua leh tui, Pu Lalmuanawma chu Final ah a tumpui Samuela hnehin chak ber nihna lallukhum a khum a; tin, Nl. Lalhlunchhungi pawhin Women’s Double’s ah champion Lallukhum a khum bawk a, keini Hlimen Games & Sport Association chuan kan chhuangin kan lawmpui tak zet a, a kalna zel turah duhsakna sang ber kan hlan e.

    Sd/ Lalrinmawia
    President. G&SA

Advertisement.........

Carolyn Elementary School
Thakthing Veng : Aizawl
Hriattirna

    Nakum 2015 - 16 Session a KG lut thar tur tan School Office-ah Registration Form ` 10/- kengin a lakchhuah theih e. Registration Form hi Oct. 13, 2014 thleng thehluh theih a ni ang. Interview awm lovin Admission hi tih nghal theih a ni ang(OCt. ni 14 a\angin Oct. ni 30 inkarah). Admission ti tur chuan Baptisma Certificate emaw  Birth Certificate emaw ken tel tur a ni ang.

    Sd/- Headmaster
(2-2)    Carolyn Elementary School 

    Hlimkhawpui Weekly News Editor Nl. Buangi Guwahati kal chuan sawichhuah mai mai chi loh bakah rawmawl mawi leh \ha tak mai;  Editorial Board a a Member pui te min hawn \heuh mai a, \un\um Issue buatsaih zanah kan hlim tlang dar darin, nuam kan ti hle mai.

PAGE - 4

KEIMAHNI :
Hlimkhawpui Budget
    Hlimkhawpui  2014 Aug.  thla Budget  pe tla tawh te:
1.    Lalsavunga Sec.    2.  Saichhuma Sec.
3.    Kapdaia Sec.    4. Damvea Sec.
5.    Buala Sec.

    Saichhuma Sec., Lalsavunga Sec., Kapdaia Sec., leh Damvea Sec. ten September thla thleng an tlak a, Lalsavunga Sec. ten December thla  thleng an tlak ta bawk.

Branch Committee
    Sept. ni 23, 2014(thawhlehni) zan dar 7 hian Branch Executive Committee koh a ni a,  member te kim taka kal tur a ngen leh beisei kan ni.
Agenda :
1) Gen. Confe chungchang
2. Lehkha hmuh
3. AoB
( Committee kohna hi sem a ni dawn lova, hei hi kohna puitlingah ngaih tur a ni e.)

Sd/ Secretary
Hlimen Branch YMA

Kapdaia Section
    Daifim Picnic Spot-a Section in tuaitharna neih tur a kal tum te chu Sept. ni 23, 2014 ralhmain Pu Lalchhantluanga, Tv. Lalzopuia leh Tv. R. Lalhminghlua te hnenah in report vek tur a ni. Hemi hnua in report te chu pawm kan ni lovang.
    Sept. ni 27, 2014(inrinni) hian Pu Rokamlova te Quarry-ah Boulder la a hnatlang neih tur a ni a, Picnic senso phuhrukna tur a nih avangin member atam thei ang ber hnatlang turin kan in sawm a, hmanrua remchang ang ken tur a ni a, chaw lian tawk a fun tur a ni a, a hmeh erawh Section in a tum ang.
    Information Mike a hman tur Wire \hatak lei thar a ni.

Sd/- Secretary. Kapdaia Section.

Buala Section
    Sept. ni 23, 2014(thawhlehni) leh 25, 2014 (ningani) zan hian Lucky Ticket zawrh hnatlang neih leh tur ani a, heng ni te hian YMA Hall hnuai a\anga 7Pm a chhuak thei turin member te inbuatsaih leh ila a \ha ang e. Kan Lucky ticket zawrh tawhna ah luh thlawnna nei lova min leisak avangin min leisak tu zawng zawng te chungah lawmthu kan sawi  mawlh mawlh a ni. Tin, Section dangah kan rawn zuar chhuak leh dawn a tlawmngai a min lo lei sak vek turin mitin te kan in ngen leh a ni.
     1st- Gas Stove (3 burnner), 2nd prize - Rice Cooker (Divya), 3rd Prize - Electric Kettle a ni ang. Ticket man hi ` 10/- chauh a ni e.

CHIARTUTE NGAIHDAN :

@@    JAC te hmalakna avangin khawtlang pawh a ralmuan awmin, a thianghlim sawt hle ta mai. Mahse, tunlai hian ruihhlo leh a rui ho te an rawn pawng leh \an ta. Ualau taka zu in leh zuar an lang tam leh ta. JAC ten \an han la leh teh u. Mipuiin an au che u a nih hi..........

-JAC te Fak em em tu   

Lawrkhawm chhunzawmna....
Senior khawmpui
    Hlimen  Pastor Bial Senior khawmpui chu Sept. ni u21, 2014 Pathianni hmang hian Hlimen Presbyterian Kohhran biakin ah neih a ni dawn a, Hlimen Pastor bial chhunga kohhran panga te khawmpui hi an hmang dawn a ni.

Crusade nei
    Hlimen BCM kohhran chuan Sept. 10-17, 2014 chhung khan Crusade neiin Speaker atan Upa Thansanga, Evangelical team an ruai a, hlawk thlak hle in an hria.

Champion
    Mizoram Official Badminton Ranking Tournament, Kolasib a khelh zawh takah Pu Lalmuanawma, Saichhuma Sec. a mi chu Men’s Single-ah a Champion a. Tin, a kawppui nen Men’s Double’s ah a champion bawk. Tin, Nl. Lalhlunchhungi, Vawmphunga Sec. leh a kawppui chu Women’s Double’s ah an champion bawk. An hlawhtlinnaah lawmpuina kan hlan e.

Kawng siam
    Aizawl Municipal Council hnuaiah Huanbial. Damveng Biakin chhak, vengchhak panna kawng chu PCC a siam a ni a, kan thudawnna in a sawi danin Sept. ni 19, 2014 khan hna hi thawh zawh a niin thu kan dawng.

Hlimkhawpui chungchang
    Section \henkhatah Hlimkhawpui chanchinbu semtu te hian sem hmaih/sem kim loh kan nei zeuh zeuh \hin nia hriat a ni a, hun lo kal zel tur atan kim taka sem a nih theih nan Section tina Agent ten fimkhur takin taimak chhuah leh zual ila, sem tur a ruat te pawhin \an i la zel teh ang u.
    Tin, heng sem hmaih palh tawkte hian Hlimkhawpui Editorial Board-ah harsatna thu thlen mai lovin ,Section YMA hruaitu te hnenah thlen zel ila a \ha ang e. Section tin te hian Agent mumal tak an siam vek a ni. Section huamchhunga  Chhungtin hnena Hlimkhawpui sem chungchangah Section tinah Agent mumal tak siam vek a nih avangin Hlimkhawpui Editorial Board te mawhphurna a ni tawh  lo a ni.

