Thitin Thla Ni 30, 2014, Issue No. 35

PAGE - 1

TUALCHHÛNG :

Boral : Pu Vanlalsiama Damvea Sec. a mi chu Aug. ni  29,2014 (zirtawp) zan dar 11:40 vel khan chaw kawng Cancer avangin a boral.

@@    Pu J.Pazawna, Lalsavunga Sec. a mi chu August ni 30, 2014 (Inrinni) zing khan a chhung ten kaihthawh an tum chu kaihthawh theih lovin a boral bawk.
    Lusun chhungte Editorial Board ten kan tawrhpui tak zet zet e.

Damlo: Lalremsiama S/o Lalchhanfela Kapdaia Sec. a mi chu luak leh khawsik avangin Alpha Hospital ah Aug. ni 27, 2014 khan Admit a ni.

Electric Bill Counter: Kan venga P&E Dept. ten Bill Counter siamna tur a hmalakna kal mek chawlh lailawk a nih chhan chu hmunpui lam nen a a inthlunzawmna tur hrui (Cable) chah a la thlen loh vang a ni a, he cable hi a lo thlen veleh hnathawh \an nghal thuai a nih tur thu kan thu dawnna chuan a sawi.

MA Pass thar: Nl. Lalngaihawmi D/o R. Lalngheta Buala Sec. a mi chuan MZU a\angin MA (Public Administration) chu Second Div. ah a pass a, a hlawhtlinna ah kan lawmpuiin kan chhuang tak zet zet a ni.

Pension: Pu Sangzuala H/o Lilipuii Kapdaia Sec. chu kum 30 chuang zet sawrkar hna a thawh hnuin Higher & technical Edu. Dept. ah IV Grade in Aug. ni 29, 2014(zirtawp) khan Pension in a chhuak ta.

Final lut: Malsawmsanga S/o R. Lalngaihawma Saichhuma Sec. a mi chuan U-19 khelh zawh takah Final lutin a khingpui hi Desiding Set-ah hneh lovin a vanduai ta hlauh a ni. Final han thleng chho thei meuh Player kan nei hi a lawmawm hle. A kal zelna turah duhsakna kan hlan e.

FRONT :

BANK ACCOUNT HAWN RUNPUI NEIH A NI

    Aug. ni 28, 2014 (Thawhlehni) khan Hlimenah Rural Bank ten a duh apiang tana Local Council Office ah Bank account hawnna  hun an rawn buatsaih.
    He Scheme hi Central Scheme niin Pradhan Mantri Jan Dhan Yojana Scheme hnuai a mi a ni a, a tum ber chu India rama mipui vantlang ten sum leh pai a hma\hatna nasa zawk kan lo neih theih nan a ni. Ram puma he Scheme hawnna hi Aug. ni 28, 2014(thawhlehni) vek khan neih a ni bawk. He Scheme hnuaiah hian Account neitu hian hma\hatna hrang hrang bakah chetsual(accident) thilah cheng nuaikhat hu RuPay Debit Card an nei vek ang a, he hian Insuarance leh Pension te pawh a huam vek thei dawn a ni.
    Aug. ni 28, a Rural Bank hotu te lokal hian hun remchangah pawh kan veng an rawn la tuam leh tur thu an sawi a. Hemi ni a kan venga Account hawng thar hi mi 80 vel bawr ni a hria a ni a. Account hawng tur hian Passport Size thlalak Copy hnih te, ID xerox copy te, ration card leh house number te thil tel a ngai a; tin, account hawn nana ` 100 ngai tih pawh kha hemi ni hi chuan lak sak an nilova, a thlawn ni Account hi an hawng a ni.
    Rural Bank lam hotu te hi Local Council ten an lo dawng sawng in, Account hawn runpui neih leh hun tur chungchangah pawh inbiakna neih chhunzawma, hun remchang hmasa  ngaih chan nise an ti a ni.
    Bank Account neih hi chhungtin tan mai bakah mimal tana pawimawh tak a nih avangin Account hawn an rawn buatsaih leh hunah pawh mipui tam zawk ten lo beng
kawn in Account hi hawng tum thei \heuh ila a \ha hle awm e.

###############################################

LPS pro fight
    LPS Pro Fight khelh mek ah kan veng a\anga tel Lalhriatpuia S/o BK Remmawia Saichhuma Sec. a mi chuan a khingpui vawihnih hneh tawhin a vawithumna atan Aug. ni 30, 2014(inrinni) zan hian a khel leh a, he thu buatsaih lai hian a chanchin kan hre hman lo. Tin, MS Dawngkima S/o Lalzarzoliana Saichhuma Sec. a mi pawhin a vawikhatna atan Aug. ni 28, 2014(Ningani) zan khan a khingpui a lo hneh tawh bawk a ni.Tin, Henry Zoramsanga S/o C. Rozuala Saichhuma Sec. a mi pawhin Sept. ni 4, 2014(ningani) zanah a khel dawn bawk a ni.
    Boxing Club \anpui nan hian Saichhuma Section chuan ` 600/- an hlan a. tin Games & Sport Association pawhin Boxing Club hi ` 1000 in an \anpui bawk a ni. Boxing a kan veng player te duhsakna sang ber kan hlan a, an kal zelna tur ah duhsakna kan hlan e.

PAGE - 2

EDITORIAL :

‘MAN’ ka tih ve chu
    Mitin mai hian mipa kan ngaihsan zawng te hi he pa chu a va pa(Man) em tiin kan sawi \hin. |henkhatin khawlai a insuala buaina siam peih tak te hi ‘Pa(Man)’ kan ti \hin a. |henkhat leh chuan mahni in chhung a inlak pa nan nupui fanau te chunga in lek ching tak te hi he pa chu a va pa(Man) em kan ti \hin. Chumai bakah, mite an \awngkam hman danah leh an in chei duh danah te, an chet phungah te pa (Man) tih zawng riau te kan nei \hin.
    Keiin Pa (Man) ka tih zawng chu heng mite hi an ni. Kan hriat angin tunlai hian LPS lam chuan rampum huapin Pro Fight boxing a buatsaih a, heng a tel ngam Hlimen a\anga mi pali ngawt mai kan neih ho te hi kei chuan pa(Man) ka tih zawng tak an niin ngaihsanawm ka ti.
    Tin, heng bakah hian infiamna kawng hrang hrang a, ram aiawh a tel veng leh ram ti hming\hatu Hlimen \halai te hi kei chuan Pa(Man) ka tiin ka ngaihsan zawng te chu an ni tlat.
    Heng bakah pawh sawi tur an la tam mai. Harsatna tinreng tawn tlanga,  zirna a mi hlawhtling tak tak te, eizawnna kawng hrang hranga hlawhtlinna \ha tak hmu ho te; heng ho te hi Pa(Man ) ka tiin kan ngaisang em em bawk a ni. Heng ka’n sawi tak mai te pawh hi khawlai a insual a buaina siam \hin te leh mahni inchhunga mahni in lak pa tum a in lek \hin te ai chuan PA(MAN) ka tih zawng te chu an ni.
Nang tunge PA(MAN)
 i lo tih ve le????

ZIAKTUTE HUANG :

RUIHHLO DO TIHARSA TUTE
- R. Lalngheta
    Ruihhlo kan tih hian kan rilru a lo lang a inang chiah lo mai thei awm e. Mi tamtak chuan damdawi chi hrang hrang \halai tamtakin  an hman sual hi ni berin an sawi anga, a \henin zu hi an telh ang a, a \hen chuan an telh lo mai thei bawk a, mahse, zu pawh ruih theih, ruih \hin, ruih lai mek a nih avangin kan telh ve tho ang.
    Awle, tun\uma kan thupui chu ruihhlo do ti harsa tu te hi tih a ni a, ruihhlo kan do rei ta fu mai a. YMA in kum puana kan neih hma pawhin pawl hrang hrang te an lo do fo tawh a. MNF te ramhnuai a an awm lai, tu thu hnuaiah mah kun lova thuneihna tawp an neih lai pawhin an do tawh a, khawng takin do mah se, tun hi kan dinhmun chu a la ni reng a. A \awngtai lama lo \ang \hin te pawhin an buaipuina a rei tawh hle mai. Chutiang nichunga hetiang dinhmun a kan la awm tlat hian a entir chiang tak chu ruihhlo do kawngah hian harsatna kan tawk ve \hin a ni tih hi a ni. Ruihhlo do ti harsa tu te hi tamtak awm mah se, tlem lo sawi ila:
 

1. Ruihhlo ngai tu te :- A pawimawh ber emaw kan thupui chhanna dik ber an ni emaw ni lo emaw, ruihhlo ngai tu te hi ruihhlo do ti harsa tu te chu an ni phawt mai a. Heng ho hian duh tawh lo phawt se chu tuman an zuar an zuar peih tawp lovang. Heng ho ten an duh tlat a, thil dang zawng zawng ai deuh thaw a an thlan a, an nunna in a tawp thleng pawh a an tih zui zel avangin ruihhlo do hi a harsa a ni chiang khawp mai. Kan ram a ruihhlo do tu kan hriat lar tak YMA leh VDP kan tih te hi mi tlawmngai kal khawm an ni mai a. Heng ho hian mahni hna eizawnna kawng an zawh \heuh a, chubakah an awmna kohhran ah \heuh engemaw rawngbawlna an chelh zui a, a \hen chu tlawmngai pawl dangah mawhphurhna dang pawh an la nei nual a. Chuti a nih chuan ruihhlo do kha thil tamtak an tih zing a pakhat a ni mai a. Hun zawng zawng, rilru zawng zawng hmangin an do thei lova ni. Chutihlaiin a titu te lam hi chu an hman khawp a. Chawlhni leh chawlhni in kar zawng hi an tan hunawl a ni ringawt mai a, khawiah mah \ulna leh pawimawhna an nei ve si lova, ruihhlo kha an khawvel a ni ringawt mai a, a do tu te nen an in hman hleih em mai a, do hneh a har a, a buaithlak hle a ni.
 

2. Sawrkar dan :- Ruihhlo do tu te harsatna sut lian em em chu dan kan nei \halo hi a ni. Assam Drugs Control Act kan sawi lar em em leh kan hman rim em em hi- damdawi hi ruihtheih a ni tih kan hriat hma daih, khaw pakhat a radio pakhat kan in ngaihthlak \awm luai luai lai a mi daih tawh kha a ni a, kan tunlai sualna do nan chuan a hlui lutuk tawh a, kan ruihhlo buaipui lai mek han do nana hmantlak a ni lo a ni. Mi tlawmngai ten nasa taka beiin, mutmu pawh tuah lovin chaw mumal pawh ei lovin an hna bei a, harsa takin an han man ta cheng a, a tuk lawkah ho leh awlsam takin an lo chhuak leh a, sim hauh lovin an han ti zui leh ngat a, a man tu te rilru a hliam a, an sual man an chawi lah chu a do tu te kut a lut lovin khawiah emaw a lut a,chu chuan sawrkar zem pui a thleng meuh em tih pawh kan la chianglo zui a. Kan tawrh rapthlak tawh zia en hian a do na dan ber hi a nep lulai lutuk a ni. Dan lovin han nuai vak dawn ila, a rem leh \euh si lo. Kan MLA, kan dan siamtu te ber lah hian heti lam hi an la vei tawk lo a ni ang. Tun thlengin eng dan mah min la siamsak lo chu a ni a, kan ram hruaitu te leh fa te ngei pawh ruihhlo avang hian mual an liam \euh tawh a, chuti chunga ruihhlo do na dan tur an duang thar chuang miah lo hi mak tak a ni. Ruihhlo kan buaipui fe hnuah Assembly session a piangin eng dan dan emaw hi chu an siam\ha in an pass reng a, chutih laiin ruihhlo do dan thar leh \ha zawk an la duang chhin lo niin a lang a, kan mangan na leh tawrhna hian dan siamtu te a la koh harh zo lo hi mak tak a ni. An tu leh fa te thihna meuh pawhin a koh harh zawh loh chuan eng hmanga koh harh tur ni ta ang maw.

( Issue lehah chhunzawm a ni ang.) 

