Hlimkhawpui 2014: October 2014

Friday, 31 October 2014

Sahmulphah Thla Ni 1, 2014, Issue No. 44

PAGE - 1

TUALCHHUNG :

Boral : Pi Lalhnuki W/o Pu Vungdailova, Damvea Sec. a mi chu Oct. ni 27, 2014 (Thawh\anni) zan dar 8:10 khan a boral. A tuk Oct. ni 28, 2014 (Thawhlehni) khan vuiliam a ni.

Damlo : Lalnunthanga(Thangte-a) H/o Hmingthanmawii Buala Section a mi chu Oct. ni 30. 2014(ningani) khan Civil Hospital-ah a kal a lungte awm zai chhuah a ni.

Lut ru \hin : Hlimen Primary School -II Room chhungah lutin ruihhlo tih nana hman ching an awm tih hriat a ni a, tun chinah ti tawh lo turin School thuneitu ten an hriattir a, inmanchhuah a awm a nih chuan action lak an tum a ni.

Power Supply mumal lo : Tunlaiin Electric Power Supply a mumal lo hle mai a, hei hi Tlangnuam Tranformer a chhiat vang niin kan thu dawnna chuan a tarlang.

Missionary ah tling : Nl. P.C.Lallawmzuali, D/o Lalnghinglova(L), Damvea Sec. a mi chu Synod hnuaia Contract Missionary lak zingah a tling niin thu kan dawng. A awmna hmun tur tihchian a la ni lova, nakkum lama thawh\an tur niin thu kan dawng bawk.

Work Camp nei : Hlimen Damveng Kohhran, Pavalai te chuan Dholai Chera (Silchar bul) ah Work Camp an nei a. Tin, Hlimen Branch K|P te pawhin Naxxotila, Silchar ah Work Camp neiin Nov. ni 3, 2014 (Thawh\anni) hian an chhuak dawn bawk a ni.

Churachanpur-ah : Pu R.Lalngheta CEC, chu Churachanpur, Manipur lamah CYMA aiawh a ZRA te nen inbe tura a kal chu dam takin a lo haw leh ta.

(Kan News Editor Nl. Zochuanpuii (Buangi) pawh Oct. ni 30, 2014 khan Delhi a Meeting pawimawh tak a neih zawh hnuin tluang takin Hlimen a lo thleng leh ta. A rawn haw lawm nan tun \um Issue buatsaih naah a Sazupui vulh a rawn zakzeh a, kan va tlai em....)

FRONT :

Biometric Enrolment for National Population Register(NPR) chung changa hriat tur
    India khua leh tui/ India rama cheng chhiarpui/National Population Register hna hmasa chu inchhiarna point sawmpathum hmangin May ni 15-June ni 30, 2010 khan Mizoram State-ah tih zawh a ni a. Tunah hian chumi chhunzawm zelna Biometric enrolment chu Unique Indentification(UID) a chhinchhiahna thil pathum : (1) Kut zun\ang ze thlalak (finger Print), (2) Mit naute thlalak (Iris Scan) leh (3) hmai bawr thlalak te hi Indian Citizenship Act 1955 leh Citizenship Rule 2003 hnuai a mi niin India khua leh tui zawng zawng te chu inziak lut vek turin Citizenship Act 1955 Sec. 14 ‘A’ chuan a phut a ni. UID chu a tawi zawngin “ Mimal nihna danglam bik awmsa hmanga khua leh tui nihna chhinchhiahna” tihna a ni. NPR - a khua leh tui chhinchhiahna tichiang lehzual tur a ni. Mihring taksaah chhinchhiahna siam chawp tur a ni lova, chhinchhiahna tur remchang awmsa kha UID hian khawlah a kawl chhawng ve mai chauh dawn a ni. Heng khua leh tui chhinchhiahna te hi ram hmasawnna kal zelah a la \angkaiin a pawimawh tual tual dawn a. Sawrkar laipui a\anga scheme hrang hrang te pawh heng chhiarpui behchhana tih a nih dawn avang leh khua leh tui hma\hatna leh kawng hrang hranga awlsam zawk a thil tih nana ruahman a ni bawk.
    He Biometric enrolment hi Mizoram hmun hrang hrangah pawh tih tawh a ni a, Charge 8 huamchhungah Hlimen ah pawh Nov. ni 6, 2014 ah \an in ni hnih chhunga zawh fel tuma ni.
    Hemi atana thil hriat tur \ul te lo tarlang ila :-
(a) Chhiarpui neih tawh NPR tih lai a Enumerator ten chhungtinte hnena Acknowledgement Slip an pek che u kha hemi tihnaah ken \heuh tur a ni. Tibo emaw lo kawl tawh lo tan Biometric lakna Camp ah zawnchhuah a ngai ang. (b) Ration Card ken \heuh nise., a nei lo emaw remchang lo emaw tan BPL / APL card, Voters ID Card, MNREGS Job Card emaw Driving license emaw a engemaw ber ken ngei tur. (c) kum 5 chunglam chauhin enrolment hi tihtur a ni a, a hnuai lamin a ngai lo. (d) Chhiarpui hmasa NPR tih laia la awm ve lo, la chhiar ve loh tan NPR House hold Schedule(inziahluhna form) hmangin bialtu enumerator puihna in a inziahluh theih ang. (e) Biometric enrolment leh UID te hi a duh loh te chu tihluihna khauh tak a awm lova, khua leh tui nihna anga thu zawma a duh te tan a ni. (f) Hlimena neih dan tur hetiang hi a ni :-
    A hun   :   Nov ni 6-8 2014, 9am-4pm
    A hmun    :    Hlimen YMA Hall
    Nov. ni 6&7 hian Hall-ah zawhfel tum a ni a, ni 8-ah damlohna leh harsatna avanga in lam a tihsak ngai te, a hma ni a remchang nganglo te tan ruahman a ni. Hun tiam chhunga tifel hman turin mipui te kan in hriattir nghal bawk a ni.
Sd/- C. Lalengzauva
Supervisor.
EB No. 37-41, Hlimen

PAGE - 2

EDITORIAL :

KAR AWL HNAWHKHAH TUL
Kan khawtlang hian chhiatni \hatni te kan tawk fo \hin a, chung hun a lo thlen a khawtlang chetdan leh nunphungah te, fakderna aw tam tak kan hre \hin hi a lawmawm takzet a, abik takin chhiat tawh(thihna) lo thleng \hin ah hian fakna leh lawmthu hrilh khawtlang, \halai te hian kan dawng malh malh mai zawng a nih hi.
Chutih lai mek erawh chuan insiam\hat ngai leh a kar awl hnawh khah tur erawh ala awm \euh mai. Chung zinga ka ngaimawh zawng tlem han tarlan ka duh a. 1. Mitthi an awm a lumen (tlaivar) pui ngai ang chi ah hian YMA member 1600 chuang zet awm na Branch ah chuan tlawmngai a tlaivar kan tlem thei hle. Hemi kawngah hian Section tin ten \anlak sauh sauh a \ul hle. 2. Thlan laih leh Mitthi chhungte \anpuina buhfai leh pawisa khawn sak chung changah Section \henkhatin kan la ngaihthah deuh niin a lang a, tin, chungkaw tam tak pek nachang hre lo nge a khawntu ten an khawn hmaih vang ni ang; \anpuina a lut \ha lo hle \hin pawh hi Section lam ten \an la thar lehzual ila. 3. Khawhar lenpui YMA hun ruang thlak zan a\anga YMA in hun kan hman ah hian khuang pu tur leh hla thu hril tu tur kan in zawng buai fo \hin a, chutianga kan buai loh nan a thlengtu Section lam ten YMA zan hun pawimawh zual laia khuang pu tur leh hla thu hril tur hi tlawmngai thei tur lo in siam fel \hin ni tawh se. 4. Sawi fo tawh angin YMA zan hun a a zankhatna leh a zan hnihna amember tlemte chauh lan a , a zan thumna a kan buk leh luai si \hin hi lawmawm hle mah se YMA member ten kan hun a ni tih hria a, ngaipawimawhin a zan khatna a\anga a zan thumna thleng hian khat \hap zel thei ila ava duhawm em tiin duhthawh thilah kar awl hnawh khah \ul ni a ka hriat ka han pho chhuak ve a ni.

ZIAKTUTE HUANG :

HMASAWNNA
- Andrew Khawlhring
Mitin te nunah hian thil pawimawh lai ber chu Hmasawnna hi a ni awm e. Hmasawn duh loh mihring kan awm theih a rinawm loh awm e. Amaherawhchu, kan hmsawnna kawng erawh chu a dang mai thei. Chutihrualin, engang takin hma kan sawn tih erawh kan chhut a ngai. Naupang \awng thei tir ang mai a thiam sa bel em em ang chi a ni lova; hmasawnna chu zawi muangin a tahtawl a kal chi a ni. Chu chu a sawi ve thei tawh an tih ang rikngawt nih te hi a \ha ber lem lo. Chutihrualin, hma kan sawn avanga chapo chu a \ha ber lem chuang lova, khawvel a kan awm chhunga chapona in kan rilru a luah chhung chuan hmasawnna rah \ha a chhuak ngai dawn lo a ni. Chutihrualin, hmasawnna tih avanga run dalah hauh dalah tih avang ringawt a hmasawn chu a \ha ber lem lo. Thufing chuan ‘vawiina tihtur naktuka tih ah khek suh’ a lo ti a, hei hi a pawimawh hle in ka hria.
Hmasawnna tak tak tur chuan taimak a ngai a, taimak loh chuan hmasawnna a awm thei lo a ni. Thufing vek chuan, ‘ Naktuka thi tur angin inpeih la, kum za dam tur angin hnathawk rawh.’ a ti a hei hi Kristianna nen inzawm tlat; pawimawh tak a ni. A awmzia ni ta ber a lang chu hmasawnna kan sawi a, kan sawi tel ngei ngei tur chu Kristianna hi a ni. A chunga kan sawi tawh angin eng hunah pawh lo thi ila, Lal Isua i nei tawh em? tih inchhut la, chutinrualin, Bible chuan mihring dam hun chhung chu kum 70, chakna vangin kum 80 pawh a ni thei a tih si avangin awm mai mai thei kan ni lova, ei leh bar leh thl dang dang kan mamawh usi avang hian rei tak daih tur hmasawnna, furpui khat lek daih nilo\; kan Kristianna tihminghliau thei lo turin, kum engemawzat daih; \hangkhat lian chhung chu siam\hat ngai lo turin hmasawn i tum hram hram ang u.

KAN THEN TAK :

Pi Lalhnûki, Kum 83 :
    Pi Lalhnuki hi kum 1931-ah Pu Vawmhranga (L) leh Pi Dengziki(L) te fahmingkoh ni turin South Khawlek khua-ah a lo piang a, an unau hi hmeichhia 7 leh mipa 4 an ni.
    Kum 1956-ah Pu Vungdailova, Hlimen nen Pastor Chhuahkhama kutah an innei a, fa mipa pathum leh hmeichhia pahnih an nei a ni. Tin, tu 9 leh tuchhuan 2 an nei bawk.
    Amah hi Pathian \ih mi, numnem, zaidam, \awngtam lo leh mi pawisawi hlau tak a ni a. A theih ang leh phak ang tawk tawk a kohhran a inhmang \hin mi a ni.
    Pi Lalhnuki hi mi hrisel tak, natna leh insawiselna pawh nei zen zen lo a ni \hin a. Amaherawhchu kum 2009 khan Varahdah ah a chesual palh hlauh mai a, mi tuarchhel tak a ni na chungin hemi a\ang hian \hat tak tak a nei thei ta meuh lova, tichuan chaklohna dang dangin a tlakbuak chho ta a, inchhunga theih ang tawk tawka a chet ve \hin pawh a ti thei ta lova. Oct. ni 15, 2014 (Nilaini) a\ang khan a chaklo zual ta hle mai a, khum bet a awmin Oct. ni 27, 2014 zing lam khan a luak a, heta \ang hian biak theih lova awm chhunzawmin hemi ni vek zan dar 8:10 khan min kalsan ta a ni.