Ziaktute huang chhunzawmna....
6. Chhungkua \anrual a ngai :- Ruihhlo dona kawngah hian chhungkua kan \anrual a ngai hle. Chhungkaw \henkhat chu nu berin pate hriat hlau a; khawngaihna nena fate sualna zeppui tlat an awm \hin. A tawpah a langchhuak leh tho si, a lanchhuah meuh chuan a lo tlai tawh \hin si a, a pawi hle a ni. Nu leh paten kan fate ruihhlo ti an awmin zep hauh lova chhungkua a kan \anrual a ngai a ni. Kan faten an tawrh kan hlauva, kan hlauhpui luatah a tawpah an chhiatpui leh tho si, a pawi hle a ni.
    Heng kan sawi tlemte a\ang hian ruihhlo do tiharsatute chu kan hre mai awm e. Mitinin heng tlemte kan tarlan a\ang hian ngaihtuahna hmang zui ila, ruihhlo do toharsatute zingah ka tel ve em tih i ngaihtuah thar \heuh ang u.

Mimkut thla Ni 13, 2014, Issue No. 37

PAGE - 1

TUALCHHUNG :

Accident : Sept. ni 10, 2014(nilaini) khan kan veng bawlhhlawh paih Motor Pu Zothankima, Kapdaia Sec. a mi  ta chu Tuirial bawlhlawh paihna thlen hma deuhah a chesual a, ahmunah he Motor khalhtu tu, Vanlalfela(Kei\um) leh Tv. Zodingliana s/o Sangzuala Kapdaia Sec. te chu ka pawh chhawn lovin an boral a ni.

Damlo : Malsawmkima S/o MS Dawngliana Damvea Sec. a mi chu Sept. ni 7, 2014(Pathianni) khan Aizawl Hospitalah lutin a mala bawk awm chu Sept. ni 11, 2014 (ningani) khan zai a ni a, he thu buatsaih lai thleng hian damdawi inah enkawl zui a ni.

Nau nei : Pu Biakchungnunga leh Pi Lalneihi(Maneihi) te nupa Kapdaia Sec. a mi te chuan an fa pathumna atan fanu duhawm tak Sept. ni 11, 2014 khan Civil Hospital-ah an nei thar.

Bank Account hawn : Mizoram Rural Bank chuan kar leh chho hian kan vengah Account hawn runpui an rawn buatsaih leh dawn niin kan thu dawnna chuan a sawi a, Account hawng tur te chu lo inrin lawk a \ha awm e.

Naupang khawpui hmang : Sept. 14, 2014 (Pathianni) hmang hian Presby. Kohhran Hlimen Pastor bial chuan heng kohhran ah te hian naupang khawmpui an hmang mek.
1. Beginner Dept - Hlimen Damveng Kohhranah
2. Primary Dept. - Melthum Kohhranah
3. Junior Dept. - Saikhamakawn Kohhranah
4. Intermediate & Sacrament Dept. - Hlimen vengthar Kohhranah
    Tin, hemi ni vek hian Isua Krista Kohhran Aizawl East bial naupang Pathianni School khawmpui chu Hlimen IKK Kohhran Biakin ah an hmang bawk.
    Tin, UPC (NEI) te pawhin Tlangnuam ah naupang khawmpui hi an hmang bawk a ni.

FRONT :

I.T. Awareness Campaign on
Cyber Security & Social Security

    ICT Department leh Central YMA buatsaihin Sept. ni 9, 2014 (Thawhlehni) zan khan Central YMA Hall-ah Cyber Security leh Social Security chung chang Awareness Campaign neih a ni a. Kan Branch a\angin Committee Member Pu Vanlalliana leh Pu Lalremthanga ten he hun hi an va hmang ve a ni.
    He awareness campaign hi Pu Lalrimawia, Chairman Documentation & IT Sub-Committee in a kaihruai a, hunserh hi Pu Reuben-a’n hmangin Secretary Documentation & IT Sub-Committee in report a pe bawk a ni. Resource Person Pu Lalthlamuana, Chief Informatic Officer hnen a\angin a paper present ngaihthlak a ni a. Central YMA Asst.Secretary Pu Chhuantea hnen a\angin thusawi ngaihtlak a ni bawk a, Voice of God ten facebook hla mawi taka an sak ngaihthlak a ni bawk.
    Resource Person Paper present tlangpuite :-
1. Online Shopping : Online Shopping a lar chho ta hle a, amaherawhchu pawisa kan tibo palh thei ang bawk hian fimkhur a ngai hle a. A awmzia hre lova risk hi uar chi a ni lo. Website lar tam takin ‘cash on delivery’ an nei a, hetiang hmanga lei hi tihsual a har ber a ni. Mahni card detail leh netbanking usernam leh password te hi midang pekchhuah loh tur a ni. Tin, URL/address bul\anna a ‘http’ ni lovin ‘https’ hmang ngei a\angin lei tur a ni.

2. Mobile Security : Mizoramah Mobile hmangtu kan pung tual tual a, fimkhur ngai laiah kan fimkhur tawk lo hle. Mobile phone zawng zawng hian number inang lo vek a nei a, chu chu IMEI number an ti. Mizoram ah ngei pawh mi vau nan mobile phone an hman hian hetiang number hmangte hian a neitu an zawnchhuah theih phah \hin a ni. Mizo ten khawlai a SIM Card, tu hminga register nge hriat loh lei kan ching hi thil \ha lo tak a ni a, Phone hmanga mi vau emaw mi bum emaw hi chin loh tur a ni. Chhuichhuah theih a ni tih hi kan hriat a \ul khawp mai.

3. Spam Massage : SMS, E-Mail, Facebook massage leh thil dangah tu tih kan hriat lohte a\angin vannneih theihna tur chi thu kan dawng \hin a. Heng hi a lem a ni. Awihawm takin, “|hum kan vawr a, I number hi a vannei ber a ni ta a,” an tih chuan reply pawh a ngai lo, bum che an tum a ni.

4. Authentification : User name leh password te midang inpek loh tur a  ni, ziaka dah pawh chin loh tur, rilrua vawn \hat tlat tur a ni. Password ah hian miin kan chanchin an chhui a\anga an rin theih awm tur hman miah loh tur a ni. Hawrawp tawite hmang lovin hawrawp 8 tal hman \hin tur a ni. Hei hian brute force attack lakah nasa takin kan account a veng a ni.

5. Credit/Debit Card : ATM/Debit card a kan ta ngei a ni tih kan hriat hranna tur signature ziahna tur laiah PIN ziah chingte kan awm a, tih miah loh tur a ni. Kan card hi tibo palh ila, PIN miin an hmuh chuan pawisa fai chhar ang hlauh an ni dawn a ni.
- Issue lehah chhunzawm a ni ang...