PAGE - 3

HRIATTIRNA :

Bawlhhlawh paih chungchang
    Kan bawlhhlawhte Tuirial Dumping Ground-ah kar tin vawi 2, LPK leh Pick Up hmanga kan paih tak avangin vengchhung pawh a nawm phahin faina lamah hma kan sawn hle a. Hetih lai hian bawlhhlawh, motor a la paih ngai lo te pawh kan la awm \euh niin a lang a, hriselna leh faina lama hma kan sawn zel theih nan chhungtinin kan bawlhhlawhte mahni in a\anga Sanitation Point hnai berah Nilaini zing leh Inrinni zing bikah LPK ah leh Nilaini zing bikah Pick Up ah Vengchhak leh H/S Veng tan paih \heuh turin kan inhriattir leh e.
    Mipui lamin bawlhhlawh paihna man atana 20% (user charge) kan tum ve \hin pawh July & August 2014 khawn a lo hun leh ta a. Sept. ni 1, 2014 (Thawh\anni) a\angin khawn leh tum a ni a, chhungtinte lo inring leh \heuh turin kan inhriattir bawk e.
    Ahnuai a mi ang hi May & June, 2014 atana user chage kan hmuh leh hmandan a ni e:
Hmuhzat    -    ` 19,070
Bawlhhlawh paih zat    -    Vawi 17
Hmanral dan :
1.    LPK vawi     17 X 200    =    3,400
    Labour vawi     17 X 300    =    5,100
2.    Pick Up vawi 8
    May - 4th June vawi     5 X 600    =    3,000
    11th June - 25th June vawi    3 x 250    =    750
    (June ni 11a\ang hian AMC in Pick Up          min pek tlan \antir a ni.)
    Labour     8 X 250    =    2,000
3.    Receipt, Xerox, Gloves,
    Rain Coat 2 nos.         =    2,500
4.    Committee eiral        =    120
5.    Collector hlawh        =     2,000
    Total         =    18870
6.    Balance          = 19070 - 18870     =     200

    Sd/-Secretary
    PPP Mode, Hlimen

Bô zawnna
    August ni 27, 2014 (Nilanini) khan Vengthlang kan In leh Venglai inkarah TV Power Cable ka ti bo a, a lo chhar in awm chuan khawngaih taka min pe leh hram turin ka ngen a che u.
    In khawngaihna diltu,
    F.Zothankima, Hlimen, Vengthlang
    Ph. 9862669277

Vau khan na
    Thlanmual-I a mau tuai khawr \hin kan awm a, tunhnuah tumah khawrh tawh lo tur a hriattir kan ni a, khawrh lui kan awm leh anih chuan in hming Hlimkhawpuiah tarlan a ni ang. Mau hi thlan laihna hmunah tangkai taka hman \hin a ni tih hria in zawm \heuh i tum ang u.

LAWRKHAWM :

Accident
    Lalnunmawia S/o Raldoliana(L) leh Zosangzela S/o Lalchhuana, Hlimen Damveng te chuan August ni 28, 2014 (Ningani) khan Pu F.Zosangzuala hnathawhna Serchhip a dah turin Balu Ngaizel a\angin 909 Tipper in an phur chho a, Siaksuk khaw chhung thlen hma ah chuan che sualin kawngthlangah an tla a, a khaltu Lalnunmawia chu a hmunah a boral nghal a, a chuanpui Zosangzela chu hliam na vak lo tuarin a him hlauh a. Zela hi kawngpuiah vak chhuak chhoin \anpuitu a han au ta a ni. He thu hi hriat a nih veleh Hlimen a\angin lrthei engemaw zat hmangin Sialsuk hi pan chhoh a ni a, hetih lai vek hian Sialsuk khaw mipui ten Accident te hi lo buaipuiin Sialsuk damdawi in lamah an lo la chho bawk a ni. Sialsuk Damdawi in ah hian Postmortem tum zet a ni a, amaherawhchu Postmortem hi khawthim hnu chuan a remchan loh a vangin rawn hawpui a ni ta a, zan dar 10:30 vel khan Hlimen rawn thlenpui a ni

P.E.S  hriattirna
    Presbyterian English School Hlimen chuan Sept. ni 1, 2014 (Thawh\anni) dar 10:00 Am hian First Entry Result puan a ni dawn a, zirlai nu leh pate mahni ngei kala kan fate Result lam tura hriattir kan ni e.
    Tin, hemi ni (Sept. ni 1) hian Class V - VIII zirlaite uniform ha lovin School kal tur a ni bawk e.
    Sd/- Principal
    Presbyterian English School
    Hlimen

Re-Union  hriattirna
    Kum 1974 leh 1975 a Hlimen M.E.School a Class IV leh V zirlaite Re-Union Cum Teachers la damte chawimawina September ni 5, 2014 (Zirtawpni) Teacher’s Day hian Hlimen YMA Hall-ah neih tur a ni a. Hemi kuma Class IV leh V zirlai ten September ni 3, 2014 hmain thawhlawm kan remchan ang ang heng mite hnenah hian pek theih a ni :-
    1. Pu R.Lalngheta, Chairman
    2. Pu Lalhmuchhuaka, Treasurer
    3. Pu C.Lalkunga, Secretary

    Tin, Programme pawh hetiang hian siam a ni :-
    A hun    :    Sept. 5, 2014 (Zirtawpni) 1:00 Pm
    A hmun    :    YMA Hall, Hlimen
    Chariman    :    Pu R.Lalngheta, Hlimen
    Hunserh    :    Upa Lalremsanga, Methum
    Welcome Speech    :    Er. Lalzorama, Chaltlang
    Zirtirtu thilpek hlanna
    Thusawi    :    1) Zirtirtu te a\angin
            2) A duh apiang tan
    Banna    :    Chairman kutah
RUAI....RUAI....RUAI

Tih dikna
    Kar hmasa Issue a tarlan Hlimen VC/LV kum 60-na tlin lawmna a pawisa thawhtu Pi Thansangi ` 100/- tih kha ` 500/- tih zawk tur a ni. Tin, Pu C. R. Lalliansanga leh Pi Thansangi te nupa hian |helretkawn a Pu Zohmingthanga Point a a Railling atan thir tlawn hnih an donate a, an chhungkaw chungah Local Council te an lawm hle a ni.

PAGE - 4

KEIMAHNI :
Hlimkhawpui Budget
    Hlimkhawpui  2014 July  thla Budget  pe tla tawh te:
1.    Damvea Sec.    2.  Lalsavunga Sec.
3.    Kapdaia Sec.    4. Buala Sec.
5.    Saichhuma Sec.

    Saichhuma Sec., Kapdaia Sec., leh Damvea Sec. ten September thla thleng an tlak a, Lalsavunga Sec. ten December thla  thleng an tlak ta bawk.

Kapdaia Section
    October ni 11, 2014(Inrinni) hian Section intihhlim nan leh intuaitharna ni pahfawmin Daifim Picnic Spot Sihhmui ahOuting neih a ni dawn a. Hemi huna kal tumte chuan September ni 15 ralhma in Pu Lalchhantluanga, Tv. Lalzopuia leh Tv. R.Lalhminghlua te hnenah in report tur a ni e ni.
    Tin, September ni 1, 2014 (Thawh\anni) zingkar hian outing neih tur pualin sum tuakna tur rora chhut tur Mel 4 Quarry ah lak tur a ni a, Member atam thei ang ber thawkchhuak turin kan inngen e.
    Sd/- Secretary
    Kapdaia Section

Hriattirna chhunzawmna......................
Local Council hriattirna
    Local Council-in Gas Card(Consumer Card) a buaipui sak; la khul lo ten thawh\anni (Sept. ni 1, 2014) ral hmain    Local Council Office ah Office hun chhungin  khul vek turin kan in hriattir a, he mi hnua khul chhuak lo te chu Card bo palh thu hla ah pawh Local Council-in mawh a phur lovang.
    Tin, tunlaiin khawlaiah ui chhuak a tam leh \an ta hle. Ui vulhtu ten i khuahkhirh ang u. Khuahkhirh loh avanga mi kut a lo tuar a nih pawhin a ui neitu ten an sawi buai thei lovang.
    Sd/Lalhmingliana
    Chairman Local Council
 

Thlanmual sam hnatlang
    September ni 13, 2014 (inrinni) hian Branch YMA chuan thlanmual I& II sam hnatlang a ko a dawn a. Mahni chhungte thlan la ti fai lo kan la awm nuala, Branch hnatlang neih hma ngei a lo tifai lawk \heuh turin kan in ngen e.
    Sd/- Secretary
    Branch YMA 

CHHIARTUTE NGAIHDAN :

@@    Kan veng hi tunhma a\anga infiamna lama infiam thiam veng/khua kan ni \hin a, hun rei tak kan veng hming leh kan veng mite an lan phak tawh loh hnuah tunhnai eng emaw a\ang khan heng game Badminton leh thil dangah te an rawn in promote chho leh \an ta a. Heng naupang zawkte hmalam hun \ha nei zawk te hi an Practice na kawngah pawh kan veng tan kan khua tan a ni tih hre rengin in kian thiam hram hram ang u.
- Man

KAN THEN TAK :

LALNUNMAWIA KUM 48 : Lalnunmawia hi Pu Raldoliana (L) leh Pi Vanlalmuani (L) te inkarah kum 1966-ah a lo piang a. Amah hi a tette a\angin naupang zakzum leh \awng tamlo tak a ni a, amaherawhchu \henrual huikhawm thiam tak leh \hiante lawm hlawh tak a ni.
    An unau hi hmeichhia 2 leh mipa 6 an ni a, a naupang lam a\anga pathumna niin a û te ho pawh hian chatuan ram an lo pan vek tawh a, a naute pahnih Lalsangluri leh Vanlalfela ten inpui luahin Hlimen Damveng ah an khawsa mek a ni.
    Amah hi mi nuntluang \ha tak, mi taima leh inngaitlawm thei tak a ni a, fiamthu duh tak niin a bula awm pawh a nuam hle \hin a, naupang a ngaina in a bula awm pawh nuam an ti hle thin.
    A eizawnna a hun hmasa lam hian Pu C.Zosangliana, Hlimen Damveng Motor hun rei tak a lo khalh tawh a, hei bakah hian motor hrang hrang a vuan nual tawh bawk. A motor khalh neitu te pawh hian an ngaina thei hle a ni.
     Tuna a motor khalh 909 Tipper hi Pu F.Zosangzuala, Hlimen Damveng a mi ta a ni a, kum 3 kalta vel a\ang khan he motor hi a lo vuan tawh a ni. Mi rinawm tak leh mifel tak a nih avangin Pu Zosanga pawh hian a kutah engkim a dah mai \hin a, an mahni chhungkaw zinga mi ang maiin an en a ni.
    August ni 28, 2014 (Ningani) pawh khan a pû Zosanga hnathawhna hmun Serchhip a Balu dah tura an kal a ni a. Siaksuk khaw daiah chesualin kawng thlangah an tla a, a hmunah hian ká pawh chhawn lovin chatuan ram min pansan ta a, a tuk August ni 29, 2014 (Zirtawpni) chhun dar 12:00 khan Rev. A.Tumsanga, Bialtu Pastor BCM chuan a vui liam ta a ni. Lalnunmawia hian anaute pahnih leh a nâu fanu (a tunu) te a kalsan a ni.

SP in ko khawm
     Aug. ni 29, 2014(zirtawp) khan Aizawl SP chuan City Area chhunga veng hrang hrang VDP/JAC te ko khawmin , sualna hrang hrang tihremna kawng a hmalak dan tur leh thawho dan tur te Aizawl SP Conference Hall ah an sawi khawm a, Hlimen JAC a\ang pawhin Pu Pachhunga, Pu Zoramhmangaiha, Pu R. Zoliana, Pu Lalchhankima te an tel a ni. He inkawm khawmna hian kan veng chhungah pawh rah\ha duhawm tak a chhuah ngei a rinawm.

Thitin Thla Ni 23, 2014, Issue No. 34

PAGE - 1

TUALCHHUNG :

Damlo: Malsawmzela S/o R.Lalhmunsiama Damvea Sec. a mi chu hritlang awmnâ avangin Aug. ni 20, 2014 khan Durtlang Hospital-ah Admit a ni a, Aug. ni 22, 2014 khan dam takin a lochhuak leh ta niin thu kan dawng.

