Vâu Thla Ni 1, 2014.. Issue No. 9

PAGE - 1

TUALCHHUNG :

Damlo: Lalhruaizela(Kum-6) S/o Kawlkhumi, Buala Sec. a mi chu a ril tla fual  Feb. ni 27, 2014(Ningani) khan Civil Hospital-ah zai niin tunah hian inlamah enkawl mek a ni.

Nau nei thar: Pu Lal\hakima(A\ha-a) leh Pi Vanlalhruaii te nupa, Buala Sec.  a mi te chuan  Falkawn Referal Hospital-ah Feb. ni 21, 2014 khan an fa 3-na atan fapa duhawm tak an nei thar.

Vaccine pe: Feb. ni 26, 2014 khan Health Worker tranning lai mi 6 te leh Anganwadi worker ten IPPI vaccine pein hun an rawn hmang.

Gen. Confe. hmang: Feb. ni 27, 2014 khan Khawzawl a K|P Gen. Conference Vawi-55-na hmang turin Hlimen Presbyterian kohhran hrang hranga a K|P member engemawzat an kal a, inkhawpui hi March ni 2, 2014 zanah a \iak ang.
    He inkhawpui-ah hian K|P Diamond Jubillee lawm nghal a ni bawk.

Hlimen ah rawn pem: Tv. Vanlalhruaia chu Tlangnuam West a\anga rawn pemin Kapdaia Sec. ah a awm a ni. Tin, Pu Kaphleia te chhungkua pawh Khawzawl Zaingen veng a\anga rawn pemin Damvea Sec. ah Pu Zaikunga te inah an awm bawk.
    Heng mite hian Hlimen Branch YMA ah pem dilna lehkha thehlutin Committee chuan a phalsak a ni.

Misualin tichhia: Local Council, Hlimen ten venglai kawna bawlhhlawh bawm \hatak mai an hun chu Feb. ni 2014(ningani) zan khan misual tu ten emaw an hal chhia a. Hemi zan vek hian kawngpuiah Road Block te siam in veng an ti\awp hle.
    Tu tenge an nih zawn hna thawh mek a ni.
 

FRONT :

BRANCH Y.M.A. COMMITTEE THUCHHUAK
   
    February ni 25,2014 (Thawhlehni) zan khan YMA Hall-ah Hlimen Branch YMA Exe. Committee vawi-2 na neih a ni a, hemi hunah thurel pawimawh zualte chu hengte hi a ni e :-
   
1. Branch Day chung chang : March ni 30, 2014 hi Hlimen Branch YMA dincham vawi 68-na a ni a, hemi ni hi Pathiani a nih avangin March ni 22, 2014 (Inrinni) zingkar hian Section hrang hrangte mahni Section ah \heuh naupangte nen khawlai dung tifaia hnatlang neih tur a ni ang. O.B. te hetiang hian an kalna tur ruahman a ni :-
    Pu Vanlaltluanga, President    -    Vawmphunga Sec. ah
    Pu Robuanga, V.President    -    Buala Sec. ah
    Tv. R.Lalawmpuia, Secy.    -    Lalsavunga Sec. ah
    Pu Lalrinmawia, Asst.Secy.    -    Saichhuma Sec. ah
    Pu Lalhmuchhuaka, Trea.    -    Damvea Sec. ah
    Pu Lalthantluanga, Fin.Secy.    -    Kapdaia Sec.-ah
   
2. Bawlhhlawh paih chung chang : Quarry kawng thlang lama veng dang a\anga leivung leh bawlhhlawh an rawn paih \hin hi Committee chuan \ha a ti lova, phal loh a nih thu leh ti tawh lo tura hriattirna Cable TV - LPS & ZONET ah te chhuah nise tih a ni.
   
3. MPF member tur ruatna : MPF Local Forum, Hlimen a\anga MPF Local Forum Committee member pahnih (2) inruat tura an rawn tih angin Pu Vanlaltluanga, President leh Tv. R.Lalawmpuia, Secretary te ruat an ni.
   
4. Chapchar Kut chung chang : CYMA Gen.Secretary hnen a\anga Chapchar Kut March ni 7, 2014 (Zirtawpni) hman tura hnam lam hrang hrangte entir tura lehkha hmuh chu tihhlawhtlin ngei nise tih a ni a, mawhphur turin hengmite hi ruat an ni :- 1) Pu Lalthantluanga, 2) Pu R.Lalbiakmawia, 3) Pu Lalrinchhana, 4) Tv. John Lalhunhlua
   
5. Kapdaia Sec. a\anga lehkha hmuh : Kapdaia Section a\angin an Section huamchhunga Ruihhlo (zu) lo hluar leh ta te, vengdang mi leh vai zurui chung changahte a theih ang anga hmalaksak tur leh JAC te chak zawka hma la tura ngensak turin lehkha hmuh a ni a. Local Council leh J.A.C. ah te lehkha thehlutin hma la tura ngen nise tih a ni. 
- Phek 4 na-ah chhunzawm a ni

PAGE - 2

EDITORIAL :

I LO CHHIAR VE THIN EM
    Hlimkhawpui Weekly news Letter-a chhuak \hin hi tualchhunga thil thleng leh thu a chhia a \ha tarchhuahna, khawtlang tana pawimawh hriat atana \ul leh \ha mai bakah infuh ngai te fuihna thu leh chawimawi phu te chawimawina leh fakna thu te tarchhuah a ni \hin a. Tualchhunga laina, chhungkhatte chanchin a chhia a \ha kan inhriat tawn zung zung theih nan tiin Eitorial Board te chuan zan rei tak tak an buaipui \hin asin.  
    Mahni Chenna veng/khua ni ve si; tualchhung chanchin hria loh lutuk te hi bengvar lo, mawl nih hlawhna chikhat a tling hrim hrim. Mawl leh bengvarlo nih hlawh i duh loh chuan he chanchinbu hi uluk takin lo chhiar \hin la, mi changkang, bengvar thil hria(Fing) nih i lo hlawh dawn nia.Vawikhat chu Office pakhatah hian ka leng a, Hlimen pa pakhat hi a lo leng lut ve a, a in chei dan ah chuan a vengvat hmel hle a; ka lenna Office a an hotupa chuan ‘tunge i nih, khawi a\angin nge i lo kal?’ tiin a zawt a, Hlimen a\anga lokal a nih leh an veng a nih thu te a sawi a, Office a an hotupa chuan Hlimen-a a hriat duh thil- khawtlang hruaitu te leh YMA etc hruaitu te azawt a, hriat a lawi pawh a lo nei hauh lo mai a, azawt tu chuan a inchei dan nen chuan a in millo a tiin mak ti awm takin a enzui vang vang mai a.
    Chuta ka rilru a lo lang ta ber chu Hlimkkhawpui chanchinbu hi a chhiar ve ngai lo anga engmah tualchhung chanchin hi a hre ve lo a nih hi ka ti a. Hlimkhawpui chanchinbu ngaihthaha chhiar ngai lo nih chu thil hre lo, bengvarlo nih hlawh ava awl dawn em te ka ti a.
Nang Hlimkhawpui hi i lo chhiar ve \hin em?  

ZIAKTUTE HUANG :

 CHHINCHHIAHNA
–Piangtura Pa
     Statue of Liberty mithhla chuan New York a lang nghal a, Mosia tih hming kan lam chuan tuipui sen kan a, ram tiam a a mite hruaitu, hruaitu ropui a lo lang nghal \hin. A chhe zawng pawhin engemaw sawi a, engemaw lo lang a awm \hin. Iraq tih chuan Saddam Hussein a lo lang a, PLO vanglai pawh khan  Arafat a lo lang nghal bawk \hin a ni kha. Nero leh Kristian tihduhdah kan kha a inzawm a, Idimin Ali leh French thawhna Hijack a Israel mi te hren bik thlengin.
    Awle, i chanchin an sawiin an sawi tel ve zel \hin ang le.  Hlimen an sawiin enge lo lang tel ve ziah \hin ang-  Aug. ni 9, 1992 a Quarry a chim vak mai kha emni lo lang \hin ta ringawt ang aw tih hi chhut tham tak a ni. Mite hian kan riltu puthmang leh hawiher hi an lo chik em em \hin a. Mi pangai leh vantlang tak ni a kan in hria a nih chuan mite keimahni  hmuh emaw kan chungchang an sawi emaw a nih chuan engemaw a lo alang lo thei lo \hin.  Hlimen khawtlang tan a \ha zawng in nge a chhe zawng a chhinchhiahna siamtu kan nih nih hi in chhut nagi tak a ni. Changkan na leh tunlai na in min tuam mek zel. Chutih rualin, kan veng/khua in hmasawnna kawng a zawh hi a la beitham viau na a, a kal ve hret hret chu a nih hi. vengchhung hmasawnna tur atan a tunlaiin vengchhungah hnathawh hrang hrang a awm ve mek a. he tah pawh hian a chhe zawnga hriat reng tur nge i hnutchhiah dawn a \ha lam hawi zawk le?
    Engpawh nisela, nang leh kei chu Hlimen tan hian chhinchhiahna kan ni meuh mai. Mite hriat lar duh vang emaw, ham\hatna beisei let vang chauh nilo, veng hmangaihna leh inpekna thuk tak nena ke i pen chuan Hlimen tan hian Pa i ni  thei a, i thil tih avangin Hlimen hian a theihnghilh tawh ngai lo thei che asin.
    Chhut tur tam tak a awm awm e. Thil engpawh hi awmze nei leh ruahmanna \ha a awm chuan a hlawhtling chawk a, phur vang leh thatho na satliah vang ngawt a bawk ruak ruak hi a tir lamah \ha angin lang \hin mahsa, a zuih ral duh khawp mai. Chuchuan kan tih\hat sa a vaw chhe mai nilovin ngaiawh leh turapawh a bei fe hnuah pawh hlawhchhamna lama min hnuk lut thei tu a la ni cheu tho mai.
    India ramah chuan Rangkachak hi mi hausa ten chhinchhiahna chikhat atan an hmang a, khawthlang lam Develope Country te chuan tu lemziak emaw neih  chu an neih tihlan nan an hmang ang hian chhinchhiahna hi kawngkhat chauh a awm lova, chutih rualin chhinchhiahna rintlak leh awhawm reng reng chu a hmutu tan ringawt pawh a ropui thei hle \hin.
    Nang leh kei hi Hlimkhawpui tan chhinchhiahna \ha mi kan ni thei a,  kan tu leh fa zel te tan thil\ha t tu tih chhinchhiahna i pu ang u. 

PAGE - 3

HRIATTIRNA :

Local council hriattirna
    Quarry kawng thlanga leivung paih, kawng thlang a paih liam vek si loh, vantlang kalna kawng dipdal a in chhek a awm a, a paihtu in kawng thlang a paih/nawr liam leh turin kan in hriattir e.
    Tin, tunlaiin PPP Mode Jan.- Feb. 2014 Fee khawn mek a ni a, chhungtin ten lo ngaipawimawh a, pe vek turin kan in ngen a. A fee pe duh lo emaw pe lo te chuan Local Council a\anga recomment na chi reng reng engmah beisei theih a ni lovang. Recomment duh te chuan PPP Mode fee pekna Reciept hnuhnung ber ken tel zel tur a ni.
    Nikum lamah leh he chanchinbu kaltlang a kan thuchhuah kan siam \hin zawm a, Vengchhung a Ar vulhtu (Thlanamual veng-a mi) ten  a theih ang ang a khawtlang tan a nih hria a, an inseng hawi avangin khawtlang aiawhin lawmthu kan sawi tak meuh meuh a ni. Tin, khawchhunga ar vulhtu dang te pawh nikum lama thuchhuah a nih angin kumin chhung ngeia vantlang tana rimchhia leh hnawksak zawk loh na hmuna, a vulhna hmun sawn vek turin kan in hriattir nawn leh e.
    Pu Vanlalhruaia Contructor- Vengchhak panna kawng siamtu chuan tuna |helretkawn kawng zauh mek a hman tur lung (Cubic) lei nan ` 5,500 lai min pe a, a chungah lawmthu kan sawi takzet  ani.
Sd/ Lalhmingliana,
Chairman Local Council

Mobile phone chhar
    Mobil Phone chhar a ni a, a neitu zawnchhuah mai a harsat avangin a tibo chuan a awmdan leh a nihphung te chiang taka sawiin Pu Lalrinchhana Kapdaia Section Ph. No 9612435939-ah lam theih a ni e.

