Saturday, 26 July 2014

Vawkhniahzawn Thla Ni 26, 2014, Issue No. 30

PAGE - 1
TUALCHHUNG :
Damlo: Pu Rozawna Damvea Sec. a mi chu July ni 23, 2014(Nilaini) khan Civil Hospital ah a beng bul a bawk awm zai a ni a. Hospital lamah hian enkawl chhunzawm a ni a. tunah hian dam takin a rawn chhuak leh ta niin thu kan dawng.

@@    Pi Lalhmachhuani W/o R. Lalhmangaiha Saichhuma Sec a mi chu Aizawl Hospital a July ni 25, 2014 khan zai tur admit a ni a, A tuk July ni 26, 2014 zingkar khan a chhul a bâwk awm chu  zai a ni.

Nau nei thar: Pu Vanlalchhunga leh Pi Lal\hakimi te nupa Kapdaia Sec. te chuan July ni 22, 2014(thawhlehni) khan Durtlang Hospitalah naute duhawm tak mipa an nei thar.
Hearing nei: July ni ni 22, 2014 (thawhlehni) khan YMA Hall a Census chungchangah hearing neih a ni a, enfel ngai te leh belh ngai te belh an ni a, Hearing buaipui tu te bakah  Pu Vanlalhruaia Vice Chairman LC leh Tv. Lalhmingthanga Member LC ten an \awiawm a, Tv. R. Lalawmpuia Secy  BYMA in a \hutchilh bawk.

Prediction lawmman la: Biakfela Fanai, Vawmphunga Section a mi chu 2014 World Cup Brazil a neih zawk taka Hlimkhawpui Weekly News buatsaih tuten Champion ringdik tu te zing a mi vannei tan ` 200 lawman an siam chu July ni 24, 2014(ningani) zan khan Hlimkhawpui Office ah hlan a ni.

Meeting nei: July ni 24, 2014(ningani) khan ICDS buatsaihin YMA Hall-ah Circle Level Meeting neih a ni a, Hlimen a Anganwadi Worker, Helper  te an kim hle a,tin, Local Council ten he hun hi an hman pui bawk a ni.

Kum 60 tlinna lawm tum: Kumin hi Lal ban a nih a\anga Hlimen khawtlang mipui ten rorelna (V/C / LC) an chan  kum 60-tlinna champha a ni a, Local Council te chuan hemi hun hriatreng na hun hi engemaw ti tal a lawm an tum niin thu kan dawng a. Khawtlang hruaitu lo ni tawh zawng zawng te sawm vek an tum a ni.
Quarry kawng lai: Pu Lalrinmawia Asst. Secy BYMA chuan July ni 25, 2014 khan tunhnai ruahsurin quarry kawng a tihchhiat chu ama sum sengin JCB a aih tir a, a lawmawmin kal vel a nuam leh ta hle.

FRONT :
CHHIATNI INKAIHRUAINA
   
    Pangpar dah : Hun rei vak lo a\ang khan ruang chunga pangpar dah kan uar thar a, kan uar deuh deuh bawk a, hei hian thih ni-ah michhia leh mi \ha a thliar ta hle mai. Chuvangin, kan thei a nih chuan pangpar leina man hu khan inral ching zawk ila, a \ha khawp ang. Pangpar dah lo thei lova inngaite kan awm a nih pawhin thlen hun hunah ruang bula dah mai zel nise.
Puana intuam : Mizo chu laina hnaite chauh puana intuam \hin kan ni a, intuamna puan hi ruang tuamna tur a ni a, ruang tuam ve awm lo takin puana intuam hi a mawi lo hle.
Thlan thut : Mizo danah chuan kan thisen zawmpui, khualkhuaa thi kan vui ve phak loh chauhvin thlan thut a ni thin. Hei hi Mizo nunphung dik tak a ni a, chhunzawm zel atan a tha.
Lungphun :  Lungphun hi a hautak lo thei ang bera tih \hin nise.
Thih champha serh : Awmni kham hiala laina leh \henrual \hate puna thih champha serh hi tihphunga hman loh a \ha hle mai.
Hlamzuih : YMA General Conference chuan hetiang hian hlamzui chungchang a rel a; “Mi, thla thum (ni 90) hnuai lam a thih chuan hlamzuiha thi a ni ang. Mitthi kan insawngbawl dan leh intawiawm danah YMA te’n mitthi pangngai anga buaipui (khawntesep, inriahpui, zualko etc) tur china kan ngaih chu thla thum chin a ni” (YMA General Conference 1982 thurel 12-na)
YMA Chibai buk :Mizo hian thihna hi kan la thutak hle e ti lovin mitthi ruang zah dan erawh chu kan thiam lo hle a, a chhan chu kan hnamin inzah lantir dan kan neih loh vang a ni. Chuvangin 1977-a YMA General Conference chuan hetiang huna hman turin Chibai buk dan a chher chhuak ta a.
(a) Kut dinglam koki zawna thleh chhoh tur a ni a, kut tipharhin, kutphahin mahni hmai lam a hawi tur a ni.
(b) He chibai buk dan hi kawng laka mitthi ruang kan tawh chang te, mi ropui thlan kan tlawh chang te pawhin hman theih a ni.
(c) Kawng laka inbiak phak lohva hmelhriat kan hmuh te, kawnga hmelhriat kan tawh a, inbe ding kher lova inchibai nante hman theih a ni bawk.
Mikhual thi :(a) Mikhual thi hi kuanga dah ngei a \ha a, ruang lakluhna Branch khan tum thei hram ila, YMA-in puanin tuam ila.
(b) Chhuak leh thuai tur mah ni se, thutthleng rem, an kaldan tur remchang dappui, laina bul zual pun nghal mai thu-ah te leh chawpchilha mamawh thilah YMA ten bengvar chhuah ila a tha e.
(c) Tlawmngaia ruang zuite hian mahni intodelh tum ngei tur a ni.
(d) Ramdang mi leh hnamdang, veng chhunga a nghet lova awm thih chungchangah :
(i) Branch-in tul a tih loh chuan khawn tesep khawn a ni lovang a, tlaivarpui kher a tul lo. Ruang thawnchhuah thuah pawh Branch-in mawh a phur lovang.
(ii) Dan lova awmte lek phei chu Branch-in anmahni buaipuinaah mawhphurhna a nei lo.
Sar thi :Pipute hunlai kha chuan sarthi chu in chhung pawh lut lovin an vui \hin. Tunah erawh chuan mitthi pangngai ang chiahin kan sawngbawl thei ta a, hei hi thil \ha tak a ni.
 
PAGE - 2
EDITORIAL :
Hruaitu |ha nge mipui pawimawh zawk?
    Thil mak em em nia ka hriat pakhat chu miveng khawtlang hruaitu, kohhran leh NGO hruaitu te hi kan khawtlang hruaitute aia \ha zawk nia hre tlat a, mi veng hruaitute fak chiam a, mahni khawtlang hruaitute dem ching; parawn nu rawn tling awm pui pui kan khawtlangah an katnuk mai hi thilmak a tlingin ka hria.
    Miveng changkan thute, entawntlak an nih thute, kan khawtlangin kan phak loh thute sawiin an hruaitute chu fing bik leh \ha bik niawm takin namen lovin kan fak a. Kan khawtlang hruaitute chu namen lovin kan sawichhia a, kan dem leh mai \hin hi ka lo vei ve \hin a. Hruaitu \ha nge pawimawh mipui tih hi ka inzawt ve fo \hin.
    Veng changkang, khaw changkang nia kan hriat hote hi engvanga changkang ngawt nge an nih tih chu ka chhan ve dan chuan; hruaitu chu eng anga \ha leh fing pawh nise an mahni ngawtin changkanna khawp an thawk thei bik lo, an hruai mipui ten an thu an awih a, tih tur lrh tih loh tur chung changah hruaitute thu an awihna hmun apiang veng/khua te hi an changkang a, mipui thuawihna in hruaitute a chawimawi a, khawtlang chu a lo changkang mai niin ka hria.
    Tunah pawh kan khawtlang changkanna tur leh hmasawnna tur chuan mipuite tih tur lrh tihloh tur chu khawtlang hruaitu ten mipui an hriattir a. Faina chungchangah te, ruihhlo chungchangah te leh ran khuahkhirh chung changah te... a dang pawh a tam awm e, hengte hi mipui chuan ngaipawimawhin zawm\ha ila; changkan mai loh chu hmabak a awm si lo. Chhiartu duh tak nang engnge pawimawh zawk i tih, “Hruaitu \ha nge mipui”

ZIAKTUTE HUANG :
Thosi hnawh bo dan
 Source- Hriselna
 
   
    Nipui a lo ni a, khua a lum a, thosilen zar a peih awm loh hun tak hi thosi tam hun a ni ve tlat bawk si. Thosi seh avangin malaria in ka nat phah thei a, seh tu a tet tet nen tia ngaihthah ngawt ngam chi lah a ni der bawk si lo. Times of India health section in thosi hnawhbo dan \ha ni a an sawi te lo tar lang ila, a chhawr a mual mual kan awm takin.
1. Neem Oil : Neem Oil leh coconut oil a inzatin chawhpawlh la, chu chu in hnawih rawh. Hetiang a i tih chuan darkar 8 chhung thosi lakah a veng him ang che.
2. Camphor: Mizo in kapur kan ti mai a, room khar phui la, kapur chu halin a khuin room chu minute 20 vel ur la, tichuan, thosi a thlawk bo ang.
3. Tulsi : Bed Room tukverh bulah tulsi khawi la, chu chuan room a thosi thlawk lut tur a veng.
4. Purun var : Purun var chhum so la, i chhumna tui chu room -ah theh kual \het \het rawh(a rim i tuar  thei a nih phei chuan i taksaah pawh in chulh la, a pawilo). Tichuan, thosi an thlawk bo ang.
5. Lavender : Lavender hi pangpar chi khat a ni a, a rim pawh a tui khawp mai. Thosi in a haw riau bawk. Lavender oil leh cream chawhpawlh i taksaah in hnawih la, chu chua thosi a hnawt bo ang. Lavender oil chu room-ah ti nam chem chem la, chu chuan thosi a hnawt bo ang.
#########################################################################

Motor chesual
    July ni 25, 2014 (zirtawp) zan  khan World Bank Road a Zampuimanga thlan thlen thlak hma kawng chung a\angin kawng hnuaiah Car tlan liamin a che sual a, a hmunah mi pahnih, Ramthar veng a mi ve ve an boral nghal a,tin,  damdawi In lamah pakhat a boral veleh bawk.  He motor chesualah hian mi 5 an chuang a, an zingah hian hmeichhe 2 tel vein, a dam te pawh hian hliam an tuar vek a ni. An chesualna motor hi kawng chung a\anga kawng hnuai a in sawh a ni a, a in sawh chhe nasa hle.
    He chesualna hriat a nih veleh kan Branch hruaitu leh vengchhunga chesual thu hre tu te chuan rang takin chesualna hmun hi an pan nghal a, thi te hi puanin an tuam a ni. 
#########################################################################

 Damvea Sec. ten Hall a dah tur bawlhhlawhbawm leh Water Filter Branch kutah an hlan.

