Pâwlkut Thla Ni 25, 2014.. Issue No. 4

PAGE - 1

TUALCHHUNG :

Damlo: Pu N. Zoliansanga(Amama) Saichhuma Sec. a mi chu Jan. ni 21, 2014 (Thawhlehni) khan Referal Hospital, Falkawnah a mit a lung te awm zai a ni a, Jan. ni 24, 2014 (zirtawpni) khan a lo chhuak.
@@    Pu Lalhmunsiama(Mapuia), Branch Exe. Committee member Vawmphunga Sec. a mi chu tunlaiin BP sang avangin inlamah a in enkawl mek.

Tuakthar: Lalhmingmawia S/o Lalthanpuia Buala Sec. a mi leh Lalhriatpuii, Kulikawn te chu Jan. ni 14, 2014 khan kumtluanga nupa ni turin an innei ta. 

Khawmpui hmang: Hlimen Presbyterian Pastor bial K|P te chuan  Hlimen vengthar kohhranah bial khawmpui an hmang mek a.
    Tin, UPC (NEI) Tlangnuam bial PYD te pawhin Samtlangah bial khawmpui vawi-15na an hmang mek a, kan venga PYD memberte a\ang pawhin engemaw zat an kal a, Pathianni zanah a \iak ang.

Champion leh ta: Republic puala Badminton Tournament khelh zawh takah Men’s Doubles ah Pu Lalmuanawma leh a kawppui an Champion. Tin, 35+yrs Doubles-ah Pu R. Lalbiakmawia leh a kawppui chu Runner’s Up an ni bawk.
    Thu dawnna in a sawi danin he tournament hi Doubles chauh a khelh a ni.

Naupang tana thu lawmawm: Mizoram Bal Bavan  Society  (Social Welfare Deptt) chuan February ni 1, 2014 a\angin Inrinni tin Dar 10:30 Am ah Mobile Library an rawn nei dawn a. Naupangte chhiar tur lehkhabu \ha an rawn keng \hin dawn a.
    Naupang tam zawk ten an chhawr \angkai theih tur a buatsaih \hin a ni.  Admission Fee hi ` 20 chauh a ni bawk. Kalkhawm hun leh a hmun chu Information Mike a\anga in hriattir leh a ni ang.

Kan va lawm em !!
Pu Lalchhankima Kapdaia Sec Leader chuan tun\um Issue buatsaihna a eitur, ar pumkhat a nungchungin min pe a, kan va lawm tak em...Kan puar e.
    Tin, Pu Lalngaihzuala Buala Sec chuan kan Office a tar tur Calendar 2 min pek avangin kan lawm em em bawk ani.

FRONT :

HMA SAWN ZEL

    Kan hriat \heuh angin nikum September thla khan Hlimen Local Council \hahnem ngaihnain Hlimen pa rawn deuh deuh te kal khawmin YMA Hall-ah Hlimen ‘Hmakhua’ tih thupui a hmangin Hlimen in hma asawn theih dan tur ni a hriatte sawihona mi 70 chuang zetin neih a nih kha. Khami \um thusawi te bawhzuiin Local Council chuan Hlimen a kan bazar, venglai kawn hi a hmun a chep in motor lian te a kal lo thei bik silo nen; intihpalhna/thil pawi a thlen loh nan bazar na hmun sawn a rel a, YMA Hall hnuai leh a chheh velah hian bazarna neih nise tiin YMA OB te nen Joint Meeting pawh neih a ni tawh a, tuna kan bazar \hin na hi veng hmel lanna veng laili a nih avangin ran talhna thli leh thlai kan zawrhna bawlhhlawh te hian veng a ti\awp mai bakah a tichep lutuka hriain YMA Hall hnuai leh a chheh vela bazarna hmun siam turin tunah hmalak mek a ni.
    Tin, tunah hian khawtlang hmasawn zel nan Thlanmual I, \helretkawn ah hian motor lian te pawh awlsam zawk a a inhre kual mai bakah kawng a lo zauh nawm zawk nan Thlanmual -I a thlanlung kawng hnaih zual te chu thlan neitu chhung te be rawn a seng hawi mek a ni tawh a; hmabak erawh engemawzat chu a la awm a ni.  Heng thlan neitu chhungkua te hi an va fakawm em!!. Khawtlang hmasawnna leh changkan zel na tur a ni tih hria a, khawtlang hmangaihna avanga thlan hmun mipui vantlang tana an pe thei hi an chhuanawm hle a; \hangthar chhuan tamtak thlengin an sakhming hi dai hian a rinawm loh. Hetih lai mek a mi\henkhat ten vantlang hmun te nek chep a, zahna chang hre lek lova an awm lai a khawtlang hmangaihtu diktak an lo chhuak zel hi Hlimen tan chuan an vak fakawmin an chhuan awm tak zet zet a ni.
    Helai hmuna thlan neitu/Thlanneitu chhungte te chu heng mite hi an ni(Hriattheih a chhinchhiahna awm chinah):
1.  Darchhunga family Walfare 2. R &T Family Walfare 3. Rk Thanga chhungte.  4. Zatawna chhungte C/o Pu Chawngchhuana Saikhamakawn 5. Rualchhingi chhungte leh 6. thlan neitu hming hriat chiah loh ‘Ka nu’ tia a phuntu R va tih te an ni.
    Khawtlang hi kan hmangaih a, khawtlang \ha leh malsawmna dawng se kan tih chuan fak hla siamtu in ‘ Hmangaih ten malsawmna an chan theih nan Hmangaihtuin a tuar a \ul si \hin a tih anga tuarna phen a malsawmna hmu turin Hlimen khawtlang mipui te hi mahni hmazawn \heuh ah \an lak \heuh hi a va \ul zual em.
    Hei hi kan veng, kan khua a ni a; a chhunga chengte vanga Hlimen la ni zel a ni a. A hmasawnna leh \huanawpna hi keimahni a chhunga chengte kutah a in nghat tlat a ni tih hria ila; “ HMALAM PAN TURIN HLIMEN HIAN NANG LEH KEI MIN AU ASIN;HEI HI HLIMEN A NI SI A”.

PAGE - 2

EDITORIAL :

|halai te u, |ang fan fan
    Hmanah pi pu ten an lo sawi \hin Zoram chhak leh thlang, chhim leh hmar dengchhuak khawp a chawimawina leh hming\hatna tinreng khumtu Hlimen a nih thu leh veng malah chuan hetiang em a khaw hmingthang leh chawimawi hlawh hi an la awm ngai lo. An awm leh theih pawh a rinawm tawh lo. Hetih hunlai chuan Hlimen mi nih pawh hi a thlakhlelhawm zia an sawi ka hre \hin. Mizo \halai zingah sipai ngaihsanna hi a lian hle a, nula te hian sipai nupui nih hi an in chuh a, nu leh pa lam pawhin makpa tan sipai ngat han neih chu an duhthusam a nih thu an sawi \hin. Sipai in an ngaihzawn tawh ngat phei chu khawkhat a nula ngaihsan leh chhuanvawr an ni deuh zel niin an sawi \hin.
    Chuti khawp a sipai te an ngaihsan a, an hlut em em a, pasal atan te, makpa atan te an it ngawih ngawih lai pawh chuan Mizo \halai tamtak zingah zawhna lian tham tak awm \hin leh chhanna  tamtak awm \hin chu hei hi zuk  ni tlata - Sipai nih nge i duh Hlimen tlangval nih tih chu a tam ber te chuan Hlimen tlangval nih tih hi a ni. Nula ho pawhin sipai nupui nih aia Hlimen tlangval nupui nih thlang an \hathnem thu an sawi ve tlat. Makpa atana sipai neih chak aiin Hlimen \halai makpa neih duh zawk pawh an tam thu an sawi \hin.
    Awle, fakna leh mawina tinrenga rual u ten an lo thuam a, hming sawi ringawta thil hlu leh mawi ropui entawn tlak zir tur lang uar uar \hin, Hlimen tih sakhming chu ruihhlo leh nun thlahdah luat avangin a nungchunga phumbo tur ang maiin chhiat lam a pan ta em ni aw.....
Nilo e, a la chhe lo. Mi awm \ha duhlo tlemte hian a ti hmingchhia in a ti \huanawp mai chauh a ni. Hlimen hian chhantu, siam\hatu leh chawisangtu a mamawh; chhantlak ala awm. |halai te u, Hlimen hi hman a pi leh pu ten an sawi Hlimen kha a la ni reng tih miten an hriat nan \halai te i \ang fan fan ang u.     

ZIAKTUTE HUANG :

ZAHAWMNA LEH FAINA
-  Robuanga
    Mihring, t<pawh tung chhova \hang  reng reng hian mi zahawm nih duh lo chu kan awmin ka ring lo. Chutiang bawkin zah zâwng leh zahawm tih zâwng kan nei theuh bawk. Kan mi zah zâwngte bulah chuan kan thusawi duhzâwng leh kan chet duh dante a dang lamin, kan fimkhur hle \hin.
    Mi zahawm nih dan hi kawng hrang hrang sawi tur atam thei hle awm e. Chu’ng zinga ka han sawi duh chu  ‘faina’ hi a ni tlat mai. Mi chu hausain, lehkha pawh thiamna sang tak nei mahse, bal \awp taka a awm fo chuan a zahawm thei lo hrim hrim. Chutiang bawkin, In leh lo tha pui pui neiin awm mahse, a inte a balh \awp hle chuan a zahawm thei lo bawk. |halai, nula/tlangval inchei parh thei tak; hmel pawh duailo tak nimahse a in leh a velte a tih\awp f< si chuan miten an hmuh dan a hniam lo thei lo.
    Mizote hi \henawm khawveng in l>n pawh a, inkawm ho nuamti mi tak kan ni a, mi inah kan han l>ng a, an inte chu ropuiin \ha hle lo mahse, a chh<ng lam bungrua leh thutthleng leh chhuat leh engkim mai a lo fai thianghlim hle chuan, kan chet dan a fimkhur hle thin.  Engvang nge.? E le, a zahawm em vang mawle. Chu chuan in neitu, a chh<nga chengte a tizahawm a ni. Khawtlangah pawh a ni tho mai. Khua/veng hrang hrangah pawh kal ila an khawlai leh Inte a lo fai hle mai chuan, a chhunga chengte chu tuman kan en hniam ngai lo. Mimal pawh, khua/veng pawh a balh \awp hle chuan a zahawm thei lo. Khaw zahawm/veng zahawm te, mi zahawm te ni tur chuan faina hi a pawimawh berte zing a mi a ni.
    ‘Faina’ tih hian taksa lam thleng pawh a huam a. Hnathawk nih loh chuan thawmhnaw bâl lutuk inbel fo te, hmelhmai midangte tana hmuh nuamlo khawp a, kuhva/sahdah/meizial etc. ei a, hmuam a, zuk te pawh mimal zahzawmna tihdal thei a ni ta.
    Mi zahawm leh nun hlim neih theihna kawng \hatak chu fai/thianghlimna ngaih pawimawh hi a kawng hnai ber chu a ni. Khawlaiah te nalh tak takin thawhnaw \ha pui pui nen leng \hin in, lirthei changkang pui pui te nei pawh niin awm mahila, kan chenna In leh a vel te \awp bâl \awp pui pui, miten an hmuh fo chuan ‘hepa chu emaw, he nu chu emaw chural thlirin a changkang a, belhchianin, hrethiam mai em?.’
    Mipakhat chu a a hnung lam entu chuan nalh a tiin a fak hle mai a. A hmalam a han hmuh meuh chuan a lo............... hle mai a. Heti hian a ti ta ringawt mai, “ Hnunglama enin ACHHÂ, hmalama en in A Rê.” a ti e an ti.
    FAI HI ZAHAWMNA A NI E.

PAGE - 3

HRIATTIRNA :

Health Care chungchang
    1. RSBY leh Mizoram State Health Care hi Jan. ni 27, 2014 a\angin Registration tih \an leh theih a ni e.
    2. RSBY Health Care hi BPL chhungkaw tana tih a ni a, vengchhung BPL nen a in anglo a; chuvangin, RSBY BPL ah a tel ho list sub Centre ah en theih a ni.
    3. In tina health Care chungchang lehkha sem kha lo chhiar chiang \heuh turin kan in hriattir a ni e.