Awmna chin hre lo
    YMA kuang siamna hmanrua - Ara leh Tuboh tê a awmna chin hriat a ni lova, lo la emaw lo kawl \ha kan awm a nih chuan arang lama dah leh tura ngen leh hriattir kan ni e.

Village Level NLUP  Committee din
    Village Level Nlup Committee din a ni a, heng a hnuai a mi te hi hruaitu te an ni.
    Chairman    :    Pu Laldailova
    Secretary    :    Pu R. Lalneihthanga
    Tin, Member mi 9 an in ruatchhuak bawk.

LAWRKHAWM :

Charge inhlan leh ruat thar
    Feb. ni 27, 2014 khan Pu N. Zoliansanga te in, Saichhuma Sec-ah Hlimen G&SA hruaitu ten charge inhlanna chawhlui kilho na an nei a, chawhlui hi Pu F. Zosangzualan a buatsaih sak a ni.
    Tin, hemi ni hian Pro. Secy Pu Lawmtluanga chuan a post chelhah harsatna aneih avangin Tv. Lalmuanawma Asst. Secy nen an post an in thleng a. Tin, Adviser atan Pu R. Lal\anpui buala Sec, Pu Lalkunga Saichhuma leh Pu Vanlalhruaia, Vice Chairman Local Council te an ruat thar bawk.

RAY Seminar nei
    Feb. ni 25, 2014 khan Kulikawn YMA Hall-ah Rajiv Awas Yojana chungchangah Seminar neih a ni a, kan veng a\ang pawhin Pu Lalhmingliana Local Council Chairman, Pu Pachhunga Member LC leh Pu C. Lalhmingliana te an kal a. Tin, YMA aiawh in Pu Lalrinmawia Asst Secy. leh Pu Robuanga V. Pre  te an kal a. MHIP aiawhin Pi Zonunkimi Pre. Pi Thansangi V. Pre., Pi |anpuii Tre. leh Pi Lalzawni Secy te an kal bawk a ni.
    RAY chuan tun \anga kum 10-15 chung hian  India ram hi Slum (Mirethei chenna bik area) awm lohna rama siam a tum a ni.  Sorkarin Slum area tia a puan chu mihring chenna in 10 -15 awm khawmna hmun, inthiarna awm mumal lo, \awphnawk luanralna \ha neilo leh vantlang mamawh tinreng ban phak a a awmlohna hmun hi a ni.

HBC lawmthu
    Hlimen Badminton Club ten a sumtuak nana kan sangah zawrh tlawmngai a min leisaktu zawng zawngte chungah lawmthu kan sawi tak zet zet a. In zarah Badminton tlayer te nuam zawkin kan inkhel thei dawn a ni.
    Sd/- Secretary
    Hlimen Badminton Club

Ui vulh fimkhur ngai
    Tunlaiin ui vulh tu ten kan chuah zalen leh \an ta hle mai a, mi pawi a khawih sawi tur a tam \an hle ta hle. Kar kalta mai pawh khan Vawmphunga Section mipa naupang pakhat pawh a seh a. Sum tamtakseng a Jection a ni a, kan ui vulh ten mi a seh pilh a nih chuan Jection na leh a enkawlna hi ui neitu te tum zel a \ha hle. Ran(Ui) khuahkhirh loh khawlai a vak mai mai ten mi kut an lo tuar a nih pawhin  Dan dinglai khauh tak  (DC Order) chhuah a nih avangin a neitu ten thu buai hla buai ah lak theih a ni lo tih hria il, kan vulh duh a nih pawhin khuahkhirh a \ha hle. Mi tin ten changkan lam panin kan ran vulh dan duhdah avang hian hian kan khawtlang hmai a bal thei tih i hria ang u.

Lawmthu sawi na
    Thla tluan a ka hnathawh hlawh ` 4,000 bawr vel chu venglai velah ka tibo daih mai a; mangang taka chungkua kan awm laiin Pu Lalremthanga, Vawmphunga Sec a mi chuan lo chharin a neitu diktak hnenah hlan leh ngei tumin hma a la a.Hlimkhawpui chanchinbu ah te tihchhuah a ni a, hetiang a mi rinawm Hlimen in kan nei hi kan va chuang in kan va lawm em..

Sd/-C. Remsanga, Hlimen vengchhak.

PAGE - 4

KEIMAHNI
Hlimkhawpui Budget
    Hlimkhawpui  2014 Febuary  thla Budget  pe tla tawh te:
1.    Damvea Sec.    2. Saichhuma Sec.
3.    Lalsavunga Sec.    4. Kapdaia Sec.
5.    Buala Sec.
    Saichhuma Sec. te hian June thla thleng Budget an tlak tawh bawk.

Saichhuma Section
    Feb. ni 22, 2014 (Inrinni) khan Saichhuma Sec. YMA te chuan Section huamchhunga Site Drain tifaiin nileng hnatlang an nei a, hnatlang a thawkchhuak member te chungah leh ei leh in tumsaktu Pu Rozuala, Pu Biakthanga, Pi Siamliani, Pu Hmingthana te  chungah Section hruaitu ten lawmthu an sawi.
    Tin, venglai tui-pump a insu \hin ten Surf leh thawmhnaw chhia leh thildang paih mai mai lo turin Section hruaitu ten an ngen bawk a ni.

Buala Section
    Feb. ni 24, 2014(Thawhtanni) khan sumtuak hnatlang neiin Mauhakkawn kawng laih mekah hnatlang neih ni a, member 34 kan thawkchhuak a, inhlawhna siam saktu Pu Malsawma te chhungkaw chungah te, Pu Lalhmingliana, Chairman Local Council in a JCB a thlawn a min hmantir avang te; tin, Pi Zazawni te chhungkua in kan ei leh in siamna tur atan an in leh tui, engkim mai phal taka min hmantir avang te leh Pi Chhu\huami ten an huana a lei/thing kung kan tihtlak palh te pawh engmah sawi buai miah lova min hriatthiam avang te in lawmthu kan sawi takzet zet a ni.
    Tin, Feb. ni 22, 2014(Inrinni) zingkar khan vengchhung tihfai hnatlang neih a ni bawk a, member  32 vel thawkchhuakin  veng inkalpawhna kawng dung phiahfai a ni. Heng sumtuak hnatlang leh vengchhung tifaia thawhchhuak member zawng te chungah hruaitu ten lawmthu kan sawi tak meuh meuh a ni.
Sd/- Secretary

Chhiatni Fund khawn dawn
    Chhiatni Fund khawn tum mek a ni a, chhungtin te thawh tur zat bituk chu lehkha a la in hriattir tur a ni a, a khawntu te an lo kal  huna lo pe thei ngei turin lo inring lawk turin kan in hriattir e. Tin, chhiatni fund hi kumtina khawn tawh tur a ruahman a nih avangin chhungtin te tana na lo thei ang ber a tuk kan ni a, April ni 15, 2014 ral hmaa pek kim vek tur a ni tih kan in hriattir e.

Lam zir mek
    Kum 2014 Chapchar kut lawm nana CYMA in City Branch tin te Mizo hnam lam entir tur a min beisei -cheraw, solakia leh chai te chu tunlai hian YMA Hall-ah zir mek a ni a, Hall bul hnai a awm te tan phei chuan thawm a ringin a ninawm te pawh a ni  thei a, lo hrethiam hram hram turin kan in ngen e.
    

Keimahin chhunzawmna....
Kapdaia Section
    Section sumtuak nan Apron zawrh mek a ni a, tlawmngai a min lo leisak turin veng mipui te kan in ngen a,; tin, tlawmngaia min lo lei sak tawh tu zawng zawng te chungah lawmthu kan sawi bawk.
Sd/- Secretary

Phekhma chhunzawmna....
6. Hall hnuai dawr tê chung chang : YMA Hall hnuai dawr tê; Local Council hmalakna a Electric Bill pekna hmun tura siam; hman leh tak loh hi kuang siamsa leh tawlailir (mitthi kuang nawrna) dahna atana Branch YMA in a dilna chu Local Council ten an remtih avangin Committe chuan lawmawm a ti takzet a. Electric Bill pekna emaw ATM atan emaw a aremchang thei dawn a nih chuan hmantir leh mai tur a ni ang.

7. Thlanlung sawn chung chang : Thlanmual -I (|helretkawn) kawng zauh meka thlanlung \henkhat sawn ngai awm chu March ni 1, 2014 (Inrinni) zingkar hian Branch Committee leh Section O.B. ten hnatlanga dahsawn nise tih a ni.

8. Section intihhlim chung chang : Section hrang hrangte veng pawn lama intihhlimna an neih \hin hi khap a tih tawh loh nise tih chu tun dinhmun atan chuan la khap kher loh nise, intihhlimna nei duh an awm a nih chuan Branch ah dilna thlen nise, a \ul anga ngaihtuah \hin nise tih a ni.

ADVERTISEMENT..

Admission Open for the Session (2014-2015)
    Solomon’s High School Upper khatla, Aizawl a awm \hin chu remchan zawkan avangin Pu Ranga Building Kulikawn ah kan insawn a, Session thar (2014-2015) atan Cl-VII to Cl- X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian I fate rawn dah ve rawh le, Mathematics leh science subject a harsatna neite leh sports a tui te duhsak bik an ni ang. Hostel a awm nghal bawk e.

    Contact :     1. 9774630781   
        2. 8014442431
        3. 8014389494   
                     HC. THAWNGA
    (7-3)                  Top Ten Math Tutor

ARSA THIANGHLIM
    Venglai kawn- Pu Vanrothanga dawr lane-ah Arsa puahsa thinghlim tak ; engtik lai pawh a lei tur ka nei reng e.  Tin, A rep duh tan pawh ka la nei cheu asin. Arsa hrisel, thiang hlim tak i duh chuan min rawn dawr ve ta che.
                       Chhankima
                            Contact No : 9862374695

Vaihlo tui ......... Vaihlo tui
    Vaihlo tui duh tan a man tlawm leh to chi pawh ka kawl reng e. Min han dawr ve te u.

In \hian,
Pi Rinmawii, Hlimen Damveng
Contact No. : 9862815660

Ramtuk thla Ni 22, 2014.. Issue No. 8

PAGE - 1

TUALCHHUNG :

Hlamzuih: Pu Zomuanpuia leh Pi Lalremruati te nupa Buala Section a mi te fapa Jacob Lalruatfela thlakhat leh a chanve mi chu Feb. ni 19, 2014(Nilaini) khan a boral a, hemi ni vek hian vui liam a ni.
    An lawina Presbyterian kohhran chuan Hlamzuih hi a tibo tawh a, kohhranin mitthi a vui dan pangngai angin a kalpui a ni. Chutihrualin YMA chuan mi a pian a\anga ni 90 aia naupang a nih a boral a nih chuan Hlamzuih angin ala kalpui a ni.