PAGE - 3
HRIATTIRNA :
P.Z.S. hriattirna
    Phunchawngzawl zau a huan/lo/thlaihmun neitute kalkhawm chuan July ni 20, 2014 (Pathianni) chawhnu khan kuthnathawktu ten hma kan lo sawn zelna tur leh chak zawka hmasawnna kan lo neih theih nan heng ahnuai a mite hi hruaitu atan a ruat a. Society din nghal niin a hming atan ‘PHUNGCHAWNGZAWL ZAU SOCIETY’  a ni nghal ang.
    Chairman    :    Pu Rochhunga (VT)
    Vice Chairman    :    Pu Rinzuala (DV)
    Secretary    :    Pu Lalliankima (DV)
    Asst. Secretary    :    Pu PC Zosangliana (DV)
    Treasurer    :    Pu Chhuanvawra (VT)
    Fin. Secretary    :    Pu Vanlalnghaka (VCH)
    Phunchawngzawl Zau Society (PZS) a din takah chuan tupawh tuilutmual/ phunchawngzawl huamchhunga huan/thlaihmun/lo neitu a piangte chuan hruaitute hnenah ` 50/- pe lutin kumkhat atan member a ni thei ang. Tu pawh membership fee pe lo chu Society hmalakna chhunga ham\hatna awmte a dawng thei lovang a, sawisel theih a ni lovang.
    Tin, kawng sat fai hnatlang koh nghal a ni a. July ni 29, 2014 (Thawhlehni) hian Pu Lalramchuana Quarry a\anga sah \an tur a ni e. Tuilutmual leh phunchawngzawl huamchhunga huan/thlaihmun/lo nei zawng zawngte thawkchhuak vek turin kan inhriattir a, damlohna leh chhiatna avang a nih loh chuan thawkchhuak ve lote chungah hnatlangte lungawina a inrun tur  a ni ang.
    Sd/- Secretary
    Phunchawngzawl Zau Society

Local Council hriattirna
    Quarry chim huamchhunga thing ding reng reng eng  thing pawh a lian emaw a te emaw lak phal a ni lo a, lo la/sat ru kan awm a nih chuan a phu tawk hremna pek zel \hin a ni ang.
    Gas sem chungchangah hetiang hian ruahmanna siam a ni.
1) Local Council Card (point tin tan Colour hran \heuh)siam a ni ang.
2) Chhungkaw member a mi 7 awm chin te consumer card 1 aia tam an neih chuan card 2 in an la thei ang.
3) Local Council Card-ah mahni Consumer card neih zawng zawng Number tarlan vek tur a ni ang.
4). Rualkhai zawka Gas sem a nih theih nan Point tin list ennawn a ni ang. In ang tlang/rual khai thei ang ber a sem rual a ni ang. 
   
    Sd/- Lalhmingliana
    Chairman Local Council 
##########################################################################

Advertisement....
Come One Come All
Gamers

   
Lalhma-a (Ph. No - 9089363142

LAWRKHAWM :
JAC che zel
    July ni 23, 2014 (nilai) zan khan mi pahnih mi thil ruk tum chu duty ten man in YMA Hall-ah zilh na pe in an haw tir leh a. Tin, ruihhlo zuartu te pawh an hluar sawtin an ngampa \an leh ta hle ni a hriain ngawrh lehzual a duty a an phu tawk a hremna pek an  nih theih na man nghal zel turin hma an la mek zel a ni.

Kum 60 tling dawn ta
    Aug. ni 16, 1954(thaw\anni) khan Mizo Lalte thuneihna chu Village Council kutah hlan a ni a, hemi tuk hian Hlimen Lal Pu Buala chuan Hlimen a VCP hmasa ber Pu Zotawna kutah Hlimen khawtlang enkawl hna chu a hlan a ni. Tin, Hlimen khawtlang mipui ten an aiawh a khawtlang enkawl tu tur an thlan hmasak ber ni chu April ni 21, 1954(nilaini) 8am-3pm khan a ni a, hemi \um a vote tla zawng zawng hi vote 262 a ni. Heta thlan tlin zawng zawng te hi Mizo Union Party mi te vek an ni bawk. Hlimen hi Village Council -in khawtlang an enkawl chhung chu Term 18 lai a ni a, Kum 2012 a Aizawl City area chhung bik tan inrelbawlna hran neiin  V/C tih \hin chu Local Council tih a thlak  niin hemi kum Febuary thla hian Local Council inthlan hmasak ber chu neih a ni bawk. He ti hian khawtlang aiawh a thlan tlin ten khawtlang an enkawl chhung chu kumin August thla-ah kum 60 chu a lo tling dawn ta a ni. Record hlui a\anga chhut danin khawtlang hruaitu lo ni tawh leh ni mek mi 102 a\angin mi 54 in min boral san tawh a ni.

District Civil supply office hriattirna
    Kum 2013 a Retailer te kaltlanga Data entry Form thehlut tur a hriattirna chhuah a nih hnuah chhungkaw tamtak he Data Entry Form la theh lut lo kan awm a, la thehlut lo zawng zawng ten July ni 30, 2014 ral hma ngeiin DCSO’W’ Office ah theh luh tur a ni. Ration Card hi Computerised mek a nih avangin thehlut lo te chuan Ration card an nei thei lovang. Keng ngai te : 1) Chhungkaw lu ber(Card Holder) thlalak- Passport Size Copy khat. 2)Chhungtin Epic No. nei chin zawng zawng an voter ID/Epic Xerox Copy khat \heuh. 3) Ration Card hman lai nen an chhungkaw member tin (family member zawng zawng) pianni, thla, kum hre vekin Office hun tiam chuang hian siam tur a ni.
    Tin, DCSO Aizawl West huamchhunga F.P Shop retailer zawng zawng ten mipui te hmuh leh hriat turin an dawr kawngka lu chungah emaw, an dawr bangah emaw Sign Board-ah rate chiang taka tarlan tur a ni.

    Sd/- (R.Siamliana)
    District Civil Supply Officer : Aizawl West

Consumer te card thar siam tur a hriattirna
    IOC duhdanin Consumer Card thar siam tur ani a. Thil ken \ulte :
1. Consumer Card    2. Voter ID (Original)
3. Ration Card        4. ` 60/-

    Sd/- L.Ralte
    Manager, Vanbuangi Gas Agency

PAGE - 4
KEIMAHNI :
Hlimkhawpui Budget
    Hlimkhawpui  2014 July  thla Budget  pe tla tawh te:
1.    Damvea Sec.    2.  Lalsavunga Sec.
3.    Kapdaia Sec.    4. Buala Sec.

    Lalsavunga Sec. ten August thla Budget an tlak ta bawk.

Branch YMA ah hlan
    Damvea Section te chuan July ni 23, 2014 (Nilaini) zan khan YMA Hall a dah tur Water Filter leh bawlhhlawhbawm (supreme) \ha tak mai chu Branch hruaitute kutah an hlan a. Branch hruaitu ten lawm takin an dawng a ni. Hetiang a Section ten Branch YMA a thil pek/hlan nachang an hria hi an fakawm hle a ni.
    Tin, Damvea Section ten hetiang leina atana ama mimal \ha hnemngaihna a inhlawhna PWD hnuaia hmuhsak tu Pu Lalhmingliana Local Council Chairman chungah Section hruaitu te an lawm hle bawk niin thu kan dawng.

Buala Section
    Buala Section Treasurer Pu H. Lallawmsanga chuan a nihna a chelh chhunzawm thei dawn tak loh avangin Tv. Lalengkima chu Treasurer atan thlan thar a ni.
    Tin, veng chhung kawngpui kam a hnim \henkhat chu Hlo tur a kah tur a hmalak mek a ni a, remchang hmasa ber ah kah a ni ang. 

Gas chungchanga hriattirna
    Kan veng Gas agent ten IOC duhdan a Consumer Card siam \hat a nih tur thu an chhuah a, Local Council chuan mahni in buaipui thei lo/ remchanglo te chu a buaipui sak dawn a, Local Council buaipui tir duh chuan Mahni section awm na a zirin a hnuai a hun ruatah hian Office hun chhungin (zingkarah) Local Council Office-ah thil \ul te theh luh tur a ni.
1. Damve Sec.    -    28 & 29 July -ah
2. Lalsavunga Sec. &
    Vawmphunga Sec.    -     30 & 31 July-ah
3. Saichhuma Sec.    -    1& 2 Aug-ah
4. Buala Sec.    -    4 & 5 Aug-ah
5. Kapdaia Sec.    -     6 & 7 Aug-ah 

Advertisement........
thingthupui |iak
    Thingthupui \iak englai pawhin lei tur ka nei reng e. A \iak a lian leh a tê deuh duh tan pawh ka nei chikim e. Min rawn pan ve teh le.
    In \hian,
    Chalngaiha
    Hlimen, Damveng

CHHIARTUTE NGAIHDAN :
@@    Pu Editor, Hei Hlimen kawngpui dungah ka han kal kual vel a, kawngpui area ah lirthei lo sil mawlh mawlh te ka han hmu a, hei hi chu mipangai tan chuan tih chi ah ka ngai lo tawp. Burma mi Munga te tih awm tawk chauh kan ti duh ta zel zawng a nih hi maw..Hei ha mak ngei mai.

- Kawng\ha duha.  

Lawrkhawm chhunzawmna.....

Fimkhur angai hle
    Hun engemaw a\ang khan thir chhe zawng, Cooker siam leh hnamdang mi, sumdawng te in hrang hrang ah lutin an hmanhlel leh ta hle. Pawngsual leh ruk ruk pawh heng ho lak a\angin hian sawi a awm fo ta mai. Heng mite laka thil pawi kan tawn hma hian mitin te fimkhur a \ul hle.

Ei leh in a fimkhur
    Hmun \henkhatah naupang kaw\halo hri a leng mek a, kan fate ei leh in ah fimkhur a \ul takzet a ni. Tui thianghlim chauh in tir \hin ila, thil kan ei dawnin fai taka kut sil hmasak \hin hi inven nan a pawimawh hle bawk. ORS leh kaw\halo damdawi hi Pi Zirthansangi ASHA hnenah a thlawnin a lam theih reng bawk a ni.
    Tin, indanna chi reng reng ei \hin ten Sub Centre ah lam tawh lovin Pi Zirthansangi ASHA  Ph. no. 9862375596 hnenah lam tur a ni. Nau pai leh pai loh enna (Pregnancy test) pawh a lam theih bawk e.

Hlimen Football Club
    Nisavunga leh Sawiziki Running Trophy chu July ni 19, 2014 khan Hlimen Football Club te buatsaihin \an a ni a, Pu Vanlalhruaia Local Council Vice Chairman chuan a hawng a ni. Local Council member dangten an \awimawm a ni. He Tournament ah hian Team 8 telin Pool A leh B ah \hen a ni a, Pool A leh Pool B a point hmu pahnih ten Semi final an lut ang. He tournament buatsaih na atana Sponsor tute zawng zawng chuan hruaitu ten lawmthu an sawi tak meuh meuh a ni.
1.    Pu Lalrinmawia    -    ` 3500, Trophy, ball 2
2.    Pu R.Lal\anpuia    -    ` 1000
3.    Pu Lalnghakliana    -    Chinai Bag 3
4.    Pu F. Zosangzuala    -    ` 1000
5.    Local Council.    -    ` 2000
6. Pu F.Laltlanmawia    -    Yellow Card & Red Card
7.    Nl. Laltlanpuii    -    Best Player & Top Scorer lawmman
    Tin, heng bakah hian YMA in Protable mike min hman tir a, Kapdaia Section ten \hutthleng min hawhtir bawk a, Field leh a chhehvel a in neitu ten a \ul ang apiang min hawh tir avangin kan lawm hle a ni. Tin, Trophy hi Pu Lalrinmawia’n a pi leh pu te hriatreng nan a rawn tum a, a chungah hruaitu ten lawmthu kan sawi a ni. Chalkunga Memorial Teakwondo Club ten Opening Ceremony ah Show hmuhnawm tak min neih sak avangin kan lawm hle bawk.
    July ni 19, 2014 result : 1st Match ah Zualtei FC chu Senior Soccer in 3-2 in an hneh a, Vengchhak FC in Friends FC 11-0 in an hneh bawk. Tin, Hangover FC chu Vengthlan FC in 5-1 in an hneh bawk a, New Born FC leh Tlanmawia Memorial FC chu 1-1 in an in draw a ni.