PAGE - 3

HRIATTIRNA :

LOCAL COUNCIL HRIATTIRNA
    Central Workshop a\anga Vengthar panna/ Field panna kawng (Balcony) siam mek a nih avanga helai kawnga kalte tan harsatna awm thei a ni a, harsatna a lo awm a nih pawhin min lo hrethiam hram hram turin kan ngen che u a. Tin, kal vel a nawm loh avangin chetsual palh theih a ni bawk a, he lai kawnga kal te fimkhur turin kan in chah bawk a ni.
    Tin, Serlui a PHED tuikhuah siamah tunlaiin kan veng mi kal kan awm \hin ni a hriat a ni a, chetsualna lian zawk thleng thei a nih avangin a bul hnai ah emaw tuikhuaha chen khap a ni a, a bul hnai pawh hi dum a nih avangin chetsual a, thihna hial thlen thei a nih avangin naupang emaw puitling zawk te pawh helai hmunah hian kal lo turin kan in hriattir e.

    Sd/- Lalhmingliana
    Chairman, Local Council

PHED Chhimphei Section Hriattirna
    Private House Water connection nei T- Cluster a\anga chho zawng a tui la leh mahni in chung sanga tui dah \hin te, midang ruala \ha taka tui in dawn theih nan nangmahniin remchang lo insiam turin kan ngen che u a. Tui Connection a tam tawh avang leh mimal anga tui in khalhsak/ nawr kan neih tawh loh avangin hei hi hriattirna leh ngenna a ni e.
    Mahni inchung sanga tui connection hmanga tui dah \hin ten he thu chhuah a nih hnu a, tui in dawng \ha lo a nih pawhin PHED Chhimphei Section in mawh a phur lo ang.

    Sd/- Sectional Officer.
    PHED Chhimphei Section

Bo chhar
    Oct. ni 29, 2014 khan Pi Lalsiamliani dawr venglai-ah pawisa chhar a ni a, a tibo chuan a zat chiang taka sawiin Pi Siamliani hnenah tunthla chhunga lam theih a ni e.

MOBILA LOK ADALAT
    Mizoram Lok Adalat Legal Services Authority chuan Mizoram pumah Mobile Lok Adalat neih an tum a. Kan vengchhunga thubuai hla buai awm thei Lok Adalat a ngaihtuah theih ang chi nei chuan Local Council hnenah in report theih a ni e.

AMC thuchhuak
    Bawlhhlawh a paihna hmun lova paih hi The Mizoram Municipality Act, 2007, Sec. 157 kalh a ni a. He Dan bawhchhiate chu ` 200/- thleng chawitir a hrem theih an ni a, hremna pawisa chawitir hnu pawh a la zawmlo te chu nitin ` 20/- zel chawi belh tir theih an ni.
( Memo No. M.14013/1/2013-AMC)

Sd/- M. Zohmingthangi
Chief Executive Officer, AMC

LAWRKHAWM :

Lawmthu sawina
    Phunchawngzawl leh dai hnai a ram nei zawng zawng ten a kan nghahhlelh em em Phunchawngzawl kawng chu bialtu MLA KS Thanga hmalakna leh \hahnem ngaihna in tunah hian Mauhakkawn leh |helretkawn inkar chu laihtlang a lo ni ta a, bialtu MLA chungah lawmthu kan sawi a. Tin, Contractor Pu Laldailova leh Pu Rothangliana ten helai kawng tlang theih na tur a \an an lak avang leh hemi Phunchawngzawl a Quarry nei Pu Lalramchuana ten sum tam tak senga helai kawng tlang theihna turin theihtawp an chhuah avangin heng mite chungah hian Phunchawngzawl zau Society chuan lawmthu kan sawi a ni.

    Sd/- Rochhunga
    Chairman, Phunchawngzawl zau Society

Bawlhhlawh paih hriattirna
    Bawlhhlawh paihna atana mipui lamin kan tum ve User charge chu Sept. leh Oct, 2014 khawn a lo hun leh ta a, Nov. ni 3, 2014(thawh\anni) a\anga khawn \an leh tum a ni. Chungtin te lo inring a, lo pe \heuh turin kan in hriattir leh e.
    A hnuai a mi ang hi July & Aug, 2014 atan User charge hmuh dan leh hman dan a ni.
1. Hmuh zat   :   `   16240
2. Hman ral dan :
    (1) LPK(407) tlan zat vawi-   18 X200   =   3600
    (2) Pickup tlanzat vawi -   9X250   =   2250
    (3) 1 Labour vawi   18X300   =   5400
    (4) 2 Labour vawi   9X250   =   2250
    (5) Collector hlawh       =   2000
    (6) Glove, xerox, reciept etc.       =   1000
    (7) bawlhhlawh paih motor
         Accident avanga senso(Ralna)   =   2000

       Total   =   18500
    (8) Balance : 16240-18500       =   - 2260
( Pawisa hlui/ Balance awmsa a\anga hnawhkhah a ni.)
    Chungtinte bawlhhlawh paih motor a bawlhhlawh paih \heuh tur leh User Charge pe \ha turin kan in ngen leh a, User Charge atan thla khatah ` 30/- lak a ni a, nitin Re. 1 chawiin bawlhhlawh paih ang leh khawtlang then faina atan thawh ang kan ni tih rilru puin phur takin User Charge i pe \heuh ang u.

ELECTORAL roll
REVISION CHUNG CHANG
    Electoral Roll Special Revision neih mek a ni a, E.Roll a hming thunluh, transfer, Correction duhte chuan ahnuaia mite hnenah hian November ni 10, 2014 aia tlai lovah dilna form lain dil theih a ni. Hming thun thar dilte chu 1.1.2015 a kum 18 tling (1.1.1997 leh a hma lama piang) an ni tur a ni. Kum tling tharte tan Birth Certificate Xerox copy leh thlalak (Passport size) copy khat thil tel tur a ni. Tin, transfer leh correction dilte tan thlalak copy khat thil tel bawk tur a ni.

Dilna turte:-
    1. Booth No.I (Kawngpui thlanglam)
Pu Duhthusama,Ph. 9436199909 BLO hnenah.
    2. Booth No.II (Kawngpui chhaklam)
Pu Lallawmzuala, Ph. 8974243438, BLO hnenah.

PAGE - 4

CHHIARTUTE NGAIHDAN :

@@ Samtlang road (Mauhakkawn) bawr velah KEL enkawl \hat loh avanga mi huan a lut, thlai peh ching an awm a, thlai a khawi chhe ta nual mai; Kel neitu ten kan kel te i ngaihven teh ang u. Huan thlai a pet leh a nih chuan kut a tuar mai ang.

- Kel ninga
@@ Ka pu, Hlimen khawtlangin kan tuitlan ber dahna Tanky lian chungah khian Drugs hmansual ching ho te lawnin Injection na hmun atan hmang \hin an awm a. Tanky chhungah te damdawi kawr leh bawlhhlawh te an paihlut fo ni awmin hriat a ni a, hengho te hian ngampa taka damdawi tih nan an hman fo loh nan zan lama êng turin Street Light (Sodium) êng \ha tak vuah nise a va duhawm em. Khawtlang mipui ten hri \halo te kan vei a hlauhawm em mai. Khawtlang hruaitute u hri \halo kan vei hma hian hma han la thuai ten u.
-H.T.P
Hlimen

Lawrkhawm chhunzawmna..............
Sawihona hun hmang dawn
Ruihtheih thilin a tih buai chhungkaw tana inrawnkhawmna leh sawihona hun chu Nov. ni 6. 2014, zing dar 11 hian Synod Conference Centre Mission vengah Dept. of Psychiatry Kulikawn Hospital buatsaihin neih a ni dawn a, hemi chung changa sawi tur nei leh thusawi ngaithla duh te chu kal tur a sawm kan ni e. Resources tur te : Dr.Ruth Lalmuanpuii, Dr. Vanlaldiki Ralte, Dr. C. Lalhrekima, Dr. A. Lalduhawmi te an ni ang.

Army coaching centre
Kan hma lawk kum 2015 March thla hian sipai( Assam Regiment) lak runpui a awm leh dawn a, hemi atan hian Venghlui Central Hall-ah Coaching Centre hawn a ni a, Admission Fee ` 700/- niin Monthly Fee ` 1000/- a ni a, Ex- Servicmen fate tan a man chanve ` 500/- in a tih theih ang. Hrechiang duh chuan Ph. No : 9862006575 ah zawhfiah theih a ni e.

Advertisement.......

Harsatna sukiangtu
    Washing Machine, Refrigerator(Fridge), Micro- Wave Oven etc. chhia kan siam thei reng a, Company Mechanic thiam tak tak te nen kan thawkho ta e.
    I khawlah dik lohna/ buaina i nei a nih chuan min rawn ko ve teh, i harsatna sukiangtu kan lo ni ang e. I lungawina ngei leh man tlawm takin kan lo siamsak ang dawn che nia.
    Te-a, Vengchhak
(2-2)   Contact : 9612875817

Dam i duh em?
    Thawhah, awm hnawk, khuh, tha nâ, ruh nâ, tha zawi leh ruhseh nei tana damdawi \ha em em, Side effect awm lo, Herbal damdawi lei mai theih ka kawl e.

    In \hian,
Malsawmdawngzuali (Madawngi)
Hlimen, Vengthlang
(1-1)   Ph. No. : 9774717994

J.L. Art work
Thlanlung ziahna hmun
    Thlanlung ziak duhte tan engtik lai pawn pan theih kan ni. In duh anga \ha leh mawi, i duhthusam angin kan tihsak thei reng che u. Min rawn pan rawh le. Phone a\ang pawha biak theih reng kan ni.

    Contact : 9615592627, 8014133812, 9436993776
(2-1)   JL Art Work
Kulikawn, Tlangnuam Road

Saturday, 25 October 2014

Khuangchawi Thla Ni 25, 2014, Issue No. 43

PAGE - 1

TUALCHHUNG :

Damlo : Pi Zosangliani W/o Pu C. Zothanliana Vawmphunga Sec. a mi chu Oct. ni 23, 2014 (ningani) zingkar khan a dawr hawng tur chu Pu N. Zokunga te kawmchhakah a chesual/ tlusual palha Civil Hospital panpui a ni a, a tha a sawhna palh a lo ni a, tunah inlamah enkawl mek a ni.

@@    Pi Sangzuali W/o J. Pazawna (L) Lalsavunga Sec. a mi chu a tonsil na leh thawhah avangin Alpha Hospital, Kulikawnah enkawl mek a ni.

@@    Malsawmtluanga S/o Zosangzuala Saichhuma Sec. a mi chu a ril TB avangin a ril zai a ni a, he thu buatsaih lai thleng hian ICU (Intensive Care Unit), Civil Hospital-ah enkawl mek a ni.

@@    Tv. Biakthanmawia S/o R. Hmingthansiama Saichhuma Sec. a mi chu Oct. ni 27, 2014 (thawh\anni) hian Shillong-ah a kal lam \hat lohna entir turin an kal dawn niin thu kan dawng.

Tuak thar: John Lalawmpuia S/o Pu Lalthlengliana Kapdaia Sec. a mi leh Lalninghaki D/o Lalfakawma Lengpui khua a mite chuan Oct. ni 23, 2014(ningani) khan dam chhunga nupa ni turin tiam tlat e an ti.

@@    Ramthansanga S/o Lalthangluaia Damvea Sec. a mi leh Ramtawnengi D/o Hlunchhunga (L) |huampui, vengthar a mite chuan Oct. ni 23, 2014(ningani) khan dam chhunga nupa ni turin tiam tlat e an ti.

