Sahmulphah Thla Ni 29, 2014, Issue No. 48

PAGE - 1

TUALCHHUNG :

Damlo : Pu R.Thangmawia, Lalsavunga Sec. a mi chu taksa lam eng engemaw harsatna vangin Guwahati lamah in check-up in a kal a, tluang takin an rawn haw leh ta niin thu kan dawng.

Khiangawi : Lallawmzuali D/o Biakhnuna (L) Vawmphunga Sec a mi chuan Ramkohbika, Melthum a mi tawnah Nov. ni 27, 2014(Ningani) khan khiang min awihsan ta.

Nâu nei thar : Pu Lalbiakvela leh Pi Masêni te nupa, Damvea Sec. a mite chuan Nov. ni 25, 2014 khan Falkawn Hospital-ah naute mipa duhawm tak an nei thar

JAC ah hlan: Pu BK Remmawia Saichhuma Sec. a mi chuan JAC te tha tihchak nan JAC kutah ` 500/- a hlan a, a chungah JAC te an lawm hle.

Kohhran hmeichhe Ni hmang: Nov. ni 28, 2014 (zirtawpni) khan Mizoram Presbyterian Kohhran hmeichhia te chuan Kohhran hmeichhe Ni an hmanga, Hlimen a Presbyterain Kohhran hrang hranga Kohhran hmeichhia te pawhin he hun hi ang hmanga, hlawkthlak an tiin hun hlimawm tak an hmang a ni.

Kâwn chei dan tur rel: Nov. ni 24, 2014 (thawh\anni) zan khan Pu R. Lalngheta te inah Hlimen Venglai kawn chei tura Sub- Committee din ten kawn chei dan tur an rel a, kawn chei dan tur hi internet ah te en niin sum dinhmun mila mawi taka chei tum a ni.

Kawng siam: Pu Lalhmingliana, Chairman Local Council chuan Mauhakkawn a\anga Thlanmual-II panna kawng chu RCC in a siam a. RCC a kawng chhun hi feet 90 vel niin kan thu dawnna chuan a tarlang.

Transformer chhe siam: Nov. ni 22, 2014 (Inrinni) zana Electric Transformer nasa taka maia kangchhia chu a tuk Pathianni khan Duty te leh mi tlawmngai ten a siamhna an thawk nghal a. Transformer Oil a lo awm mumal tawh loh avangin Office lamah oil hi va lak a ni a, a kalna senso hi Local Council ten an tum a ni.  

FRONT :

CAMPING COMMITTEE THUCHHUAK
    November ni 25, 2014(Thawhlehni) zan khan YMA Hall-ah Hlimen Branch YMA, Local Council, Kohhran hrang hrang leh NGO te \angkawpin Gospel Camping a buatsaih turah Camping Committee neih a ni. Heng a hnuai a mite hi thurel tlangpui te an ni:
1. Camping Puipa tur te :
    Camp Director    :    Upa Rinngaia
    Dy. Director    :    Upa Lalhmuchhuaka
    Secretaries    :    Tv. R. Lalawmpuia, Tv. PC Lallawmzuala
    Mess Managers    :    Pu Than\huama , Nl. Lalroliani
    Treasurer    :    Pu Lalthantluanga
    Medical Duty    :    Pi Zosangliani, Pi Lalhmingliani, Pi Lalsangpuii, Tv. Lalnunsanga, Nl. Zochuanpuii, Pu Lalramlawma
2. Camp Fee leh buhfai : Camp fee leh buhfai hi ken a ngai lovang.
3. Registration tih hun : Camp a lut tur te hian Dec. ni 2, 2014 (thawhlehni) tlai dar 4 a\anga dar 6 thleng registration a tih theih ang.
4. Sanitation : Sanitation Duty turin MHIP te ruat an ni a, anni hi eirawngbawltu te lo pui turin beisei an ni bawk.
5. Security : Security Duty hi JAC te kutah dah a ni.
6. Camper riahna hmun tur : Camper mipa riahna atan YMA Hall leh Centenary Hall chung ber a ni anga, hmeichhe riah nan Hlimen Presbyterian Kohhran Biakin hnuai Hall a ni ang. Sermon-na hmun atan hian Hlimen Presbyterian Kohhran Biakin dil a, Sound system lakluh dilna thlen ni bawk se tih a ni.
7. Eirawngbawltu tur : Eirawngbawltu tur te hetiang hian ruat a ni :- (1). Hlimen Kohhran Pavalai (2). Hlimen Damveng Kohhran Pavalai. (3). Hlimen Vengthar Kohhran Pavalai. (4) Isua Krista Kohhran a\angin - Pu PC Lalzuala, Pu Vanlalnghaka, Pu Vanlalfaka, Pu Rohmingliana. (5). Baptist Kohhran a\angin - Pu Sangthankhuma, Pu Kaphleia, Pu B. Lalbiakmawia, Upa C. Laltinkhuma. Salvation Army a\angin - Pu Lal\anzuala, Pu Lalhruaizela, Pu Ramsanga.
    Heng eirawngbawltu atana ruat te hi Dec. ni 1, 2014(thawh\anni) zan dar 6:30 hian YMA Hall ah Mess Manager leh Treasurer hovin Duty dan tur chungchang sawiho tur a ni.
8. Thawhlawm chungchang : Camp senso tur sum hi Kohhran hrang hrang leh NGO (MHIP, MUP) ten mahni remchan ang ang thawhkhawm nise; hei hi Nov. ni 30, 2014 ral hmain Camp Treasurer Pu Lalthantluanga hnenah thehluh vek tur a ni.Committee Member ten mahni remchan ang ang camp \anpui nan hian thawh nise tih a ni bawk.
9.Information chungchang : Camp chungchang a hriat tur \ul leh thilpek chungchang te hi mahni kohhranah \heuh a theih ang anga puanzar nise tih a ni.
10. |awng\ai chung chang : Camping pual hian a tam thei ang ber \awng\aina hun hman ni se, Camp hun chhunga \awng\aina hmun atan Isua Krista Kohhran Biakin ruat a ni a, mawhphurhna lo la turin Isua Krista Kohhran Upa te ruat an ni.
 Phek lina ah chhunzawm a ni.....
 

PAGE - 2

EDITORIAL :

Gospel Camping hi
    Kumin 2014 a Gospel Camping buatsaih a nih dan leh a lo chhuah dan hi mahni phak tawk te te in ka lo chhut ve a, Hlimen a Camp buatsaih \hin tawh zawng zawng aia a danglam bikna leh lawmawm bikna riau neiin ka lo hria a.
    Fak hla siamtu in ‘lei chungah rem thu leng rawh se’ tih hla a lo phuah chu a thlen dikna pakhat tling hialin ka lo hre ve a, kum dang a Camping kan hriat \hin chu Kohhran mal leh pawl bik buatsaih a ni \hin a, kumin a he Camping buatsaih a nih dan hian danglam na bikna riau a neih dan leh a lawmawm bikna riau ni a ka hriat chu - YMA Branch Committee ah leh Local Council Sitting-ah Camping neih duh na leh neih tumna a lo piang a, chu chuan Kohhran hrang hrang leh NGO - MUP, MHIP te nen lungrual taka sawihona neiin Camping chu lungrual takin a lo rawt thlu ta a ni.
     He Camping neih tur hian khawtlang lungrual zia a lantir mai bakah Kohhran pawl hrang hrang te Pathian thu lam sawiho a inhmukhawm ngai reng reng lo ten lungrual tak leh inrem tak mai a Camp chung chang sawiho a a’n awm mai hi remthu chu kan khawtlangah chuan awmin ‘remthu leng rawh se’ tih chu a taka a lo thlenna kum niin ka lo hria a, hei hi a danglam bikna leh a lawmawm bikna riau chu niin ka hria.
    Tin, chu mai bakah Camping kan rawtna hi hun a chep tawh hle a, Speaker tur \ha te hmuh a harsa in chan an har \hin zia te kan hriat tawh \hin kha. Chutihlaia, kan ram a Speaker lar leh \hatak mai Gospel Thunder Team Speaker  Pu Lalramliana (Ramte-a) kan han chang leh zel te hi a danglam bikna leh a lawmawm bikna chu a la ni zel mai niin ka hria.

ZIAKTUTE HUANG :

 SAKAWLH LEH A NIHNA
- ZmHmar
    1) Sakawlh chu tunge/engnge a nih, engnge a chhinchhiahna?
       Zawlnei Daniela 8:3-10 leh 8:20-24 te hi \huhmun, a hrilhfiahna inang a ni a. Media leh Persia, tunah chuan Turkey, Syria leh Iraq ram \henkhat leh Iran te an ni.Heng ramte hi an chak lai takin Grik lal ( Kelpa thur tak ) chuan a do ang a, a rap bet vek dawn a ni. He Grik lal hi a ni Sakawlh lo kal tur a chu,Matthaia 24:1-7, Thupuan 13:1-7 te nen hian thuhmun an ni.
    Thupuan 13:16-18 ah Sakawlh chhinchhiahna chu mihring kut ding lamah emaw a hming number emaw a chhinchhiahna a ni, a number chu 666 a ni ang.
    2) Tutenge a zuitu/chibai buktu tur te chu?
    Chiang taka inziak Thupuan 13:8 ah, tupawh leilung pian tirh-a talh tawh Beramno Nunna Bu-a hming ziah loh apiang ten, Sakawlh chu Pathian chibai bukin an buk ang. An mahni duh thlan leh thlan loh lam ni lovin, an pianthar loh avangin an zui dawn a ni. Thessalonika-II 2:6-12 ah Sakawlh hi an zui ngei ngei na turin Pathianin piangthar lote chhungah sual hnathawhna a thlentir ang a, thiamloh an chan vek theihna turin Chhandamtu Lal Isua Krista chu an rin lova an pawmloh avangin Sakawlh chu an zui dawn a ni.
    3) Tutenge Sakawlh chu chibai buk lovang?
    A hmasain Israel fate khuan Sakawlh chibai an buk ve lovang. Zawlnei Zakaria 4:11-14, Thupuan 11:3-12 ah Pathian hriak thih Zawlnei pahnih ten thu an hril ang a, Israel fate zawng zawng sual tel lovin an piangthar vek dawn a ni. Amaherawhchu, Jentail ringtute kan famkim hunah (Rom 11:25-27) hei hi a thleng ang. Jentail Nunna Bu-a hming ziakte chu tih famkima kan awm dawn avang te, hriatna, finna, Pathian thurukte, benga hriatna te, chhelna te,  rinna te Krista zarah Pathianin min pein min hum dawn a ni (Amosa 3:7,Thupuan13:9-10,18,14:12 etc.).
    4) Engtikahnge Sakawlh a lo lan/inlar ang?
    Sawi tur tamtak a awm awm e, Mathaia 24:4-8 a ziah angin nau vei \antirhna a thleng mek a, hnam zawng zawng a chanchin tha hrilh kim a ni ang a, tluksanna(Thess.II 2:3) a thleng bawk anga, a lo thleng mek bawk a ni. He mi zawh hian Danbawhchhepa, boral fapa chu a lo lang tawh ang. Hemi hunah hian Jentailte tih famkim kan ni ang a, Israel lamah Pathian thlarau a hawi tawh ang(Rom 11:25-27). Hetih hunah hian(Thupuan22:11)mi fel chu tih fel, misual/mi fello chu tih fel lohin awm reng rawhse tih kha a lo thleng ang, chuvangin tun hi hun lawmawm, pianthar leh ngaihven hun a ni.
    5) Engtia hmachhawn tur nge/engtia inrin tur nge?
    Heng, itsikna, eirukna, tualthahna, dawtsawina, ruihhlo leh sualna hrang hrang lakah hian kan him em? kan him siloh chuan Sakawlh lakah hian kan him hauh lovang le! Pathian hretu, neitute chu an nghet ang a(Daniela11:32(b)) thil nasa tak an ti ang. Piangthar, thlarau-mi chuan thil engkim a hrefiah \hin(I Kor.2:15). Lalpa Pathianin a rawngbawltu, a zawlneite hnenah a thuruk hrilh lovin engmah a ti lovang(Amosa3:7) a ti a, thlarau thianghlim changtute chu thil dik leh dik lo, chhia leh tha min hriattir zel dawn a ni. Chuvangin, Lal Isuan Pharisai te a hauhna(Johana9:39-41)) ang khan, mit nei a hmu theilo, beng nei a hre thei silo te kha sual nei rengin an thi ang a tih ang khan; mit leh beng nei rengin, hausa, rethei, mifing leh finglo te pawh Isua Krista thlarau nei lo te chuan Sakawlh an zui ang. Krista neitute erawh chuan hriatfiahna, finna an nei ang, Sakawlh zui lo turin chakna, tih-famkimna Jentail-te tan a la awm dawn bawk a ni.
    Amaherawhchu, vawiin ah hian hriatfiah loh te, hlauh rukna te, kim lo emaw beidawnna te emaw kan nei em? Famkim loh rukna kan neih chuan Pathian hnen ah dil rawh. Sual hriatfiahna, sual huatna leh sual kalsan theihna thlarau dil rawh, thlarau thianghlim chu sawm la, i nun thlak thleng turin Pathian khawngaihnaah chuan tlu lut la, Anin a lo chhandam ang che.
    Krista nun nei la, thlarau thianghlim hruaiin awm la,  khawvel leh Sakawlh i hmelhriat ang a, boralna lakah i him ang.Nunna Bu-a i hming a chuan chuan engkim i hrefiah ang. Pathian avangin Lalpa Isua Krista hming chu  chawimawiin awm se la, kan za-in Pathian Thlarau Thianghlim-in mal min sawm rawh se, AMEN.
                                                       

PAGE - 3

HRIATTIRNA :

Camping chung chang a  ngenna
    Dec. ni 2-14, Dec, 2014 chhunga Camping neih tur ah hian khawtlang lungrual a thiltih anih avangin chhungtin ten a Camp buatsaihna ah hian ‘ka tel ve a ni’ ti a, neitu chan kan chan \heuh theih nan Section hruaitu ten buhfai an rawn khawn dawn a, hemi ah hian chhungtin te lo in ring \heuh turin Camping Committee chuan min ngen a ni. Mahni remchan ang lo thawh tura beisei kan ni.
     Tin, Camp na ah hian chawhmeh leh sum leh pai emaw mahni phal ang tawk englai pawhin pe thei kan awm chuan lawm takin dawn theih reng a ni bawk.