Sd/- Secretary
   

Saturday, 19 July 2014

Vawkhniahzawn Thla Ni 19, 2014.. Issue No. 29

PAGE - 1
TUALCHHUNG : 
Damlo: Nl. Laldinpuii D/o Lakunga Saichhuma Section a mi chu khawsik leh luak avangin Durtlang Hospital-ah enkawl mek a ni.

@@    Pu M.S.Dawngliana H/o Lalthan-zuali Damvea Sec. a mi chu a pum nâ avangin Damdawi In lam panpui niin a rilphir \ha lo tih hriat a ni a. July ni 18, 2014 (Zirtawpni) khan Aizawl Hospital ah zai niin he thu bautsaih lai thleng hian damdawi In lamah hian enkawl mek a ni.

MSACS hotu te lo kal: July ni 15, 2014 (thawhleni) khan kan vengah MSACS  hotu te lo kalin kan vengah Link worker te leh khawtlang in AIDS chungchanga hmalak hona leh thawhhona te an rawn zir chiang a, MSACS te chuan Link Worker te leh khawtlang hruaitu te  thawhona \hatak an hmuh in lawmawm an ti hle.

Chawlhbuk sak tum: July ni 15, 2014 (thawhleni) a Safety Helmet sem a  Pu Lalrinmawia Ralte LE& IT etc.Minister lo kal chuan quarry hmun remchanglai hmun a awm thei anih chuan hnathawhtu te tan chawlh hah damna hmun tur chawlhbuk (shed) sak ngei a nih tur thu a sawi a, a enkawl zuina chu Department lamin a chhunzawm dawn thu a sawi bawk.

Joint Fellowship nei: July ni 13, 2014 (Pathianni) chawhnu khan Baptist kohhran Mission veng Pastor bial |KP te chuan YMA Hall-ah Joint Fellowship hun hlimawm tak an hmang. Bial chunga |KP member kalkhawm an \hahnem hle. 

Hlimen Football league : July ni 19, 2014(inrinni) khan Hlimen Football League chu hawn a ni a, Pu Lalrinmawia G&SA President in a hawng a ni. He League hi Hlimen Football Club buatsaih a ni. Veng chhung a\angin Team hrang hrang tel an \hahnem hle niin thu kan dawng.

Black Topping dawn : Huan bial chhak kawng pui, vengchhak panna kawng chu Bialtu MLA hmalakna in kumin chhung ngeia Black top chhuah vek tum a ni thu dawn a ni.  

Hlimkhawpui min barakhaih :- Tun\um Issue buatsaih laiin hming tarlan duh lovin thingpui in nan tiin `100/- lai min rawn pe ringawt mai a. kan phu chiang hle. Kan va lawm si \hin em.......

FRONT :
RUANG ZAWN HNATLANG NEIH A NI
HLIMEN BRANCH A\ANGIN MEMBER ENGEMAW ZAT THAWHCHHUAH A NI


    Chachinbu a\ang leh TV lam a\angte a kan hriat angin July ni 14, 2014 (Thawh\anni) tlai dar 5:00 vela Falkland veng leh Zemabawk inrina vai lui kama Assam Type a in pakhat chu a chhak lam a\anga leimin in a hnawl a nih kha. He In hi hnamdang Mistiri Anwar Hussein te chhungkua in an luah lai a ni a, an chhungkua hi 4 an ni a, , hetih lai hian helper 2 an awm bawk a,a chim lai hian mi 5 an awm a ni. Anwar Hussein a fate pahnih leh Mistiri Helper pahnih chu hliam tuarin damdawi inah hruai nghal an ni a. Anwar Hussein a nupui Rusna Begum erawh chu leimin a chimpil nge ni ang tui lianin a la ta mai zawk niang tiin khawtlang leh a hre phak a piang mai chu an buai nghal ta mup mup mai a.
    Central YMA chuan a hriat ve leh ruang chu hmuh a nih ngei theih nan ruahmanna siamin hma a la ta nghal a. YMA Branch hrang hrangte ruang zawnga hnatlang inchhawk tura ruat an nih angin keini Hlimen Branch YMA te pawh July ni 16, 2014 (Nilaini) khan ruang zawn hnatlang neih a ni. He hnatlangah hian Member an thawkchhuak \ha  a, chumai bakah mahni motor/lirthei a kal engemaw zat an awm a tin, lirthei remchang lo engemaw zat te hruai nan Pu Lalhmingliana LCC, Pu Josua Zotea, Pu Lalrinmawia ten motor lian an rawn thawhchhuahpui bawk.
    Mizo tlawmngaihna leh inpekna hi a ropuiin a chhuanawm hle. Mahni hnampui pawh nilo hnamdang; hmelhriat ngai pawh nilo te pawh tlawmngaihna leh hmangaihna leh lainatna lantir a; mahni hrehawm pawh pawisa lova, mite tana malsawmna thlen duhtu te zingah Hlimen \halai khati zozai an awm mai khan Hlimen an chawimawi mai ni lovin hnam a chawimawi a, hnatlanga thawkchhuak te leh lirthei thawhtute chungah YMA Hlimen Branch hruaitu ten lawmthu an sawi a ni.
    Tin, a ruang hi July ni 17, 2014 (ningani) tlailam dar 4:30 vel khan Mualpui mawng zawna Chite luiah hmuh a ni.
YMA VUL ZEL RAWH SE  

Hringnun.......
Thla (moon) nen hian kan in-ang chiah. Keimahniah hian a thim lam a awm \heuh a, chu chu mi dangin min hmuhsak kan phal miah lo.
                        -Mark Twain

PAGE - 2
EDITORIAL :
Mi pangngai nih i duh em?
    Vanduaina bik thil avanga pian \o \ha lo emaw, chhungkaw dinhmun leh khawsak danin a zir loh avanga harsatna bik neite kan nih si loh chuan mipangngai  nih mai chu thil harsa tak a tling lo. Mahse mite aia chungnung bik nih erawh chu thil harsa tak a tling lawi si.
    Kan hriat fo tawh leh kan tawh fo; kan la tawn \heuh tur, vantlang mipui tel lova chhungkaw bil chauha hmachhawn hrehawm tak leh ngam awmloh tak chu chhiat tawh, a bik takin thihna hi a ni ti ila a sual kher lovang. Mahni chanah lo ngaihtuah ve mah teh, kan chhungte thlan hi mahni chhungin laih ngai ta mai se, tumah min lenpuitu awm lovin zan hun te hi mahni chhungkua chauhin han awm ta ila, tin, mahni chhungte kuang tur chhungkuain han siam ta mai ila a hrehawm dan tur leh a rapthlak dan tur chu i ngaihtuah thiam ve mai chuan ka ring.
    Khawtlangah chhiatna (thihna) a lo thlen a kan inlenpui a, zan lumen a ngaih a kan inmenpui \hin te, thlan kan inlaihsak te, kuang kan insiamsak te leh kan inlainatna lantir a; a \ul ang anga kan inpuih \hin hlut zia leh lawmawm zia chu a hretu i ni tawh mai thei, i la hre lo a nih pawhin i la tawng ve dawn hrim hrim. Chhiatni a a\ul ang anga chhiat tawkte \anpui a thlanlaih, zana lumen (tlaivarpui), khawhar lenpui, buhfai leh pawisa khawnsak, heng huna che chhuak \hin te hi mi pangngai chin chu an ni mai. Hengah te hian a chungchuang bik nih chu thil harsa a ni a, che chhuak ve ngai reng reng lo nih chu mipangngai a chhiar theih an ni lo. Heng hunah te hian che chhuak ziah thei lo mah ila, chet chhuah ve fo hi mi pangngai nihna chu a ni mai.
MI PANGNGAI NIH I DUH EM

ZIAKTUTE HUANG :
KHAWTLANG NUN SIAM\HAT
-Hruaitluanga Pa

   
    Engtin nge khawtlang nun kan siam\hat anga, englai ber hi nge siam\hat ngai tih leh engtiang a siam tur nge tihte, tute nge siam\ha ang tihte hi mahni \heuh han in zawt ta ila kan chhan dan chu a inang lo nual awm e. |henkhatin YMA te kumpuan; a hmangtute an ni a, khawtlang nun siam\hat hi an mawh a ni, titu tam tak an awm laiin \henkhat ve thung chuan K|P te hi an ni ang chu, an thuvawn pui berah pawh ‘thil\ha ti atana siama awmin ama kutchhuak kan ni si,’ tih a ni a lawm. Khawtlang nun siam\hat hi chu an ko-ah a innghat tlat a lawm an tih ve tho a rinawm. Chutiang zelin khawtlang nun siam\ha tur chuan tute pawl ho siam atan kan dah a, mahni koah tuman kan dah loh avangin kan khawtlang nun chu siam\hat ngai tam tak a lo awm ta a ni ber mai.
    Kan khawtlang nun hi a chhe zo vek a, siam\hat a ngai a ni kan ti lo, khawtlangah hian sum leh pâiah te, zirna lamah te,  infiamna kawng hrang hrangah te, Pathian thu lam thlengin mi chhuanawm tak tak Hlimen khawtlang tihmingthatu, vawiin tun hun thlengin sawi tur an tam a sin.
    Chutih mek lai chuan kan khawtlangah hian mi awm tha duh lo 4/5 vel lek an awm ve a, chun mite chuan sawrkar duh loh zawng/khawtlang duh loh zawng ruihhlo zuar, mawi lo taka ruih ching an awm a, chung zingah chuan nu leh pa ten kan fate/naute a hmei a pain kum pawh la tling \ha\hum lo te pawh he ruihhlo hian a luhchilh ve tawh a ni tih hre loin kan \ha en mai mai hlawm avangin khawtlang nun siam\hat hi a tul a ni.
    Awle, khawtlang nun siam\ha tur chuan YMA a tawk mai lo, K|P pawh a tawk mai lo, chhungtin nu leh pa ten  mahni fate kan enkawl danin khawtlang nun a chhia a \hatah  thui tak a innghat. Chutiang zelin \halai nu leh tlangvalte pawhin mawh kan phur. Khawlai a zu in mai chingte, rui chunga khawlai a vah chhur chhurte, tin, hmeichhe lamah pawh zu rui ve fo maite, duhdah taka nun kan hmante hian khawtlang nun kan tichhia a ni tih hi kan inhriatchhuah a kan sim tlan hunah khawtlang nun chu kan siamtha thei chauh ang.
    Khawtlang nun siam\hat a nih theih nan chuan chhungtin/mimal tin ten mawh kan phur theuh si a.

PAGE - 3
HRIATTIRNA :
Gas chungchang
    July ni 18, 2014 (zirtawpni) zingkar khan Local Council te chuan Local Council Office ah Gas chungchang sawi hovin meeting hmanhmawh neih a ni a. Hun engemaw chen kan veng min bialtu (Gas Agent) a chian theih loh avangin vawi tam tak Agent ah leh Supply Department lam ah len a ni a, thu chiang tak hriat mai theih a nih loh avangin a buaithlak hle a, Mizoram pumah Gas indaihlohna nasat laia ni nen kan buai hle a nih kha.
    Tichuan, kan veng chu Agent ngai - Vanbuangi Gas Agency hnuaiah kan awm leh ta a, Agent in thlak tur leh inthlak loh tur chungchangah thu mum a awm mai theih loh avangin gas sem danah ruahmanna felfai tak a neih lawk theih loh a, hetiang a Agent a chian takah chuan Local Council chuan ruahmanna felfai zawk leh mumal zawk a gas sem a nih theih nan theih tawp a chhuah dawn a. List mumal tak siamin, Local Council card (Point tin tan Colour hran \heuh) siam a ni ang a, rual khai zawk a Gas sem a nih theih nan ruahmanna siam mek a ni tih mipui kan in hriattir e. Tin, Agent te hnenah Point dang emaw Quota tam zawk dil belhna thlen a ni dawn bawk a ni.