Masihi Sangati khawmpui: Aizawl South Area Masihi Sangati khawmpui vawi 25-na chu Oct. ni 26, 2014(Pathianni) hmang hian Hlimen Presby. Kohhranah neih a ni dawn a, thupuiah Isua Krista- Kawng leh thutak, nunna tih hman a ni anga, Speaker ah Upa H. Lalchungnunga Bawngkawn veng hman a ni ang. Aizawl South Area hi Aizawl chhim Presbytery huamchhung a mite an ni.

Colourful night hmang: Hlimen Branch K|P te chuan Oct. ni 23, 2014(ningani) zan khan Kohhran Hall ah Colourful night hun hlimawm tak an hmang.

FRONT :

Y.M.A.. Gen. Conference rorel minute
Chhunzawmna.....

    YMA Gen. Conference Ratu a neih zawk taka rorel palai ten an rorel minute mipui hriat atana pawimawh tlangpuite :-
Chhiatni inkaihhruaina: (1) Kuang atan thing kan hman ai hian Ply Board/Bamboo Ply hman theih nise.
    (2) Kuang a indah chungchangah belhin “Kuang chhunga ruang khung hi chhungkhat lainate mawhphurhna a ngaih a ni a, YMA hruaitu ten tlawmngai a \awiawm \hin nise.
    (3) Khawhar lenpui chungchangah ruang thlak zan a\anga chhiarin zan thum hi YMA zan atan hman theih nise tih belh a ni. Tin, a remchang laiah hetiang hian belh nise - zan lamah \halaite hunah YMA ten kaihruaitu fel tak kan insiam \hin hi chin zui zel nise. Hun hman dan pawh YMA Branch in \ha a tih dan a ruahmanna siam \hin nise.
    (4) Khawhar In riah chung changah - Bungraw lakkhawm pekfel leh khawhar chhungte a \ul anga \anpui hi khawhar In riakte mawhphurhna a ni tih hre thar ila. Tin, Branch tin ten mahni remchan danin inkaihhruaina dan siam \hin nise.
    (5) Inralna chung changah ralna bawm hun pawh hi a \hatna a awm thei a, YMA Branch in \ha a tih dan anga kalpui nise.
    (6) Puana intuam chung changah Mizo hi laina hnai leh \hian \hate puana intuam \hin kan ni a, hei hi chindan mawi tak a ni tiin dah nise.
    (7) Mikhual thi chungchangah Branch in \ul a tih loh chuan khawn tesep khawn a ni lovang. Tlaivarpui leh ruang thawnchhuah chungchangah Branch in remchang an tih angin kalpui nise. Tin, dan lova awm te pawh Branch in \ul a tih angin kalpui nise.
    (8) Dam lo en tih hi damlo kan tia thlak nise.
    (9) Ruang phurh chungchangah ruang phurtu leh zuitu motor Flag dum zar nise.
Hlamzuih : Hlamzuih chungchanga rawtna lo lut te chu ngun taka sawiho a ni a, YMA Gen. Confe. 1982 thurel 12-na ang hian a ngai a kal nise tiin lungrual taka pawm a ni. Hetiangin- YMA Gen. Confe. chuan hetiang hian hlamzuih chungchanga rel a; “ Mi, thla thum (ni 90) hnuai lam a thih chuan hlamzuih a thi a ni ang. Mitthi kan in sawngbawl dan leh in\awiawm danah YMA te’n mitthi pangngai anga buaipui ( khawn tesep, inriahpui, zualko etc) tur china kan ngaih chu thla thum(3) chin a ni.” (YMA General Conference 1982 thurel 12-na)
|HATNI LAM : Inneihna ni a inchei/ thuam nan hian Mizo incheia hman uar hram hram nise tia dah nise.

PAGE - 2

EDITORIAL :

Kan hlim tlan zawk nan
Kan hma lawk a Krismas hun hlimawm tak mai lo thleng tur thlir lawkin mitin mai chu hlim loh leh nawm loh hlau in kan in buatsaih leh ta sang sang mai chu a ni a, he hun hi khawvela hun nghahhlelhawm leh hlimawm ber a ni ti ila a sual tam pui awm love, keini ho Kristian te chauhin kan nghakhlel in kan hlimpui a ni bik lo a, Kristian ram leh hnam pawh ni lo, khawvel sawrkar ropui leh lian tak tak te pawhin he hun hi an hlimpui dan leh nghakhlel tak a an hmuah dan te, Media leh lehkhabu, chanchinbu a\angte in kan hre thei awm e. Hlim taka hman loh hlauin, hausa leh rethei ber thlengin, mahni zawn \heuh ah in buatsaihna kan kal tir muah muah mai zawng a ni tak hi.
Mahse maw, chungkaw tam tak (i \henawm te pawh an ni mai thei) tan chuan he hunpui, Krismas hun lo thleng tur hi dinhmun retheih luat avanga lungngai a mittui nen \ah tlawk tlawkna hun atan an lo hmang ve \hin asin. Tin, sum leh pai avang lo pawhin thihna avang pawhin he hun hi lungngaih mittui nen lungleng rilru na tlawk tlawk a hmang mai tur kan khawtlangah, kan \henawm ah mai pawh an awm asin. Chhungkaw kim a kum hmasa lama Krismas hlim taka lo hmangho, thihna nunrawng tak avanga in\hen ta te, tin, sum leh pai harsat avanga fate duhzawng/ pawimawh leina neih loh avanga lungngai a rum vawng vawng te, hrisel loh avang hrehawm tuar tlawk tlawk, hlimna reng reng hmu lo ten hlim tak leh lawm taka kumin 2014 Krismas lo thleng tur hi an hmuah a, an hman ve theih nan Pathian malsawnna a thlawn a kan chan hriselna \ha tak nei a, hunpui lo thleng tur a kan in puahchahna kawngah hian \anpui ngaite puihna tur i thawh kep tlang ang u. Kohhran a ni emaw pawl/ NGO etc. pawhin \anpui ngaite puihna hun atan kumin chu hmang ta hlawm ila, \anpui ngaite puitu i nih a, mite tan malsawmna thlentu i nih chuan fakna siam tu’n, ‘ Pe rawh u. Tichuan, pekin in awm ang, pekah Pathian i hnehban thei lovang...’ i hrethiam tawh mai em. |anpui ngai puitu nih hi a YMA a, a Kristian bawk a ni.

ZIAKTUTE HUANG :

CYMA PRESIDENT THUCHAH
- Lalbiakzuala
Chhunzawmna....
    Central YMA chuan Zo hnathlakte inpumkhat leh inthurual taka kan awm theih nan hma a la mek zel a, kan unau Central Young Lai Association (CYLA) leh Central Mara |halai Pawl (CMTP) hruaitute nen Joint Meeting te neih kan tum a, inlungrual taka kan kal a, thawh hona \ha tak kan neih theih nan ruahmanna siam mek a ni. He ramah hiam tumah inlahrang zawngin awm lo ila, inlungrual takin cheng za ang u. Kan ramah hian nu leh pa chan chang tuin nu leh pa chan thiam sela, fapa dinhmun changtuin fa dinhmun hre bawk sela, he ramah hian inpumkhatna a awm ngei ang. Kan ram zimte a zim belh loh nan in\hendarh zawng ni lovin inpumkhat zawngin i kal mawlh ang u.
    YMA hi Politics rawng kai lo, tlawngai pawl a nih zia hi hriat thar fo a \ul hle. YMA Member zingah Political Party a inhnamhnawih leh tel kan awm anga, YMA nihna hrechiang tak tak chuan a Political Party rilru YMA ah a kenglut ngai tur a ni lo. Political Party te inbeihna karah YMA te kan dinga, chumi karah chuan eng political Party mah kan inthuhnuaitir tur a ni lovang. Khawi laiah emaw Branch YMA hruaitu inthlanna ah ‘ Ruling lam an chak, opposition lam tling an tam zawk’ tih \awngkam ngaihnobei lo tak richhuak a awm leh zauh zauh \hinte hi a zahthlak hle a ni. Khawngaih takin Central YMA, Sub-Hqrs, Group leh Branch YMA hruaitu inthlanna ah Party rilru nen chuan inrawlh lo teh u. YMA hi tlawmngai pawl a nih hi.
    Veng tinah YMA sawisel nuam ti chi ve hrim hrim hi hlui hnih hlui thum daih chu an awm ve tlat a, \awngkam chhe thei ang bera sawisel nuam tichi te, YMA hmalakna a thawkchhuak ngai hauh lo, a sawisel lam hrat leh viau site an awm ta nuk mai. YMA hruaitute hi a fel ber ber leh a \ha thlankhawm kan ni hauh lo, amaherawhchu YMA thil tum erawh kan chiang tlang ve hle tih kan hriat a ngai. |anrualna tel lo chuan kan dingchhuak dawn lova, Political Party hrang hrang leh kohhran hrang hranga tel hi inlungrual takin kan ram leh hnam a harsatna awm sutkian kawngah thawkho thei ila chuan kan hlawhtling ngei ang.
    Nang leh kei hian Mizoram bak hi he khawvelah ram tih tur kan nei lo. Chu kan ram neihchhun humhalh leh hmangaih chu kan tih tur a ni dawn lawm ni le? Mizo tlangval thu leh hla thiam Kaphleia chuan natna khum a\ang pawhin, “Ka ram hi engnge ka hnutchhiah ang” a ti hram hram. TB avangin a thi mai tawh dawn tih a inhre si, thil dang ti hlei thei lova a awm hrehawm tilutuk in “tu pawh keimah anga mahni leh midang tana thil \ha tih tum lova, ral thlir mai mai mi chu a ram tan fapa hrin man awm lo a ni ang” a lo tih \awk \awkte hian keimahni ah engtin nge a thawh le? |hangthar lo la awm zel turte tana chenna tlak ram leh chhuantlak hnam hnutchhiah tur chuan vawiin a mite hian hma kan lak a ngai.
    Kan hmalakna zel turah Politics a kan ngaihdan inanlohna hian kan hmalakna tur indaltir lo ila, kohhran thurin inanlohna hian hmalakna ti\huamawp lo sela, kan zavai hian ram leh hnam humhalh turin kan tlingtawk vek. Kan tihtheih erawh a inang lo mai thei. Amaherawhchu, kan tih theih ang ang theihtawp chhuaha kan tih chuan a hlawhtlinna kan hmu ang.
    He ram hian humhalh a ngaihna laia humhalh a, hma la turin min au. Kan ram hian YMA te bak tunge maw aneih chuan le? Hawh u, ngaihtuahna thar sengin mahni hmun \heuhah \an i la thar zel ang u.
YMA VUL ZEL RAWH SE

PAGE - 3

HRIATTIRNA :

ELECTORAL ROLL REVISION CHUNG CHANG
    Electoral Roll Special Revision neih mek a ni a, E.Roll a hming thunluh, transfer, Correction duhte chuan ahnuaia mite hnenah hian November ni 10, 2014 aia tlai lovah dilna form lain dil theih a ni. Hming thun thar dilte chu 1.1.2015 a kum 18 tling (1.1.1997 leh a hma lama piang) an ni tur a ni. Kum tling tharte tan Birth Certificate Xerox copy leh thlalak (Passport size) copy khat thil tel tur a ni. Tin, transfer leh correction dilte tan thlalak copy khat thil tel bawk tur a ni. Dilna turte:-
    1. Booth No.I (Kawngpui thlanglam)
Pu Duhthusama,Ph. 9436199909 BLO hnenah.
    2. Booth No.II (Kawngpui chhaklam)
Pu Lallawmzuala, Ph. 8974243438, BLO hnenah.

Pendrive chhar
    Pendrive chhar a ni a, a neitu diktak chuan a awmdan leh nihphungte chiang taka sawiin Hlimkhawpui Office kai zan (Ningani & Zirtawpni) ah lam theih a ni e.