Quarry kawng siamrem: Aug. ni 19, 2014 (thawhlehni) khan Quarry kawng chhe zual lai chu Pu Lalrinmawia’n Saichhuma Sec. a mi chuan ama sum sengin JCB hmangin a nawr \hat tira , lir thei veivak te tana nuam ta hle niin thu kan dawng. A inpekna a fakawm hle a ni.

Monument siam dawn: Hlimen a Mipui rorelna (V.C/ L.C) in kum 60 (Diamond Jubillee-1954-2014) a tlin hriatrengna lung (Monument) chu Local Council ten siam an dawn a, Bi-Centenary lungphun bulah siam an tum niin kan thudawnna chuan a sawi.

Meeting nei: Aug. ni 18, 2014(thawh\anni) khan Anganwadi lam hotu te leh anganwadi a thawktu ten YMA Hall ah meeting pawimawh an nei a, kal an \hahnem hle.

MHIP in panna kawng siam: MHIP Hlimen Branch panna kawng chu AMC sum hmangin an in panna kawng step chu Chequered tile phah hna thawh mek a ni. An zawh thuai beisei a ni.

Local Council Gas Card: Local Council ten Gas rualkhai zawk a sem a nih theih nana Gas Card an siam chu peih fel a ni \ep tawh a, kar leh lam chuan peih fel hman anih mai theih thu kan thudawnna chuan a sawi.

Result chhuak : Zirna in hrang hrang a zirlai te Exam Result chu  sikul tam tak ten an ti chhuak a, result kimchang erawh chanchinbu phek in a zir loh avangin kan tarlang thei lo a ni.

JAC ah hlan : Aug. ni 22, 2014(zirtawp) zan khan Saichhuma Sec. ten JAC kutah ` 500/- an hlan a, JAC hruaitu te an lawm hle a ni.

FRONT :

DIAMOND JUBILEE LAWMNA HUN HMANG
    Aug. ni 16, 2014(inrinni) khan YMA Hall, Hlimen ah Hlimen a Mipui rorelna (V.C/ L.C) in kum 60 (Diamond Jubillee-1954-2014) a tlin lawmna inkhawm neih a ni. Mi 77 an kalkhawm a ni.
    He hun hi Pu Lalhmingliana Chairman Local Council-in a kaihruai a,  Pu Sang\huama’n hunserh a hmang a, hunserh hman zawh a nih hnu hian  VC/LC body a tel; boral tawhte ( hriatheih chin mi 52 te) sun nan Minute khat ngawi reng a din a ni a. Hemi hnu hian Nl. Lalthansangin sunna hla a sa a, sunna hun hman zawh a nih hnuah Pu J.Vanlalbiakdika Secy, LC in report tawi a pe a,  report pek zawh a nih hnu hian Nl. Miriam Zodingsangin kalkhawmte zai mawi takin a awi leh a ni. Zai mawi tak ngaihthlak a nih hnu hian thu sawina hun hawn a ni a, Local Council aiawhin Pu J. Zothanpuia Member LC lo ding chhuakin Local Council(2012-2015) hmalak na leh hma chhawp hrang hrang te leh kalkhawm te lawm na thu a sawi a, he mi hnu hian kalkhawm te a\angin thusawi tawi hlawkthlak tak tak te ngaihthlak a ni a, Pu Thansanga te, Pu Rinngaia te, Pu R. Lalhmingliana te, Pu R. Hranga te, Pu Lianbuka te, Pu Lunghnema (Msvt) te, Pu R. Lalengzuava te, Pu F. Zothankima leh Pu Lalhmuchhuak a te hnen a\angin thusawi hi ngaihthlak a ni a, Tin, Tv. C. Lalhmingthanga Member LC in thu sawina hun a hmang ve leh bawk. Thu sawitu hrang hrang te hian hun kalta thilte bakah khawtlang hmasawn na atana pawimawh em em chu \angrualna leh lungrualna anih thu an sawi uar hle a. He Diamond Jubilee lawmna thupui atana thlan chu ‘ Lungrualna leh inpumkhatna hi dinchhuahna a ni’ tih a ni a. Tin, hei pawh hi tarlan a ni bawk, ‘Hlimen hian hma pana a kal zel theih nan nang leh kei min au . Hei hi Hlimen a ni si a.’  
    Thu sawina hun hman zawh anih hnu hian Pu Vanlalhruaia Vice Chairman LC lo dingchhuakin lawmthu sawina (vote of thanks) a neih zawh hnuah Chairman kaihruaina in he Diamond Jubille lawmna inkhawm chu zawh a ni ta a, chawhlui kilhona neih chhunzawm nghal a ni.
    He hunah hian sawm an nih angin Hlimen a NGO hrang hrang YMA, MHIP leh MUP a hruaitu te an tel \ha hle a ni. Tin, kalkhawm te hian Resolution pakhat lungrual takin an pass a, chu chu ‘ Hlimen khawtlanga rorelna chelhtu pawl ding ngei nise, hemi chungchangah hian Local Council (2012-2015) ten ruahman na lo siam rawh se’ tih a ni.
    August ni 17, 1954 khan Hlimen lal Pu Buala chuan Pu Zotawna (L), HlimenVCP hmasa ber kutah khawtlang rorelna/thuneihna a hlan a, Diamond Jubillee  champha tak hi Pathianni a nih avangin inrinni-ah a lawmna hun siam a ni ta a ni. Tin, Lal thuneihna tawp tak ni hi Aug. ni 16, 1954 a ni bawk. 

PAGE - 2

EDITORIAL :

Hlimen khawtlang ka lo thlir ve dan
    Tunlai chu mahni phak tawkte in kan khawtlang( Vantlang) nun leh hmasawnna lam kawng a kan hnufual em em nachhan hi enge ni ber ang aw tih leh engtin nge siam\hat a nih theih ang a, hma kan sawn theih ang aw tiin kan khawtlang chu ka ngaihtuahin ka thlir ve reng \hin. Chuta ka lo thlir vel naah chuan Hlimen khawtlang hnufual em em nachhan leh a changkan theih lohna chhan ber ni awm a ka lo thlir ve dan chu hei hi a ni.
    Ruihhlo  Khawtlanga a lo hluar tak em em avang leh ruihhlo atchilhtu a hmei a pa an pun nasat em avang hi ni ta ber in ka hria. Ruihhlo, a hming ringawt pawh hi a changkang lo vin, hmasawnna \ha a beisei pui awm loh tehreng nen, chung ruihhlo te chu atchilh tlattu \halai a hmei a pa an pung hluai hluai mai si. Ruihhlo a hluar zel a, a atchilhtu an pun zel bawk si chuan Hlimen khawtlang chuan a hlawh tur chu khaw \hing, hmasawnlo leh changkang lo tih hi a ni ringawt mai.
    Hlimen hi khaw changkang leh hmasawn a siam tur chuan ruihhlo (Âthlo) leh chung ruihhlo âtchilh tlat tute hi khawtlang a an zalen theih loh nan thluak fim tak nei a tuna ruihhlo âtchilh tlat tu ten ngaihtuahna an hman theih nan heng ruihhlo leh âtchilh tlat tute hi khawtlang lungrualin an thunun (Control) theih hunah Hlimen khawtlang chuan hma a sawnin a changkang ve thei chauh dawn niin ka hria. Ruihhlo tam na veng / khua leh a âtchilh tlattu an tamna veng/ khua changkang leh hmasawn tak, ngaihsanawm tak  ka la hmu lo tlat.

ZIAKTUTE HUANG :

VE TEH TLATIN
R. Lalêngzauva, Hlimen Damveng
   
    Aug. ni 16, 2014 (inrinni) a lo inher chhuak a, kan Local Council ten, ‘ Hlimen khuain mipui thlan lal Rorêltu kan neih kum 60 tlin lawmna’ YMA Hall-ah awmni khama lawmna leh thu chhia thu \ha sawiho tûra an aia upa zâwk te thurawn petu atân leh, an thiltih kalphung te inhrilhhriatna leh thurâwn petu tûra an sâwmte chawhlui kilhona an siam tûrah tel ve tûra an hrilhte zingah sâwmna lehkha ka dawng ve teh tlat a. Zak deuh hlek si, phûr angreng tak siin ka tel ve ta a, khawtlâng mipui tâna an hnathawh leh Hlimen khaw hmasâwnna tûr ni a an hriat leh an hnathawh tawh te leh an hmachhawp te report an pêk hnuin, kan LC member te an \angrualin an inlungrual tlâng hle in ka hria a, an la upa lo hlawm hle nachungin, Hlimen  khaw hmasawnna atân a kawng hrang hranga ke an pênna leh sawrkar leh kohhran leh Department hrang hrang an dâwr dân teah rem an hre viauvin ka hria a, \halai na nâ nâ chu an viak a \ha in an fakawm hle mai. Rorêltu khawtlâng tâna lungrual taka thawkho thei kan nei hi a lâwmawm hle mai. Kum kalta kum 60 chhûnga kan rorêltu thlan te zingah Hlimen khaw hmasawnna tûra thawk \ha ber pâwl an ni hialin a hriat e.
    Tichuan le, thu sawina hun a duh apiang tân an hawng ta a, sawitu an \hahnem viau a, an sawi \ha hlawm viau nachungin, hun kal tawh leh thu mu hnu lam an sawi deuh ber a, upa zawk te thurâwn ngaihchân an duh vânga he hun hi siam an ni pahfâwm a ka lo rin laiin, thurâwn lam leh Hlimen khaw hmasâwnna tur lam han kawhhmuh tûr an sawi tam lovin ka hria a, pawi ka ti angreng hle.
    Sawi duh tan hun a la awm e tih tâkah chuan a \hi beh lo ber chu ka han ding ve ta chawm mai a, V.C Term hmasa pawha ka lo sawi thawi zauh tawh Hlimkhawpui zauh nana ka lo it ve \hin Phunchawngzawl kawng hi han zauh duai mai ila, Mauhakkawn a\angin dâm lam Raw\hing hmun kal tlangin a zawl rem laiah kual chhuakin chhuah lamah lo kir lehin Tuilûtmual lamah lo kawi chhuakin Mauhâkkawn bawk rawn man leh sela, chutia kawngpui a tlang ruah hnu chuan kan LC ten kawng kam chu in hmunah han \heh sela, ram neitu ten phal takin lo pe bawk sela, Hlimkhawpui mawi kan siam a ni mai dâwn a ni. Tuikhurlui leh Serlui kama huanthlai neitute tan lah ram hla a ni tawh lo vang a, thlai ilo lâk a awlsamin in hmun a tam dâwn si a, mi taima huanthlai neitu vêngchhak awih panga awm chhungkuate an insawn thuai mai ang, an duhloh pawhin khaw dang vêng danga mi an lo pêm sup sup ang a, kawng kam chu in hlirin a khat thuai ang a, lo pêm tharin min changkân san thuai mai thung dâwn a ni. Chhuahlam tlâk lamah In a in tlar phei \hut ang a, kan nula tlangval te chu lirtheiin chhuah lam tlâk lamah an leu zek zek mai ang a, chhuah lam tlangvâlin tlâk lam nula chumi chu a hmel\ha, a fel si an ti ang a, tlâk lam nula in chhuah lam vâl a lo ngaihmelh bawk ang a, chhûn zânin chhuah lam vâl leh tlâk lam vâl an inpêl tawn sung sung ang a, “ Tlai ni tla hian a liampui lo, i châm e ka \ânglai vuanin,” tiin Serlui dung khâwk rum rumin an zai rawng rawng ang a, chutih hunah zet chuan kan nula tlangval te chuan, “ Vanram tlafual Lei Eden” an chên dam chhung tawh mai dawn a ni. Hmuh ve a va châkawm em!!!
-Phek 4 na-ah chhunzawm a ni...