YMA in ral: Pi Lalsawmliani W/o Rokima (L) Saichhuma Sec. a mi chu Feb. ni 16, 2014(Pathianni) zan khan YMA chuan ralna hun a hmang a, Ralna tlingkhawm ` 4820 chu a fate hnenah an hlan a, hemi zan vek hian a tuamna puan pahnih chu a faten YMA ah a \ul na apianga hman turin an hlan bawk a ni.

Tuak thar: Feb. ni 20, 2014(Ningani) khan  Lalrinkima S/o Lalkamlova (L) leh Kawlkhumi D/o Vanlalchhunga Buala Sec. a mi te ve ve chu kumtluanga nupa ni turin an innei.

PPP Mode fee khawn dawn: Jan. -Feb 2014 atana bawlhhlawh paih man (User charge) chu Feb. ni 24, 2014(Thawh\anni) a\ang hian khawn tum a ni a, chhungtin ten ngai pawimawh vek ila a\ha ang e.

Chowkidar duh: Hlimen Presbyterian kohhran chuan kohhran Chowkidar thawk tur an duh a, a dil duh chuan Feb. thla chhungin a dil theih a, Hlawh ` 6000 a nih thu hriat a ni.

Khawmpui hmang: UPC (NEI) LAD Tlangnuam Bial khawmpui chu Hlimen UPC kohhranah Feb. ni 21, 2014 khan hman \an niin Feb. ni 23, 2014 (Pathianni) zanah a \iak ang.

Vengchhung hnathawh: AMC hnuaia Step rem Pu Vanlalchhunga in bul a\anga \helretkawn kawng panchhohna chu thawh zawh a ni ta. Tin,  |helretkawn zauh hna Local Council ten an thawh chu a kawng chhuat pawh RCC in an chhung zo ta bawk.

FRONT :

Y.M.A. MEMBERSHIP FEE KHAWN ZAWH A NI TA
   
    Hlimen Branch YMA in Section tinah YMA Membership fee a khawn chu zawh a ni ta a. Hengtiang hi Hlimen Branch YMA hnuai a Section tina Member dinhmun a ni e:-

1. Buala Section :
    Mipa    :    154    Hmeichhia    :    145
    Total    :    299
    Buala Section ah hian kum 2013 ah Member 345 an awm a ni.

2. Damvea Section :
    Mipa    :    182    Hmeichhia    :    145
    Total    :    327
    Damvea Section ah hian kum 2013 ah Member 300 an awm a ni.

3. Kapdaia Section :
    Mipa    :    183    Hmeichhia    :    181
    Total    :    364
    Kapdaia Section ah hian kum 2013 ah Member 400 an awm a ni.

4. Lalsavunga Section :
    Mipa    :    60    Hmeichhia    :    42
    Total    :    102
    Lalsavunga Section ah hian kum 2013 ah Member 97 an awm a ni.

5. Saichhuma Section :
    Mipa    :    172    Hmeichhia    :    152
    Total    :    324
    Saichhuma Section ah hian kum 2013 ah Member 306 an awm a ni.

6. Vawmphunga Section :
    Mipa    :    95    Hmeichhia    :    87
    Total    :    182
    Vawmphunga Section ah hian kum 2013 ah Member 162 an awm a ni.

    Tichuan YMA Member mipa 844 leh hmeichhia 752 awmin kan vaiin Member 1596 kan awm a ni.
    Tin, kum 2013 khan Member 1610 kan awm a, kan kiamna hi 14 a ni.

PAGE - 2

EDITORIAL :

I INHRIA EM, TUNGE I NIH?
    Khawvel a mihring lo piang chhuak tawh phawt chu upa in thing delh loh lung delh loh chu an lo puitling mai \hin an ti a, chung mite chuan pawimawhna kan nei \heuh a. Kan pawimawhna erawh a inang lovin a in chen lo thluah a ni. Mi\henkhat ram leh hnam tana pawimawh an nih laiin khawtlang leh mahni chhungkua a pawimawh engemawzat kan ni bawk. Mi tin mai hian tunge ka nih a, enga tan nge pawimawh na ka neih, mahni in hriatchian hi ram leh hnam, khawtlang leh chhungkua in a mamawh a. Chung atan chuan tunge i nih a enge i nih ve?
    Nihna hriat loh i ram leh hnam, khawtlang tan mi hnawksak, mawl leh sual nihna a tling hial a ni. Kohhran a hruaitu i nih chuan kohhran ho thiltihna a piangah kohhran  member te chuan hruaitu i nihna angin i hnung zui an tum \hin. Zui tura an hmuh loh fo che chuan hruaitu mawl leh sual, hnawksak nih i hlawh mai ang. Chutiang bawkin YMA hruaitu i nih pawhin YMA chetchhuahna tur ang chi, entirnan- Khawtlanga chhiattawk an awmin thlanlaihna hmunah emaw tlaivarna hmunah emaw; tin, khawhar ina zaikhawmna hmunah  emaw te hian member te chuan \awng lovin an mit in an zawng ru reng \hin che tih hriat a \ha. An hmuh loh fo hruaitu i nih chuan mahni nihna hre lo hruaitu mawl leh hnawksak nih i hlawh ngei ang.
    Tin, hotu tih te, hruaitu tih te hi thliar thiam a \ul hle. Kohhran leh Association hrang hrang hruaitu an thlang \hin a, sipai lam ve thung chuan Hotu an nei thunga, chhungkua pawhin hotu an nei. Chhungkaw hotu chuan chhungkaw tana \ha turin ro a rel a, hnathawh dan tur a rel fel sak \hin. Chutiang bawkin, ram leh hnam a roreltu pawhin ram leh hnam tana \ha turin ro a rel a hna a siam sak mai \hin. Tunge ka nih, tunge i nih mahni \heuh in zawt chungin chhanna dik pek \heuh nise kan va changkang dawn em. 

ZIAKTUTE HUANG :

  KUM 2 HMEL KAN LO HMU VE TA RENG MAI

 (23rd Feb. 2012 to 23rd Feb. 2014)
–Lalhmingliana, Chairman. Local Council
    Hlimkhawpui a chengte duhsakna in kum 2012 Local Council Member thlannaah thlan tlin ka lo ni ve a ! Hun te ni te a ral zel a, Pathian venna leh kaihhruaina  zarah kum 2 kan lo hmang ral chu a ni ve ta reng mai!!
    Thusawi thiam mi ka ni lo a, thu leh hla ziak thiam mi lah ka ni hek lo. Engmi nge ka nih ang aw...? tih hi ka in zawhna a ni \hin.. Mumang lamah pawh ka la man ngai loh leh a tum pawh ka la tum chhin ngailo, ka chungah a thleng ta tlat mai !! Member te duhsakna in ka phu loh Local Council Chairman hna chu min bel ta mai si a, hruaitu hna chu tling lo takin kum hnih chu ka lo hruai ve ta a, a hming a hruaitu hna tling lo taka ka thawh tawh naah hian khawtlang mipui te, NGO leh Political Party hrang hrang te pawi kei leh ka thawhpui te hian kan lo sawi palh emaw, in mi duh khawp kan tlin lohnaah in mi hriatthiamna leh ngaihdamna ka dil a. Hetih rual hian ka thawhpui te an fel a, thurawn \ha tak tak min pek bakah min puihna (Support) ka dawng \ha a, an chungah lawmthu ka sawi tak meuh meuh a ni. Dam te a kan awm zel te a nih chuan kum khat hun kan la neihah hian NGO leh Political Party te leh mipuiten Hlimen hmasawnna turah in mi finchhuahna kan la mamawh dawn a ni.
    Awle, a tawp ber atan chuan 8th Jan. 2014 a chatuan ram min pansan ta; ka thawhpui, Pu Zohmingthanga kha thusawi thiam mi  leh  ziak thiam mi a ni bik lo tih ka hria a; amaherawhchu, a vei ber chu Hlimen khua hmel tih danglam, hmasawn chakna leh a chhunga cheng mek te inlungrual hia a duh ber a ni.  Ka ngaihzia thu hetiang hian khawtlang mipuite hriatah ka han tarlang e:
“ Tunah Pu Zohming, kan zingah awm tawh lo mahla, Hlimkhawpui hmasawnna tura kan vei leh duh te kha i thawhpui te hian kan theih na sang ber hlan zel in, a hlawhtlin ngei na turin ruahmanna leh thawhrimna hmang ngeiin kan rawn bawhzui zel ang. 
MANG|HA AW.....”

ADVERTISEMENT....

Rokunga Rimawi Run( Music zirna)
(Free admission)
    3rd March 2014 a\angin Keyboard, Guiter, Drums, Vocals zirna zing dar 6:00 a\angin zan dar 6:00 chhung hawn a ni dawn a. Zir duh tan Feb. 2014 chhungin Admission a tih theih dawn a, Admission Fee a awm lovang.  Monthly chu hetiang hi a ni:
    Church Music leh Keyboard Course leh Londan Rock School Syllabus duh thlan theih.
    1.    Keyboard    :-    `    1000/-
    2.    Guiter    :-    `    1000/-
    3.    Drums    :-    `    1500/-
    4.    Vocal (kum 20 hnuai lam)    :-    `    1000/-
                   ( Kum 20 chunglam)    :-    `    1500/-
Instructor thiam tak ten nilengin a hmunah an \hutchilh ang.
A hmun    :    Pu  Rochungnunga (RCA ) In
        CP Road, Vanapa Section
        Saikhamakawn
Contact No. :-     9862706986, 9862564975     ( 2-2)

PAGE - 3

HRIATTIRNA :

G & SA Hriattirna
    Indoor Stadium hmang tur reng reng chuan Badminton club -ah dilna theh luh \hin tawh tur a ni tih kan in hriattir e.
                Sd/- Secretary.
                      G & SA, Hlimen

Local council hriattir
    Hlimen ramchhunga in sa thar leh sak sa thuam thar tur nei reng reng ten kut kan thlak hmain Local Council hriattir zel turin kan in hriattir a, hei hi vangtlang kawng leh vantlang hmun nek chep tur venna a ni a, in sa thar tur ten zawm vek i tum ang u.

           Sd/- Lalhmingliana Chairman.
            Local Council, Hlimen

Huan thlai chungchang
    Khawngaih takin mi huan thlai (Fû) i lak leh i tihchhiat \hin hi ti tawh lo turin ka ngen a che. nangmah pawh hriat i ni a, i ti leh a nih chuan i hming leh i lak ni nen he chanchibu zahawm takah hian tarlan a ni ang.

Sd/- BK Remmawia.

MHIP hriattirna
    Hlimen Branch MHIP te chuan Feb. ni 23, 2014(Pathianni) chawhnu inkhawm banah an member boral ta Pi Lalsawmliani ralna hun an hmang dawn a, member te kim taka kal vek turin hruaitu ten an ngen.

Kangmei avangin zankhat thil thu-ah kan neih zawng zawngte kan chân vek thei a ni. Kan fimkhur loh avangin keimahni mai bakah kan \henawm khawveng ten an tuar tel thei bawk tih hriaiin kangmei chhuak thei lakah i fimkhur ang u.

Advertisement.....

Admission Open for the session (2014-2015)
    Solomon’s High School Upper khatla, Aizawl a awm \hin chu remchan zawkan avangin Pu Ranga Building Kulikawn ah kan insawn a, Session thar (2014-2015) atan Cl-VII to Cl- X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian I fate rawn dah ve rawh le, Mathematics leh science subject a harsatna neite leh sports a tui te duhsak bik an ni ang. Hostel a awm nghal bawk e.