Local council hriattirna
    Tun hnai a sawrkar thuchhuah (DC Order) angin mi tupawhin Ui a nei a nih chuan ui neitu in khawlaia chhuah / vah rawlaih tir mai lovin a thlung ngei tur a ni a. Tin, a lenchhuahpui a nih pawhin hruiin a kai ngei tur a ni a. Tin, Vaccine (hri danna) pawh mumal tak a la in , a vaccine lakna lehkha pawh a kawl ngei tur a ni tih a ni a, he dan hi kan veng pawh zawm vek tur a ni a, dan ang ni lova ui chhuak an awm a, man an awm chuan dan anga hmalak a ni ang.

    Sd/- Lalhmingliana,
    Chairman, Local Council.

YMA bungrua chung chang
    YMA bungrua hawh \hin tu ten bungrua kan hawhchhuahin kim taka dah leh \hin ni sela, tin, fai taka leh nachang hre bawk ila. Tin, hawhman te siam a niin hawhman pek hi ngaipawimawh ila a lawmawm hle ang.
    Hetiang hi bungraw hawh man(rate a ni:
1. Dekchi (alian & a te) pakhat zelah    :   `   30
2. Theng pakhat zelah   :    50 p
3. Gas Stove   :   `   100

Sd/- Property Secretary

Faina chungchang
    Kan veng pawh faina lamah hma kan sawnin, vengthler tin chu tunhma aiin a fai ta khawp mai. Thil lawmawm tak a ni. Mitin ten faina kawngah \an i la deuh deuh ila, mahni in leh a vel mai bakah, kan kawt ân; kawngpui dung te pawh a tifai zel thei ila, Hlimen i vawng fai ang u.
Bawlhhlawh chu a bawm ah ngei aw.
Faina Sub-Committee, Hlimen BYMA

LAWRKHAWM :

JAC hmalakna
    Oct. ni 21, 2014(thawhlehni) zan khan Mobile Handset ruk chungchangah mipa tleirawl pakhat YMA Hall-ah ko in, zilhhau a nih hnuah haw tir leh a ni. Tun a\ang chuan rukruk thil leh a dangah JAC te koh ngai khawp a awm te chu chanchinbu ah an Address kimchang nen tarchhuah zel tum a ni. Hei hi mipui ten fimkhur te kan fimkhur tlan theih nan an ti niin thu kan dawng.
    Tin, Isua Krista Kohhran |halai Hlimen te chuan kkhawtlang thianghlimna tur a JAC Duty ten a \ul apianga an hman turin ` 500/- an pe a, an chungah JAC hruaitu te an lawm hle a ni.

Lawmthu sawina
    Kan khawtlang hruaitu, Local Council ten Football lama hma kan sawn zel theihna tura kan Field panna kawng, an tha leh zung leh a hmanraw leina tur sum hmuh nghal mai tur pawh la ni silova hmanhmawh taka min siamsak avangin G&SA chuan Local Council, Hlimen chungah lawmthu kan sawi tak meuh meuh a, an zarah tun a\anga reilo teah Zoram mi hriat kan la nih ngei kan beiseiin kan ring tlat a ni. Local Council te dam reng rawh se.

    Sd/- Lalrinmawia
    President.
    G&SA Hlimen.

JAC ten harsa an ti
    Tunlai hian mipa leh hmeichhia, tleirawl/rawlthar te te zingah suahsualna chi hrang hrang a pung nasa hle a. Nu leh pa \henkhat; an fate JAC ten an zilhhau naah lawmthu an sawi theih laiin a tam zawk nu leh pa te erawh hi chuan an fate lo vuipui a, JAC demna thu lo chhakchhuak duh an awm fo ta mai. Hemi avang hian hmalak dan tawk thiam harsa an tih thu dawn a ni a, JAC Duty te chuan sualna hrang hrang avanga koh te hi an \hat theihna tur ber ni a rina hmalak \hin a ni a, hemi a lungawi thei lo chuan JAC te buaipui ngai lo turin an fate ah hma lo la zel turin nu leh pa te chu an ngen a ni.

Gold medal hawn
    Oct. ni 15, 2014 khan District PYYKA Competition, Saiha a neih zawh takah Chalkunga Memeorial Teakwondo Club, Hlimen a\angin mi pariat an tel a. Mi pasarih in Gold Medal an rawn hawn a ni. Heng Hlimen tihming\ha tute hi an chhuanawm hle a ni.

Advertisement...

HARSATNA SUKIANGTU
    Washing Machine, Refrigerator(Fridge), Micro- Wave Oven etc. chhia kan siam thei reng a, Company Mechanic thiam tak tak te nen kan thawkho ta e.
    I khawlah dik lohna/ buaina i nei a nih chuan min rawn ko ve teh, i harsatna sukiangtu kan lo ni ang e. I lungawina ngei leh man tlawm takin kan lo siamsak dawn che nia.

    Te-a, Vengchhak
(2-1)   Contact : 9612875817

PAGE - 4

KEIMAHNI :
Hlimkhawpui Budget
    Hlimkhawpui 2014 Sept. thla Budget pe tla tawh te:
1.   Saichhuma Sec.   2. Lalsavunga Sec.
3.   Kapdaia Sec.   4. Damvea Sec.
5.   Buala Sec.
    Lalsavunga Sec. ten December thla thleng an tlak ta a, Damvea Sec. ten October thla Budget an pe tla ta bawk.

Lalsavunga Section
    Pu R. Thangmawia te chhungkua, Lalsavunga Sec. a mite chuan chhiatni \hatni a hman tur tui chhawpna bur 44 zet mai Section YMA ah an hlan a, Lalsavunga Sec. hruaitu te chuan lawmthu an sawi tak zet zet a ni.
    Oct. ni 30, 2014(ningani) zanah tuichhawpna bur chhinchhiahin Pu R. Thangmawia te inah Section YMA hnatlang koh a ni a, Section hruaitu ten member te kim taka kal turin an ngen a ni.

Buala Section
    Oct. ni 31, 2014(inrinni) hian BS Picnic Spot-ah Section intuaitharna neih paha intihhlim neih tur a ni a, hemi ni zing dar 8:30 ah Mualzawl a\anga chhuak thei tur a kal tur te chu in peih hman vek tur a ni a. Tin, Member kal tur te chu Oct. ni 28, 2014(thawhlehni) ralhmain Section hruaitu te hnenah in report vek tur a ni. Kal tur ten buhfai no khat bakah ` 100/- inrinlawksa vek bawk tur a ni. Pawisa hi a rang lama hruaitu te pek theih nise a lawmawm hle ang. Ei leh in leh kal na hi ngaihtuah ran angaih avangin kal tum te chu in Report hunchhung ngei a in report vek tur a ni a.Tin, . Hemi hnu a in Report te chu ngaihtuah kep in nih dawn loh avangin kal lo tur anga ngaih in ni ang.
    Pu Lalbiakvela te chhungkua chuan Section Property House sak nan ` 500/- an rawn hlan a, an chungah hruaitute an lawm hle. Property House sak nana thil donate duh kan awm chuan engtiklai pawhin hruaitu te hnenah inhriattir theih reng a ni.

Saichhuma Section
    Oct. ni 24, 2014(zirtawpni) khan Section YMA chuan Daifim Picnic Spot Sihhmui ah infuihtharna hun hmangin chawhlui kilhona Programme hlimawm tak nen an hmang a, he Programme hi Branch O.B a\angin Pu Robuanga Vice President in hmanpuiin fuihna thuchah a sawi a, member 40 zet an kal a, an hlim tlang hle. Fuihna thuchah sawituVice President chuan YMA lo piandan leh din a nih kum te sawiin YMA VIP chu \anpui ngaite an nih thu leh kohhran din a nih avangin Kristian nundan \ha ngaisanga, vawng tlattu a nih thu te asawi a ni. He hun a kal zawng zawng te chungah hruaitu ten lawmthu an sawi bawk. Hemi ni hian hun rei tak Power Supply a awm lova, chawhnu lama power supply a awm meuh chuan an hlimtlang lehzualin taksa chetna nen hun hlimawm tak an hmang chho ta a ni.

CHHIARTUTE NGAIHDAN :

@@ Khawtlang hruaitu ten ui leh ar chhuah khap an tih lai reng pawh a chhuah lui ngat ngat kan la tam si a. Chuvangin, mitinin kan bawlhhlawh bawm dahna pawn/varandah a nih chuan kan bawlhhlawh paihah i fimkhur \heuh teh ang u. A bikin, Diapers leh Pads hman hnu; Ui put chhuah leh theih turin i paih lo hram ang u. Veng a ti\awpin, a tenawm bawk si a, kan hruaituten faina kawngah hma an la \awk \awk a, a tifaitu a kan \an peih loh paw’n a tibaltuah i \ang lo hram ang u. Veng a ti balin a ti \awp lehzual. A langsar bawk si a.
- Thil\awpngaitheilova

@@ Pu Editor, Hlimenah Electric Bill pekna (Bill Counter) kha hawng ve tur ang khan sawi a ni a, ka lo nghahhlelh tawh tehreng nen; tun thla thar ah hian a pek ve theih tawh agem? An hawng leh dawn lo nge, an hawng dawn a nih chuan hman hlan ava nghahhlelhawm ve. A ngaihna hria ten bawhzui thuai se ka va ti em......

- Bill nei-a

Keimahni chhunzawmna..............
Branch hruaitute hnatlang
Oct. ni 25, 2014(inrinni) khan Branch hruaitu ten Sound System te mumal leh felfai zawk a dah/remfel a nih theih nan YMA choka siam remin hnatlang an nei.

Intuaitharna leh in tihhlimna nei dawn
    Oct. ni 31, 2014(inrinni) khian Buala Section YMA te chuan BS Picnic Spot, Fakland-ah Section intuaitharna leh intihhlima hun an hmang dawn a, Programme hetiang hian siam a ni.
    Hruaitu   :   Pu J. Vanlalbiakdika Leader
    Hunserh   :    Tv. Lalengkima. Treasurer
    Thusawi    :   Branch YMA a\angin
    Report   :   Tv. Zonunsanga Secretary
    Zai   :   Nl. Lalruatdiki
           Tv. Zonunsanga & Tv. Zonunkima
    Lawmman sem   :   Pu Lalchandama Renthlei Fin Secy.
    Vote Of thanks   :   Tv. R.Lalrindika Asst. Leader.
    Tin, tlailamah chawhlui kilho a ni ang.
Hruaitu te chuan member atam thei ang ber kal turin an sawm a.Tin, a kal tur te chu midang tana hnawksak zawng a khawsa lo tur leh nghah khawtlai ngai a awm lo tur a ngen kan ni. YMA thiltih anih avangin YMA taka awm \heuh turin hruaitu ten a kal tur te an ngen takzet a ni.

Advertisement.......

FÛ tui.... FÛ tui

    Hei le, Venglai Pu R. Hmingthansiama dawr bulah fu tui sawrna khawl bun a ni ta. Hriselna atana \ha bawk si, an pan ta chur chur mai.
    A tui leh fû pawh lei tur a awm e.
    Nô 1 - ` 10
    Bûr 1 - ` 50
    In \hian,
    BK. Remmawia
    Hlimen, Thlanmual veng

Saturday, 18 October 2014

Khuangchawi Thla ni 18, 2014, Issue No. 42

PAGE - 1

TUALCHHUNG :

Damlo : Tv. C. Lalhmingthanga Member Local Council chu Oct. ni 18, 2014(inrinni) hian Civil Hospital a beng chhung zai tur a tih a ni a, he thu buatsaih lai hian chanchin hriat hman a ni lo.
Thla hmasa khan a beng hi zai tura tih a lo ni tawh a, a bengchhungah hawng a awm avangin a beng zai hi \hulh a lo ni tawh a ni.

@@ Lalnunmawia S/o Vanlalsiama(L) Damvea Sec. a mi chu Oct. ni 8, 2014(nilaini) khan Durtlang Hospital-ah a ban ruh hlawhtling taka zai a niin thu kan dawng.

Nâu nei thar : Pu Lalromawia te nupa, Buala Sec. a mite chuan Oct. ni 14, 2014 (Thawlehni) khan Durtlang Hospital-ah an fahmingkoh atan fapa duhawm tak an nei thar.