PAGE - 3

HRIATTIRNA :

Hriattirna
    Kum 1974 leh 1975 kuma Hlimen Middle School a Class- IV lo zir tawh zawng zawng te, kan zirtirtu la dam te chawimawina neih chungchangah leh a \ul dang te sawi ho turin Pu Lalkunga Hlimen Thlanmual veng inah Aug. ni 24, 2014 (Pathianni) chawhnu inkhawmban ah in hmuhkhawm tur a ni a, kal \heuh turin kan in sawm e.
       
    Sd/- R.Lalngheta    Sd/- Lalkunga
    Convener    Secretary

Bawlhhlawh paih chungchang
    PPP Mode hnuaiah kartin nilai ni leh inrinni apiangin motor hmanga bawlhhlawh paih a ni \hin a, hei hi mipui ten hmang \angkai \heuh ila, chutih rualin kawr leh hmun remchang dang a bawlhhlawh paih mai ching tlem a zawng kan awm a, hei hi dan palh loh a niin hriselna tan pawh a thilpawi thei anih avangin bawlhhlawh phur motor a paih vek tawh tura hriattir kan ni.
    Tin, motor a bawlhhlawh paih tu ten kan bawlhlawh dahna ip a Tuirial Dumping Ground a\anga hawn let sak leh kher tur a kan beisei \hin hi bawlhhlawh paihtu Motor enkawltu tan thil buaithlak tak a nih avangin i ching chhunzawm tawh lo ang u.

Thlanmual sam hnatlang
    September ni 13, 2014 (inrinni) hian Branch YMA chuan thlanmual I& II sam hnatlang a ko a dawn a.  August thla ralhma ngei hian kan chhungte thlan lo tifai lawk \heuh turin Branch YMA chuan min ngen a ni.

Branch YMA ngenna
    Central YMA in Branch YMA tinah Chakma Census buaipui turin thuchhuah a siam a. Hemi buaipuina atana a\ul anga hman atan CYMA chuan Member tinah ` 5/- khawn a nise a ti a. He Census hi thil hautak tak mai a nih dawn avangin a \ang thei kan awm a, ` 5/- aia tam  thawh thei kan awm chuan a lawmawm hle ang. A tam lamah bithliah a awm chuang lo a ni. Section tinah an rawn khawn dawn a. Tlawmngaih chhuaha a khawntute hnenah lo pe \heuh turin YMA Member te kan inngen a. Tin, Member ni kher lo, tlawmngai a thawh thei kan awm chuan a lawmawm hle ang.

Sd/- Secretary, Hlimen Branch YMA

Hringnun.......

President Lincoln-a kha \um khat chu a hmelmate a ngaihdan an zawt a, “Eng a ti nge \hiana siam i tum tlat. I titlawm vek zawk dawn lo’m ni?” an ti a. Lincoln-a chuan, “Ka hmelmate \hian \haa ka siam theih chuan ka hneh vek tihna a ni dawn lo’m ni?” tiin a chhang daih.

LAWRKHAWM :

Man hlanna vawng|ha
    Mizo Customary Law a\anga lakchhuah innei turte man inhlanna Form chu Hlimkhawpui Computer ah vawn \hat a ni a. A duh leh mamawh te chuan Hlimkhawpui Office hunchhung (Ningani zan leh zirtawpni zan)ah ngaihven theih a ni. Kan vengchhungah innei turte kan la awm zel anga, man inhlanna Form angkhat hman hi thil \ha tak niin a rinawm.

LPS Pro Fight
    LPS Cable network buatsaih Boxing hmanga in tihsiakna LPS Pro Fight khelh mek ah kan veng a\angin mi 4 ten hming pe lutin pahnih chuan an khel tawh a ni. Kan veng hming a tel te chu :-
    1. Lalhriatpuia S/o BK Remmawia (Sc) Bantam Weight
    2. Albert Lalruatfela S/o Lalthanpuii (BS) Bantam weight
    3. MS Dawngkima S/o Lalzarzoliana (SC) Light Weight
    4. Henry Zoramsanga S/o C. Rozuala (SC) Heavy Weight
    Albert Lalruatfela hian Aug. ni 13, 2014 zan khan Vanlalpeka Hrahsel Ramhlun Venglai  tum in a vanduai zawk ah a \ang ta hlauh a ni. Lalhriatpuia’n Aug. ni 19, 2014 zan khan Lalhudika Khawlian khua tumin hnehna a chang a ni. Tin, MS Dawngkima hian Aug. ni 28, 2014 (Ningani) zanah a khel ang a, Henry Zoramsanga’n Sept. ni 4,2014(Ningani) zanah a khel thung dawn a ni.
    Veng hminga fehchhuak te duhsakna sang ber kan hlan a, veng mipui a thei apiangin \awiawm \hin ila a \ha hle awm e.

Resolution pass
    Aug. ni 16, 2014(inrinni) a YMA Hall a Hlimen a Mipui rorelna (V.C/ L.C) in kum 60 atlin lawmna a kalkhawm te chuan ‘ Hlimen khawtlanga rorelna chelhtu pawl ding ngei nise, hemi chungchangah hian Local Council (2012-2015) ten ruahmanna mumal zawk lo siam rawh se’ tiin lungrual takin Resolution an pass a ni.

Pavalai meet hmang
    Aizawl chhim Presbytery Pavalai Meet chu Aug. ni 16-17, 2014 khan Saikhamakawn Presbyterian Kohhran Biakin ah neih a ni a, he meet ah hian ‘Inthawina nung’ tih chu thupui atana hman a ni a, Speaker atan Pastor Lalrinmawia hman niin  Meet a kal ten hlawkthlak an ti hle.
 

Work Camp nei dawn   
    Kan  thu dawnna in a sawi danin Damveng Presbyterian Kohhran  Pavalai te chuan Dholai Cherra-ah Work camp neih an tum a, tunlaiin an inbuatsaih chho mek niin thu kan dawng.
    Tin, Hlimen Branch K|P te pawh Work Camp neiin Dampa Rengpuiah kal an tum niin thu kan dawng bawk.
 

Lirthei khawih ching awm   
    Tunlaiin veng chhung a Lirthei  chu mi tute emaw  an khawi thin in, Part \henkhat an ru ni a thudawn a ni a, Lirthei neitu te an lungawi lovin atitu manchhuah an chak hle. Hetiang mi lirthei khawisak ching te hian manchhuah hun kher nghak lova, sim hmak mai \ha hle.

PAGE - 4

KEIMAHNI :
Hlimkhawpui Budget
    Hlimkhawpui  2014 July  thla Budget  pe tla tawh te:
1.    Damvea Sec.    2.  Lalsavunga Sec.
3.    Kapdaia Sec.    4. Buala Sec.
5.    Saichhuma Sec.

    Saichhuma Sec., Kapdaia Sec., leh Damvea Sec. ten September thla thleng an tlak a, Lalsavunga Sec. ten December thla  thleng an tlak ta bawk.

Hlimkhawpui Budget
    Hlimkhawpui kan Print tirna Press lam a\angin Offset khawl a Print na man tihsan a ni a, Copy khat ` 1.20 ni \hin chu ` 1.50 ah san a ni ta a. Editorial Board te chuan ngun taka kan ngaihtuah hnuin chhungtin aman kan khawn hi tisang rih lovin Section tin ten thla tina kan budget kha tihsan ni mai se tiin rel a, Thla tina hlêp kan insiam pawh a hma aiin a tlem lehzual dawn a, Section tin ten tlawmngaih kan chhuah tlan a ngai tak zet zet a ni. Hetiang hi Budget hlui leh a thar tur chu a ni e :-

Section    Copy     Budget    Budget
Hming    lakzat    hlui (`)    thar (`)
1. Buala    125     800     1,000
2. Damvea    127     800     1,000
3. Kapdaia    125     800     1,000
4. Lalsavunga    40     200     300
5. Saichhuma    110     700     900
6. Vawmphunga    62     450      500
    Budget thar hi September thla a\anga hman/pek \an tur a ni ang.

Buala Section
    Exe. Committee in a lo rel tawh angin Section chhunga kawngpui kam hnim, hmun \henkhat a mi chu Hlo tûr a kap a ni. Tin, Name Plate-House Number man la pe lo tlem a zawng kan awm a, akhawntu te khawn leh hunah lo pek \heuh i tum ang u.
    Tin, Section Project tihhlawhtlin nan Lucky ticket zawrh a ni dawn a. a man ` 10/- chauh a ni ang.

Saichhuma Section
    Saichhuma Sec. te chuan ruihhlo leh rukruk chung changah Section/ vengchhung a lo thianghlim zawk nan ngawrh taka hmalak nise a ti a, hemi kawng a JAC duty te tha ti chaka \awiawmna ni pah fawmin Aug. ni 22, 2014(zirtawp) zan khan JAC kutah  a \ul anga hman atan ` 500 an hlan.
    Tin,  LPS Pro Fight neih meka Hlimen Boxing Club hming a khel te tan  a\ul apianga an hman atan ` 600/- an hlan bawk a ni.

CHHIARTUTE NGAIHDAN :

@@    Central Workshop Quarter bawr vel a awm te tana Sanitation Point awm \hin kha sawn a ni ta nge cancel a ni ta. Kan bawlhhlawh hi a tam thamin kawng pui pan pui a harsa \hin si a, motor hian min rawn lak sak leh turin thuneitu ten hma min lak sak se kan va ti tak em....
- CWS Quarter Paho

Lawrkhawm chhunzawmna...

Lawmthu sawina
    Aug. ni 16, 2014(inrinni) khan YMA Hall, Hlimen ah Hlimen a Mipui rorelna (V.C/ L.C) in kum 60 (Diamond Jubillee-1954-2014) a tlin lawmna inkhawm neih a ni a. Kan sawmna ngai pawimawh a khawtlang hruaitu lo ni tawh  lokal zawng zawngte; tin, chatuan ram min pan san tawhtute aiawh a lo kal zawng zawng te chungah kan lawm a, hruaitu kalta \ha tak tak te avanga he hun hi thleng thei kan nih zia Local Council (2012-2015) hre chiang em em a ni. In chungah khawtlang aiawhin lawmthu kan sawi takzet a ni.
    Tin, he hun a hlawhtlin theih nan a kan sawm- zaithiam te, kan chawhlui kilho tur; tui tak  min buatsaihsaktu fatu  zawng zawng te; tin, Receiption hna min thawh saktu chungah te kan va lawm tehlul em!! Tin, kan sawmna ngai pawimawh a YMA, MHIP leh MUP hruaitu lokal zawng zawng te chungah kan lawm a, min ti phuisui hle a ni. Abik takin Hlimen Branch YMA in YMA Hall leh Sound phal tak a min hman tir avangin kan va lawm em!!  He hun lawmna atana sum min pe tute :- MHIP ` 1000, Pu Thangsanga ` 100, Pi Thansangi ` 100 leh Pu F. Zothankima ` 100 te chungah kan lawm takzet bawk. Tin, ETV (LPS) leh CCTV (Zonet) ten min rawn Cover avangin an chungah lawmthu kan sawi bawk a ni. Chutih rualin, sum leh pai lama harsatna avanga sawm awm tak tak kan sawm theih tak loh te hriatthiamna kan dil a, sawm ngei tur ni si(khawtlang hruaitu lo ni tawh) sawm hmaih palh kan nei thei a, kan lo nei palh anih pawhin in mi ngaihdamna kan dil nghal bawk e.
    Heng bakah hian lawmthu sawina awm tak sawi hmaih pawh kan nei ngei ang; tin, kalkhawm te mit tlun lohna leh chet phuaina pawh kan nei ngei ang a, in mi hriatthiamna kan dil bawk a ni.
    Sd/- Lalhmingliana, Chairman Local Council

Ziaktute huang chhunzawmna........