Camping a lut tur te hriattur
 1.Camping a lut tur te chu hi Dec. ni 2, 2014(thawhlehni) tlai dar 4- 6 (chaw eikham) in karah in ziahluh tur a ni.
 2.Mut bu, Note bu, Pen leh Bible leh mahni mamawh dangte ken tur a ni.
 3. Mobile Phone hi kenluh phal a ni lova, Duty te hnenah dah vek tur a ni a, thil pawimawh leh \ul bik thilah lo chuan hman a remchang dawn lo a ni.
 4. Camp Fee, Buhfai, thleng leh no te ken a ngai lovang.
 5. Ruihhlo lam thil ken khap a ni bawk.

Local council hriattirna
    1. Sawrkar thu chhuak angin, Hlimen Local Council Area chhunga Revenue Pass, huan ram Land record tura  teh \hat vek tur a ni a, teh tur neite chuan Dec. ni 12, 2014 ralhmain Hlimen Local Council Office ah in report tur a ni e.
    2. Land record tur a ram teh tur te chu :-
a) Periodic Patta (P. Patta)
b) Garden LSC
c) WRC Pass
d) NLUP ram (Hmala a enkawl \hate)
e) Huan ram enkawl \ha, (Pass nei lo)
f) Cadastral Area pawn a Revenue Pass te
    Ram teh tur a in report ten kan huan ram pass neih te a Xerox Copy & Phone No. te theh luh tel tur a ni e.

Sd/- Lalhmingliana
Chairman Local Council.

JAC  hriattirna
    Nov. ni 30, 2014(Pathianni) chawhnu inkhawm banah Gospel Camping neih tura tana pawimawh tak mai Security Duty chung changah JAC committee koh a ni a, member te kim taka kal turin kan in hriattir e.
    Tin, Campinga lut duh silo, camping chhunga harsatna leh buaina siam man an awm chuan ngaihdamna a awm lovang.

Sd/- Secretary JAC, Hlimen  

LAWRKHAWM :

Gospel Camping  na tur thilpek pe tute
 1. Hlimen Presbyterain Kohhran    -    `    10,000
 2. Damveng Presbyterain Kohhran    -    `    10,000
 3. Local Council    -     `     6,000
 4. Hlimen Branch YMA    -     `    5,000
 5. MHIP, Hlimen Branch    -    `    5,000
 6. MUP Hlimen Unit    -    `     4000
 7. Buala Section YMA    -    `    500
 8. Pu R. Lalngheta    -    `    1,500
 9. Pu Vanlaltluanga Pre. Br. YMA     -    `    1,000
10. Pu Lalthantluanga Fin. Secy Br. YMA     -    `    1,000
11. Pu J. Zothanpuia Member LC    -    `    500
12. Upa Vanlaltlana     -    `    500
13. Pu Lalhmingliana, Chairman LC    -    `    500

Hlimen venglai kawn cheina atana sum khawn mek a ni
    Kawn cheina tur a thawhlawm khawn mekah tuna kan dinhmun hriat theih chin chu hetiang hi a ni :-
1. MHIP    -    `    1,000
2.MNF Unit    -    `    1,000
3. Congress Unit    -     `     2,500
4. Kapdaia Section    -     `    2,000
5. Buala Section    -    `    2,000
     Heng bakah hian Branch Committee te thawhkhawm ` 2,500 a lut tawh a,   Committee member a\ang hian ` 20,500 beisei a ni. Tin, Buala Section a mipui a khawn tling khawm ` 5,410 a lo lut tawh bawk a ni.
    Section tinah khawn a ni a,mahse, la khawn zawh fel loh a nih avangin thehluh kim a la ni lova, beisei anga a luh theih chuan ` 50,000 aia tlem lo hmu thei tur a ngaih a ni.

Inhmuhkhawm tur
    Gospel Camping buatsaih tura eirawngbawltu atana ruat te Dec. ni 1, 2014(thawh\anni) zan dar 6:30 hian YMA Hall ah Mess Manager leh Treasurer hovin Duty dan tur chungchang sawiho tur a ni. Kim taka kal tura ngen leh hriattir in ni e.

Miharsa pualin bâwm dawh dawn
   

Kan venga Facebook Group pakhat ‘Hlimkhawpui Lovers’ te chuan kumin Krismas denchhen hian miharsa  \anpui nan bawm dawh an tum a, he facebook Group member te bakah tlawmngai thei apiangin he \anpuina bawmah hian pawisa phal ang tawk thlak \heuh turin Group Administrator te chuan an ngen tak meuh meuh a ni.
    Hlimkhawpui Lovers Group te hian kum 2012 Krismas vuakvet lai khan \anpuina bawm hi lo dawh tawhin heta pawisa tlingkhawm cheng sangthum chuang zet hian chhungkaw harsa an lo \anpui tawh bawk a ni. I phal ang tawk rawn thawh ve la, midang tan malsawmna rawn ni ve ta che.

Chahbi chhar
    Scooty chahbi vengchhak lamah chhar a ni a, a neitu chuan a awmdan chiang taka sawiin Pu Lalthantluanga, Fin.Secretary YMA hnenah a lam theih e.

PAGE - 4

KEIMAHNI
Hlimkhawpui Budget
    Hlimkhawpui  2014 Oct.  thla Budget  pe tla tawh te:
1.    Lalsavunga Sec.    2.  Damvea Sec.
3.    Kapdaia Sec.    4.  Buala Sec.

    Lalsavunga Sec. ten  December thla  thleng an tlak ta a, Damvea Sec. ten Nov. thla Budget an pe tla ta bawk.

2015 BRANCH YMA hruaitu thlan
    Dec. ni 12, 2014 (zirtawpni) a Kum 2015 Hlimen Branch YMA hruaitu inthlanna neih tura tih chu remchang zawk na avangin Dec. ni 30, 2014(thawhlehni) zan dar 6 ah sawn a ni a, inthlanna hmun tur chu YMA Hall a ni ang a. |ul bik thilah chuan inthlan hun hi sawn theih a ni ang.

Sd/- Secretary
Hlimen Branch YMA


Branch YMA lawmthu leh ngenna
    Tunlai hian Section tinah Hlimen Venglai kawn cheina tur khawn a niin khawn mek a ni bawk  a, tlawmngaia pawisa lo thawhtu te zawng zawng chungah Branch YMA chuan lawmthu a sawi tak meuh meuh a, la pe lo te pawhin tlawmngaia a khawn tu te  lo pe turin Branch YMA chuan chhungtin te a ngen a ni.

Buala Section
    Section Property House sak hna chu kalpui mek zel a ni a, bungrua te pawh lakkhawm \an niin Property House saknan mi inphal hnen a\angin a sakna hmanrua dawn belh zel a ni a, Pu Ro\huama te chhungkua pawhin a bang atan rangva an rawn thawh dawn bawk a kan va lawm em. Tin, Venglai kawn cheina atana Budget ` 2000 chu tlakin, Camping atan ` 500 thawh a ni bawk.

Sd/- Zonunsanga, Secretary

Electric Bill chung changa ngenna
    Damvea Section ten kan Section huamchhunga sumtuak nan Electric Bill kan khawn \hin chu vengchhungah pekna(counter) a awm tak avangin November thla khan kan khawn ta lova. Amaherawhchu, chhungkaw tamtak a\anga Electric Bill khawn leh tura thurawn kan dawn avangin December thla a\ang hian sumtuak nan kan rawn khawn leh dawn a, chhungtin ten min lo pek tir leh turin kan i ngen a ni e.

Sd/ Secretary
Damvea Section YMA

    Kan News Editor duh lai, Nl. Buangpui’n A Sazupui a rawn thawh thla leh a, kan phur tlangin, kan tlai leh hle.

CHHIARTUTE NGAIHDAN :

@@    Pu Editor, Pu J. Zothansanga in bul a in hmun lai tu hian Side Drain a hnawh ping vek maia , hei hi then fai hma dan a awm lawm ni? Tin, tui chhia, zunin luang tlang tur a hnawh vek a, ke a kal te tan a \awpin kawngpui a ti chhe hma dawn em mai....
- Kawng\ha duha.@@    Hunpui kan hnaih vang nge, camping kan neih dawn vang, hunpui kan neih zinga hlu ber leh hlimawm ber Krismas huna ruih loh hlaua zu leh Drugs buaipuitu \halai lo pung thur thur maite, Camping a luh tum avanga luh huna ruihna tur lo buaipui ngat ngat te tunlai hian an va pung nasa em!! Veng an ti\awpin an tihmingchhe hle mai. Khawtlang hmangaihtu leh mualpho phallotu JAC te kha an awm ta lo em ni.JAC dinchhan leh chetchhuah hun chu tun hun hi a ni dawn lawm ni.
- Ruihhlo ning em emtu
Mualpho hlau-a

@@    Kumin 2014 Krismas laia venglai kawn, Hlimen hmel lanna ber mai mawi tak maia chei zawh hun tur hi ka va nghakhlel em. Kum hmasa 2013 a mawi tak mai achei a ni te khan nun a tihlim a, a tihahdam a, naupang tan mai pawh ni lovin puitling tan pawh nun a hlimin a tinuam leh dawn mang e. Hetiang ngaihtuahchhuaktu YMA leh a cheina tur lei nana \hahnem ngai taka thawhtute hian veng mipuite hlimna an duhzia a langa, fakawm ka va ti em!!
- Vâl Senior-a

Phek hma chhunzawmna...........
11. Rawngbawltu te lo dawnsawn chung chang : Rawngbawl tu tur te (Gospel Thunder team) hi Dec. ni 2, 2014 hian Camp Committee ten Hlimen Kohhran Hall-ah lo dawnsawn tur a ni a, hemi ni hian hnatlan nghal angaih dawn avangin zing chaw eikham a\anga chhuah khawm tur a ni.
12. Buhfai khawn chung chang : Buhfai hi chhung tinah khawn nise, lo buaipui turin YMA ruat a ni.
13. Team riahna tur : Rawngbawltu te riahna hmun atan Hlimen Kohhran Committee Room dil nise tih a ni.

Gospel Camping a lut tura sawmna
    Khawvela mi lo piangchhuah reng reng hian thil zawn leh beisei kan nei vek a, chu chu hlimna leh lungawina hi a ni. Chumi chu nei a hmuh tumin kan rilru leh kan nun chu a hruai \hin. Ruihhlo timi chuan hlimna a beisei a, lungawina nei dawnin a inhre bawk a, mipat hmeichhiatna lama tlante pawh hian hlimna leh lungawina an beisei vang tho a ni. Chutiangin thil engpawh kan tihchhan chu hlimna, lungawina kan duh vanga ti kan ni zel. Mahse, hlimna leh lungawina tak tak hmu reng kan awm lo, lungawina leh hlimna i duh em? Lungawina hlimna chu hmangaihtu hmelhmuh leh hriat hi a ni a sin. Hlimna leh lungawina chu i hmuh theih nan leh hmangaihtu che i hriatchian a; i neih theih nan December ni 2 - 14, 2014 a NGO leh Kohhran hrang hrang \angkawpin a Camping a buatsaih turah hian lut la, nangmah hmangaihtute chu i hria anga, Amah chu i tan hlimna leh lungawina awmchhun a ni tih hriain hlimna leh lungawina i lo nei mai dawn nia.