Hna hmu thar : Tv. Lalnunsanga S/o R.Lalliantluanga, Saichhuma Sec. a mi chuan Aizawl Hospital ah Male Nurse hna a hmu thar.

Crusade nei mek : The Salvation Army, Hlimen Corps chuan Oct. ni 15-19, 2014(tun Pathianni thleng) chhung hian Crusade an nei dawn a, Speaker chu Pu Lalbiakdika (Pu Dika), Gospel Commando Team a ni a, Kohhran hruaitu ten a duh apiang he Crusade hi chhim turin an sawm a ni.

Finance Campaign nei dawn : Oct. ni 19, 2014 (Pathianni) chawhnu leh zan hmang hian Hlimen a Presbyterian Kohhran veng hrang hrang te chuan Finance Campaign an nei dawn a, heng mite hi an ruai dawn a ni : Vengthar Kohhranah Pu F. Hmingthansanga, Republic. Hlimen Kohhranah K. Pu Lalngaihawma, Republic. Damveng Kohhranah Upa C. Lalnghakliana. Tuikhuahtlang te an ni ang.

FRONT :

Y.M.A GEN. CONFERENCE ROREL MINUTE

YMA Gen. Conference Ratu a neih zawk taka rorel palai ten an rorel minute mipui hriat atana pawimawh tlangpuite :-
1. YMA KHAWIH : (a) “YMA Dan Bu ennawn ni rawh se” tih chu pawm a ni. (b) “Kan hnam incheina/thuamhnawte hi tun aia uluk leh fimkhur zawka humhalh ni rawh se” tih chu lungrual taka pass a ni. (c) “Chhiatrupna laka inven dan zirtirna hi thingtlang lamah neih a nih ve theih nan Central YMA in hma la rawh se” tih chu pawm a ni.

2. Sorkar khawih : (a) “Mizoramah Paper Mills din a nih theih nan Sorkarah ngenna siam nise” tih chu pawm a ni. (b) “Drugs License Sorkar in a pek dawnin License diltu awmna Group emaw Branch emaw hriatpuina lehkha tel ngei a pek a nih theih nan hmalak ni rawhse.” tih rawtna chu a thu siam\ha in “Drugs License Sorkar in a pek dawnin License diltu awmna Branch YMA hriatpuina lehkha tel ngei a pek a nih theih nan hmalak ni rawhse.” ti a pawm a ni.

3. Kumpuan rawtna: Kum 2014 - 2015 chhunga kumpuan atana rawtna lut ‘Ram leh hnam humhalh’ tih leh ‘Intodelh’ chu palai ten ban phara bukin “Ram leh hnam humhalh” tih chu pawm a ni.

4. kum 2015 yma gen. conference thlen dilna: Kum 2015 YMA Gen. Conference thlen dil a\angin a diltu ten an dilchhan an sawi a, lungrual takin Zampuimanga Group Bairabi ah nghah nise tih a ni.

5. chhiatni kaihhruaina : Chhiatni kaihhruaina siam\ha tura rawtna lut hrang hrangte chu hetiang hian siam\hat a ni :
(1) Zualko chung changah Serial No. (k) na “Hmun khatah tam tak intir lo ila, khawpuiah phei chuan pahnih pawhin veng tam tak a kawp theih a ni.” tih hi paih nise tih a ni.
(2) Thil khawn chung changah pawisa leh buhfai khawn tur zat tarlang lovin Branch tinin mahni veng mil angzelin mitthi chhungte tana khawn hi kalpui nise tih a ni. (3) Thlanlaih chung changah Sub.No. (h) belhin ‘thlan laih lawk emaw, hlawhfa a thlan laih hi Branch te remchan dan anga kalpui nise tih a ni. (4) Imphum thu-ah zing dar 9:00 hmalama thi chu a ni la la a inphum nise, \ul bik awmah chuan YMA hruaitute leh mitthi chhungte inbiakremna angin kal ila. (5) Mitthi vui chung changah Sub. No. (e) chu hetiang hian thlak a ni - “Thlan vur hi YMA ten tlawmngaia kan inpui \hin hi a mawi a, makpa leh tu leh fa ten kan mawhphurhna a ni tih erawh hriat a \ha.
- Issue lehah chhunzawm a ni ang.

PAGE - 2

EDITORIAL :

Tunge mawh phur zawk
Hranghlui nge |hangthar
    Hmasang a\ang tawhin Hlimen a\ang hian Politics lam leh zirna kawngah te, sorkar hna lamah leh infiamna lamah te michhuanawm tak tak engemaw zat an lo chhuak tawh \hin. Chung mite avang chuan Hlimen pawh hian chawimawi mleh hming\hat hlawhin, ram leh mipui hriat a lo hlawh tawh \hin. Chung hunlai chuan veng/khua malah chuan Hlimen hi tuma elphak lohva chung en a ni \hin. Hun a lokal zel a, kan michhuanawm tam takte chuan mual min liamsanin chatuan ram min pansan tawh hlawm a, \hangthar hun a inherchhuak a, a \ha lam zawnga Hlimen khawtlangin ram mipui hriat alo hlawh \hin nate chuan chuai lam a pan mek zel em ni chu aw.. a tih theih ta rum rum mai.
    Thingtlang tia kan hnuai en leh kan aia khaw tê zawk tam tak ten hmasawnna leh changkanna lam panin min tlansan zung zung ta mai niin a lang ta. Hmana Hlimen; kawng tinreng a tluk loh (chungen) a lo en \hin tute chuan chhuk zawngin min thlir fur ta mai zawng a nih hi. Tunge mawhphur zawk, hranghlui nge \hangtharte?
    Kan mihmasa, politics lam leh zirna leh infiamna leh sorkar a hna pawimawh Officer hote khan hun lokal zel tur thlir a; mahni theihna zawn \heuh a sorkar a Develop na khawtlang tana hui nachang an lohriat loh vangte, tin, sorkar Deptt. a thil tithei ve chin hmun a ding; Officer tling pha chin ten sorkar hna a Hlimen \halaite an phak tawk ang thawh tura thun nachang an hriat loh vang nge aw... Chhanna a inanglo hlawm hle ang, tumah indem tawn hman a ni love.
    Hmana Hlimen khan a hming a la thlak lova, tunah pawh Hlimen a la ni reng tho a, a chhunga cheng \hangtharte erawh kan harhchhuah a; thluak fim nen puanven sawichhing a \anlak a pawimawh ta. A \ha lama ram mipui ten Hlimen an hriat a, an chung en leh theih nan veng dangin \hahnem minngaihpui dawn lo a ni. Zoram tluanah Hlimen in parmawi a chhuah leh theih nan \hangthar ten mawh i la ngam ang u.

ZIAKTUTE HUANG :

CYMA PRESIDENT THUCHAH
- Lalbiakzuala
    Kan zosap missionary leh kan mi hmasa ten an lo din YMA chu kum 79 a lo tling ta a, hun kal tawhah kan ram leh hnam tan theihtawp chhuahin hna a lo thawk tawh \hin a, a la thawk mek a, zam lovin a la thawk zel bawk ang. Kan hriat tur pawimawh tak chu tunhma YMA leh vawiin a YMA kaldan a inang ta lo deuh hi a ni. Tuna kan hmuh leh hriat, min chenchilhtu thil tam tak hi tunhma a thil awm ngai lo leh hriat loh tam tak a ni a, chuvang chuan YMA pawhin a thiltum tihlawhtling zel siin a kaldan a tidanglam lo thei ta lo. Vawiinah chuan hmanlai a YMA social na a ‘E khai, nui rawh u, hlim rawh u..ha ha ha ha ha” tia kutbeng a zai hup hup a, fiamthu nena nuih thler vak vak leh bawngtuthlawh nena luikawr haifai leh mai \hin hun kha a lo tawk ta lova, he ram leh hnam damna tur a ni a, leilung faten kan chanvo dik kan chan a, kan humhalh dawn a nih chuan; \awngka a ngenna in awmzia a neih tawh si loh chuan tunhma a YMA tih ngai loh leh leh hriat ngai loh- ram leh hnam tana kawgzawh, Total Bandh, office kai tur dan tih zawnga hmalak a lo \ul ta a nih hi.!!
    Chutihrual chuan eng anga nasain hma la mah ila YMA thuvawn - |anpui ngaite \anpui tih erawh kan hlamchhiah thiang lovang. YMA hi \hang uak uakin, member pung thur thur mah ila, a thuvawn |anpui ngaite \anpui tih hi kan kalsan a nih ngat chuan pawl hlauhawm berah kan chhuah anga, miin an fate telna tlak pawlah an ngai lovanga, a zahawmna leh ropuina a hloh ang a, kan mithmuh lai ngeiin YMA hi kan vuiliam ngei ang.
    Khawtlang lama kan chhiatna zawnga, khawvel leh India mipuite mithmuha Mizote a chhe thei ang bera min hektu Tuikuk avangin harsatna kan la tawk reng a, namahni leh anmahni insawi\haih a Tripura a tlanchhia te chu kum 1995 Electoral Roll-a hming chuang leh an thlahte chu Mizoramah lokir rawh se ti a kan auh lawm lawm laiin, misual \henkhat vaubehna avangin an lokir duh lo, lo kir duh lo na na na chu lokir lo rawh se. He ram hian kan mamawh hran love kan ti a nih hi. Chung lo kir duhlote chu Mizoram Electoral Roll a\anga an hming paih a nih theih nan theihtawp kan chhuah zel ang.
    Mizoram chhim leh khawthlang lamah amaka maka tamin Chakma te an pung zel a, vawiinah chuansorkar a mutthluk rei luatah harsatna kan tawk ta. Tute emaw ngaihtuah chian loh avangin Chakma Autonomous District Council te hial an lo nei ta a, Chakma tan lo chuan CADC huamchhungah inhmun loram pawh a neih theih tawh lova, ram leilung fate hi kan ramah ngei mikhual chan chang kan lo ni ta a nih hi. Tu thiam loh nge le? Village Population Register hmangin Chakma chhiarpui kan nei dawn a, Bangladesh a\anga Chakma lo lutru kan hmuhchhuah chu ram dan hmanga Bangladesh-a thawnkir an nih theih ngei nan YMA in theih tawp kan chhuah ang.
-Issue lehah chhunzawm a ni ang.

PAGE - 3

HRIATTIRNA :

ELECTORAL ROLL REVISION CHUNG CHANG
    Electoral Roll Special Revision neih mek a ni a, E.Roll a hming thunluh, transfer, Correction duhte chuan ahnuaia mite hnenah hian November ni 10, 2014 aia tlai lovah dilna form lain dil theih a ni. Hming thun thar dilte chu 1.1.2015 a kum 18 tling (1.1.1997 leh a hma lama piang) an ni tur a ni. Kum tling tharte tan Birth Certificate Xerox copy leh thlalak (Passport size) copy khat thil tel tur a ni. Tin, transfer leh correction dilte tan thlalak copy khat thil tel bawk tur a ni. Dilna turte:-
    1. Booth No.I (Kawngpui thlanglam)
Pu Duhthusama,Ph. 9436199909 BLO hnenah.
    2. Booth No.II (Kawngpui chhaklam)
Pu Lallawmzuala, Ph. 8974243438, BLO hnenah.

Luidung humhalh thu
    Samlukhai Branch YMA chuan kan ramchhunga luidungte ngawrh lehzuala humhalh turin hmalakna kan kalpui zel a, a bikin |hiak nen a kan inkar lui Changte hi hmundang a\ang pawhin lui kal nana kan hman \hin a nih avangin heng ahnuai a dan leh hrai te hi kan han siam a ni :-
1. Sangha fuan man leh khawih khap tlat a ni.
2. Sangha fuan hunchhung Oct. ni 15 a\angin November thla chhung luidungah sangha manna lam chi reng reng kenga lui kal khap a ni.
3. Sangha fuan man leh khawih hmuha man an nih chuan mi pakhatah ` 1,000/- chawitir an ni anga, an pawisa chawei tur hi ni 7 ralhma a an pe lo a nih chuan Committee in a \ul angin an chungchang a kalpui ang.
    Note : He dan hi sangha fuan hunchhung mai bakah a hnu lamah pawh ngawrh taka kalpui zel tur a ni.