Food Licence/Registration chungchang
    A hma a thu kan lo chhuah tawh angin Food Safety and Standards Act, 2006 hnuaia ei leh in a sumdawng zawng zawng te Registration emaw Licence emaw nei vek tur a sawrkar laipui thu chhuah chu Feb. ni 4, 2014 ah hian a tawp dawn a, hemi zawh ah chuan Food & Safety and Standards Acts, 2006 hnuaia registration/ licence nei lo te chu an sumdawnna kalpui theih a ni dawn lova ni.
    Hlimen Local Council area a ei leh in a sumdawng te tana awlsam zawk nan Department a\angin Jan. ni 31, 2014 (Zirtawpni) khian min rawn kal chilh dawn a, Local Council Office-ah dawr theih an ni ang.

                Sd/- Lalhmingliana
           Chairman Local Council.

Local Council Hriattirna
    1. Khua a lo \hal chho leh ta a, mitin te ram lamah leh in lama kangmei laka fimkhur turin kan in ngen a, ram ti kang emaw hal emaw kan awm chuan sorkar dan ding lai angin ram tikang tu te chungah na taka action lak theih a ni a, mipui te fimkhur \heuh turin kan in hriattir e.
    2.Vawk chhuah khap alo ni tawh a, khawtlang hmel leh vantlang hriselna in hma asawnin changkan lam kan hawi a, ar khawlaia tla dul dul hmuh tur pawh a vang ta, a lawmawm; amaherawhchu, ui khawlai dunga teirawlai a, tladah taka tla kual mai mai ala tam hle. Neitu nei an ni vek si; ui neitu te i \ang tlang teh ang u. Ui khawlaia chhuak an tam poh leh khawtlang hmel a \awp zual a, hemi chungchangah hian Local Council chuan hma na takin a la tawh dawn a, thu pawh kan chhuah tam ta in vaukhanna pawh vawi tam mike ah leh Hlimkhawpui kaltlangin kan chhuah fova, zawm erawh kan tam lo hle. Sorkar dan dinglai anih angin a theih chin chinah Action lak a ni tawh dawn tih mipui kan in hriattir e.
    3. PPP Mode Fee pe \ha turin kan in ngen  nawn leh a, a fee pe duh lo te chu Local Council recomment an beisei theih lo ang tih kan in hriattir nawn leh bawk e.

            Sd/- Lalhmingliana
              Chairman Local Council.

LAWRKHAWM :

Hruaitu thlang
    Jan. ni 20, 2014 (Thawh\an) zan khan MHIP Hlimen Branch te chuan 2014 MHIP Hlimen Branch hruaitu tur YMA Hall-ah an thlang a, heng mite hi thlanchhuah te chu an ni:
    President    :    Pi Zonunkimi (Venglai)
    Vice President    :    Pi Thansangi (Dam veng)
    Secretary    :    Pi Biak\huami (Dam veng)
    Asst. Secretary    :    Pi Lalzawni (Vengthlang)
    Treasurer    :    Pi Lal\anpuii (Vengchhak)
    Fin. Secretary    :    Pi Zothanpari (Venglai)

Joint meeting
    Jan. ni 21, 2014 (Thawhlehni) zan khan Local Council leh Branch YMA OB te chuan Local Council Office ah Joint Meeting an nei a, nikum Sept. thla a ‘ Hlimen hmakhua’ tih sawihova mi 70 vel kalkhawmin an lo rel tawh bawhzuiin Hlimenin Bazar  kan neih na hmun venglai hi a chepin a mipui vangtlang tan chetsual theihna leh hriselna kawngah leh faina kawngah  khawtlang tan a him tawk tawh lova hria in sawn dan tur sawi ho a ni a, YMA Hall leh a chheh vel a sawn thlak mai \ha a hriain, helai hmuna bazar neih dan tur te sawiho a ni.
    Tin, thlanmual-I a kawng zauha, thlan \henkhat sawn chungchang te pawh sawiho nghal a ni a, Jan. ni 25, 2014 (Inrinni) ah Local Council leh Branch YMA Exe. Committee member ten hnatlanga he hna hi thawh leh nise an ti bawk.

Ralna hun hmang
    Local Council ten Jan. ni 24, 2014 (Zirtawpni) chawhnu lam dar 3 khan Pu Zohmingthanga Treasurer Local Council ralna hun  an nei a, ralna thilpek (Hriatrengna thuziak) a chhungte an hlan. Tin, Local Council in Pu zohmingthanga puala chawhlui an buatsaih an kilho nghal bawk.
     Tin, hemi zan vek hian JAC ten Pu Zohmingthanga ralna hun an hmang bawk a, hriatrengna thuziak an hlan bawk. Tin, Jan. ni 20, 2014 (Thawh\an) zan khan MNF Unit, Hlimen ten an ral a, hriatrengna thuziak a chhungte an lo hlan tawh bawk a ni.

I fimkhur ang u
    1. HEATER:- Heater i hman zawhin off theihnghilh suh. Heater i hman laklawh laia current a tawp thut khan off zui nghal mai la,Current awm ve leh on leh zawk ang che, Heater off theihnghilh avanga kangmei tuar an tam tawh tih hria ang che.
    2. MOMBATI:- Mombati i chhitna tur ah khan fimkhur hle a ngai tih hria ang che. A bul hnaiah kang mai thei engmah dah suh. Mombati chhit fimkhur loh vanga thosi len kangkai ta mai te, a bul hnai thil kang thei dah avangtein midangten kangmei an tuar phah fo ani.
    3.MEITHUK / TAP MEI : Tunlaiin Gas harsatna vanga MEIHAWL thuk leh mei chhem lo thei lo kan tam hle.  I choka meichhemna te, i meihawl thuk hmanna bul hnaihah a kan kai theih tur turin engmah dah suh. Mitin ten kangmei laka kan him theih nan I FIMKHUR ANG U.
    4. Fimkhur tawk lohna : In lamah a ni emaw ram lamah a ni emaw kan meizial zuk bung paih hian kang mei a tichhuak thei tih hre nawn ila, tihhlum chianglo chuan paih mai mai lo ang u.

PAGE - 4

KEIMAHNI
Hlimkhawpui Budget
    Hlimkhawpui  2014 January  thla Budget  pe tla tawh te:
1.    Damvea Sec.    2. Kapdaia Sec.   

OB Meeting thuchhuak
    Jan. ni 23, 2014(Ningani) zan khan YMA Hall-ah OB meeting neih a ni a, chuta thurel tlangpui te chu :
    1. Jan. ni 30 (Ningani) a khian  YMA kumpuan CYMA Hall Tuikhuahtlang ah hawnna Programme hman tur a ni a, he kumpuan ‘Ram leh hnam humhalh’ tih chu J.H Remthanga CEC in a hawng ang. Hlimen Branch aiawh a kal turin heng mite hi ruat an ni :
    1) Pu Robuanga Vice President   
    2) Pu Lalhmuchhuaka Treasurer.
    3) Pu Lalthantluanga Fin Secy
    4) Pu Lalrinmawia Asst Secy
    5) Pu Lalhmunsiama Comtt. Member
    2. Tin, Jan. ni 31, 2014(Zirtawpni) hian kumpuan hmalakna pengkhat atan Rangvamual leh Phunchawng-ah Duty tur a ni a, heta Duty tur hian Branch Exe. Committee Member te bakah  a kal awm mi kal nise; tin, hemi chungchanga hma la lo la turin Pu Lalrinmawia Asst. Secy leh Pu Lalthantluanga Fin. Secy te ruat an ni. 

Buala Section
    Mualzawlah \halai infiam \hin kan awm a, a lawmawmin infiamna hmun tur pawh a ni a. Chutihrualin, kawng  pal tlang a nih avangin mipui vantlangin an pal tlang fova, a bikin infiam hun zing leh tlai lamah infiam mite kawng kal te lakah fimkhur i chhuah deuh deuh ila, upa zawk leh feh haw, rit phur te sut palh theih a niin chetsualna thleng palh thei a ni a, infiam mite fimkhur turin kan in ngen e.
    Tin, Mualzawl hi vawngfai a, tibawlhhlawh lova, dim thiam \heuh turin kan in ngen nghal bawk e.
           
Damvea Section
    Damvea Section te chuan kan hriat angin kum tinin Electric Bill kan khawn \hin a, hei hi section sum hmuhna hnar ber pakhat a ni a, kum kalta lama sumtuak nana Electric Bill phal taka min pektir \hintu zawng zawng te chungah lawmthu kan sawi a, kumin chho ah pawh Section sumtuak nan hian chhungtin ten min pek tir leh turin kan ngen bawk che u a ni. Mimalin Office lama Bill kan pek a kan senso zat bawr vel Section tan hian min pek theih chuan kan lawm hle ang.
    Tin, kumin chho a Section hmalakna tur kawng hrang hrangah YMA member leh Section chhung mipui zawngzawng te lungrual taka hma la ho zel turin kan in sawm bawk e.

              Sd/- Secretary
            

CHHIARTUTE NGAIHDAN...

@@    Faina chungchang hian sawi a hlawh hle a, fai hi a pawimawh dan leh hriselna a nih dan te; khawtlang a tih zahawm dan te hruaituten an sawi fo angin hma pawh kan sawn ve zel niin a lang. A bik takin faina chungchangah hian vengthlang lamkhuang bukpui bul a awm ho te leh Mualzawl hnai a awm te an fakawm hle. Tuktin an phiat fai \hin a, Section dang tan pawh an entawn tlak hle in ka hria.

- Zo's & LK-i

@@    Huan thlai bo, a bikin zawng\ah lawh ruk ching te leh thlai dang ruk ching an mahni kuta man theih si loh an tam \an leh ta. Nu \henkhat te mi thilruk lei sak ching an awm a, hei hi a ru tu nen an sual lam a inang reng si a. Mi thilruk lei sak \hin nu khan lo sim vat teh se. Rukruk a ti punlun em mai.
-VL’ana  

Lawrkhawm chhunzawmna... 

Kawng zauh hnatlang nei

     Jan. ni 18, 2014 (Inrinni) khan Local Council leh Hlimen Branch YMA Exe. Committee Member ten Thlanmual-I (Thelretkawn) a kawng zauh a thlan sawn hnatlang an nei. Branch Committee mi 20 chuang an thawkchhuaka, Pu Lalhmingliana, Local Council Chairman chuan A JCB leh Tipper a thawhchhuahpui bawk.Hun remchang hmasa berah hna hi chhunzawm leh a ni ang. 

        Helai hmun hi kawng inchhunfinna hmun a ni a, zau tha tak kan nei thei ta hi a lawmawm a, thlanneitu chhungte an fakawm tak zet zet a ni.

Advertisement :

Lu mehna... Lu mehna..
    Lu Mehna dawr ka hawng thar ve ta e. Venglai, Pu Maenga Steel Fabrication bulah min rawn pan ve teh. I lungawina ngei turin kan lo mehsak dawn che nia.
    In \hian,
    Chhâma
(2-1)    Ph. 9436194722

Computer Admission Open
City Computer Centre
Mission veng, Near Thakthing Taxi Stand
(Affiliated by National Institute of Electronic & Information Technology)
Central Govt. Approved
Courses Offered :
1.    Certificate in Computer App.(CCA)    -    6 Months
2.    Diploma in Computer App.(DCA)    -    1 Year
3.    Certificate Course on Computer Concepts(CCC)
        -    3 Months
4.    ‘O’ Level    -    1 Year
5.    PC Hardware & Networking    -    2 Months
6.    Web Designing    -    3 Months
7.    Graphic Designing    -    2 Months
8.    3D animation    -    3 Months
9.    Video Editing    -    2 Months
10. Digital Sculpting    -    2 Months
    Computer kaihhnawih hna dil tum leh Private Business tih tum tan pan ngei chi kan ni e. Quality Education pek hi kan tum ber a ni. An phak ang tawkin kan zirlaite eizawnna kan ngaihtuahsak bawk \hin.
Contact : 2314788, 9089527410

Pâwlkut Thla Ni 18, 2014.. Issue No. 3

PAGE - 1

TUALCHHUNG :

Damlo: Tv. Andew Lalnunpuia (Mapuia) S/o JK Lalengzauva Damvea Sec. a mi chu a lung lam fello avangin Jan. ni 17, 2014 khan Kolkata, Birla Hospital lam an pan thla leh ta.
    Tv. Andrew-a a hi vawi engemawzat Birla Hospital hi an lo panpui tawh a, a lung hnathawh tichak tur hian khawl te pawh an lo vuahsak tawh a ni. Chu an khawl vuah sak pawh chuan duh angin a lung hnathawh a tichak vak tawh lova, thlak a ngai dawn niin a lang.