    Sd/- Lalhmingliana
    Chairman Local Council.

Mipui te hnena hriattirna
    Power & Electricity Department, Thakthing Section Office/ Bill Counter hi Building remchan lohna avangin hun engemaw chen khar a ni dawn a. Hemi chhung hian Electric Bill pe \hin leh Electric chungchang a mamawhna nei te chuan SDO, Revenue Sub- Division- III Office, Republic vengah dawr \hin tur a ni. Mipuite hriatthiamna kan ngen e.

    Sd/- H.S Vanlalchaka
    Sub- Divisional Officer
    Revenue Sub Division-III
    Power & Electricity Department

Census chungchanga hriattirna
    Kum 2011 Economic Census Draft List a hmaih leh tihdik ngai rawn titu te zawng zawng khan July ni 22, 2014(thawhlehni) zing dar 9:30 hian YMA Hall ah ‘ Hearing’ neih tur a ni a. Hetah hian Photo ID, Ration Card, Birth Certificate etc. zing a a engemaw ber hi ken \heuh tur a ni e.

    Sd/- Lalengzaua
    WLO, Hlimen.

LAWRKHAWM :
Safety Helmet sem
    July ni 15, 2014 (thawhlehni) khan Mizoram-a a hmasa ber atan Helmet sem runpui chu Hlimen ah neih a ni a, he Helmet seman programme hi Minister Programme niin Pu Lalrinmawia Ralte Labour Employment etc. changtuin a sem a ni. A semna hmun hi Pu Lalhmingliana lungher khawl thlang kawngpuiah a ni a, mi 100 chuang hnenah Helmet hi sem a ni.
    He Helmet semna inkhawm tawi hi Pu Francis Lianmawia Asst. Welfare Commissioner in a kaihruai a, he programme hi Mizoramah a vawikhatna a nih thu te a sawi a, tin, hetianga sawrkarin helmet a semna chhan chu hmun hlauhawm zawk a hnathawk te himna sawrkarin a ngaihtuah vang a nih thu a sawi bawk. Hemi hnu hian Minister Pu Lalrinmawia chu Helmet semna hun hmang tura rawn dingin  helmet sem tur hi Mizoram Building and Other Construction Welfare Board te tum a nih thu a sawi a, sawrkarin  kuthnathawktu te tan ham\hatna hrang hrang siamin, in register-na tur siama. Chuta in register te chu an lo boral palh a nih pawhin ` 2,00,000/- thlengin a ral theih thu a sawi bawk a ni.  Thu tawi a sawi zawh hnu hian Hlemet semna in a chhunzawm a, a dawngtu apiang te chu an hming register nghal zel a ni. Tin, Minister hian  Hlimen Branch YMA hnenah a \ul na hmun apianga hman atan Helmet sawm lai a pe a, YMA aiawhin Pu R. Lalngheta’n a dawng a ni. Tin, Pu Vanlalhruaia Local Council Vice Chairman in lawmthu sawina hun hmangin Helmet semna inkhawm chu tihtawp a ni.
    Minister lokal hi Local Council ten lo dawng sawngin, hemi ni dar 10 :45 am ah a lo thleng a, hmun dang a la sem leh tur an nih avangin Helmet sem zawh hnu dar 11:30 am ah Hlimen an chhuahsan leh ta a ni. Minister hi Director LE& IT Department leh staff dang \hahnem takin an \awiawm a ni.

Kawngpui dunga infiam
    Damvea Section huamchhung kawngpui dungah naupang infiam leh inkawibah ching an tam hle mai a. Lirthei veivak a tamin tawhsual/chetsualna a thlen a hlauhawm tak zet zet a. Kan him tlan zawk nan hetiang tih hi ching tawh lo turin Damvea Section chuan kan ngenin kan inhriattir a. Nu leh pa lamte pawhin hetiang tih ching kan fate an nih chuan tawhsual kan tawh theih lakah kan fihlim nan khuahkhirh turin kan inngen bawk e. Kan inchhir hun a thlen hma ngei hian zawm \heuh turin kan inhriattir a ni e.
   
    Sd/- Secretary
    Damvea Sec. YMA

Champion ring dik
    Hlimkhawpui World Cup 2014 Champion inrindiksiak (Prediction) lut zawng zawng a\anga chhut in Germany ring chu 16.16% a ni a. Champion ring dikte a\angin \humvawr niin a ringdik zinga vannei ber chu Biakfela Fanai, Vawmphunga Section Ph No : 8131068625 a ni a, lawmman ` 200/- hi  Hlimkhawpui buatsaih hun July ni 24 / 25, 2014 zanah Hlimkhawpui Office-ah lam tur a ni e. A ringdiktu ngei hian lam hram tur a ni a, Editor in lawmpuina chibai kut thingin a lo buk bawk dawn a ni.

PAGE - 4
KEIMAHNI :
Hlimkhawpui Budget
    Hlimkhawpui  2014 May  thla Budget  pe tla tawh te:
1.    Saichhuma Sec.    2.  Damvea Sec.
3.    Lalsavunga Sec.    4. Kapdaia Sec.
5.     Buala Sec
    Damvea Sec. ten July thla thleng an pe tla tawh a. Tin, Lalsavunga Sec. ten July leh August thla Budget an tlak ta bawk.

Emergency meeting neih a ni
    July ni 15, 2014 (thawhlehni) zan khan Branch YMA chuan Emergency meeting YMA Hall ah an nei a. A hnuai a mite hi thurel te chu an ni,
     July ni 14, 2014 a Falkland venga leiminin a hnawl chin hriatloh a awm  hnamdang hmeichhe zawn hnatlang nei tur a CYMA in kan branch a hriattirna chu sawiho a ni a, July ni 16, 2014 (Nilaini) a hnatlang tur min ruat angin hnatlang koh ni se tih a ni.          Tin, kum 2014 a General Conference  Ratu a neih tur ah hian Special item pakhat nei turin CYMA chuan Hlimen branch a hriattirna chu ngun taka ngaihtuahin Nl Gospel Lalruatengi D/o Lalkunga Saichhuma Section a mi chu Solo turin a ruat nghal a ni bawk.

YMA in puan in tuam
    July ni 17, 2014 zana Mission venga Scooty leh Truck in tipalh avanga Scooty a chuang boral ta Tv. Zonunsanga(20) S/o V. Lalzawmliana Samtlang khua ruang chu kan veng paltlang a nih avangin YMA ten a lo tih \hin anga a ruang hi puan a tuam a ni.
    Hetianga kan veng paltlang ruang chhuak YMA in a hriat te chu puanin a lo tuam \hin a ni. Heng ruang tuamna puan hi vengchhunga chhiat tawk chhung ten YMA hnena puan an hlan \hin niin hetiang hian \angkai taka hman chhuah leh \hin a ni.

Ruang zawn hnatlang nei
    July 16, 2014(nilaini) khan kan Branch YMA member engemaw zat chu Falkland venga leimin vanga chin hriat loha awm Rusna Begum zawngin Chite luiah hnatlangin an thawkchhuak a. Pu Vanlaltluanga President, Pu Robuanga Vice Pre. leh Pu Lalrinmawia Asst. Secy bakah Pu Lalhmingliana Local Council Chairman ten an ho a ni.

Damvea Section
    July ni 29, 2014 (Thawhlehni) zingkarah Damvea Section huamchhung kawngpui dunga bawlhhlawh chhar fai leh kawngba hlo tûra kapin Damvea Sec. hnatlang koh a ni a. He hunah hian YMA Member bakah naupang a tam thei ang ber hnatlang turin ngen kan ni.
    Section Committee Member Pu H.Lalremruata chuan Section ah Inverter \ha tak a Donate a, achungah hruaituten lawmthu an sawi tak zet zet a ni.

CHHIARTUTE NGAIHDAN :
@@    JAC te hmalakna avangin kan veng pawh a muanawm sawt hle. Chutihrualin, Motor Part ruk bo leh zauh zauh thawm te hriat a niin zu zuar hriat tur an la awm te erawh chuan hmalakna tur a la ti tam hle in ka hria. Mipuiten thiltisual, ruihhlo zuar, khawtlang tana hnawksak zawng a kan hriat te chu JAC ah report zel hi a pawimawh hle in ka hria. Kei pawn ka report hmak hmak dawn.
- Khawtlang vei-a

Lawrkhawm chhunzawmna....
Ko khawm
    July ni 18, 2014(Zirtawpni) chawhma lam khan YMA Hall-ah Legal Services Authority chuan kan veng chhung a Primary leh Middle School zirtirtu leh zirlai te kokhawmin dan(law) chungchang zirtirna leh in hrilhfiahna hun an hmang a. DIET a\angin Lecturer te leh dan lam thiam Advocate ten thu \ah tak tak an sawi a. Naupang te humhalhna dan bakah Legal Services Authority hmalakna leh pawimawhna te an sawi a ni. Vengchhunga Primary School leh Middle School zirtirtu te leh an zirlai naupang te an kal \hain hlawk thlak an ti hle niin thu kan dawng.

Chhiat tawh a chunga lawmthu
    July ni 13, 2014(Pathianni) a boral kan Pû, Pu Lalnunzira Melthum a damloh leh a boral chungchangah lawmthu sawi tur kan ngah hle mai. A damloh chhunga damdawi ina kan awmlai a min kan tu te zawng zawng chungah thinlung takin lawmthu kan sawi a. Tin, a nunna chhan nana an taksa in a tawrh tur pawh pawi ti lova thisen phal taka pe tu Tv. R. Lalrindika Buala Sec. leh Tv. C. Lalthlengliana(Tete-a) Saichhuma Sec. te chungah kan lawm em em a ni. July ni 13, 2014(Pathianni) zan dar 7 a a boral tih hriat ve leh a YMA a ka thawhpui leh nu leh pa \henrual \ha ten an in lam Melthum a kan lungaihna min \awmpui tur a lokal zawng zawng te chuangah kan va lawm em. Tin, a vui ni leh vawiin thlenga in khawngaihna kan dawn zo zai hi keini chhungkua chuan engtikah mah kan rul seng dawn lo che u a, Pathianin a let tam takin a rul leh ang che u tih kan ring tlat a, he chanchibu kal tlang a kan lawmthu sawina hi in hnena lawmthu sawina a min ngaihsak hram turin kan ngen a che u.

    In khawngaihna dawng tu,
    Lalrinmawia te nupa, Saichhuma Section

Advertisement.....

Thingthupui |iak
    Thingthupui \iak englai pawhin lei tur ka nei reng e. A \iak a lian leh a tê deuh duh tan pawh ka nei chikim e. Min rawn pan ve teh le.
    In \hian,
    Chalngaiha
    Hlimen, Damveng

Sofa siam thei ta
    Sofa  kan siam thei ta e. Tin, a hlui pawh a thar ang diakin kan repair thei e.
    Hmun dang pan buai lovin min rawn pan ve teh. Man tlawm si, i lungawina ngei turin kan lo siam sak ang che.

Mb :9612962001    V.Thanchhinga
    Wood Land Industry, Hlimen Venglai

Ran puahna khawl thar
    Ran puahna khawl thar ka nei thar ve ta e. Ar leh Ui mahni a puah peih lo tan pan theih reng kan ni ta e. Ar pum khat ` 30(A hmul leh a kawchhung haiin), ui pum khat ` 100 (a hmul chauh) a ni e.
    Tin, Ar puahsa pum nga(5) chin duh tan home Delivery kan ti thei reng bawk e.
  Phone No.                                 In \hian,
  9862374695                           Chhankima

Saturday, 12 July 2014

Vawkhniahzawn Thla Ni 12, 2014, Issue No. 28

PAGE - 1
TUALCHHUNG :
Damlo: Lalhlimpuia S/o Remruatkima Saichhuma Sec. a mi chu July ni 9, 2014 khan tuisa in a intikang palh a, Civil hospital ah kalpui nghal a niin damdawi inah hian enkawl zui mek a ni.