    Contact :     1. 9774630781  
        2. 8014442431
        3. 8014389494  
                     HC. THAWNGA
    (7-2)                  Top Ten Math Tutor

LAWRKHAWM :

Lawmthu sawina
    Kan nu Pi Lalsawmliani boral chung changa khawtlang mipui leh tlawmngai pawl hrang hrangte leh \henawm khawveng te chungah lawmthu sawi lo thei kan ni lo. A damloh tirh a\anga vawiin thlengin buaipui kan ngaihna leh \anpui kan ngaihna hrang hrang mai bakah in hun hlu tak leh sumpai in senna zozai hi kan rul thei dawn tawh lo che u a. Mahse he kan lawmthu sawi hi lawmthu tlingah leh lawmna entir nan min pawmsak turin kan han ngen a che u.

    In khawngaihna dawngtu,
    Vanlalsiama te unau
    Hlimen, Venglai

Hruaitu thlang
    Feb. ni 21, 2014 (Zirtawpni) zan khan Hlimen Games & Sports 2014 hruaitu tur Pu N.Zoliansanga te Inah thlanna hun an hmang a, heng mite hi thlantlinte chu an ni :-
    President    :    Pu Lalrinmawia (SCS)
    Vice President    :    Pu F.Zosangzuala (DV)
    Secretary    :    Pu F.Laltlanmawia (BS)
    Asst.Secretary    :    Tv. Lalmuanawma (SCS)
    Treasurer    :    Tv. R.Lalawmpuia (SCS)
    Fin.Secretary    :    Pu N.Zoliansanga (SCS)
    Property Secretary    :    Pu Lawmtluanga (DV)

Faina lamah hma i sawn ang u.
- J. Zothanpuia, Secretary. PPP Mode Committee
   
    Kan Missionary hmasa Pu Buanga (Rev. JH Lorrain) khan ‘ Khawvel hnam ka hriat tawhah chuan Mizo te hi an bal ber, Mizo naupang ai chuan sap ram a kan vawk vulh te pawh an fai zawk’ a ti a, hei hian khatih hunlai (1894) vel a Mizo te faina lama kan dinhmun a tarlang chiang hle awm e. Kum 100 a liam a, kum zabi thar chuangkaiin, kum sangbi thar a in herchhuah leh meuh chuan faina leh thianghlimna lamah Zofate pawhin hma kan sawn hle tih chu zep rual a ni lo.
    Tunah ngat phei chuan TV a sapram ti a kan sawi sap ho dinhmun tur emaw kan tih - hmel fai leh hmuh nuam tak te, in ropui leh fai em em mai te, kawtthler mawi leh fai  em em mai te  pawh kan Aizawl khawpui chhungah(Mi vengah) hian hmuh tur a tam ta hle mai!! Hetih rual hian kan khawsakna veng, Aizawl khawpui chhunga veng pakhat ve ngat ‘ HLIMKHAWPUI’ hi han ngaihtuah teh u !!? Venglai kawnah han chhuak ila bawlhhlawh bawm cheng tamtak seng a kan khawtlang hruaitu ten bawlhlawh paihna atana an dah chu a chhinah chinai kan tat luai a, a bul velah Sweet/ nepnawi kawr leh meizial bungte a tla nuai a, Side Drain-ah bawlhhlawh kan paih avangin a in hnawhkhat a, a uih rimchhe em em bawk a, hei hian hmun ualau laia khawsa leh veivak te, faina lama kan dinhmun a tarlang thei awm e.  Dai lamah han kal leh ila- kartin vawihnih AMC leh PPP Mode Commtt. ten 407 leh Pickup hmanga bawlhhlawh an khawn khawm tih hre reng mahila, inbul kawrah a awlsam tih vanga bawlhhlawh paih vumthur, rimchhia leh hriselna atana \halo tih hriat fahran mai hmuh tur a la awm thluah bawk a ni. Heng te hian faina leh thianghlimna lama kan la hnufual zia a tarlang chiang hle a ni.
    Phek 4-naah chhunzawm a ni....
     

PAGE - 4

KEIMAHNI :
Hlimkhawpui Budget
    Hlimkhawpui  2014 January  thla Budget  pe tla tawh te:
1.    Damvea Sec.    2. Saichhuma Sec.
3.    Lalsavunga Sec.    4. Kapdaia Sec.
5.    Buala Sec.
    Saichhuma Sec. te hian June thla thleng Budget an tlak tawh bawk.

Buala Section
    Feb. ni 24, 2014 (Thawh\anni) khian Mauhakkawn kawng laih mekah leilaih hnatlang koh a ni a, chhungtin a\angin mipakhat tal thawkchhuak turin kan in ngen a, hnatlang tura thawkchhuak ten leilaihna hmanrua - Bawngtuthlawh, thirtiang, suahdur leh buara ken tur a ni a. Tin, chaw lian tawk a fun bawk tur a ni a,  a hmeh tur tuihnai tak (Ar sa) erawh Section in a tum ang.
    Tin, Section huamchhunga House Number leh Name Plate siam tum a ni tih chungtin te kan hriattir lawk a. Tin,  House number la nei lo/hrechianglo leh Name Plate a hming ziah duh dan bik nei ten March ni 15, 2014 ral hma in Tv. Zonunsanga (Lalduhawma)  Secretary, Tv. Zonunkima  Asst.Secretary  leh Tv. R. Lalrindika Asst. Leader te hnenah in report vek tur a ni.

Damvea section
    Damvea Section te chuan Feb. ni 20, 2014 (Ningani) khan Brick thiarin hnatlang an nei a, Member thawkchhuak zawng zawng te chungah hruaitu ten lawmthu an sawi.

Puan pe
    Pu Zomuanpuia te nupa, Buala Sec. te chuan Feb. ni 19, 2014 a an fapa Jacob Lalruatfela( 1 ½ month) boral ta hriat reng nan YMA ah a tuamna puan 2 an rawn pe a kan lawm hle.

Branch Committee kohna
    Feb. ni 25, 2014(Thawhlehni) zan dar 7:00 hian Branch Committee neih tur a ni a, kohna hi sem mek a ni a, hmu lo palh kan awm chuan hei hi kohna a ngaih tur a ni. Tin, thu thehluh duh kan awm a nih chuan Secretary te hnenah theh luh tur a ni e.
Sd/- Secretary 

Inhmukhawm
    Rangvamual leh Phunchawng a ruihhlo chung changah CEC leh Aizawl City Branch hruaitute Central YMA Hall ah Feb. ni 21, 2014 (Zirtawpni) zan khan hmalak dan tur relin an imhmukhawm a. He thu buatsaih lai hian thutlukna hriatchian hman a ni lo
 

Vawmphunga Section
    Feb. ni 15, 2014 (Inrinni) khan Vawmphunga Section te chuan thing lain sumtuak hnatlang an nei a. Member thawkchhuak te chungah hruaitu ten lawmthu an sawi.

Lawrkhawm Chhunzawmna...

Phek 3-na chhunzawmna..............
Hetiang hi kan dinhmun anih avangin AMC-in bawlhhlawh sawngbawl/ paihdan thar a kalpui turah a bul\an nan AMC Area chhunga veng 3 entawn / enchhin tur a thlang a, hemi atan hian AMC CEO chuan bawlhhlawh paih dan report kan pek dan leh kal zel tum dan te, keimahni (Local Council) in enkawl dan, kalphung leh Activities a\ang te in duhsak tlakah min ngaiin thlan tur zinga duhsak ni mahila, khawpui veng laili leh chang kang zawk te  entawn tur êm atan chuan, tunah kan dinhmun en hian ‘ YES’ tih kan ngamlo chu a ni e. Hei hi engvangnge /tu vang nge? Engdang, tu dang nilovin nang leh kei vang a ni. Khawvel thar changkanna nena inrem/ inmil/ inhmeh turin mi faten hma an sawn a, thiamna mai nilo, faina lamah pawh khitah an khawsa mek anih hi.Engpawhnisela, kan thlen chin a\ang hian hmasawn tum ila, kan in leh avel te vawng faiin bawlhlawh chu a bawmah paih ila; kan veng a\anga hla takah Motor-a khawnkhawm ah hian paih ila, kan tuichhe paih pawh fimkhur takin, \henawm te tana hnawk, rimchhe lo leh ualau takah luantir lovin kawr/ Side Drainah luantir hram ila, kan khawtlang hi veng nuam leh hrisel tak a nih theih nan faina lamah hma i sawn ang u.
    Bawlhhlawh paihna atana mipuiin kan tum ve \hin User Charge chu Jan- Feb atan lakkhawm a lo hun leh ta a, Feb. ni 24, 2014 (Thawh\anni) a\ang hian lakkhawm tur a ni a, Jan. 2014 a\ang hian AMC in mipui lam tum tur a tisang tih kan inhriattir tawh ang khan chhungtinin kan tum zat tur bithliah ang te lo pe \heuh turin ngen kan ni e.
Hetiang hi Nov-Dec. 2013 User Charge lakkhawm leh hmanchhuah dan a ni:
Bawlhhlawh paih zat    :Vawi 18 .Hmuh zat    :` 15958/-
    Hmanralna    :
    Pick Up hire na vawi 9 @ 500    :    `    4500
    Labour 1-na vawi 18    @ 250    :    `    4500
    Labour 2-na vawi 9      @ 150    :    `    1350
    Collector hlawh    :    `    2000
    Hand Glove    :    `    350
    Reciept & Xerox     :    `    500
    Others    :    `    850
    Total    :    `    14050
    Balanced(15958-14050)    :    `    1908
    Tunah hian Pick Up Hire na hi ` 100 a tihpun a ni a(Feb. ni 15, 2014 a\angin)  Jan. 2014 a\anga 407 tlan man hi 20 % kan tum tawh dawn bawk a, karkhata bawlhhlawh paihna atana ` 1150 kan hman \hin a\angin ` 1250 leh 407 hire na lamah Per tip ah ` 200 kan tum ziah  ( Karkhat atan ` 400) a ngai tawh dawn bawk a ni. Heti anih chuan karkhatah avaiin ` 1650 User Charge lakkhawm a\ang hian pekchhuah a ngai tawh dawn a ni. Chhungtin te bawlhhlawh khawn khawmah bawlhhlawh paih vek tur leh User Charge pe vek turin ka ngen nawn leh a che u.

Advertisement.....

Remthanga Pachuau
HILLMEN VIDEO /PHOTO Graphy

Chhiatni/|hatni atan koh theih reng kan ni.

                 Music Video/ Film/ Documentary
                  Schooting. CD/DVD copy making
                and photo printing.
                  Contact No.
                  9862144022 / 9436421955
(4-4)          Chhinga Veng, Aizawl

Ramtuk Thla Ni 15, 2014... Issue No. 7

PAGE - 1

TUALCHHUNG:

Boral: Pi Lalsawmliani W/o Rokima (L) Saichhuma Sec. a mi chu Feb. ni 13, 2014(Ningani) tlailam dar 4 vel khan Pumpui Ulcer avangin a boral.

Damlo: Pi Zosangmawii W/o Upa Lalsangzuala, Kapdaia Sec. a mi chu Lung lam natna avangin Feb. ni 13, 2014 (Ningani) khan Aizawl Hospital-ah dahluh a ni.@@    Lalramhluni D/o Lalramenga, Buala Sec. a mi chu kal lam natna avangin Feb. ni 10, 2014 (Thawh\anni) khan Falkawn Fererral Hospital-ah Admit a ni.

@@    Pu Vanlalsiama JE (PHED), Damvea a mi chu a chaw kawng lam fello avangin tunlai hian a inenkawl mek a ni.

|helretkawn kawng : Thlan \henkhat sawn a |helretkawn kawng zauh chu thawh mek zel a ni a, a chhuatah border phah a ni tawhin Rod phan a chhun (RCC) mai theih tura siam a ni tawh a, Karleh lam a chhun tum a ni. a pang lung rem pawh zawh thawkhat a ni tawh bawk.