@@    Pi Maneihi W/o Biakchungnunga, Kapdaia Sec. a mi chu January ni 17, 2014 (Zirtawpni) khan khawsik natna avangin Refferal Hospital, Falkawnah Admit a ni.

Worker la thar: Hlimen Anganwadi Centre No. 3 (Dam veng) a Worker nilai in a thawh zui theih tak loh avangin  Pi Lalrinzuali  W/o Lalbiakmawia, Damvea Sec. a mi chu Worker atan lak thar a ni.

Nâu nei thar: Pu Ngurchhuana leh Pi Zohmingthangi te nupa, Damvea Sec. a mite chuan January ni 17, 2014 (Zirtawpni) khan Refferal Hospital, Falkawnah fanu duhawm tak an nei thar.

Hnatlang nei : |helretkawn, thlanmual -I a kawng zauh a, thlan \henkhat hmun laih zauh hna chu a thawhkhat nan Jan. ni 18, 2014 (Inrinni) khan Local Council leh Branch YMA Committee ten hnatlang an nei a, hnatlang a thawkchhuak zawng zawng te chungah Local Council chuan lawmthu a sawi takzet a ni.

Education Committee Meeting : Jan. ni 17, 2014 (Zirtawpni) zan khan Hlimen education Committee ten Local Council Office meeting an nei a, kan khawtlang in zirna kawng hma kan sawn theih nan chak taka hmalak an tum a ni.

Missionary in chhuak : Nl. Zoremmawii D/o K.Vanlalsanga, Damvea Sec. chu Synod hnuaia Missionary lak zingah telin Cachar District Dholaichera ah dah a ni.

FRONT :

2014 SECTION Y.M.A HRUAITU THLAN FEL A NI TA

    January ni 17, 2014 (Zirtawpni) zan khan Hlimen Branch YMA hnuaia Section 6 te chuan an hruaitu (Office Bearer) an thlang fel ta a. Hetiangin :-

BUALA SECTION :
    Leader    :    Tv. J.Vanlalbiakdika
    Asst.Leader    :    Tv. R.Lalrindika
    Secretary    :    Tv. Zonunsanga(Lalduhawma)
    Asst. Secretary    :    Tv. Laltlanhlua (Valpuia)
    Treasurer    :    Pu H.Lallawmsanga
    Fin. Secretary    :    Pu Lalchhandama Renthlei

DAMVEA SECTION :
    Leader    :    Pu R.Lalbiakmawia
    Asst.Leader    :    Pu Lawmtluanga
    Secretary    :    Pu Samson Zorammuana
    Asst. Secretary    :    Pu Laltlankima
    Treasurer    :    Pu Lalnunhlimpuia
    Fin. Secretary    :    Pu R.Lalmuansanga

KAPDAIA SECTION :
    Leader    :    Pu Lalchhankima
    Asst.Leader    :    Tv. Lalthlengliana
    Secretary    :    Tv. Lalzopuia
    Asst. Secretary    :    Pu Lalroliana
    Treasurer    :    Nl. Lallawmzuali
    Fin. Secretary    :    Pu Lalchhantluanga

LALSAVUNGA SECTION :
    Leader    :    Tv. John Vanlalpeka
    Asst.Leader    :    Tv. Samson Lalrinfela
    Secretary    :    Pu Lalmuanawma Ralte
    Asst. Secretary    :    Pu Vanlalauva
    Treasurer    :    Pu K.Lalchhuanawma
    Fin. Secretary    :    Pu Lal\anzuala

SAICHHUMA SECTION :
    Leader    :    Tv. Zothanpuia
    Asst.Leader    :    Tv. H.V.Lalhmangaiha
    Secretary    :    Tv. David Vanlalhuma
    Asst. Secretary    :    Tv. Joseph Lalthlamuana
    Treasurer    :    Nl. Lalbiakdiki
    Fin. Secretary    :    Nl. Rosy Lalawmpuii

VAWMPHUNGA SECTION :
    Leader    :    Pu Lalhmunsiama
    Asst.Leader    :    Pu Zairemthanga
    Secretary    :    Pu Lalremthanga
    Asst. Secretary    :    Pu Zorammuana
    Treasurer    :    Nl. Zochuanpuii
    Fin. Secretary    :    Pu Lalthankima

PAGE - 2

EDITORIAL :

CHHIAT TAWH A CHUNGA LAWMTHU
    Hlimen \halai te hi duhthawhna avangin infuihna lam in duh tawk lohna thu te he chanchinbu ah hian tarlan a lo ni fo \hin.  Hmasawn zel tur leh changkanna lam pan zel turin tihtur erawh tamtak a awm a nasa takin hma pawh kan sawnin Hlimen mi nih a nuamin, \halai rual te hi an va chhuanawm em.
    Kan khawtlang hian chhiat/thihna kan tawk zing ta hle a, Kan chhiat tawh dan a tam zawk hi chu zana tlaivar pui ngai an ni fo mai bawk nen. Heng hun a lo thlen a \halai te funkhawm ran zia leh a tuk lama thlan lai leh buhfai leh pawisa khawnsak te han hmuh hian nachang hre lo tlem a zawng awm mah se chhuanawm ka tiin fak leh chawimawi an phu hle in ka hre \hin.
    Tin, zanlai a ni emaw ruahsur hnuai leh thim hnuai a ni emaw information mike hmanga chhiat tawh thu au ri thawm hre pha a piang mai ten laklawh leh hrehawm pawisa lova tuma phut vang leh tirh vang pawh ni lova chhiat tawhna lam pan a \anpui ngai te pui tur a an han liam zung zung mai te hi chhiat tawk chhungkaw tan chuan a thlamuanthlakin a lawmawm takzet a ni. Kan hriat angin kan khawtlang hruaitu, Local Council Treasurer Pu Zohmingthanga boral zana \halai chang pawh ni lo, khawtlang a nu leh pa chenin chhiat tawk chhungkua te hmangaihna lantir a, zan khawvawt hnuai a thlanmual a an han tlim hmur te khan chhiat tawk ni mah ila, khawtlang lungrualna leh in hmangaihna a ti lang chiang hle a; chuvangin, chhiat tawh a chunga lawmthu hi sawi loh phal chi niin ka hre lo a ni.

    Hlimkhawpui Office a tar tur Calendar Tv. Lalremruata (Bawihbawiha), Saichhuma Sec. a min min pe a, a chungah Editorial Board ten lawmthu kan sawi takzet a ni.

ZIAKTUTE HUANG :

CHAWHCHAWRAWI VERSION-II
-Andrew Khawlhring
    Chhuak hmasa lamah khan Chawhchawrawi tih hi ka lo ziak tawh a, tun\umah hian sap\awng te han hawh ve khanglang ila; a vawihnih nan Chawhchawrawi Version-II ka’n ti ve leh rawih mai dawn a ni.
    A ruhlangin han sawi mai ila, Hlimen hi Aizawl khawchhunga veng zahpuiawm ber; rualelna awmlo, in la changkang tak engmah ni silo a chapo ve em em ringawt mai, thatchhe veng kan niin ka hria. Hmasawnna tur hi za ah 50 -90 vel anih laiin hmasawn tawhna chu 10% vel chauh a la ni hi chu in enfiah a ngai a nih hi. Hei hi ka chhutna a\angin a ni a, hmasawnna chu ting chuan a awm ve a; mahse, hei hi chu kei ka khawp khamlo khawp mai. Nikum a Economic & Census Statistic te kha in en ve em ka hre lova. Chanchinbu-ah te an chhuah a, Hlimen hi Slum area kan ni chu a zahthlak asin. Zah chu sawiloh zah a hnekin a neih ka ei lo em mai kan la ti cher cher hi chu a mi an loh thlak deuh chu a ni.  I thil sawi/ ziah kha a \ha khawp mai ti a in chibai leh ringawt a zawm chuan siloh chuan awmzia a awm vak lo a ni. mi dingchhuak lo tur thawhnaw niin ka hria.
    Ka’n sawi leh duh chu zirna leh sakhuana hi a ni. He thil hi kal hrang thei miah lo; magnet ang a ni a. Magnet pawh  + leh + chu a in hip thei lova, – leh + chiah a in hip thei, Chutiang chiah chu a ni. Pawlah hian chhandamna a awm lova, chhandamna chu Lal Isua, Pathian Fapa zawk hi a ni. He thu ka sawi hi mak pawh in ti mai thei a. Mahse, Pawl hian mi a ti ruiin mi a ti luhai a, lehkha zir te kan \hulh phah \hin.  Lal Isua hi a nawi ve lova, a pangai reng a ni. Bible ah chuan Tirh. Paul-a chuan “ Tupawhin hna a thawh duh loh chuan ei pawh ei suh se” a ti a. Chuvang chuan thatchhiat leh Kristianna hi thil inhmeh lo tak a ni. Chumi a nih avang chuan Pathian thu a intuaithar a zirna a hlawhchham leh si chu Ringtu tihchi a ni dawn em ni.
    Rualelna chungchang hi ka sawi leh duh.  Chhun a dawra \hut vel mai mai a, Carrom Board te pen a, Faceboook te khawih hian rualelna a awm loh zia chu a ti lang awm e. 21st Century kan kai tawh laia mi thlai ruk tur la dap la dap te hi miin a \ha lam zawng a rual an el lai a thilruk zawng a rual lo el hi chu a zia lo deuh a ni. Tin, Party ruihchilh te hi mawlna chi khat a ni tih hriat a \ha awm e. A tawk a khelh thiam a \ul. Jonathan Sweep a chuan tihian a sawi a, ‘ Politics hi mi tlem hlawkna tur a mi tamtak atna a ni.’ Puar leh fanna ni hlei lova ring tih sei vak vak hian awmzia a awm vak lo a ni. Mahni inchhung hmasawnna leh rualelna kan ngaih pawimawh ang hiankhawtlang tan hian ngai pawimawh ila a duhawm ngawt ang.
    Khawhar in riah chungchang hi ka sawi leh duh. Kan chin dan \halo hi chu sim thei ila a duhawm khawp ang. Khawhar in riah hi ka lo hriat ve dan chuan khawhar riahpui a, an lusunna hnem a, a \ul \ul tih pui tur ni awm tak; chutih a hnekin, khawhar inriak tuk\huan kil lai pawh a la mu tih te ka lo hria a, a zahthlak hle in ka hria. Inti engemaw niawm taka zan  leh haw te, zingkar hma mangkheng a mutbu kan pu chhuak te hi a zia lo lulai deuh a ni. A \hing a ni tawp mai, a bak sawi ngaihna a awm lo. Chutiang ai chuan riah loh law law mai tur.
    A tawp ber a ka’n sawi duh chu hei hi a ni, ‘ Ngaithlatu  mai nilovin, chhiartu ni satliah lovin zawmtu nih i tum ang u. Hnung lama thilawm te chu paihin, hma lama thilawm te chu thlirin tiam chin lam pan ila, Lal Isua nen hmalam i pan ang u.’ 

PAGE - 3

HRIATTIRNA :

MHIP Hriattirna
    Jan. ni 20, 2014 (Thawh\an) zan dar 6:30 hian YMA Hall-ah kum 2014 chhunga hruaitu tur thlanna neih a ni dawn a, member a tam thei ang ber kal turin kan in hriattir e.
            Sd/- Secretary
               Hlimen  Branch MHIP

PHED Hriattirna
    Public Point a tui la zawng zawng ten tunthla(January) ral hma ngei in Office hunchhung (8 :30 - 9:30 am)in kumkhat tui lakna fee ` 240 pek vek tur a ni a, hei mi hunchhunga fee pe lo ten PHED tui hi an la thei tawh lo ang.