Nâu nei thar: Pu Lalrinawma Siakeng leh Pi Lalrindiki te nupa, Lalsavunga Sec. a mite chuan an fa pahnihna atan July ni 5, 2014 khan Referal Hospital, Falkawnah fapa duhawm tak an nei thar.

@@    Pu Vanlalhmuaka leh Pi PC Lian-dingpuii te nupa, Kapdaia Sec. amite chuan an fahmingkoh atan Referal Hospital, Falkawnah fapa duhawm tak an nei thar.

BCA passed thar: Tv. Andrew Lalrin-chhana S/o C.Lalkunga, Saichhuma Sec. a mi chuan Higher and Technical Institution Mizoram (HATIM) Lunglei a\angin Bachelor of Computer Application (BCA) a passed tharin Mizoram pumah pakhatna a ni.
    Hetiang zirna lama mi chhuanawm, Computer lama Degree sang nei thei kan vengin kan nei hi a lawmawm tak zet zet a, a hlawhtlinna ah lawmpuina leh duhsakna kan hlan e.

MZP in hma la: MZP Hlimen Branch te chuan Hlimen a School hrang hrangah Education Awareness Campaign an nei a. Hlimen School zawng zawngah He Campaign hi neih vek an tum a ni.

ABC Cable siam: Hlimen thlanmual veng a Electric ABC Cable ban a pawh nghehna ( I Hook) a bal a, Connection lakna Cable te chu chhiat mai hlauhawm khawpin a awm a, July ni 11, 2014 (zirtawpni) khan Hlimen Duty chuan phungbawm te sawmin an siam \ha leh ta a. Vengchhung duty te chuan Tlawmngaia pui tu te an hming ka sawi seng lo, tiin an chungah lawmthu a sawi mawlh mawlh an ni.
    Tin, fur lai a ni a, thing leh hnim a \o chakin Electric line tibuai thei awm ni a alan chuan Hlimen Duty hrilhhriat nachang i hre zel ang u. Tin, Current bahruk hi phlaloh a ni a, a line lam thleng pawhin a chhiat phah thei a, mi tumah in bat ru tawh lo turin kan in ngen a ni.

FRONT :
M.H.I.P. DAY VAWI 40-NA ROPUI TAKA HMAN A NI

    Mizo Hmeichhe Insuihkhawm Pawl (MHIP) Day vawi 40-na chu MHIP Hlimen Branch te chuan July ni 7, 2014 (Thawh\anni) khan Programme hlimawm tak nen nilengin hun an hmang a. Chawhma lam dar 10:00 a\angin intihhlimna hrang hrang - inhruipawh, football leh infiamna dang hmangin hlim takin hun Mualzawlah an hmang a. Chawhnu dar 1:00 a\angin YMA Hall-ah Function neih a ni a, Pi Zonunkimi President chuan a kaihruai a, Hunserh Pi Zoramchhani Committee Member in a hmang bawk a ni.
    He Function neihah hian President, MHIP Hqrs. thuchah chhiarchhuah a ni a, tin Child Welfare a Child Line aiawh a\angin naupang kum tlinglo te dikna leh an chanvo te humhalh hi nu hote mawhphurhna leh MHIP te kova innghat tlat a nih thute thiam takin kalkhawm te a hrilh a, member ten ngaihthlak nuam an tiin an hlawkpui hle a ni.
    Tin, he ni hmanpui tur hian MHIP te chuan YMA, MUP leh Local Council te pawh an sawm a, sawmna ngaipawimawhin an kal \ha hle a, heng pawl aiawh a\ang te hian thusawi ropui leh \ha tak tak ngaihthlak a ni bawk. Pawl aiawh thusawitute chu YMA a\angin Pu Lalhmuchhuaka, Treasurer, MUP a\angin Rev. Vanlalvena, President, leh Local Council a\angin Pu J.Zothanpuia Member te an ni.
    Heng thusawitute hian an thiamin \hahnem an ngai tlang hle a, an thusawi te tarlan a chakawm hle a, mahse kan hmun neih hian a zir lovin, a leng thei bawk silo. Mahse, thusawitu zawng zawngte hian ram leh hnam, khawtlang hmasawnna tur leh hnam zahawm leh dikna a rorel a nih theih na tur Nu mawhphurhna san zia leh pawimawh zia an tarchhuakin MHIP ten \an lakna tur an ngahin \hahnem ngaih zual zel a \ul thu an sawi hlawm a ni.
    Tin, kalkhawmte hi Nl. Lalruatdiki, Buala Sec. a mi leh Pi Lalhmangaihzuali, Buala Sec. a mi ten zaiin an awi bawk a ni. Day lawm nan hian vawk thau tak ` 25,000 man zet leh sangha, arsa leh a dangte in kalkhawm mi 161 zet te chu min hrai a, ruai ropui tak mai kil hovin tlai dar 3:00 ah  kam\huah tlan a ni.  Kham lo takin 2014 MHIP Day lawmna chu hman liam a ni ta a ni. 2015 MHIP Day pawh tun aia ropui leh hlimawm zawka lawm thei turin member tinte lo inpuahchah \an turin hruaitu te chuan an ngen a ni.
MHIP VUL ZEL RAWH SE

PAGE - 2
EDITORIAL :
TUH RAH SENG
    Galatia 6:7,8 ah Pathian thu chuan mitin te hian kan chituh rah chu mahni vekin kan seng leh tur thu min hrilh a. Chi tuh rah seng hi Pathian thu vek chuan an seng dan tur leh an inhlut hleih zia tur thu min hrilh nghal bawk.
    Zu zuar a, zu sa \hin chhungkua a\anga naupang seilian chuan zirtir lehchuan ngai lovin zu a thlawr thiam ve nghal a, zu zawrh leh sak chu a tih turah a ngai tlat mai tawh a ni. Chu chu engnge a chhan kan tih chuan a naupan tet a\anga a nu leh pa, chhung ten zu an thlawr a; zu an zawrh \hin chu an hmuh tam leh hriat tam ber a nih avangin a hriat loh laiin a nu leh pa, chhungte chi tuh rah chu a lo lang a. A rah sengtu chu a nu leh pa, chhungte chu an lo ni ta a ni. Chutiang bawkin nu leh pa, chhungkua in kan tuipui leh kan chin\han apiang chu kan nau/naupang ten tih ve turah an ngai tlat zel a lo ni.
    Awle, chi tuh rah seng hi tam tak chuan kan thih hnua Pathianin ro min relsak huna seng chauh tur emaw tia ngai kan tam mai. Chu chu a tawk lo, tun damchhung ngei pawh hian kan chi tuh rah chu a chhia a \ha in kan seng mek a, kan la seng zel dawn. Mahni hringtu nu leh pa, nausen kan nih lai a\anga min chawilian a min chawmtu an lo tar chak tawh loh avanga hmusit a hmangaih let nachang hre lo a tiduhdah em em \hin te, tunah an fa ten an hmangaih loh, enkawl \hat peih loh, a chhe lama chi tuh rah seng mek kan ram zim teah pawh hian hriat tur an tam a sin.
    Ka lo chik ve mai mai dan chuan khawtlangah pawh hian chi tuh rah seng nia ngaih theih tur thil hi a awm ve tlat in ka hre \hin. Khawtlangah chhiatni \hat ni a lo thlen chang hian a bik takin chhiatni ah a ni deuh em aw ka ti \hin. Mi chhiat tawh (thihna) a lo thlen a, che chhuak ngai lo chhungkua te hi sawi chhuak si lo hian miten an hria emawni aw; chhiat an tawh \umin ngaihbel tur a tam bik. Mipui chet danah te hian chi tuh rah seng hun kan chungah a lo thleng vek dawn. Rah \ha seng tur nge i nih rah \ha lo (chhiatna) sengtu. YMA belpui ah zuang lut la, chi \ha i tuh anga rah \ha i seng mai dawn nia.

ZIAKTUTE HUANG :
TRAI (TELECOM REGULATORY
AUTHORITY OF INDIA)

- KC Lalruatkima (Sena)

    India sorkar chuan Cable Network Regulation Rule 9 of 1995 chu siam\ha-in Kum 2014 chhung ngeia Cable TV Operator te chu Digital Signal a pe chhuak turin a hriattir ta rup mai le. (Hei hian India ram City zawng zawng a huam vek a, Aizawlah pawh September thla ral hma ngei a peihfel vek a, October tha a hman theih a tih tur a ni). He Digital signal hi eng nge a nih a, Cable TV pawttuten enge hlawkna an neih dawn lo sawi dawn teh ang.
    Digital Signal a Cable TV pek a nih chuan tuna kan en lai mek ai hian a let nga-in a a ri leh milemah a fiah anga, Home theatre a ngaihthlak pawhin Stereo System-in a tih theih mai bakah Channel tam tak fiah takin (High Difinition) kan en thei tawh dawn a ni (Tunah chuan Cable pawhna thui ho tan chuan a fiah loh zia kan hria ang).

DIGITAL SINGNAL A EN TUR HIAN ENG HMANRUA
 NGE KAN NEIH TUL :
    1. STB (Set Top Box) - A hun leh ni a lo thleng ang a, Digital signal lo man tur hian Set Top Box (STB) TV pakhat atan neih zel a ngai tawh dawn a. (Hei hi Customerte lei tur a ni a, ` 1500 - ` 2500 man vel a nih rin a ni). Tuna room tin a kan duh ang ang a kan pawt kawi ang hian a tih theih tawh dawn loh a ni. Digital Signal hi engvang a ti kher nge an nih tih zawhna i nei a nih pawhin kan sawi tak ang khan TV Signal a \hat mai bakah mahni en duh chauh kan thlang thei tawh ang a, Pay Channel kan en duh chauh kan thlang thei tawh ang.
    2. SMART CARD : Smart Card hi Viewing Card tih a ni bawk. He Card hi Set Top Box-in a rawn chhawm tel tur a ni a, He Card hi ATM a pawisa i draw thin ang khan i signal duh en nan i hmang dawn a ni. He Smart Card-ah hian i signal enduh chiah i thlang anga (Free Channel tih loh chu), i channel duh chiah kha a man i pe anga, i en tawh mai dawn a ni.
    TV EN MAN CHUNGCHANG :
    Kan sawi tak ang khan Smart card hmangin I channel duh i thlang anga (Hei hi Operator hnenah i en duh i sawi ang an lo thun dawn a ni), hun eng emaw chhung atan Bill i pe lawk anga, i sum pek lawk a zawh veleh Mobile Phone i recharge ang khan Local TV Operator hnenah i recharge leh mai dawn a ni.
FEE CHAWI LAWK LOHIN I EN THEI THO ANG EM?
     Thei lo ang. Smart Card khan ID hrang \heuh a nei dawn a, chu chu Computerised a ni ang a, Fee pe \ha duh lo leh bat tum tan a en theih tawh dawn loh a ni.
PAY CHANNEL TEL LO-IN A EN THEIH THO ANG EM?             Set Top Box leh Smart Card i neih tawh chuan Free channel 100 - 200 channel vel kha thla khata ` 100/- in i en thei tho ang. (Mahse En man pek lawk a ngai tho tih lo hria ang che)
A sei lutuk dawn a, chuvangin, a tawi zawngin han sawi thuak thuak ila. Cable TV en nan hian Subscriber atang a Cable Operator (Head End neitu) thlengin fee pek \hat loh leh Corruption a tam em em a, Satellite a a kahchhuah man leh senso tam tak a phuhruk pha lo a ni. Hei vang pawh hi a ni mahna; TRAI hoin heti anga hma an lak tak ni. Fee pe \ha duh lo an hnawng tawh dawn a nih chu. Hei hian Mizoram bikah chuan Aizawl chiah a huam rih ang.