PAGE - 2

EDITORIAL :

Naupang khawmpui hmang
    Sept. ni 14, 2014(pathianni) hmang hian Hlimen Pastor bial chuan Sunday School Dept. chu veng hrang hrang ah hman ani a, tin, hemi ni vek hian Isua Krista Kohhran chuan Hlimen ah Aizawl East Bial naupang Pathianni School inkhawmpui an hmang bawk a ni.
    Naupang Dept. hrang hrang ten pathian thu leh fakna hla te a intihsiak/ inelna kohhran hruaitu ten an buatsaih \hin hi naupang leh zirtirtu thlengin Pathianthu leh fakna hla ah te hmasawnna tamtak a thlenin kohhran tan pawh a hluin a hlawkthlak hle \hin. He intihsiakna hi Pathian thul eh fakna hla etc. a nih avangin inelna thianghlim a ni kan ti lo thei lo ang.
    Chutih mek laiin, Kohhran \henkhat a zirtirtu te lam a\angin lawmman pakhatna lak loh an hlauh avanga naupang \henkhat an aw rawl ten a zir loh avanga lo hnawl mai chingte an awm a, naupang nu leh pa mai bakah naupang rilru an tina ngawih ngawih \hin nia sawi a awm fo mai.
    Kumin ah erawh chuan chutiang chu awm lo turah ngai ila, hun lo kal zel turah pawh inelna thianghlim leh Pathian thu lam te a nih avangin rilru thianghlim tak nen hlimtlang taka naupang  leh nu leh pa ten  he hun an hman theih nan kum 2014 naupang khawmpui hi hmang turin Editor dawhkan a \angin duhsakna ka rawn hlan ve a ni.

ZIAKTUTE HUANG :

PU VANLALSIAMA, J.E. (PHE)
NGHILHLOH NAN

    Kan \hian duh tak Pu Vanlalsiama kum 55(26.10.59-29.08.14) hi keini a \hian\ha te hian kan ui in kan la thlakhlelh em em laiin hun lo taka min boralsan ta mai hi hriatthiam har kan tiin kan uizia entir nan Hlimen khawtlang tana \hahnem ngai a a lo thawh tawh te hi kan tarlang ve duh a ni.
    Rawngbawlna :  Kum 1991 ah K|P secretary, kum 1992-ah K|P Fin. Secy hna rinawm tak lo thawk tawh in \halaiah theihtawp chhuahin thupui hawng tu te leh tunhnuah  Pavalai ah te lo inhmangin a theih ang tawh leh phak ang tawk tawk a Pathian tan a lo in hmang \hin niin a boral ni thlengin Hlimen Damveng Kohhran Pavalai member a ni.
    Eizawnna lam:  Kum 1982-ah PHE Dept. ah SA ah lutin hmun hrnag hrang a a awm kual hnuin Hlimen te pawh min bial tawhin mahni lirthei hmangin khawtlang tan a nih chuan tiin mahni in seng so in nasa taka kan khawtlang tui hnianghnar nana lo thawk nasa em em tu a ni a, tupawhin an mamawh a an in sawi chuan phunnawi lova tui te pawh pe mai \hin, mi te harsatna ngaipawimawh mi a ni. Nikum 3.5.2013 ah JE puitlingah hlankai a niin khawzawl leh Hlimen (chhimphei Section) ah awmin Chhimphei Section phei chu a boral ni thlengin a enkawl a ni. Tui Connection chungchangah leh tui kan veng a lo thleng tur a Draw chungchangah phei chuan khawtlang tan hian a \angkai tak zet zet a ni. Amah hi mahni hna ngaipawimawh bur leh zan khaw thim leh khaw tlai pawh sawi lova, mahni hna tui chilh tlak mi a ni. Mi lian leh te thliar hauh lova kan veng tana tha leh zung a lo senna te kan han ngaihtuah hian Pa Ropui kan veng tan hian a tling tak zet zet kan ti a, hetiang a mahni hna ngaipawimawh; hotu te pawhin a an in chuh hat hat khawp kan khawtlangin kan nei hi ropui kan ti takzet zet a ni.
    chhungkaw lam:  Kum 1994 Sept. ni 8 ah Lalremruati nen innei in fa pahnih an nei a, amah hi fate duat thei tak niin \hian te pawhin a thurawn pek ngai hial khawp a fa duat mi, mi nunnem a ni a, a fate pawh hian an ngaina em em a ni.
    Nat dan:  Feb. 2014 thla chawhma lamah inentirin Cancer a ni tih hmuhchhuah a ni a, Chemotheraphy te la in, hun engemaw chen a in enkawl a, heti chung pawh hian chawlh pawh la duh lovin theih tawp chhuah tak meuh in Chhimphei Section tan hian thawkin a hun a hmang a ni. Aug. ni 12, 2014 a\ang erawh chuan tho chhuak hlei thei lovin a natna chuan ti buai ta in, a boral ni thlengin he a hna hi a thawk a ni.
    Heng a chunga kan han ziahlan tlem tham tak hi kimchanglo takin keini a \hian te hian kan uizia leh channa nasa tak ah kan ngai a ni tih lan nan leh amah kan uizia lantir nan kan han tarlang ve a ni.

A \hian\ha te
Hlimen : Aizawl.

PAGE - 3

HRIATTIRNA :

Gas card hriattirna
    Local Council Gas card la khul lo zawng zawng ten kar leh lo awm tur chhungin khul vek turin kan in hriattir a, Local council Office ah Office hunchhungin(zingkarah) khul vek turin kan in hriattir e. Tin, a khul tur ten heng te hi ken a hriat tel tur a ni.
    1. ` 10/-     2. Card Holder hming
    3. House No.    4. Consumer Card No. neih ang ang number.     5. Chhungkaw zat (ration Card milin).    5. Card Holder Voter ID number
    Tin, Damvea Section te tan Pu Duhthusama te inah Gas Card hi lam tur a ni thung ang.
    Local Council Gas Card tel lo chuan Gas lo thlen leh hunah gas lak theih a ni lovang.

    Sd/- Lalhmingliana, Chairman Local Council

Local Council thuchhuak
    1.Tunlaiin veng chhungah ran, a bikin ui chhuak a tamin veng a ti \awp hle. Dan dinglai angin ui neitu ten kan ui khuahkhirh vek turin kan in hriattir nawn leh a, kar leh hian ui chhuak vai a fehchhuah a ni dawn a, ui chhuak man an awm chuan nataka Action lak nghal a ni ang.
    2. NLUP 4th Phase a 1st Installment la tur zawng zawng ten mahni bank account No. chiang taka ziakin \hawhtanni ( Sept. ni 15, 2014) zingkarah Local Council Office ah in report vek tur a ni. Hemi hunchhunga in report loh avang a harsatna a awm pawhin mahni a in buaipui a ngai tawh ang.
    3. Kan venga PPP Mode hnuai a bawlhlawh phur motor chu vanduaithlak takin a chesual hlauh mai a, he vanduaina hi Local Council chuan pawi a tiin, he vanduaina a tuartu zawng zawng te a tawrhpui takzet a. Chutih rualin, bawlhhlawh paih tur hian motor dang hmuh nghal a ni a, dan pangai angin  bawlhhlawh hi khawn leh a ni ang.
    Tin, PPP Mode a bawhhlawh paihna Fee chu khawn chhunzawm a ni dawn a, fee la pe lo zawng zawng ten a khawntu lo pe vek turin kan in hriattir a, pe duh lo kan awm anih chuan Local Council recomment lam chi reng reng pek an ni lovang.