Mualzawl Gas distribution Point
    Mualzawl Gas Distribution Point-a Gas lo thlen leh hunah Jan.ni 13, 2014 a Gas la tawh ten a la la ve lo te ken tur a ni a, Gas lo thlen leh hmasak berah a hma a la te hian an la thei lovang. Tin, Lamkhuang bukpui chhak lam a miten he lai pointah hian gas chan/lak ve tawh loh tur a ni a, mahni point ah \heuh lak tur a ni e.

        Sd/- J.Vanlalbiakdika
    Incharge, Mualzawl Gas Distribution Piont

P&E leilawn hi
    Power & Electricity Deppt. leilawn hi mimalin hawh lawr \hin a ni a; mahse, a dahna hmuna dah let lova kawl reng ching in awm a, hna \ul thawh dawnin hman theih loh a ni fo mai a, a pawi \hin hle. Tunhnuah tupawhin hman \ulna kan nei anih pawhin hman zawh veleh a dahna hmun a dah zel a nih loh chuan hawhchhuah theih a ni lo ang.
P&E Duty Hlimen

Local Council hriattirna
    Sawrkar dan dinglai angin rankhuakhirh na dan chu kalpui zel ani a. Aizawl vengdang ngaihtuahin kan khawtlangah erawh a hlawhtling mawh hle. Hei hian kan khawtlang nunphung thui tak a hril a ni. Local Council chuan rankhuahkhirh chungchangah hian hma a la leh dawn a, khawlai a ui chhuak vai hantlang pawh a khat tawk a neih a ni dawn a ni. Ran vakchhuak, a bikin ui mansak kan awm chuan a neitute Caution Notice pek nghal zel kan ni ang a, dan anga hmalak a ni ang.
                Sd/ Lalhmingliana
                 Chairman, Local Council

Section te hnena ngenna
    Section tina Office Bearer te Phone Number Hlimkhawpui chanchinbu buatsaihna atan a \angkai dawn avangin section tin Secretary ten ziaka rawn hriattir turin Editorial Board te chuan kan ngen che u a ni. Editorial Board te kan hmu remchang lo a nih pawhin Hlimkhawpui Letter Box ah thlak mai nise a lawmawm hle ang.

LAWRKHAWM :

Râlna hun hmang
    Jan. ni 11, 2014 (inrinni) zan khan Branch YMA chuan khawtlang tana an thawhpui Pu Zohmingthanga Treasurer, Local Council ralna hun an hmanga, ralna tlingkhawm leh chhungtin hnen a\anga sum tlingkhawm ` 6010 chu a chhungte hnenah an hlan.
    Tin, hemi zan vek hian a tuamna puan 5 zet mai chu a chhungten YMA ah an hlan let ve bawk. Heng puan dawn \hin te hi YMA chuan ruangchhuak tur leh a \ulna apiangah \angkai takin a hmang \hin. Chhiat tawk ten hetiangaruang tuamna puan YMA a hlan nachang an hria hi YMA chuan lawmawm a ti tak zet a ni.
    Aizawl City Local Council Welfare chuan Jan. ni 15, 2014 (nilaini) khan Pu Zohmingthanga ralna hun an hmang bawk a, ACLC Welfare hian an member boral ta te ral nan ` 5000/- an chhungte hnenah an hlan \hin a ni.

JAC ten râl dawn
    Joint Action Committee, Hlimen chuan Jan. ni 24, 2014 (Zirtawpni) zan dar 7 khian Pu Zohmingthanga JAC Chairman ni lai mekin a boralsan avangin a ral na hun an hmang dawn a. Hemi zan hian amah hriatrengna thuziak hlan a ni ang. Member pakhatin ` 100 \heuh thawh nise tih a ni a. Ralna sum pe tur chuan Pu R. Lal\anpuia Treasurer hnenah leh Pu Lalrinmawia Secretary hnenah pek tur a ni.
    Hetiang hian Programme duan a ni.
    Chairman    :    Pu Robuanga V. Chairman
    Hunserh    :     Pu Lalrinchhana
    Ral na hlan    :    Pu R. Lal\anpuia
    Thusawi    :     Lalhmuchhuaka
            Chhungkaw lam a\angin
            A duh a piang tan

Champion
    Mission Veng Badminton Tournament January ni 11, 2014 (Inrinni) a Mission Veng Indoor Stadium a khelh zawh takah Mens Open ah Pu Lalmuanawma, Saichhuma Sec. chu a Champion a, tin, Pu R.Lalbiakmawia, Damvea Sec. a mi pawh 35yrs+ ah a Champion bawk. Pu Muanawma leh Pu Biaktea te hian Champion Nomawi bakah pawisa fai engemaw zat an dawng a ni.
    Pu Muanawma leh Pu Biaktea te hian vawi duai lo kan veng hming an lo ti \ha tawh a, an hlawhtlinna kan lawmpuiin kan chhuang tak zet zet a ni.

Kawng en ho
    Jan. ni 17, 2014 khan Pu Valbuanga, SIPMIU Project Director leh a Staff te lo kalin vengchhak panna kawng siam mek chu a hmunah kalin a enfiah. Local Council te leh vengchhak pa ho ten an \awiawm a, he kawng siam lai mek ah hian Motor a kal theih ngei na turin ruahmanna thar te siam belhin tun a\anga reilo teah peih fel a nih theih nan hmalakna chak taka kalpui a nih tur thu  Pu Valbuanga hian a sawi bawk.
    Pu Valbuanga hian kan veng hi min duhsak em em a,he kawng siam mek a hmalakna zawng zawng pawh hi a ma zara kan hmuh vek a ni a, hetianga kan veng min duhsak em em tu kan nei hi kan khawtlang tan chuan a lawmawm takzet a ni. 

PAGE - 4

KEIMAHNI
Hlimkhawpui Budget
    Hlimkhawpui  2014 January  thla Budget  pe tla tawh te:
1.    Damvea Sec.  

Buala Section
    Pu C.Lalhmingthanga , Buala Section a mite chhungkua chuan Section YMA in a \ul a pianga hman turin thingpui fe thlitna 1 leh Bucket tha tak an rawn hlan a. Section hruaitu ten an chhungkaw chungah lawmthu an sawi takzet a ni.

Cultural Sub- Committee-ah
    Pu Lalthantluanga, Fin. Secy chu CYMA a Cultural Sub-Committee Vice chairman atan ruat thar a ni a, hetianga CYMA Committee peng pawimawh a hruaitu kan nei hi a lawmawm takzet a ni.

Hlimkhawpui ngenna
    Section hrang hrangte kan inthlang zo ta a. Section tinten Hlimkhawpui Agent a ranglamin in ruat thar leh nise,  Hlimkhawpui Circular Manager tana sem chhuah/ pekchhuah awlsam zawk nan kawngpui dung remchanglai a mi inruat theih hram nise a lawmawm hle ang. Section tina Agent te hi mahni Section chhunga thuthar(News) rawn theh lut \hin tura beisei in ni.
    Tin,  Section tina semtute hian Pathianni(Sunday) zing aia tlai lovah sem chhuah \hin nise. Section \henkhatah sem hmaih a awm nual \hin avangin a semtute hian uluk leh kimtakin  Hlimkhawpui latute hnenah pe/sem \hin turin kan in ngen a. A la thar duh tur te pawhin a semtute hnenah inthlahrung miah lova sawi \hin turin kan in ngen bawk a ni.
    Tin, 2014 chhunga inkaihruaina \henkhatte:-
    1. Hlimkhawpui Treasurer atan Nl. Zochuanpuii ruat a ni a, ani hnenah leh Editorial Board remchangte hnenah pek theih a ni ang.
    2. Hlimkhawpuia vawikhat Advertisment chhuah man hi ` 50/- a ni a. Tin, mimal leh NGO nilo pawl hriattirna chhuah ang chi ah pawh vawi khatah ` 30/- zel pek a ngai tawh ang.
    3. Hlimkhawpui Budget pe \ha lawmman hi \hum hnih, YMA Day-ah leh kumtawp, Branch YMA inthlan zanah hlan tur a ni anga,  thla tina an pek hma dan a zira Point pek \hin a ni ang.
    4. Political Party ten mahni Party insawimawina leh Party dang chirhthehna lamhawi ang chi reng reng chhuah loh a ni ang.
    5. Tin, Chhiartu te ngaihdan a thuchhuah tur nei ten mahni hming leh Signature pek ngei tur a ni a, chutiang nilo chu chhuah sak kan ni lovang. Hming in thup duh a nih chuan thup sak in ni ang. 

CHHIARTUTE NGAIHDAN :

@@    Hun leh kum te an ral; Hringmi te kan kiam zel. Khuanu rorel dan dan rual a ni si lo chu kan hun tawng tur reng em ni le? A van hun lovin hriatthiam ava har em !! Zohming, i lenrual te min dawn pui ve lo em ni? Nge Chatuan rammawiah hmun min lo siam sak; he lei a thian te tan i in hman zawh ang khan.
    Tuar zawng a har ngei, kan hun tawng hi. Mahse, lei dan a ni si a, I sul hnu leh hlimthla mai maw kan chan tawk lo ni le. Thinlaiah nghilh ni kan nei law’ng  che. Kir zai i rel law’ng maw??
- C. Lalhmingthanga Member. LC

@@    Kum 2013 Christmas urlawk zan a JAC duty te kum kalta zawng aia a hahdam thlak a, kan changkang ve nge Urlawk zana venglaia Pathianthu sawi vang kha ni ang? Kum hlui thlah zan thleng khan a va thlamuan thlak em? Keini hunlai han ti ila, mi nuih za lo se, YMA inthlan zan te chuan rui chungin \halai kan kal khawm a, sak hawk zawngin kan kal \hin. Tunlai \hangthar te in va fing ta em. YMA hruaitu thlan zan a YMA Hall khat a nula tlangval kalkhawm hlim tho si, rui hmuh tur awm silo kha; Hlimen hi a va lo nuam em.
    Tin, kan thawhpuiin hunlo taka min kalbo sa ta Pu Zohmingthanga lumen zan te khan rui hmel hmuh tur an awm lova, in khat tlat mai a in zai tlaivar mai te kha aw. Hlimen nih ava nuam em. |ang fan fan. Hei lo chu chenna dang kan nei silo. Keini lo chu siam\ha tu tur kan awm lo. Hun lo takin kan \hian pan min kalsan a, a chunga in thil tih kha hmu ve se, a lawmin mak ava ti dawn em.
- C. Lalhmingthanga Member LC   

LAWRKHAWM CHHUNZAWMNA :

Kan va lawm em !!
    Kan pa Zohmingthanga (61) in Jan. ni 8, 2014 (Nilaini) a min boralsan chungchangah khawtlang mipui leh YMA chungah lawmthu kan sawi tak meuh meuh a. In hriat angin a thih danah khawtlang leh chhungkua min \hawng thut mai kha ni a, chhungkaw ho phei chu kan mangangin kan rilru ngaihtuahna pawh a â zo vek a ni ber a, chutihlaia amah leh kan chhungkua te in hmangaihna lantir a a ruang lakchhuah sak chungchangah te leh engkim a \ul ang zawng zawng te kan chet ve ngai miah lova min tih fel sak vek mai te;  tin, kan khawhar lungngaihte phal lova in tha leh sum in sen nasat zia te, vawiin tunhun thleng a min hnem tur a inin pek na zozai hi kan hmuh leh hriat hian kan lawm takzet a ni.
    Mimal tin hnenah lawmthu sawi duh hle mah ila kan sawi seng dawn si lo. He chanchinbu a kan lawmthu sawi hi min lo pawmsak \heuh turin kan ngen a che u. Kan chunga in \hatna zawng zawng te hi keini chhungkua hian kan rul seng dawn lo che u; Lalpan a let tamtakin a rul leh ngei ang che u tih hi kan \awng\aipuina che u a ni e.

            In khawngaihna dawngtu,
            Tlangkhuami & A fate
               Hlimen, Venglai

Y.M.A. hnatlang
    January ni 14, 2014 (Thawhlehni) zan khan Krismas laia Venglai kawn cheina \hiata hnatlang neih a ni. Hnatlanga thawkte chungah leh kawn cheina a Electric min hmantirtu Pu Rozuala te chhungkua chungah leh phal taka thirzai min tumsaktu Pu Vankhuma leh Motor thawhtu Pu Lalrinmawia chungah Branch YMA hruaitute an lawm hle.