PAGE - 3
HRIATTIRNA :
Meizial zuk khapna hmun
    Office Of The Chief Medical Officer : Aizawl West, Aizawl a\anga hriattirna hmuh a nih angin heng hmunah te hian meizial zuk khap a ni tih mipui kan in hriattir e.
Sawrkarin puipunna hmun  i.e :- School, Office, Public Hall, Library, Bus & Bus Station, Cinema Hall, Restaurant, Hotel, rel Staion, Hospital, Clubs, Bazar, Taxi, Tea Stall leh vantlang puipunna hmung dang reng rengah meizuk a khap a, he dan COTPA 2003 Section No. 4,5,6(a), 6 (b) leh 7 thu angin phallohna hmun a meizu lui te hi dan hmang a hrem theih an ni.

Chhiarpui chungchanga hriattirna
    Kum 2011 chhiarpui (Socio-Economic & Caste Census 2011) Draft list chu mipuite hmuh theih turin tihchhuah a ni ta a. Tihsual leh hmaih te a awm thei a. Chuvangin chhungtin ten en \heuh ila, siam\hat leh thun thar hunchhung hi July ni 17, 2014 thleng hawn a ni. Census hi a pawimawh avangin i ngaipawimawh \heuh ang u.
    Tin, draft list hi zing leh tlaiah YMA Hall-ah leh Pu Zonuntluanga te Inah en theih reng a ni a, Claim and Objection pawh tih nghal theih a ni e.
Sd/- Lalengzauva
WLO (Census)

PPP Mode chungchang
    Aizawl khawpui in faina lama hma kan sawn theih nan PPP Mode hnuaiah bawlhhlawh paih/ seng hawi \hin a ni a, kan veng pawhin kan chhawrin, faina kawngah hma kan sawn phah hle. Bawlhhlawh paihna fee pawh khawn mek a ni a, hetih lai hian ngai pawimawh lo leh pe \ha duh lo engemawzat kan awm erawh hi chu a pawi hle. Local Council in thuchhuah a lo siam tawh angin a pe \ha duh lo te chu Local Council recomment na lam chi reng reng an hmu thei lovang tih kan in hriattir nawn leh a. Tin, AMC Rules 152 in thuneihna a pek angin PPP Mode a bawlhhlawh paihna fee pe duh lo te chu Chairman, Local Council in a chawi tir thei tih kan in hriattir bawk e.
    Sd/- Lalhmingliana
    Chairman, Local Council.

MUP hriattirna
    July ni 5, 2014 (Inrinni) a M.U.P Executive Committee chuan M.U.P Hlimen Unit huamchhung a chhiat tawk an awm chuan Member ten puan dum bah vek tur a ni a, bat duhlo an awm chuan an thih niah puan dum bah ve loh nise tiin a rel a, Darkhuang, Flag leh puan bah pawh a lak leh dah leh chungchangah YMA Section tin a M.U.P Executive Committee Member mawhphur tur a ruat ten lo buaipui se tiin a rel a. Hei hi Member ten ngaipawimawh \heuh tur a ni.

Sd/- Secertary, M.U.P Hlimen Unit.

LAWRKHAWM :
B.A. passed thar
    Mizoram University chuan Degree Course hrang hrang result a tichhuak a, Heng a hnuai a tarlan te hian B.A tha takin an passed niin thu kan dawng ;-

1. P.C.Lallawmzuali D/o Lalnghinglova(L), (DV)
2. Esther Lalhmangaihzuali D/o Laltinkhuma, (KD)
3. Joseph Zodinliana S/o Lalhnehzova, (BS)
4. Lalsangkimi D/o H.Lalrammawia, (KD)
5. Lawmsangzuali D/o Lalzamliani, (SCS)
6. Lalmuanawmi D/o R.Lalliantluanga, (SCS)
    Tin, Zothanpuia S/o Lalthantluanga Fin. Secy. BYMA pawhin Union Christian College a\angin BA \ha takin a zo bawk.
    Hetiang a zirna a mi hlawhtling thar Hlimenin kan nei leh ta hi a lawmawmin, Hlimkhawpui Staff ten kan lawmpui takzet e. Tin, heng tarlan bak; tarlan hmaih kan neih chuan Issue lehpek ah tihchhuah leh a ni ang.

Hlimen Badminton Club lawmthu
    July ni 5, 2014 (Inrinni) khan Hlimen Badminton Club chuan Indoor Stadium repair hnatlang neih a ni a. A chhuat chhe lai siam\hat a Concrete a siam a ni a, a senso hi President G&SA Chalkunga Memorial Teakwondo Club neitu ni bawk Pu Lalrinmawia tum a ni a. A chungah hian Hlimen Badminton Club te chu an lawm hle a. Hetiang a mi inphal leh Sport lama mi tui tak YMA hruaitu ni bawk kan nei hi Hlimen Badminton Club te chuan kan chhuang hle a ni.
-Hlimen Badminton Club

Driving licence tibo
    July ni 8, 2014 khan Hlimen leh Kulikawn inkarah Driving Licence tih bo a ni a, lo hmu emaw lo chhar emaw  chuan khawngaih taka Hlimkhawpui Editorial Board member tu emaw ber hnenah hriattir turin kan in ngen e.

QUARRY WORKER TE HNENA HELMET SEM PROGRAMME
    July ni 15, 2014 (thawhlehni) dar 10:00 Am hian Labour Employment And Industrial Training Department chuan Helmet semna Programme Hlimen Quarry-ah an rawn hmang dawn a, Convener atan Francis Lianmawia Asst. Welfare Commissioner a ni ang a, Pu Lalrinmawia Ralte Minister Of State, LE& IT Department in thusawina leh Helmet semna hun a hmang dawn a ni. He hunah hian Quarry hnathawk te bakah a duh apiang tel tur a sawm kan ni e. He Programme hi Minister Programme a ni.

HRINGNUN.....
Kan hmelmate kan huat viau hian kan mut theih leh theih lohvah te, kan chaw-ei tui leh tui lohvah te, kan B.P-ah te, kan hriselna leh hlimna thuah pawh kan chunga thuneituah kan siam tihna a ni ang.
                -Dale Carnegie

PAGE - 4
KEIMAHNI :
Hlimkhawpui Budget
    Hlimkhawpui  2014 May  thla Budget  pe tla tawh te:
1.    Saichhuma Sec.    2.  Damvea Sec.
3.    Lalsavunga Sec.    4. Kapdaia Sec.
5.     Buala Sec
    Damvea Sec. ten July thla thleng an pe tla tawh a. Tin, Lalsavunga Sec. ten July leh August thla Budget an tlak ta bawk.

Kapdaia Section
    Kapdaia Section te chuan July ni 10, 2014 zan khan YMA Hall-a a huho a World Cup (Big Screen) enna tur Ticket zuara hnatlang neih a ni a, member engemaw zat an thawkchhuak a ni. Hnatlanga thawhchhuak te leh Ticket min lei sak tu zawng zawng te chungah Section hruaitu ten lawmthu kan sawi takzet a ni.
    Tin, World Cup Final  zan hian Ticket hi YMA Hallah lak theih a la ni dawn a, Ticket lo lei lawk lo te pawh hemi zana Ticket lei a, inkhel min en sak turin vengchhung mipuite kan sawm a che u.

Sd/- Secretary

Chakma census committee
    July ni 11, 2014 (zirtawpni) tlai dar 6:00 khan Pu R. Lalngheta te inah CYMA a\anga Chakma Census lam lo enfiah tur a Committee din ten Meeting pawimawh tak an nei a. He Committee ah hian Pu Vanlalruata General Secretary Central YMA chu Chairman a ni a, Pu R. Lalngheta chu Committee Member a ni. Tin, zanriah an kilho nghal bawk.

YMA hall hman chungchang
    YMA Hall hi khawtlang huap thil ni lo, pawl, sawrkar, sumdawnna, Political party etc. tan a hawh man siam a ni a. Tin, Hall hmang tur ten hma lamin Branch OB emaw Hall incharge hriattir \hin tur a ni. A hman man hi nikhat zelah sumdawnna thilah ` 500 a ni a, sumdawna thil ni lo ah chuan ` 200/- a ni.

Advertisement...
Ran puahna khawl thar

    Ran puahna khawl thar ka nei thar ve ta e. Ar leh Ui mahni a puah peih lo tan pan theih reng kan ni ta e. Ar pum khat ` 30(A hmul leh a kawchhung haiin), ui pum khat ` 100 (a hmul chauh) a ni e.
    Tin, Ar puahsa pum nga(5) chin duh tan home Delivery kan ti thei reng bawk e.

  Phone No.                                 In \hian,
  9862374695                           Chhankima

CHHIARTUTE NGAIHDAN :
@@    Hlimen khua ah hian Sports Association hrang hrang a awm ve a, veng khata hetiang anga Association chi hrang hrang awmna hi a tam lo khawp mai a, a lawmawm takzet a. Players te pawh hian kan tuina lamah hian theih tawpin bei ila, veng hminga kan chhuak dawn a nih phei chuan Tournament awm dawn hnaih chauha bei thut lovin a hma lamin inbuatsaih \hin ila. A hnaih deuh pawhin \ang lehzual ila, Game dang nena chawlhpawlh lovin. Tichuan kan thlensan ngei a rinawm. Sports Decipline hi kan zawm \hat phawt chuan mimal, chhungkua, khawtlang a lo nuamin veng nuam a lo ni ngei ang. Game hrang hrang intuipui thiam ila, Sports lama tui mite pawhin kan Game duhna lama kan khelhna turin Association veng chhunga kan neih ho-ah hian hruaitu \ha tak tak an awm a, an thu ngaichang thiam ila, \hahnem ngai takin i \angtlang ang u. Ka pu, engnge i ngaihdan ve le?
-9089916215

Lawrkhawm chhunzawmna.........
Hlimkhawpui kan lawm e
    Kan venga veng pum huap chanchinbu awmchhun HLIMKHAWPUI chu a theih ang angin, kan theih ang tawkin kan enkawl ve a. Kan phu lohin mite zarah malsawmna tamtak kan dawng \hin a, kan va lawm em. Tun\um Issue buatsaih lai a  eitur;  Arsa tuihnai tak mai Pu Lalrinmawia Asst. Secy. in min hlui a. Tin, Pu F.Laltlanmawia pawhin kuhva \hahnem tak min rawn \heh bawk a. Tv. Lalkhawmawia’n  Pen hman tur engemawzah min rawn pe tawh bawk a, kan va lawm \hin em.

Full support pe kan ni em
    Khawtlang thianghlim nan leh vantlang nun te a ralmuan a, a him theih nan Joint Action Committee(JAC) chu Hlimen khawtlang chuan Local Council te kaihhruaina hnuaiah kum 2014 pawh hian a din leh a, vantlang mipui leh kohhran hrang hrang te pawhin full supportan pek thu te hriat a ni.
    JAC chuan theihtawp chhuahin khawtlang leh vantlang leh sawrkar phalloh leh duhloh zawng a awm te chu an sim theih nan tiin theihtawpin  \an an la a, zilhhau ngai te zilhin, hrem ngai te hrem in zan khaw tairek thleng thlengin hlawh pawh nei lovinan hmanhlel a. Chuti chung pawhin hmuh hmaih leh man theih loh engemawzat an awm a, Full Support pe ni a inchhal tamtak te chuan zu zuar an hmuh leh mi awm \ha duh lo an hmuh leh hriat te chu Duty te hnenah hrilh duh si lovin JAC Duty te chu man ngam lo leh duh lo nei ni ang mai in an chhuah leh si \hin a, Full Support pe tak tak ni se chuan an tha te tichakin mi awm\ha duh lo leh ruihhlo zuar an hriat a an hmuh te chu JAC Duty te hrilhin an \anpui zawk tur hi a ni a. Chutiang ti duh lo tu te chu Full Suport pe an ni thei angem?
 