    Sd/- Lalhmingliana, Chairman Local Council

******************************************************************************

THLANMUAL SAM HNATLANG
    Ruahhman lawk angin Sept. ni 13, 2014(inrinni) hian Branch YMA chuan thlanmual sam a kova, hemi ni hian thlanmual I & II sam fai hnatlang neih a ni a. Thlanmual-I lamah mi za chuang zet thawkchhuakin Thlanmual-II lamah pawh mi \hahnem tak an thawkchhuak a ni.
    Tin, thlanmual hmuna thing leh mau awm te hi thlanlaih nikhuaah \angkai taka hman \hin a ni a. chuvangin, mi tumah thing leh mau/ mautuai te hi la/khawrh lo turin kan in ngen e.

LAWRKHAWM :

Lawmthu sawina
    Kan Pa Vanlalsiama’n Aug. ni 29, 2014(zirtawpni) zan a Cancer natna avang a min boralsan chungchangah leh a damloh chhung zawng a YMA leh khawtlang mipui te kan chhungkaw tana in \hatna leh in mi hmangaihna taksa mai nilo; thilpek tamtak nen a in lantir na zozai te kan hmuh a kan hriat hian kan lawm takzet zet a. In \hatna leh in mi hmangaihna te hi keinin kan rul seng dawn lo a ni tih kan hriat avangin Pathian hnenah a let tamtak a malsawm tur cheu in in tana \awng\ai hi kan theih tawk a ni. Kan lawmthu hi mimal ten lo chhiarin, in hnenah kan sawi a ni tih min lo pawmsak hlawm mai teh u.
    In khawngaihna dawngtu,
    Lalremruati te chhungkua, Hlimen Damveng.

MUP hriattirna
    Sept. ni 14, 2014 (Pathianni) chawhnu in khawm ban hian MUP member ten Pu Ngurbiakvela (Pa Vela) vengthlang te inah Area intihsiakna a mi tur hla zir tur a ni a, member te kim tak a kal tur ngen kan ni e.

Bill Counter peih |ep a ni
    Electric Bill Counter YMA Hall hnuai a dah tur chu tunah peih fel a ni \ep tawh a. Sept. ni 11, 2014 (Ningani) khan Computer Line Cable pawh an rawn thlung fel tawh niin thu dawn a ni. Sorkar Deptt. hmun pawimawh Hlimen a dah a ni hi veng changkanna zel a nih bakah khawtlang mipui tana \angkai leh zangkhaipui tur a ni.

Lawmthu sawina
    Sept. ni 10, 2014 a Tuiriala kan Motor chetsual chungchangah kan veng YMA leh Local Council ten mi buaipuina chungchangah kan va lawm em!! kan nau te pahnih an ruang dahna hmun thleng(Hlimen leh Republic) a min dah saktu Bawlhlawh paih wefare te chungah pawh kan lawm takzet a. Kan chhiat tawh hria apiangin mahni insengso a, mahni mai bakah lirthei neih ang ang te thawhchhuahpui a min buaipuina ah lawmthu kan sawi seng ngai lovang. He chanchinbu kaltlanga kan lawmthu sawina hi in hnena sawiah min ngaihsak hram turin kan ngen tak meuh meuh che u a ni.

    In khawngaihna dawngtu,
    Zothankima te chhung, Quarry veng. Hlimen 

Advertisement.......

Carolyn Elementary School
Thakthing Veng : Aizawl
Hriattirna

    Nakum 2015 - 16 Session a KG lut thar tur tan School Office-ah Registration Form ` 10/- kengin a lakchhuah theih e. Registration Form hi Oct. 13, 2014 thleng thehluh theih a ni ang. Interview awm lovin Admission hi tih nghal theih a ni ang(OCt. ni 14 a\angin Oct. ni 30 inkarah). Admission ti tur chuan Baptisma Certificate emaw  Birth Certificate emaw ken tel tur a ni ang.

    Sd/- Headmaster
(2-1)    Carolyn Elementary School 

PAGE - 4

KEIMAHNI :
Hlimkhawpui Budget
    Hlimkhawpui  2014 Aug.  thla Budget  pe tla tawh te:
1.    Lalsavunga Sec.    2.  Saichhuma Sec.
3.    Kapdaia Sec.    4. Damvea Sec.
5.    Bualaa Sec.

    Saichhuma Sec., Lalsavunga Sec., Kapdaia Sec., leh Damvea Sec. ten September thla thleng an tlak a, Lalsavunga Sec. ten December thla  thleng an tlak ta bawk.

Buala Section
    Sept. ni 8, 2014(inrinni) zingkar khan sumtuak hnatlang neih a ni a, inhlawhna min siam sak tu Pu Lalrindika chungah hruaitu lawmthu an sawi a; tin, member thawhchhuak zawng zawng te chungah pawh hruaitu ten lawmthu an sawi bawk.
    Sept. ni 16, 2014(thawhlehni) zan hian Lucky Ticket zawrh hnatlang neih leh tur ani a, YMA Hall a\anga 7Pm a chhuak thei turin member te inbuatsaih leh ila a \ha ang e. Kan Lucky ticket zawrh tawhna ah luh thlawnna nei lova min leisak avangin min leisak tu zawng zawng te chungah lawmthu kan sawi  mawlh mawlh a ni. Tin, Section dangah kan rawn zuar chhuak leh dawn a tlawmngai a min lo lei sak vek turin mitin te kan in ngen leh a ni.
     1st- Gas Stove (3 burnner), 2nd prize - Rice Cooker (Divya), 3rd Prize - Electric Kettle a ni ang. Ticket man hi ` 10/- chauh a ni e.

Gen.Conference a kal tum tan
    YMA Gen. Conference Ratu khua a kal tumte chuan September ni 15, 2014 ralhmain Branch hruaitute hnenah in report tur a ni e.

Saichhuma Section
    Sept. ni 13, 2014 a Pi Zamliani huan sam hnatlang koh chu remchan zawk na avangin Sept. ni 20, 2014(inrinni) ah sawn a ni e.

Branch hruaitu ten ruang zui
    Sept. ni 10, 2014(Nilaini)a kan veng bawlhlawh paih Motor chesuala boral, Tv. Vanlalfela ruang chu hemi zan la la hian an khua Kei\umah phurh nghal a ni a, kan branch hruaitu te a\angin Pu Lalrinmawia Asst. Secy, Pu Lalthantluanga Fin. Secy, Tv. R. Lalrindika leh Pu R. Zoliana te bakah vengchhung \angin engemawzatin an zui a, kan branch hruaitu te hi a tukzing dar 4:30 velah Hlimen an lo thleng leh a ni.
    Hetianga tlawmngaia ruang zui tu te leh  ruangzui nana lirthei thawhtu te chungah Branch YMA chuan lawmthu a sawi tak meuh meuh a. Hetianga tlawmngai a thawhchhuak mai thei YMA member engemawzat kan nei hi kan vanneiin an chhuanawm hle a ni.   