Sahmulphah Thla Ni 22, 2014, Issue No. 47

PAGE - 1

TUALCHHUNG :

Damlo : Roluahpuia S/o Zairemthanga Vawmphunga Sec. a mi chu khawsik natna avangin Alpha Hospital Kulikawn-ah enkawl mek a ni.
@@    Pu Lalsanga H/o Pi Zothanpari chu Cancer Hospital Zemabawkah hun engemaw chen enkawl a nih hnuin a lo chhuak leh ta.
@@    Malsawmtluanga S/o C. Zosangzuala Saichhuma Sec. a mi chu hun engemaw chen a\ang tawh khan damdawi inah enkawl a ni a, Nov. ni 20, 2014(ningani) khan thisen Unit thum pek a ni.
@@    Pi Lalsangzuali W/o Lalrimawia (L)  Lalsavunga Sec. a mi chu Pneumonia leh Diabetis natna avangin Alpha Hospitalah hun engemaw chen enkawl a nih hnuin a lo chhuak leh ta.
@@    Lalruatdiki D/o Lalrinsanga Lalsavunga Sec. a mi chu taksa lam harsatna hrang hrang avangin Civil Hospital-ah enkawl mek a ni.
@@    Jimmy Zorintluanga H/o Tanya Lalrinawmi Kapdaia Sec. a mi chu ril tla fual avangin Nov. ni 21, 2014 (zirtawpni) khan Aizawl Hospital-ah zai a ni a, tunah hian damdawi inah enkawl zui mek a ni.

@@    Pi Laldawli Kapdaia Sec. a mi chu Cancer natna avangin a chakvak lova, in lamah enkawl mek a ni.

Nau nei thar: Pu Vanmawia te nupa Lalsavunga Sec. a mi te chuan Referal Hospital, Falkawnah naute mipa duhawm tak an nei thar.

Khiangawi : Lalruatpuii D/o Lalthanpuia Vawmphunga sec a mi chuan Nov. ni 20, 2014(ningni) khan Serchhip lamah khiangawiin a liam ta.

Pêm thar : Heng mite hi Hlimenah an lo pêm thar : Pu Zonunsanga te chhungkua chu Durtlang leitan a\anga lo pêm lutin  Pu Zosangliana (L) te inluahin Damvea Sectionah an awm a. Tin, Pu Lalrinkima te chhungkua chu Chhippui Kawnmawi a\anga lo pêm lut an ni a, Pu Lalhmuchuaka te inluahin Buala Sectionah  an awm a ni.

FRONT :

BRANCH Y.M.A. COMMITTEE THUCHHUAK
    November ni 18, 2014 (Thawhlehni) zan kan YMA Hall-ah Hlimen Branch YMA Committee vawi - 7 na neih a ni a. Thurel tlangpui mipuite hriat atana pawimawh te :-
1. Sum Audit chung chang : Branch sum, Chhiatni Fund leh Section tinte sum hi Audit turin Committee chuan a rel a,a hun atan Dec. ni 5, 2014 (Zirtawpni) zan dar 6:30 YMA Hall ah neih a ni anga, Branch YMA Adviser pahnih Pu Duhthusama leh Pu Pakunga ten an Audit dawn a ni.

2. Thil pek : Pu R.Lalremsanga, Damvea Sec. a mi chuan Arm Chair 40 Branch-ah a rawn hlan a, Branch YMA chuan lawmawm a ti hle.

3. 2015 Branch hruaitu thlan chung chang : Dec. ni 12, 2014 (Zirtawpni) zan dar 6:00 hian YMA Hall-ah kum 2015 Branch hruaitu thlanna hun hman tur a ni anga, inthlan danah hian mi 6 thlanchhuah tur a ni ang. RO atan Pu Duhthusama, Adviser Br. YMA a ni anga. PO turte - Pu Lalhmingliana LCC, Pu R.Lalngheta Ex. Officio, Pu Pakunga Adviser, Pu Vanlalhruaia Vice Chairman LC, Upa Lalengliana Buala Sec., Pu Zonuntluanga Saichhuma Sec., Pi Zonunkimi Pre. MHIP, Upa C.Lalengzauva, Damvea Sec. leh Upa C.Zothanliana Vawmphunga te an ni ang.(Inthlan hun hi \ul bik thilah sawn theih a ni ang.)

4. Venglai kawn chei chung chang : Venglai kawn chei leh nise tih a ni a, hetiang hian Committee bik siam a ni :-
    Chairman    :    Pu Lalhmuchhuaka
    Secretary    :    Tv. Lalkhawmawia
    Treasurer    :    Pu Lalrinmawia
    Members : Pu R.Lalngheta, Pu R.Lal\anpuia, Pu Vanlaltluanga, Pu Robuanga, Pu Lalthantluanga, Tv. R.Lalawmpuia, Pu J.Vanlalbiakdika, Pu H.Zomuanpuia, Pu Laltlankima, Pi Saidingluaii, Nl. Mimi Zohmingmawii leh Nl. Zoremtluangi te an ni.
    Hemi atan hian Section hrang hrangah Budget siam a ni :-
    Saichhuma ` 2500    Buala - ` 2000
    Damvea - ` 2000    Kapdaia - ` 2000
    Vawmphunga - ` 1000    Lalsavunga - ` 500
    Vengchhung chhungtinte hnenah sum hi khawn bawk tur a ni a, Section tinah khawn turin heng mite hi ruat an ni :-
    Buala Sec : Pu Lalhmuchhuaka, Pu R.Lalngheta, Pu Robuanga, Pu Lalvulliana, Pu Zoramhmangaiha
    Damvea Sec. : Section O.B. te
    Kapdaia Sec. : Section O.B. te
    Lalsavunga Sec. : Pu Lal\anzuala leh Pu K.Lalchhuanawma
    Saichhuma Sec. : Pu Lalrinmawia, Tv. R.Lalawmpuia, Pu Vanlalliana, Nl. Lalroliani
    Vawmphunga Sec. : Pu Zolianchhunga leh Pu Lalremthanga.            

 - Phek 4 naah chhunzawm a ni.

PAGE - 2

EDITORIAL :

HUNPUI LO THLENG HI
    Hunpui lothleng hi lawmna ni nge? lungchhiat \ahna ni? Kan hma maiah (upa \awng takin) ban phak lekah Krismas hun hlimawm leh nuam tak mai chu hman nawm loh hlauin kohhran hote leh mitin mai chu mahni phak tawk \heuhin kan inpuahchah a. Pawl ho leh \hian ho angte pawhin programme te pawh lo duanglawkin kan nghakhlel hle hlawm tawh awm e. He hunah hi chuan Kristian chauh pawh nilo Kristianna awmzia pawh hre lemlo te pawhin hlimna ni leh lawmna ni atana hmangin programme hlimawm tak nen uar thei ang berin hman an duh \hin. Zirna lam avangte, eizawnna avangte leh thil dang eng engemaw avanga ram hrana awm kan chhungte chu chah hawin chhungkua a hlim taka Kristmas hman ho dan tur ngaihtuahin kan rilru pawh kan seng \an tawh ngei ang.
    |henkhat tan ve thung chuan he hunpui lo thleng mek hi lungleng a \ah vawng vawngna, lungchhiat avanga mittui tam tak senna hun a tling leh ngei dawn. Chhungkaw kima Kristmas hmang ho ve chak ngawih ngawih, mahse thihna avanga in\hen chhungkua eng emaw zat kan khawtlangah ngei pawh hian an awm ve ngei ang le. Chuvangin, he hunpui Kristmas kan hmuah danah leh kan lawm danah hian chhungtin mai pawh ni lovin mimal leh pawl ho angte, \hian ho angte hian hmuah dan tawkte, hlim dan tawkte thiam a pawimawh. Lusunna avang te leh chhungkaw harsatna avangte emaw damloh tawh avangte a he hun hlim taka hmang ve thei lo te tana phurrit leh mit leh beng kham zawnga awm loh hram a va \ha em. A bik takin \halaite hian hlim dan chu a tawk kan thiam a \ul. He hun Kristmas hlimawm tak puala kan inbuatsaihna leh kan lawm dan te hian nakina kan inchhir lehna tur thil pawi min thlen loh nan; mi tan bengchheng leh ninawm ni lova malsawmna, hlimna thlen thei turin he hunpui hi hmuakin i hmang ang u.

ZIAKTUTE HUANG :

SAKAWLH LEH A CHHINCHHIAHNA
- Rinawma Kawlni.
Kar hmasa a mi  chhunzawmna..........
    Tunlai hian sakawlh hlau ho hian pianthar ringawt a tawk lo, Isua Krista rin ringawt pawh a tawk lo tiin an sawi vak vak \hin a, sakawlh hlau tura an zirtirna ang an zawm loh chuan an him bik dawn lovin an ngai. Heng mite hian pianthar pawh an ngai pawimawh thei lo. Anmahni himna tur an dap a, an dapna lamah midangte an tih\haih ve zel a, hlauhna thlarauin a man a, Isua Krista-ah pawh thlamuang thei lovin an vir chuk a ni ber. Isua krista hi kan neih loh chuan hlauin a chhinchhiahna hi duh lo pawh ni ila, a chhinchhiahna hi kan pu tho tho dawn a ni. (thup 13:8)
    Sakawlh chhinchhiahna hi Bio Chip te, Credit Card, Census a hming ziahte, UID Card etc. tih vel mai mai a ni lo. Pathian nung hnawl a, A aiah sakawlh leh lim nena inthlunzawnna nghet a intukluhna a ni. A bak chu sakawlh thuawihna thiltihin a nghawng chhuak chauh zawk a ni.
    Sakawlh chhinchhiahna lo awm hun tur chu amah a lo inlar hunah a ni ang. A lo lan hun tur chin hriat a nih hma hma a rinthu a lo ral khelh vak vak na hian a tak ni lo, a hlimthla niawm a rin; lo chhaih lawk vel na ang chauh a ni.
    A lo lan hun tur a Pathian remruat hun lah tuman kan hre silo.

********************************************************************

GOSPEL CAMPING
     Nov. ni 21, 2014 (Zirtawpni ) zan dar 6:30 khan Branch YMA Executive Committee in Branch YMA bultum a Gospel Camping buatsaih nise ti a a lo rel tawh chu bawhzuiin  vengchhung kohhran hrang hrang Committee te nen YMA Hall ah Join Committee neih a ni a,  Kohhran hrang hrang Committee te leh Branch YMA O.B, Ex- Officio leh Adviser te nen Gospel Camping neih chung chang hi an sawiho a ni.
    Join Committee chuan Gospel Camping neih ngei nise a ti a, hetiang hian Camping Committee pawh din nghal a ni:
    Chairman    :    Pu R. Lalngheta
    Vice Chairman    :    Pu Lalhmingliana
    Secretary    :    Tv. R. Lalawmpuia
    Asst. Secretary    :    Upa J. Zothanpuia
    Treasurer    :    Pu Lalthantluanga
    Members       :-
Hlimen Presby. Kohhran : Upa Rinngaia, Upa Lalengliana,
    Hlimen Damveng Presby. Kohhran  : Upa H. Vanlaltlana,
                    T. Upa J.K Lalengzauva,
    Hlimen vengthar Presby. Kohhran : Upa Sangzarliana,
                    T. Upa F. Lalrimawia,
    Baptist Kohhran : Upa K. Lalchhuanawma, Upa Laltinkhuma, Isua Krista Kohhran : Upa Lalramdina, Upa H. Lalzuiliana, Salvation Army : Pu Zoramhmangaih(CSM),
        Pu Lal\anzuala(RS),
MHIP : Pi Zonunkimi, Pi Biak\huami,
MUP : Rev. Vanlalvena, Pu Than\huama, leh
Local Council member zawng zawng te an ni.
    Camping hun atan Dec. ni 2 - 14, 2014 a ni anga. Speaker atan Pu Lalramliana, Gospel Thunder Team sawm nise an ti a, Camping na hmun  leh Follow Up na hmun atan Hlimen Presbyterian Kohhran te hmunhma dil tum a ni.
    Camping a a\ul anga hman atan Pu Vanlaltluanga Branch YMA President chuan ` 1000 in hma a hruai a ni.