Pawlkut Thla Ni 11, 2014.. Issue No. 2

PAGE - 1

TUALCHHÛNG :

Boral: Pu Zohmingthanga Treasurer Local Council chu Jan. ni 8, 2014( nilaini) a a huan sam chu lungphu chawl avangin a boral a, a ruang hi a faten zan lam dar 6:30 vel khan an hmu a ni. A ruang hi a tuk Jan. ni 10, 2014 khan an kawmchhak ah vui liam a ni.
    Hetianga khawtlang hruaitu \hatak mai in hun lo taka mual min liamsan thut mai hi Hlimkhawpui Editorial Board ten hriathiam har kan tiin pawi kan ti em em a, khawhar chhungte kan tawrhpui tak zet a ni.

Damlo: Pi Ramhnehi W/o Pu Chhuanawma Kapdaia Sec. a mi chu rannung seh avangin Jan. ni 10, 2014 khan Durtlang Hospital ah dah a ni.

Nau nei thar: Pu Lalrinkima leh Pi Kawlkhumi te nupa, Buala Sec a mi te chuan an fa hming koh atan fapa duhawm tak Jan. ni 5, 2014 (Thawh\anni) khan an nei thar.@@    Pi Lalremi leh  Pu Zomuanpuia te nupa Buala Sec. a mi te pawhin Jan. ni 4, 2014 khan an fa pathumna tana Falkawn referral Hospital-ah fapa duhawm tak an nei thar.

@@    Absalom Lalramchhana te nupa Damvea Sec. a mi te pawhin fapa duhawm tak an nei thar bawk.

Tuak thar: Lalremruata, Saichhuma Sec a mi leh Zonunmawii, Kanan veng te chu Jan. ni 7, 2014(thawhlehni) khan kumtluanga nupa ni turin an in nei.

Khiangawi: Zodinpuii D/o Zalenmawii, Saichhuma Sec. a mi Khuangleng lamah khiangawiin min siamsan ta.

Hlimkhawpui: Section tinte Hlimkhawpui Budget chu kumhlui lam anga kalpui leh pawt tur a ni a, Section tin te Copy lakzat a pun emaw Press lama rate a san chhoh chuan Section Budget hi in hriattir nawn leh a ni ang.
    Budget hi Hlimkhawpui Treasurer  Nl. Zochuanpuii hnenah pek tur a ni a, a remchan lohna a awm a nih chuan editorial Board adangte hnenah pek theih a ni reng tho bawk. 

FRONT :

BRANCH Y.M.A KUMTHAR COMMITTEE

    January ni 7, 2014 (Thawhlehni) zan dar 6:00 khan Hlimen Branch YMA Exe. Committee vawi khatna neih a ni a. Chuta thurel tlangpui chu ahnuai a tarlan hi a ni e :-

1. Property Secretary chung chang : Kum 2014 chhunga Property Secretaries atan heng mite hi ruat thar an ni :-
    Property Secretary    :    Tv. R.Lalrindika
    Asst. Property Secretaries    :    Pu Lalremthanga &
            Tv. Laltlanhlua (Valpuia)
    Heng Property Secretary te hi Section hruaitu atan thlanchhuah theih an ni.

2. Hlimkhawpui Editorial Board : Kum 2014 chhunga Hlimkhawpui Editorial Board atan heng mite hi ruat thar an ni :-
    Editor    :    Pu Robuanga
    Jt. Editors    :    Pu Laltlankima & Tv. J.Vanlalbiakdika
    News Editors    :    Tv. R.Lalrindika, Nl. Zochuanpuii
            Nl. Lallawmkimi
    Cir. Manager    :    Pu Vanlalliana

3. Section chung chang :  1) Section din : Section din leh nise tih a ni a, section hming leh in\hen dan pawh angai anga kalpui leh tur a ni.
    2) Section Inthlan : Section hrang hrang inthlan hun atan Janury ni 17, 2014 (Zirtawpni) dar 6:30 a ni ang a, hetiang hi Section tin inthlanna hmun tur leh thlanpuitu turte an ni :
    a) Buala Section : Pu R.Lalngheta te In
Inthlanpuitu turte :
Pu Lalthantluanga, Pu R.Lalngheta & Pu Duhthusama
    b) Damvea Section : Pu Duhthusama te In
Inthlanpuitu turte :
Pu Vanlaltluanga & Pu Zoramhmangaiha
    c) Kapdaia Section : Pu K.Lalthlamuana te In
Inthlanpuitu turte : Pu Lalhmuchhuaka & Pu R.Lal\anpuia
    d) Lalsavunga Section : Pu R.Thangmawia te In
Inthlanpuitu turte : Pu Robuanga & Pu Lalremmawia
    e) Vawmphunga Section : Pu Vanlaltluanga te In
Inthlanpuitu turte :
Tv.R.Lalawmpuia, Pu lalhmingliana & Pu Pakunga
    Hemi zana inthlanna tur hmun leh \ul ang buaipui ngaite hi Section hruaitu \anglai ten hma lo lak tur a ni.
    3) Section Leader Branch Committee a awm chung chang :Section Leader te hi Branch Exe. Committee ah awm nghal tura tih a ni a, amaherawhchu Leader tura thlanin Branch Committee a awm a hreh chuan hriatthiam nise tih a ni.
- Phek 2 naah chhunzawm a ni..

PAGE - 2

EDITORIAL :

RAHBI THAR I KAI ANG U
    Kumin 2014 chhunga Hlimkhawpui Weekly News enkawltu tur Branch Committee chuan a thlang fel leh ta. He chanchinbu hi a enkawltu tur Branch Committee chuan kum tinin a ruat/thlang thar \hin a, kumin atana Editorial Board thlanthar a nih  a Issue hmasa ber tur a nih avangin chhiartu zawng zawngte RAHBI THAR I KAI ANG U tiin Editorial Board te chuan kumthar chibai kan buk a che u.
    Kan hriat angin he chanchinbu hi Branch YMA buatsaih a ni a, chuvangin a chhung thute pawh YMA thei ang bera kalpui a nih leh dawn a ni. YMA chu \anpui ngaite \anpuitu, midang tana malsawmna thlentu, ram leh hnam; khawtlang tana malsawmna thlentu tur atana din a ni kan ti thei awm e. Chuvangin rethei leh hausa, milian ber leh mi tê ber pawh ang khata lungrual taka len za theihna tura pawl ropui leh thianghlim awmchhun a ni.
    Hei aia pawl \ha leh duhawm Zofate lungrual tlanna hi ‘an piang lo, an piang leh tawh lawng chatuanin’ tih mai a va awl em!! Kristian ram, Kristian hnam kan ni, kan Bible in Kristian te awmdan tur leh nihphung min zirtirna thute hi YMA kalphung leh nihphung, a thil tum leh thuvawn a a neih mek zuk ni tlat a. YMA chu K|P ten thuvawn a an neih Ephesi 2:10 ang deuha thil\ha tihna hmun atana zofate tana Pathian min pek a ni tih hi ring tlat ila, piangthar/Kristian dik takte awmna tur a nih hi chiang ila, YMA ah hian Baptis pawh chang tlang ila, mite tan leh ran leh hnam tana malsawmna thlentuah min hruai anga; chu chuan khawtlang, ram leh hnam leh chhungkaw tinte chu rahbi tharah min hlang mai dawn a ni. YMA tlang ila, RAHBI THAR I KAI ANG U.

Tv. C.Lalhmingthanga, Member Local Council chuan Pu Zohmingthanga pualin Hlimkhawpui EB ten 2014 2nd Issue an buatsaih na a ei tur lei nan ` 100 min rawn pe a, ropui kan ti hle.

Front page chhunzawmna....

4) Section Budget : Kumin chhunga Section hrang hrang budget hetiang hian ruahman a ni :
    Buala Sec.    -    `    3,000    Damvea Sec.    -    `    3,000
    Kapdaia Sec.    -    `    3,000    Lalsavunga Sec.    -    `    2,000
    Saichhuma Sec.    -    `    3,000  
    Vawmphunga Sec. - `     2,500

4. Member lak chung chang :  YMA Member tur hi lak leh nise tih a ni a, Foreigner leh hnam nia hriatte chu member atan hian lak loh nise. Member lakte hi February ni 15, 2014 (Inrinni) ralhmain Branch Secretary hnenah thehluh vek tur a ni a, Member pakhat zelah ` 5/- zela khawn tur a ni.

5. Chhiatni a mawhphurtu inruat (Comtt. Member bikah) :  Chhiatni a mawh phur turte hetiang hian inruat a ni :-
    1. In lamah : Pu R.Lalngheta, Pu Lalhmuchhuaka, Pu Robuanga, Tv. R.Lalawmpuia, Tv. R.lalrindika, Pu Lalremthanga, Pu R.Lal\anpuia, Tv. Laltlanhlua(Valpuia), Tv. Lalkhawmawia, Nl. Zochuanpuii, Nl. Lallawmkimi, Nl. lallawmzuali, Nl. Lalroliani
    2. Kuangah : Pu Vanlaltluanga, Pu Lalthantluanga, Pu Lalhmunsiama, Pu Lalremmawia, Pu Zoramhmangaiha, Pu Lalchhankima, Pu Lalhmingliana, Pu Duhthusama, Pu Pakunga
    3. Thlanmual lamah : Pu Lalrinmawia, Pu R.Lalbiakmawia, Pu Lalrinchhana, Pu Lalvulliana, Pu Lal\anzuala, Tv. J.Vanlalbiakdika, Pu Lalchhantluanga, Tv. Lalthlengliana, Pu Zolianchhunga, Pu F.Zosangzuala, Pu R.Zoliana, Pu Zairemthanga, Tv. Samson Lalrinfela, Pu Vanlalliana

6. YMA chanchinbu Agent :  YMA Agent atan Pu Zoramhmangaiha chu ruat thar leh a ni.

7. Hall hawhman :  YMA Hall hawhman hi  \um khatah ` 200 a ni ang, sumdawnna atana hman a nih chuan ` 500 a nithung ang.

8. Sum Audit chungchang :  Branch sum vawn hrang hrang leh Section sum vawnte hi kumtawpah Audit \heuh tur a ni.

9. 2014Branch Budget :  Kum 2014 Hlimen Branch YMA Budget atan `  2,00,000/- pawm a ni.


10. Sub-Committee din chung chang :  1) Chhiatni Fund Sub-Committee hetiang hian din a ni :-
    Chairman    :    Pu Vanlaltluanga
    Vice Chairman    :    Pu Lalhmingliana
    Treasurer    :    Pu Lalrinmawia
    Fin.Secretary    :    Pu Robuanga

2) Faina Sub-Committee hetiang hian din a ni :-
    Chairman    :    Pu Lalrinmawia
    Vice Chairman    :    Pu Robuanga
    Secretary    :    Tv. J.Vanlalbiakdika
    Members    :     Pu Lalrinchhana, Pu K.Lalremruata, Pu Laltlankima, Pu Lalremthanga, Tv. David Vanlalhuma, Pu K.Lalchhuanawma, Tv. R.Lalrindika,
Keimahni huangah chhunzawm a ni..

PAGE - 3

HRIATTIRNA :

Hna ruak
    Hlimen Anganwadi Centre III (Dam veng)-ah Anganwadi worker hna pakhat a ruak a, he hna thawk duh chuan dilna plain Paper -ah mahni Particular chiang taka ziakin CDPO Office (Near Kulikawn Police Station), tlangnuam ICDS Project 13th Jan,2013 9:00 Am aia tlai lovah thehluh tur a ni.
    Written test leh personal interview hi Jan. ni 13,  2014 10:00 am ah CDPO office Chamber ah neih tur a ni ang. Thiamna lamah HSLC chin an ni tur a ni, kum 18-35 chin duhthusam a ni. Thlakhatah lawmman atan ` 3000/- pek an ni ang.