    Taka, kan VC hmasa berte han ziah lan ka tum a, ka ziahna lai ka hre/ hmu mai ta lova, a riruang ni a ka hriat chu- VCP Upa Zotawna, Secretary - Pu L. Thuama. Member - Upa Dênga leh Pu Sailiantawna, Tlangau - Pu Mama ni ta in ka hria. A dik ziktluak lo mai thei.
    Thil \halo hi thil \haah a chantir theih tih ka hriatna chu - Hmeichhe VC Member kan neih hmasak ber Pi Sawiziki chu a VC lai, \hal tui harsat laiin khurpui a insûk khaptu pawlah telin insuk khap an puang a, insu chu lei chawi tur tiin an autir a. An puan hnu kar khat velah Pi Ziki chuan a fate a insuktir a, miin an lo hria a, an hêk ta a, lei chawi tur an tihzat chu a chawi ta a. Chuta \ang chuan a fate a insuktir ngai ta lova, tu dang mah tuikhurah \hal chhung zawng chuan an insuk loh phah ta a ni. Hetiang hian ti lo se chu, mi hmuh loh laia insu lui an awm fo va, mahse khawtlang roreltu zinga miin lei a lo chawi miau si avangin tumah insu lui an awm loh phah ta a ni. Thil \halo kha thil \haah a chantir ta anih chu.
    Ka sawi tâk ang bawk khân Tuikhurding ram pawh saw Phunchawngzawl kawng ka sawi ang hian a tih theih ve tho mai. A awmdan tur pawh a inang thliai mai bawk. Hlimen khua hi khaw zauhna tur ram remchang tak a lo niin a hriat a, khawdang hian khaw zauhna tur ram hi keini anga nei \ha awm ve tak ang maw??? 

Thitin Thla Ni 16, 2014, Issue No. 33

PAGE - 1

TUALCHHUNG :

Nula chhuanawm: Nl. J.Lalmalsawmi D/o J.Zothansanga, Saichhuma Sec. a mi chu August ni 13, 2014 a Mizoram University in Result a tihchhuah ah M.Sc (Chemistry) ah Distinction ah passed in University pumpui ah pakhatna (Gold Medalist) a ni.
    Hetiang nula chhuanawm kan khawtlangin kan nei a lawmawm hle mai a tak zet zet a, a kal zelna turah duhsakna sang ber kan hlan e.

Umpire ah tling: Tv. Vanlalnghaka S/o Zarzoliana BUala Sec. chu Mizoram Badminton Association (MBA) Umpire Examah \ha taka passed in Exam zingah 1 na a niin Hlimen mi ah a hmasa ber a ni bawk. Kan chhuangin kan lawmpui tak zet zet e.

Kum 60 tlin lawmna hun hmang: Aug. ni 16, 2014 (inrinni) hian YMA Hall ah Hlimen a mipui rorelna (V.C/ L.C) in kum 60 a tlin lawmna hun hman a ni a, he chanchinbu buatsaih lai hian hun hman dan kim chang hriat a ni lo.

Hall hnuai dawr siamrem: YMA Hall hnuai dawr chu Power & Electricity Deptt. ten Site Office atan an luah dawn avangin dawr luahlai pali chu sawr zim deuhin kaw 5 ah siam a ni ta a. Deptt. lam te rawn luah tur pawh anmahni lamin an rawn cheibawl turin dahfel a ni ta.

Inenfiah a \ha: Mizo nunphung hi rit phurh inchhawk tawnin tih ang deuh a ni a, kan mangan laiin miten min \anpui a, mangangte kan \anpui hun a awm bawk \hin. Chu chu tlawmngaihna \ha a ni. Chutih lai mek chuan kan tlawmngaihna hi hmanthiam loh chuan mite tan phurrit a tling thei a ni. Entir nan.. damlo na tak an awmin kan en/kan \hin a, mahse, engnge a dinhmun; bengchheng ngaithei lo emaw, boruak \ha mamawh tak a ni emaw, \awng harsat tak pawh a ni thei a. Ngaihtuahna nei lem lova bengchheng siamte, biak kher tum \alh te, boruak \ha mamawh takte an ni thei a, chim vak ching mi kan nih emaw biak kher tum \alh mi kan nih chuan damlo leh a chhungte tan phurrit a tling thei a ni tih i hre \heuh ang u.

FRONT :

NISAVUNGA LEH SAWIZIKI FOOTBALL
RUNNING TROPHY CHU ZAWH A NI TA
    Nisavunga leh Sawiziki Football Running Trophy chu Aug. ni 15, 2014 khan Hlimen Field ah khelh zawh a ni a, Final ah hian Vengchhak FC in Tlanmawia Memorial FC chu Penalty Shoot Out ah 3-1 a hnehin an champion a ni. Vengchhak FC te hi Hlimen Football League ah hian vawi li an champion-na a ni. Final-ah hian hun pangaiah 1-1 a an in draw hnuin extra time ah hian Goal 1 ve ve thun leh in 2-2 in hun a tawp a, penalty ah Vengchhak FC hi an vannei ta zawk a ni. Champion hian ` 4000 leh Trophy an dawng a, Runner Up hian ` 2000 an dawn bawk a ni.
    Tin, Final hma hian 3rd Place zawn a ni a, New Born FC in Vengthang FC 2-1 a hnehin ` 1000 an la bawk a ni. Best Player ah Laltlanhlua (Tlanmawia Memorial FC) chu thlan a ni a, Top Scorer chu Lallawmawma ( Vengthlang FC) niin Goal 13 a thun a ni. He Tournament ah hian team 8 telin Pool A leh B ah \hen a ni a, Pool A leh B  a Point hmu sang pahnih ve ve te hian semi-final an lut a ni.
    Tin, he Tournament  Sponsor tute :- Pu Lalrinmawia, ` 5000 leh Trophy. Local Council ` 2000. Pu Lalengliana H/o Lalrinmawii (Heleni) ` 2000. Pu R. Lal\anpuia ` 1000. Nl. Laltlanpuii (Top Scorer & Best Player ` 600). Pu Bradly Lalchhanchhuaha Goal Net Pair 1. Nl. Lalzuitluangi Squash.
    Tin, kan veng YMA ten Sound leh Hall an hman tir avangin hruaitu te an lawm hle a, tlai a chawhlui kilhona a fatu leh mimal \anpui tu zawng zawng chungah leh Kapdaia Section ten \hutthleng an hman tir avangin hruaitu te an lawm hle a. Tin, Local Council Vice Chairman leh Member ten Openning leh Closing a min rawn \awiawm avangin leh Tournament min hlut sak tu zawng zawng te chungah hruaitu te an lawm hle a ni. 

 Champion Team

PAGE - 2

EDITORIAL :

HMANGAIH TU'N A TUAR A TUL
    Pathian fakhla siamtuin ‘hmangaih ten malsawmna an chan theih nan; hmangaih tun a tuar a \ul si \hin’ a. Khawvel thilah pawh hian a dikin a pawimawh hle. Ram leh hnam te, khawtlang leh chhungkua te hi kan hmangaih tak tak hlawm em tih hi inzawt ta ila, hmangaih lo tia chhang chu kan awmin ka ring lo.
    Ram leh hnam, chhungkua tih chu lo dah\ha rih phawt ila, tuna kan chenna kan tu leh fa te nena chhun leh zana kan khawsakna kan khawtlang hi i hmangaihin, khawtlang nuam leh changkang tak niin lo dingchhuak se i ti nge khawtlang \awp tak leh hmuhsitawm tak nise i ti? He zawhna hi khawtlang hruaitu chauh ni lo mipui vatlang mai bakah mimal tin ten zawhna kan chhan \heuh tur a ni a. |awngka leh thusawi a chhan chi a ni lo, thil tih a chhan chi a ni tlat mai.
    Khawtlang hmangaihtu chuan; a hmangaih ten malsawmna an chan theih nan a tuar a \ul si. Zokhaw pakhata ka kalna chuan an vengchhung inkalpawhna te a nuamin a \ha hle mai a, tui leh eng lam pawh an hnianghnar a, tin, sorkar deptt. building pawimawh tak tak pawh hmuh tur a awm nuk mai. An tuallaite chu a faiin a thianghlim nuam  hle mai bawk si, engkim mai hi an intodelhin an changkang hle mai a. Hetiang a in changkan theih nachhan hi engnge tiin ka zawt a, min chhan dan chu zahawm ka tiin an entawntlak hle. Sorkar Building pawimawh awmna hmunte, tui leh electric line siamna kawngte, tin, tualchhung inkalpawhna tura hmun leh ramte hi mimal ram deuh vek a ni a, chung ram neitute chuan veng hmangaihna nena, phutlet nei hauh lova an ramte an ken phal avang chauha hetiang hi thleng kan ni tiin min hrilh a, rualawh a na duh hle mai.
    Vengin hma a sawn a, a changkan nan tur chuan hmangaih tu’n a tuan a \ul a ni tih hi a chiang hle in ka hria.

ZIAKTUTE HUANG :

PPP MODE COMMITTEE THUCHHUAK
   
    1. Aug. ni 12, 2014 (thawhlehni) zan khan PPP(Mode) Committee neih a ni a, hetiang hian bawlhhlawh paih tu te tana harsa lutuk lo tur ah leh bawlhlawh khawntu motor tan pawh a buiathlak lutuk lo turah ngaiin bawlhhlawh paihna point/sanitation point a siam\ha/ dah belh a, Aug. ni 20, 2014 (thawhlehni) a\anga hman nghal tur a ni ang.
    407/ LPK in a khawn khawm lam (Qaurry veng a\angin) :
    1. Mauhak kawn    2. Pi Zaliani in kawt
    3. Tv. C. Lalhmingthanga in kawt     4. Pu Thangphuta (L) in
            kawt
    5. Pi Chalzami in kawt    6. Pi Lalhmingthangi in                 kawt
    7. Pu Thanghmingliana in     8. Venglai kawn
        kawt
    9. YMA Hall kawt    10. Mualzawl
    11. Pu Chalkunga in kawt.    12. Thlanmual kawn
    13. Pu H. Thansiama inbul    14. Pu Chalngaiha in                        kawt
    15. Pu Duhthusama in kawt    16. Pu Chalbuanga                           kawmthlang

    Pick up in a khawn lam:

Vengchhak:
 1. Pu H. Siamliana inbul               2. Pu R. Thangmawia                                inbul              
 3. Pu Zosangzuala inbul                  4.  Pu Zosiama in bul     5. Pu Zothanliana inbul                    6. Pu Zokunga kawt

    Vengthlang:
    1. Pu F. Lalhmingliana kawt    2. |helretkawn
    3. Pu Saikapkunga kawt
    2. Insakna bungraw chhia hrawm hraw lutuk eg. Bang chhia, tile etc te, thingzar kan thlak te leh ek lam chi reng reng bawlhhlawh khawn motor ah hian paih tel tawh loh turin mipui te hriattir kan ni bawk
    3. Bawlhhlawh khawntu ten mipui te hriat kim theih ngei na turin bell(thinrik) \ha takin an thing ri ang.

    Sd/ Secretary
    PPP Mode Committee, Hlimen

HRINGNUN........

##    Dam chhung nuna hlawhtlinna kawng \ha ber chu mi hnena thurawn kan pek ang chiah mahniin tih nghal hi a ni.

##    I hlim leh hlim loh chu i thil neih leh i nihna emaw, i awmna hmun leh i thil tih lam ni lovin i ngaihdanah a innghat zawk a ni. Mi pahnih chu hmun khatah an awm dun a, an thawh a in ang chiah a, an nihna leh an sum lak luh pawh a thuhmun chiah; nimahsela pakhat chuan rethei a intih viau laiin pakhat chu a hlim hle thei tlat a ni. Eng vang nge? Mahni ngaihdanin min hruai vang mai a ni e.
            -Dale Carnegie

PAGE - 3

HRIATTIRNA :

OB meeting thurel |henkhat
    Aug. ni 13, 2014 (nilai) zan khan Hlimen Branch OB meeting neih a ni a, chuta thurel \henkhat te chu :
    1. September ni 13, 2014 hian thlanmual I& II sam hnatlang koh a ni dawn a. Hemi hma August thla chhung ngei hian kan chhungte thlan lo tifai \heuh turin Branch YMA chuan min ngen a ni.
    2. Kumin YMA General Conference lo awm tur a Solo tura ruat Nl. Gospel Lalruatengi chu rokhawlhna avanga a zai theih dawn loh avangin Nl. Lalruatdiki chu zai tur ruat a ni.

Branch YMA ngenna
    Central YMA in  Chakma Census buaipui turin thuchhuah a siam a. Hemi buaipuina atana a\ul anga hman atan CYMA chuan Member tinah ` 5/- khawn a nise a ti a. Section tinah Section hruaitu ten an rawn khawn dawn a. Tlawmngaih chhuaha a khawntute hnenah lo pe \heuh turin YMA Member te kan inngen a ni e.