PAGE - 3

HRIATTIRNA :

Halpuah leh halmawi chungchang
    Mizoram sawrkar chuan kum 2014 Krismas leh kumthar 2015 vuakvetah halpuah leh halmawi zawrh leh hal a khap a. Halpuah leh halmawi te hi mihringte tana \angkaina neilo, hriselna tichhe thei, a lo thlawn a sum tamtak senralna a nih bawk avangin, kum dangah pawh kan lo tih \hin tawh angin Central YMA chuan halpuah leh halmawi zuar lo tur leh hal lo turin mitinte kan in ngen a ni.

Sd/ Vanlalruata,
Gen. Secretary
Central YMA

Electric Bill chung changa ngenna
    Damvea Section ten kan Section huamchhunga sumtuak nan Electric Bill kan khawn \hin chu vengchhungah pekna(counter) a awm tak avangin November thla khan kan khawn ta lova. Amaherawhchu, chhungkaw tamtak a\anga Electric Bill khawn leh tura thurawn kan dawn avangin December thla a\ang hian sumtuak nan kan rawn khawn leh dawn a, chhungtin ten min lo pek tir leh turin kan i ngen a ni e.

Sd/ Secretary
Damvea Section YMA

Branch YMA ngenna
    Kumin 2014 Krismas lawm nan hian Hlimen Venglai kawn chu Branch YMA chuan chei leh nise a ti a, hemi atan hian thawhlawm khawn a ni dawn a, chungtinte tlawmngai a thawhlawm hi mahni phal ang ang lo thawh turin Branch YMA chuan chhungtin te kan ngen che u a ni.

Sd/- Secretary
Hlimen Branch YMA

Local Council hriattirna
    Hunpui kan lo hnaih leh ta hle a, chhungtin ten kan in leh a vel te fai takin vawng ang u. Kawng pui dung te tichep zawng a kan bungrua te dah hnawk lo turin kan in hriattir a. Tin, kan ran vulh;a bikin ui leh ar te thlahdah lo tur leh midang te tana hnawksak lo thei ang ber a enkawl turin kan in hriattir bawk e.
    A bikin ui khawlai a tei mai mai hmuh tur ala awm leh \hin a, khuahkhirh vek turin kan in ngen a, khuahkhirh loh vanga man te chungah action hi lak theih a ni tih kan in hriattir nawn leh e.

Sd/- Lalhmingliana
Chairman, Local Council

LAWRKHAWM :

Lirnghing
    Nov. ni 20, 2014(ningani) zan dar 11:44 a lirnghing khan kan veng pawh a sawi che ve hle a, chhiatna nasa zawk erawh a thlen hriat a ni lo. Veng chhung mi tamtak chuan he lirnghing hi lirnghing an tawn tawh a nasat ber \um niin an sawi hlawm a. Mithiamte chuan lir hi 5.7 Richer Scale a na in a nghing a ni an ti.
   
Hlimen venglai kawn chei leh dawn
     Kumin Krismas leh kumthar denchhenin Venglai kawn chu Branch YMA chuan a chei leh dawn a, Branch OB, Ex-Officio leh Adviser ten ` 1000/- \heuh an ang a, tin, Committee member te ` 200 - ` 1000 inkar chu mahni remchan angin an thawh vek dawn bawk a ni.

Bronze medal hawn
    North East Inter State Badminton Championship Guwahati a khelh zawh takah Tv. Malsawmsanga S/o R. Lalngaihawma Buala Sec. chu Junior Category ah Bronze Madal a dawng a, a hlawhtlinna Hlimkhawpui E.B ten kan lawmpuiin kan chhuang takzet a ni.

Music video release
    Hlimen Damveng Presbyterian Kohhran Naupang  Pathianni chawhnu inkhawm ten hun rei tak a\anga an lo er tawh Haleluiah Chorus Music Video chu Nov. ni 16, 2014( Pathianni) zan inkhawm ban khan an Kohhran Chairman Upa C. Lalengzauva’n a Release a, a Release zawh hian Big Screen ah en nghal a ni a, LPS leh Zonet cable TV ah he Music Video hi pek niin tihchhuah a ni tawh nghe nghe a ni.

Electric hman chung chang
    Fur khua a hulin, thlasik kan lo hmang \an leh ta reng mai. Hetiang hun a lo thlen hian Electric pawh nasa zawkin kan hmangin kan hmang rim zawk fo va, chuvangin, kan Electric hman dan chung changah mitinte i fimkhur zual ang u. Kan Electric Main Switch te hi a hlui deuh tawh avangin Load sang lutukah hian a chhe fo mai a, a spare part te Office lamah lam mai tur a awm rih lova, kan hunpui lai te a a chhiat a hlauhawm thei hle a. Tunah chuan Gas lam te kan zia awm ta bawk a, heater hmang \hin te pawhin loh theih loh te a nih loh chuan hman tawh loh nise, Heater hmang kan tam chuan Main Switch hian a zo lo \hin a. Hunpui a Power Supply a kan buai loh nan mitin ten Power i renchem ang u.

Advertisement........

CL -X & XII exam theih
    Cl. - X & XII MBSE / CBSE Selection a vanduai/tling zo lo te tan Govt. of India Recognised Board hnuaiah 2014 - 2015 Session atan Regular theih a ni ta. 2012 a\angin Aizawl-ah ngei Exam Centre hawn a ni. Mahni puala Exam Centre nei awmchhun kan ni.
Result :    2013 - Cl. X & XII = 100 %
    2014 - Cl. X & XII = 100 %

    Contact :    8257948671
        8413936001
(2-2)        8794090556

PAGE - 4

KEIMAHNI :
Hlimkhawpui Budget
    Hlimkhawpui  2014 Oct.  thla Budget  pe tla tawh te:
1.    Lalsavunga Sec.    2.  Damvea Sec.
3.    Kapdaia Sec.    4.  Buala Sec.

    Lalsavunga Sec. ten  December thla  thleng an tlak ta a, Damvea Sec. ten Nov. thla Budget an pe tla ta bawk.

Buala Section
    Section sumtuak nana inhlawhna min siamsak tu Pu F. Zothankima chungah leh member thawkchhuak te lawmthu kan sawi a, ani hian Property house sak nan chartin a thawh dawn bawk a ni. Tin, Pu Lalramchuana pawhin Property house chhuat chhun nan Cement min tum sak dawn bawk a ni . Pu Lalthanpuia(Mathana) pawhin rawra leh balutam tham tak min tum sak bawk a, kan va lawm em.
    Tin, Local Council ten ringrod \hahnem tak mai min pe bawk a, lawmthu kan sawi bawk a ni. Heng mite bakah Property House sak nan a mi inphal engaw zat an awm niin thu kan dawn bawk. Property House hi tun thla chhung ngei a sak zawh tum a ni.

2015 Branch YMA Nominate
    Dec. ni 12, 2014 (Zirtawpni) zan dar 6:00 hian YMA Hall-ah kum 2015 Branch hruaitu thlanna hun hman tur a ni a, inthlan danah hian mi 6 thlanchhuah tur a ni ang. Heng mite hi Nominate te an ni:
1. F. Zosangzuala( DV)     2. J. Vanlalbiakdika (BS)
3. Lalchhankima (KD)     4. Lalchhantluanga (KD)
5.Lalhmuchhuaka(BS)     6.Lalhmunsiama(VP)
7.Lalkhawmawia(BS)     8.Lallawmkimi(VP)    9.Lallawmzuali(KD)    10. Lalremmawia(LSV)    11. Lalremthanga(VP)    12. Lalrinchhana(KD)    13. Lalrinmawia(SC)    14. Lalroliani(SC)    
15. Lalthantluanga(VP)    16. Lalthlengliana(KD)    17. Laltlanhlua(BS)    18. Lal\anzuala(LSV)
19. Lalvulliana(BS)    20. R. Lalbiakmawia(DV)
21. R. Lal\anpuia(BS)    22. R. Zoliana(SC)    
23. R. Lalawmpuia(SC)    24. R. Lalrindika(BS)  
25. Robuanga(BS)    26. Samson Lalrinfela(LSV)    27. Vanlalliana(SC)    28. Vanlaltluanga(VP)    29. Zairemthanga(VP)    30. Zochuanpuii(VP)
31. Zolianchhunga(VP)    32. Zoramhmangaiha(BS)
    Heng mite bakah hian YMA danbu in a phal angin Floor Nominate mi pathum pawm theih a ni.(Inthlan hun hi \ul bik thilah sawn theih a ni ang.)
 

Damvea Section
    Nov. ni 29, 2014(inrinni) hian Chênkual Picnic Spot, Reiek Road-ah member te intuaitharna hun hman tur a ni a, Member 1 in ` 150 thawh \heuh tur a ni e. Nov. ni 26, 2014 thleng O.B te hnenah pawisa hi thawh theih a ni ang.

   Tun\um Issue buatsaihna ah Pu Lalparmawia Saichhuma Sec. a mi chuan  Arsa a tuihnai tak mai min hlui hlauh mai a, kan puar el awl hle.  Kan va lawm em!!
 

CHHIARTUTE NGAIHDAN :

@@    Local Council in Stone Crusher tihnun hun chung changa felfai taka dan an rawn siam kha a finthlakin a lawmawm kan ti hle a. Tin, Crusher te hi kawngpui ring lo deuha; Melthum tih dan ang deuh hian chhak lamah hian insawn dan awm se, vantlang hriselna atan pawh a thil pawimawh tak a nih avngin min ngaihtuahsak se kan lawm hle ang.
- Brandona Pa

Phek hma chhunzawmna..............    Tin, NGO leh Political Party te hetiang hian sum thawh tura ngen nise tih a ni bawk.
1) MHIP - ` 1000 aia tlem lo. (2) MUP ` 500 (3) Congress Unit ` 2000 (4) MNF Unit ` 1000 (5) Taxi Welfare ` 1000
    Heng thawhlawm khawnte hi Dec. ni 6, 2014 aia tlai lovah Pu Lalrinmawia hnenah khawn tute hian thehluh vek tur a ni. Tin heng baka \ul dang ruahmanna awm thei turte chu Sub-Committee kutah a awm ang.

5. Miharsa \anpui chung chang: Krismas denchhenin vengchhung a miharsa te \anpui nise tih a ni a, Section tin ten mahni huamchhunga \anpui ngai nia hriatte chu Dec. ni 6, 2014 (Inrinni) aia tlai lovah Br. Secretary hnenah thehluh vek tur a ni.

6. Lehkha hmuh : a) In luah hawh dilna : Pu Lallawmkima, Bawngkawn hnen a\angin Thlanmual-I a) MUP In sira Sub-Centre a sak turah hlawhfate awm nan waiting shed hnuaia thlanmual in luah hawh a dilna chu remtihsak a ni a, a luah man leh a hmun hma chung changah OB te nen lo indawr mai se tih a ni.
 b) Siknipui Kut hman rawtna : Hlimen Football Club leh Hlimen Volleyball Club ten Siknipui Kut buatsaih tura Branch YMA an ngenna chu hun a chep deuh tawh a hriat a nih avangin buatsaih hman ni dawn lovin Committee chuan a hria a, tun \um atan chuan tih rih loh mai nise tih a ni.

7. Pêm lehkha: Pu Zonunsanga te chhungkua Durtlang Leitan leh Pu Lalrinkima te chhungkua Chhippui Kawnmawi te hnen a\anga pemlehkha hmuh chu pawmsak a ni.

8. Thingphun samfai chung chang : Samtlang Road, Serlui hnar kam kawng dunga thing phun chu hnimin a bawh nasat tawh avangin Nov. ni 22, 2014 (Inrinni) zing karah Branch Exe. Committee Member te leh Kapdaia Sec. Committee ten samfai hnatlang neih nise tih a ni.

9. Action laksak tura ngenna : Pu C.Lalengzauva, Damvea Sec. a mite in bul kawngpui dunga Basketball khel \hin te hian ti tawh lo tur leh an ban phunte pawh mihringte kan him zawk nan phawitir tura ngenna Local Council ah thlen nise tih a ni.

10. Gospel Camping chung chang: Branch YMA bultum in Gospel Camping buatsaih nise tih rawtna chu sawiho a ni a, vengchhung kohhran hrang hrang Committee te sawmin hemi chung changah hian Branch O.B, Exe Officio leh Adviser te nen Nov. ni 21, 2014 (Zirtawpni zan dar 6:30 ah hemi chung chang hi sawihona neihpui nise tih a ni.

Sahmulphah Thla Ni 15, 2014, Issue No. 46

PAGE - 1

TUALCHHUNG :

Damlo : Pu Biakthansanga H/o Lalbiakdiki, Damvea Sec. a mi chu thi a luak avangin Nov. ni 13, 2014 (Ningani) zan khan Durtlang Hospital-ah dahluh a ni a. BP hniam leh zunthlum a lo nei bawk tih hriatchhuah a ni leh bawk a ni. he thu buatsaih lai thleng hian Hospital lamah hian enkawl mek a ni.