Work chhuak : Tunlaiin kan veng chhungah AMC a\angin Work a chhuak nual a. Heng hna thawktute hian veng hmangaihna rilru pû a tha taka thawh \heuh tum i la a lawmawm hle ang. Tin, mipui lam paw’n hnathawkte puibawm \ha a, an hnathawhte  dimdawi thiam turin kan inngen bawk e.

Mauhakkawn kawng lai mek : Tunlaiin Mauhakkawn kawng laih mek a ni a, helai hmun hi veng \han chhoh zelna tur hmun leh kawng pawimawh tak a ni a, khawtlang tana \ha tur a ni tih hria a, a bula in neitu te leh huanram neitu, leivung paihna atana phaltu te leh kawnglaihna vung/lungtlain a tihbuai, helai hmun paltlanga kal zawng zawng te phun nawi maih lova an in huamna a ropui hle a, veng/khuain hmasawnna a hmu dawn hian tuar bik emaw a awm loh theih lova chutihruala harsatna siam lo helai hmuna in leh lo, ram neitu te inpekna hi a chhuanawm takzet a ni.

FRONT :

RAM LEH HNAM HUMHALH
   
    Ram leh hnam humhalh a pawimawh ngang a ni ange, kum riat kan puanna a lo ni ta der mai. YMA in Ram leh hnam humhalh kumpuan kan neih hian kan ram humhalh tum ber chu India hmarchhak kilkhawr tak a awm, boruak mel a a dung mel 200 leh a vâng mel 100 chauh ‘ Mizoram’ hi a ni a. He ram hi zim te e ti lovin chhim leh chhakah Myanmar,  thlang lamah Bangladesh, hmar lamah Tripura State, Assam State leh Manipur State ten min hual vel a ni.
    Mizoram kan han tih hian Cultural Boundary leh Constitutional Boundary hi kan hriat hran pawh a \ul hle awm e. Cultural Boundary-ah chuan tun hma a Mizo hnam hrang hrang te lo chen tawhna leh tuna la cheng - Myanmar, Bangladesh, Manipur State, Tripura State leh Mizoram hi kan ti thei ang. Constitutional Boundary-ah thung chuan India Independent 1947- hnu kum 1952-a Assam sorkar hnuaia kan awm a, kum 1972-a Union Territory dinhmuna kan din dawn a North Eastern Area (Re- Organization) Act. 1971 hmang a Sorkar laipuiin ramri min siamsak hi a ni.
    Assam nena kan ramri chungchangah Mizoram a kan Political Party hrang hrang te an in puhmawh a, Opposition Party a awm a piangin “ Assam leh Mizoram ramri hi tihchian nise” an ti \hin a. Mizoram ramri chungchang hi ziak a kan neih Mizoram Conpendium of Laws a in ziah angin Vairengte kawng thar Presbyterian Biakin kawmchhakah Assam nena kan ramri hi a la in phun a ni. Ramri lung phun pâwn Cachar lamah khuan Mizo in 50 vel a awm tawh bawk a ni.
    Tin, kan hnam humhalh tur chu Mizoram chhung leh pawn a cheng Mizo tawh phawt chu a huap thung a ni. Mizoram chhungah hian Mizo nilo hnam dang cheng ve te chu - Chakma, Tuikuk leh vai chauh hi an ni a. Sakhuana chungchangah Mizoram chhunga cheng Mizo zawng zawng te chu 100% Kristian kan ni a. Tin, Mizo te hi thlahtu a\anga hnam huaisen, tlawmngai leh hawihhawm kan nih mai bakah intodelh kan ni \hin a. Hei mai bakah hian mahni ram humhalh tina tak, ram humhalh duh avanga kan chheh vel a hnamdang te pawh ‘ Do’ a kap \hin kan ni.
    Engvangin nge tun dinhmun a Ram leh hnam humhalh YMA ten kumpuana neih a ngaih tak tluk tluk mai chu ni ang? A chhan ni hmasa ber a lang chu tundinhmunah chhunglam leh pawn lam a\anga kawng hrang hranga Mizoram leh Mizo hnam tibuaitu an awm avangin humhalh a lo ngai ta a ni ber mai!!! He Mizoram leh hnam hian ‘ Chhan tlak ka la awm e, min chhan rawh’ tiin nang leh kei hi min au ta anih hi !!! Mizoram nula leh tlangval te he ram leh hnam chhan tur hian ‘ PHAWTHIRA’ âw chhuahin ke kan pen ngam dawn em le.
      

PAGE - 2

EDITORIAL :

TÛ TIH ATAN NGE I TIH
    Tunlai chu Editor dawhkan a\angin kan khawtlang nun leh cheziate hi ka phak tawk te te in, theih ang tawkin ka lo thlir ve \hin a. Chuta ka hmuh dan leh thlir dan chu :-
    Hlimen hi City Area ni ve si ah chuan a \hang lo ber veng kan niin ka lo hre ve a, a chhan chu Aizawl khawpui chhung nun awlsam te a hre phak ve si, mahse a \ha lama khawpui nun lak aia a chhe lama lak ching veng lian ni ve tho siin ka hria a. Tin, kan rilru putzia tam tak nia ka lo hriat chu; veng changkang nihte, veng thianghlim nihte chu kan duh tlang vek in a lang a, chutiang dinhmun thleng tur erawh chuan thawh peih nei si lo, mahse mi hnathawh leh thil tih erawh sawisel peih em em si, mi chapo fing leh hria, thiam tawk inti; an finna leh thiamna khawtlang tana chhawr theih si loh tamna veng kan niin ka lo hre ve a.
    Kan hriat angin Hlimen hian Zoram dung leh vanga veng mala a \ha lama hriat hlawh a nih thute kan hre fo \hin. Mahse, chu’ng hun chuan mual a liam a, hun engemaw chen chu hmingchhiat leh sawisel a hlawh leh a. Zû leh hmeichhia i duh chuan Hlimen ah kal rawh tih hial khawpin Hlimen chu a tla hniam a ni.
    Tunah hian Hlimen chuan chhiat ni \hatni ah leh kawng dang dangah fakna leh chawimawi a hlawh \an leh ta. Chutih rual chuan ruihhlo zuar leh a rui \hinte an lopung \an leh ta. Veng dang a\angin ruihhlo beisei lo mawm \anin ruk ruk leh ruihhlo thawm a lian \an leh ta. Heng veng timualphotute leh hmuhsitawm a min siamtu tibo tur hian nangin i tih duh si loh chuan tû tih atan nge i tih le?
    Khawtlang in chhan a ngai a nih hi. Hruaitute nen lungrual a thawh a hun ta hle.

KAN THEN TAK
LALSAWMLIANI (Kum 75) 

    Pi Lalsawmliani hi Pu Nisavunga leh Pi Sawiziki te inkarah  a upa lam a\anga pangana ni turin Ni 15.6.1939-ah Hlimen khuaah a lo piang a. An unau hi hmeichhia 7 leh mipa 5 an ni.
    Kum 1959 January ni 23-ah Pastor Liangkhaia kutah Hlimen Kohhran Biak Inah Rokima nen an innei a, fa mipa 9 neiin tu 14 leh tuchhuan 2 a nei a, mi tam takte thlen phak loh an inneih Golden Jubilee hial an thleng thei a ni.
    Pi Lalsawmliani hi an unau an rual a, an chhangchhe hle mai a. A naute awm an ngaih thin avangin School pawh a kal ve thei lo, nitinin a naute a awm thin. A nula chho chu zaite a thiamin a aw a tha-in a mawi hle a, Hlimen Zaipawl timawitu a ni. Naupang Sunday School zirtirtu niin a hun hnuhnung lamah Puitling Sunday School tantu a ni bawk.
    A pasal Pu Rokima hi kum 2011 December ni 22-ah a boral a.  Amah hi hmangaihna ngah Nu a ni a, a fate a hmangaih zo hle. Pathian lama hlim reng mi, lam reng thei mi a ni. Kum 2013 October ni 12, Presbytery Inkhawmpui (Inrinni zan) inkhawm chu a inkhawm hnuhnun ber a ni ta.
    Hun engemaw chen atang khan a insawisel ve neuh neuh tan a. Hmun hrang hrangah a inentir thin. A u fapa Doctor hnenah kalin, “Pumpui Ulcer,” tiin Falkawn Refferal Hospital-ah November ni 17, 2013-ah admit a ni a. Hun engemaw chen enkawl a ni hnuah Civil Hospital-ah sawn phei leh a niin enkawl chhunzawm leh a nih hnuah ziaawm deuhva hriatna avangin December 16, 2013-ah a lo chhuak ta a.
    In lamah kan inenkawl lai hian ziaawm lam a pan thei tak tak chuang lo. A tu leh fate leh a unau te’n duat takin an enkawl mek laiin hiam lam a pan zel a. Kohhran hrang hrangte leh mimal tawngtaipuina avangin na tuar en hrehawmin a awm lo. Dan rual lohvin February 13, 2014 (Ningani) 3:45 PM-ah thlamuang takin Lalpa hnenah min chawlhsan ta a ni. 

Advertisement...

Rokunga Rimawi Run( Music zirna)
(Free Admission)
    3rd March 2014 a\angin Keyboard, Guiter, Drums, Vocals zirna zing dar 6:00 a\angin zan dar 6:00 chhung hawn a ni dawn a. Zir duh tan Feb. 2014 chhungin Admission a tih theih dawn a, Admission Fee a awm lovang.  Monthly chu hetiang hi a ni:
    Church Music leh Keyboard Course leh Londan Rock School Syllabus duh thlan theih.
    1.    Keyboard    :-    `    1000/-
    2.    Guiter    :-    `    1000/-
    3.    Drums    :-    `    1500/-
    4.    Vocal (kum 20 hnuai lam)    :-    `    1000/-
                   ( Kum 20 chunglam)    :-    `    1500/-
Instructor thiam tak ten nilengin a hmunah an \hutchilh ang.
A hmun    :    Pu  Rochungnunga (RCA ) In
        CP Road, Vanapa Section
        Saikhamakawn
Contact No. :-     9862706986, 9862564975     ( 2-1)

PAGE - 3

HRIATTIRNA :

Certification Camp
    Zoram Entu Pawl (ZEP) leh ALIMCO \ang kawp chuan Feb. ni 19, 2014(Nilaini) khian Melthum Community Hall-ah Rualbanlo te tan Certification Camp (Rualbanlo Certificate nei thei tur a enna) a buatsaih dawn a, Hlimen a Rualbanlo zawng zawng te pawh kal ngei tura ngen kan ni a; tin, Rualbanlo chhungte pawhin ngaihven pui ila a \ha awm e.

Inthlan hriattirna
    Feb. ni 17, 2014(\hawh\anni) zan dar 7:00 khian Hlimen MNF Unit te chu Pu Tlangkhumi W/o Zohmingthanga(L) te in Thlanmual vengah inthlan tur a ni a, Member te kal vek turin kan in hriattir e.
                  Sd/- Secretary
                     Hlimen, MNF Unit

G & SA Hriattirna
    Feb. ni 21, 2014 (Zirtawpni) zan dar 7 khian Pu N. Zoliansanga(Amama) te inah  G&SA,Hlimen kum 2014 chhunga hruaitu thlanna neih tur a ni a, kohna dang siam a nih dawn loh avangin he hi kohna puitlingah ah ngaih tur a ni. Member a tam thei ang ber kal turin kan in ngen e.
                Sd/- Secretary.

Badminton Club
    Hlimen Badminton Club te chuan Feb. ni 20, 2014 hian Club sumtuak nan sangha an zuar dawn a, Club member a tam thei ang ber hnatlang turin hruaitu ten an ngen a ni. Tin, chhung tin te an sangha zawrh hi dawr \heuh turin an ngen bawk. Badmonton Player te hi kan veng hming ti\hatute an ni a, an kal zelna turah hetiang lam zawng hian kan \anpui thei a ni tih hriaiin dawr \heuh i tum ang u.