Local Council hriattirna
    AMC in Aizawl khawpui a lo thianghlima fainna kawnga hma a lo sawn theih nan Public Private Partnership Mode a kalpui mek chu kan vengah pawh hman chho ve zel a ni a, kan khawtlang pawhin faina kawngah hma kan sawn phah hle.
    Tin, tunlai in PPP Mode a bawlhhlawh paih man(Fee) chu khawn mek a ni a,  \hahnem ngaia fee pe te zawng zawng chungah Local Council chuan lawmthu a sawi  takzet a; tin,  Fee hi a khawtu lo pe zel turin kan in ngen nghal bawk.
    Local Council a\anga recommentna awm thei chi reng reng heng - Schedule tribe Certificate, ram pass na, hriatpuina lam chi eng pawh leh a dangte chu PPP Mode Fee pe lo te tan Local Council chuan a pe chhuak tawh dawn lo a ni. Recomment duh neite reng rengin PPP Mode Fee an pe ngei a ni tih hriatna Reciept hnuhnung ber ken tel zel tur a ni. He Reciept tel lo chuan Recomment/ Hriatpuina hi pek chhuah a ni tawh lovang.

               Sd/- Lalhmingliana.
            Chairman, Local Council

MUP hriattirna
    Jan. ni 12, 2014 (Pathianni) chawhnu inkhawm banah Pu Zohmingthanga ral tur a ni a, member te kim taka kal turin kan inhriattir e.
    Tin, Jan. ni 18, 2014 (Inrinni) dar 10:30 am-ah MUP unit meeting YMA Hall-ah neih tur a ni a, member te kim taka kal tur a ni. Ar sawhchiar eitur a nih avangin mahni phal ang tawk pawisa ken khawm tur a ni e.

                Sd/- Secretary
                     MUP Unit, Hlimen.

Taekwondo club hriattirna
    Chalkunga Memorial Taekwondo Club zirlai naupang zawng zawng te Jan. ni 15, 2014 (Nilaini) tlai dar 3:30 ah Manager Pu Lalrinmawia te inah kim tak a kalkhawm tur a ni e.

                Sd/- Manager
                      CMTC, Hlimen
 

LAWRKHAWM :

Vanduai chunga lawmthu sawina
    Ka tupa, Lalrinngheta rannung seh avanga Durtlang damdawiin ah engmah nei silovin, dam duh siin kan Admit ve tawp mai a. Engtin nge kan tih ang ti a rilru hah taka kan buai em em laiin Damdawiin lamah leh In lamah mi in phal em em te thilpek pawisa tamtak rawn kengin Damdawiin awm chhung zawng leh in lamah nen min rawn kan reng mai hi kan va lawm tak em !! Tin, pawl hrang hrang te leh kohhran hrang hrang min \awng\ai puina te leh pawisa mai bakah chawhmeh thlengin pe a, hetianga min khawngaihna hi engtikah mah kan rul seng lovang che u.
    A mal mal in in hming te hi han tarlan vek an duh a, mah se kan tarlang seng dawn si lo, ngawihbo pui a va har em !! Tin, damdawiin awm na Bill hi ` 35,555 lai a ni a, in hnen a\anga \anpuina kan dawn hiam a rul zo mai ni lovin a liamin a liam a ni e. Tunah hian amah pawh a chak ve tial tial a, a mit erawhin khua ala hmu lo na a, a hmuh theih ve mai  te pawh kan beisei tlat a ni. In mi khawngaihna- thillpek leh \awng\ai puina hi Lalpan a let tam takin rul cheu rawh se.

    In khawngaihna dawngtu,
    Rualchhingi leh a fate
    Hlimen Vengthar.

Electoral Roll Hearing nei
    Jan. ni 6, 2014 (Thawh\anni) khan YMA Hall-ah Electoral Roll a hming thunluh dil te Hearing neih a ni a, Roll a thun luh dil mi 45 an awm. Tichuan, Hlimen Electoral Roll dinhmun chu hetiang hi a ni :
    Booth No. 1 (Kawngpui thlang lam zawng)
Roll a awmsa    -    1135
Thun belh dil    -    29
Paih     -    5
Tichuan, Booth No. 1-ah hian voters 1159 an awm dawn ta a ni.
    Booth No. 2 (Kawngpui chhaklam zawng)
Roll a awmsa    -    821
Thun belh dil    -    16
Paih     -    3
Kawngpui thlanglam (Booth No. 2)-ah hian Voter 834 an awm dawn ta bawk a, Tichuan Hlimen a Vote nei thei zawng zawng chu mihring 1993 kan awm ta a ni. He Electoral roll hi Member of Parliment(MP) leh MLA inthlan a hman tur ani a, VC/ Local Council Roll nen ngaih pawlh loh tur a ni a, roll hi a hrang daih a ni tih kan in hriattir bawk e.

Mi bô hruai haw
    Jan. ni 10, 2014 (Zirtawp) zan dar 11 vel khan Zemabawk lam mi pitar pakhat chhul lam \hatloh na avanga buai chu Hlimen a rawn thleng hlawl mai a, haw leh ngaihna  a hre tawh lova, YMA chuan tlawmngaia a taxi a dah turin Pu Liansanga, Damvea Sec. a  mi chu  an ngen a,  Pu Lalrinmawia Asst, Secy. Br. YMA nen Bethlehem vengthlang a nau te hnenah an va dah ta a ni.
    Zanrei tawh hnua tlawmngaih chhuah a va dah tu te an fakawmin an entawn tlak hle. Hetiang nikhua a lo thlena mitlawmngai thei leh inpe kan nei hian khawtlang a ti thlamuangin Hlimen nih a ti nuam \hin a ni.
 

PAGE - 4

KEIMAHNI
Hlimkhawpui Budget
    Hlimkhawpui  2014 January  thla Budget  pe tla tawh te:
1.    Damvea Sec.  

Rangvamual lamah
    CYMA hmalak na in Jan. ni 8, 2014 (nilaini) khan Rangvamual leh Phunchawngah kumpuan hmalakna kal zel atan Govt. Complex Br. YMA nen duty a ni a, zu Factory pakhat leh zu fun 6 man niin mihring 1 man tel a ni. Tin, ruihhlo zuar khua chhuahsan tura tih la chhuak duhlo te Warning pek leh an ni. Hlimen aiawhin heng mi 5 te hi an thawkchhuak : 1. Pu Lalvulliana, 2. Pu Lal\anzuala. 3. Pu Thanchhunga 4. Pu Lalchhantluanga 5. Pu Robuanga te an ni.

Duty hliam a ni
    Jan. ni 9, 2014 zana Rangvamuala Duty Khatla ‘ S’ Branch YMA te chu Rangvamual lam mite intihbuaina \helh tura an buaipui (banphar) naah Khatla ‘S’ Branch Asst. Secy R. Lalmuanpuia chu a hnunglam a\angin a lu ah an vua a, a tuk ah Civil hospital-ah zai nghal a ni a, tunah hian ICU(Intensive Care Unit) ah dah luh niin \hat lam a pan thuai kan beisei.

Bungraw hawh chungchang
    Branch YMA bungraw kan hawhin a hawh man kan pe \ha tawk lova, hawhman in dil hi thil nuam anih loh avangin hawh dawnin a hawh man hi in pek fel nghal mai emaw hawh tura kan tirh te hnenah a hawh man hi ken tir nghal \hin nise a lawmawm hle ang.

Branch Committee thurel chhunzawmna....
11. Local Council lehkha :  Local Council ten Thlanmual-I, |helretkawn a motor Turning Point lian leh zau zawk siam a, kawng zauh belhna ni zawk chu a theih ang anga thawh hopui a Branch an rawn sawmna chu tihhlawhtlin nise tih a ni.

12. Chhiatni bika Light & Sound hman tur:  Chhiatni bika hman tur Light leh Sound \henkhat lei nise tih chu Chhiatni Fund Sub-Committee te kutah dah a ni.

13. Oxygen chung chang :  Branch YMA Oxygen hi veng pawn lamah chuan hawhchhuah hi phal tawh loh nise tih a ni.

14. Chhiatni Fund chung chang :  Kumin hian Chhiatni Fund khawn nise tih a ni a, Chhiatni Fund Sub Committee leh Section OB ten ruahmanna lo siam se tih a ni. Tin, Chhiatni Fund hi kum tina khawn tawh tura ruahman a ni.

15. Hall hman dilna :  Hlimen  Presbyterian Kohhran ten 2014 chhunga Senior Dept. inkhawmna atana YMA Hall hman an dil na chu remtih sak a ni.  

CHHIARTUTE NGAIHDAN..

@@    Kan thawhpui - Pu Zohmingthanga; mi zau, midangte tana inphal, mi kawm nuam tak leh mi phur thei tak, mize ngil tak, mahni aia midangte dah pawimawh \hin mi, mi chhumchhiate theihnghilh ngai lo, khawtlang hruaitu atana  kan nei hi Hlimkhawpui tan malsawmna a ni ka ti lo thei lova, khawtlang hmasawnna tura a thiam ang tawk a ngaihtuahna seng \hin, ruahmanna mai a nih lai a tawpsan ve ngai lo, a hlawhtlin ngei theih nana tha leh zung seng a, inngaitlawm tak chunga hmahruai \hin mi; hetiang a Hlimkhawpui tana hmachhawp, hmathlir kan neih te; châk tak leh phûr taka lungrual taka hma lam pana ke kan pen  ho mek laia he khawvel min chhuahsan thut mai hian min barakhaihin, a tel lova khawtlang kan kal mai tur hi hriatthiam a har ka ti hle a, Hlimkhawpui tan hian channa nasa tak niin ka hria.
- J. Zothanpuia, Member LC.

@@    Khawtlang tana kan thawhpui Pu Zohmingthanga Tre. Local Council in  hun lo taka chatuan ram min pansan thut mai hian min barakhaih hle mai !! Khawtlang \hatna tur a YMA te nena kan thawhhona hrang hrangah thawhpui nuam tak, mi phur thei tak leh midangte ring mai ngai lo, khawtlang hruaitu \ha, entawn tlak kan chan mai hi Hlimen hian kan chan nasa hle a ni.
- Vanlaltluanga President. Br. YMA

KAN THEN TAK

Pu Zohmingthanga Kum 61
    Pu Zohmingthanga hi Pu Nisavunga (L) leh Pi Sawiziki (L)-te inkarah October ni 17, 1953 khan Hlimenah a lo piang a, unau 13 zinga a naupang ber dawttu a ni a. Kum 1973 July ni 20 khan Tlangkhumi nen in neiin fa 4 an nei a. Tu 8 a nei bawk. Darlawn High School-ah pawl kua (9) thleng a zir a, Nazareth Press-ah kum thum (3) lai a thawk tawh bawk. Amah hi hna thawk thei tak, hmel en aia chak leh thahrui ngah zet mai a ni.
    Mi tlawmngai leh pasaltha zet mai niin Hlimen Quarry chim lai pawh khân hmun hlauhawm laiah pawh hma hruaitute zing a mi a ni.
    Amah hi rilru zau tak, fiamthu duh, titi thiam tak leh thilphal tak a ni. A bula awm a nuam em em a, fiamthu pawh dawl zo tak a ni. Tin, amah hi mi pawisawi hlau tak, thinur ngai zen zen lo a ni. Tin, mahni hmasial lo tak mi a ni bawk. 23rd February 2012 khan Aizawl Municipal Council hnuaia Local Council inthlan hmasak berah MNF Ticket in Local Council Member atan hneh taka thlan tlin niin Hlimen Local Council Treasurer atan ruat a ni a, he hna hi a thih ni thleng hian a chelh a ni. Tin, kum 2013 atangin JAC Chairman a ni bawk.
    January ni 8, 2014 khan a nupui fanaute nen hlim takin zingah an thovin, tuk danga a tihdan thin angin Local Council Office-ah a Duty-a, a thenrual thate nen pawh khawlaiah fiamthu nen hlim takin an khawsa ho a, chaw ei khamah hnathawk turin phur takin a chhuak a, chawhma dar 10 velah pawh phone-in a thiante nen an la in be nawk nawk a, phur takin thlai hmun turte a vat chhova. Thui leh zau tak a vat a, a hahchawlhna hmunah hian hahdam takin khawvel a lo chhuahsan ta a ni. A ruang hi a fate’n an va hmuh hi dar 6:30 PM vel bawr a ni.

Pawlkut Thla Ni 4, 2014.. Issue No. 1

PAGE - 1

TUALCHHUNG :

Damlo: Pu Zosangliana S/o Lalchuanga (L) , Saichhuma Sec. a mi chu Mitliam natna avangin Referral Hospital, Falkawnah enkawl mek a ni.