    Sd/- Secretary
Hlimen Branch YMA

Local Council hriattirna
    Gas Connection la nei lo tak tak, Connection tih duh si te chuan Local Council ah in hriattir theih a ni e.
    Tin, Consumer Card buai nei (Hmingthlak ngai etc) Local Council tih tir duh te chuan Thil tel ngai ang ang te thil telin Local Council Office hawn chhungin in report theih a ni.

Sd/- Lalhmingliana
Chairman, Local Council

Anganwadi Centre no.1
    Anganwadi Centre No. 1 chuan Gas Consumer Card kan nei lo a, a siam man atan ` 3500 a ngai dawn a; Anganwadi Centre No. 1 Co-ordinatin Committee chuan Consumer Card siam tirna atan hian Anganwadi Centre No. 1 huamchhunga chungkaw tinah  `  50/- aia tlemlo  khawn ni se tiin a rel a, hei hian Anganwadi a kal lo te pawh a huam vek ang. Kan tu leh fate hmakhua ngaihtuah ran chungin tlawmngaih chhuah a, a khawn tu te lo pe \heuh turin Anganwadi Centre No. 1 huamchhunga mi te kan in ngen tak meuh meuh a ni.
    Sd/- Chairman
    Anganwadi Center No. 1

YMA Hall hman chungchang
    YMA Hall hmangtu ten Hall a hun kan hman zawh a, Hall kan chhuahsan hmain felfai taka kalsan  zel tur a ngen kan ni a, Hall hmang tu ten hei hi i hrereng ang u.

LAWRKHAWM :

MZP hmalakna
    MZP Hlimen Branch te chuan an zirlaipui hlawhtlingte chawimawina hun an buatsaih hnuin zirlai te hmakhua atan theihtawpin hmalak zel an tum a. Kawng hrang hranga an hmalakna te leh hmalakna tur senso phuhruk nan August ni 18, 2014 (Thawh\anni) zan hian tunlai a Mizo Filh chhuak thar “Khuanu Samsuih’ tih chu YMA Hall ah chhuah an tum a. Mitinte en \heuh turin an ngen a. Ticket man hi pakhat ` 50/- a ni anga, zan Dar 8:30 ah Show hi \an an tum a ni.

I khawmpui ve dawn em
    Mizorama pawl lian ber leh thianghlim ber YMA khawmpui lian chu a lo hnai leh ta hle mai. 69th YMA General Conference chu Sept. ni 30 - Oct. ni 2, 2014 khian Ratu (R. khawpui) ah neih a ni dawn a, khawpui thleng tu tur lam te pawh kawng hrang hranga an in puahchahna ah an in peih \an hle tawh a; palai te thlenna tur Counter pawh ruahman fel vek a ni tawh a ni. Keini Branch thlenna tur Counter pawh Counter No. 5-ah a ni dawn a ni. He hun hmang tur hian thleng tu lam chuan palai an duhthawhin, \hahnem an ngai hle a, he Conference hman tum tan chuan tun a\anga in buatsaih \an a pawi lo hle.

Chhuanawm
    Kan vengchhung a\anga College kai zingah Tv. Malsawmzuala S/o C.Lalengzauva(Dv), MZP Hlimen Br. President nilai chu Johnson College SU General Secretary ah than tlin a ni a, Tv. Rorelfela S/o Lalduhawma(Lsv), MZP Hlimen Br. Vice President nilai pawh Govt. Aizawl College SU Asst. Secretary Outdoor Games ah thlantlin a ni bawk a. Tin, Tv. Lalmuanawma(Dv) S/o H.Lalzuiliana, MZP Hlimen Br. Secretary nilai pawh Govt. T.Romana College S.U. Secretary Indoor Games ah thlantlin a ni bawk. Kan khawtlangin hetiang mi kan nei hi a lawmawm hle a, an fakawmin an chhuanawm tak zet a ni.

Disaster Management awareness cum training
    Sept. ni 27, 2014 hian Kulikawn YMA Hall-ah Disaster management Awareness cum Training neih a ni dawn a, kan Branch YMA a\angin Pu Vanlaltluanga, Pre. Pu Robuanga Vice. Pre,  Pu Lalrinawia Asst. Secy, Pu Lalthantluanga Fin. Secy, Pu Zoramhmangaiha leh Pu Lal\anzuala ten Training hi an nei ang. Kan ramah chhiatna a thleng ngun hle a, hetiang rikrum thil atana inhrilhhriatna leh Training buatsaih hi a pawimawh hle a ni.

Advertisement :

Gas card buaipui sak thei
    Vanbuangi Gas Agency Consumer Card a harsatna nei te - hming thlak, hming siamrem, tih duh nei hrang hrang te Affidavit tihsak ngai te, Document hrang hrang te tibo leh harsatna dang nei te tan Pi Zonunkimi (Pi Manuni) Ph : 9862374567 Saichuma Sec. a mi chuan a  lo tihfel sak thei dawn a, duh tan pan theih a ni. Affidavit tih man hi ukil ah ` 350/- a ni a, ` 250/- in a lo tihsak thei dawn a ni. Buaipui man erawh inbiakremna a pek tel a ngai ang.        (2-2)

PAGE - 4

KEIMAHNI :
Hlimkhawpui Budget
    Hlimkhawpui  2014 July  thla Budget  pe tla tawh te:
1.    Damvea Sec.    2.  Lalsavunga Sec.
3.    Kapdaia Sec.    4. Buala Sec.
5.    Saichhuma Sec.
    Saichhuma Sec., Kapdaia Sec., leh Damvea Sec. ten September thla thleng an tlak a, Lalsavunga Sec. ten December thla  thleng an tlak ta bawk.

Hlimkhawpui Budget chung chang
    Hlimkhawpui kan Print tirna Press lam a\angin Offset khawl a Print na man tihsan a ni a, Copy khat ` 1.20 ni \hin chu ` 1.50 ah san a ni ta a. Editorial Board te chuan ngun taka kan ngaihtuah hnuin chhungtina aman kan khawn hi tisang rih lovin Section tin ten thla tina kan budget kha tihsan ni mai se tiin rel a, Thla tina hlêp kan insiam pawh a hma aiin a tlem lehzual dawn a, Section tin ten tlawmngaih kan chhuah tlan a ngai tak zet zet a ni. Hetiang hi Budget hlui leh a thar tur chu a ni e :-
Section    Copy     Budget    Budget
Hming    lakzat    hlui (`)    thar (`)
1. Buala    125     800     1,000
2. Damvea    127     800     1,000
3. Kapdaia    125     800     1,000
4. Lalsavunga    40     200     300
5. Saichhuma    110     700     900
6. Vawmphunga    62     450      500
    Budget thar hi September thla a\anga hman/pek \an tur a ni ang. Budget hlui anga lo pelawk te pawhin pek belh leh mai nise a lawmawm hle ang.

Saichhuma Section
        Saichhuma Sec. ten Name Plate an siam kha a man an khawn mek  a. Pawisa enfel a chinfel a ngaih tawh avangin a khawntute rawn kal huna lo pe mai thei turin chhungtinte lo inring lawk turin hruaitu ten an ngen a ni.

Buala Section
        Section Property house chu sak \an tur a hmalak mek a ni a, a sak na atan a tlawmngai insakna hmanraw thawh thei kan awm chuan a lawmawm hle ang. Thawh duh kan awm chuan Section OB te hriattir mai tur a ni e.
        Tin, Branch YMA in min phalsak tawh angin Lucky Ticket siam a ni dawn a, 1St Prize - Gas Stove (3 Burnner- Self Ignition) Gas Lighter ngai lo . 2nd Prize - Rice Cooker (Divya- Stainless Steel ) 3rd Prize - Electric Kettle \hatak te  an ni ang. Heng Prize tur hrang hrang phai lama a\anga min hawnsak tu Nl. Laltlanthangi chungah kan lawm em em bawk a ni.
Sd/- Secretary
 

CHHIARTUTE NGAIHDAN :

@@    Hlimkhawpui chhuak hmasa lamah khan Gas Sem chungchangah chhungkaw member pasarih(7) chin chunglamin Consumer pahnih (2) neih chuan a lak double theih ti ang deuh a rawn chhuak awmin ka hria a, a lak theih hun ka van nghak hlel tawh em. Tin, chungkaw member pasarih (7) tih hi Ration Card mil a lak nise a \ha hle in ka ring.

- B. Towski 

@@    Ka pu, Motor neitu ten kawngpui a motor an sil \hin hi ka lo ngaimawh ve a, kawngin a tuar theih bakah kawngah an bal thli a luang nguah nguah zel a, veng a ti \awpbakah kal vel a ti hrehawm ka va ti em.

-Kawng\ha duh a

@@    Pu Editor, Tun\um a Gas Consumer Card buaipui chungchanga Local Council Hmalakna hi \ha ka va ti em !! A ngaihna hre lo te tan a hluin a lawmawm takzet mai. Hetiang khawtlang hruaitu kan nei hi  a lawmawm ka ti hle mai.

- Mi vantlang-a

Lawrkhawm chunzawmna........
Lawmthu sawina
    1. Site Office Cum Bill Counter tur P&E Dept. ten min dahsak dawn ta hiu a lawmawm hle mai a, hemi hmun tur atana YMA Hall hnuai kum 2012 a LC ten kan lo buatsaih tawh Dept. lam ten a zim deuh a an hriat avanga Branch YMA hnena a thlang dawr kaw khat pek belh tura kan dilna Branch YMA ten min tihhlawhtlinsak na te, Hlimen vengchung ngei a Computerised Electric Bill pekna tur Office min hawnsak tu P&E Dept. chungah te Hlimen Local Council chuan lawmthu kan sawi tak meuh meuh a ni.
    Kum 2012 khan Bill Counter tur hian P&E Dept. ah dil lo ni tawhin tihhlawhtlin sak mai dawn ni a hriain , a hmun tur pawh buatsaih a ni tawh a, engemaw harsatna a awm leh tak avangin min daksak leh ta lo kha a ni a, bawhzui reng ni mah se tihhlawhtlin a ni thei ta chuang lova, June ni 12, 2014 khan a bul a\angin Site Office Cum Bill Counter tiin Local Council ten E-in-C ah dilna siam thar lehin, Dept lam ten tihhlawhtlin sak tlakah min ngaihsak a, min lo tiam ang ngeiin rang takin hma an rawn la nghal a, tun a\anga reilo te ah hian sum leh tha, hun tam tak senga Electric Bill kan pek \hin chu keimahni veng chhung ngeiah awlsam takin kan pe thei tawh dawn a ni.
    2. Local Council ten Gas a kan harsatna sukiang tur a kan ngenna ngai pawimawh a gas Cylinder bur 556 ngawt mai Aug. ni 15, 2014 (Zirtawpni) a min rawn pe tu Vanbuangin Gas Agency chungah Local Council chuan lawmthu kan sawi tak meuh meuh a, mipui/ chhungkua ten kan chang\ha tlang niin kan hria a, information mike a \hat loh avangin kan puangzar thei lo erawh pawi kan ti a, la changlo palh kan awm a nih pawhin in mi hriatthiamna kan dil a, Local Council ten Gas kan harsatna leh Consumer Card lama harsatna kan neih te sukiang turin hma kan la zel dawn a ni. A sem danah ruahmanna thar kan siam kan la hamng hman chiah lova, sem leh hunah chuan kan hmang thei tawh turah kan ngai.
Local Council, Hlimen : Aizawl

Thitin Thla Ni 9, 2014, Issue No. 32

PAGE - 1

TUALCHHUNG :

Boral: Pu Lal\huama(k-65) S/o Lalthanga (L)  Buala Sec. a mi chu cancer natna avaign Aug. ni 4, 2014 (thawh\anni) tlai dar  3 vel khan a boral a, A ruang hi zanah tlaivar pui a ni in a tuk Aug. ni 5, 2014 (thawhlehni) khan thlanmualah vulliam a ni.