Local Council hriattirna
    Aizawl Municipal Council chuan the Mizoram Municipalities Act, 2007 in thuneihna a pek angin, Aizawl khawpui chhunga mipui vantlang tana rimchhia leh hnawksaka Vawk leh Ar vulh a khap a ni a( Vide No. M.30411/1/2011-AMC, dated 29th January, 2013 & No. M. 30411/1/2011-AMC, dated 15th July, 2013), Hlimen khawchhung/vengchhunga Vawk leh Ar vulh tu te pawh zawm vek turin kan in hriattir nawn leh a ni.
    Vawi tam Information mike ah leh he chanchinbu kaltlang hian ui khawlaia chhuah tir tawh lo turin kan in hriattir tawh a, dan anga natak a Action lak theih a nih dan pawh chhuah a ni fo tawh bawk. Kan ui vulh te kan khuahkhirh loh avanga khawlai an chhuak Police lam emaw dan kengkawhtu ten an kap emaw an man a pawisa min chawitir emaw a nih pawhin engmah sawi buai theih a ni lo tih kan in hriattir nawn leh e.

              Sd/- Lalhmingliana
                                  Chairman, Local Council

LAWRKHAWM :

Jac ten hma la zel
    Hlimen JAC te chuan khawtlang venhim leh then thianghlimna kawngah chawlhsan mai an tum lo hle. Tunlai a ruihhlo leh a rui \hin te, huangtau tak mai a thawm an nei leh ta pawh hi dimdawina tel lo a sut zel an tum a, Feb. ni 11, 2014 pawh khan Kapdaia Sec. a mi ruihhlo avanga che mawi lo tak \hin chu manin Action lak nghal a ni. Tunhnuah ruihhlo avanga man buai ngai awm lo turin ruihhlo zuar \hin te leh rui \hin hote chu an ngen a. Ruihhlo avanga man tawk te chuan ngaihdan in dilin awmzia a nei dawn lo tih lo in hre turin an ngen nghal bawk.

Hlimkhawpui Agent
    Section hrang hrang ten kumin chhunga Hlimkhawpui Agent tur an rawn inruat fel ta a. heng ahnuaia tarlante hnenah hian Hlimkhawpui  la thar duh leh thuchhuah tur neite chuan hrilh mai tur a ni e.
1. Buala Section
    Pu Lallawmsanga, Ph. 9862389925
2. Damvea Section
    Pu Laltlankima, Ph. 9862732413
3. Kapdaia Section
    Tv. Lalthlengliana, Ph. 9862816743
4. Lalsavunga Section
    Tv. Samson Lalrinfela Sailo, Ph. 9612231984
5. Saichhuma Section
    Tv. Lalrohlua, Ph. 9774343638
6. Vawmphunga Section
    Pu Lalremthanga,  Ph. 9862816380

Congress Block hruaitu thlang
    Aizawl South-III Congress Block -I hruaitu thlanna chu Feb. ni 13, 2014 khan Kelsih khua ah neih a ni. Hruaitu atana thlanchhuahte :-
    President    :    Zothanmawia, Melriat
    Vice President    :    Vanlalruata, Aibawk
    Treasurer    :    Lalremmawia, Hlimen
    MCC    :    Lalchhuanliana, Melthum
    Kan veng a\anga hetiang chanvo pawimawh changpha kan nei hi Editorial Doard ten kan lawmpui hle.

Advertisement...

Ar sa dawr... Ar sa dawr
    Arsa  sahna dawr ka hawng thar ve ta e, Venglai Pu Vanrothanga Building, Pu Rimawia Tailoring sirah englai pawhin dawr theih ka ni ta e. Puah sa mahni duh lai lai a thlan theih e. Puah sa Kg 1 ` 200 a ni a, Arsa rep tul khat `  100 chauhin lei tur ka nei reng bawk e. Tin,  Amisa hlang leh a kawchhung hlang pawh ka nei bawk e.
    A puah loh pawh Kg 1 ` 140 in lei tur ka nei reng bawk a nia. |hian ho, chhungkua leh pawl chaweikhawm na a Arsa duh tan pawh puahsa leh puah loh a order theih reng bawk e. Min rawn pan ve teh, i inchhir lovang.
    In \hian,
    Chhankima,  Ph. 9862374695

Birthday sawn : Tun\um Hlimkhawpui Issue  (Valentines Day ni tak khan) buatsaih pahin Pu Lalrinmawia Asst. Secy Birth day chu Hlimkhawpui EB ten Arsa tuihnai tak nen ama tel lovin kan lawm a, a ni pui roh hian a birthday hi sawnin kan eitur arsa hi min tumsak a, kan tlaiin kan puar el euh mai.
    Joint Editor te 2 phei chuan an chawlhni zanriah ei hmiah hmiah mai a ni.

PAGE - 4

KEIMAHNI
Hlimkhawpui Budget
    Hlimkhawpui  2014 January  thla Budget  pe tla tawh te:
1.    Damvea Sec.    2. Kapdaia Sec.
3.    Saichhuma Sec.    4. Buala Sec.
5.    Lalsavunga Sec.
    Damvea Sec., Saichhuma Sec. leh Lalsavunga Sec. ten February thla Budget an tlak a, Tin, Saichhuma Sec. te hian June thla thleng an tlak fel ta bawk.   

Lawmthu
    Pu Ngaihzuala Buala Sec. a mi chuan Mitthi lumen a an hman \angkai tur K|P Gen. Conference 2014 hlabu pahnih (2) YMA kutah a hlan a, hruaitu ten a chungah lawmthu an sawi takzet a ni.

Buala Section
    Vengchhungah chhiat tawk an awm avangin Section Committee koh tawh chu \hulh a ni a, Feb. ni 18, 2014 (Thawhlehni) zan dar 7:00 hian committee koh leh a ni tih kan inhriattir a, Committe hi a hmun ngai Tv. Lalkhawmawia te Inah ni anga, Agenda pawh a ngai a ni e.
    Tin, Buala Section te chuan kum 2014 a an Budget, Branch YMA a chhun tur ` 3000/- chu an tlak fel ve ta.

Damvea Section
    Damvea Section te chuan kumin chhunga an Sec. Property Sec. atan Tv. R.Lalchhuanawma an ruat a. Bungrua hawh tur chuan a hnen a\ang hian hawhchhuah tur a ni ang.
    Tin, Section sum tuak tan lehkha chhia hralh tur an khawn khawm mek a. Chhungtinte lehkha chhia kan paih mai turte lo dahkhawm \hatsak zel turin hruaitu ten an ngen bawk a ni.
    Damvea Sec. huamchhungah House No. Plate leh Name Plate la neilo te Section hruaitu te hnenah arang lama in report turin an ngen bawk.

Saichhuma Section
    Feb. ni 11, 2014 khan Pu . Lalngheta te bankhur lai a sumtuak hnatlang neih a ni a, inhlawhna min siamsaktu Pu R. Lalngheta te chhung chungah te,member thawkchhuak  chungte leh hnatlang te eiin min tum saktu Pu Vanlalliana, Pi Zuithangi leh Pu Biakthanga te chungah hruaitu ten lawmthu an sawi a.
    Tin, Pi Tlangkhumi te chhungkua in an Pa , Pu Zohmingthanga hriatreng nan a \ul apinga hman turin Tea Urn (20 Ltrs dawng) Section YMA kutah an hlan bawk a, Section hruaitu ten lawmthu an sawi takzet bawk.

Hall hawh man
    Branch YMA Commtt. hmasa berin a rel angin YMA Hall hawhman hi  \um khatah ` 200 a ni ang, sumdawnna atana hman a nih chuan ` 500 a ni thung tih mipui te kan inhriattir leh e.

CHHIARTUTE NGAIHDAN...

@@    Tunlai hian Saikhamakawn leh Mel 3 kawngpui  chei tharin, a mam in a hnum leh ta hlurh mai. kan veng chin hi min chei sak ve dawn em le? An chei dawn lo a nih chuan khawtlang hruaitu te leh Ruling Party lam hruaitute chet a va hun em.
                        - Kawng\hat duh-a@@    JAC te hmalakna zarah Hlimen khawtlang a thianghlim sawt viau laia a lan tawh laiin tunlai chu ruihhlo zuar leh a rui \hin te hi an pung ta hle. Chumai pawh nilovin vengdang a\ang te a zu in tur an rawn inlar leh ta fo mai hi a va zahthlak em. JAC ten \an han la leh teh u. Veng a \awp a, a mualpho lutuk hma hian.
                -Ruihhlo leh a rui ho ning em em tu

@@    Buichhia laih lovin a inpuang \hin an tih ang maiin thil\halo titu chanchin an sawi a mahni lo in ngaihbel ngawt ching te hi buichhia laih lova inpuang nen an in ang ka ti, nang enge i ngaih ve dan?
                        - Buichhe lai tu

ADVERTISEMENT...

Admission Hriattirna
    Kum 2014-15 Session atan Presbyterian english School, Hlimen -ah School hun chhungin Admission a tih theih ta e.
    1.    Admission Fee    : 1) KG -I     Free
                 ` 500 (New)
                   ` 400(Old)
    2.    Monthly Fee    :     ` 400
    Unau pathum chinah Concession siam a ni bawk e.
                Sd/- Principal
            Presbyterian English School
               Hlimen. Ph 9862376309

Admission Open for the session (2014-2015)
    Solomon’s High School Upper khatla, Aizawl a awm \hin chu remchan zawkan avangin Pu Ranga Building Kulikawn ah kan insawn a, Session thar (2014-2015) atan Cl-VII to Cl- X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian I fate rawn dah ve rawh le, Mathematics leh science subject a harsatna neite leh sports a tui te duhsak bik an ni ang. Hostel a awm nghal bawk e.

    Contact :     1. 9774630781   
        2. 8014442431        HC. THAWNGA
    (7-1)    3. 8014389494          Top Ten Math Tutor

Remthanga Pachuau
HILLMEN VIDEO /PHOTO Graphy

Chhiatni/|hatni atan koh theih reng kan ni.

                 Music Video/ Film/ Documentary
                  Schooting. CD/DVD copy making
                and photo printing.
                  Contact No.
                  9862144022 / 9436421955
(4-3)          Chhinga Veng, Aizawl

Ramtuk Thla Ni 8, 2014..Issue No. 6

PAGE - 1

TUALCHHUNG:

Damlo: Pu F.Lalhmingliana, Buala Sec. a mi chu zunthlum natna avangin Aizawl Hospital-ah Admit niin tunah in lam a in enkawl mek a ni.

Nakruh bô hmu: Hlimkhawpui a kan Jt. Editor J.Vanlalbiakdika S/o Lalchhanhima, Buala Sec. a mi leh Lalhunmawii D/o Lalsiamliani, Saichhuma Sec. a mi te chuan January ni 5, 2014 (Nilaini) khan Hlimen Salvation Army Hall ah damchhunga nupa ni turin ‘tiam tlat e’ an ti.
    J.Vanlalbiakdika hi khawtlangah mi in hmang tak a ni a, tunah hian Local Council Secretary,  Branch YMA Commtt. Member, Buala Section Leader leh Faina Sub-Committee Secretary chanvo te a chelh mek bawk a ni. Khawtlanga a rawngbawlna puitu tur nupui tha tak a’n nei ta hi kan lawmpui tak zet e.

Khiangawi: Zorinmawii D/o C.Remsanga, Vawmphunga Sec. ami chuan Feb. ni 5, 2014(Nilaini) khan Lalruatfela Durtlang a mi tawnah khiang min awih san ta.