    Sd/- Lalramthara   Sd/- R.Ramnunmawia
    President   Secretary
Samlukhai Branch YMA

Sana chhar
    Sana la \ha tak chhar a ni a, a neitu chuan a awmdan/a nihphung chiang taka sawiin Pu Lalhmuchhuaka, Branch YMA Treasurer te inah lam theih reng a ni. Sana tibo kan awm chuan arang lama ngaihven a \ha ang.

I fimkhur ang u
    Mitin ten a tel lo a kan awm theih loh, Electric Power hi a pawimawh dan leh kan chhawr dan chu sawi kher pawh a ngai awm love, tluang tak leh \ha taka power kan neih theih nan kan hman danah fimkhur a ngai hle. Phalna nei lo a Heater hman ruk te leh bahruk te hi lungin tan theihna a tling a. Chumai bakah a khawlpui(transformer) in a tuarin a chhiat phah thei a ni tih hriat a, danin a phal baka Electric (power) hi hmang lo turin mipui te kan in hriattir a. Electric(power) tluang taka kan neih theih nan I fimkhur ang u.

LAWRKHAWM :

MRB Account hawng
    Oct. ni 17, 2014(zirtawpni) khan Mizoram Rural Bank , Kulikawn Branch a thawktu te chu Hlimen ah lokal in Account hawn runpui an rawn buatsaih leh a, Mi 40 bawr velin account hi an hawng thar leh a ni.
    He Account hawnna hi Local Council Office ah neih a niin Local Council ten an lo \awiawm a ni. Heti hian kumin a account hawn runpui a MRB, Kulikawn Branch hnuaia kan veng mi Account hawng te hi mi 200 bawr vel kan awm thar ta a ni. Rural bank a Account hawng tu ten kan Account ti chet\hat hi a pawimawh hle a, MRB hi \angkai taka kan hman a, kan Account te kan khawichet \hat chuan Account neitu tan ham\hatna a awm mai bakah kan vengin Bank kan neih theih phah thei niin hotu lam te hian an sawi a ni.

Balcony siam
    Central Workshop peng a\anga Hlimen Vengthar/ Hlimen Playground panna kawng, Motor atlang theih nana Balcony siam chu thawh mek zel a ni. Tun kar hian a ban bul lam chu peih fel hman rin a nih thu kan dawng a. He hna hi Local Council ten buaipuiin, sum awmsa engmah awm lova thawh a ni. Helai kawng hi a tlang ngei theih nan Local Council ten theihtawpin LAD an dawr a, he kawng hi siam a ni ta a ni. Hetiang khawtlang nu leh pa kan nei hi a lawmawm hle a ni.
    Tin, helai ram neitu ten an ram khawtlang tan ti a phal taka an hmantir avangin khawtlang hruaitu te pawh ram neitu te chungah an lawm hle niin thu kan dawng bawk. Khawtlang tana mi inphal kan awm zel hi a lawmawmin vengin hma a sawn phah hle a ni.

Commisionned nei thar
    Chhandamna sipai pawl, Hlimen Corps a Local Officer 4 chu Commissionned(nemngheh) an ni a, chung mite chu : Pu Zoramhmangaiha, Pu Lal\huamluaia, Pu Lal\anzuala leh Pu C. Lallawmzuala(Melthum) te an ni.

Fai hi hriselna a ni
    Faina hapta chu kan hmang zo ta a, khawlai leh mimal compound te pawh a faiin hmuh a la nuam hle. Chutih lai erawh chuan ranvulh tu ten kan ranvulh te, a bik takin Ui kan chhuah zalen lutuk a, khawlai fai \ha laiah Ui ek hmuh tur a awm leh ta fo mai. Tun hnai mai a DC thu chhuah thar leh angin, Ui kan vulh duh a nih chuan kan khuahkhirh tur a ni. Ui khuahkhirh loh hian veng a ti\awp a. Tin, mi pawi an khawih a, kut palh an tuar a nih chuan a neitute mawhphurna a ni.
    Tin, khawlai a kal naupang leh puitling ten bawlhhlawh khawlai fai \ha lai apaih mai ching kan tam leh \an ta. Hei hian kan mawl zia a tarlang hle a ni. Hriselna kna vawn him zel theih nan fai hi i uar ang u.

Hringnun......

Naupangte hian zilh hautu aiin entawn tur mi \ha an mamawh zawk.
He leia kan ro, vanram thlenga kan chhawm theih awmchhun chu kan fate hi an ni a. Engtiangin nge i fate i enkawl le ??

PAGE - 4

KEIMAHNI :
Hlimkhawpui Budget
    Hlimkhawpui 2014 Sept. thla Budget pe tla tawh te:
1.   Saichhuma Sec.   2. Lalsavunga Sec.
3.   Kapdaia Sec.   4. Damvea Sec.
5.   Buala Sec.

    Lalsavunga Sec. ten December thla thleng an tlak ta a, Damvea Sec. ten October thla Budget an pe tla tawh bawk.

Saichhuma Section
    Oct. ni 24, 2014 (Zirtawpni) khian Daifim Picnic Spot (Sihhmui) ah Member te intihhlimna hun neih a ni dawn a, member a tam thei ang ber kal turin kan insawm a, member kal tur te chu Venglaikawnah zing dar 8:30 ah kim \hap tawh tur a ni, buhfai No 1 ken bawk tur a ni. Tin, Member tel tur ten mi pakhat tan ` 100 thawh \heuh tur a ni a, tunkar chho hian hruaitu ten an rawn khawn \an dawn a, lo inring lawk turin kan inhriattir e.
    Tin, member te intihhlimna atana sum kan indaih loh hlauva inhlawhna min siamsaktu Pi Zamliani chungah leh hemi \uma hnatlang a thawkchhuak zawng zawngte chungah lawmthu kan sawi a.

Buala Section
    Section Ticket siam chu remchan zawkna avangin Oct. ni 25, 2014(inrinni) ah vawr tura sawn a ni a, ticket hi la zawrh zel a ni a, tlawmngaia min lo leisak zel turin kan in ngen e.
    Oct. ni 31, 2014(inrinni) hian BS Picnic Spot-ah Section intuaitharna neih paha intihhlim neih tur a ni a, hemi ni zing dar 8:30 ah Mualzawl a\anga chhuak thei tur a kal tur te chu in peih hman vek tur a ni ang. Tin, Member kal tur te chu Oct. ni 28, 2014(thawhlehni) ralhmain Section hruaitu te hnenah in report vek tur a ni. Ei leh in leh kal na hi ngaihtuah ran angaih avangin kal tum te chu in Report hunchhung ngei a in report vek tur a ni a. Hemi hnu a in Report te chu ngaihtuah kep in nih dawn loh avangin kal lo tur anga ngaih in ni ang.

YMA Hall choka siam hnatlang
    Oct. ni 25, 2014(inrinni) khian Branch OB leh Property Secretary te leh Pu Zoramhmangaiha Commtt. member ten YMA Hall Choka siam\hat hnatlang an nei dawn a. hemi ni hian Sound System te dah felna tur leh \ul dang te an siam dawn a ni.

YMA bungrua chung chang
    YMA bungrua hawh \hin tu ten bungrua kan hawhchhuahin kim taka dah leh \hin ni sela, tin, fai taka leh nachang hre bawk ila. Tin, hawhman te siam a niin hawh man pek hi ngai pawimawh ila a lawmawm hle ang.
Sd/- Property Secretary

CHHIARTUTE NGAIHDAN :

@@    I tu leh fate seilenna atana i khua/ veng, Hlimen hi a chhiat a \hatah mawhphurhna i la ngam tur a ni a, ruih bosan mai mai te, ruihhlo zawrh san mai mai te i chin zel chuan i tu leh fate chu dam reng chung si hian an nunna i hloh/chan der thei asin.

- Zethup
@@    Kum tawp lam kan hmang chho mek a, pawl hrang hrang ten intihhlimna lam an hawi chho mek zel bawk a, Pawl Activity hrang hrang, eg. Hnatlan nikhua te a thawhchhuah nachang hre lova, intihhlim nikhua a kei ber emaw inti a buaipui ngai leh a phur ber ber a kan \ang leh si hi sim atan ava \ha em....

- RD Ralte

@@    Tunlaiin Ui leh Ruihhlo zuar an zalen leh ta hle mai, Veng hmasawn lo zia tarlangtu langsar tak mai niin ka hria. Hma han la teh u’n.

-B.towski

Lawrkhawm chhunzawmna...

Lawmthu leh hriattirna
    Faina Hapta chu kan veng pawhin kan hmang \ha in, khawtlang kan \angrual hle a, NGO hrang hrang - YMA, MUP leh MHIP te nena kan thawhhona ah te thinglung takin lawmthu kan sawi a. Tin, Hlimen a zirna School hrang hrang a zirtirtute leh naupang ten kan ngenna ngaipawimawh a vengchhung a huho a an tifai kan hmuh khan ropui kan va ti ti em !!!. Tin, tha thlah miah lova, Faina Sub- Committee, Hlimen Branch YMA ten hma an la kha an fakawm tak zet a ni. Chhungtin te pawh kan \ang tlangin, kan veng thler tin mai chu hmuh a nuam ta hle. Faina hapta chu khar lo ni tawh mah se, mitin ten \an i la zel ang u. Kan veng a bawlhhlawh tam zawk hi tu veng pa/nu bawlhhlawh a ni lo. A chhunga cheng te bawllhlawh siam hi za a sawmkua panga lai a ni awm e. Chuvangin, kan veng faina leh thianghlimna kan mawhphurh liau liau a ni a. Tin, PPP mode hi \angkai lehzualin hman i tum tlat ang u.
    Tin, kan veng hmai ti baltu pakhat chu kan ran khuahkhirh lo lutuk hi a ni a, a bikin, Ui khawlai a tla mai mai hian veng hmai a tibal takzet a, a neituten nasa lehzualin i khuahkhirh ang u. Faina leh thianghlimna kawngah \an la deuh deuh turin kan in sawm takzet a ni.

    Sd/- Lalhmingliana
    Chairman Local Council

Advertisement....

Kan lo siam sak ang che
    Hmun hla zawk pana sum sen a ngai ta lo, Melthum Bonanza Stone Crusher awmna \hinah khan; heng - Tukverh Frame leh Bar. Rolling Shutter, Spiral Step, Wheelbarrow, Signboard Frame, Roof Truss, Collapsible Ghat leh i mamawh dang chi hrang hrang kan lo siamsak ang che.
    E !!! taka, koh theih pawh kan ni a sin.

    RDS STEEL FABRICATION
    Contact No. 9862950707
    Melthum

Friday, 10 October 2014

Khuangchawi Thla Ni 11, 2014, Issue No. 41

PAGE - 1

TUALCHHUNG :

Boral : Oct. 5, 2014(Pathianni) khan Pu Sikula Lalsavunga Sec. a mi chu Cancer natna avangin a boral.

Damlo : Lalrinfela S/o R.Lalchhandama, Damvea Sec. a mi chu zunkawng \ha lo leh thisen var (white blood) tlakchham avangin Alpha Hospital, Kulikawn ah Oct. ni 9, 2014 khan Admit a ni a. He thu buatsaih lai thleng hian Hospital lamah enkawl mek a ni.
@@    Pi Ralliani m/o Lalhuthanga, Buala Sec. a mi chu taksa chau leh bawrhsawmna avangin Doctor panpui \hin a ni a, tunah In lamah enkawl mek a ni.