@@    Tv. Biakhmingthanga C/o Pachhunga Member LC, Buala Sec. a mi chu taksa chak lohna hrang hrang avangin Civil Hospital-ah enkawl mek a ni.

Guwahati lamah : North East Inter State Badminton Championship Guwahati a neih zawh takah kan veng a\angin Pu Lalmuanawma, Saichhuma Sec, Tv. Zarzokima, Buala Sec, Tv. Malsawmsanga Saichhuma Sec. leh Nl. Lalhlunchhungi, Vawmphunga Sec. te chu Mizoram aiawhin an kal a. Mizoram mipa team leh hmeichhe team te hian Final-ah Assam team te hnen lovin pahnihna an ni a. Kan veng a\anga kalte kan chhuang tak zet zet a ni.

Slap chung zo : Local Coucil te hmalakna a Vengthar/ Field panna kawng Balcony siam chu Nov. ni 13 zan khan a Slap an chhung zo ta niin thu kan dawng a, tin, he lai kawngah hian Lirthei eng chi mah la tlan luh a rem loh thu kan thu dawnna chuan a sawi. Hei hi Slap chhung a nih avanga Cement a char that zawk nan tih a ni.

Ramthar Field tlawh : Hlimen Presbyterain Kohhran hmeichhia te chuan Ramthar Field Winchester an tlawh a, Nov. ni 13, 2014 khan dam takin an lo let leh ta.

Kan Tanky khi: Khawtlangin kan tui tlan ber, tui dahkhawlna Tanky chungah lawn a bawlhhlawh \awp hnawk tak tak leh damdawi bur ruak leh meizial bungte paih lut \hin misual mawl tak tak an awm a, hei hi khawtlang hriselna atana thil \halo tak thlen thei tu an nih avangin khawtlang hmelma an ni a, he Tanky chunga lawn \hin te hi a hmu leh hria apiangin khawtlang hruaitu te hnenah report \hin nise a lawmawm hle ang. Hriselna in a tawrh hma ngeiin Tanky venhim hi khawtlangin kan mawhphurhna tih i hria ang u.

FRONT :

ELECTORAL  ROLL  HEARING NEIH A NI
HLIMEN AH   POLLING BOOTH PATHUM
  A AWM THEIH BEISEI A NI

    Electoral Roll Revision neih zawh tak chu Nov. ni 12, 2014 (Nilaini) khan  Hlimen YMA Hall-ah Endikna neih a ni a, Asst. Electoral Registration Officer (AERO) Aibawk BDO ni bawk leh a hote mi pathum te rawn kalin hearing hi neih a ni a, Hlimen BLO pahnih ten an \awiawm bawk a ni. Hetiang hi Hlimen a Booth pahnih dinhmun a ni:-

    Roll a awmsa    Thun belh    Paih    Total
Booth-I    1158    +    61    -    7    =    1212
Booth-II    827    +    22    -    5    =    844
Total    1985    +    83    -    12    =    2056

    Tichuan  Electoral Roll thar turah hian Booth-I ah 1212, Booth II ah 844, Total 2056 awm tura ngaih a nih laiin Hlimen E.Roll atanga transfer dil awm theih a ni a, he figure hi tlem chuan a danglam mai thei bawk. Hei bakah hian correction (tihdik) dil 25 an awm bawk a ni. Tin, Roll a\anga paih mi 12 te hi Roll a awm \ul ti lemlo leh mitthi tawh  te niin thu dawnna chuan a tarlang bawk. Hetih lai hian Electoral Roll a thun luh theih; mahse in thunluh ngaihsak loh avanga a thun tak loh pawh an awm nual niin thu dawn a ni bawk a ni.
    Election Commission kalphungah chuan Booth khatah hian Thingtlangah Voter 1000 pel lo, khawpuiah 1200 pello tur a ni a, hetiang anih avang hian Hlimen Booth No.I hi voter 1200  aia tam awmna a nih dawn avangin Booth hnih a \hen theih tur niin a lang.
    Tin, kumthar, February 2015 khian Local Council Election neih tur a ni a, tun tuma Electoral Roll hi Local Council Election-ah hian hman tur a ruahman a ni.

HRINGNUN :

Chawimawina dawng tur chuan inngaihtlawm a \ul a,
Thlamuanna leh hahchawlhna chang tur chuan rim taka kan thawh a tul \hin.
Kan chak zawk theihna tur chuan theih tawp chhuaha thawh a ngai a,
Hnehna chang tur chuan kan inpek a tul \hin;
Kan nunna turin kan thih a ngai a,
Kan dawn theihna turin kan pek phawt a \ul bawk.

PAGE - 2

EDITORIAL :

TAN TLAN A VA NGAI EM
    Hlimen khawtlang hian chhiatni \hatni ah te leh eizawnna lamah te, tin, zirna lam leh infiamna lamah te thang\hat lain fakna ri pawh kan hre tam \hin hle.A bik takin chhiat tawh (thihna) khawtlang a a lo thlenin fakna thawm ri kan hre tam zual em ni aw ka ti \hin. Chungte avang chuan Hlimen mi nih pawh a nuam thei hle \hin.
    Tunah khawvelin hma a sawn a, mi kan changkang a, chutih rual chuan sualna chi hrang hrangin kan ram a rawn tuam \an a, chu chuan khawtlangah pawh a zuah bik der lo mai. Hlimen \halai; nula leh tlangval chhuanawm tak tak turte pawh sualna chikhat ruihhlo hmansualna in a bualat avanga chhan tlak loh an pung tual tual mai. Nu leh pate u, tunlai sualna chi khat ruihhlo hmansualna kawngah leh mipat hmeichhiatna kawngah te in fate hi an him meuh em. In fanu fapa; inchhunga naupang chhe en a in en, \awngfiah mang lo a ânu âpa ti a nu leh pate ko \hin pangchang hmel takte pawh kha khawlai a an \hian kawmna ah chuan an lo naupang chhe lo mai thei a sin. JAC Duty ten ruihhlo avanga man tuma an veh an veh ho zingah te hian in rinloh tak tak mipa leh hmeichhe tleirawl, rawlthar pawh la ni meuh lo an kat nuk a ni tih hi lo hre ve teh u.
    Ruihhlo - zu, damdawi phalna nei lova zuarte leh a rui \hin an pun chak ziate hi; hetiang renga Hlimen \halai zingah zu leh drugs hmansual (rui) an pun zel chuan khawtlang \awp leh hmuhsitawmah Hlimen hi a ding ngei ang. Tunah pawh chu dinhmun chu kan hlat lo hle. Hlimen khawtlang nun hi a chhiat tak tak hma a JAC leh nu leh pa, chhungtin te kan \an tlan loh chuan veng hmuhsitawm tak a ni mai dawn. |halai nunte a chhiat a khawtlang mualpho loh nan chhungtin te |AN TLAN A VA NGAI EM.

ZIAKTUTE HUANG :

SAKAWLH LEH A CHHINCHHIAHNA
- Rinawma Kawlni.
    Sakawlh tih hi a awmzia ah chuan ramsa kawlh (wild beast) emaw, sa hlauhawm (monster) tihna emaw a ni a, hei hian mi sehhlum hmang a ni tih a kawk nghal.
    Thuthlung hluiah he thilnung hi sakeibaknei, savawm leh keite angin a lo sawi.
    Thuthlung tharah lu sawm leh ki sawm nei angin a sawi (thup 13:1) Krista dotu (Anti Christ) a ni tih a sawi bawk (I John 2:19-19) Paula’n “misual, boral fapa leh dan bawhchhepa” tiin a lo sawi ve bawk (2 Thess 2:3,9). Lal Isua ngei pawhin Daniala lo sawi kha lain he mihring hi “ti\iautu tenawm” tiin a lo sawi bawk. Chutiang a bumro leh rapthlak chu a nih avangin SAKAWLH tih awm reng pawh a ni.
    Sakawlh chung chang hi Bible hian a lo sawi hnem khawp mai a, a pian\o bul, a mizia, a lal ram leh rorel dan tur leh a tlakchhiat dan tur sawilawkna hi Bible pumpuiah za chuang vel zet a awm.
    Chutiang khawpa Bible in a ngaihpawimawh min hrilhlawk chu ringtute hian kan ngaihtuah lo hle a, mahse tunlai thil awmdan hian ngaihthah a hupbeh reng theih a nih loh zia a rawn tilang \an mek a ni.
    Sakawlh chu tunge a nih : Ramsa kawlh tak tak tihna ni lovin mihring a ni, Krista dotu (Anti Christ) pawh a ni a, khawvel pumpuia roreltu tur a ni bawk, mifing tak a ni bawk a ni. Daniala phei chuan, “thu khirhkhan thiam mi” a nihzia a lo sawi tawh bawk. Mi \henkhat chuan sakawlh hi engdang ni lovin Setana hi a ni mai an ti a, a hring hran a mihring anga rawn chang anga ngai pawl an awm bawk. Mahse sakawlh chu chutianga thlarau mihring a lo chang ni lovin mihring pangngai ngei, setana’n thiltihtheihna leh lalna nasa tak a pek a ni, tumahin an do hneh thei dawn lo a ni.
    A chhinchhiahna Bible sawi dan : Sakawlh chhinchhiahna chu hawrawp leh a lem chuanna thuziak, chalah emaw kut dinglamah emaw a chhutkai theih a ni. Vawikhat nemkai tawh chuan tihdanglam theih a ni tawh lo. (thup 13:16) Sakawlh chhinchhiahna chu hengte hi a ni : Sakawlh hming, sakawlh hming aiawha chhinchhiahna, sakawlh number, mihring number, number 666 (thup 13:16-18).
    Thupuan 13:16-18 “tichuan, mi zawng zawng, a lian a tein, a hausa a retheiin, zalente, bawihte, an kut dinglamah emaw an chalah emaw chhinchhiahna a neihtir vek a, chuvangin sakawlh hming emaw a chhinchhiahna emaw, a hming number emaw neite chauh lo chuan tuman engmah an leiin an hralh thei lovang. Hetah hian finnna a awm e, chhut thiam chuan sakawlh number chu chhut rawh se., mihring number a ni a, chu pa number chu 666 a ni e.”
    Awle, a chunga tlemte kan tarlan a\ang khian sakawlh nihphung tur chu kan hrethiam mai awm e. Tun huna pawimawh ta chu “Nunna Bu-ah i hming an ziak tawh em” tih hi a ni. I hming a chuang tawh a nih chuan sakawlh lakah i him tihna a ni. I chanvo tur chu a chiang nghal vek si. Nunna lehkhabu a la chuang silo; inti huaisen ve ringawt, hlauh nachang hre lo i nih chuan i dinhmun kha a ngaihtuahawm hle a ni.
    He sakawlh hi thiltihtheihna leh thuneihna nasa tak nei a nih dawn avangin a ropui hle ang. Mizo te hi mi thiltithei leh neinung deuh tlawn ching kan ni a, sakawlh chhinchhiahna te chu a pu hmasa sa-ah kan \ang lovang tih a sawi theih loh.
Phek 4 na-ah chhunzawm a ni..

PAGE - 3

HRIATTIRNA :

PHED hriattirna
    Aizawl khawpui leh a chheh vel chawm nan Serlui (A) chu Lungleng kaiah khuah a ni a, he tuikhuah hi mipui tlan tur a nih mai bakah chetsual theih a nih avangin he tuikhuah-ah hian Picnic, insuk, inbual, tui chen, sangha leh chakai etc. man khap tlat a  ni a, he tuikhuah leh Pipe line te hi min humhalh saka min venpui turin mitin te \awiawmna kan ngen tak meuh meuh a ni.

Sd/- Sub- Divisional Officer, PHED
Aizawl Water Transmission Sub- Division

Ui khuah khirh chung chang
    Section 144 of the Code of Criminal Procedure, 1973(Act II of 1974) in thu neihna a pek angin District Magistrate, Aizawl District, Aizawl chuan Oct. ni 14, 2014 khan hetiang  hian thu chhuah a siam:
1. Mi tumahin an Ui vulh khawlaiah an chhuah tur a ni lo.
2. Mi tupawhin a Ui vulh khawlaia a chhuahpuiin  a awm tawk a sei hrui a hlingin a khuahkhirh tur a ni.
3. Mi tupawh, Ui vulh tawh phawt chuan an Ui vulh te Hri danna (Rabies Vaccine) a Course puitlingin an lak tir ngei tur a ni a, Hri danna an lak tawhna Certificate pawh an kawl ngei tur a ni.
4. Mi tupawh Ui vulh tawh phawt chuan a Ui vulhna hungchhung luh dawnah langsar tak leh chhiar nuam tawk taka lianin “ UI A AWM FIMKHUR RAWH” tih a tar ngei tur a ni.
    Thupek bawhchhia an awm chuan Sec. 188 I.P.C anga hrem tur a ni.