CHHIARTUTE NGAIHDAN :

@@    Thlanmual-I kawng chunglama kal \hin te leh ranvulh tute leh in neitu te hi fimkhur deuh se ka va ti em. Kawnghnuai kal \hin te tana bawlhhlawh leh bal thli tenawm tak kawng an rawn chim tir fo mai hian hriselna atan thil pawi a tling thei a nia. Fimkhur tawh turin ka ngen ngawih ngawih cheu a ni.
- Hriselna vawnhim duhtu,
Dam duha.

KAN THEN TAK

ZODINGLIANA  KUM 33 : Tv. Zodingliana hi kum 1981 April ni 9, khan Pu Sangzuala leh Pi Lilipuii te fa upa ber ni turin Hlimen ah a lo piang a, an unau hi hmeichhia pahnih leh mipa pathum an ni.
    Primary School leh Middle School hi Hlimen ah a zova, High School hi Hlimen High School leh Theiriat Hingh School ah te kalin Class -IX thleng a kal a ni.
    Kohhran lamah hian Hlimen Presbyterian Kohhranah a lawi a, Sunday School kal ngai pawimawh tak  ani a, Kohhran zaipawl leh K|P Group Committee ah te hun engemaw chen a lo tel ve tawh \hin  a ni. Tuna a thih thleng hian Sunday School pawh a la kal kim a ni. Hun engemaw chen chu Section YMA ah Committee member a loni tawh \hin bawk.
    Tv. Zodinga hi \hian ngaina mi tak a ni a, khawi hmunah pawh zin se la; \hian siam hi a thiam  em em a ni. A awmna hmunah hian a tlei thei zel a, \hian te tan chuan a neih engmah a ui ngai lo. Naupang a ngaina em em a, a unau te fa pawh hi a duat em em a ni. Chhiatni/\hatni ah mi tlawmngai tak a ni a, thlanlaih nikhuaah phei chuan a hman phawt chuan awl a nei ngai lo.
    Sept. ni 10, 2014(nilaini) zingah pawh hian tuk dang ang thovin hlim takin a tho a, AMC hmalakna a PPP Mode Hlimen bawlhhlawh paih turin an chhuak a, Tuirial bawlhhlawh paihna hmun an thlen hma hret in motor dang nen a an in pel tur chuan kawngpui dai pialin an chesual ta a ni. Ka pawh chhawn lovin amah leh Driver hi an boral nghal a ni.

LAWMTHU SAWINA
    Kan fapa Tv. Zodingliana Sept. ni 10, 2014(nilaini) a Motor Accident a tawhna hmuna a boral chung changah YMA leh khawtlang mipui ten a ruang lak leh buaipui kan ngaihna a piang a engkim min tihfel sak mai bakah zan lamah kan in a leng lo khawp a \hahnemin min tlaivarpui na te, tin, a tuk Sept. ni 11, 2014 (nilaini) a ruahsur khawchhe hnuai a a thlan kan duhna hmun taka mawi leh \ha taka \halai ten min laihsak avang te, a vuina huna kan phuloh khawp a tam leh ropui lainattu hmel kan hmu te, tunthleng mai a kan khawhar hlau a zan lam leh chhun lam a min lenpui tu zawng zawng te chungah thinlung takin lawmthu kan sawi a.  He kan lawmthu sawina hi mi mal tin ten in hnena sawiah min lo pawmsak mai teh u. Kan lawm zia hi kan sawi sengl o.

    In  khawngaihna dawngtu,
    Sangzuala te chhungkua, Hlimen Quarry veng
 

Mimkut thla Ni 6, 2014, Issue No. 36

PAGE - 1

TUALCHHUNG :

Damlo : Pu R.Thantluanga, Buala Sec. chu thisen sang avangin tunlai hian a chau deuh a, in lamah a inenkawl mek a ni.

@@    Pu Lalsanga H/o Zothanpari, Saichhuma Sec. a mi chu taksa lam harsatna avangin Chemo te lain inlamah enkawl mek a ni.

|ekin deng : Sept. ni 3, 2014 (Nilaini) tlai khan Central Workshop a Transformer; vengthar leh Central Workshop bawr chawmtu chu \ekin a den avangin phase a kim thei lova. He transformer chawm chhungkaw tam tak ten êng an hmu \ha thei lova, Sept. ni 5, 2014 (Zirtawpni) siam\hat leh a ni.
    Transformer chhia part thlak ngaite lak nan Tv. C.Lalhmingthanga L.C.Member in a motor a hmantir avangin Duty hnathawktute an lawm hle. Tin, Kapdaia Sec. a\angin an \awiawm bawk a, an chungah hnathawktute an lawm hle a ni.

Hlimen Boxing Club-ah pe : LPS Pro Fight (Boxing) a Hlimen a\anga telte lawmpui nan Hlimen Boxing Club ah heng te hian lawmpuina an hlan : Hlimen Congress Unit- ` 2000. Local Council - ` 2000 te an ni a, Boxing Club hruaitute an lawm hle.
     Heng bakah te hian Boxer te hi a mimal a lawmpuina pe kan awm bawk a, chungte  erawh kan tarlang vek seng lo a ni.
    LPS Pro Fight a tel la dam zingah Henry Zoramsanga chuan Sept. ni 4, 2014 khan khelin a khingpuipa chu TKO in a hneh a, MS Dawngkima chuan Sept. ni 6, 2014(Inrinni) khan a khel a, result kan hre hman lo.

JAC hma la zel : Tunlai hian JAC te chuan khawtlang thenthianghlim na kawngah chak takin hma an la zel a, rakzu fun 23 zet man a niin a neitu hi Excise kutah hlan a ni. Ruihhlo avangin naupang pali pawh YMA Hall ah kovin zilhhau na pek an ni tawh a. Tin, ruk ruk avanga  man Jail a dah an ni bawk.
    Khawtlang alo thianghlim zelna turin JAC te tha tihchak nan mipui ten theihtawp i chhuahpui ang che u.

FRONT :

RE-UNION LEH ZIRTIRTU HLUI CHAWIMAWINA HUN HMANG.