Damlo: Pi Thanghnuaii M/o Lalnipuii Vawmphunga Sec. a mi chu Aug. ni 3, 2014 (Pathianni) a a tual phiat a tlu palh a, a malpui ruh a tliak a, Aug. ni 6, 2014 khan Civil Hospital ah zai a niin tunah Civil Hospital ah enkawl mek a ni.

@@    Rev. Vanlalvena, Damvea Sec a mi chu Aug. ni 6, 2014 (nilaini) khan Durtlang Hospital ah a ke chawn zai sak a ni a, he thu buatsaih lai hian Hospital ah hian enkawl zui mek a ni.

@@    Pu H.Lalnunzira(Pu Lala) Damvea Sec. a mi chu a khel leh ngum nâ avangin hun engemaw chen a\ang tawh khan pawn pawh chhuak \ha peih lovin a awm a. Doctor te panin in lamah enkawl mek a ni.

@@    Pi Liansangpuii W/o C. Zolianthanga Saichhuma Sec. a mi chu Aug. ni 3, 2014(pathianni) zan khan an tukverh a atla palh a, hemi zan vek hian Civil Hospital panpui a ni a, Doctor ten a \ul ang ang an buaipui hnuin dam takin hawtir leh a ni.

@@    Vanlalhriatpuia S/o Vanlalhmuaka Kapdaia Sec. a mi chu lung vung leh Pneumonia avangin Aug. ni 2, 2014 khan Civil Hospital ah Admit a ni a, he chanchinbu buatsaih lai thleng hian damdawi inah hian enkawl mek a ni.

@@    Pu Lalrinchhana, Kapdaia Sec. chu taksa lamah harsatna a neih avangin Civil Hospital-ah Therapy a la mek a ni.

Pem lut: Heng mite hi Hlimen ah an rawn pem lut : (1)Abusale-a, Saiha Meisatla a\anga rawn pemin Saichhuma Sec. ah an awm. (2) Rozamliana, Electric Veng a\angin a\anga rawn pemin Saichhuma Sec. ah an awm. (3) R.Lalhlimpuia, Upper Republic veng a\angin a\anga rawn pemin Saichhuma Sec. ah an awm. 4) Jeff lalhmingsanga, Saikhamakawn a\anga rawn pemin  Damvea Sec. ah an awm a ni.

FRONT :

BRANCH EXECUTIVE COMMITTEE
VAWI 5-NA NEIH A NI
    Hlimen Branch YMA Committee vawi 5-na chu August ni 8, 2014 (Zirtawpni) zan khan YMA Hall-ah neih a ni a. Mipuite hriat atana pawimawh thurel tlangpui chu a hnuaia tarlan hi a ni e :-

1. Electric Bill Counter atana dilna : YMA Hall hnuai Electric Bill pekna Counter tura an lo siam tawh leh Site Office atana dawr kaw khat dilna lut chu remtihsak a ni a, dawr luahtute siamrem chu O.B. te kutah dah a ni.

2. CYMA a\anga lehkha hmuh: CYMA Gen.Secretary hnen a\angin YMA Gen.Conference Sept. ni 30 - Oct. ni 2, 2014 Ratu a neih tura hriattur pawhmawh lehkha hmuh chu chhiarchhuah a ni a. Chutihrualin Chhiatni leh |hatni kaihhruaina bik hetiang hian rawtna thlen nise tih a ni.
    a) Hlamzuih chung chang : YMA in hlamzuih chung chang a kalpui mek hi a ngai anga kalpui zel ni rawh se.
    b) YMA zan chung chang : Mitthi an awma YMA in zan lam kaihhruaina a neih \hin hi ram pumah inang a hman ni rawh se.

3. Agenda rawtna chung chang: CYMA a\anga Gen. Conference a Agenda rawtna nei tura lehkha hmuh chu ngaihtuah niin ‘ YMA dan bu hi 2015 ah ennawn ni rawh se’ tih leh kumpuan atan ‘Ram leh hnam humhalh’ ni rawh se tih chu thehluh nise tih a ni.

4. Chakma Sensus chung chang: CYMA a\anga Chakma Census neih chung changa mamawh a hman turin member tinte hnenah ` 5/- khawn leh vengchhung ah Chakma awmte chhiar nise a tih chu arang lama hmalak turin rel a ni a. Section tin ten mahni Section \heuhah pawisa hi khawn nise, Sept. ni 10, 2014 ralhmain Branch Secretary hnenah thehluh tur a ni ang.

5. Section a\anga lehkha hmuh: Buala Sec. leh Kapdaia Sec ten Section intihhlimna neih an rawn dil chu remtihsak a ni.

6. Pem lehkha: a) Abusale-a Saiha meisatla a\anga pemna lehkha hmuh chu remtihsak a ni.
    b) Rozamliana, Electric veng a\anga Local Council pem lehkha a rawn thehluh chu remtihsak a ni.
    c) R.Lalhlimpuia, Upper Republic a\anga pem lehkha a rawn ken chu pawmsak a ni.
    d) Jeff Lalhmingsanga, Saikhamakawn a\anga pem lehkha hmuh chu pawmsak a ni.

7. Sound system: Mitthi In/Khawhar In a hman tur Sound System tihchangtlun nise tih a ni.

8. Thlanmual sam: Tun thla (August) thla chhung hian chhungte thlan tihfai nise, September thla tirah thlamual sam nise tiha ni.
    Committee hunah hian Finance Secretary hnen a\angin Branch sum dinhmun ngaihthlak a niin Chhiatni Fund Treasurer hnen a\angin sum report ngaihtllak a ni bawk. Tin, Phulpui Branch YMA hnena a\anga lawmthu sawina lehkha hmuh chhiar chhuah a ni bawk a ni.

PAGE - 2

EDITORIAL :

DUHLO MAH LA I TA A NI SI
    Mitin maiin kan duh loh leh kan huphurh em em \heuh chu miten pitar/putar a min ngaih hun tur hi a ni. Chu hun chu mi tamtakten kal pel in mual an liam tawh a, tamtakin an hmang/tawng mek bawk a. Vawiin a \halai nula tlangval rual te pawh hian kan dam a nih chuan duh lo mah ila kan ta a nih miau si avangin hun leh ni in her zel chuan keimah ah a la rawn hung ngei ngei dawn. Ziaktu pakhat chuan kum upat hi zawng natna enkawl dam theih loh a ni e a ti a. Mahse, i venghim thei in hrisel takin rei tak i dam tir thei bawk a ni.
    Upa- Tar kan tih chin hi a kum bi thliah fel ngawt theih pawh niin a lang lo, Kum 50 lek pawh nise tarchhia tih mai tur a awm theih a. Tin,kum 70 chuang zet pawh hi a rilru leh  taksa hriselna kawng a vawng \ha thei mi a nih chuan tar nih pawh hlawh lem lovin a awm thei bawk. Ziaktu dang pakhat leh chuan tar leh tar loh chu kan rilru leh ngaihtuahna hian a hril tlat a ni, rilru leh ngaihtuahna taksa ngeih tawk a insawizawi \hin hian nasa takin taksa a thunun \ha a, inthlahdah tak leh thil \ullo pui pui ngaihtuah vak vak na hian taksa a ti \huanawp (tar)thuai \hin a ni a ti a, a sawi zel na ah chuan upa te hian engmah thawkchhuak thei lo, rual pawl zo tawh lova an inngaih a, an nunphung te chu a pawt hniam a, chu chu a tar hma phah em em \hin a lo ni.
    Tar nih chu ataka fiah taka nangmah ah a lo thlen hun pawh a hlim tak a damlai ni i hman zawh theih nan tuna upa, tar tawh tak inthlahrung reng reng a awm te hi hlimna siamsak la, thlamuan na leh rilru, taksa hriselna an neih theih nan turin in hun tam zawk pe ang che.
    Tar nih hi duh lo mah la i ta a ni si a, |halai hrisel te hi kan rohlu an ni a, upa /tar hrisel te chu ram leh hnam ti ropui tu an ni.

ZIAKTUTE HUANG :

Hlimen MZP in lawmpui
         - Lalmuanawma Secretary,
   
    Aug. ni 5, 2014(thawhlehni) zan khan MZP Hlimen Branch te chuan kan veng chhung a BA Pass tharte chawimawina hun hman a ni a, heng mite hi MZP Hlimen Branch ten a chawimawi te chu an ni:
    1. PC Lallawmzuali D/o Lalnghinglova (L)
    2. Lalmuanawmi D/o R. Lalliantluanga
    3. Joseph Zodinliana S/o Lalhnehzova
    4. Zodinpuii D/o Lalhmingthanga
    5. Lawmsangzuali D/o Lalzamliani
    6. Zothanpuia S/o Lalthantluanga
    7. Esther C. Lalhmangaihzuali D/o C. Laltinkhuma
    8. Lalmuanzova S/o K. Vanlalsanga
    9. Kim Joyce D/o K. Thanga (NEHU)
    10. Adrew Lalrinchhana S/o Lalkunga (BCA)
    Hemi zan hian kan veng a NGO hruaitu te leh MZP General Hqrs. hruaitu ten min rawn hmanpui thei a, an chungah MZP Hlimen Branch chuan lawmthu kan sawi a, BA Pass thar kan chawimawi te leh an nu leh pa lokal te leh kan Programme min rawn tihhlawhtlinsak tu zawng zawng te chungah MZP Hlimen Branch chuan lawmthu kan sawi tak meuh meuh a ni.
    Hemi zana Programme kan neih nana In min hmantir tu Pu Zonuntluanga te chhung, venglai chuangah MZP Hlimen Branch te chuan thinlung takin lawmthu kan sawi bawk a ni.
    BA Pass chhuak ta te MZP Hlimen Branch chuan kan lawmpui che u a, in kal zelna turah duhsakna sang ber kan hlan bawk che u a ni. BA pass te hi tih hmaih kan lo neih palh chuan Tv. Lalmuanawma Secretary hnenah hian a rang lamin in report thei ila kan lawm hle ang.

KAN THEN TAK

Pu Lalthuama Kum 65 : Pu Lal\huama hi Pu Lalthanga(L) leh Pi Sawikungi (L) te fa pasarih zingah a upa lama a\anga a pahnihna ni turin kum 1949 khan a lo piang a, an unau mipa ah chuan a upa ber a ni.
    A nu Pi Sawikungi hian kum 1966 ah a lo boralsan tawh a, a nau Tv. Zothansanga’n kum 1996 ah a boralsan tawh bawk a, tin, a fapa neihchhun Tv. Lalzova pawhin kum 2007 khan a lo boralsan tawh bawk a ni.
    A tlangval laiin kum engemaw chen chu Assam Rifles ah pawh a lo \ang ve tawh a ni. An unau thum a cheng hovin nu leh pa nih fawmin duat tak leh hmangaih taka naute enkawl \hin a ni.
    Kumin March thla chawhnu lam a\ang khan a insawisel \an a, \hat lam a pan mai theih loh avangin June ni 12, 2014 khan Doctor hnenah entir a ni a. Tichuan June ni 26 khan chuap cancer a ni tih hmuhchhuah a ni. A natna hi a inhre vek a ‘Lalpa thu thu a ni e’ tiin lawm takin a tuar a ni. A û leh nâu, \henrual \ha ten an thlakhlelh em em laiin August ni 4, 2014 (Thawh\anni) khan min ksalsan ta a ni.
    Pu Lal\huama hian a chenpui Tv. Zothansiama leh Tv. Pazawna te a kalsan.

PAGE -3

HRIATTIRNA :

Local Council hriattirna
    Vanbuangi gas agency a Card thar siam tur chungchangah Local council chuan hma a theih ang angin a la zel a, Tun thawh\anni lo awm tur Aug. ni 11, 2014 a\ang hian Gas bu buai, hmingthlak ngai te etc. pawh a duh te tan local Council chuan a buaipui sak dawn a, Local Council buaipui tir duhte chuan Office hun chhung(zingkarah) thil \ul dang te kenga in report tur a ni.

Sd/- Lalhmingliana
Cahirman Local Council


Thlanmual sam
    Branch YMA Committee chuan September thla tir hian thlanmual sam hnatlang koh a rel a. Hemi hma August thla chhung hian kan chhungte thlan lo tifai \heuh turin Branch YMA chuan min ngen a ni.