Sd/- Lalchungnunga
District Magistrate, Aizawl District, Aizawl.

Local Council hriattirna
    Stone Crusher neitu tumahin zing dar 6 rik hma chuan khawl tih nun loh tur a ni a, tin, tlai dar 5 a rik tawh chuan khawl tih tawp tur a ni tih kan in hriattir a, tin, kawng a mi an kal laiin rawra/ balu load tute fimkhur zual turin kan in hriattir bawk e.

Sd/- Lalhmingliana, Chairman Local Council

Advertisement....

CL -X & XII exam theih
    Cl. - X & XII MBSE / CBSE Selection a vanduai/tling zo lo te tan Govt. of India Recognised Board hnuaiah 2014 - 2015 Session atan Regular theih a ni ta. 2012 a\angin Aizawl-ah ngei Exam Centre hawn a ni. Mahni puala Exam Centre nei awmchhun kan ni.
Result :    2013 - Cl. X & XII = 100 %
    2014 - Cl. X & XII = 100 %

    Contact :    8257948671
        8413936001
(2-1)        8794090556

LAWRKHAWM :

Bill pek theih ta
    Electric Bill sum tam tak senga khawpui chhunga kan pek buai ngai fo \hin chu tunah chuan awlsam te in mahni vengah a pek theih ta. Nov. ni 10, 2014 (Thawh\anni) a\ang khan YMA Hall hnuai Counter-ah pek \an a ni. Pu Vanlalhruaia Member LC in a pe hmasa ber a, Tv. C. Lalhmingthanga Member Lc in hnu a khar a ni. Tun a\ang chuan rokhawlhna thil bik a nih loh chuan thla tin he counter ah hian pek theih tura beisei a ni.

Pipe line siam belh
    PHE Pipe Line siam belh (extension) hna chu tunlai hian PHE Chhimphei Section ten an siambelh leh mek a. |helretkawn Pu Zohmingthanga Point a\angin UPC Biak In thlang kawngah Metre 180 vel a thuiin siam belh a ni a. Tunlai hian ngawrh taka hna thawh a ni.

Serlui chung chang
    PHED ten Serlui tuikhuah an peih fel takah chuan tuihna a tlem viau a nih loh chuan englai pawhin tui hi a tlem berah 2.5 Mts(13 feet chuang) a sang a awm reng a, chirh paih fai nan leh tui level a san lutuk loh nan tuikhuah drain Valve leh Outlet Valve hi hawn reng a ngai a, Outlet pipe hi 18 inches niin drain pipe pawh 14 inches laia zau a ni a, a hip a na hle a, a thil hip beh tawh chu lakchhuah a har hle a ni, Chain Pulley te ruaiin patling 4/5 velin an phawrh chhuak thei \awk a ni. Hetiang a nih avang hian Local Council , Hlimen te chuan kan him tlan zawk nan chuan he lai hmun leh a chheh vel hi hnaih lo turin mipui an ngen tak zet niin thu kan dawng.

Chhiat tawh a chunga lawmthu
    Kan pa, Vanlalreman Nov, ni 8, 2014 (inrinni) a min boralsan chung changah Hlimen mipui te chungah lawmthu sawina tur kan va ngah em.. In \hatna leh in mi hmangaihna hi keini chhungkua tehlul hian engtikah mah kan rul seng lo ang che u.
    Kan dinhmun te hria a Branch YMA in ruahmanna \hatak mai siam a, YMA Hall meuh a  a vuina hun leh YMA hun te hmang tur a ruahmanna a siam te kha kan va lawm em... Kan thinglung tak meuh meuhin lawmthu kan sawi a ni. He chanchinbu kaltlanga kan lawmthu sawina hi min lo pawmsak hram turin kan ngen a che u.

In khawngaihna dawngtu,
R. Lalmuanzova leh Lalhmangaihzuali te nupa
Saichhuma Section.

A va lawmawm em
    Pu R. Lalremsanga (Marema) MCS Deputy Residence Commisionner Guwahati Mizoram House chuan YMA Hlimen Branch tan Plastic Arm chair 40 zet mai a rawn pe a, Nov. ni 14, 2014(zirtawp zan) khan Branch hruaitu ten Company pengah an va la a ni. Chair hi Guwahati a\angin a rawn thawn vang vang a ni. Amah hi YMA tana mi \hahnem ngai tak niin Branch tana thawhhlawk tak niin inhlawhna pawh vawi engemaw zat min lo hmuh sak tawh a ni. Hetiang mi, khawtlang leh YMA hmangaihtu Officer kan nei hi kan chhuangin kan lawm tak zet zet a ni. 

PAGE - 4

KEIMAHNI :
Hlimkhawpui Budget
    Hlimkhawpui  2014 Sept.  thla Budget  pe tla tawh te:
1.    Saichhuma Sec.    2.  Lalsavunga Sec.
3.    Kapdaia Sec.    4. Damvea Sec.
5.    Buala Sec.
    Lalsavunga Sec. ten  December thla  thleng an tlak ta a, Damvea Sec. ten October thla Budget an pe tla ta bawk.

YMA in râl
    Nov. ni 10, 2014 (Thawh\anni) zan khan Pu Vanlalrema ralna hun YMA Hall-ah neih a niin ralna ` 6220 a chhungte hnenah hlan a ni.
    Tin, Pu Vanlalrema chhungte hian a tuamna puan chu a \ul apianga hman atan YMA ah an hlan bawk a ni.

Branch Committee kohna
    A hnuai a hun leh hmun tarlanah hian Branch Executive Committee neih tur a ni a. Member kim taka kal tura ngen leh hriattir kan ni e.
A hun    :    Nov. 18, 2014 (Thawlehni)
        Zan dar 6:30
A hmun    :    YMA Hall
Agenda    :    1) 2015 hruaitu thlan                         chung chang
        2) Lehkha hmuh
        3) A.O.B.

(Note : Committee kohna hi sem a ni dawn lova, hei hi kohna a ngaih tur a ni e)

Sd/- Secretary

Damvea Section chetna
    Tunlai hian Damvea Section te chuan an Sec. huamchhung a ruihhlo zuar a rem theih nan tunlai hian theihtawpin \an an la a. Hemi kawngah hian lungrual takin YMA member te thawhho a ni hi hruaitute an lawm hle a. Hmalak zelna turah vengchhung mipuite support-na leh \awiawmna an mammawh reng dawn a ni. Theihtawp chhuaha beih chhoh zel an tum a ni.
    Tin, Nov. ni 29, 2014(inrinni) hian Chênkual Picnic Spot, Reiek Road-ah member te intuaitharna hun hman tur a ni a, Member 1 in ` 150 thawh \heuh tur a ni e. Nov. ni 26, 2014 thleng O.B te hnenah pawisa hi thawh theih a ni ang.

CCC Meeting nei
    Central Co- Ordination Committee te chuan Nov. ni 12, 2014 dar 10 am khan CYMA Hall Tuikhuah tlangah Meeting pawimawh an nei a, YMA Gen. Confe 2014 thlir letna hun an hmang a, Confe. thurel bawhzuina tur hrang hrang - YMA khawih leh sawrkar khawih te an ngaihtuah a, tin, Secretary report ngaihthlak niin CYMA ah Chakma Census neihna tur atan ` 4,30,976 a luh thu ngaihthlak a ni a, Tlangnuam vengthar chu Branch YMA dingthar ber a ni a,  tihian YMA Branch 800 a awm ta a ni.
     

CHHIARTUTE NGAIHDAN :

@@    Mitthi lumen, thlanlaih, khawhar In kal etc.. \halai zingah a nachang hrelo kan va la tam em!!! Heng hote hian chhiat an tawk ve thei lo emaw tih mai tur a ni. Tam tak chu an chhungkua ngei chhiat tawhna pawhin a la kaiharh zo chuang lo nia maw le!! Hawh u, he lam kawngah hian i \hangharh teh ang u.
- Hlimen Vâl upa

@@    Nu/pa berh ve tê tê, hriselna lam pawh pán ve tak tak ten an mahni leh chhungkaw tan kawla nichhuak chhiara hna an thawh \awng \awng laia; \halai zawk leh hrisel \ha tak tak ten hna thawk peih lova ruihhlo an han zuar ringawt mai hi chu an va zahpuiawm tak em. Zah nachang hre mawlh teh se.
- Bartowski

KAN THEN TAK :

VANLALREMA, Kum 58 : Pu Vanlalrema hi July ni 6, 1956 khan Tawnliana leh Kawlchhingpuii te inkarah darlawn khuaha a lo piang a, an unau hi hmeichhia 3 leh mipa 7 an ni.
    Pu Rema hi mi \awng duh tak, pa kawm nuam tak a ni a, fiamthu pawh a duhin mi hlim thei tak a ni, naupang  a\anga kum upa lam thlengin a kawm thiam em me a ni.  Pathian thu hi a duhin a bikin Thupuan bu phei chu en lovin a sawichhuak vek thei a ni. Hlimen a an rawn pem a\anga a thihni thlengin Salvation Army tan mi \angkai tak a ni.
    Kum 1980 March ni 3 khan Lalhminglawmi nen inneiin fa hmeichhia 2 leh mipa 1 an nei a ni. Kum 1979 khan Mizoram Home Guard ah lutin kum 1982 ah Constable in 1st Batch Mizoram Police (MRP) ah a lut leh a, he mi hnu hian Havildar Major-ah kaisangin kum 2012 khan a pension ta a ni.
    Infiamna lamah hian inbuan leh boxing lam hi a tui em em a, sawrkar hna a thawh laiin \um khat pawh Army Boxer pakhat Feet 7 lai a sangin Vairengte Bus chhungah buaina a siam a, check gate a duty te pawhin an \helh theih loh \um pawhin amah hian a tudawl thei. Tin, amah ringawt pawh hian misual 4 lai a man thei nghe nghe.
    October ni 29, 2014 khan a pum a nuamlo \an a, Nov. ni 6 khan a pum rawn na lehin a tuk lam phei chuan a thawk a rawn hah \an a. Hemi ni tlai lam ah Civil Hospital panpui niin in lama enkawl turin hawtir leh a ni a. Hemi zan vek hian a thaw rawn hah lehin Kulikawn damdawi In panpui leh a ni a,  theih tawpa buaipui a nih hnuin November ni 8, 2014 (Inrinni) zing dar 2:45 khan ropuina ramah min lo kalsan ta a ni.

Ziaktute Huang chhunzawmna....
    Lal Isua Kraws pu a, a tuarna te \awmpui a, channa kawnga kal \heuh \heuh va retheih phah nana hman ai chuan; a nuam tawk leh hahdam china Kristian, mite hmuha  mawia rawngbawltu, Pathian mitmei ven nachang hre lo, mihring mitmei chauh veng, mit rawngbawltu kan tam dan a\angte, mahni sahimna dap hmasa rawngbawltu Pharisai kan nih hlawm avang hian; sakawlh thiltithei, hausa tawntaw, sorkar chunga leng a lo chhuah hunah chuan, “ka rinna a khawih pha dawn chuang love” tiin kan bawh huam huam mai ang tih a hlauhawm hle. Chutiang chu Bible in a lo sawilawk diam tawh. “Leia mi zawng zawngin sakawlh chu mak an ti a, an zui a,” (thup 13:3)

Sahmulphah Thla Ni 8, 2014, Issue No. 45

PAGE - 1

TUALCHHUNG :

Boral : Pu Vanlalrema kum 58 Saichhuma  Sec. a mi chu Nov. ni 8, 2014(inrinni) zinglam dar 2:45 khan thawhah avangin a boral. A ruang hi YMA Hall ah vui  a ni.

@@    Nov. ni 1, 2014 (inrinni) zinglam khan Lalchhanhima S/o Pastor Lallungmuana Lalsavunga Sec. a mi chu Chuap a thisen tling avangin Civil Hospital ah a boral a, a ruang hi an chenna Luangmualah phurh thlak nghal a ni.

Damlo : Malsawmkimi D/o H.Vanlaltlana, Damvea Sec. a mi chu a mit (eye) check-up turin Nov. ni 4, 2014 (Thawhlehni) khan Guwahati lam an pan. Dam taka an lo haw leh ngei theih nan duhsakna kan hlan e.

Innei: Nov. ni 6, 2014 (ningani) khan Vanlalhruaia (Te-a) S/o Zulawma, Kapdaia Sec.leh Vanlalliani D/o K.T Sena, Kapdaia Sec. a mite chu damchhunga nupa ni turin an innei.