    Kum 1973 - 1975 chhunga Hlimen P/S leh ME School a Class III - IV zirlai ten September ni 5, 2014 (Zirtawpni) dar 1:00 Pm khan Hlimen YMA Hall-ah Teachers Day hman pahin Re-Union leh zirtirtu hlui chawimawina hun an hmang.
    He Re-union hi Organising Chairman Pu R.Lalngheta’n a kaihruai a, re-union an neih chhante a sawi a, hunserh Upa Lal\huamliana’n hmangin zirtirtu hlui leh zirpui thi tawhte sunna hun hmang lehin Upa K.Lalremmawia Bungkawn in sunna hun \awng\aina a hmang bawk. Welcome Speech Er. Lalzorama (EE P&E lo ni ta) Chaltlang in a sawi a, zirtirtute fakna thu leh zirpui hluite ngaihawm thute, re-union neih an duh dan leh an lo inrawn ho tawh dante a sawi bawk. Zirtirtu hlui ten thu an sawi \heuh bawk a, zirlai hluite a\ang pawhin mi engemaw zatin thu an sawi bawk a ni.
    He ni a zirtirtu la dam an chawimawite chu :- (1)Pu Lalrinliana PS-I (College Veng) (2) Pi Biakveli PS-II (Hlimen) (3) Upa Lalsanga PS-I (Hlimen) leh ME School zirtirtute a\angin (1) Upa Thanchhunga (Hlimen) (2) Upa Rualkhuma (Hlimen) (3) Upa F.Chhunglawma (Melthum) (4) Pi Romawii (Melthum) (5) Pu C.Sangliana (Hlimen) (6) Pu Duhthusama (Hlimen) an vaiin mi 9 an ni. Upa Lalsanga hi Damdawi In a a awm avangin a aiah a fapa a kal a, Pu C.Sangliana hi a damloh bawk avangin a nupui Pi Lalzikpuii a kal bawk. Zirtirtu hlui te hian thu an sawi deuh vek a, tuna la \ang mek Pu Duhthusama pawhin a sawi a, hetiang a re-union neih paha zirtirtu hluite chawimawina siam a ni hi an lawm thu leh ropui an tih thute an sawi vek a ni. Tin, zirtirtu hlui la damte hi an aiawh telin an kalkim vek a, an zirlai hluite hian Citation mawi tak frame sa leh mipa tan Kamis, hmeichhe tan Shawl an present vek a ni.
    He re-union ah hian hemi kumte a zirlaite hi an kal \ha hle a, vawk an talh a, ar leh sangha te siamin tlai lamah ruai tuihnai tak an kilho a, an rilru a tharin an hlimtlang hle. He re-union neih na a an senso hi Er. Lalzorama leh Pu Hrangthankima (Edenthar) Contractor ten sum tam takin hma an hruai a, Classmate hlui ten theih ang tawka do vein ` 100 - 1000 thlenga thawhin chung tlingkhawm chuan hun an hmang ta a ni. Pi Lalnuntluangi 75 Batch W/o Pu Thartea chuan chhun lam in tur theitui a tum bawk. An pawisa hmanbang la awm ang ang chu an zirpui \hin; tunhnu a vanduaina tawk, ramtuileilo a awm mekte hnenah chhawmdawl nan an pe dawn a ni. An hlim hle a, tun mai nilo, hun lo la kal zelah pawh re-union la neih leh nise tiin an la kham loh thuin hun an hmangliam ta a ni.
    Re-Union O.B. te :-  
    Chairman    :    Pu R.Lalngheta, Hlimen
    Vice Chairman    :    Er. Lalzorama, Chaltlang
    Secretary    :    Pu C.Lalkunga,(JE PHE) Hlimen
    Treasurer    :    Pu Lalhmuchhuaka, Hlimen

PAGE - 2

EDITORIAL :

A va thlamuanthlak em!!
hlimen mi nih hi
    Duhthawh leh \hahnem ngaih luat avangin he chanchinbu kaltlang hian fakselna thute kan lo sawi fo tawh \hin. Mahse khawtlangah manganna leh harsatna a lo thlen meuh chuan Hlimen mi nih hi a lo thlamuanthlak zia hairual lovin a lolang leh mai \hin.
    Kan hriat angin Tv. Lalnunmawia’n August ni 28, 2014 tlai a Sialsuk dai a Accident a tawh a, aruang la a motor 20 chuang zet mai han inzui dul dul mai leh, \halai tam tawk Sialsuk lama liamchho thawm hriat leh hmuhte khan Hlimen mi nih chu a va thlamuanthlak em ka lo ti a. Zanah lumen (tlaivar) pui a ni a, \halaite hah dan tur pawh hai rual a ni lo. Chutih mek laiin a tuk August ni 29 zanah Pu Vanlalsiama chu lumen ngai bawkin a boral leh a, \halai rualte chu a zawnin zan hnih an tlaivar \hak mai a. Hahchawlhna hun pawh awm lovin Pu J.Pazawna chu August ni 29 zana a mu chu ni 30 zingah kaihthawh tur awm lovin a boral a ni tih hriat a ni leh ta mai a. YMA Section te chu insiamrem in \halai te chuan hneh takin thlan 2 chu an lai zo ta mai a. Tlawmngaihna, hnam rohlu a vul leh ta.
    Zan lam a lo nih chuan khawhar lenpui tur in thum ngawt a lo ni si, engtin tak ni ang maw tia kan ngaihtuah tehreng nen YMA hruaitute Pathianin rorel thiamna a pe a, Section hrang hrang inkawp tur siamin khawhar chhungkua in thumah chuan \halai an khat \hap \hap ta mai a, ruang thlak zan a\anga zan thum YMA hun te chu mawi tak leh tluang taka hman zawh a ni thei tate kha khawtlang mipui leh Hlimen \halai rualte hian chawimawi an va phu em. AVA THLAMUANTHLAK EM, HLIMEN MIPUI NIH CHU ka lo ti a.
    Hnam rohlu tlawmngaihna tivul zel turin \halai ten \an la sauh sauh ila, nu leh pa ten an tha tichak zel turin \awiawm \hat ni bawk se, ZONUN ZEMAWI Hlimen ah parang vul zel rawh se. 

KAN THEN TAK

 
J.PAZAWNA,  KUM 83 : Pu J. Pazawna hi Pu Zaluta (L) leh Pi Thangzingi (L) te inkarah kum 1931 khan Assam Rifles Compound (Sipai Hospital) Silchar-ah a piang a. An unau hi sawmpakhat (11) niin a upa lam a\angin pathumna a ni.
    Kum 1976 khan Sangzuali nen inneiin fa mipa 3 leh hmeichhia 2 an nei a ni. Tin, Pu Pazawna hian tu pahnih a nei bawk.
    Pu J. Pazawna hi  tleirawl te a nih laiin Shillong-ah Jail Warder hna a lo thawk tawh a, hemi hnuah Laboratory Technician niin NEFA (Tuna Arunachal Pradesh) ah a thawk leh a, ram buai hma khan Mizoramah lo chuang chhuakin Aizawl Civil Hospital-ah a thawk a, hun engemaw chen a thawh hnuin Civil Hospital, Lunglei ah sawn a ni leh ta a, Lungleia a thawh lai hian rambuaiin rawn nangchingin a hna chu a bansan ta a ni. Sawrkar hna a bansan hnu hian Aizawl ah lo phei lehin tuna an awmna Hlimen ah hian in leh lo a beng bel a, mi taima tak a nih avangin huan nghet siamin eizawnna bul berah a hmang chho leh ta a ni.
    Tin, kum 1975 a MLA inthlan khan khawzawl bialah  a lo in candidate ve tawh bawk a ni.
     Pu J. Pazawna hi mi taima leh harh vang tak a ni a, fiamthu a duh hle bawk a ni. Huan siam a tuiin,  upa tak a nih hnu pawhin a farm a la tlawh zing hle. A fate tan pa nih tling tak a ni a, a fate pawhin a thu an awih hle \hin.
    The Salvation Army, Hlimen Corps ah lawiin Corps tana mi \angkai tak niin a thawhlawk hle a, a boral thleng hian Hlimen Corps Council member a ni a; tin,  kum 1988-a Hlimen Corps din a nih khan a dintu te zinga mi a ni nghe nghe bawk.
    Amah hi mi hrisel tak a ni a, in sawiselna em em a nei ngai lo. Amaherawhchu, a kum te a lo tam tak hnu hian BP sangin a ti buai ve \hin. Nikum pawh khan BP sang avangin \umhnih chu damdawiin panpui a ni. Amaherawhchu, buaipui ngai em em ang chuan a awm ngai lo. A boral hma ni pawh khan a huanah a la feh a, zanah pawh insawiselna nei lovin a mu a, a tuk zinga a chhung ten kaihthawh an han tum chu kaithawh tur awm tawh lovin Ropuina a kaisangin min kalsan ta a ni.