Advertisement.....
Thisen leh zun exam-na

    Heng ahnuai a tarlante hi kan Test thei ta e, min rawn pan ve teh, man tlawm takin kan lo test dawn che nia.
    1. Malaria    2. Zun
    3. HB (Haemoglobin)    4. Typhoid
    5. Blood Grouping    6. Blood Sugar

    In \hian,
    Mabiaka
    Lab. Technician
    C/o J.Zothansanga, Hlimen Venglai
 

Saturday, 5 July 2014

Vawkhniahzawn Thla ni 5, 2014.. Issue No. 27

PAGE - 1
TUALCHHUNG :
Damlo: Pu Lal\huama S/o Lalthanga(L), Buala Sec. a mi chu hun engemaw chen a\ang khan chuap lam \hat lohna avangin Doctor te rawnin In lamah damdawi a enkawl mek a ni.
@@    Lalruatdiki D/o Lalrinsanga, Lalsavunga Sec. a mi chu khawsik reh thei lo avangin June ni 26, 2014 khan Civil Hospital-ah Admit a ni a, he thu buatsaih lai thleng hian Hospital lamah hian enkawl mek a ni.

@@    Pu F.Lalhmingliana Buala Sec. a mi pawh thawhah avangin June ni 29, 2014 khan Alpha Hospital, Kulikawn ah Admit a ni a, July ni 2, 2014 khan In lama enkawl zui turin hawtir leh a ni.

Nau nei: Pu Lalmuanawma leh Pi Julie Zothanmawii te nupa, Kapdaia Sec. a mite  chuan an fa hmingkoh atan June ni 12, 2014 khan Durtlang Hospitalah fapa duhawm tak an nei thar.

Trainer/Coach zo: Pu Lalthankima (Te-a) H/o Lawmsangzeli, Vawmphunga Sec. a mi chuan June thla khan Mizoram Boxing Association (MIZBA) hnuaiah Trainer/Coach a training chhuak. Tin, MIZBA hnuaiah vek hian kum 2009 khan Judge lo Training chhuak tawhin kum 2011 khan Qualified Refree a lo Training chhuak tawh bawk a ni.
    Hetiang a Sports lama mi chhuanawm tak mai kan vengin kan nei hi veng hmasawnna a niin a chhuanawm hle a ni.

Motor nei thar: Pu R.Lalzuala, Buala Sec. a mi chuan a eizawnna a hman atan Tipper (Ashok Layland) leh Pick-up a lei thar.

UHC ah rawn sawn: Pu Lalbiakliana H/o Zorinpuii chu hun engemaw chen Thenzawl Damdawi Inah Laboratory Technician hna a thawh hnuin Hlimen Urban Health Centre ah rawn sawn a niin Joining report pawh a pe tawh a niin thu kan dawng.

Taxi welfare Assembly nei : July ni 4, 2014 zan khan YMA Hall ah Hlimen - Kulikawn taxi Welfare ten Assembly neiin hun hlimawm tak ang hmang a ni.  

FRONT :
ZOPHEI AH VANTLANG HNATLANG NEIH A NI

    June ni 20, 2014 a Local Council huaihawta Joint Meeting-in a lo rel tawh angin June ni 28, 2014 (inrinni) khan Zophei a vantlang ram leh LAD Park area-ah nilenga vantlang hnatlang neih a ni.
    He hnatlangah hian thingphun a nih bakah a hmun samfai a ni a, khua a nawm loh ngaihtuahin hnatlang an \ha hle. Thingphun tur hi Sairang a Forest Deptt. Nursery a\angin June ni 27, 2014 khan Local Council leh YMA ten an la lawk tawh a. Tin, Forest Deptt. a mi Ngiau, Chawmzil, Tatkawng leh Theihai bakah tualchhunga mi Rihmim phun tur lak a ni bawk.  Thing hi thing din tam lohna lai hmun a phun a ni in, a \hen chu kawng dungah phun a ni bawk a. Thing hi kung 400 chuang mah phun a ni. Tin, LAD Park area lai chu tual\o thing zuah zel in a hmun samfai a ni thung. A nawlpui a beihpui hmasa ah chuan Thingphunna tur samfaia thing hi phun hmasak an ni a, a hnuah LAD Park hmun samfai leh a ni a, hetih rual hian samfai hna lo thawk hmasa zawk tlem azawng an awm bawk. He hnatlangin a tuam thui zawng chu Quarry chimna hmabak (hahukkai) a\anga Remand home thleng a ni. Tichuan, tlailam dar 3 pelh hretah hnatlang chu zawh a ni ta a ni.
    He hna hi Local Council ten LAD a\anga an hmuh a ni a, anmahin maiin thawk lovin YMA, MHIP leh MUP te nena Joint Meeting kovin pawl inhlawhna anga kalpui a ni a. He hnathawhna a\ang hian YMA in ` 10,000, MHIP leh MUP ten ` 4000 ve ve an hlawh a ni.
    He hnatlangah hian mi 100 chuang an thawkchhuak a, YMA mai bakah MUP leh MHIP te an thawkchhuak \ha hle. MHIP te chu Upa N. Siamliana thlamah eirawng bawlin an buai hle a,  MUP member te pawh a hmunsam lamah an la \angkaiin a tawp thlengin a sam hna hi an thawk a ni. An chhuanawm hle.
    Tin, LAD Park hming atan hian Local Council te chuan Lalsavunga Park tih a nih theih nan sawrkar ah rawtna an lo thlen tawh a, a hlawhtlin ngei pawh a rinawm hle.

 Zophei hnatlang -chhun chawfak hnu, thingpui senin ho lai..(Thlalatu - Zonunsanga)

PAGE - 2
EDITORIAL :
TUNGE KHAWTLANG HMANGAIH I TIH?
 
    Kan ram chu inthlang ram (Democracy) kan nih avangin ram hruaitu tur te, khawtlang hruaitu tur te mipuiin kan thlang \hin. Ram/ khawtlang hruaitu tur thlan anih dawn chuan ram hmangaihtu te khawtlang hmangaihtu te an rawn in lar sup sup mai a, ram/ khawtlang tana an thil tih tur leh hnathawh dan tur \ha pui pui te chu mipui hmaah an tlangau pui \hin a. Chung an thusawi leh thil tum a\ang chuan beiseina sang tak nen ram/ khawtlang hruaitu tur chu mipui ten kan thlang chhuak \hin.
    Ram hruaitu te, khawtlang hruaitu tur a mipuiin kan thlan tawh zawng zawng te khan an hun laiin eng dinhmun nge min thlen pui tih hi teh fungah kan hmang lo thei lovang. Tun\umah hi chuan khawtlang hruaitu te hi lo thlur ta bik ila. V/C kan neih tawh zawng zawng te leh an hun (term) chhunga an hnathawh leh thil tih te mahni phak tawk ang \heuh in han chhui kir teh. Tunge khawtlang hmangaih i tih? Vawiin a khawtlang tana thil\ha leh hlu \angkai tak ni a i hriat te hi tu te hunlai a mi nge han chhui kir teh. Mi tu pawhin \awngka chuan khawtlang an hmangaih zia thu thiam takin sawi mah se, a thil tih in a zir si loh chuan miten chumi chu dawt sawi hmang an ti mai \hin.
    Khawtlang hmangaihtu chu an thusawiah ni lovin an thiltihah khawtlangin a \hatpui em tih leh hma a sawn puiin a chhawrtu an tam em tih hi a tehfung \ha ber niin a lang. Chuvangin, khawtlang hruaitu kan neih tawh zawng zawng ah khan tunge khawtlang hmangaih i tih ve le? Vawiin a kan khawtlang hruaitu te pawh hi an term hi hmang zo ta se, khawtlang an hmangaih i ti ang nge an hmangaih lo i ti ang? An thil tihin a hril turah ngai phawt ila. 

ZIAKTUTE HUANG :
CHHIATNI INKAIHHRUAINA
                -  CYMA

   
    Khawhar lenpui :Khawhar lenpui hi thil hlu leh thil mawi tak, Mizo nunphung a ni a, khawhar chhungkua thlamuan tur kan nih avangin an mahni chhawk zangkhai zawnga kan awm a pawimawh hle.
(a) Khawhar kan inlenpui hian Mizo chu khawhar hla sain kan zai ho thin a, khawhar hla thiam lo nula emaw, tlangval emaw nih hi thil zahthlak tak a ni.
(b) Khawhar lenpuina boruak tichhe khawpa thusawi thin hi chin loh a tha.
(c) Khawhar ina zai chungchangah Biak In hnaih deuh, thawm hriat phak chinah chuan Kohhran ngaihdan ngaihchan thiam nise.
(d) Khawhar lenpui chungchangah khawtlanga thawhhona a that zawk nan leh chawpchilha hetiang thu rel fo a ngaih loh nan, veng chhunga Kohhran hrang hrang hruaitute nen inrawn tlangin hruaitu chan chan thuah kalphung tur siam fel a tha hle.
 Inralna: (a) Tunlaiin pawisa faia inral kan uar ta fu a, a tha ngawt mai. Amaherawhchu, pawisa neih remchan ang anga inral hi thil zahthlak a ni lo tih hria ila, hum neih loh vanga khawhar ina kal hreh phah hi thil tihawm loh tak a ni.
(b) Ruang awm laia ralna inpek hi kan hreh thin a, mahse ruang awm lai pawhin insensona tam tak a awm tih hriain ralna inpek hi hreh hauh loh tur a ni. Pawl hova inral duh pawhin hun hmalam zawn hram a tha a, tlai khawhnua inral hian lusun a tirei mai mai a ni tih hriat tur ani.
(c) Chhungkaw hotu ber hnenah kher ralna pek kan tum thin a, chuvangin chhungkaw hotu ber hi ualau deuhva awm thiam a tha. Remchang lo napuiah chuan chhungkaw hotu ber kher pan lovin chhungkuaa a remchang hnena pek mai hi ching ila.
Pangpar dah : Hun rei vak lo atang khan ruang chunga pangpar dah kan uar thar a, kan uar deuh deuh bawk a, hei hian thih ni-ah michhia leh mi tha a thliar ta hle mai. Chuvangin kan thei a nih chuan pangpar leina man hu khan inral ching zawk ila, a tha khawp ang. Pangpar dah lo thei lova inngaite kan awm a nih pawhin thlen hun hunah ruang bula dah mai zel nise.
Puana intuam : Mizo chu laina hnaite chauh puana intuam thin kan ni a, intuamna puan hi ruang tuamna tur a ni a, ruang tuam ve awm lo takin puana intuam hi a mawi lo hle.
Damlo en : Damlo na zualte kan lenpui thin a, tlaivar hialte pawh a tul fo thin. Heng hi hre reng ila :
(a) Damlo kha biak kher emaw, hmuh kher emaw a ngai lova, a chinchang chu a chhungte hnenah zawh mai tur a ni.
(b) Damlo en kan ni a, thawm dim ila. Damlo na zual deuhte an nih phei chuan thawm dim a tul lehzual a, keimahni hlimna lam ngaihtuah tur kan ni lo tih i hre reng ang u.
(c) Damlo enkawltute a tul anga chhawk zangkhai hi kan tih tur a ni.
(d) Damlo chhungte a tul anga kawng hrang hranga an mamawh phuhruk sak tum ila.
(e) Damlo kha midang buaipui ve chi an nih loh chuan tlawmngaih chhuaha buaipui ve talh tum lo ila.
(f) Damdawi in leh hmun danga damlo kan/tlawh hian hum neih kher a tul lo. Hum tur neih loh vanga kan/tlawh loh phei chu chin loh chi a ni.  