Khiangawi: Gospel Lalruatengi D/o Lalkunga, Saichhuma Sec a mi chu Levia Vanlalruata, Melthum a mi tawnah Nov. ni 7, 2014 (Zirtawpni) khan khiang a awi ta.

Nau nei thar : Pu Lalnghakliana leh Pi Lalkhawngaihi te nupa Saichhuma Sec. a mi te chuan fapa duhawm tak an nei thar.

Pipe hnawh \hin : Vengchhak a Tanky pui a\anga tui semchhuahna Pipe line \henkhat chu sarang leh hnawk dang ten a hnawh \hin a, tui sem kawngah harsatna a awm niin kan thu dawnna chuan a sawi a, hei hi a chhan ni a lang chu Tanky chhungah mi tuten emaw thil an paih luh vang ni a hriat a nih thu kan thu dawnna chuan a sawi.

Slap chhung \an : Local Council te hmalakna a Vengthar panna/ Field kawng a Balcony siam mek chu a Slap an chhung tan a, kan thudawnna in a sawi danin tunthla chhunga a he Balcony hi peihfel hman rin a ni.

Hlimkhawpuia Advertisment chhuah man hi  vawikhatah chhuah zelah ` 50/- a ni a, tin, mimal hriattirna hi vawikhat chhuah ah ` 30/- a ni bawk. Tin, Section tina Section OB/Agent te khan semchhuah thu ah leh thuchhuah tur chung changah \an i la deuh deuh bawk ang u.

FRONT :

RAM LEH HNAM HUMHALH
(69th YMA General Conference, Ratu a CYMA Gen.Secretary thusawi lakchhuah)
    YMA kumpuan Ram leh Hnam Humhalh hi a taka luhchilh lo tan pawh a hming tal hi chu kan hre deuh theuh tawh awm e. Kum 1997 YMA General Conference E.Lungdar ah khan rorel palaiten lungrual taka kumpuan atan kan phar tluk atang khan Ram leh Hnam humhalh hi YMA te chuan kan hlat thei ta lo ani ber. Ram leh Hnam humhalh hian a huap zau thei hle mai a, kalpui thiam loh palh pawh hlauhawm tak a ni a, fimkhur tak leh tihtak zet a kalpui chi niin a lang. Tih tur tamtak zingah a hnuai a tarlan chauh pawh hi Branch,Group leh Sub-Hqrs YMA te hian hneh takin kalpui i la Kumpuan hi a hlawhtling hle in a rinawm.

1. Ramdang leh Hnamdangte in luahtir chungchang:
    Aizawl khawpui ah hian ramdang leh hnamdangmi mi inluah a khawsa hi Mizoram a khua zawng zawng a ramdang leh hnamdangmi mi inluah aiin an tam zawk a rinawm a. Aizawl a YMA hruaitute hian mahni Branch ah theuh in luah tur neitute hi sum um lova mahni Mizo puite chauh luahtir turin hma la thei i la, chenna tur ber an hmuh loh chuan Ramdang leh Hnamdangmite tan kan ramah hian chen ngaihna a awm lovang. Inluah tur neite hian an in an luahtir dawn lai a YMA pemlehkha phut hmasa kher hi an tam lo hlein a rinawm a, chumai bakah Vai hnen a Inner Line Pass (ILP) lo phut pawh an khat pharhin a lang. Heng vaiho leh ramdang mite hian Mizo in an luah ngamna aia sangin an luah ngam zel avangin Pa rawn awm deuh deuh pawh hian khawtlang a an tangkai leh tangkai loh lam an dawn phal ngai lo niin a lang. Kan tuikhur an ta neih tlangpui a, mitthi leh hnatlang tlangau an hre lo tlangpui a, ration leh gas (LPG) leh khawnvartui sem tur tlangau ah erawh an tuan a tha hle thung a, Electoral roll ah Mizo te aiin inthun an ngaihven peih em em a ni.

2. Sumdawnna chungchang :
    Mizoram hian Trading regulation kan nei lo chungin kan ramah hian ramdang leh hnamdang sumdawng an tam ve ta hle mai a, Mizo district council hunlai a trade license mitlemte hnenah pek tih loh chu trade license nei an awm lo na chungin Vai dawrkai tam tak zia hi a hre tute kan ni awm e. Thir (iron rod), cement, leirawhchan zuar tute hian Mizo hming hawh hi an thiam bik riau niin a lang, Vai mistiri nen inthurualin Mizo in sa tute an bum hnem tawh zia hre chung a kan la enliam mai mai thei thin hi harh a hun ta tak zet mai. Trade and Commerce department in thlai leh thil dang a bik atkin Agriculture produce an tih mai lakluhna permit a pek theihna dan Mizoram Gazette VOL XLII ni, 2.7.2013 tih chhuah ang pawhin Vai ho khuan permit dil duh chuang lovin ramri check gate ah pawisa an pekn a receipt chu permit ah an ring nghal mai thin niin a lang. Ti chuan an duh duhna ah an phur kual ta mai thin a ni. Dan lova lo lut na na chu YMA ten I dap chhuak thin ang u.
    Tin, industry rawn din tute lah chuan mi ram te angin a ram leilung fate an chhawr tha duh lo hle a, Subsidy an rawn dil nghal tlut tlut mai a, hei hi an tum ber pawh niin a lang. Industry thli chhia tenawm chauh min hnutchhiah a a hlawkna tel tum ang chi ho chauh kan ram a kan la lut ta mai hi in enfiah nan kan hman a tha awm e.                            
 -Phek 4 na-ah chhunzawm a ni...
 

PAGE - 2

EDITORIAL :

RIT PHUR INCHHAWK TAWN
    Khawchhak lam a\angin ni chhuak kan hmu a, khawthlang lamah a tla kan hmu leh a.  Chunga ni chhuak leh tla chuan mihring tana hun \ha leh hlimna leh lawmna a rawn thlen a. Chutiang bawkin \henkhat tan lungngaihna, hrehawmna a rawn thlen bawk \hin. Upa in malsawmna kan dawn a, hlimna leh lawmna kan dawn chuan a hnu lawkah lungngaihna leh hrehawmna in min hmuak a ni an lo ti a; chuti a nih chuan vawiin a malsawmna dawng a, hlim leh lawm taka awm te pawh hian lungngaihna leh hrehawmna kan tawng ngei ngei dawn tihna a lo ni. Chuvangin, kan rit phurh hi inchhawk tawn a pawimawh hle tihna a ni.
    Malsawmna kan chan a, kan hlim tlan hle lai chuan \henrual \ha leh khawtlang kan mamawh vak lo a ni mai thei e. Mahse, chhungkua in lungngaihna vawrtawp (thihna)  eg. I nu/ i pa/ i fate/ i nupui pasal in emaw thihna tawk ta se, mahni  chhungkua chauhin lo in buaipui ngai ta se a hrehawm dan tur chu i ngaihtuah thiam mai em? |henrual \ha leh khawtlang mipui ten kan ritphurh min chhawk dan chu a hre tu leh tawngtu kan ni tawh hlawm awm e.
    Mi chhiat tawh ( Vanduaina) a an lungngaihna leh hrehawmna phurrit chhawk \hin te chuan vanduaina an tawh a, phurrit takin a delh hunah \henrual \ha leh khawtlang mipui te chuan an phurrit chu an lo chhawk ve leh \hin a lo ni. Khawvel hi a tawp mai lohva keini hi kan la dam zel a nih chuan ritphurh chhawk ngaih hun kan la tawng ve ngei ngei dawn a, chuvangin, ritphurh inchhawk tawn hi kan zavai atan thil pawimawh tak a ni. Chu chu a YMA in a Kristian a, a Mizo nun em em bawk a ni.

ZIAKTUTE HUANG :

KAN TAWNG HI
- R. Lalengzauva, Hlimen Damveng.
    |awng dang \awng chi hrang hrang kalhmang hria, mi thiam zawk ten \awng awmzia chanchhinbua an rawh chhuah te hian min tivarin hriat zauna min pe a, a lawmawm hle mai. Chutih rualin, Mizo \awng kan hman dân pawh hi ka hre tam lo nain Sâp \awng nen kan hman pawlh \hin vânga kan \awng kan hman dân ulh deuh nia ka hriat han puan zar ve \ula ka hriat avangin, Hlimkhawpui chanchinbuah ka han Âr mit \et khuan ve tawp mai dawn a ni.
    Kan nu kan pa, kan pi kan pu te kha chuan kan \awng (Mizo) hi an hmang uluk viau \hinin ka hria a, hun a kal zel a, Lal te (Mizo Lal) hun a liam a, District Council kan neiin roreltu mipuiin kan thlang a. District hun a liama, Union Territory kan chuangkai a, kan lal te chu kan thlan vanga lal an ni tih hriaiin enge maw chenah thuhnuai kan tum a, chutiangin State-ah kan chuangkai chhova, kan thlan lal te lahin tawp chin nei thuneihna an chang a, anni leh mipuiho chu intlawn tawnnaah kan lut ta a, Hei hi Zoram rorel khawl kal paina bul in\anna a lo ni ta a ni. Kan thlan lal te chu zah tak anga lang, zah der siin kan en a, an duhsakna dawn tum rân si, dawn loh chuan pawi zâwk ang ti rân chungin dik anga lang hlemhle deuh hlek sia intlawn tawnin kan meng si sup mai a nih hi a !!! Kan thupui a luh a hun  ta. Tichuan le, \awngka leh thu ziak a kan \awng hman dan chu Sap-ho thu leh \awng hman dan zulzuiin Mizo \awng chu kan ti khawngkhawbai zo mai dawn niin a lang ta. Heiangin:-
    Pu Ch. Chhunga, Chief Executive Member Mizoram chuan Melthum - Hlimen kawng Black Top tur a hawng. Brig. T. Sailo, Mizoram chuan Secretariat Complex tur a hawng tih te hi \awng dikah kan ngai ta a. Tv. Laldika Sailo, S/o Ropuia chu Tuivawl luiah a tla hlum tih te, Khuma S/o Thanga chuan buh phur za a thar, han tih te hi \awng dikah kan ngai ta niin a lang. Heti hian ziak ila - “ Mizoram Chief Minister Pu Ch. Chhunga chuan Hlimen- Melthum Black Top tur a hawng” tiin. Mizoram Chief Minister Brig. T. Sailo chuan Secretariat Complex sakna tur lungphum a phum tiin. Ropuia fapa Laldika chu Tuivawl luiah a tla hlum. Thanga fapa khuma chuan buh phur za a thar, tiin ziak ta ila, a ri a chhiarin a ri dik zaih ang. Kan \awnga kan sawi leh ziak hi - “chu” tih leh “chuan” tih hian kan mi sawi a kha a kawk a ni. Chuvangin, Ropuia nilovin a fapa Laldika hi tuia tla chu a ni tih “ chu” hian a hrilhfiah a. Thanga hian buhphur za a thar lova, a fapa Khuma zawk hian a thar a ni. I bula mi hriatah heng thu kawkalh ka ziah te hi a riin han chhiar la, thu tluang zawk chu i hre mai ang.
    Tun laia kan ziak \hin dan S/o, D/o, W/o tih vel hi Sap-ho \awng kalhmang hre mang lo tan chuan Pu Ch. Chhunga nilovin Mizoramin a hawng tlat bawk. Tui tla te, buh phur za thartu pawh hi an pa te zawk hi tui tla leh buh phur za thartu an ni tlat zawkin a ngaih theih a ni.
    Awle, hetia Sap \awng kan ngaih ropui avanga kan \awng (Mizo) kan kailek ta hu mai hi a la pawi theiin kan la buai phah ang tih a hlauhawm deuhvin ka hria a, ka han Âr mit \et khuan ve phawng mai a ni e.
    Mizo \awng kan hman dan hi kan  hmusit deuh nge kan zahpui deuh roh tih hi kan hman dan a\ang hian a hriat deuh theihin a lang. Kan dawr hming te, kan hnathawhna hmun hming te, kan pawl hming te pawhin a Sap zo ta. Fiamthu huanga mi pakhatin a sawi ‘ Opposite’ dawr a zawng chiam ang deuh khan L.M. Catering, Veraz dawr, P.S. tui, Amen tui, tih te leh Comedian Search, han tih te hi a Mizo loh thlak deuhvin i hre ve lo maw !!!?