Lawmthu sawina
    Kan pa J.Pazawna August ni 28, 2014 (Inrinni) a a boral chung changah kan veng Hlimen YMA leh khawtlang nu leh pate an tha leh zung, an hun hlu tak senga min buaipuitute, hah taka thlan min laihsak tute, kan khawhar hlau a kan in lama rawn lengte; in zavai chungah lawmthu kan sawi a. Engkim tithei Pathianin in tam takin malsawm che u rawh se tih hi kan \awng\aina a ni e.
    In khawngaihna dawngtu,
    Sangzuali leh a fate, Hlimen
 

PAGE - 3

HRIATTIRNA :

Chakma census chung chang
    Section tina Chakma Census leh Chakma Census beihpui thlak nana senso tur YMA Member tina khawn mek kha September ni 10, 2014 (Nilaini) ralhmain Branch Secretary hnenah thehluh vek tur a ni e.

Tarmit chhar
    Sept. ni 1, 2014 (Thawh\anni) zan khan Lamkhuangpui bul kawngpuiah Tarmit chhar a ni a, a tibo chuan Pu Lalhruaizela, Buala Sec. a mi hnenah ngaihven theih a ni e.

Volleyball Club hriattirna
    Hlimen Volleyball Club te hian Membership Fee mi pakhatah ` 10/- an rawn khawn dawn a, member ni \heuh turin kan insawm a ni. Member ni ve lote tan khelh ve a remchang dawn lova, vengchhung tournament ah pawh member ni lo tan chuan khelh theih a ni dawn lo a ni.
    Tin, sumtuak nan lehkha chhia kan rawn khawn dawn a, chhungtin ten kan lehkha chhiate lo tiral lo turin kan inngen nghal bawk e.
    Sd/- Secretary,Hlimen Volleyball Club

Local Council hriattirna
    Gas rualkhai sem a nih theih nan leh Point siam belh a nih tak avanga Local Council Card siam chu peih fel a nih ta a. A hnuaia hun leh hmun ruat ah hian kar leh zingkar a\angin Local council Office-ah Office hawn hun chhungin lam theih a ni ang.
    1. Thawh\anni-ah : YMA Hall hnuai Point  leh Venglai kawn Point.
    2. Thawhlehni -ah  : Mualzawl Point leh |helretkawn Point(Zohmingthanga Point)
    3. Nilaini-ah : Kapdaia Section.
    4. Ningani-ah : Vengchhak Point a la te.
    5. Zirtawpni-ah : Damveng Piont I & II a la tur te.
    Tin, Card khul tur te heng te hi hriat a, ken tel tur a ni.
    1. ` 10/-     2. Card Holder hming
    3. House No.    4. Consumer Card No. neih ang ang number.     5. Chhungkaw zat (ration Card milin).

Hlimen Football Club
    Aug. ni 25, 2014(thawh\anni) tlai dar 5 khan  Hlimen Football Club Lucky Ticket vawr a ni a, a man tu te zingah 2nd Prize man tu No : 534 hi a hming hriat a ni lova, a ticket bung kengin Pu Lalbiaknunga hnenah Prize hi lam theih a ni.  Ticket leisak tu zawng zawng te hnenah Club hruaitu ten lawmthu an sawi a ni.

Pawisa chhar
    Sept. ni 5, 2014 (zirtawpni) zan khan venglaiah  pawisa chhar a ni a, a tibo chuan pawisa zat leh tihbona hmun chiang taka sawiin Nl. Zahmingthangi (Za-i) hnenah Sept. ni 13, 2014 (inrinni) ral hmain lam tur a ni e. Hun tiam chhung a in lam lo a nih chuan engmah sawibuai theih a ni lovang.

LAWRKHAWM :

Lawmthu
    Kan fapa Lalhriatpuia LPS Pro Fight a a tel chung changah mipui \awiawmna nasa tak a dawng a, tin, sum leh pai a lo \anpuitute zawng zawng chungah thinlung takin kan lawm a, hei hi kan lawmthu sawinaah min lo pawmsak \heuh turin kan ngen a che u.
    In \hian,
    B.K.Remmawia & Family
    Saichhuma Sec.

Chhiat tawh achunga lawmthu
    Kan unaupa Lalnunmawia’n August ni 28, 2014 (Ningani) a Sialsuk daia Motor accident a tawh avanga a boral chung changah khawtlang mipui leh \halai ten min lainat a min hmangaih zia kan hmuhin lawmthu kan sawi lo thei lo. A boral ni a\anga vawiin tun hun thlenga kan hrehawm, mualpho hlau a min hmangaihna a taka in lantir avangin kan lawm tak zet a ni. Mimal tin hnenah lawmthu kan sawi seng lo, hei hi mimal tin hnena lawmthu kan sawina ah min lo pawmsak mai teh u.
    In khawngaihna dawngtu,
    Lalsangluri te chhungkua
    Hlimen, Damveng

Hlimen Volleyball Club hruaitu
    Hlimen Volleyball Club hruaitu thar te :-
    President    :    George Lalzahawma (VL)
    Vice President    :    Samson Zorammuana (DV)
    Secretary    :    K.Zosiamliana (VCH)
    Asst. Secretary    :    Lalmuanpuia (VT)
    Treasurer    :    Lalthanpuii (QR)
    Fin.Secretary    :    Ramherliana (VCH)
    Property Secretary    :    Lalhruaimawia (VCH)

Teacher’s Day hmang
    Sept. ni 5, 2014 (Zirtawpni) khan Hlimen leh Melthum huamchhunga sawrkar school ten Hlimen YMA Hall-ah Teacher’s Day an hmang.
    He hun hi Pu Lawmzuala Headmaster MS-II Hlimen in a kaihruai a, Pi Lalrampari Headmistress Hlimen High School in thusawina hun a hmang. Tin, he hunah hian Everester Pu David Zohmangaiha chu Khuallianah hmangin, ani hnen a\ang hian zirlai te fuihna thu \hatak ngaihthlak a ni bawk.
    He hunah hian Hlimen a sawrkar zirna in- Primary School -I, II & III leh Middle School I & II te bakah Melthum Primary leh Middle School Zirlai leh zirtirtute an tel \ha hle.