@@    Lalhriatpuii D/o Pu Laltlankima, Saichhuma Sec. a mi chu Jan. ni 1, 2014 (Nilaini) khan bualin a inbual chu nikhaw hre lo a awmin a rang thei ang berin Alpha Hospital, Kulikawn ah tlanpui nghal a ni a, \hat lam a pan zelin tunah inlamah enkawl mek  niin thu kan dawng.

Samari mi\ha ah: Kum 2013 Krismas dawn a Hlimen YMA leh LPS Samari Mi\ha ten a kan veng mi harsa an puihte zinga pakhat chuan \anpuina a dawn a\angin 10 a pakhat LPS Samari mi\ha-ah midang te tan a pe let ve leh a, a ti ropui hle.

Tihdikna: Hlimen MHIP Branch ten JAC ah ` 500 an hlan ti a Issue hmasa tarlan kha report dawn sual palh a ni a, MHIP te hian ` 1000  JAC kutah hian an hlan tih zawk tur a ni e. Tihdik loh palhah ngaihdam kan dil e.

Turnning Point atan : |helretkawn zawl rem laia thlan \henkhat te chu he lai hmun a Motor in her remna hmun zau zawk kan neih theih nan Local Council te chuan hemi hmun huamchhunga thlan neitu chhungte  hnenah ngenna siam a, he lai hmun zauh nan hian an chhungte thlan sawn an remti niin thu kan dawng a, January 2014 karhnihna bawr chho a\anga he kawng kual laih/tih zauh hi \an tum a ni niin thu kan dawng.
    Hetianga khawtlang tana mi inpe tak tak kan nei hi a lawmawmin, an chhungte thlan hmun sawn an phal hi an fakawm takzet a ni.

JAC te hahdam:  Nikum Krismas leh kumthar lawmna vuakvetah khan ruih buai vanga intihbuaina leh rukrukna te awm lovin Hlimen khawtlangin thlamuang takin hunpui a hmang zo va. A lawmawm hle. JAC te pawh buaina chingfela chetchhuahna tur an nei lo hle a, lawmawm an ti takzet a ni.    

FRONT :

2014 KUMTHAR ROPUI TAKA LAWM A NI

    Kan hunpui neih zinga hlu ber ber te tiin sawi ila kan sawi sual awm love. Krismas leh kumthar lawmna hun te chuan dan rual lohin mual an liam liam zo leh ta chu a ni mai si; khua a har in lung a leng duh hle mai. Krismas leh kumthar kan lawm leh hun tur lah chu upa \awng takin damrei nghah thil a ni si. He hunpui thleng tur hian a kawng a bumboh hle. furpui leh \hal rum tak sut tlang ngei ngei ngai a ni tlat. Heng zawng zawng tawn tlang a hrehawm tamtak tuar hnua krismas leh kumthar lawmna hun han thlen chu a hlimawmin a nuam a; mitin mai chu kan phur in kan hlim takzet a, Kohhran hrang hrang te pawhin theihtawpin he hun hi an lawmin an hlut a, ruai nen ropui leh nuam thei ang berin an hmang \hin.
    Kum 2013  krismas a kohhran hrang hrang te ruai \heh dan pawh kan han tarlan tawh kha. 2014 kumthar pawh hetiang hian Kohhran tin ten lawmna ruai an buatsaihin sum tamtak an seng a, ruai kiltu pawh \hahnem tak an ni. 2014 kumthar lawmna ruai Kohhran hrang hrang te neih dan hetiang hian report kan dawng :

    Kohhran hming                         Ruai \heh zat    Senso
1. Assembly Of God                             50        `    8,000
2. Baptish Church                                 80       `    10,756
3. United Penticostal Church (Ni 3)    90       `    23,590
4. Salvation Army (Ni 3)                     130       `    26,336
5. Isua Krista Kohhran                        200       `    17,000
6. Hlimen Vengthar Pres. Kohhran    200    `    34,340
7. Hlimen Damveng Pres. Kohhran   440    `    41,000
8. Hlimen Pres. Kohhran                     920    `    1,11,360

    Salvation Army leh UPC te chuan kumthar lawmna  ruai hi vawi 4 an \heh a, ni 3 chhunga an senso bak kan tarlang hman ta lo a ni. Report in a tarlan danin chhungkaw bila hmang hrang tlem an awm tih loh chu Kohhran tin ten a huho vekin an \heh a ni. Tin,  Kohhran tin te hian kumthar lawmna hi a ni serh lovin ruai an buatsaih vek a ni.
    Nikum 2013 krismas leh kumthar vuakvet a \halai ten kan hman dan te thlirin sawisel kai tamtak leh insiam\hat ngaihna lai sawi tur tam tak chu a awm nachhungin khawtlang mipui te tana harsatna siam erawh hmuh tur leh hriat tur an awm lo kha Hlimen \halai te hian hmasawnin, changkan lam kan pan hle niin a lang. Hunpui leh puipun nikhua a \halai te chetphung hi khawtlang changkang leh changkang lo hriatna darthlalang lian tak a ni.

PAGE - 2

EDITORIAL :

2014 kumthar ah chuan aw!!!
    Kum 2013 Krismas leh 2014 kumthar lawm leh thlah inkar vel khan engtin nge hun i hman? Heng hunpui a lo thlen chang hian hunpui tuar lo kan ti dawn nge Kohhran rawngbawltu \ha pui pui te leh tleirawl te te a hmei a pa te leh nu valai, pa valai tam tak ten hman nawm (uar) kan duh na lamah Pathian leh kan taksa duh lo zawng, khawtlang leh Kohhran pawhin a duh loh zawng thil\halo- zu etc. tih nan kan lo hmang a ni mai thei e. Chung hun te chu tunah kohkir theih a ni tawh lo. Hla siamtuin, ‘ |ap tapin ka au ding zo silo.’ tiin a hun liam tur a ui thu a lo au chhuah pui reng a ni.
    Tunah chuan kumthar 2014 kum bul kan chuangkai \an leh ta. Kumthar a nih angin ngaihtuahna thar nen aw 2014 chu bul kan \an ang. ‘Bul\an \hat a zahve zo ang’ an ti a ni lawmin kha(h). Kumhlui a kan thil chin \halo leh taksa tan pawha \halo te chu Kum 2014 ah chuan bansan ila, kan thil duhzawng te chu ka tan leh midangte tan malsawmna thlen thei chi lo ni tawh se. Tin, mi chhiatni a chechhuak ve ngai lo ka nih \hin pawhin mite tana malsawmna ni turin chechhuak ve \hin tawh ila; tin, \halai, hriselna pawh nei \ha, tleirawl ka ni emaw tlem a senoir deuh pawh ni ila khawtlanga chhiatna / thihna tawk an lo awm pawh a hrelo der tlat \hin ka nih pawhin ka chungah pawh a lo thleng thei a, ka la tawng ve dawn a ni tih hria in lumen / tlaivar te, thlanlaih te; tin, hmeichhia ka nih pawhin mitthi pual a buhfai leh pawisa khawn sak te thlengin ka tihtur a ni tih hi 2014 kumtharah hi chuan hre tlang tawh ila. He kumthar duhawm tak hian chhinchhiah tlak rah\ha chhungtinah leh khawtlangah min thlen ngei a rinawm. Chuvangin 2014 kumtharah chuan aw !!!!!!!!!!!!! tiin bul i \an tlang ang u.

ZIAKTUTE HUANG :

HLIM HMEL
-Mb Ralte
    Bible lam mithiamten Grik \awng chuan, Hebrai \awng chuan tia an hrilhfiah a, a fiah kuk ang hian Smiling Face (hlim hmel) tia han sawi hian mi \henkhat tan chuan a fiah zawk mahna. Hmel han sawi takah chuan mizo \awng thiam lutuk lo mi pakhat hi mi sualin an lo hnek a. A \hiante chuan, i khawi laiah nge an hnek che tiin an zawt a, a ni chuan ka hmelah min hnek a ti. Hmel tih chu hmai a sawi tumna a ni ang.
    Siamtu Pathian hian mihring hei zozai hmel \hat dan in ang lo tak takin min siam a. Tun hma, tun hnuah pawh nangmah ang chiah chiah tu mah an awm dawn lo a ni. Mi tin hian danglamna kan nei \heuh. Kan danglam bikna \heuhah hian lawm tur, hlim tur kan ni. “ I am a special man” kan ni \heuh.
    Tlangval pakhat pawh darthlalang hmaah incheiin a in en a. A hmelah a lungawi thei ngang lo a, “Hmn, ..., a damin dam phawt ila” a ti a. A ni tak e, kan hlim theih lohna chhan chu kan nihnaah kan lungawi thei lo hi a ni. Mi dangin an neih ve loh kan danglam bikna kan inhmuh thiam a va \ul dawn em! Kan hmel chu eng ang hmel pu pawh nise hlim hmel hian mi a tihmel \ha a, a timawi a, i bula khawsak a tichakawm a ni.
    Chhungkuaahte, kohhranahte, \hianzaahte, hnathawhnaahte hlim hmel nge, tum hmel i lantir tam zawk? Mahni \heuh inenfiah ang. Boss-ten biak ngam loh khawpa tum burte, zing thawh fuh loh vanga tum tlatte kan ni em ? Hei hian lu na, thinchhiat a tizual, hnathawh a tinuam lova a tihrehawm a ni. Hlimna a thlen mawlh lo.
    Kan chan tawkah lungawiin hmasawn zel tum hi hlimna a ni. Ni tin kan ei khawpin chaw min pe ang che tihah hian kan lungawi zo lo. Mi thil awhte, mi dang \ha/ sual bika ngaihnate hian hlimna min dal fo. Khawvelah kan beisei dan ang, kan duh dan angin thil a thleng vek lo tih kan hria a, kan pawm thiam \hin lo. Kan thil tihnaah a \ha ber kan beisei tur a ni a, a chhe ber a lo thlen pawhin kan tuar thei tur a ni.
    Rilru thianghlima thil \ha tih hian hlimna a thlen \hin. Mi itsikna kan nei em? Mi Lawmnaah kan lawmpui thei em? Chhiat an tawhnaah kan tuarpui thei em? Min hawtute kan hmangaih thei em? Lal Isuan engtin nge a tih ang tia kan rilru kan siam zel a tul. Sual tih loh hi thil \ha ti a ni ngawt lo. Lawm nachang an hria emaw hre lo emaw phut let nei lova mi dang tan i nun i hman hian thil \ha ti i ni a, hlimna a thlen ang che. Miin an hriat loh pawhin, i thinur pawhin thil \ha ti zel rawh. Thil tha lo i tih erawh chuan a lo let leh ang a , lungngaihna, inchhiarna a ni ang.
    Taksa thianghlim a pawimawh hle a, kan taksa (kut, ke, ká, ...) tih thianghlim hi kan mawhphurhna a ni. Zuk leh hmuam, ruihtheih thila fihlim a, thianghlim a pawimawh bawk. Kan thawmhnawte, kan chenna inte kan tihthianghlim fo a tul. Mi tu pawh lo kal thut nise zahthlak awm lo turin fel fai tak, thianghlim taka kan enkawl a ngai. I bawlhhlawh paih dan a\ang pawhin mi eng ang nge i nih tih a hriat theih. Thianghlimna hi hriselna a ni a, hlimna thlentu a ni.
    Lal Isua neih hi hlimna a ni. Isua neitute chu an taksa leiah awm rih mah se chatuan nunna an nei a, thih thlamuanna an nei. He leiah hian khual zin mai kan ni tih an hre chiang a, hremhmun hlauhna a awm lo a, an nun pawhin an thih pawhin Krista tan a ni. Hausa leh rethei, tlai leh ril\ama awm dan an thiam a, nun hlimna thuruk an nei.
    Awle, mi itsiknate, mi huatna neihte, thil tha lo tihte hi hlimna min daltu a ni fo. Chan tawkah lungawite, thianghlimnate, Lal Isua neihte hi nun hlimna, hlim hmel kan neih theihna a ni, Pangpar anga hringchan chhung rei loteah hian mahni leh mi dang tan hlimna thlentu ni turin hlim hmel i par chhuahtir ang u. I hlim hmel hian a tihmel \ha zual che a, a timawi zual che a ni.