Tuak thar : Oct. ni 8, 2014(nilaini) khan Zoliansanga S/o Vankhuma Saichhuma Sec. a mi leh Zodinsangi D/o Lalrawna Bethlehem vengthlang a mi te chuan kumkhua a nupa ni turin ‘tiam tlat e’ an ti.
@@    Andrew Lalrinchhana S/o C. Lalkunga Saichhuma leh Rebec Lalthansangi D/o HS Lalfakzuala lunglei te pawhin dam chhunga nupa ni tawh turin ‘tiam tlat e’ an ti bawk.

Nau nei: Euniky Lalawmpui D/o Lalvulliana Buala Sec. a mi chuan Oct. ni 6, 2014(thawh\anni) khan Kulikawn Hospital-ah naute mipa duhawm tak a nei thar.

@@    Pu Johny Lalhruaizela te nupa, Vawmphunga Sec. a mite chuan an fahmingkoh ni turin Oct. ni 8, 2014 khan fanu duhawm tak an nei thar.

*****************************************************************************************

HRIATTIRNA
    Mizoram Sorkar thupek angin Aizawl District chhung khaw hrang hrangah Revenue Deptt. chuan huan lo ram Survey (Land record Survey) beihpui a thlak dawn a. Ram pass nei leh \ha taka enkawltu chuan mahni ram neihna khua LCP hnenah pass Copy nen Oct. ni 31, 2014 ralhmain hriattir tur a ni. Mahni awm thei lo tur chuan aiawh tirh tur a ni.
    Sd/- R.Lalramnghaka
    Director
    Land Revenue & Settlement
    Gov’t. of Mizoram

FRONT :

FAINA HAPTA CHU KHAR A NI TA

    Oct. ni 9, 2014(ningani) khan Faina Hapta chu Hlimen ah pawh a kharna hun neih pahin Hlimen a Schhol hrang hrang a zirtirtu leh naupang te nen vantlang hmun tihfai hnatlang neiin khar a ni ta.
    Faina Hapta kharna hun chungchangah hian Local Council leh Faina Sub Committee, Hlimen Branch YMA ten ruahmanna an lo siam tawh chu bawhzuiin Oct. ni 9, 2014 khan hman a ni a, Local Council chuan vengchhunga zirna in hrang hrang te lehkha pe vekin, zirna school hrang hrang te an tel kim hle a ni a, an zitirtu te an phur em em bawk. Hemi ni dar 10am ah Venglaikhawnah intawhkhawm a ni a, Pu Lalrinmawia, Chairman Faina Sub committee-in kaihruaiin, Pu Robuanga Vice Chairman Faina Sub Committee in thu tawi sawina hun a hmang a, faina kawnga naupangte pawimawhzia te a sawi a ni.
    Hemi hnu hian School hrang hrang te chu Group hnih ah in\hen in, Group khatna in Venglaikawn a\angin Hlimen - Melthum ramri thlengin, kawng dung leh a bul vel an ti fai a, Group hnihna ten Venglai a\anga \an in Vengthlang lam an hrut thung a ni.
    Group a \hen te hian an hmabak an zawh ve ve hnuin YMA Hall-ah chhun chawlh neiin theitui an in ho a, hemi hnu hian a hlawmin Quarry veng lam an hrut leh a, Central workshop an thleng thla a ni. Hemi hnu hian YMA Hall-ah kir leh in, a kharna inkhawm tawi chu hman a ni a, Pu Lalrinmawia’n kaihruaiin Faina leh thiamna hi kalkawp tlat a nih thu te, zirlai te chu faina kawnga zirtirtu an nih theih zia te a sawi a, hemi hnu hian Pu J. Vanlalbiakdika Secy, Local Council, Faina Sub-Committee Secy. ni bawk chuan zirlai leh zirtirtu lokal zawng zawng te chungah lawmthu sawiin, kum 2014 Faina hapta chu khar a ni ta a ni.
    Kumin Faina hapta ah hian khawtlang kan \angrualin, thawhhona a \ha takzet a, Oct. ni 2, 2014 kha a hawnna hun mumal tak neih a lo ni tawh bawk a ni. Hetiang zela kan kal chuan kan veng hian hmabak eng tak kan nei tih a lang chiang hle a ni.
    Khawtlang fai hi veng hmel lanna hmasa a nih avangin tun aia chhungtin, vengchhunga Dept. tin, Zirna in leh NGO’s leh kohhran hrang hrang ten \an kan lak erawh a la ngai hle a. Tin, kum lama upa zawk te pawh hian kan tu leh fa te kan tluk lovin kan che pawlawh zawk em aw tih theih turin kan bawlhlawh paih danah hian a ngaihruat theih bawk. Khawtlang faina tur hian keimahni kan pawimawh ber a nih tih hria in; inlungrualna leh thawhhona \ha hi dinchhuahna a ni tih hria ila, Hlimen i vawng fai zel ang u. Hei hi Hlimen a ni si a.

PAGE - 2

EDITORIAL :

Y.M.A. KUMPUAN
    Kan hriat angin YMA Gen. Conference vawi 69-na Puma Zai Run, Ratu a neih zawh taka rorel palai kalkhawmte chuan YMA Kumpuan atan ram leh hnam humhalh tih chu lungrual takin kum 2015 kumpuan atan an lo pass leh ta a. Sawi tawh angin he thupui hi kum 9 zet hman a lo ni tawh a, kum 2015 atana puan a lo ni leh ta hi kum 10 na tur a ni. Ram leh hnam humhalh a \ulna leh a pawimawhna; mithiam te leh \hahnem ngai tu ten an sawi kan hre fo tawh awm e. Ram leh hnam humhalh nachang hre lo, hnam chimral a awm tate chanchin khawngaihthlak ziate pawh kan hre fo awm e, tun \umah chuan kan sawi hman rih dawn lo.
    Ram leh hnam humhalhna tura rahbi hmasa a tana pawimawh ni a ka lo hriat ve tarlan ka duh chu YMA Branch tin hian pi leh pu hunlai a\anga vawiin thlenga khawvel hma a hnam anga min phochhuaktu; hnam rohlu tlawmngaihna, rinawmna leh hawihhawmna te hi kan khawtlang \heuh a tun aia nasa lehzual a humhalhna hna thawh nise, chu chuan ram leh hnam a nghawng anga, kumpuan chu nasa takin a tihlawhtling ngeiin ka ring tlat a ni.
    Ram leh hnamin hma a sawn zel a, zofate chu kan lo changkang chho ve zel a. Ram hmasawnna leh changkanna chuan kan hnam rohlu, mizo te minti mizotu tlawmngaihna, rinawmna, hawihhawmna, aiaupa zahna etc.. chu dawidimin buh a ei \awih \hin ang maiin khawtlang \halai nunte chu hmasawnna chuan a ei chhe hret hret zel zawng a nih hi. Heng kan hnam nun zemawi; Zofate rohlu hi kan thlahthlam zel chuan kan ram leh hnam hi engtikawng mahin kan humhalhin a rinawm loh.
    YMA kumpuan tihhlawhtlin nan YMA Branch tin te hi \an hmasak hle hi a pawimawh hmasain ka lo hre ve a.

ZIAKTUTE HUANG :

Kawng tlang thei dawn ta
- By Local Council, Hlimen

    Central Workshop a\anga vengthar/ Field panna kawng chu Motor kal thei tura laih tlang a ni dawn ta. Kum 1992 a Hlimen Quarry chim avanga, Quarry chim chhunga chungkuate chenna/ khawsakna turin sawrkarin tuna Vengthar hi min dahsak a ni a, kum 1995 velah helai hmunah bawk hian sawrkarin playground min dahsak leh a; chhungkaw tamtak khawsakna leh \halaite infiamna hmunpui ber a lo ni ta a, he hmun pawimawh tak mai hi a panna Mauhakkawn lam a\ang chauhin motor kalpawh theih in a tlang a, a kawng a chhuk chhoh deuh avangin motor chak deuh tan lo phei chuan kal hleihtheih loh a nih mai bakah, a kual/a va hla deuh a. Chutihlaiin, a hnuk hnai zawk leh kawng zâl zawk tur lam- Central Workshop lam a\anga panna kawng chu engemaw chen laih ni tawh mah se vawiin thlengin laih tlang lohin a la awm a ni.
    Vengchhung inkalpawhna mai bakah kan \halaite infiamna hmunpui ber leh chhungkaw tam tak khawsakna a nih avangin Local Council ten Motor kawng a tlang ngei theih na turin kum 2012 a\ang khan hma kan la ngar ngar tawh a, Dept. hrang hrangah leh MP Fund thlenga beiseiin, hemi atan hian dilna pawh vawi tam siam niin bawhzui a ni a. Kum 2012 khan vanneihthlak takin Rajya Sabha MP fund a\angin 32mts a thui siamna tur hmuin, helai ram neitu te nen kan lo siam/lai tawh a, hemi hnu hian a tlang ngei theihna turin; insenso a\ul pawha inhuamna thuk tak neiin sawrkar hotute hnenah kan dilin, kan bawhzui zel a, tunhnaiah LAD lam ten a pawimawhna leh a tlang ngei theih nana kan inhuamnate min hriatthiamsakin, kan dilna chu sum awmlo mah se a remchan hun hun a pek turin thawh min phalsak ta a. Local Council ten Motor kawng tlang tir ngei kan duh avangin sum puk chawp pawhin huai takin Risk inhuamin, sum awm lo leh Estimate Amount engmah hriat ni lo mah se tunah hian thawk turin hma kan lain, kan inbuatsaih tih khawtlang mipui te kan hriattir duh a.
    A ram neitute- Pu Thanseia Lunglei leh helai hmuna khawsa a nau te- Pu Remthangkhuma leh Pu Lalrintluanga te chhungkua pawhin Hlimkhawpui hmasawnna tur a nih phawt chuan tiin phal takin/ inhawng takin Balcony siam/laih tlang an phal a, an chungah khawtlang aiawhin Local Council ten lawmthu kan sawi tak meuh meuh a ni. Hetiang mi inphalte avang hian khawtlang/ram hian hma a sawn chakin, a nawm phah hle a. Chutihrualin, khawtlang nekchep leh ram/khawtlang hmasawnna tur ngaihtuah hauh lo, mahni hmazawn chauh thlir- te avangin khawtlang a chepin a hrehawm a, hmasawn lo leh \hing rengin khawtlang/ ram hi a awm phah thei tih kan hriat tlan a, kan hmangaih “HLIMKHAWPUI’ hi veng nuam leh hmasawn, kan tu leh fate tana chenna nuam a nih theih nan chhungtinte kan inhawn a pawimawh tak meuh meuh a ni.
    Vengthara chhungkuate leh kan \halai infiam mite tan mai bakah kan zavai atan- veng hmasawn tura thil\ul tak leh pawimawh tak a nih avanga Local Council ten kan hmalakna/inhuamna leh ram neitute inpekna avanga Kawng laih tlang a nih dawn takah hian insawisel leh inhektawn a, khawtlang hmasawnna dal zawnga tumah che lo tur leh khawtlang mipui te kan \anrual a, min enpuia, thurawnte min pe zawk a, kan khawtlang hmsawna tura inlungrualna leh inpumkhatna a pawimawhzia hria a, thawkho zel turin mipuite kan ngenin, kan sawm tak meuh meuh che u a ni.

PAGE - 3

HRIATTIRNA :

AMC thuchhuak
    Bawlhhlawh a paihna hmun lova paih hi The Mizoram Municipality Act, 2007, Sec. 157 kalh a ni a. He Dan bawhchhiate chu ` 200/- thleng chawitir a hrem theih an ni a, hremna pawisa chawitir hnu pawh a la zawmlo te chu nitin ` 20/- zel chawi belh tir theih an ni.
( Memo No. M.14013/1/2013-AMC)

Sd/- M. Zohmingthangi
Chief Executive Officer, AMC

Notice
    Ministry of MS & ME Govt. of India chaun XII Five Year plan chhungin Revamped SFURTI (Village Industries Cluster) hnuaiah heng industry tenau i.e Beekeeping, Cane & Bamboo, Food Processing, Pottery, Brass Material, Traditional Jewellery etc. hetiang lama tui mite (hma la thei tur Institution) Implementing Agency atana thawk thei tur a duh a, Village Council emaw Panchayati Raj Institution (PRI) emaw Central state Agencies remchang he SFURTI cluster hnuai a PIA hna dil duh te chuan KVIC website (www.kvic.org.in) a\anga download emaw advertisment chhuak a\angin emaw dilna theh luh theih a ni a, hemi chungchang hrechiang duh chuan Nodal Agency, KVIC Ph No: 002-26711577 & 011 - 23365302 emaw Mizoram KVI office Aizawl ah zawh fiah theih a ni.