Kan va lawm em
    Aug. ni 28, 2014 a Sialsuk dai a Accident kan tawh chungchangah khawtlang mipui, \halai ten ruang lak chungchangah min buaipuia, mahni mai pawh duhtawk lova, Motor khati zozaiin ruang min buaipuina te; chumai nilovin, Motor lakchhuah ni leh vawiin thleng a kan chunga in \hatna avangin kan lawm tak zet zet a, mimal tin hnenah lawmthu kan sawi seng silova, he kan lawmthu han sawi hi mimal tin ten in chunga sawiah min lo pawm sak mai turin kan ngen che u a ni.
    In khawngaihna dawngtu,
    F. Zosangzuala te chungkua. Hlimen
     

PAGE - 4

KEIMAHNI :
Hlimkhawpui Budget
    Hlimkhawpui  2014 July  thla Budget  pe tla tawh te:
1.    Damvea Sec.    2.  Lalsavunga Sec.
3.    Kapdaia Sec.    4. Buala Sec.
5.    Saichhuma Sec.

    Saichhuma Sec., Kapdaia Sec., leh Damvea Sec. ten September thla thleng an tlak a, Lalsavunga Sec. ten December thla  thleng an tlak ta bawk.

YMA in ral
    Tv. Lalnunmawia chhungte chu August ni 31, 2014 (Pathianni) zan khan Hlimen Branch YMA chuan ralna hun a hmang.
    Tin, Pu Vanlalsiama leh Pu J.Pazawna chhungte pawh Sept. ni 1, 2014 (Thawh\anni)) zan khan Branch YMA chuan ralna hun a hmang bawk a ni.
    Heng lusun chhungkua te hian ruang tuamna puan chu YMA ah a \ul anga hman atan an hlan hlawm a ni.
    Tin, Pu J.Pazawna tu leh fate chuan Pu J.Pazawna hriat reng nan Branch YMA ah Dekchi lian \ha tawk tak an hlan bawk a, an chungah YMA hruaitute an lawm hle.

    Saichhuma Section
    Section infuih tharna/ intihhlimna neih tur a ni a, hemi senso atana sumtuak nan Sept. ni 13, 2014 (Inrinni) hian Pi Lalzamliani huansam a hnatlang neih tur a ni a, chungtin a\angin member pakhat tal thawkchhuak turin kan in ngen e.

Damvea Section
    Damvea Section te chuan Section chhung information mike a hman lai Amplifier hmanlai chu a \aht tawh loh avangin Sept. ni 2, 2014(thawhlehni) khan Amplifier ` 3500 man an lei thar.

Buala Section
    Section Project tihhlawhtlinna tur a sumtuak  nan Sept. ni 9, 2014 (thawhlehni) zanah Lucky Ticket zawrh  tur a ni a, member atam thei ang ber thawhchhuah i tum ang u. YMA Hall ah innghahkhawm tur a ni a, dar 7pm a zuarchhuak thei tura inpeih hman turin chhuah i tum vek ang u.
    Lucky Ticket hi veng pumah zawrchhuah a ni dawn , tlawmngai a lo lei vek turin mitin te kan in ngen a, 1st- Gas Stove (3 burnner), 2nd prize - Rice Cooker (Divya), 3rd Prize - Electric Kettle a ni ang. Ticket man hi ` 10/- chauh a ni e.
 

Gen.Conference a kal tum tan
    YMA Gen. Conference Ratu khua a kal tumte chuan September ni 15, 2014 ralhmain Branch hruaitute hnenah in report tur a ni e.

CHHIARTUTE NGAIAHDAN :

@@    Kan Local Council te hian khawtlang nu leh pa nih an tlin hle mai a, khawtlang tana an hmalakna te a ropui tak zet zetin ka hria, an hna thawh \hat leh an inpekna a ropui tak meuh meuh a ni. Kan khawtlang pawhin hma a sawn chak hle mai. I hawi vel leh i len chang hian an hnathawh ropui zia chu sawi tam ngai lovin i hre mai turah ngai ila. Chhungtinin a kan mamawh; a \hente phei chuan buaipui ngaihna vak kan hriat loh tur Gas Card siam\hat chung changah hian an tha leh zung, sum leh pai a an insen nasat ziate hi a va ropui tak em. Tam tak chu mahni kal ta ila tihngaihna hre miah lova hawihai mai mai tur kan tam awm hle mai, kawla nichhuak chhiar a mipuite tana rawng an bawlna hi an fakawm tak zet zet a ni. Mipui te pawh hian kan theihna kawng kawngah tha thawhpui zel i tum ve ang u.
- H.Lalrinmawia (Pamawia)
Kapdaia Sec. Hlimen

KAN THEN TAK

 
VANLALSIAMA,  KUM 55 : Pu Vanlalsiama hi Pu Rokima (L) leh Pi Lalsawmliani (L) te inkarah October ni 26, 1959 ah Durtlang Hospital-ah a lo piang a, an unau hi mipa hlir pakua an ni.
    Kum 1994 Sept. ni 8 khan Rev. Vanlalvena kutah Lalremruati nen an inneiin fa pahnih Zoremsiami leh Lalnunmawia te an nei.
    Pu Vanlalsiama hi hle a, rambuai laiin a nu leh pa Jail-ah an tan chhungin a pû Nisavunga te inah chengin; a nu Thangkhumi’n a enkawl \hin a ni.
    Hlimen ah Primary leh ME School a zir zawh hnuin Darlawn ah High School a kal a, pawl 10 (Matric) hi Hlimen High School a\angin kum 1979 ah a passed a ni. Aizawl College ah lutin zir chhunzawm zel lovin Lunglei polytechnic-ah kum 1981 ah Batch hmasa ber zing ami a ni. Kum 1982 kum tawp lamah S.A. in PHE Department ah a thawk \an. Sorkar hna a thawhna ah hotute dahna ah lungawi takin a kal zel mai a ni. Hmun hrang hrangah te a awmkual hnuin May ni 3, 2013 ah J.E. ah kaisangin Khawzawlah dah a ni a, May ni 31, 2013 ah Aizawl ah lokir lehin Chhimphei Section, Hlimen a \hut ta a ni.
    Kum 1977 ah kohhran Camp ah lutin a piangthar a, kum 1991 ah K|P Secretary nihna a chelh a, kum 1992 ah K|P Financial Secretary a ni. Kohhran ah Nilai thupui hawngtu leh pavalai ah te a inhmang \hin.
    Hun eng emaw chen a\angin chaw helh a nei a,Doctor ah an kal a, chawkawng Cancer tih hmuhchhuah a ni. Febuary ni 13, 2014 ah Chemo khai \an a ni a. Amah hi a tuar a chhel a, office rei tak a kai a, Hlimen Venglai a lo chuangchhuak hram \hin a ni. August ni 12 vel a\ang khan a chhuak peih ta meuh lo a. In lamah hun engemaw chen theih tawp chhuah a enkawl a nih hnuin,  August ni 29, 2014 (Friday) zan dar 11:45 ah thlamuang takin Lalpa hnenah a chawl ta a ni.