PAGE - 3
HRIATTIRNA :
Lawmthu leh hriattirna
    Pu Zosangliana H/o Lalremliani Buala Sec. chuan Local Council Office a hman turin Paper Ream 1, Pen stand, Pen 3 leh Correcting Fluid min pek avangin lawmthu kan sawi a. Tin, midang Paper min petu leh Xerox ngai Office lama min xerox sak \hin tu te hnenah pawh lawmthu kan sawi e.
    Tin, tunlaiin PPP Mode a bawlhhlawh paihna May-June fee khawn mek a ni a, mitin ten i ngaipawimawh ang u. Kan pawisa tlem te te tlingkawm hmanga kan veng in faina lama hma a sawn zia hria in a fee pek lamah \an la deuh deuh ang u.

    Sd/- Lalhmingliana
    Chairman, Local Council

Ui te bo
    Kan ui te lak thar, a dum (Mizo ui), a mitko leh a a khabe buang chu July ni 3, 2014 a\ang khan kan hmu tawh lova, lo chhar emaw lo hmu emaw chuan he Phone No. 9612233636 ah hian min hrilh hriat ula kan lawm hle ang.

Meizial zuk khapna hmun
    Office Of The Chief Medical Officer : Aizawl West, Aizawl a\anga hriattirna hmuh a nih angin heng hmunah te hian meizial zuk khap a ni tih mipui kan in hriattir e.
Sawrkarin puipunna hmun  i.e :- School, Office, Public Hall, Library, Bus & Bus Station, Cinema Hall, Restaurant, Hotel, rel Staion, Hospital, Clubs, Bazar, Taxi, Tea Stall leh vantlang puipunna hmung dang reng rengah meizuk a khap a, he dan COTPA 2003 Section No. 4,5,6(a), 6 (b) leh 7 thu angin phallohna hmun a meizu lui te hi dan hmang a hrem theih an ni.

Hlimen football club hriattirna
    1. Hlimen Football League siam a Team tel tum te tan Entry Fee ` 300/- a ni a, July ni 6, 2014(Pathianni) a\anga July ni 10, 2014(Ningani) thleng heng mite hnenah hian thehluh tur a ni.
    (a) Tv. Lalmuanawma (venglai) (b) Pu Zorammawia (damveng) (c) Pu Lalchhankima (quarry).
    2. Vengchhung Football League \anni tur hi remchang zawkna avangin July ni 19, 2014 (Inrinni) ah sawn hlat a ni e.

Advertisement :
National Institute of Open Schooling
Khatla Primary School-I, YMA Hall bul

    Class X leh XII Admission a tih theih reng e, Exam Centre leh A1 - 300009 neitu kan ni e.
(2-2)    Contact :- 9862580546

LAWRKHAWM :
Electric hi
    Tunlai chu Electric Power Supply a \ha ang reng hle a, hetih lai mek hian mi \henkhat ten bahruk kan ching a,  dik lo taka current hman kan ching lutuk hi chu Power Supply lamah harsatna tawh phah a hlauhawm hle. Hlimen ah Duty an awm reng chung si a a hman hmanin pawh ruk kan ching mai hi chu Duty zahlohna leh palzutna a nih mai bakah Main Switch in a tuar a, a chhiat phah fo \hin. Ruk ruk hi chu a Kristian lova, a Mizo lo bawk. Ruk ruk hi sim vat a \ul tak meuh meuh a ni.

J..A.C. che zel dawn
    Tunlai hian mi motor dah\hat, zan lam khawihsak ching an awm a, motor neitute an lungawi lovin an buai thei hle. Hemi chung changah hian JAC chuan hma lain Duty \hin a ni a, June ni 28, 2014 (Inrinni) zan khan mi 3 chu man an niin thu chiang zawk zawhfiah turin Police kutah hlan an ni.
    Tin, July ni 2, 2014 (Ninaini) zan khan Zû standing leh ruk ruk thil avangin tlangval pakhat chu man a ni bawk a, zilhhauna leh warning peka hawtir rih a ni.
    Khawtlang ralmuang leh thianghlim neih a nih theih nan JAC chuan hma lak zel a tum a, thurawn pe \hin tur leh \anpui \hin turin JAC chuan khawtlang mipui te a ngen nghal bawk.

Indoor Stadium chei |ha
    Hlimen Badminton Club te chuan Indoor Stadium chhuat chhe lai te \hiatin siam\hat hna an thawk mek a, July ni 28, 2014 (Inrinni) khan a chhe lai te \hiatin hnatlang an nei a, hall chhuat hi Cement Concrete a siam an tum a ni.

Nitin duty dawn
    UHC Hlimen a Doctor Elsa Lalramzauvi chu sorkar Holiday leh Inrinni leh Pathianni tih loh ni dangah chuan nitin a duty \hin tawh dawn a, mamawhtu tan pan theih reng a ni. Tin, damloh harsatna neia rawn tumte chuan kan natna a zira thil tih a awlsam zawk theih nan a hma lama Doctor hi rawn \hin nise, a theih hram chuan chawhma lama rawn hi a finthlak ber a ni.

P&E hotu ten enfiah
    Local Council ten an dil Electric Site Office leh Bill pekna hmun(Bill Counter) hmun tur te ; tin, line Extent te chu Power & Electric Department Superintendent Engineer (SE) leh Executive Enginneer (EE) leh Sub-Division Officer (SDO) te chuan July ni 3, 2014 (thawhlehni) khan an rawn enfiah a, Department hotu lo kal te hi Local Council te leh YMA hruaitu ten an lo \awiawm a, veng hmasawn zelna tur thil a nih tih hria a Electric Site Office leh Bill pekna hmun (Bill Counter) Hlimen-ah dah a nih theihna tur a tan mipui te kan lungrual a pawimawh hle a ni.

Round of 16 Order of Match tihdikna
    Kar hmasa Issue a World Cup 2014 Round ah 16 Order Of Match tarlan a final khelh hun tur tarlan a dar 12:30 Pm tih kha 12:30 Am tih zawk tur a ni e. Tih sual palhah chhiartu te hriatthiamna kan dil e.

PAGE - 4
KEIMAHNI :
Hlimkhawpui Budget
    Hlimkhawpui  2014 May  thla Budget  pe tla tawh te:
1.    Saichhuma Sec.    2.  Damvea Sec.
3.    Lalsavunga Sec.    4. Kapdaia Sec.
5.     Buala Sec
    Damvea Sec. ten July thla thleng an pe tla tawh a. Tin, Lalsavunga Sec. ten July leh August thla Budget an tlak ta bawk.

Saichuma Section
    Saichhuma Section huamchhungah Hoise No/Name Plate siam\hat tum a ni a, Hming thlak duh, siam\hat ngai leh siam \hat  ngai lo te chuan July ni 7, 2014(thaw\anni) ralhma in Section hruaitute hnenah emaw Mobile No. 9862006838/ 8974857816 ah te hian hriattir tur a ni e.

Sd/- Secretary

Kapdaia Section
    Kapdaia Section YMA chuan Section sumtuak nan YMA Hall-ah 2014 FIFA World Cup chu Semi Final a\anga Final thleng hian Projector hmanga a huho a enna hun a buatsaih dawn a, ticket man hi ` 30/- chauh a ni a, tlawmngaia min lei sak turin mitin te kan in ngen e.

Sd/- Secretary

Advertisement :
Ran puahna khawl thar

    Ran puahna khawl thar ka nei thar ve ta e. Ar leh Ui mahni a puah peih lo tan pan theih reng kan ni ta e. Ar pum khat ` 30(A hmul leh a kawchhung haiin), ui pum khat ` 100 (a hmul chauh) a ni e.
    Tin, Ar puahsa pum nga(5) chin duh tan home Delivery kan ti thei reng bawk e.

  Phone No.                                 In \hian,
  9862374695                           Chhankima 


CHHIARTUTE NGAIHDAN :
@@    Tunlai hian Hlimen Damveng kawngpui sirah motor lian, hmeithai In tiat zet mai zan lamah an hung leh ta khup mai. Motor dang lokal nen a chepin a hlauhawm thei hle.Intihpalh (Vanduaina) a thlen loh nan thu neitu ten han ngaihtuah teh u, a hlauhawm em mai. Tin, Site Drain pawhin a chhiat zawh hma phah takngial dawn.
-JCCA, Hlimen Dv

@@    Hlimen JAC te’n Motor khawih ching June ni 6, 2014 zana mutmu pawh tuah lova min man sak hi a va lawmawm em! Chutihrualin, kan sawrkar lamin awlsam taka an rawn chhuah leh si hi chu veng chhung lirthei neite tan a va him lo em! Tun hnuah hetiang man leh an awm chuan veng chhung thuneitu te’n chinfel mai nise kan va ti em! Veng chhunga awm reng atan pawh an \ha lo mai lo maw??

- Hlimen Taxi Welfare

Lawrkhawm chhunzawmna....
MHIP Day hmang dawn
    Hlimen MHIP Branch te chuan July ni 7, 2014 (thawh\anni) khian ruai nen ropui taka MHIP Day hman an tum a.July ni 6, 2014 (Pathianni) hi MHIP Day chu a ni a, Pathianni a nih avangin a lawmna hun hi a tuk thawh\anni ah neiin YMA Hall-ah Function hmang a ni ang a, He hunah hian Mithiam zawk te sawmin Nu Mawhphurna chungchang thusawi ngaihthlakna hun te a awm bawk ang. Tin, Tlai lamah ruai kilho na neih a ni bawk dawn a ni.

World Cup Prediction
    Hlimkhawpui in World Cup 2014 Brazil a khelh mek a Champion tur Prediction kan buatsaih chu khar a lo ni ta a, Champion tur a ring zingah Netherland (Holland) ring an tam ber a ni. Tarlan tawh angin Champion ring dik zinga vannei ber in ` 200/- a hlawh thei dawn a. Hetiang hi Champion tur ring zinga ram hrang hrang te dinhmun a ni:
    Netherland    -    29. 16 %
    Argentina    -    25 %
    Brazil    -    16.66 %
    Germany    -    16.66 %
    France    -    4.6 %
    Belgium    -    4.6 %
    Colombia    -    4.6 %

Hlimkhawpui World Cup thunawi
    Kumin World Cup chu a khelhna hmun in a zirlo in, a khelh hun hi keini ramah zan rei lam a ni chungin kan nula te pahnihin an en nasa in World Cup a lo awm leh hunah chuan pasal fanau te nen mahni inlumah nau pawm chunga en ngei an tum thu kan editor an hrilh nasa siam siam hle. Tin, tun \um World Cup ah hian Champion tur a atir a\anga alo rin Ghana Team chuan first round an paltlang zo lova; hei erawh hi chuan an rilru a ti thlep hle.
    Kan YMA president hi Argentina Champion ringtu an tam dan a hriat hian Hlimenah Naupang leh Nuho an tam hle mai a ti a, Netherland chanmpion ring an tam theih nan YMA Hall velah a campaing nasa hle. Pu Hmu-a pawh kumin chu First round a tla tawk vel (Spain) a \an rumrut avangin World Cup a Boycott titih a ni awm e. Kan Editor pawh hi a kum ngaihtuah a a world Cup en nasat ber a ni a, Aizawl FC \an tu a ni a, World Cup-ah Club an tel ngai lo tih a hre hnuhnawh a, engtin tin emaw Germany kan \an tir ta hram a ni.  

    Tun\um Issue buatsaihna a ei atan Saichuma Section ten Ar sa tui hnai tan min rawn hlui a kan va lawm em aw...... ‘Kum chanve Hlimkhawpui Budget pe \ha lawmman pawh an lo phu hle’.. Editor Pu Robuangan a ti. ‘Kum chanve dang lawmman la tu te pawh heti zawng hian che leh mah se ha kher mai mai chu ka pawi ti lo’ a ti bawk.