Branch YMA ngenna
    Central YMA in Branch YMA tinah Chakma Census buapui turin thuchhuah a siam a. Hemi buaipuina atana a\ul anga hman atan CYMA chuan Member tinah ` 5/- khawn a nise a ti a. Section tinah Section hruaitu ten an rawn khawn dawn a. Tlawmngaih chhuaha a khawntute hnenah lo pe \heuh turin YMA Member te kan inngen a ni e.
Sd/- Secretary
Hlimen Branch YMA

*************************************************************************************************************

Electric Bill counter hawn a ni dawn ta
    Power & Electricity Deptt. chuan kan vengah Electric Bill Counter leh Site Office an rawn hawng dawn ta. Hemi atan hian YMA Hall hnuaia Counter atana lo cheibawl tawh chu an rawn hmang anga, tin YMA Hall hnuai dawra hmanlai kaw khat an luah tel bawk dawn a ni. Electric Bill hmun hla taka pek ngai tawh lovin kan veng chhung ngeiah pek theih a ni tur hi a lawmawm hle mai. Tin, Site Office a nih nghal dawn bawk avangin Power Supply lama harsatna chungchangah pawh harsatna te thlena chinfel zung zung a ni thei dawnin a langa a lawmawm hle.
    Counter/Site Office atan hian Earthing  pawh phum fel a ni tawh a, Earthing phumna tura hmun petu Pu R.Lalliantluanga (Matluanga) Saichhuma Sec. chungah khawtlang hruaitute an lawm hle a ni.

Hringnun.......

Thinchhiatna hi buaina kan tawh tam ber min siamsaktu a ni a, chapona hi chu dinhmuna min hruai thlengtu chu a ni.

LAWRKHAWM :

Diamond jubilee lawmna programme
    Kar leh inrinni (Aug ni, 16, 2014) khian Local Council, Hlimen te chuan Hlimen khua in Lal ban a nih a\anga khawtlang inawpna/rorelna mipui kut (V/C/L/C) a a awm kum 60 a tlin champha phak chu lawmna hun a buatsaih dawn a, hetiang hian Programme siam a ni:
    A hun    :    Aug. ni 16, 2014 12 :00 Noon
    A hmun    :    YMA Hall, Hlimen
    Hruaitu     :     Lalhmingliana, Chairman LC
    HUnserh    :    Pu Sang\huama (ex VCM)
    Sunna    :    V/C / LC member boral tawh te
    Solo    :    Nl. Lalruatdiki
    Report    :    J.Vanlalbiakdika Secy. LC
    Solo     :    Nl. Miriam Zodinsangi
    Thusawi    :    J. Zothanpuia LC Member
    Thusawi    :     A duh a piang tan (5 Mins)
    Solo    :    Nl. Lalruatdiki
            Nl. Miriam Zodinsangi
Vote Of Thanks        :    Pu Vanlalhruaia, Vice Chairman LC
    Local Council te chuan he hunah hian Hlimen a khawtlang hruaitu lo ni tawh (VC/LC  lo ni tawh) zawng zawng te a sawm vek a, Tin, Hlimen a NGO hrang hrang a Office Bearer te pawh lo tel ngei turin a sawm tak meuh meuh a, Tin, VC/ LC member chatuan ram pan tawh te pawh an aiawha an chhungte  pakhat tal tel ngei turin sawm kan ni bawk. Tin, tlai ah chawhlui kilhona hun  a awm bawk dawn a ni. Sawmna sem chhuah a ni a, sawmna pek hmaih palh kan awm a nih pawh in hei hi sawmna tling ah ngaih sak turin Local Council chuan a duh a ni.

Hlimen tlangval champion
Tv. Zarzokima S/o Lalthianghlima Buala Sec. a mi chu 2014 India Independence Day Badminton Tournament Govt. Hall a khelh zawh takah champion lallukhum a chang a ni. He champion nihna cahng tura a kal kawng hi a khirh hle a, Semi finalah Samuel Lalnunmawia MPBC Mizoram No. 1 a hneh a, Final ah hian Lalduhawma (Lalat Badminton) nen in tumin Deciding ah hnehna a chang a ni. A  Final pui Lalduhawma hi Champion dinglai Pu Lalmuanawma hneh tu kha a ni. Heng mi khirh tak tak tawn tlanga Champion lallukhum chang theikan nei hian Hlimen a chawimawi a, a chhuanawm tak zet a ni.

Hlimen football league
    Hlimen Football Club ten an buatsaih Nisavunga leh Sawithangi Running Trophy chu khelh mek zel a ni a, Aug ni, 9, 2014 hian Semi final khelh a ni a , result kan hre hman lo. Semi Final khel te : Vengchhak FC Vs New Born FC, Vengthlang FC Vs Tlanmawia Memorial FC. Aug. ni 2, 2014 inkhel result chu hetiang a ni.
    Tlanmawia Memorial FC in Senior FC 4-1 in an hneh a, Frieds FC in Hangover FC 5-1 in an hneh bawk. Tin, Vengthlang FC chu Vengchhak FC lakah 3-1 in an tlawm a, New Born FC in Zualtei FC chu 3-0 in an hneh bawk. Ti hian Pool A a\angin 7pts hmu tu Tlanmawia Memorial FC chungnung berin, 5pts hmutu New Born FC in an dawt a ni. Senior FC in 4 Pts leh Zualtei FC in  point an hmu lo thung. Pool B ah Vengchhak FC sang berin 9pts an hmu a, Vengthlangin 6pts, Friends in 3pts, Hangover in point an hmu lo thung.

PAGE - 4

KEIMAHNI :
Hlimkhawpui Budget
    Hlimkhawpui  2014 July  thla Budget  pe tla tawh te:
1.    Damvea Sec.    2.  Lalsavunga Sec.
3.    Kapdaia Sec.    4. Buala Sec.
5.    Saichhuma Sec.

    Lalsavunga Sec. ten August thla Budget an tlak ta a, Saichhuma Sec. ten September thla thleng an tlak tawh bawk.

YMA in ral
    Aug. ni 7, 2014 (ningani) zan khan Pu Lal\huama ralna hun hman a ni a, ralna tlingkhawm ` 2910 leh intin a\anga khawn a\ul anga hman a nih hnu ` 2020 te nen avaiin         ` 4930 chu a chhungte hnenah hlan a ni.
        Tin, Pu Lal\huama ral zan hian a chhungten a tuamna puan pahnih chu a \ul na apianga hman turin YMA ah an hlan a ni.

Tan i la zel ang u
        Kumin 2014 kum chanve chu kan pel leh ta reng mai. Jan-Aug. 9. 2014 inkar chhung hian kan khawtlang chuan chhiat(thihna) vawi 6 zet atling hman a, chung hun a thlan laihna a membe kal dan tlangpui chu hetiang hi a ni.
1. Pu Zohmingthanga    :    9.1.14    -    mi 47
2. Pi Lalsawmliani    :    14.2.14    -    mi 36
3. Pu Zoramrema    :    10.5.14    -    mi 34
4. Tv. Zonuntluanga    :    5.6.14    -    mi 52
5. Pu Dengliana    :    13.6.14    -    mi 22
6. Pu Lal\huama    :    4.8.14    -    mi 45
    YMA inhlamzuih a a chhiarte chhut tel a ni lo. Section tin te chhiatni a kan chet chhuah dan ah a hmei a pa in \an i la thar zel ang u. Khawi hmunah pawh eng hun ah pawh chhiat tawk khawtlang a an awm in YMA Member sang chuang awmna kan nih avangin member za aia tlem lo, khawharinah leh thlanlai leh a danga ah te tling reng tur a ngaih kan ni a, Section tin ten kan section ah \heuh te \an la zel turin i infuih sauh sauh ang u.

Saichhuma Section
        Saichhuma Sec. ten Name Plate an siam kha a man an rawn khawn dawn a. A khawntute rawn kal huna lo pe mai thei turin chhungtinte lo inring lawk turin hruaitu ten an ngen a ni.

Current mumal loh vangin
        Tun \um Hlimkhawpui buatsaih  (Zirtawpni) zanah Power Supply a mumal lo hle a, YMA Hall Current a dim avangin \henawm hnai Pi Phiri te in a mi electric wire a pawh phei a ni a, kan buai hle. Mi \henkhat mut hun tawhah kan buatsaih \an ve thei chauh a ni. Phal taka power sypply min hmantirtu chungah hian Editorial Board te kan lawm hle mai.

CHHIARTUTE NGAIHDAN :

 @@    Kan vengin muang tê a hma lam pana kan kal ve chhet chhetna ah hian zirna (Education) hi a pawimawh ta ber maiin ka hria. Zirna hian kawng engkimah hma minsawntir ang tih hi zawlnei tan lo pawh a hriat sa reng mai. Ruk ruk ching, ruihhlo zuar, ual âu taka ruihhlo khawih, zan rei thlenga rui bengchheng \hin etc..tlem azawng te hi lo chik ve mah teh; zirna lama thlengsang an awm ngai mang lovang. Chuvangin, zirna lamah hian hma i sawn zel ang u tih hi ka rawn auchhuahpui ve a ni e.
-Bartowski

Lawkhawm chhunzawmna....

Jabet Jail run thimah rawng i bawl ang
    A ram mipuite tlawh pawh mai theih loh; Burma rama Jabet jail, nunrawnna in a tuam leh thih mai hmabaka Jail tangte hnena Pathian chanchin\ha hril tura koh Pu Samuel Zalawta, van sipai General a inchhal, Isua hminga Setana leh ramhuai phuara, mak tak mai a Sipai leh Jail tangte hnena mi inphalte sum leh pai thawh khawm hmanga ruai \heh saka, Isua hminga Baptisma Lalpa hnathawha chang dur dur mai chanchin ziahna lehkhabu, JEBET JAIL RUN THIM SUT ENNA tih bu kha lo chhiar ve teh khai ! (kan vengah pawh tamtakin kan chhiarin kan lei mek a ni.)
    He rawngbawlna chhunzawm leh tur hian kumin October thla krismas hmain Pu Zalawta hi a chho leh dawn a. He rawngbawlna a tel a, Lalpa zema sengkhawm hna thawk tur a sum leh pai mahni remchan ang tawk thawh ve duh tan Hlimen Missionary Society Chairman Pu Ro\huama emaw Secretary Pu Lalmuanpuia (Venglai) te kaltlangin englai pawhin pawisa a pek theih reng e.
Sd/-  Chairman
Hlimen Missionary Society  

THANGKHAWK....

    TK. PC Zahlira Hlimen vengthlang- Kar hmasa Issue (Aug. ni 2, 2014) a i thuchhuah ‘ Hlimen Vrs Ui ek’ tih kha i ti ropuiin zahawm kan va ti em !! Ui leh faina thu ah khawtlang mipui te min tih harhtharna ni turin ka beisei hle.
    Khawtlang mipui te pawh hian hetiang a mi rawn awm thar te pawhin an vei leh an ngaimawh ang hi kan hmu pha lo em ni? I in bih nawn ang u. Ui avanga kan khawtlang \awp zia hi veng dang mit a\angin han thlir ve chhin teh. Hlimen mi diktak i nih chuan i ngaimawh ngei ang. I ui thlahdah avang khan kan veng hi a \awp a nia.
    TK. PC. Zahlira han \ang zel rawh. Hlimen hi a hmangaih tu te ta a ni.
Rinawmin,
Ruatsangi Pu, Hlimen.

Advertisement....

Gas Card buaipui sak thei
    Vanbuangi Gas Agency Consumer Card a harsatna nei te - hming thlak, hming siamrem, tih duh nei hrang hrang te Affidavit tihsak ngai te, Document hrang hrang te tibo leh harsatna dang nei te tan Pi Zonunkimi (Pi Manuni) Ph : 9862374567 Saichuma Sec. a mi chuan a  lo tihfel sak thei dawn a, duh tan pan theih a ni. Affidavit tih man hi ukil ah ` 350/- a ni a, ` 250/- in a lo tihsak thei dawn a ni. Buaipui man erawh inbiakremna a pek tel a ngai ang.        (2-1)