Nâu nei thar: Pu Malsawmtluanga leh Pi Vanlalluri te nupa Lalsavunga Sec. a mite chuan an fa pathumna atan fapa duhawm tak Feb. ni 6, 2014 (Ningani) khan Refferal Hospital, Falkawn-ah an nei thar.

Thlanmual-I kawng zauh : Thlanmual-I (|helretkawn)-a thlan \henkhat sawn a, a kawng zauh chu zawh a ni ta a, tunah hian a pang lungrem thawh leh mek a ni a, tunkarah chuan zawh hman beisei a ni. He hna thawh a nih theih nan hian sawrkar a\angin emaw Deptt. a\ang emaw \anpui  emaw grand hmuh a ni lova, hetianga khawtlang hmangaihna rilru tak tak nei Local Council te, mi inphal(Thlan neitu chhungte) te leh Branch YMA chak tak kan nei hi kan vannei tak zet zet a ni.

YMA Gas Stove : YMA Gas Stove lian hi a awm na chin hriat a ni lova, mimal emaw Section lamin emaw lo kawl \ha  kan awm a nih chuan Branch Property Secretary te hnenah hriattir theih nise a lawawm hle ang.

FRONT :

2014 Y.M.A. KUMPUAN 
‘Ram leh hnam humhalh’

- Vanlalruata Gen. Secretary. CYMA 

    1. Ramdang leh hnamdang te inluah tir chungchang : YMA hruaitu te hian mahni Branch \heuhah inluah tur neitu te hi sum um lova, mahni Mizo pui te chauh luahtir turin hma la thei ila; chenna tur ber an hmuh loh chuan ramdang leh hnamdang mite tan kan ramah hian chen ngaihna  awm lovang.
    2. Sumdawnna chungchang : Industry rawn dintu hian mi ram te angin a ram leilung fate an chhawr \ha duh lo hle a, Industry thli chhia tenawm chauh min hnutchhiah a, a hlawkna tel tum chi ang chauh kan rama kan la lut ta mai hi inenfiah nan kan hman a \ha awm e. Chuvangin, sumdawnna thilah kan Mizo puite chauh dawr hram hram \hin ila; Vaiho hian Vai thingpui dawr chauh an dawr \hin a, bawngsa lei pawhin an vai pui sah bawngsa chauh an lei \hin. Kan ni serh Pathianni ah ni se, vai kelsa zuar tam zia kan hmu \hin awm e. Tunlai khawvelah chuan sumdawnna hi Ram leh hnam in chimralna awlsamna ber a nih avangin Mizo fate kan \han harh a \ul tak zet a ni.
    3. Zu leh ruihhlo do chungchang : Zu leh ruihhlo do hi YMA tan thilthar a ni lova, kalpui dan tur pawh kan thiam tawhin a lang. Rangvamual leh Phunchawngah YMA te kan in Duty chhawk \hin hian awmzia a nei viau mai a, kan hlawhtling \ep tihah tha kan thlah palh a hlauhawm hle. Hausak thut kan duh luatah mipangai tak tak damdawi kheh an awm ta nuk mai. Mahni Branch \heuhah kan fimkhur lehzual a \ul hle mai. Heng damdawi khehna suma in leh inhmun \ha tak tak an lei te pawh hi khauh deuh taka kalpui a \hat a rinawm. YMA ten tha kan thlah deuh ta nge tunhnai mai a\ang khan Drugs Addict leh awm \ha duh lo te an ngampa ta hle mai. Tin, ruihhlo avanga thi \halai an pung leh \an ta. Ruihhlo avanga hnam boral ta kan sawi fo \hin te kha i hrechhuak thar leh ang u khai. Thuneitu te kutah chauh kan dah chuan kan tu leh faten min la rawn dem lutuk palh ange.
4. Mizo nun ze mawi vawn nun zel chungchang : Ram leh Hnam humhalh kawngah kan hmaih hauh loh tur chu Mizo nunzemawi a bik takin tlawmngaihna vawn nun zel hi a ni. pathianin Mizo ah min siam a, Mizo tan lo chuan vawn nun zel theih a ni lo. Duhawmna, itsikna leh inrel te kan uar ta lutuk mah mah em aw a tih theih a, awlsam taka thil\ha neih leh midang te ngaihpawimawhlohna a sang tual tual bawk hi vei tham a tling ta. Sem sem dam dam, ei bil thi thi ti \hin, a thlum a al ei za Mizo te kha an va liam teuh tawh em!! Kan Mizo nun zemawi tak tlawmngaihna kan tih fo zinga heng thlanlaih, mitthi lumen, khawhar lenpui/riahpui \hin hi midang kutah dah lovin YMA hruaitu kan nih angin hmahruaitu kan ni \hin tur a ni. Hawihawmna, aia upa zah leh thisen pek te hi in zirtir uar zel ang u.

PAGE - 2

EDITORIAL :

RAM LEH HNAM HUMHALH HI
    Mizoram a pawl lian leh thianghlim, Zofate zawng zawng, rethei leh hausa, mifing leh mawl deuh te tumah thlei bik nei lova angkhata en tu YMA chuan kumpuan atan vawi duai lo hmang/puang ta.
    He thupui hi a hming chu kan hre bel tlang hle hlawm tawh awm e. A tam ber te hi chuan a pawimawhna te leh a \ulna lam kan ngaihtuah lem lo. Kan ram leh hnam hi engvangnge humhalh a ngaih, eng lakah nge kan humhalh ang, zawhna pawimawh tak a tling reng a ni.
    Humhalh \ulna hi kanwg tamtak sawi tur a awm thei- entirnan, nupui pasal inneih pawlh chungchangah te, hnam bil in lakhran awm thei chi angah te, ê.... sawi sen mai chi ani lo. Ka rilru a ka lo vei ve em em \hin chu Mizo hnahthlak paite, hmar leh a dangten hnam bil inlakhran duhna avanga Zoram a harsat eng eng emaw an thlen fo \hin hi ka lo vei ve \hin a. Mizo hnam hrang hrang- paite, hmar, chhakchhuak, ralte, renthlei leh a dangte hi inla hrang te vek ila tunge Ram leh hnam hi humhalh ta ang le. Humhalhtu tur kan awm dawn lo tihna a lo ni mai a, ram leh hnam humhalh nachang hre lo hnam chu chimral an niin hnam boral an ni mai a, chutianga hnam boral te pawh kan mithiamten an sawi kan hre fo tawh hlawm a ni lawm ni? Chutianga Mizo hnamte a ral mai lova, kan ram te hnamdangin min chimral a, min neihsak mai loh nan chuan a chhunga cheng Zofate hi inlungrual a kan ram neihchhun leh  kan hnam te hi kawng tinreng a humhalh/venhim hi nang leh keia mawhphurhna a nitiuh hi hre tlang leh ila, he kumpuan hi a lo hlawhtling ngei ang.  

Tun\um Issue buatsaihna a eitur (ARSA) tuihnai tak mai Pu Lalthantluanga Fin. Secy. Br. YMA in min tumsaka, hei hi an nu remtihna thlap a ni e. Kan tlaiin kan va puar em......

ZIAKTUTE HUANG :

 KA HMANGAIH NUNRAWNG CHU
–Hruaitluanga Pa

        Hmangaih leh duh em em mai ka neih thin chuan  ka chhiatna tur leh mi thah hial duhtu a ni tih hre lovin, amah chu neih châk leh ka neih theihna turin kan rilru leh chakna zawng zawngte chu ka seng ral thin a. Chumi avang chuan ka chhunget pawhin min ngeih loh phah hial tawh a. Chu mai pawh ni lovin, amah avangin ka taksa pawhin a tuar a. Ka taksa te chu a chhe telh telh mai a. Mahse, ka duhna leh ka hmangiahna chuan amah avanga ka tawrhna zawng zawngte leh miten min hmunsitna te, chhungte leh thian tha te pawhin min huat phahnate chu haiserin, ka nei lui tho a.
        Thla hnih vel ka neih hnu-ah chuan a rilru chiat zia leh nunrawn zia chu a lang tan ta a. mahse, ka thlah phal tawh bawk si lo. Hlimna leh lawmna ka neih phah beisei-in ka nun pumpui chu ka hlan a. Ka hlimna tur emaw ka tih chu mualphona min thlentu, mianglo a min siam tu, chhungkaw nun min tichhe tu, mi nuihzabura min siam tu, chu mai ni lovin, damlai pawha Hremhmuna min dahtu leh zahthla taka natna tihbaiawm tak HIV+ min veitir duh khawpa nunrawng a lo ni reng mai a. Kei chang ni lovin ka hma-ah pawh a nunrawn zia lantirin, thalai tam tak Hremhmun lamah a tirliam tawh a.                 Chhungkaw nun tam tak a tichhe tawh bawk. Khawtlang pawh zah zo lovin leh Kohhran rawngbawltu thlengin a timualpho thin tawh bawk a ni. Tunah pawh bum tur zawngin a phili nasa hle tawh a. Mi hip dan lah chu a thiamin a zei hle  bawk nen. Mi nun a tihchhiat a. tual a thah hmem tehlul nen, a hminhnai deuh te chu a nun a hipbet zel thei lehnghal.
        A kawmngeih laklawh tawh chuan an then thei lo. Thihchilh an ngam zel a; a kawm lo lah hian kawm an châk bawk si. Chuti kawpa mi hip thiam leh hmangaihna nunrawng chu a ni . Chu chu la ti ve lo ten tih chhin an châk a, a titawh ten an zawngchhang zel a, an nun leh chhungkua/ khawtlangin a chhiatphah a, hlimna leh lawmna min pe dawna hria-in mi ten an tichhina, an zawngchhang a, a tawpah thihna leh chhiatna hmun, beidawnna khurah amah ngainatute chu a dah zel si.   
Ka hmangaih nunrawng chu ‘Ruihhlo’ hi a lo ni.

Advertisement ..

Free...Free...free
    computer a free in a zir theih dawn a, sorkar hnathawk, zirlai, hna zawng mek leh thiam hrim hrim duh tan ngaihven ran chi a ni a, gov’t of india recognised a ni.

Contact:
City Computer Centre
Mission veng bazar(Near Taxi stand)
Gov’t Approve
Mb: 9089527410

PAGE - 3

HRIATTIRNA :

B.P.L. family hriattirna
    BPL chhungkua ten Bank Account Number hruaitute hnenah thehluh tur tih chhuah tawh kha February thla chhung hun hawn belh niin hemi chhunga Account hawng lo emaw Account Number in report lo chu ham\hatna an dawn loh phah a nih pawhin anmahni mawhphurh a ni ang.
    In report-na turte :-
1. C.Zoramchhana (J-a)    Ph. 9862371557
2. Ramdinngheta    Ph. 9615273746
3. Lal\hazuala(|hatea)    Ph. 9862711985
   
    Sd/- Ramdinngheta
    Chairman
    B.P.L. Pawl, Hlimen

M.U.P. Hriattirna
    Târ Pension hlawh la, Bank Account la neilote chuan Rural Bank Kulikawnah hawn tur a ni a, Bank Account hawng turte chuan Passportsize Copy 2, Votter I.D. Card leh Ration Card Xerox Copy 1 ve ve ken tur a ni a, heng thlalak leh xerox te hi Tv. Lalkhawmawia dawrah a tih theih a. Bank Account neilo tan târ Pension hlawh pek theih a ni tawh dawn lo a ni.
    Sd/- Secretary
    MUP, Hlimen Unit

P.P.P. Mode thuchhuak
1.    Jan. 2014 a\anga hman \an turin Aizawl Municipal Council chuan bawlhhlawh paihna atana pawisa an tum \hin chu tihniamin (90% a\angin 80% ah) mipui lamin kan tum ve\hin tisangin (10% a\angin 20%) order a chhuah tih mipui kan inhriattir a, hei vang hian mipui lamte ahma aia \hahnem ngaia bawlhhlawh paihna atana User Charge kan tum ve \hin te pe \ha turin ka inngen a ni.
2.    Venglai Site Drain inhnawh nasa tak leh rimchhe tak hi thenfai tum a ni a, hetah hian tumahin bawlhhlawh paih tawh lo tur leh helai Drain hmang \angkai tute pawhin fimkhur tak leh neitu chan changa enkawl tura ngen in ni.
3.    Feb. ni 7, 2014 (Zirtawpni) zing khan |helretkawn kawng fan a ni a, kawng hnawk a bungraw dahte hnenah thianfai tura hriattir an ni. Heng bakah hian kawng dunga bungraw dah; kawng tihnawk leh tichepte la enkual leh tur a ni a, hetiang a bungraw dah kan awm a nih chuan a hma lama lo thianfai tura ngen lawk kan ni bawk a ni.
4.    Pick-Up in tuna bawlhhlawh a khawnkhawmna bakah |helretkawn piah Pu Vanlalhruaia, Vice Chairman LC te In thleng leh High Sikul Veng leh Vengthar ah te karleh a\ang hian bawlhhlawh khawn \an tum a ni a. Helai venga awmte bawlhhlawh lo paih \heuh tura hriattir kan ni. Tin, heng hmunah te hian User Charge lakkhawm \hin a ni tawh dawn bawk a ni.
    Sd/- Secretary
    PPP Mode Commtt. 