PAGE - 3

HRIATTIRNA :

Electoral Roll Hearing
    Electoral Roll a hming thunluh dil zawng zawngte January ni 6, 2014 (Thawh\anni) chhun dar 12:00 ah YMA Hall ah Hearing neih tur a ni a. Birth Certificate Original Copy kengin kim taka kal vek tur a ni e.

Sa Rate
    Mizoram sorkar Trade & Commerce chuan Aizawl City Local Council Area a hman turin sa chi hrang hrang man (Rate) a siam thar a. He sa rate hi Aizawl khawpui chhungah thu leh awm hma chuan hman nghal tur a ni ang.
1. Vawksa/kelsa -1 Kg     `    250(aia sanglo)
2. Vawksa rep -700gm    `    250(aia sanglo)
3. Bawngsa (ati)-1 Kg    `    280(aia sanglo)
4. Bawngsa (Aruh)-1 Kg     `    220(aia sanglo)
5. Bawngsa(athin)/ Uisa    -1 Kg `300(aia sanglo)
8. Vawk note(tual vawk)    -    1 No. ` 4000
9. Arsa  -       1Kg          ` 220 (aia sanglo)

                                   Sd/- H.D Lalrinthanga
                     Joint director, Trade & Commerce

Food Licence/ Registration chungchang
    Sorkar laipui chuan India ram pumpui a ei leh in a sumdawng zawng zawngte chu Food Safety and standard Acts, 2006 hnuaiah Registration emaw licence emaw nei vek turin thupek a chhuah a. He danin a huam te chu ei leh in zuartu te, siamchhuak tu te, hotel & restaurant, bakery, nepnawi dawr leh mahni in a siam (Cootage based industries) te an ni. Kumin 2014 , Feb ni 4 hma a licence leh registration neilo te chu kan sumdawnna kalpui khap sak kan nih dawn avangin veng chhung mipui te kan in hriattir a ni e. Bawhzui na hmun:
    Food & drugs Administration Wing,
    Directorate Of Health Services,
    dinthar, Aizawl

            Sd/- Lalhmingliana
            Chairman, Local Council.

Motor Parking
    Local council chuan vengchhung mipui te ngenna leh kan veng kawngpui dung a zim a vang te a ngaihtuahna tamtak a sen hnuah mipui leh veivak te kan lo him a, veng a lo nawm zawk nan tiin Central workshop hmun chu Motor lian Parking na hmun tan a buatsaih a, sum pawh engemaw zat  senral niin  tha tamtak sen a ni bawk. Hetih lai hian Motor lian neitu ten kan la hmang \angkai tawk lo hle a, He parking na hmun siamah hian Motor lian neitu te chu in Motor te dah luh turin kan in ngen nawn leh a. Kan khawtlang hmel a lo mawi a, mipui te kan lo him zawk nan leh veng a lo nawm zual nan thupek hi zawm vek turin kan in hriattir e.

            Sd/- Lalhmingliana
            Chairman, Local Council.

LAWRKHAWM :

Hlimen Education Committee
    Dec. ni 16, 2013 (Thawh\anni) zan Local Council Meeting chuan kan khawtlangin zirna lama hma a sawn lehzual theih nana hmala turin Hlimen Education Committee a din a, a bul \an nana mi 9 a ruat chhuahte chuan Dec. ni 30, 2013 (Thawh\anni) zan khan Committee hmasa ber neiin chanvo insiamna leh committee member ruat belhna an nei.
    Chairman    :    Pu J.Zothanpuia, Member LC
    Vice Chairman    :    Pu N.Zokunga
    Secretary    :    Pu Pakunga
    Members    :    1. Pu C.Lalhmingliana, Member LC
            2. Pu Ro\huama
            3. Pu Duhthusama
            4. Pu Rinngaia
            5. Pu J.Lalhlimpuia
            6. Pu Ch.Lallianzuala
          
            7. Pu C.Lalengzauva
            8. Pi Thannguri
            9. Pi C.Malsawmtluangi (Toki)

    January ni 17, 2014 (Zirtawpni) dar 6:30 Pm hian Local Council Office ah Committee neih leh tur a ni dawn a, Member te kim taka kal turin ngen in ni.

Hlimen Local Council Account Audit thu
    December ni 29, 2012 a\anga Dec. ni 30, 2013 chhung zawnga Hlimen Local Council Accountte chu Dec. ni 30, 2013(thawh\anni) khan Audit a ni a. Heng Account te hi Audit a ni:
1) General Accounts. 2) PPP Mode Accounts. 3) tui Accounts. 4) Watershed Accounts. 5) Motor Parking Accounts
    Hlimen Local Council Accounts hi nikum khan dec. ni 28, 2012 thleng Audit a lo ni tawh a, kha ta Closing Balance a\ang khan tun \uma Audit hi chhunzawm chiah a ni.
    A pumpui a Accounts chu hetiang hi a ni :-
1. Openning Balance    -    `    1,11,852
2. Total receipt    -    `    4,35,110
3. Total expenditure    -    `    5,25,768
4. Closing Expenditure    -    `    21,184
    Hlimen Local Council hian Accounts an vawng felfai tak meuh meuh a, pawl dang te pawh hian entawn ve \heuh nise a duhawm hle.

   Sd/- Duhthusama,                                Sd/- Ro\huama,
    Auditor                                                Auditor
    Hlimen, Dam veng                           Hlimen, Vengthlang

Advertisement :

Min rawn dawr ve teh
    Vawk hrisel  leh thau \ha, ei nuam tawk tak chu thing\ha ngata rep( ur) englai pawhin lei tur kan nei reng e. A tui dan chu min han dawr la, hrilh leh chuan i ngai lovang.
In \hian,
C. Lalhmingmawii
Hlimen vengchhak.
 

PAGE - 4

KEIMAHNI
Hlimkhawpui Budget
    Hlimkhawpui  2013 December  thla Budget  pe tla tawh te:
1.    Kapdaia Sec.    2. Damvea Sec.
3.    Buala Sec.    4. Vawmphunga Sec.
5.     Lalsavunga Sec.    6. Saichhuma Sec.

Branch Executive committee hmasa ber koh a ni
    Jan. ni 7, 2014 (Thawhlehni) zan dar 6:00 hian Hlimen Branch YMA chuan YMA Hall-ah   kumin a Branch Executive Committee te \hutkhawm hmasa ber a ko va, Committee member atana ruat thar te kal \heuh tur a ngen kan ni a, He hunah hian thurel tur pawimawh tak tak, kumin a kal chhoh dan tur te rel a ni ang.

Branch YMA Committee ruat  thar
    Hlimen Branch YMA Office Bearer Meeting hmasa ber chuan kum 2014 chhunga Branch Committee member tur heng a hnuaia tarlante hi a la thar :-
Buala Sec :
1. Tv. R.Lalrindika    2. Tv. J.Vanlalbiakdika
3. Tv. Lalkhawmawia    4. Pu Zoramhmangaiha
5.  Pu Lalvulliana    6. Tv. Laltlanhlua
7.  Pu Lal\anpuia

Damvea  Sec :
1. Pu F.Zosangzuala    2. Pu R.Lalbiakmawia
3. Pu Lawmtluanga

Lalsavunga Sec.:
1. Pu Lal\anzuala    2. Pu Lalremmawia
3. Tv. Samson Lalrinfela

Kapdaia Sec.:
1. Pu Rinchhana    2. Pu Lalchhankima
3. Pu Lalchhantluanga    4. Tv. Lalthlengliana
5. Nl. Lallawmzuali

Saichhuma Sec.:
1. Pu R. Zoliana    2. Pu Vanlalliana
3. Nl. Lalroliani

Vawmphunga Sec.:
1. Pu Lalhmunsiama    2. Pu Nl. Zochuanpuii
3. Nl. Lallawmkimi    4. Pu Zairemthanga
5. Pu Zolianchhunga    6. Pu Lalremthanga

Advisers:
1. Pu Duhthusama    2. Pu Pu Pakunga

Ex- Officio.:
1. Pu R. Lalngheta     2. Pu Lalhmingliana LC

YMA bungrua
    Hlimen Branch YMA leh Section tin te bungrua- \hutthleng etc. mimal emaw chhungkua in kawl kan awm niin a langa, a rang lama a dahna hmun a dah fel vek turin kan in ngen a; tin, Section te pawhin Section dang bungrau kan kawl a nih pawhin in hriattir tawn zung zung ila a \ha ange. 

CHHIARTUTE NGAIHDAN :

@@    Mualzawl a\anga  Hlimen MUP Unit  in(House) vet kual kawng hi two wheeller tal a awlsam taka kal theih a siam dan awm se ka va ti ve, chhiatni \hatni ah |helretkawng panna kawng dan chhah ngaih chang a awm ta fo a , mi kan pung  ve zel nen, a buaithlak \an riau mai. A ngaihna hria ten hma han la teh u. Mihring-Able ringawt hi chu a fuh ber tawh lo.
                                - Lam ang leta

@@    Kum kalta lam a Local Council ten ran khuahkhirh chungchanga an thu pass Information mike-ah pawh an puan \hin Ui, Ar etc. khuahkhirhna dan kha hlih a ni tawh em ni? Tunlai chu tuikuk khua an sawi ang maiin ui cho tuallaia vak sup sup hmuh tur a va tam em. Veng a ti \hing lutuk. Ran khuahkhirh loh te hi vawikhat manah ` 500 chawi tir a, a man tu pek zel nise. Veng \hing lutuk tur hi a nep deuh mai lo maw?

        - Veng changkang nih duh em em tu.

Lawrkhawm chhunzawmna...

Lawmthu sawina leh ngenna
    Kan hriat \heuh angin vengchhung kawngpui leh veng inkalpawhna kawngte hi a zimin a \ha lo em em a, hemi chungchangah hian Local Council chuan Sorkar ah Work Proposal te siamin hmalak a ni a.Tunah hian vengchhak kawng siam mek niin High School veng panna kawng pawh MP (Lok Sabha) Fund a\angin MHIP ten \ha takin laih zauh a ni bawk a, field panna kawng leh vengthlang kawng (UPC Biak In bul) te pawh laih/siam a lo ni tawh bawk a. Heng kawng siamtute chungah hian Local Council chuan lawmthu a sawi tak meuh meuh a ni. Kan kawngte hi tun a\anga mutmawh hnarmawhah kan neih loh chuan veng nuam/hmasawn tak ni tur hian kan tlai thei a ni tih hriain kan kawngpui leh vengchhung inkalpawhna kawngte zauh/chei/siambelh tur hian \an ila sauh sauh ang u. Hlimen veng siam\hat/chei hi a chhunga chengte mawhphurhna a ni.
    Tunah hian Mualzawl a\anga kawng pahnih leh Lamkhuang bukpui hnuai a\anga kawng pheite infin khawmna |HELRETKAWN chu THLAN engemaw zat a awm avangin a zim hle a, hei pawh hi nakin lawkah chuan kan tu leh fa ten hnawk tiin harsatna an la tawk dawn tih hriain Local Council chuan helai hmuna thlan neitute (chhungkua) hnenah sawn dilna siamin hmalak a ni a. Helai hmuna thlan (chhinchhiahna neite) neitu chhungkua; Darchhunga Family Welfare te, RK Family Welfare te, Pu Lianhnuna(L) chhungte, Pu Denghluma(L) chhungte (SKK) ten sawn phalna min pe hi Local Council chuan lawmawm a tiin veng hmangaihna/hmasawn duhna avanga thlahtute; nu leh pa, u leh naute thlan hial pawh sawn phaltute chhungkaw chungah hian Local Council chuan lawmthu kan sawi tak meuh meuhin an entawntlak kan ti hle a ni.
    Tun a\anga reilo tê ah hian hna hi thawh\an tum a ni a, helai hnathawhna tur hian sorkar a\angin emaw hmun dang a\angin emaw sum hmuh a ni lova, vengchhung \anrualna a\anga thawh tum a ni a, mitin te \awiawm turin Local Council chuan kan sawm a ni. Sorkar a chet loh chuan hmasawn thei lo, che thei lova kan inngaihna hi dah\hain Hlimkhawpui tan hian ngaihtuahna leh tha i pe ang u.
Local Council : Hlimen , Aizawl Mizoram