PAGE - 3

HRIATTIRNA :

Taxi welfare HRIATTIRNA
    Nov. ni 12, 2014(Nilaini) hian Kulikawn Taxi Welfare te chu inthlan leh intihhlim ve kan tum a, hemi ni hian zing dar 8:30 thleng bak chu kan Service thei dawn lova, mipui te hriatthiamna dilin kan in hriattir lawk a ni e.
Sd/- Secretary. KTW

ELECTORAL  ROLL  HEARING
    Electoral Roll Revision neih mek chu Nov. ni 10, 2014(Thawh\anni) khian a tawp dawn ta a, E.Roll a thunluh, Transfer leh Correction diltute chu ahnuaia hun leh hmun ruatah hian Hearing neih tur a ni a, kim taka kal tur a ni, mahni kal remchang lote tan chhungkaw zing ami puitling aiawh intirh theih a ni:-
    A hun        :    Dt. 12.11.2014 (Wed)                     Dar 10:00 to 11:30 Am.
    A hmun  :    Y.M.A.  Hall, Hlimen.
B.L.O, Hlimen I & II.

Local Council hriattirna
    Mizoram Rural Bank(Kulikawn Branch) a Account hawng te Pass book chu Local Council Office ah Office hun chhung a lam theih a ni a. La lam lo engemaw zat kan awm a, ngaihven turin kan in hriattir e.
    Tin, faina chung changah chhungkaw tin ten \an i la zual deuh deuh zel  ila, kan ui vulhte midang tan leh khawtlang tana hnawksak lo tur a  khuahkhirh turin kan in hriattir bawk e.
Sd/- Lalhmingliana,
Chairman, Local Council

Hriattirna leh ngenna
     Aizawla khawpui leh a chhehvel chawm nan Serlui (A) chu Lungleng kai-ah khuah a ni a, he tuikhuah hi mipui tui tlan tur a nih mai bakah chetsual theih a nih avangin; he tuikhuahah hian Picnic, insuk, inbual, tui chen, sangha leh chakai etc.. man khap tlat a ni a. He tuikhuah leh pipeline te hi min humhalhsaka min venpui turin mitinte \awiawmna kan ngen tak meuh meuh a ni.,
Sd/- Sub-Divisional Officer, PHED
Aizawl Water Transmission Sub-Division
Aizawl Mizoram

Advertisement....

J.L. Art work
Thlanlung ziahna hmun
    Thlanlung ziak duhte tan engtik lai pawn pan theih kan ni. In duh anga \ha leh mawi, i duhthusam angin kan tihsak thei reng che u. Min rawn pan rawh le. Phone a\ang pawha biak theih reng kan ni.
   
    Contact : 9615592627, 8014133812,                 9436993776
(2-2)    JL Art Work
Kulikawn, Tlangnuam Road

FÛ tui.... FÛ tui

    Hei le, Venglai Pu R. Hmingthansiama dawr bulah fu tui sawrna khawl bun a ni ta. Hriselna atana \ha bawk si, an pan ta chur chur mai.
    A tui leh fû pawh lei tur a awm a. A duh tan engtik lai pawhin Order theih a ni bawk e.
    Nô 1 - ` 10
    Bûr 1 - ` 50
    In \hian,
    BK. Remmawia
    Hlimen, Thlanmual veng 

LAWRKHAWM :

Chhuanawm
    Mizoram Amateur Taekwondo Association (MATA) hnuaiah Chalkunga Memorial Taekwondo Club a\angin heng mite hian Black Belt Exam ah hlawhtlinna \ha tak dawngin August ni 23, 2014 khan Black Belt hlan an ni.
1. Lalruatfela     S/o     Lalthantluanga
2. Lalremruati    D/o    Lalhmingmawia
3. Lalfakzuala    S/o    Lalhmingmawia
4. Naom Lalbiakpuii    D/o     Ramsanga
5. Lalliankimi    D/o    Vanlalliana
    Tin, Mahatma Gandhi Khela Abhian Taekwondo Competition Nov. ni 3 & 4, 2014 a Hawla Indoor Stadium a khelh zawh takah Chalkunga Memorial Taekwondo Club a\angin heng mite hian Medal an rawn hawn :-
1. Naom Lalbiakpuii     D/o     Ramsanga    Gold Medal
2. Lalliankimi    D/o    Vanlalliana    Gold Medal
3. Lalrawngbawla    S/o    Ramsanga    Silver Medal
4. K.Lalrinpuii    Salem Veng        Gold Medal

Bill pek theih dawn ta
    Khawtlang mipui ten kan nghahhlelh em em; veng hmasawnna ni bawk Electric Bill pekna (Electric Bill Counter) YMA Hall hnuaia buatsaih chu peih a ni ta a. November ni 10, 2014 (Thawh\anni) a\ang hian pek theih a ni dawn ta. Sum tam tak leh tha tam tak senga khawpui chhunga kal buai ngai lova mahni venga Bill pek theih a a lo awm ta hi hmasawnna ropui tak a ni a. Hemi kawnga sulsutu Local Council te leh Deptt. hotute chungah khawtlang mipuite kan va lawm tehlul em.
Chhiat tawh a chunga lawmthu sawina
    Kan nu, Lalhnuki’n Oct. ni 27, 2014 (thawh\anni) a min boralsan chung changah leh a boral hma a\anga min buaipuina zawng zawng ah kan lawm em em a, a boral hma a\angin kan mangang leh kan lungngaih hlau a min puibawm na zawng zawng leh a boral hnuah engmah kan tih ve ngai lova YMA leh khawtlang mipui ten thil\ul zawng zawng min tih sak vek avangin lawmthu kan sawi tak zet zet a. Tin, Tlaivar ngai te a ni a, YMA Member- nula leh talngval ten mahni hrehawm pawh pawisa lova min tlaivarpui naah kan lawm tak zet zet bawk a ni. He kan lawmthu sawina hi mimal tin hnena kan lawmthu sawina a min pawmsak turin kan ngen a che u.

In khawngaihna dawngtu,
Vungdailova leh a tu leh fate
Hlimen Damveng.

PAGE - 4

KEIMAHNI :
Hlimkhawpui Budget
    Hlimkhawpui  2014 Sept.  thla Budget  pe tla tawh te:
1.    Saichhuma Sec.    2.  Lalsavunga Sec.
3.    Kapdaia Sec.    4. Damvea Sec.
5.    Buala Sec.
    Lalsavunga Sec. ten  December thla  thleng an tlak ta a, Damvea Sec. ten October thla Budget an pe tla ta bawk.

Buala Section
    Nov. ni 15 ,2014 (inrinni)  khian Pu F. Zothankima kawm thlang lei laih hnatlang neih tur a ni a, member atam thei ang ber thawkchhuak turin kan in ngen e. Thawkchhuak tur ten lei laihna hmanrua ken tur a ni a, tin, chaw fun tur a ni a, a hmeh chu Section in a tum ang.
    Tin, Protable Mike(Horn) \ha tak mai chu mi inphal tak maiin \angkai taka hman turin Section kutah a hlan a, Section YMA kan lawm hle. Tin, Section intuai tharna/intihhlimna hun a Video Camera phal tak min hman tirtu Pu John Zolianthanga Saichhuma Sec. chungah lawmthu kan sawi a, min edit saktu Tv. Lalmuanpuia hnenah lawmthu kan sawi bawk.  Tin, hemi ni a fatu atana kan sawm lokal te chungah lawmthu kan sawi tak meuh meuh bawk a ni. Tin, hemi ni a thlalak en duh/ Print duh te chuan Tv. Lalkhawmawia pan mai tur a ni bawk.
    Tin, Pu Lalrinmawia Asst. Secy Section in a \ul apianga hman turin ` 1000/- min pe bawk a, a chungah lawmthu kan sawi bawk a. A ni hian Property House sak nan ` 200 min pe tawh bawk a ni.

Damvea Section
    Nov. ni 29, 2014(inrinni) hian Chênkual Picnic Spot, Reiek Road-ah member te intuaitharna hun hman tur a ni a, Member 1 in ` 150 thawh \heuh tur a ni e. Nov. ni 26, 2014 thleng OB te hnenah pawisa hi thawh theih a ni ang.

Puan pe
    Pu Sikula tuamna puan chu a chhung ten a \ulna apianga hman atan YMA ah an hlan a. An chungah Branch YMA chuan lawmthu a sawi.
    Chhuah tlai palhah ngaihdamna kan dil e.
     

Advertisement...

Dam i duh em?
    Thawhah, awm hnawk, khuh, tha nâ, ruh nâ, tha zawi leh ruhseh nei tana damdawi \ha em em, Side effect awm lo, Herbal damdawi lei mai theih ka kawl e.

    In \hian,
Malsawmdawngzuali (Madawngi)
D/o CVL Sawma (L)
Hlimen, Vengthlang
(1-1)    Ph. No. : 9774717994

CHHIARTUTE NGAIHDAN :

@@    Pu Editor, Kan khawtlang hruaitu Local Council leh YMA Faina Sub-Committee ten kan vengchhung a lo thianghlim a; a lo hrisel theih nan faina kawngah nasa takin hma an la a. Vengchhung pawh a fai sawtin a thianghlim sawt hle mai.
    Chutih lai erawh chuan kawrpui (Saichhuma Sec. huamchhung) ah chuan ek leh sa thi uih paih a la ni fo mai a. Heng a paihtute hian khawtlang hruaitute mai ni lovin a bul hnai a in leh lo neite leh nitin ke a kalte hi an va zah lo em!!!
    Tun chinah chuan a tilui chu Hlimkhawpui ah an hming tarlan zel ni tawh teh se.
-Faina leh hriselna duh-a,Hlimen

@@    Venglai dawr \henkhat-ah hian BAR an hawng \an ta der mai em ni ? JAC ten bengkhawn a chi viau lo maw?
- Kawng kal-a

Hriat ve atan....

THEI HRISEL SUNHLÛ :
Taksa tana chakna a paite :
    1) Moisture 81 - 84  %    2) Protein 0.5 - 0.7 %
    3) Fat 0.1 - 0.5 %    4) Carbohydrates 14 - 14.3 %
    5) Fibre 3.4 %    6) Minerals 0.7 - 2.4 %
    7) Calcium 0.05%    8) Potassium 0.02 %
    9) Iron 0.05mg/100g    10) Vitamin C 900mg/100g
Damdawi atana a \hatnate :
(1) Chhul chaklo / Chhul nâ (Ovary Problem) (2) Chuap rô (Cirrhosis of Lungs) (3) Santen (Dysentary) (4) Sakawr-ek-hrik natna (Tetanus) (5) Hnamsai (Alergy/Food Poisons) (6) Mitliam (Jaundice) (7) Lung \ha lo (Heart disorders) (8) Khuh (Cough) (9) Mawng-mirh (Thread Worm)
(10) Pumpui nâ (Stomach ache) (11) Thawpik/Awmnâ (Bronchial Asthma) (12) Thisen tlem/ dawldang (Anaemia) (13) Ka chhung nâ (Muco pain) (14) Kang (Tissue Burn) (15) Mit nâ/ Mit vung/ mit thak. (16) Thisen hniam (17) Taksa chakna (Tonic)
Source - Mizoram Medicinal Plants Board

Front chhunzawmna....
    Chuvangin sumdawnna thilah kan Mizo pui te chauh dawr hram hram thin i la, vai ho hian vai thingpui dawrah chauh an dawr thin a, bawngsa lei pawhin an vaipui sah bawngsa chauh an lei thin. Kan niserh Pathianni ah nise vai kelsa zuar tamzia kan hmu thin awm e. Tunlai khawvelah chuan sumdawnna hi ram leh hnam inchimralna(Economic assimilation) awlsamna ber a nih avangin Mizofate kan thanharh a tul tak meuh a ni.
3. Zu leh Ruihhlo Do chungchang:
    Zu leh ruihhlo do hi YMA tan thilthar a ni lova, kalpui dan tur pawh kan thiam deuh tawhin a lang. Rangvamual leh Phunchawng ah YMA te kan in Duty chhawk thin hian awmzia a nei viau mai a, kan hlawhtling tep tih ah hian tha kan thlah palh a hlauhawm hle. Huahsak thut kan duh luatah mi pangngai tak tak damdawi kheh an awm ta nuk mai. Mahni branch ah theuh kan fimkhur leh zual a tul hle mai. Heng damdawi khehna sum a in leh in hmun tha tak tak an lei te pawh hi khauh deuh tak a kalpui a that a rinawm. YMA ten tha kan thlah deuh ta nge ? tunhnai mai atang khan kan khawlai ah drugs addict leh awm tha duh lote an ngampa leh ta hle mai. Tin, ruihhlo avanga thi thalai an pung leh tan ta. Ruihhlo avanga hnam boral ta kan sawi fo thin te kha i hrechhuak thar leh ang u khai. Thuneitute kutah chauh kan dah chuan kan tu leh faten min la rawn dem lutuk palh ang e.