LAWRKHAWM :

Pick-Up bawlhhlawh khawn
    Pick-Up Motor in Nilaini apianga bawlhhlawh a khawn kual \hin chu karleh Nilani hian Motor lam remchan lohna avangin khawn a ni dawn lova, Inrinni Feb. ni 15 hian khawn a ni dawn a ni. A lehpek a\ang chuan khawn hun pangngai Nilaini ah khawn chhunzawm a ni ang.

Bo chhar a ni
    Feb. ni 1, 2014 (Inrinni) zan khan pawisa engemaw zat chhar a ni a, a tibo chuan a tihbona hmun leh a zat te leh a awmdan chiang taka sawiin Pu Lalremthanga, Vawmphunga Sec. a mi hnenah ngaihven theih a ni. Feb. ni 15, 2014 hma a lam a nih loh chuan engmah sawi buai theih a ni lovang.

Mobile Library din
    Feb. ni 1, 2014 khan Social Welfare Deptt. hnuai a Bal Bhavan Society chuan Hlimenah Mobile Library an rawn din a, naupang 92 zetin Admission an tifel a ni.
    He pawl dinchhan leh a tum ber chu naupangte lehkhabu \ha chhiar tamtir a; an nunkawng te siam\hat a nih theih nana din a ni. Naupang a duh apiang tan member a nih theih a, Admission tih dawn hian Passportsize Copy 1 leh Admission fee ` 20 ken a ngai a. Member nilo tan lehkhabu hi hawh theih a ni dawn lo a ni. Thla 3 chhung chu inrini tin lehkhabu hawh hun leh hawh tawhsa pekna hun siamin an lokal \hin dawn a ni. Naupang ziak leh chhiar thiam chinte tan member a la nih theih reng a ni. Naupang a tam thei ang ber member nih hi hotute duhdan a ni.

|helretkawn zauh hnatlang
    Feb. ni 1, 2014 (Inrinni)  khan Local Council, Branch YMA Committee Member, Section tin O.B. leh mi tlawmngai te Thlanmual-I (|helretkawn) a Pu Laltlanthanga leh Pu Zosangliana te unau thlan hmun sawn leh an ruang (ruhro) te chu an nu leh pa thlan hmun a phum \hat hnatlang an nei a ni.
    He hnatlanga thlan leivung hai leh paih nan JCB leh Motor (Truck) thawhchhuahpuitu Local Council Chairman leh tlawmngai hnatlanga thawkchhuakte chungah khawtlang hruaitute chuan lawmthu an sawi.

RSBY Health Care chuang changa mipuite hriattirna
1.    Hlimen khuaah March 2014 chhungin thla lak a nih dawn avangin Health Care enrolment ti tur ten February 2014 chhungin registration tih fel tur a ni.
2.    RSBY list hi vengchhung BPL nen thil inang lo a ni a,  kan awm leh awm loh arang lama inenfiah a inziahluh thuai tur a ni e.
3.    List a awm si, tam takin kan awm leh awm loh pawh kan ngaihsak loh avanga kan aia midang kan lo dah a nih chuan sawisel theih a ni lovang.
4.    Tin, list a awm tih inhria, ti duhlo kan awm chuan thawktute hriattir nise. Kan aiah mi rethei; list a tel ve lote kan tihtir thei bawk ang.
5.    Registration ti tur ten chhungkaw hotu ber Votter I.D. Card kena mahni House Number hriat vek tur a ni.
6.    Chhungkua 5 aia tamte chhungkaw 2 ah \hen an ni a, he vang hian fee pawh ` 60/- ken a ngai.
7.    List a awm inringlo tam takte list ah an awm tih hriain inenfiah thuai ang u.

PAGE - 4

KEIMAHNI
Hlimkhawpui Budget
    Hlimkhawpui  2014 January  thla Budget  pe tla tawh te:
1.    Damvea Sec.    2. Kapdaia Sec.
3.    Saichhuma Sec.    4. Buala Sec.
    Damvea Sec. ten February tha Budget an tlak a, Tin, Saichhuma Sec. ten June thla thleng an tlak fel ta bawk.  

Khawrihnim lamah
    Feb. ni 6, 2014 (Ningani) zan khan Pu R.Lalngheta CEC chuan YMA kumpuan ‘Ram leh hnam humhalh’ tih chu Khawrihnim Branch YMA Hall-ah a hawng a. Pu Ngheta hi Hlimen Branch YMA a\angin Pu Vanlaltluanga President, Pu Robuanga Vice President, Pu Lalthantluanga Fin.Secretary, Pu R.Lal\anpuia Commtt. Member leh Pu Zolianchhunga Commtt. Member ten an \awiawm a ni.
    Pu Ngheta hian zaithiam Mafaki leh CEC pakhat bakah Saikhamakawn Branch President a hruai bawk. Khawrihnim Branch te hian zaithiam an hlutin kumpuan thuchah Pu Ngheta’n a sawi chu ngaihthlak nuam an tiin hlawkthlak an ti hle.

Buala Section
    Feb. ni 3, 2014(Thawh\anni) a Mauhakkawn panna kawnga lei laih hnatlang neih a  member thawkchhuak zawng zawng te chungah Section OB ten lawmthu an sawi a; tin, inhlawhna siam saktu Pu Lalrinmawia Asst. Secy. Br YMA chungah lawmthu an sawi bawk.
    Member thawkchhuak hi mi 34 lai an ni.

Membership fee chungchang
    Kum 2014 chhunga Hlimen Branch YMA membership fee chu khawn mek zel a ni a, hetih rual hian Section tin a khawntu ten Feb. ni 15, 2014 ral hma ngei a Branch Secretary hnena thehluh tur a ni tih kan in hriattir nawn leh a ni e.

Advertisement...

Ar sa dawr... Ar sa dawr
    Arsa  sahna dawr ka hawng thar ve ta e, Venglai Pu Vanrothanga Building, Pu Rimawia Tailoring sirah englai pawhin dawr theih ka ni ta e. Puah sa mahni duh lai lai a thlan theih e. Puah sa Kg 1 ` 200 a ni a, Arsa rep tul khat `  100 chauhin lei tur ka nei reng bawk e. Tin,  Amisa hlang leh a kawchhung hlang pawh ka nei bawk e.
    A puah loh pawh Kg 1 ` 140 in lei tur ka nei reng bawk a nia. |hian ho, chhungkua leh pawl chaweikhawm na a Arsa duh tan pawh puahsa leh puah loh a order theih reng bawk e. Min rawn pan ve teh, i inchhir lovang.
    In \hian,
    Chhankima,  Ph. 9862374695

CHHIARTUTE NGAIHDAN :

@@    Hmanlai kan pî leh pû ten phunchawng hi an lo chawi lar viau a, hla ah leh thawnthu ah te pawh hriat tur a awm a. Tunlai a phunchawng lar dan erawh chu kan pî pû ten an ngaihhlutna lam hawi zawng kha a ni ta tlat lo mai a, phunchawng kan sawi tawh chuan Rangvamual kan sawi tel lo thei lova, chutiang bawkin phunchawngzawl kan sawi chuan Hlimen ram chhung a ni tih kan hre vek ang hi a ni e. Hlimen ram bawh hrang hrangah hian phunchawngzawl hi ram leilung rem tak, khua a\anga buhhnah inzaichhuak a thlawhhma neih theih a ni a, mi tam takin thlai hnah leh rah an tharchhuahna a nih avangin kan ngaihlu a, pawisa tam tak sengin Link Road te pawh kan lo lai tlang tawh a. A chhe zawnga ahming a han thang vel ta mai hi a uiawm ngawt a ni.
    Rangvamual bul mel 7 (Phunchawng) ang hialin a hming a lar ta a nih hi. Chhungkaw pakhat phei khawbu pawh luah lova an In te rauhsan vekin phunchawngzawlah  an khawsa tawh a, pakhatin thiam takin khawchhungah a supply bakah a standing bawk a, tlaiah phunchawngzawl a pan leh \hin niin an sawi. Hetiang a kan ram hlut ber chhunga eng factory emaw a han awm ta mai hi a pawi a, mei sî a tet laia tihmih loh chuan ram zâu tak a kang thei ang hian he factory hi a len zau hma hian tihmih vat a va \ha awm ve.
-Hrechiang-a@@    Mahni laka rinawm tur pawhin mahni inring tawka, inhriatchian a pawimawh. Eng mi nge ka nih? Eng dinhmun a ding nge ka nih? tihte kan chian a \ul. Nun hi chhiarkawp a ni an ti \hin a. Puipunna reng rengah tlar hnung lama \hu tawk vela kan inngaih chuan tlar hnung lam kan pan mai \hin. Kawngsira zung tawk vela kan inngaih chuan kan zung mai. Khawlai a bawlhhlawh paih tawk vela kan inngaih chuan kan paih mai. Eiru tawk vela inngai chuan a eiru mai. Vote hralh tawk vela inngai chuan a vote hlu tak chu Pathianin a pek chhia leh \ha hriatna thiang pawh zah zo lovin a hralh mai \hin. Nupui ru tawk vela inngai chuan a ru mai a, mî ruk tawk vela inngai pawh a inruktir mai \hin.
-Sawmtluanga pa

@@    Tunlai hian Motor kawng (Black top) \ha lai a Motor sil ching kan tam leh ta hle mai hi pawi kla va ti em. Kan kawng te hi a siamna a hautak a, veng a tih nawm tehlul nen in motor sil \hin vang hian kawng a ti chhe leh zo dawn !!!!
    Kawng chhia te hi a tua rber tu chu motor/lirthei bawk hi a ni si a. Mahni tawrh tur a Lirthei neitu ten Black top a an sil leh \hin hi an at vang nge an hriat loh vang. Nge an sual hrim hrim vang zawk? Tunhnuah sim tawh se ka va ti em
-Makpa nei leh tura

 Advertisement...

Remthanga Pachuau
HILLMEN VIDEO /PHOTO graphy

Chhiatni/|hatni atan koh theih reng kan ni.

                 Music Video/ Film/ Documentary
                  Schooting. CD/DVD copy making
                and photo printing.
                  Contact No.
                  9862144022 / 9436421955
(4-2)          Chhinga Veng, Aizawl