Sd/- H. Lalhmingthanga
Sub- Division Officer (sadar)
Aizawl District, Aizawl

YMA bungrua chung chang
    YMA bungrua hawh \hin tu ten bungrua kan hawhchhuahin kim taka dah leh \hin ni sela, tin, fai taka leh nachang hre bawk ila. Tin, hawhman te siam a niin hawhman pek hi ngaipawimawh ila a lawmawm hle ang.
Sd/- Property Secretary

Local Council hriattirna
    Kum 2012 - 2013 chhunga AMC in In tinte zirchianna (survey) an neih a\anga In tinte number Unique Property Identification Number (UPIN) a pek chu AMC a\angin a lo thleng tawh a, Local Council Office-ah Oct. ni 13, 2014 (Thawh\anni) zing a\angin a lam theih tih chhungtinte kan inhriattir a ni e.
    He (UPIN) hi AMC a\anga lehkha lokal reng reng leh keini lam pawhin office (AMC) kan dawrna reng rengah AMC lam hian an phut tel tawh dawn bawk a ni.
    Tin, kan In luah lai sak \hat/ siam \hat/ hralh \hen emaw a nihphung thlak danglam a nih chuan number (UPIN) pek vek a nih avangin AMC Office ah ni 30 chhungin hriattir a \ul dawn bawk a ni.

Sd/- Lalhmingliana, Chairman.
Local Council

LAWRKHAWM :

Chhiattawh achunga lawmthu
    Oct. ni 5, 2014 (Pathianni) a kan pa Sikula’n min boralsan chung changah leh a damloh chhung zawnga kohhran ho leh khawtlang mipui ten min hmangaih a, kan chunga in\hatna sum leh pai mai bakah hun hlu tak senga in mi \anpuina zawng zawngah lawmthu kan sawi a ni.
    Tin, a ruang tlaivar/lumen ngai a ni a, chuta min tlaivarpui tute, a tuka amah thlahna huna hun hlu tak senga min thlahliampui tute mai bakah a thlan hmun atana kan duhthusam na hmun ngeia \ha taka min laihsakna ah leh vawiin thlenga kan khawhar leh hrehawm phal lova min lenpuitu zawng zawngte a mal malin lawmthu kan hrilh seng lo che u a, he chanchinbu kaltlanga kan lawmthu sawi hi in hnena sawiah min lo pawmsak turin kan ngen che u a ni e.
In khawngaihna dawngtu,
Nuchhungi leh a fate,
Hlimen

Assembly hmang
    Mizo Zirlai Pawl, Gen. Assembly Oct. ni 8 - 10, 2014 chhunga Farkawn a neihah Hlimen MZP Branch a\ang pawhin Member engemaw zat an kal.

Khawmpui hmang
    Pres. Kohhran Aizawl Chhim Presbyrety khawmpui chu tun Pathianni hmang hian Tlangnuam Kohhran-ah neih a ni a, Hlimen a Kohhran pathum a\angin chhimtu an \hahnem hle. Hemi hun hian T.Upa H.Vanlaltlana, Hlimen Damveng Kohhran chu Upa ni tura nemngheh a ni dawn a ni.
    Tin, UPC a kohhran hmeichhia Lady Auxiliary Department (LAD) te chuan Oct. ni 10 - 12, 2014 chhung hian District khawmpui Rengdil-ah an nei a. Hlimen a\ang pawhin he khawmpui hi engemawzat in an hmang a ni.

Champion
    Lunglei Open 2014, 2nd MBA Master Badminton Championship, Lunglei a Oct. ni 7 - 9, 2014 a khelh zawh takah Pu R.Lalbiakmawia, Damvea Sec. a mi chu 35+Yr above ah Singles ah a Champion a, Doubles ah a kawppui nen an Champion bawk. A hlawhtlinna E.B. ten kan lawmpui takzet zet e.

Faina chung chang
    Tunah chuan faina chung changah hmalakna a \ha bawk a, khawlai leh mimal In leh avel pawh hmuh a nuamin a zahawm ta hle. Veng fai leh thianghlim, zahawm kan nih zel theih nan mahni In leh Compound \heuh vawnfai zel nise, khawlaiah kan thil eina kawr leh bawlhhlawh paih mai mai lovin a bawmah paih zel ila, a tifaitu nih i peih lo a nih pawhin a tihnawk (bal) tu nih loh hram i tum ang u.

Advertisement ....

HSG SECURITY
GOVT. Approve
Tunlai khawvel sualna pung zelah zanah thlamuang tak leh him taka i awm theih nan zankhatah cheng 30 lek chawiin, i In, dawr, kudam, Motor, School etc. kan vensak thei a che.
Hrechiang duh tan a hnuaia Contact Number ah hian kan zawhfiah theih reng e.
Contact : 8132831825

PAGE - 4

KEIMAHNI :
Hlimkhawpui Budget
    Hlimkhawpui 2014 Sept. thla Budget pe tla tawh te:
1.   Saichhuma Sec.   2. Lalsavunga Sec.
3.   Kapdaia Sec.   4. Damvea Sec.
5.   Buala Sec.

    Lalsavunga Sec. ten December thla thleng an tlak ta a, Damvea Sec. ten October thla Budget an pe tla tawh bawk.

YMA in ral
    Oct. ni 8, 2014 (Nilaini) zan khan Pu Sikula ralna hun Branch YMA chuan a nei a. Ralna sum tlingkhawm ` 5880 chu a chhungte hnenah hlan a ni.

Buala Section
    Section sumtuak nana Lucky ticket siam Oct. ni 18, 2014 a vawr tur tih chu remchan zawkna avangin Oct. ni 25, 2015(Inrinni) ah vawr a ni dawn a, Ticket leitu zawng zawng te hriatthiamna kan dil e.
    Tin, Ticket hi la zawrh zel a ni dawn a, tlawmngai a min lo lei sak turin kan in ngen bawk e.
    Oct. ni 11, 2014(inrinni) hian Section sumtuak nan Pu Chalhnuna te huan sam hnatlang neih a ni a, hnatlanga thawkchhuak te chungah leh inhlawhna min petu te chhungkaw chungah lawmthu kan sawi tak zet a ni.
    Tin, Section in tuai tharna BS Picnic Spot a neih tur a kal tum zawng zawng te chu Oct. ni 28, 2014(thawhlehni) ral hmain Section OB te hnenah in report vek tur a ni a, a kal tur ten ` 100 lo inrinlawk vek tur a ni a, a ranglamin hruaitu te pe lawk thei ila a \ha ang.

Sachhuma Section
    Kumtir lama kan lo rel tawh angin Saichhuma Sec. YMA chuan kan hma lawk Oct. ni 24, 2014 (Zirtawpni) khian Daifim Picnic Spot (Sihhmui) ah Member te intihhlimna hun neih a ni dawn a, member a tam thei ang ber kal turin kan insawm e. Member tel tur ten mi pakhat tan ` 100 thawh \heuh tur a ni a, tunkar chho hian hruaitu ten an rawn khawn \an dawn a, lo inring lawk turin kan inhriattir e.
    Tin, member te intihhlimna atana sum kan indaih loh hlauva inhlawhna min siamsaktu Pi Zamliani chungah leh hemi \uma hnatlang a thawkchhuak zawng zawngte chungah lawmthu kan sawi a. Pi Zamliani te huan sam a hnatlang hi Oct. ni 18, 2014 (Inrinni) ah chhunzawm leh tur a ni a. Daifim Picnic Spot a kal tum zawng zawngte chu hnatlang ngei tura hriattir kan ni e.Chaw fun tur a ni anga, chawhmeh chu Sec. in tuihnai tak a tum dawn a ni.

CHHIARTUTE NGAIHDAN :

@@ Kan venga mitthi an awma chhungtin hnena bufai leh ` 10 khawn \hin hi chhungkua tam dan ngaihtuah chuan a lut tlem \hin hle mai a. Nu leh pa ten mitthi awma In kan chhuhsan dawn a nih chuan In a awmte hnenah pawisa an rawn khawn a pek tur dah nachang hre thar leh ila, tin, a khawntute pawhin \hahnem ngai taka; kim thei ang bera khawn \hin ni sela. Heng kan thil khawn te miithi chhungte hnena hlan \hin niin ka lo hria a, chuvangin hemi kawngah hian \hahnem i ngai tlang leh \heuh teh ang u.
- RD Ralte

@@ Zan mut hun tawha thawm bengchheng siam ching awm leh \hin hi a ninawm hle. Heng mite hi tlemte an ni, sim atan a va \ha ve.
-Bartowski

KAN THEN TAK

SIKULA, 77 ( 1937-2014) : Pu Sikula hi Upa Lianhnua (L) leh Pi Vanchhingi (L) fa 10 zinga a upa ber ni turin March ni 21, 1937 khan Hlimen ah a lo piang a, an unau hi mipa 6 leh hmeichhia 4 an ni. Kum 1937 khan Rev. Chhuahkhama’n Baptisma a chan tir a. Tin, zirna lamah chuan pawl ruk a zo a ni. Chhiarkawp(Mathematics) hi a thiam zawng tak a ni a, zir sang lo mah se a aia pawl sang te pawhin chhiarkawp ah an rawn fo \hin. Amah hi nungchang \ha, mi pawisawi ngai lo, nu leh pa thu awih em em mai mi a ni a, a pa pawhin ‘ Mama hi chu hauhna tur ka hre lo’ a ti \hin. A mah hi a phaktawkah chuan inkhawm a tai a, \antu te pawh a lo ni ve tawh \hin. Pathian ram, sawm a pakhat hi a ngai pawimawh em em a, a theih ang angin a pe \hin. Natna a tuar lai pawh in Pathian thu sawi nua tiin \awng\aisak te a lawm em em thin a ni.
    Kum 1964, Sept. ni 24 khan Nuchhungi nen Rev. Liangkhaia kutah an innei a, fa panga(5) leh tû 11 a nei a ni.
    Ram hna te thawkin, bawng te a vulh \hin a, kum 1980 ah Hlimen High School ah IV Grade hna a thawk \an a, kum 2008 ah pension-in a chhuak a ni.
    Kum 2013 June thla khan a phing a Cancer tih hmuhchhuah a ni a, July ni 10, 2013 ah New Life Hospital-ah zai a ni a. Tin, Zemabawk Hospital-ah vawi 27 lai an hem bawk. Amah pawh a \ha viau a. Amaherawhchu, engemawchen hnuah inthiar lamah harsatna a nei ta tlat mai a, April ni 2, 2014 khan zai nawn leh a ni. Theihtawk in enkawl chhoh zel a ni a, Chemo te pawh khai tur a tih a ni a, amah a chak loh chhoh tak em avangin inlamah theih ang angin damdawi nen enkawl a ni. A chauh chhoh zel tak avangin an nupa inneih Golden Jubilee Sept. ni 24, 2014 (nilaini) pawh thlen zawh a in ring lo hial a ni. An inneih Golden Jubilee chu Pathian zarah damin a hmang thei a, a unau leh a faten chawhlui buatsaihin an lawmsak a, chaw erawh a kil peih lo a ni. hunserh chhung reilo te chu a \hu chhuak ve peih a ni. A natna chuan zual lam pan zelin Oct. ni 5, 2014(Pathianni) 4:15 khan natna awm tawh lohna hmun, chatuan ram min lo pansan ta a ni.